ԵԴ1/1159/01/25

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

18 ապրիլի 2025թ․ ք.Երևանում

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

նախագահությամբ
դատավոր՝ Մ․Արամյանի
քարտուղարությամբ՝ Ա․Համբարձումյանի
մասնակցությամբ`
հանրային մեղադրող՝ Հ․Հարությունյանի
մեղադրյալ՝ Է․Շահազիզյանի

դռնբաց դատական նիստում քննեց քրեական գործն ըստ մեղադրանքի` Էրիկ Արամի Շահազիզյանի /ծնված՝ 1986 թվականի նոյեմբերի 16-ին Երևան քաղաքում, ազգությամբ՝ հայ, Հայաստանի Հանրապետության քաղաքացի, նախկինում չդատված, հաշվառված ՀՀ ք.Երևան, Կալենցի փողոց, տուն 6 հասցեում/։
Էրիկ Արամի Շահազիզյանին մեղադրանք է առաջադրվել ՀՀ քրեական օրենսգրքի 344-րդ հոդվածի 1-ին մասով (2 դրվագով) և ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է կիրառվել բացակայելու արգելքը:

Դատավճռի նկարագրական մաս.
Թիվ 60244623 քրեական վարույթը նախաձեռնվել է 2023 թվականի օգոստոսի 30-ին Երևան քաղաքում։
Թիվ 60-0548-24 քրեական վարույթը նախաձեռնվել է 2024 թվականի փետրվարի 01-ին Երևան քաղաքում։
Թիվ 60-0549-24 քրեական վարույթը նախաձեռնվել է 2024 թվականի փետրվարի 01-ին Երևան քաղաքում։
2024 թվականի փետրվարի 1-ին որոշում է կայացվել թիվ 60-0548-24 և թիվ 60-0549-24 քրեական վարույթները թիվ 60244623 քրեական վարույթին միացնելու մասին։
2025 թվականի մարտի 28-ին որոշում է կայացվել Էրիկ Արամի Շահազիզյանի նկատմամբ ՀՀ քրեական օրենսգրքի 344-րդ հոդվածի 1-ին մասով, 344-րդ հոդվածի 1-ին մասով և 344-րդ հոդվածի 2-րդ մասով հանրային քրեական հետապնդում հարուցելու մասին։
2024 թվականի մարտի 28-ին մեղադրյալ Էրիկ Արամի Շահազիզյանի նկատմամբ խափանման միջոց է ընտրվել բացակայելու արգելքը։
2025 թվականի ապրիլի 04-ին ՀՀ դատախազության Կենտրոն և Նորք-Մարաշ վարչական շրջանի դատախազությունից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60244623 նախաքննական համարով քրեական գործն ըստ մեղադրանքի Էրիկ Արամի Շահազիզյանի՝ ՀՀ քրեական օրենսգրքի 344-րդ հոդվածի 1-ին մասով, 344-րդ հոդվածի 1-ին մասով և 344-րդ հոդվածի 2-րդ մասով։
2025 թվականի ապրիլի 04-ին դատավորների միջև գործերի բաշխման էլեկտրոնային մակագրության համակարգի միջոցով թիվ ԵԴ1/1159/01/25 քրեական գործը մակագրվել է ինձ:
Գործը ինձ է հանձնվել 2025 թվականի ապրիլի 07-ին:
Էրիկ Արամի Շահազիզյանին մեղադրանք է առաջադրվել հանրորեն վտանգավոր այն արարքի կատարման համար, որ նա «զրկված լինելով տրանսպորտային միջոցներ վարելու իրավունքից (զրկման ժամկետը՝ 2022թ. մայիսի 08-ից մինչև 2023թ. մայիսի 08-ը) 2023 թվականի փետրվարի 26-ին՝ ժամը 14։45-ին, Երևան քաղաքի Չարենցի փողոցում վարել է «ԲՄՎ» մակնիշի 07 VY 077 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8180168668 արձանագրությունը։(Այսուհետ 1-ին դրվագ)
Այսինքն՝ Էրիկ Արամի Շահազիզյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանք։
Բացի այդ, Էրիկ Արամի Շահազիզյանը զրկված լինելով տրանսպորտային միջոցներ վարելու իրավունքից (զրկման ժամկետը՝ 2022թ. մայիսի 08-ից մինչև 2023թ. մայիսի 08-ը) 2023 թվականի ապրիլի 29-ին՝ ժամը 14։25-ին, Երևան քաղաքի Պ.Սևակի փողոցում վարել է «Կավասակի» մակնիշի 00 NO 001 հաշվառման համարանիշի մոտոցիկլը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8180252178 արձանագրությունը։(Այսուհետ 2-րդ դրվագ)
Այսինքն՝ Էրիկ Արամի Շահազիզյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանք։
Բացի այդ, Էրիկ Արամի Շահազիզյանը տրանսպորտային միջոցներ վարելու իրավունքից զրկման ժամկետն ավարտելուց հետո, չստանալով տրանսպորտային միջոց վարելու իրավունքի վարորդական վկայական և համարվելով տրանսպորտային միջոցներ վարելու իրավունք չունեցող անձ, 2023 թվականի հունիսի 5-ին՝ ժամը 19։10-ին, գտնվելով ոչ սթափ վիճակում (սթափության վիճակի զննման կտրոնի համարը՝ 01013, մեկ լիտր արտաշնչած օդի մեջ մաքուր ալկոհոլի պարունակությունը 0.392 մգ/լ), Երևան քաղաքի Սայաթ-Նովա փողոցում վարել է «Կավասակի» մակնիշի 00 NO 001 հաշվառման համարանիշի մոտոցիկլը, ՀՀ ՆԳՆ ոստիկանության պարեկային ծառայության պարեկի կողմից կազմվել է վարչական իրավախախտման վերաբերյալ թիվ 8180252897 արձանագրությունը։(Այսուհետ 3-րդ դրվագ)
Այսինքն՝ Էրիկ Արամի Շահազիզյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք։
Այսպիսով՝ Էրիկ Արամի Շահազիզյանին մեղսագրվում են պատժի սպառնալիքով արգելված, մեղավորությամբ կատարված արարքներ՝ նախատեսված ՀՀ քրեական օրենսգրքի 344-րդ հոդվածի 1-ին մասով, 344-րդ հոդվածի 1-ին մասով և 344-րդ հոդվածի 2-րդ մասով։ Այսինքն՝ Գոռ Արմենի Մելքոնյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցավոր արարքի կատարում:
Այսպիսով՝ Գոռ Արմենի Մելքոնյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցավոր արարքների կատարում»։



Դատաքննության ընթացքում հետազոտված թույլատրելի ապացույցներ
Մեղադրյալ Էրիկ Շահազիզյանը հրաժարվեց ցուցմունք տալուց, սակայն պնդեց իր նախաքննական ցուցմունքները:
Դատարանը թույլատրելի համարեց նրա նախաքննական ցուցմունքի հրապարակումը համաձայն որի՝ վերջինս ընդունել է իր մեղքը։
Վ/Թ –109-111։
Որպես արտավարույթային փաստաթուղթ ապացույց ճանաչված, զննված և քրեական վարույթի նյութերին կցված հետևյալ փաստաթղթերը.
Զննություն կատարելու մասին արձանագրությամբ, համաձայն որի՝ զննության են ենթարկվել թիվ 8180138529 վարչական իրավախախտման մասին որոշումը, թիվ 8180168668 վարչական իրավախախտման մասին որոշումը, թիվ 067376 ստուգաչափման վկայականը, թիվ 93000813 ստուգաչափման սարքով կատարված սթափության վիճակի կտրոնը, ՀՀ ՆԳՆ ոստիկանության ՃՈ ծառայությունից ստացված 14/7/114458-23 թվակիր գրությունը, ՀՀ ՆԳՆ ոստիկանության պարեկային ծառայությունից ստացված 91/91/1/115394-23 թվակիր գրությունը, թիվ 8180252178 վարչական իրավախախտման մասին որոշումը, թիվ 8180141571 վարչական իրավախախտման մասին որոշումը, թիվ 8180252178 վարչական իրավախախտման մասին որոշումը, թիվ 8180252897 վարչական իրավախախտման մասին որոշումը, թիվ 91100984 ստուգաչափման սարքով կատարված սթափության վիճակի կտրոնը և թիվ 083662 ստուգաչափման վկայականը։
Թիվ 8180138529 վարչական իրավախախտման վերաբերյալ որոշման համաձայն՝ այն կայացվել է 08.05.2022թ․-ին՝ ժամը 02։40-ին, Երևան քաղաքի Ջանիբեկյան փողոցում, ՀՀ ոստիկանության Պարեկային ծառայության Երևան քաղաքի գնդի 3-րդ գումարտակի, 1-ին վաշտի կրտսեր պարեկ Գևորգ Արմենի Յուքինյանի կողմից այն մասին, որ քաղաքացի Էրիկ Արամի Շահազիզյանը /բն.՝ ք.Երևան, Կալենցի փող., 6-րդ տուն հասցեում/ «Mercedes» մակնիշի 19 II 919 հաշվառման համարանիշի տրանսպորտային միջոցը Երևան քաղաքի Ջանիբեկյան փողոցում վարել է ոչ սթափ վիճակում։ ՎԻՎՕ-ի 126-րդ հոդվածի 2-րդ մասի համաձայն՝ որոշվել է Էրիկ Արամի Շահազիզյանին զրկել տրասնպորտային միջոցներ վարելու իրավունքից 1(մեկ) տարի ժամկետով:
Թիվ 8180168668 վարչական իրավախախտման վերաբերյալ որոշման համաձայն՝ այն կայացվել է 26.02.2023թ․-ին՝ ժամը 15։04-ին, Երևան քաղաքի Չարենցի փողոցում, ՀՀ ոստիկանության Պարեկային ծառայության Երևան քաղաքի գնդի 1-ին գումարտակի 1-ին վաշտի ավագ պարեկ Արամ Մարտինի Խաչատրյանի կողմից այն մասին, որ քաղաքացի Էրիկ Արամի Շահազիզյանը /բն.՝ ք.Երևան, Մայիսյան փող., 33Ա-րդ շենք հասցեում/ «BMW» մակնիշի 07 VY 077 հաշվառման համարանիշի տրանսպորտային միջոցը Երևան քաղաքի Չարենցի փողոցում վարել է տրասնպորտային միջոցներ վարելու իրավունքից զրկված վիճակում։
Թիվ 067376 ստուգաչափման վկայականի համաձայն՝ այն տրվել է «Ստանդարտացման և չափագիտության ազգային մարմին» ՓԲԸ-ի (ՀՀ Էկոնոմիկայի նախարարություն) կողմից, ստուգաչափման թվականը՝ 23.03.2022թ., ուժի մեջ է մինչև՝ 23.03.2023թ.: Ալկոտեստերի գործարանային համարն է 93000813, տեսակը՝ Jupiter X/RP:
Թիվ 93000813 ստուգաչափման սարքով կատարված սթափության վիճակի կտրոնի համաձայն՝ զննման համարն է՝ 03505, ստուգաչափումն իրականացվել է 08.05.2022թ.-ին` ժամը 02:37:06-ին դատարկ թեստով, ավտոմատ ստուգման ձևաչափով, ալկոհոլի պարունակությունը արտաշնչած օդի մեջ կազմել է 0.568 մգ/լ: Վարորդի տվյալներն են՝ Էրիկ, տրանսպորտային միջոցի համարանիշ՝ 19 II 919, ճանապարհային ոստիկանության տեսուչ՝ Դավթյան, կրծքանշանի համար՝ 10834, Երևան քաղաքի գնդի 3-րդ գումարտակի 1-ին վաշտ:
ՀՀ ՆԳՆ ոստիկանության ՃՈ ծառայությունից ստացված 14/7/114458-23 թվակիր գրության համաձայն՝ Էրիկ Արամի Շահազիզյանը վարորդական իրավունքից զրկվել է Պարեկային ծառայության կողմից կայացված թիվ 8180138529 որոշման հիման վրա։ ՃՈ վարչական ակտերի հաշվառման էլեկտրոնային ռեգիստրի տվյալների համաձայն՝ 08.05.2002թ.-ից մինչև 08.05.2023թ.-ն ընկած ժամանակահատվածում տեսանկարահանման կամ լուսանկարահանման միջոցով հայտնաբերված ճանապարհային երթևեկության կանոնների խախտման համար Էրիկ Արամի Շահազիզյանի նկատմամբ կայացվել են թվով 17 վարչական տույժ նշանակելու մասին որոշում, իսկ ՃՈ ծառայողների կողմից վարչական իրավախախտման վերաբերյալ արձանագրություններ չեն կազմվել։ Էրիկ Արամի Շահազիզյանը www.roadpolice.am հարթակում գրանցված է որպես տրանսպորտային միջոցներ շահագործող անձ, բաժանորդագրվել է ՃՈ ծանուցումների էլեկտրոնային համակարգում առկա՝ SMS ծանուցման տարբերակին, ուղարկվել են SMS կարճ հաղորդագրություններ՝ վերջինիս տուգանային միավորները սպառվելու, վարորդական իրավունքի կարգավիճակի (կասեցնելու) և կատարված իրավախախտումների վերաբերյալ։
ՀՀ ՆԳՆ ոստիկանության պարեկային ծառայությունից ստացված 91/91/1/115394-23 թվակիր գրության համաձայն՝ Էրիկ Շահազիզյանի նկատմամբ թվային եղանակով կայացվել է թվով երեք վարչական իրավախախտումների վերաբերյալ արձանագրություններ և զուգակցված որոշումներ։
Թիվ 8180252178 վարչական իրավախախտման վերաբերյալ որոշման համաձայն՝ այն կայացվել է 29.04.2023 թ․-ին, Երևան քաղաքի Պ.Սևակի փողոցում՝ ժամը 14:30-ին, ՀՀ ոստիկանության Պարեկային ծառայության պարեկ Արսեն Հովհաննիսյանի կողմից այն մասին, որ քաղաքացի Էրիկ Արամի Շահազիզյանը /բնակվող՝ ք.Երևան, Կալենցի փողոցի 6-րդ տուն հասցեում/ Kawasaki EX 300 մակնիշի 00 NO 001 հաշվառման համարանիշի տրասնպորտային միջոցը նույն օրը՝ ժամը 14։25-ին վարել է Երևան քաղաքի Պ.Սևակի փողոցում տրանսպորտային միջոցներ վարելու իրավունքից զրկված վիճակում։
Թիվ 8180141571 վարչական իրավախախտման վերաբերյալ որոշման համաձայն՝ այն կայացվել է 16.06.2022 թ․-ին ժամը 01:28-ին, Երևան քաղաքի Հին Երևանցիների փողոցում, ՀՀ ոստիկանության Պարեկային ծառայության պարեկ Ազատ Սրապյանի կողմից այն մասին, որ քաղաքացի Էրիկ Արամի Շահազիզյանը /բնակվող՝ ք.Երևան, Կալենցի փողոցի 6-րդ տուն հասցեում/ Kawasaki EX 300 մակնիշի 00 NO 001 հաշվառման համարանիշի տրասնպորտային միջոցը նույն օրը՝ ժամը 01։20-ին վարել է Երևան քաղաքի Հին Երևանցիների փողոցում ոչ սթափ վիճակում։
Թիվ 8180252178 վարչական իրավախախտման վերաբերյալ որոշման համաձայն՝ այն կայացվել է 29.04.2023 թ․-ին ժամը 14:30-ին, Երևան քաղաքի Պ.Սևակի փողոցում, ՀՀ ոստիկանության Պարեկային ծառայության պարեկ Արսեն Հովհաննիսյանի կողմից այն մասին, որ քաղաքացի Էրիկ Արամի Շահազիզյանը /բնակվող՝ ք.Երևան, Կալենցի փողոցի 6-րդ տուն հասցեում/ Kawasaki EX 300 մակնիշի 00 NO 001 հաշվառման համարանիշի տրասնպորտային միջոցը նույն օրը՝ ժամը 14։25-ին վարել է Երևան քաղաքի Պ.Սևակի փողոցում տրանսպորտային միջոցներ վարելու իրավունքից զրկված վիճակում։
Թիվ 8180252897 վարչական իրավախախտման վերաբերյալ որոշման համաձայն՝ այն կայացվել է 05.06.2023 թ․-ին ժամը 19:40-ին, Երևան քաղաքի Սայաթ-Նովա փողոցում, ՀՀ ոստիկանության Պարեկային ծառայության կրտսեր պարեկ Անահիտ Սարգսյանի կողմից այն մասին, որ քաղաքացի Էրիկ Արամի Շահազիզյանը /բնակվող՝ ք.Երևան, Մայիսյան փողոց 33Ա-րդ հասցեում/ Kawasaki EX 300 մակնիշի 00 NO 001 հաշվառման համարանիշի տրասնպորտային միջոցը նույն օրը՝ ժամը 19։10-ին վարել է Երևան քաղաքի Սայաթ-Նովա փողոցում տրանսպորտային միջոցներ վարելու իրավունք չունենալով և ոչ սթափ վիճակում։
Թիվ 91100984 ստուգաչափման սարքով կատարված սթափության վիճակի կտրոնի համաձայն՝ զննման համարն է՝ 01013, ստուգաչափումն իրականացվել է 05.06.2023թ.-ին` ժամը 19:35:09-ին դատարկ թեստով, ավտոմատ ստուգման ձևաչափով, ալկոհոլի պարունակությունը արտաշնչած օդի մեջ կազմել է 0.392 մգ/լ: Վարորդի տվյալներն են՝ Էրիկ Շահազիզյան, տրանսպորտային միջոցի համարանիշ՝ 00 NO 001, ճանապարհային ոստիկանության տեսուչ՝ Օհանյան, կրծքանշանի համար՝ 06568, Երևան քաղաքի գնդի 2-րդ գումարտակի 1-ին վաշտ:
Թիվ 083662 ստուգաչափման վկայականի համաձայն՝ այն տրվել է «Ստանդարտացման և չափագիտության ազգային մարմին» ՓԲԸ-ի (ՀՀ Էկոնոմիկայի նախարարություն) կողմից, ստուգաչափման թվականը՝ 15.11.2022թ., ուժի մեջ է մինչև՝ 15.11.2023թ.: Ալկոտեստերի գործարանային համարն է 91100984, տեսակը՝ Jupiter X/RP:Վ.Թ. –62-64։
Որպես արտավարութային փաստաթուղթ ապացույց ճանաչված թիվ 8180138529 վարչական իրավախախտման մասին որոշումը, թիվ 8180168668 վարչական իրավախախտման մասին որոշումը, թիվ 067376 ստուգաչափման վկայականը, թիվ 93000813 ստուգաչափման սարքով կատարված սթափության վիճակի կտրոնը, ՀՀ ՆԳՆ ոստիկանության ՃՈ ծառայությունից ստացված 14/7/114458-23 թվակիր գրությունը, ՀՀ ՆԳՆ ոստիկանության պարեկային ծառայությունից ստացված 91/91/1/115394-23 թվակիր գրությունը, թիվ 8180252178 վարչական իրավախախտման մասին որոշումը, թիվ 8180141571 վարչական իրավախախտման մասին որոշումը, թիվ 8180252178 վարչական իրավախախտման մասին որոշումը, թիվ 8180252897 վարչական իրավախախտման մասին որոշումը, թիվ 91100984 ստուգաչափման սարքով կատարված սթափության վիճակի կտրոնով և թիվ 083662 ստուգաչափման վկայականը։Վ.Թ. –65-66։
Վերոգրյալ ապացույցների հիման վրա Դատարանը հաստատված է համարում հետևյալ փաստական հանգամանքները, մասնավորապես.
-Էրիկ Արամի Շահազիզյանը զրկված լինելով տրանսպորտային միջոցներ վարելու իրավունքից (2022թ. մայիսի 08-ից մինչև 2023թ. մայիսի 08-ը) 2023 թվականի փետրվարի 26-ին՝ ժամը 14։45-ին, Երևան քաղաքի Չարենցի փողոցում վարել է «ԲՄՎ» մակնիշի 07 VY 077 հաշվառման համարանիշի տրանսպորտային միջոցը,
-Էրիկ Արամի Շահազիզյանը զրկված լինելով տրանսպորտային միջոցներ վարելու իրավունքից (զրկման ժամկետը՝ 2022թ. մայիսի 08-ից մինչև 2023թ. մայիսի 08-ը) 2023 թվականի ապրիլի 29-ին՝ ժամը 14։25-ին, Երևան քաղաքի Պ.Սևակի փողոցում վարել է «Կավասակի» մակնիշի 00 NO 001 հաշվառման համարանիշի մոտոցիկլը,
-Էրիկ Արամի Շահազիզյանը տրանսպորտային միջոցներ վարելու իրավունքից զրկման ժամկետն ավարտելուց հետո, չստանալով տրանսպորտային միջոց վարելու իրավունքի վարորդական վկայական և համարվելով տրանսպորտային միջոցներ վարելու իրավունք չունեցող անձ, 2023 թվականի հունիսի 5-ին՝ ժամը 19։10-ին, գտնվելով ոչ սթափ վիճակում (սթափության վիճակի զննման կտրոնի համարը՝ 01013, մեկ լիտր արտաշնչած օդի մեջ մաքուր ալկոհոլի պարունակությունը 0.392 մգ/լ), Երևան քաղաքի Սայաթ-Նովա փողոցում վարել է «Կավասակի» մակնիշի 00 NO 001 հաշվառման համարանիշի մոտոցիկլը։

Լրացուցիչ դատալսումների ընթացքումն հետազոտվել են.
Մեղադրյալի Ձև 8 տեղեկանքը, որի համաձայն վերջինս նախկինում դատապարտված չի եղել։



Դատավճռի պատճառաբանական մաս.
ՀՀ քրեական դատավարության օրենսգրքի 97-րդ հոդվածի համաձայն/․․․/ 1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց/․․․/:
ՀՀ քրեական դատավարության օրենսգրքի 102-րդ հոդվածի համաձայն`
/․․․/1. Քրեական վարույթի ընթացքում ապացուցման ենթակա են՝
1)դեպքը և դրա հանգամանքները (ժամանակը, տեղը, եղանակը և այլն).
2)մեղադրյալի առնչությունը դեպքին.
3)ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8)այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները/․․․/:
ՀՀ քրեական դատավարության օրենսգրքի 105-րդ հոդվածի համաձայն` /․․․/ 1.Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել/․․․/:
ՀՀ քրեական դատավարության օրենսգրքի 276-րդ հոդվածը սահմանում է, որ
/․․․/ 1. Առաջին ատյանի դատարանում վարույթն իրականացվում է միայն մեղադրյալի նկատմամբ և միայն նրան ներկայացված մեղադրանքով:/․․․/:
Հետազոտված ապացույցների հիման վրա Դատարանը առանձին սենյակում գնահատելով դրանք իրենց համակցության մեջ, համադրելով մեղադրյալին առաջադրված մեղադրանքի ձևակերպման հետ, 1-ին և 2-րդ դրվագ արարքները ՀՀ քրեական օրենսգրքի 344-րդ հոդվածի 1-ին մասով, իսկ 3-րդ դրվագը ՀՀ քրեական օրենսգրքի 344-րդ հոդվածի 2-րդ մասով որակման համատեքստում ՀՀ քրեական դատավարության օրենսգրքի 342-րդ հոդվածի 1-ին մասով /2 դրվագ/ նախատեսված հարցերին պատասխանելիս գտել է, որ․
ապացուցված են մեղադրյալին վերագրվող փաստական հանգամանքները (արարքը),
ապացուցված է այդ արարքի քրեական հակաիրավականությունը,
ապացուցված է մեղադրյալի կողմից այդ արարքը կատարելը,
ապացուցված է մեղադրյալի մեղավորությունը տվյալ արարքը կատարելու մեջ:
2. Սույն հոդվածի 1-ին մասում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
3. Սույն հոդվածի 1-ին մասում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որով սահմանում է նաև, թե ապացուցված արարքի նկատմամբ քրեական օրենսգրքի, որ հոդվածը, հոդվածի մասը կամ կետն է ենթակա կիրառման:
Համաձայն ՀՀ քրեական դատավարության օրենսգրքի 348-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե մեղադրյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին գտնում է, որ կատարած արարքի համար Էրիկ Շահազիզյանը ենթակա է քրեական պատասխանատվության և պատժի:
ՀՀ քրեական օրենսգրքի 70-րդ հոդվածի համաձայն՝ «1.Քրեական պատասխանատվությունը կամ պատիժը մեղմացնող հանգամանքներ են՝(…)2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ: (…)»։
ՀՀ քրեական օրենսգրքի 71-րդ հոդվածը սահմանում է քրեական պատասխանատվությունը կամ պատիժը ծանրացնող հանգամանքները:
Դատարանի արձանագրում է, որ թեև մեղադրյալ Էրիկ Շահազիզյանը ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքը կատարել է ալկոհոլի ազդեցության տակ, այդուհանդերձ սույն դեպքում նշված հանգամանքը չի կարող է դիտվել որպես պատասխանատվությունը և պատիժը ծանրացնող հանգամանք, քանի որ ՀՀ քրեական օրենսգրքի 71-րդ հոդվածի 3-րդ մասը սահմանում է, եթե սույն հոդվածի 1-ին մասում նշված որևէ հանգամանք սույն օրենսգրքի Հատուկ մասի համապատասխան հոդվածով նախատեսված է որպես հանցագործության հատկանիշ, ապա դա չի կարող կրկին հաշվի առնվել որպես պատասխանատվությունը կամ պատիժը ծանրացնող հանգամանք, որը սույն դեպքում առկա է:
Դատարանը, դատապարտված-մեղադրյալ Էրիկ Շահազիզյանի պատիժը մեղմացնող կամ ծանրացնող հանգամանքներ առկա չեն:
Էրիկ Շահազիզյանի անձը բնութագրող հանգամանքներն են, մասնավորապես խոստովանական ցուցմունքներ տալը, դատվածություն չունեցող անձ հանդիսանալը:
Դատարանը, հաշվի առնելով վերոգրյալը, ինչպես նաև Էրիկ Շահազիզյանի կատարած հանցագործության հանրության համար վտանգավորության աստիճանը և բնույթը, նրա անձը բնութագրող տվյալները, պատիժը ու պատասխանատվությունը ծանրացնող հանգամանքը և մեղմացնող հանգամանքների բացակայությունը, հաշվի առնելով նաև մեղադրյալի հայտարարությունները հանրային աշխատանքներ պատիժը կրելու պատրաստակամության մասին գտնում է, որ ՀՀ քրեական օրենսգրքի 344-րդ հոդվածի 1-ին և 2-րդ մասերի սանկցիայով նախատեսված տուգանքի, նշանակումը կապահովի պատժի նպատակների իրագործումը և կդառնա պարզապես ինքնանպատակ, ուստի մեղադրյալի նկատմամբ նկատմամբ պետք է նշանակել պատիժ տուգանքի ձևով։
Միևնույն ժամանակ Դատարանը արձանագրում է, որ մեղադրյալը 1-ին դրվագ հանցանք կատարելուց հետո կրկին կատարել է նույնաբովանդակ երկու դրվագ հանացանք, հետևաբար ամեն հաջորդ դրվագ հանցանքի համար վերջինիս անձի հանրային վտանգավորությունը ավելի բարձր է, ուստի նշանակվող պատժաչափը պետք է լինի ավելի խիստ:
Վերոնշյալի հիման վրա Դատարանը գտնում է, որ Է․Շահազիզյանի նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված 1-ին դրվագ հանցանք կատարելու համար պետք է նշանակել պատիժ տուգանք նվազագույն աշխատավարձի հնգապատիկի չափով 375.000 ՀՀ դրամի չափով, ՀՀ քրեական օրենսգրքի 344-րդ հոդվածի 1-ին մասով նախատեսված 2-րդ դրվագ հանցանք կատարելու համար պետք է նշանակել պատիժ տուգանք նվազագույն աշխատավարձի վեցապատիկի չափով 450.000 ՀՀ դրամի չափով, ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք կատարելու համար պետք է նշանակել պատիժ տուգանք նվազագույն աշխատավարձի յոթապատիկի չափով 525.000 ՀՀ դրամի չափով։
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարել և վերջնական պատիժ նշանակել տուգանք 1․350․000 ՀՀ դրամի չափով։
Նշանակված 1․350․000 ՀՀ դրամ տուգանքի վճարումը տարաժամկետել 1 տարի ժամկետով՝ յուրաքանչյուր ամիս նվազագույնը 112.500 ՀՀ դրամի չափով։
Անդրադառնալով խափանման միջոցի հարցին, Դատարանը գտնում է, որ Էրիկ Շահազիզյանի նկատմամբ ընտրված խափանման միջոցը` բացակայելու արգելքը, պետք է թողնել անփոփոխ, մինչև դատավճռի օրինական ուժի մեջ մտնելը:
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Էրիկ Շահազիզյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը պետք է վերացնել:
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ ի թիվս այլնի նաև իրեղեն ապացույցների, վարույթային ծախսերի, գույքի նկատմամբ կիրառված (կիրառվելիք) արգելադրման, գույքային հայցի հարցերին, սակայն Դատարանը, պարզելով, որ սույն քրեական գործով մեղադրյալի գույքի վրա արգելանք չի կիրառվել, գույքային հայց չի ներկայացվել, սահմանափակվում է այդ փաստերի արձանագրմամբ:
Քրեական գործին կցված արտավարութային փաստաթղթերը անհրաժեշտ է պահել քրեական գործի հետ միասին՝ դրանց պահելու ամբողջ ժամանակամիջոցում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 97-րդ, 102-րդ, 105-րդ, 276-րդ, 348-349-րդ, 352-356-րդ և 364-րդ հոդվածներով` Դատարանը․

Վ Ճ Ռ Ե Ց

Էրիկ Շահազիզյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված 1-ին դրվագ հանցանք կատարելու համար և պատիժ նշանակել տուգանք նվազագույն աշխատավարձի հնգապատիկի չափով 375.000 ՀՀ դրամի չափով։
Էրիկ Շահազիզյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված 2-րդ դրվագ հանցանք կատարելու համար և նշանակել պատիժ տուգանք նվազագույն աշխատավարձի վեցապատիկի չափով 450.000 ՀՀ դրամի չափով։
Էրիկ Շահազիզյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված 3-րդ դրվագ հանցանք կատարելու համար և նշանակել պատիժ տուգանք նվազագույն աշխատավարձի յոթապատիկի չափով 525.000 ՀՀ դրամի չափով։
ՀՀ քրեական օրենսգրքի 74-րդ հոդվածի կիրառմամբ՝ նշանակված պատիժները գումարել և վերջնական պատիժ նշանակել տուգանք 1․350․000 ՀՀ դրամի չափով։
Նշանակված 1․350․000 ՀՀ դրամ տուգանքի վճարումը տարաժամկետել 1 տարի ժամկետով՝ յուրաքանչյուր ամիս նվազագույնը 112.500 ՀՀ դրամի չափով։
Էրիկ Շահազիզյանի նկատմամբ ընտրված խափանման միջոցը` բացակայելու արգելքը` թողնել անփոփոխ մինչև սույն դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո Էրիկ Շահազիզյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը վերացնել:
Իրեղեն ապացույցների, գույքային հայցի, վարույթային ծախսերի հարցը համարել լուծված:
Քրեական գործին կցված արտավարութային փաստաթղթերը պահել քրեական գործի հետ միասին՝ դրանց պահելու ամբողջ ժամանակամիջոցում:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ` ՄՈՒՇԵՂ ԱՐԱՄՅԱՆ