ԵԴ1/1058/01/25

Ո Ր Ո Շ Ո Ւ Մ
քրեական վարույթ սկսելը մերժելու մասին

§15¦ ապրիլի 2025թ. ք. Եղվարդ

ՀՀ Կոտայքի մարզի առաջին ատյանի ընդհանուր իրավասության դատարանը (այսուհետև նաև՝ Դատարան) նախագահությամբ դատավոր Գ. Մարգարյանի, ուսումնասիրելով Արսեն Ջեմսի Հակոբյանի կողմից ներկայացված թիվ Ե


Դ1/1058/01/25 քրեական հայցը,

Պ Ա Ր Զ Ե Ց Ի

2025 թվականի ապրիլի 10-ին ըստ ընդդատությամբ ՀՀ Կոտայքի մարզի առաջին ատյանի ընդհանուր իրավասության դատարան է ստացվել Արսեն Ջեմսի Հակոբյանի կողմից ներկայացված քրեական հայցը, որը նույն օրը մակագրվել, և նույն թվականի ապրիլի 11-ին հանձնվել է դատավոր Գ. Մարգարյանին։
Ուսումնասիրելով նշված քրեական հայցը՝ Դատարանը գտնում է, որ դրա հիման վրա քրեական վարույթ սկսելը պետք է մերժել՝ հետևյալ պատճառաբանություններով․
ՀՀ քրեական դատավարության օրենսգրքի 451-րդ հոդվածի համաձայն՝
1. Մասնավոր մեղադրանքով վարույթը կարող է նախաձեռնվել այն դեպքում, երբ այն անձը, որը բավարար հիմքեր ունի ենթադրելու, որ Հայաստանի Հանրապետության քրեական օրենսգրքի 15-րդ հոդվածի 1-ին մասով նախատեuված արարքներով իրեն պատճառվել է վնաս, քրեական հայց է ներկայացնում դատարան:
2. Քրեական հայցը կարող է ներկայացնել միայն սույն հոդվածի 1-ին մասով նախատեսված անձը կամ նրա օրինական ներկայացուցիչը:
3. Քրեական հայցը պետք է բովանդակի՝
1) սույն հոդվածի 1-ին մասով նախատեսված անձի անունը, ազգանունը և բնակության կամ հաշվառման վայրը.
2) այն անձի անունը, ազգանունը և բնակության կամ հաշվառման վայրը, որի դեմ ներկայացվել է քրեական հայցը.
3) մեղադրանքի բովանդակությունը, այդ թվում՝ քրեական օրենսգրքի համապատասխան հոդվածը կամ հոդվածի մասը.
4) այն անձանց անունները, ազգանուններն ու բնակության կամ հաշվառման վայրերը, որոնք պետք է կանչվեն դատական նիստին.
5) մեղադրանքը հիմնավորող նյութերը:

4. Սույն հոդվածի 2-րդ մասով նախատեսված անձը քրեական հայցը ներկայացնում է ենթադրյալ հանցանքի կատարման վայրի առաջին ատյանի դատարան:
5. Մասնավոր մեղադրանքով մինչդատական վարույթն իրականացվում է բացառապես ենթադրյալ հանցանք կատարած անձին հայտնաբերելու համար:

ՀՀ քրեական դատավարության օրենսգրքի 452-րդ հոդվածի համաձայն՝
1. Քրեական հայցն ստանալուց հետո դատավորը ստուգում է՝ արդյոք պահպանվել են սույն օրենսգրքի 451-րդ հոդվածի 3-րդ մասով սահմանված` քրեական հայցին ներկայացվող պահանջները, արդյոք քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել մասնավոր կարգով, և հնգօրյա ժամկետում կայացնում է հետևյալ որոշումներից մեկը․
1) քրեական վարույթ սկսելու մասին.
2) քրեական հայցը վերադարձնելու մասին.
3) քրեական հայցը և կից նյութերն ըստ ընդդատության ուղարկելու մասին.
4) քրեական վարույթ սկսելը մերժելու մասին:
2. Քրեական հայցը, համապատասխան թերությունները մատնանշելով, առնվազն հինգ օր ժամկետով վերադարձվում է, եթե դրանում առկա են շտկելի թերություններ:
3. Քրեական հայցը և կից նյութերն ուղարկվում են ըստ ընդդատության, եթե պարզվում է, որ ենթադրյալ հանցանքի կատարման վայրը դուրս է տվյալ դատարանի դատական տարածքից:
4. Քրեական վարույթ սկսելը մերժվում է, եթե`
1) ենթադրյալ հանցանք կատարած անձը հայտնի չէ.
2) քրեական հայցում նկարագրված փաստական հանգամանքներն ակնհայտորեն հանցավոր չեն.
3) քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել միայն հանրային կարգով.
4) դատարանի սահմանած ժամկետում քրեական հայցի թերությունները չեն վերացվել, կամ այն վերստին չի ներկայացվել:

Մեջբերված իրավանորմերի համատեքստում ուսումնասիրելով քրեական հայցը և դրան կից ներկայացված փաստաթղթերի պատճենները, Դատարանն արձանագրում է, որ չեն պահպանվել ՀՀ քրեական դատավարության օրենսգրքի 451-րդ հոդվածի 3-րդ մասի պահանջները, մասնավորապես՝ քրեական հայցում նշված չեն այն անձի անունը, ազգանունը և բնակության կամ հաշվառման վայրը, որի դեմ ներկայացվել է քրեական հայցը, մեղադրանքի բովանդակությունը, այդ թվում՝ քրեական օրենսգրքի համապատասխան հոդվածը կամ հոդվածի մասը, այն անձանց անունները, ազգանուններն ու բնակության կամ հաշվառման վայրերը, որոնք պետք է կանչվեն դատական նիստին: Բացի այդ, ՀՀ քրեական դատավարության օրենսգրքի 452-րդ հոդվածի 4-րդ կետի համաձայն՝ քրեական վարույթ սկսելը մերժվում է, եթե` 1) ենթադրյալ հանցանք կատարած անձը հայտնի չէ. 2) քրեական հայցում նկարագրված փաստական հանգամանքներն ակնհայտորեն հանցավոր չեն: Արսեն Ջեմսի Հակոբյանի կողմից ներկայացված քրեական հայցում հայտնի չէ հանցանք կատարած անձը և քրեական հայցում նկարագրված փաստական հանգամանքներն ակնհայտորեն հանցավոր չեն, ուստի Արսեն Հակոբյանի կողմից ներկայացված քրեական հայցի հիման վրա քրեական վարույթ սկսելը ենթակա է մերժման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-րդ, 451-452-րդ հոդվածներով`
Ո Ր Ո Շ Ե Ց Ի

Արսեն Ջեմսի Հակոբյանի կողմից ներկայացված հայցի հիման վրա քրեական վարույթ սկսելը մերժել։
Որոշումը հատուկ վերանայման կարգով կարող է բողոքարկվել ՀՀ վերաքննիչ քրեական դատարան` ստանալու պահից տասնօրյա ժամկետում:





ԴԱՏԱՎՈՐ Գ. ՄԱՐԳԱՐՅԱՆ