ԵԴ1/1126/01/25


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«2» Հունիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ԻՍԿՈՒՀԻ ԶԱՔԱՐՅԱՆԻ
մասնակցությամբ.
հանրային մեղադրող՝ ՎԱԶԳԵՆ ԵԴԻԳԱՐՅԱՆԻ
մեղադրյալ՝ ՎԻԳԵՆ ԳՅՈՒԼԶԱԴՅԱՆԻ
պաշտպան՝ ՌՈՒԶԱՆՆԱ ՍԻՐԵԿԱՆՅԱՆԻ
դռնբաց դատական նիստում արագացված վարույթի կարգով քննելով Վիգեն Աշոտի Գյուլզադյանի (1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 195 հոդվածի 2-րդ մասի 6-րդ կետով.







1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 12-0057-23 քրեական վարույթով Վիգեն Աշոտի Գյուլզադյանին ՀՀ քրեական օրենսգրքի 195 հոդվածի 2-րդ մասի 6-րդ կետով մեղադրանք է ներկայացվել հետևյալ արարքի համար.
«[Նա], հանդիսանալով իր մերձավոր ազգական հանդիսացող Մանուշակ Կենտրոնի Ավագյանի փեսան, 2023 թվականի սեպտեմբերի 13-ին, Երևան քաղաքի Սարի Թաղ 2-դ փողոցի 23-րդ հասցեում գտնվող տանը ծագած վիճաբանության ժամանակ, բազմաթիվ հարվածներ է հասցրել Մանուշակ Ավագյանի մարմնի տարբեր մասերին՝ վերջինիս պատճառելով աջ ճակատաքունքային, աջ գագաթածոծրակային շրջանների փափուկ հյուսվածքների սալջարդի, ենթամաշկային արյունահավաքի ձևով՝ առողջության թեթև վնասի հատկանիշներ չպարունակող մարմնական վնասվածքներ»։
2. ԱՐԱԳԱՑՎԱԾ ՎԱՐՈՒՅԹԸ.
2.1 Նախնական դատալսումների ընթացքում մեղադրյալ Վիգեն Աշոտի Գյուլզադյանը ներկայացրեց արագացված վարույթ կիրառելու միջնորդություն՝ հայտնելով, որ ներկայացված մեղադրանքն իրեն պարզ է, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, այն ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ և գիտակցում է արագացված վարույթ կիրառելու հետևանքները:
2.2 Հանրային մեղադրողը չառարկեց արագացված վարույթ կիրառելու դեմ:
2.3 Դատարանը, համոզվելով, որ առկա է ՀՀ քրեական դատավարության օրենսգրքի 464.1 հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց քրեական գործով լրացուցիչ դատալսումներ անցկացնելու մասին։
3. ԼՐԱՑՈՒՑԻՉ ԴԱՏԱԼՍՈՒՄՆԵՐԻ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ ԵՎ ՔՆՆԱՐԿՄԱՆ ԵՆԹԱԿԱ ՀԱՐՑԵՐԻ ՎԵՐԱԲԵՐՅԱԼ ԿՈՂՄԵՐԻ ԲԱՑԱՏՐՈՒԹՅՈՒՆՆԵՐԸ.
3.1 Դատվածությունների և հետախուզման առկայության Ձև 8 հարցման պատասխանում զետեղված են հետևյալ տեղեկությունները.
«1. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը՝ 23/06/1986, Ծննդավայրը` ԵՐԵՎԱՆ Համարը` 12168221
1) Նախաքննության վերաբերյալ տեղեկատվություն
Նախաձեռնող մարմինը՝ ԷՐԵԲՈՒՆՈՒ ՈԲ, ամս. 01/03/2021 Մեղադրական հոդված՝ ՀՀ ՔՐ. ՕՐ. (2003Թ.) h118 ՆՅՈՒԹԸ ՄԵՐԺՎԱԾ Է ամս. 01/03/2021 հիմք՝ 35 Հ. 1 Մ. 4 Կ.
2. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը` 23/06/1986, Ծննդավայրը` ԵՐԵՎԱՆ Համարը` 12854222
1) Նախաքննության վերաբերյալ տեղեկատվություն
Նախաձեռնող մարմինը՝ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉ. ՇՐՋ.Ք/Բ,ամս՝ 23/05/2022 Մեղադրական հոդված՝ ՀՀ ՔՐ. ՕՐ. 171 0 1 ԿԱՐՃՎԱԾ Է ամս՝ 26/04/2024 հիմք՝ ՀՀ ՔՐ.ՕՐ (2021Թ.) 83Հ. Լրաց տեղ. ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԻ ՈՐՈՇՄԱՄԲ:
3. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը՝ 23/06/1986, Ծննդավայրը` ԵՐԵՎԱՆ Համարը` 12171421
1) Նախաքննության վերաբերյալ տեղեկատվություն
Նախաձեռնող մարմինը՝ ԷՐԵԲՈՒՆԻ ԵՎ ՆՈՒԲԱՐԱՇԵՆ ՎԱՐՉ. ՇՐՋ. Ք/Բ,ամս՝ 13/03/2021 Մեղադրական հոդված՝ ՀՀ ՔՐ. ՕՐ. (2003Թ.) h 117 ԿԱՐՃՎԱԾ Է, ամս` 28/03/2022 հիմք՝ 35 Հ. 1Մ. 5 Կ.
4. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը` 23/06/1986, Ծննդավայրը` ԵՐԵՎԱՆ Համարը` 12808222
1) Նախաքննության վերաբերյալ տեղեկատվություն
Նախաձեռնող մարմինը՝ ԷՐԵԲՈՒՆՈՒ ՔՆՆՉԱԿԱՆ ԲԱԺԻՆ,, ամս՝ 14/09/2022 Մեղադրական հոդված՝ ՀՀ ՔՐ. ՕՐ. h 171 1 ԿԱՐՃՎԱԾ Է ամս՝ 31/08/2023 հիմք՝ ՀՀ ՔՐ.ՕՐ (2021Թ.) 82Հ.
5. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը` 23/06/1986, Ծննդավայրը՝ Ք.ԵՐԵՎԱՆ Համարը` 12103503
1) Նախաքննության վերաբերյալ տեղեկատվություն
Նախաձեռնող մարմինը՝ ԷՐԵԲՈՒՆԻԻ ՔՆՆՉ, ԲԱԺ., ամս՝ 08/05/2003 Մեղադրական հոդված՝ ՀԽՍՀ ՔՐ ՕՐ h 86 մ 2 h 96 մ1
ՈՒՂԱՐԿՎԵԼ Է ԴԱՏԱՐԱՆ 2) Դատապարտման վերաբերյալ տեղեկատվություն
Դատապարտող մարմինը՝ ԷՐԵԲՈՒՆԻԻ ԺՈՂ. ԴԱՏԱՐԱՆ,ամս՝ 18/07/2003 ՀԽՍՀ ՔՐ ՕՐ Հ 177 մ 2, h 185 1
Հիմնական պատիժը՝ ՏՈՒԳԱՆՔ 200.000 դրամ
3) Պատժի կրման վայրի վերաբերյալ տեղեկատվություն չկա 4) Պատժից ազատման վերաբերյալ տեղեկատվություն չկա
6. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը՝ 23/06/1986, Ծննդավայրը` Ք.ԵՐԵՎԱՆ
Համարը` 12154503 1) Նախաքննության վերաբերյալ տեղեկատվություն
Նախաձեռնող մարմինը՝ ԷՐԵԲՈՒՆԻԻ ՔՆՆՉ, ԲԱԺ. ամս՝ 29/08/2003 Մեղադրական հոդված՝ ՀՀ ՔՐ. ՕՐ. (2003Թ.) h 117 մ 1 ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը՝ ԷՐԵԲՈՒՆԻԻ ԺՈՂ. ԴԱՏԱՐԱՆ, ամս՝ 08/01/2004 ՀՀ ՔՐ. ՕՐ. (2003Թ.) h 117 հ 67-ի կիրառմամբ, հ 68-ի կիրառմամբ Հիմնական պատիժը՝ ՏՈՒԳԱՆՔ 260.000 դրամ
3) Պատժի կրման վայրի վերաբերյալ տեղեկատվություն չկա 4) Պատժից ազատման վերաբերյալ տեղեկատվություն չկա
7. ԳՅՈՒԼԶԱԴՅԱՆ ՎԻԳԵՆ ԱՇՈՏԻ Ծննդյան ամսաթիվը՝ 23/06/1986, Ծննդավայրը` Ք.ԵՐԵՎԱՆ Մատնադրոշմային բանաձև` 1-51403/1-40443
Համարը` 13121304
1) Նախաքննության վերաբերյալ տեղեկատվություն
Խափանման միջոցը՝ ԿԱԼԱՆՔ Նախաձեռնող մարմինը` ԿԵՆՏՐՈՆ ԵՎ ՆՈՐՔ - ՄԱՐԱՇԻ ԱՌԱՋԻՆ ԱՏՅԱՆԻ ԴԱՏԱՐԱՆ,ամս՝ 08/08/2004, ՔԿ հիմն արկ՝ ՀՀ ԱՆ <<ՆՈՒԲԱՐԱՇԵՆ>> ՔԿՀ Մեղադրական հոդված՝ ՀՀ ՔՐ. ՕՐ. (2003թ.) հ 258 մ 4
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԿԵՆՏՐՈՆ ԵՒ ՆՈՐՔ-ՄԱՐԱՇ ՎԱՐՉ. ՇՐՋ. ԸՆԴՀ. ԻՐԱՎ. ԴԱՏԱՐԱՆ,ամս՝ 03/03/2005
ՀՀ ՔՐ. ՕՐ. (2003Թ.) h 258 մ 4, h 64.-ի կիրառմամբ Հիմնական պատիժը` ԱԶԱՏԱԶՐԿՈՒՄ 4 տարի
3) Պատժի կրման վայրի վերաբերյալ տեղեկատվություն չկա 4) Պատժից ազատման վերաբերյալ տեղեկատվություն
Ազատվել է` ՊԱՅՄԱՆԱԿԱՆ ՎԱՂԱԺԱՄԿԵՏ 2.76
Պատժի կրումից ազատման ամսաթիվը՝ 28/09/2006
8. ԳՅՈՒԼԶԱԴՅԱՆ ՎԻԳԵՆ ԱՇՈՏԻ
Ծննդյան ամսաթիվը՝ 23/06/1986, Ծննդավայրը՝ Ք.ԵՐԵՎԱՆ Մատնադրոշմային բանաձև՝ 1-51403/1-40443
համարը 12131516
1) Նախաքննության վերաբերյալ տեղեկատվություն
Խափանման միջոցը՝ ԿԱԼԱՆՔ Նախաձեռնող մարմինը՝ ՔՐԵԱԿԱՆ ԵՒ ԶԻՆՎՈՐԱԿԱՆ ԳՈՐԾԵՐՈՎ ՎԵՐԱՔՆՆԻՉ ԴԱՏԱՐԱՆ,ամս՝ 02/01/2017 ՔԿ հիմնարկ՝ ՀՀ ԱՆ <<ՆՈՒԲԱՐԱՇԵՆ>> ՔԿՀ
Մեղադրական հոդված՝ ՀՀ ՔՐ. ՕՐ. (2003Թ.) h112 1
ՈՒՂԱՐԿՎԵԼ Է ԴԱՏԱՐԱՆ Լրաց.տեղ 15.09.2017Թ. ՔՐՕ 137Հ. 1Մ. ԿԱՐՃՎԵԼ Է ՔԴՕ 35Հ. 10. 44. և ՔՐՕ 118Հ. ԿԱՐՃՎԵԼ Է ՔԴՕ 35 հ. 1մ. 4կ.
2) Դատապարտման վերաբերյալ տեղեկատվություն
Դատապարտող մարմինը՝ ԵՐԵՎԱՆ ՔԱՂ ԸՆԴՀ ԻՐԱՎ ԴԱՏԱՐԱՆ,ամս՝ 05/03/2018
ՀՀ ՔՐ.ՕՐ. (2003թ.) h 112 մ 1
Հիմնական պատիժը՝ ԱԶԱՏԱԶՐԿՈՒՄ 3 տարի 6 ամիս
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
Ազատվել է՝ ՀԱՄԱՆԵՐՈՒՄ
01.11.20180.
ՀՀ ԱՆ «ԿՈՇ» ՔԿՀ
Պատժի կրումից ազատման ամսաթիվը՝ 20/11/2018»։
3.2 ՀՀ քաղաքացիական կացության ակտերի գրանցման տվյալների շտեմարանում միասնական էլեկտրոնային տեղեկատվական համակարգի միջոցով կատարված հարցմանն ի պատասխան ստացվել են՝
-ամուսնության պետական գրանցման թիվ 317 ակտը, համաձայն որի՝ Վիգեն Աշոտի Գյուլզադյանը և Անահիտ Էդվարդի Կիզողյանն ամուսնացած են,
-ծննդի պետական գրանցման թիվ 1706 ակտը, համաձայն որի՝ 2011 թվականի սեպտեմբերի 11-ին ծնված Մանե Գյուլզադյանի հայրն է Վիգեն Աշոտի Գյուլզադյանը:
-ծննդի պետական գրանցման թիվ 2359 ակտը, համաձայն որի՝ 2015 թվականի դեկտեմբերի 8-ին ծնված Աշոտ Գյուլզադյանի հայրն է Վիգեն Աշոտի Գյուլզադյանը:
-ծննդի պետական գրանցման թիվ 19432 ակտը, համաձայն որի՝ 2022 թվականի հուլիսի 19-ին ծնված Մարիաննա Գյուլզադյանի հայրն է Վիգեն Աշոտի Գյուլզադյանը: (2)
Քննարկման ենթակա հարցերի վերաբերյալ կողմերի դիրքորոշումները.
Պատժի վերաբերյալ հարցերը քննարկելիս՝ հանրային մեղադրողը Դատարանին խնդրեց Վիգեն Աշոտի Գյուլզադյանի նկատմամբ որպես պատիժ նշանակել ազատության սահմանափակումը։
Պաշտպանը Դատարանին խնդրեց ազատության սահմանափակման ձևով պատիժ նշանակելու դեպքում մեղադրյալին չարգելել բացակայել տնից այնպիսի ժամանակահատվածով, որը հնարավորություն կտա նրան աշխատելու ու հոգալու իր ընտանիքի ծախսերը։
Մեղադրյալ Վիգեն Աշոտի Գյուլզադյանը միացավ իր պաշտպանի խնդրանքին:
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐԸ ԵՎ ՈՐՈՇՈՒՄՆԵՐԸ.
4.1 Արագացված վարույթ կիրառելու պայմաններում Դատարանը հաստատված է համարում Վիգեն Աշոտի Գյուլզադյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, սահմանելով, որ մեղադրյալի կողմից կատարված արարքի նկատմամբ ենթակա է կիրառման ՀՀ քրեական օրենսգրքի 195 հոդվածի 2-րդ մասի 6-րդ կետը:
4.2 Հաստատված փաստական հանգամանքների հիման վրա Դատարանն արձանագրում է, որ Վիգեն Աշոտի Գյուլզադյանի պատասխանատվությունն ու պատիժը մեղմացնող՝ ՀՀ քրեական օրենսգրքի 70 հոդվածով նախատեսված հանգամանք է՝ պատիժ նշանակելու պահին խնամքի տակ երեք անչափահաս երեխաների առկայությունը։
4.3 Դատարանն արձանագրում է, որ Վիգեն Աշոտի Գյուլզադյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածով նախատեսված հանգամանքներ առկա չեն:
4.4 Կատարած հանցանքի համար մեղադրյալ Սիրաս Արթուրի Ղևոնդյանը ենթակա է պատժի։
4.5 Պատժի տեսակն ու չափը որոշելիս Դատարանը, հաշվի է առնում հետևյալը՝
-Վիգեն Աշոտի Գյուլզադյանի կատարած հանցանքի հանգամանքները, հանրային վտանգավորության աստիճանն ու բնույթը, մասնավորապես՝ այն, որ նրա կատարած հանցանքում առկա են ընտանիքում բռնության հատկանիշներ:
-Վիգեն Աշոտի Գյուլզադյանի անձը բնութագրող տվյալները, պատասխանատվությունը և պատիժը մեղմացնող հանգամանքը, ինչպես նաև ծանրացնող հանգամանքների բացակայությունն ու ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
• Այսպիսով, Դատարանը գտնում է, որ ՀՀ քրեական օրենսգրքի 55 հոդվածի 2-րդ մասով սահմանված պատժի նպատակներն ապահովելու համար Վիգեն Աշոտի Գյուլզադյանի կողմից կատարված հանցագործության բնույթին, վտանգավորության աստիճանին, դրա կատարելու հանգամանքներին, ինչպես նաև հանցավորի անձին համաչափ պատիժ է 1 տարի ժամկետով ազատության սահմանափակումը, որի ընթացքում Վիգեն Գյուլզադյանին պետք է արգելել առանց իր նկատմամբ վերահսկողություն իրականացնող իրավասու մարմնի համաձայնության փոխել բնակության վայրը, ինչպես նաև 22:00-ից մինչև ժամը 07:00-ն ընկած ժամանակահատվածում բացակայել տնից:
• Միևնույն ժամանակ, Դատարանն արձանագրում է, որ կատարած հանցանքների համար Վիգեն Աշոտի Գյուլզադյանի նկատմամբ լրացուցիչ պատիժ նշանակելու հիմքերն ու անհրաժեշտությունը տվյալ դեպքում բացակայում են։
4.6 Վիգեն Աշոտի Գյուլզադյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն:
4.7 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.8 Վիգեն Աշոտի Գյուլզադյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար։
4.9 Վարութային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.4 հոդվածի 3-րդ մասի համաձայն՝ արագացված վարույթ կիրառելու դեպքում ՀՀ քրեական դատավարության օրենսգրքի 167 հոդվածի 1-ին մաuով նախատեսված վարութային ծախսերը մեղադրյալից ենթակա չեն բռնագանձման։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 276, 347, 348, 349, 464.4 և 464.5 հոդվածներով՝ Դատարանը

Վ Ճ Ռ Ե Ց

1. Վիգեն Աշոտի Գյուլզադյանին մեղավոր ճանաչել ՀՀ քրեական օրենսգրքի 195 հոդվածի 2-րդ մասի 6-րդ կետով նախատեսված հանցանքը կատարելու մեջ և նրա նկատմամբ պատիժ նշանակել ազատության սահմանափակում՝ 1 (մեկ) տարի ժամկետով։
2. Պատժի կրման ընթացքում Վիգեն Գյուլզադյանին արգելել՝
-առանց իր նկատմամբ վերահսկողություն իրականացնող իրավասու մարմնի համաձայնության փոխել բնակության վայրը,
-ժամը 22:00-ից մինչև ժամը 07:00-ն ընկած ժամանակահատվածում բացակայել տնից:
3. Վիգեն Գյուլզադյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը:
4. Վարութային ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում, սակայն չի կարող բողոքարկվել ՀՀ քրեական դատավարության օրենսգրքի 373 հոդվածով և 375 հոդվածի 1-3-րդ մասերով նախատեսված հիմքերով։



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ

(1)Ծնված՝ 1986 թվականի հունիսի 23-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 3 անչափահաս երեխա, նախկինում դատապարտված, հաշվառված է և բնակվում է Երևան քաղաքի Սարիթաղ 2 փողոցի թիվ 23 տանը, որպես խափանման միջոց է կիրառված բացակայելու արգելքը:
(2)3.1-3.2 կետերի վերաբերյալ տե՛ս Դատարանում ստեղծված նյութերը։