Քրեական գործ թիվ ԵԴ1/1026/01/25



ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«09» հունվարի 2026 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Գ․ԳԱԼՍՏՅԱՆԻ
Ս․ԶԱՔՈՅԱՆԻ
Է․ԱԲԵԼՅԱՆԻ
Դ․ՀԱԽՆԱԶԱՐՅԱՆԻ
հանրային մեղադրող՝ Բ․ՂԱԶԻՆՅԱՆԻ
պաշտպան՝ Է․ԱՂԱԲԵԿՅԱՆԻ
մեղադրյալ՝ Ե․ԳՐԻԳՈՐՅԱՆԻ
դռնբաց դատական նիստում` արագացված վարույթի կարգով, քննեց քրեական գործն ըստ մեղադրանքի`
Երջանիկ Ռաֆիկի Գրիգորյանի՝ ծնված՝ 1959 թվականի սեպտեմբերի 20-ին Երևան քաղաքում, ազգությամբ հայ, ՀՀ քաղաքացի, ամուսնալուծված, նախկինում չդատապարտված, հաշվառված և բնակվում է Կոտայքի մարզ, Նոր Հաճըն, Չարենցի փողոց 5 շենք, բնակարան 7 հասցեում, մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով (2 դրվագով) և ՀՀ քրեական օրենսգրքի 344-րդ հոդվածի 1-ին մասով և որպես խափանման միջոց է կիրառվել ՀՀ-ից բացակայելու արգելքը։

1․ Գործի դատավարական նախապատմությունը.
2022 թվականի սեպտեմբերի 26-ին, ՀՀ ոստիկանության ՊԾ ԵՔԳ ՎՎԻ բաժանմունքի պետ Ա․Բաբիկյանը զեկուցագիր է ներկայացրել ՀՀ ոստիկանության ՊԾ պետ Ա․Ումրշատյանին և ՀՀ ոստիկանության ՊԾ Երևան քաղաքի գնդի հրամանատար Ա․Իսախանյանին, համաձայն որի՝ «(…) ՀՀ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Կարապետ Գևորգյանը, Երջանիկ Ռաֆիկի Գրիգորյանի (ծնված՝ 1959 թվականի սեպտեմբերի 20-ին, Կոտայքի մարզ, ք.Նոր Հաճն, Չարենցի փողոց, 5 շենք, 7 բն, ՀԾՀ՝ 3009591063) նկատմամբ 2022 թվականի հուլիսի 1-ին` ժամը 17:40-ին, կազմել է թիվ 8180150497 արձանագրություն, քանի որ վերջինս 2022 թվականի հուլիսի 1-ին` ժամը 17:00-ին, Երևան քաղաքի Բաղրամյան փողոցում, «ՕՊԵԼ» մակնիշի 36 DX 617 հաշվառման համարանիշի տրանսպորտային միջոցը վարել է կասեցված վարորդական իրավունքի վկայականով և ոչ սթափ վիճակում։ ՀՀ քրեական օրենսգրքի 344-րդ հոդվածի 2-րդ մասը քրեական պատասխանատվություն է սահմանում տրանսպորտային միջոցներ վարելու իրավունքը կասեցված անձի կողմից հարբած (ոչ սթափ վիճակում տրանսպորտային միջոց վարելու համար:
Կից ներկայացնում եմ թիվ 8180150497 արձանագրության պատճենը, որը բնօրինակի հետ ճիշտ է, և ՃՈ էլեկտրոնային ռեգիստրի հաշվառման շտեմարանից Երջանիկ Ռաֆիկի Գրիգորյանի MB թիվ 844052 վարորդական իրավունքի վկայականի քաղվածքի պատճենը: (…)»:
Դեպքի առթիվ՝ 2022 թվականի հոկտեմբերի 20-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60831622 քրեական վարույթը:
2022 թվականի հոկտեմբերի 27-ին, ՀՀ ոստիկանության ՊԾ ԵՔԳ ՎՎԻ բաժանմունքի պետ Ա․Բաբիկյանը զեկուցագիր է ներկայացրել ՀՀ ոստիկանության ՊԾ պետ Ա․Ումրշատյանին և ՀՀ ոստիկանության ՊԾ Երևան քաղաքի գնդի հրամանատար Ա․Իսախանյանին, համաձայն որի՝ «(…) ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկ Վահան Գյուլամիրյանը, Երջանիկ Ռաֆիկի Գրիգորյանի (ծնված՝ 1959 թվականի սեպտեմբերի 20-ին, Կոտայքի մարզ, ք.Նոր Հաճն, Չարենցի փողոց, 5 շենք, 7 բն, ՀԾՀ՝ 3009591063) նկատմամբ 2022 թվականի հոկտեմբերի 10-ին, ժամը 12:45-ին կազմել է թիվ 8180165406 վարչական իրավախախտման վերաբերյալ արձանագրություն, քանի որ վերջինս 2022 թվականի հոկտեմբերի 10-ին, ժամը 12:00-ին, Երևան քաղաքի Իսակովի պողոտայում. «ՕՊԵԼ» մակնիշի 36 DX 617 հաշվառման համարանիշի տրանսպորտային միջոցը վարել է կասեցված վարորդական իրավունքի վկայականով և ոչ սթափ վիճակում: ՀՀ քրեական օրենսգրքի 344-րդ 2-րդ մասը քրեական պատասխանատվություն է սահմանում կասեցված վարորդական իրավունքի վկայականով, ոչ սթափ վիճակում տրանսպորտային միջոց վարելու համար:
Կից ներկայացնում եմ թիվ 8180165406 արձանագրությունը, և ՃՈ էլեկտրոնային ռեգիստրի հաշվառման շտեմարանից Երջանիկ Ռաֆիկի Գրիգորյանի MB թիվ 844052 վարորդական իրավունքի վկայականի քաղվածքի պատճենը: (…)»:
Դեպքի առթիվ՝ 2022 թվականի դեկտեմբերի 7-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործություն-ների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60883022 քրեական վարույթը:
2022 թվականի դեկտեմբերի 8-ին, ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Հ․Գրիգորյանը որոշում է կայացրել թիվ 60883022 քրեական վարույթը թիվ 60831622 քրեական վարույթին միացնելու և նախաքննությունը թիվ 60831622 քրեական վարույթի համարով շարունակելու մասին։
2022 թվականի նոյեմբերի 16-ին, ՀՀ ոստիկանության ՊԾ ԵՔԳ ՎՎԻ բաժանմունքի պետ Ա․Բաբիկյանը զեկուցագիր է ներկայացրել ՀՀ ոստիկանության ՊԾ պետ Ա․Ումրշատյանին և ՀՀ ոստիկանության ՊԾ Երևան քաղաքի գնդի հրամանատար Ա․Իսախանյանին, համաձայն որի՝ «(…) ՀՀ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի կրտսեր պարեկ Գրետա Նոբելյանը, Երջանիկ Ռաֆիկի Գրիգորյանի (ծնված՝ 1959 թվականի սեպտեմբերի 20-ին, Կոտայքի մարզ, ք.Նոր Հաճն, Չարենցի փողոց, 5 շենք, 7 բն, ՀԾՀ՝ 3009591063) նկատմամբ 2022 թվականի նոյեմբերի 2-ին` ժամը 08:00-ին, կազմել է թիվ 8180166085 արձանագրություն, քանի որ վերջինս 2022 թվականի նոյեմբերի 2-ին` ժամը 07:55-ին, Երևան քաղաքի Ա.Միկոյան փողոցում, «ՕՊԵԼ» մակնիշի 35 TV 299 հաշվառման համարանիշի տրանսպորտային միջոցը վարել է կասեցված վարորդական իրավունքի վկայականով: ՀՀ քրեական օրենսգրքի 344-րդ 1-ին մասը քրեական պատասխանատվություն է սահմանում կասեցված վարորդական իրավունքի վկայականով տրանսպորտային միջոց վարելու համար։
Կից ներկայացնում եմ թիվ 8180166085 արձանագրությունը, և ՃՈ էլեկտրոնային ռեգիստրի հաշվառման շտեմարանից Երջանիկ Ռաֆիկի Գրիգորյանի MB թիվ 844052 վարորդական իրավունքի վկայականի քաղվածքի պատճենը: (…)»:
Դեպքի առթիվ՝ 2022 թվականի դեկտեմբերի 16-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցա-գործու¬թյուն¬ների քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60896722 քրեական վարույթը:
2022 թվականի դեկտեմբերի 30-ին, ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Հ․Գրիգորյանը որոշում է կայացրել թիվ 60896722 քրեական վարույթը թիվ 60831622 քրեական վարույթին միացնելու և նախաքննությունը թիվ 60831622 քրեական վարույթի համարով շարունակելու մասին։
2022 թվականի դեկտեմբերի 5-ին, ՀՀ ոստիկանության ՊԾ ԵՔԳ ՎՎԻ բաժանմունքի պետ Ա․Բաբիկյանը զեկուցագիր է ներկայացրել ՀՀ ոստիկանության ՊԾ պետ Ա․Ումրշատյանին և ՀՀ ոստիկանության ՊԾ Երևան քաղաքի գնդի հրամանատար Ա․Իսախանյանին, համաձայն որի՝ «(…) ՀՀ ոստիկանության պարեկային ծառայության Երևան քաղաքի գնդի 1-ին գումարտակի, 1-ին վաշտի պարեկ Ժիրայր Խանջյանը, Երջանիկ Ռաֆիկի Գրիգորյանի (ծնված՝ 1959 թվականի սեպտեմբերի 20-ին, Կոտայքի մարզ, ք.Նոր Հաճն, Չարենցի փողոց, 5 շենք, 7 բն, ՀԾՀ՝ 3009591063) նկատմամբ 2022 թվականի հոկտեմբերի 31-ին` ժամը 01:06-ին, կազմել է թիվ 8180166184 արձանագրություն, քանի որ վերջինս 2022 թվականի հոկտեմբերի 31-ին` ժամը 00:55-ին, Երևան քաղաքի Հալաբյան փողոցում, «ՕՊԵԼ» մակնիշի 35 TV 299 հաշվառման համարանիշի տրանսպորտային միջոցը վարել է կասեցված վարորդական իրավունքի վկայականով և ոչ սթափ վիճակում։ ՀՀ քրեական օրենսգրքի 344-րդ հոդվածի 2-րդ մասը քրեական պատասխանատվություն է սահմանում տրանսպորտային միջոցներ վարելու իրավունքը կասեցված անձի կողմից հարբած (ոչ սթափ) վիճակում տրանսպորտային միջոց վարելու համար:
Կից ներկայացնում եմ թիվ 8180166184 արձանագրությունը, ՃՈ էլեկտրոնային ռեգիստրի հաշվառման շտեմարանից Երջանիկ Ռաֆիկի Գրիգորյանի MB թիվ 844052 վարորդական իրավունքի վկայականի քաղվածքի պատճենը: (…)»:
Դեպքի առթիվ՝ 2023 թվականի հունվարի 23-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործություն-ների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60142823 քրեական վարույթը:
2023 թվականի փետրվարի 28-ին, ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Հ․Գրիգորյանը որոշում է կայացրել թիվ 60142823 քրեական վարույթը թիվ 60831622 քրեական վարույթին միացնելու և նախաքննությունը թիվ 60831622 քրեական վարույթի համարով շարունակելու մասին։
2025 թվականի մարտի 20-ին, ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազության դատախազ Բ․Ղազինյանի որոշմամբ թիվ 60831622 քրեական վարույթով Երջանիկ Ռաֆիկի Գրիգորյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով (2 դրվագ) և ՀՀ քրեական օրենսգրքի 344-րդ հոդվածի 1-ին մասով:
2025 թվականի մարտի 20-ին, ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազության դատախազ Բ․Ղազինյանի որոշմամբ՝ Երջանիկ Ռաֆիկի Գրիգորյանի նկատմամբ, ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում չի հարուցվել՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետով։
2025 թվականի մարտի 22-ին Երջանիկ Ռաֆիկի Գրիգորյանի նկատմամբ որպես խափանման միջոց է կիրառվել բացակայելու արգելքը:
2025 թվականի մարտի 27-ին ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազությունից Դատարան է ստացվել թիվ ԵԴ1/1026/01/25 (նախաքննական համարը՝ 60831622) քրեական գործն ըստ մեղադրանքի Երջանիկ Ռաֆիկի Գրիգորյանի՝ ՀՀ քրեական օրենսգրքի 344-րդ հոդվածի 2-րդ մասով (2 դրվագ) և ՀՀ քրեական օրենսգրքի 344-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել, իսկ 2025 թվականի մարտի 28-ին հանձնվել է Դատարանի դատավոր Գ․Աբելյանի աշխատակազմին։
2025 թվականի մարտի 31-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/1026/01/25 քրեական գործով վարույթը ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Երջանիկ Ռաֆիկի Գրիգորյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով (2 դրվագ) և ՀՀ քրեական օրենսգրքի 344-րդ հոդվածի 1-ին մասով՝ այն բանի համար, որ. «(…) [Ն]ա, ՀՀ ՆԳՆ ոստիկանության ճանապարհային ոստիկանության ծառայողի կողմից 2022 թվականի ապրիլի 13-ին կայացված՝ թիվ 2214456391 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, և այդ մասին իրազեկվելով 2022 թվականի հուլիսի 1-ին կազմված՝ վարչական իրավախախտման վերաբերյալ թիվ 8180150497 արձանագրությամբ, 2022 թվականի հոկտեմբերի 10-ին ժամը 12.00-ի սահմաններում Երևան քաղաքի Իսակովի պողոտայում հարբած (ոչ սթափ) վիճակում՝ արտաշնչած մեկ լիտր օդի մեջ ալկոհոլի պարունակությունը կազմել է 0.280 մգ/լ, վարել է Օպել մակնիշի 36DX617 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8180165406 արձանագրությամբ:
Այսինքն՝ Երջանիկ Ռաֆիկի Գրիգորյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով:
Բացի այդ՝ Երջանիկ Ռաֆիկի Գրիգորյանը, ՀՀ ՆԳՆ ոստիկանության ճանապարհային ոստիկանության ծառայողի կողմից 2022 թվականի ապրիլի 13-ին կայացված՝ թիվ 2214456391 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, և այդ մասին իրազեկվելով 2022 թվականի հուլիսի 1-ին կազմված՝ վարչական իրավախախտման վերաբերյալ թիվ 8180150497 արձանագրությամբ, 2022 թվականի հոկտեմբերի 31-ին ժամը 00.55-ի սահմաններում Երևան քաղաքի Հալաբյան փողոցում հարբած (ոչ սթափ վիճակում՝ արտաշնչած մեկ լիտր օդի մեջ ալկոհոլի պարունակությունը կազմել է 0.131 մգ/լ, վարել է Օպել մակնիշի 35TV299 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8180166184 արձանագրությամբ։
Այսինքն՝ Երջանիկ Ռաֆիկի Գրիգորյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով:
Բացի այդ՝ Երջանիկ Ռաֆիկի Գրիգորյանը ՀՀ ՆԳՆ ոստիկանության ճանապարհային ոստիկանության ծառայողի կողմից 2022 թվականի ապրիլի 13-ին կայացված թիվ 2214456391 որոշմամբ ենթարկված լինելով վարչական տույժի՝ տրանսպորտային միջոց վարելու իրավունքը 6 ամիս ժամկետով կասեցնելու ձևով, և այդ մասին իրազեկվելով 2022 թվականի հուլիսի 1-ին կազմված՝ վարչական իրավախախտման վերաբերյալ թիվ 8180150497 արձանագրությամբ, 2022 թվականի նոյեմբերի 2-ին ժամը 07.55-ի սահմաններում Երևան քաղաքի Միկոյան փողոցում վարել է Օպել մակնիշի 35TV299 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8180166085 արձանագրությամբ:
Այսինքն՝ Երջանիկ Ռաֆիկի Գրիգորյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 1-ին մասով:
Այսպիսով՝ Երջանիկ Ռաֆիկի Գրիգորյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով (2 դրվագ) և 344-րդ հոդվածի 1-ին մասով նախատեսված հանցավոր արարքների կատարում: (…)»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Երջանիկ Ռաֆիկի Գրիգորյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Բ․Ղազինյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
- 2025 թվականի մարտի 22-ին մեղադրյալի հարցաքննության արձանագրությունը, համաձայն որի՝ Երջանիկ Ռաֆիկի Գրիգորյանը, ընդունել է իրեն առաջադրված մեղադրանքը ,
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի՝ Երջանիկ Ռաֆիկի Գրիգորյանի վերաբերյալ ձև 8 տեղեկանքը , համաձայն որի`
«(…) 1. ԳՐԻԳՈՐՅԱՆ ԵՐՋԱՆԻԿ ՌԱՖԻԿԻ
Ծննդյան ամսաթիվը` 20/09/1959, Ծննդավայրը` ԵՐԵՎԱՆ
Համարը` 60831622
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 20/10/2022
Մեղադրական հոդված` ՀՀ ՔՐ. ՕՐ. հ 344 մ 2 (2 դրվագ) , հ 344 մ 1
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
2. ԳՐԻԳՈՐՅԱՆ ԵՐՋԱՆԻԿ ՌԱՖԻԿԻ
Ծննդյան ամսաթիվը` 20/09/1959, Ծննդավայրը` ԵՐԵՎԱՆ
Համարը` 57108404
1) Նախաքննության վերաբերյալ տեղեկատվություն
Նախաձեռնող մարմինը` ԷՋՄԻԱԾՆԻ ՔՆՆՉ. ԲԱԺ.,ամս` 12/10/2004
Մեղադրական հոդված` ՀՀ ՔՐ. ՕՐ. (2003Թ.) հ 242 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԱՐՄԱՎԻՐԻ ԺՈՂ. ԴԱՏԱՐԱՆ,ամս` 24/01/2005
ՀՀ ՔՐ. ՕՐ. (2003Թ.) հ 242 մ 2
Հիմնական պատիժը` ԱԶԱՏԱԶՐԿՈՒՄ 1 տարի , Հ. 70 ՓՈՐՁԱՇՐՋԱՆ 1 տարի
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
3. ԳՐԻԳՈՐՅԱՆ ԵՐՋԱՆԻԿ ՌԱՖԻԿԻ
Ծննդյան ամսաթիվը` 20/09/1959, Ծննդավայրը` ԵՐԵՎԱՆ
Համարը` 46102911
1) Նախաքննության վերաբերյալ տեղեկատվություն
Նախաձեռնող մարմինը` ՆԱԻՐԻԻ ՈՍՏԻԿԱՆՈՒԹՅԱՆ ԲԱԺԻՆ,ամս` 20/04/2011
Մեղադրական հոդված` ՀՀ ՔՐ. ՕՐ. (2003Թ.) հ 38.-177 մ 2 կ 1, հ 38.-177 մ 2 կ 3
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԿՈՏԱՅՔԻ ԸՆԴ. ԻՐԱՎ. ԴԱՏԱՐԱՆ,ամս` 06/06/2011
ՀՀ ՔՐ. ՕՐ. (2003Թ.) հ 38.-177 մ 2 կ 1, հ 38.-177 մ 2 կ 3
Հիմնական պատիժը` ԱԶԱՏԱԶՐԿՈՒՄ 2 տարի
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
Ազատվել է` ՀԱՄԱՆԵՐՈՒՄ
26.05.2011Թ.
Պատժի կրումից ազատման ամսաթիվը` 06/06/2011
(…)»։
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի՝ Երջանիկ Ռաֆիկի Գրիգորյանի վերաբերյալ ձև 9 տեղեկանքը , համաձայն որի`
«(…) 1. ԳՐԻԳՈՐՅԱՆ ԵՐՋԱՆԻԿ ՌԱՖԻԿԻ
Ծննդյան ամսաթիվը` 20/09/1959, Ծննդավայրը` ԵՐԵՎԱՆ
Համարը` 60831622
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 20/10/2022
Մեղադրական հոդված` ՀՀ ՔՐ. ՕՐ. հ 344 մ 2 (2 դրվագ) , հ 344 մ 1
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
(…)»։
- ՀՀ ՊԵԿ հարկ վճարողների սպասարկման վարչության պետ Ա․Հովսեփյանի գրությունը , որի համաձայն՝ «(…) Հարկային մարմնի տեղեկատվական բազայում առկա տվյալների համաձայն ֆիզիկական անձ Երջանիկ Ռաֆիկի Գրիգորյանը (ծնված՝ 1959 թվականի սեպտեմբերի 20-ին, ՀԾՀ՝ 3009591063) Ձեր կողմից ներկայացված հարցմամբ նշված ժամանակահատվածում (2022 թվականի հոկտեմբերի 10-ին, 2022 թվականի հոկտեմբերի 31-ին և 2022 թվականի նոյեմբերի 02-ին նախորդող 12 ամիսների ընթացքում) չի հանդիսացել վարձու աշխատող։ (…)»։
- Երջանիկ Ռաֆիկի Գրիգորյանի կողմից դատալսումների ժամանակ ներկայացված՝ մեծահասակի ամբուլատոր բժշկական քարտից քաղվածքը ։

4.Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- Երջանիկ Ռաֆիկի Գրիգորյանն ունի միջնակարգ կրթություն,
- Երջանիկ Ռաֆիկի Գրիգորյանը նախկինում դատապարտված չի եղել,
- Ներկայացված մեղադրանքում Երջանիկ Ռաֆիկի Գրիգորյանն իրեն լիովին մեղավոր է ճանաչել և զղջացել կատարածի համար։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Երջանիկ Ռաֆիկի Գրիգորյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալի կողմից կատարված արարքների նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը և ՀՀ քրեական օրենսգրքի 344-րդ հոդվածի 2-րդ մասը (2 դրվագով)։
Դատարանի կողմից հաստատված փաստական հանգամանքների հիման վրա՝ Դատարանը գտնում է, որ Երջանիկ Ռաֆիկի Գրիգորյանի անձը բնութագրող հանգամանք է միջնակարգ կրթություն ունենալը։
Դատարանը, ղեկավարվելով ՀՀ քրեական օրենսգրքի (այսուհետ՝ նաև Օրենսգիրք) 70-րդ հոդվածով, գտնում է, որ Երջանիկ Ռաֆիկի Գրիգորյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը , ինչպես նաև պատիժ նշանակելու պահին հանցավորի 65 տարին լրացած լինելը։
Դատարանը միաժամանակ արձանագրում է, որ Երջանիկ Ռաֆիկի Գրիգորյանի պատասխանատվությունն ու պատիժը ծանրացնող՝ Օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Երջանիկ Ռաֆիկի Գրիգորյանը ենթակա է պատժի։
Պատիժ նշանակելու հարցի համատեքստում Դատարանը հարկ է համարում արձանագրել հետևյալը՝
Օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»։
Օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»։
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի , հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով պատժի նպատակների իրացումն ապահովելու անհրաժեշտությունից ։
Մասնավորապես, Վճռաբեկ դատարանն ընդգծել է, որ հանցանքի հանրային վտանգավորության բնույթն ու աստիճանը ճիշտ գնահատելու և հանցավորի նկատմամբ համաչափ պատիժ նշանակելու համար անհրաժեշտ է, ի թիվս այլնի, հատուկ ուշադրություն դարձնել հանցավոր վարքագծի դրսևորման եղանակին, հանցանքի կատարման գործիքին և հանցագործության իրադրությանը, պատճառված վնասի բնույթին, արարքի նկատմամբ անձի հոգեբանական վերաբերմունքին, հանցագործության նպատակին և շարժառիթին: Այս առումով Վճռաբեկ դատարանը փաստել է, որ անձի արարքում հանցակազմը որակյալ դարձնող մեկից ավելի հանգամանքների առկայությունը կարող է վկայել ինչպես հանցագործության, այնպես էլ հանցավորի անձի հանրային բարձր վտանգավորության մասին, հետևաբար այն պետք է համաչափ գնահատականի արժանանա դատարանի կողմից և հաշվի առնվի պատիժ նշանակելիս :
Անդրադառնալով պատիժ նշանակելիս հանցավորի անձը բնութագրող տվյալները գնահատման ենթարկելու կարևորությանը` Վճռաբեկ դատարանը մշտապես ընդգծել է, որ պատասխանատվության և պատժի անհատականացման հիմք են ոչ միայն կատարված արարքի հանրային վտանգավորության բնույթն ու աստիճանը, այլև հանցավորի անձը բնութագրող սոցիալ-հոգեբանական, սոցիալ-ժողովրդագրական, քրեաբանական և քրեաիրավական, ֆիզիկական հատկությունների համակցությունը (ընտանեկան դրությունը, վարքագիծը աշխատանքում և կենցաղում, աշխատունակությունը, առողջական վիճակը, տարիքը, սեռը, դատվածությունը և այլն): Մասնավորապես Վճռաբեկ դատարանը փաստել է հանցավորի ընտանեկան դրությունը, վերջինիս ընտանիքի կյանքի պայմանների վրա նշանակված պատժի ազդեցությունը, նրա խնամքին այլ անձանց առկայությունը, սոցիալական միջավայրում նրա զբաղեցրած տեղն ու դիրքը, սոցիալական միջավայրում նրա ունեցած բնութագիրը և մի շարք այլ հանգամանքների վերաբերյալ փաստական տվյալները գնահատման ենթարկելու անհրաժեշտությունը :
Դատարանը, հաշվի առնելով Երջանիկ Ռաֆիկի Գրիգորյանի կատարած հանցանքների հանգամանքները, նրա անձը բնութագրող տվյալները, պատասխանա-տվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, Օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ Օրենսգրքի 344-րդ հոդվածի 1-ին և 2-րդ մասերի սանկցիաներով որպես հիմնական պատիժ է նախատեսված նաև հանրային աշխատանքները , գտնում է, որ Օրենսգրքի 77-րդ հոդվածի վերաբերելի կանոնների կիրառմամբ և Օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար՝
- Օրենսգրքի 344-րդ հոդվածի 2-րդ մասով (2022 թվականի հոկտեմբերի 10-ի դրվագով) նախատեսված հանցանքների կատարման համար նրա նկատմամբ որպես պատիժ պետք է նշանակել հանրային աշխատանքները` 80 (ութսուն) ժամ տևողությամբ,
- Օրենսգրքի 344-րդ հոդվածի 2-րդ մասով (2022 թվականի հոկտեմբերի 31-ի դրվագով) նախատեսված հանցանքների կատարման համար նրա նկատմամբ որպես պատիժ պետք է նշանակել հանրային աշխատանքները` 80 (ութսուն) ժամ տևողությամբ,
- Օրենսգրքի 344-րդ հոդվածի 1-ին մասով (2022 թվականի հուլիսի 1-ի դրվագով) նախատեսված հանցանքների կատարման համար նրա նկատմամբ որպես պատիժ պետք է նշանակել հանրային աշխատանքները` 60 (վաթսուն) ժամ տևողությամբ ։
Դատարանը գտնում է, որ Օրենսգրքի 74-րդ հոդվածով սահմանված կարգով՝ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 2-րդ մասով յուրաքանչյուր դրվագով որպես պատիժ նշանակված՝ 80 (ութսուն) ժամ տևողությամբ հանրային աշխատանքները պետք է գումարել Օրենսգրքի 344-րդ հոդվածի 1-ին մասով որպես պատիժ նշանակված՝ 60 (վաթսուն) ժամ տևողությամբ հանրային աշխատանքներին` վերջնական պատիժ նշանակելով հանրային աշխատանքներ՝ 220 (երկու հարյուր քսան) ժամ տևողությամբ։
Դատարանը միաժամանակ գտնում է, որ կատարած հանցանքներից յուրաքանչյուրի համար Երջանիկ Ռաֆիկի Գրիգորյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը գտնում է, որ Երջանիկ Ռաֆիկի Գրիգորյանի նկատմամբ կիրառված խափանման միջոցը՝ ՀՀ-ից բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և փորձաշրջան սահմանելու պայմաններում առկա է ողջամիտ ենթադրություն առ այն, որ մեղադրյալը կարող է դիմել փախուստի և չկատարել իր վրա դրված պարտականությունները, իսկ նման խափանման միջոցի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-13-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ դատավճիռն օրինական ուժի մեջ մտնելուց հետո՝ արտավարութային փաստաթղթերը պետք է պահել քրեական գործի նյութերում՝ դրանք պահելու ամբողջ ընթացքում։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Երջանիկ Ռաֆիկի Գրիգորյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4-րդ հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-րդ, 276-րդ, 347-350-րդ, 464.4-րդ և 464.5-րդ հոդվածներով` Դատարանը

ՎՃՌԵՑ

1. Երջանիկ Ռաֆիկի Գրիգորյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով (2 դրվագով) և ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ։
2. ՀՀ քրեական օրենսգրքի 344-րդ հոդվածի 2-րդ մասով (2022 թվականի հոկտեմբերի 10-ի դրվագով) նախատեսված հանցանքի կատարման համար Երջանիկ Ռաֆիկի Գրիգորյանի նկատմամբ պատիժ նշանակել հանրային աշխատանքներ՝ 80 (ութսուն) ժամ տևողությամբ։
3. ՀՀ քրեական օրենսգրքի 344-րդ հոդվածի 2-րդ մասով (2022 թվականի հոկտեմբերի 31-ի դրվագով) նախատեսված հանցանքի կատարման համար Երջանիկ Ռաֆիկի Գրիգորյանի նկատմամբ պատիժ նշանակել հանրային աշխատանքներ՝ 80 (ութսուն) ժամ տևողությամբ։
4. ՀՀ քրեական օրենսգրքի 344-րդ հոդվածի 1-ին մասով (2022 թվականի նոյեմբերի 02-ի դրվագով) նախատեսված հանցանքի կատարման համար Երջանիկ Ռաֆիկի Գրիգորյանի նկատմամբ պատիժ նշանակել հանրային աշխատանքներ՝ 60 (վաթսուն) ժամ տևողությամբ։
5. ՀՀ քրեական օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 2-րդ մասով յուրաքանչյուր դրվագով որպես պատիժ նշանակված՝ 80 (ութսուն) ժամ տևողությամբ հանրային աշխատանքները գումարել ՀՀ քրեական օրենսգրքի 344-րդ հոդվածի 1-ին մասով որպես պատիժ նշանակված՝ 60 (վաթսուն) ժամ տևողությամբ հանրային աշխատանքները՝ վերջնական պատիժ նշանակելով հանրային աշխատանքներ՝ 220 (երկու հարյուր քսան) ժամ տևողությամբ։
6. Երջանիկ Ռաֆիկի Գրիգորյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
7. Դատավճռի օրինական ուժի մեջ մտնելուց հետո արտավարութային փաստաթղթերը պահել քրեական գործի նյութերում դրանք պահելու ամբողջ ընթացքում։
8. Վարութային ծախսերի հարցը համարել լուծված:
9. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում, սակայն այն չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ՝ Գ․ԱԲԵԼՅԱՆ