ԵԴ1/0994/01/25
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2026թ․ մայիսի <<8>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Ս.Մխոյան
հանրային մեղադրող Բ.Ղազինյան

դռնբաց դատական նիստում քննեց քրեական վարույթն ըստ մեղադրանքի Ալբերտ Անդրանիկի Աբրահամյանի՝ ծնված 1982 թվականի հունիսի 28-ին Գյումրի քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, չի աշխատում, հաշվառված և բնակվող՝ Կոտայքի մարզի Զովունի գյուղի 38-րդ փողոցի 19-2/2 տանը: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով՝ 3 դրվագ․ որպես խափանման միջոց է կիրառվել բացակայելու արգելքը:
Վարույթի դատավարական նախապատմությունը.
2024 թվականի ապրիլի 17-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Հարությունյանի արձանագրությամբ ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-1370-24 քրեական վարույթը։
2024 թվականի ապրիլի 17-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Հարությունյանի արձանագրությամբ ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-1371-24 քրեական վարույթը։
2024 թվականի ապրիլի 18-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Հարությունյանի արձանագրությամբ ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-1372-24 քրեական վարույթը։
2024 թվականի ապրիլի 18-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Հարությունյանի որոշմամբ թիվ 60-1371-24 և 60-1372-24 քրեական վարույթները միացվել են թիվ 60-1370-24 քրեական վարույթին և նախաքննությունը շարունակվել է թիվ 60-1370-24 համարի ներքո:
2025 թվականի փետրվարի 26-ի ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազության դատախազ Բ.Ղազինյանի որոշմամբ Ալբերտ Անդրանիկի Աբրահամյանի նկատմամբ հանրային քրեական հետապնդում է հարուցվել քրեական օրենսգրքով նախատեսված, պատժի սպառնալիքով արգելված, մեղավորությամբ կատարված հանրորեն վտանգավոր այն արարքի կատարման համար, որ նա, չունենալով տրանսպորտային միջոցներ վարելու իրավունք, 2023 թվականի հուլիսի 5-ին՝ ժամը 01։20-ի սահմաններում Երևան քաղաքի Միկոյան փողոցում հարբած (ոչ սթափ) վիճակում՝ արտաշնչած մեկ լիտր օդի մեջ ալկոհոլի պարունակությունը կազմել է 0.729 մգ/լ, վարել է <<Օպել>> մակնիշի 37 OM 534 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից կազմված վարչական իրավախախտման վերաբերյալ թիվ 8180259606 արձանագրությամբ:
Այսինքն՝ Ալբերտ Անդրանիկի Աբրահամյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով։
Բացի այդ, Ալբերտ Անդրանիկի Աբրահամյանը չունենալով տրանսպորտային միջոցներ վարելու իրավունք, 2024 թվականի հունվարի 5-ին՝ ժամը 00։27-ի սահմաններում Երևան քաղաքի Միկոյան փողոցում հարբած (ոչ սթափ) վիճակում՝ արտաշնչած մեկ լիտր օդի մեջ ալկոհոլի պարունակությունը կազմել է 0.585 մգ/լ, վարել է <<Օպել>> մակնիշի 37 NU 548 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից կազմված վարչական իրավախախտման վերաբերյալ թիվ 8180264918 արձանագրությամբ:
Այսինքն՝ Ալբերտ Անդրանիկի Աբրահամյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով։
Բացի այդ, Ալբերտ Անդրանիկի Աբրահամյանը չունենալով տրանսպորտային միջոցներ վարելու իրավունք, 2024 թվականի մարտի 5-ին՝ ժամը 18։55-ի սահմաններում Երևան քաղաքի Եղվարդի խճուղում հարբած (ոչ սթափ) վիճակում՝ արտաշնչած մեկ լիտր օդի մեջ ալկոհոլի պարունակությունը կազմել է 1.001 մգ/լ, վարել է <<Օպել>> մակնիշի 37 NU 548 հաշվառման համարանիշի ավտոմեքենան, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից կազմված վարչական իրավախախտման վերաբերյալ թիվ 8180404522 արձանագրությամբ:
Այսինքն՝ Ալբերտ Անդրանիկի Աբրահամյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով։
2025 թվականի փետրվարի 28-ի ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնի քննիչ Մ.Ազդարիդիսի որոշմամբ Ալբերտ Անդրանիկի Աբրահամյանի նկատմամբ որպես խափանման միջոց է կիրառվել բացակայելու արգելքը։
2025 թվականի մարտի 21-ին թիվ 60-1370-24 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան։
Ապացույցների հետազոտումը և գնահատումը․
Հիմնական դատալսումների ընթացքում մեղադրյալ Ալբերտ Աբրահամյանը նշել է, որ ընդունում է իրեն առաջադրված մեղադրանքը և օգտվելով իր քրեադատավարական իրավունքից՝ հրաժարվել է ցուցմունք տալ։
2025 թվականի հոկտեմբերի 18-ի զննում կատարելու մասին արձանագրության համաձայն՝ զննության է ենթարկվել, որ վարչական իրավախախտման վերաբերյալ ՀՀ ոստիկանության պարեկային ծառայության աշխատակցի կողմից 2023 թվականի հուլիսի 5-ին կազմված թիվ 8180259606 արձանագրությունը, համաձայն որի՝ Ալբերտ Անդրանիկի Աբրահամյանը նույն օրը՝ ժամը 01:20-ին Երևան քաղաքի Միկոյան փողոցում <<Օպել>> մակնիշի 37 OM 534 հաշվառման համարանիշի ավտոմեքենան վարել է ոչ սթափ վիճակում՝ չունենալով տրանսպորտային միջոց վարելու իրավունք։ Բացատրություն դաշտում առկա է ստորագրություն:
Զննության է ենթարկվել ստուգաչափման թիվ 083555 վկայականը, համաձայն որի՝ թիվ 91101086 ալկոտեստերը ստուգաչափվել է 2022 թվականի նոյեմբերի 9-ին, որը ուժի մեջ է մինչև 2023 թվականի նոյեմբերի 9-ը:
Զննության է ենթարկվել ստուգաչափման կտրոնը, համաձայն որի՝ թիվ 91101086 ալկոտեստերով 2023 թվականի հուլիսի 5-ին կատարվել է թիվ 00461 զննումը, ըստ որի՝ Ալբերտ Աբրահամյանի (ՀԾՀ՝ 3814820827) օրգանիզմում ալկոհոլի պարունակությունը կազմել է 0.729 մգ/լ, իսկ դատարկ թեստը ցույց է տվել 0.000 մգ/լ արդյունք:
Զննության է ենթարկվել վարչական իրավախախտման վերաբերյալ ՀՀ ոստիկանության պարեկային ծառայության աշխատակցի կողմից 2024 թվականի հունվարի 5-ին կազմված թիվ 8180264918 արձանագրությունը, համաձայն որի՝ Ալբերտ Անդրանիկի Աբրահամյանը նույն օրը՝ ժամը 00:27-ին Երևան քաղաքի Միկոյան փողոցում <<Օպել>> մակնիշի 35 NU 548 hաշվառման համարանիշի ավտոմեքենան վարել է ոչ սթափ վիճակում՝ չունենալով տրանսպորտային միջոց վարելու իրավունք: Բացատրություն դաշտում առկա է ստորագրություն և <<Ա.Աբրահամյան>> գրառում:
Զննության է ենթարկվել ստուգաչափման թիվ 110928 վկայականը, համաձայն որի՝ թիվ 911008964 ալկոտեստերը ստուգաչափվել է 2023 թվականի նոյեմբերի 8-ին, որն ուժի մեջ է մինչև 2024 թվականի նոյեմբերի 8-ը:
Զննության է ենթարկվել ստուգաչափման կտրոնը, համաձայն որի՝ թիվ 91100896 ալկոտեստերով 2024 թվականի հունվարի 5-ին կատարվել է թիվ 01189 զննումը, ըստ որի արդյունքների՝ Ալբերտ Աբրահամյանի (անձնագիր՝ AT0537354) օրգանիզմում ալկոհոլի պարունակությունը կազմել է 0.585 մգ/լ, իսկ դատարկ թեստը ցույց է տվել 0.000 մգ/լ արդյունք:
Զննության է ենթարկվել վարչական իրավախախտման վերաբերյալ ՀՀ ոստիկանության պարեկային ծառայության աշխատակցի կողմից 2024 թվականի մարտի 5-ին կազմված թիվ 8180404522 արձանագրությունը, համաձայն որի՝ Ալբերտ Անդրանիկի Աբրահամյանը նույն օրը՝ ժամը 18:55-ին Երևան քաղաքի Եղվարդի խճուղում <<Օպել>> մակնիշի 35 NU 548 հաշվառման համարանիշի ավտոմեքենան վարել է ոչ սթափ վիճակում՝ չունենալով տրանսպորտային միջոց վարելու իրավունք։ Բացատրություն դաշտում առկա է ստորագրություն:
Զննության է ենթարկվել ստուգաչափման թիվ 102560 վկայականը, համաձայն որի՝ թիվ 91101000 ալկոտեստերը ստուգաչափվել է 2023 թվականի օգոստոսի 15-ին, որն ուժի մեջ է մինչև 2024 թվականի օգոստոսի 15-ը։
Զննության է ենթարկվել ստուգաչափման կտրոնը, համաձայն որի՝ թիվ 91101000 ալկոտեստերով 2024 թվականի մարտի 5-ին կատարվել է թիվ 01959 զննումը, ըստ որի արդյունքների՝ Ալբերտ Աբրահամյանի (անձնագիր՝ AT0537354) օրգանիզմում ալկոհոլի պարունակությունը կազմել է 1.001 մգ/լ, իսկ դատարկ թեստը ցույց է տվել 0.000 մգ/լ արդյունք:
Զննության է ենթարկվել Ճանապարային ոստիկանության էլեկտրոնային ռեգիստրից 2025 թվականի փետրվարի 25-ի քաղվածքը, համաձայն որի՝ Ալբերտ Անդրանիկի Աբրահամյանը (ՀԾՀ՝ 3814820827) չի ստացել տրանսպորտային միջոցներ վարելու իրավունքի (վարորդական) վկայական:
Զննության է ենթարկվել <<Դատալեքս>> կայքից արտատպված թիվ ԿԴ/0261/01/24 քրեական գործով 2024 թվականի հոկտեմբերի 2-ի դատավճիռը, համաձայն որի՝ Դատարանը Ալբերտ Անդրանիկի Աբրահամյանին մեղավոր ճանաչել է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարման մեջ այն արարքի կատարման համար, որ նա չունենալով ՀՀ կառավարության 2020 թվականի մարտի 26-ի թիվ 385-Ն որոշմամբ սահմանված որևէ կարգի տրանսպորտային միջոց վարելու իրավունք, 2024 թվականի փետրվարի 2-ին՝ ժամը 22:05-ի սահմաններում, ՀՀ Կոտայքի մարզի Զովունի գյուղի 1-ին փողոցում, հարբած (ոչ սթափ) վիճակում վարել է <<Օպել>> մակնիշի 35 NU 548 հաշվառման համարանիշի ավտոմեքենան, որն էլ նույն օրը՝ ժամը 22:09-ի սահմաններում, կանգնեցվել է ՀՀ ՆԳՆ ոստիկանության <<Պարեկային ծառայության>> Կոտայքի մարզի գումարտակի 2-րդ վաշտի 2-րդ դասակի պարեկ Կ.Մկրտչյանի կողմից և ստուգման արդյունքում պարզվել է, որ Ալբերտ Աբրահամյանի արտաշնչած 1 լիտր ծավալով օդի մեջ մաքուր ալկոհոլի պարունակությունը կազմում է 0.708 մգ/լ (առնվազն 0,637 մգ/լ՝ նկատի ունենալով ստուգաչափող ալկոտեստեր սարքի չափման ճշտության հնարավոր՝ 10% սխալանքը), ինչը համաձայն <<Վարչական իրավախախտումների վերաբերյալ>> ՀՀ օրենսգրքի 126-րդ հոդվածի 9-րդ մասի՝ համարվում է ոչ սթափ վիճակում գտնվող, որի վերաբերյալ կազմվել է թիվ 8180288421 վարչական իրավախախտման մասին արձանագրությունը: Ալբերտ Աբրահամյանի նկատմամբ պատիժ է նշանակվել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով: Ալբերտ Անդրանիկի Աբրահամյանին թույլատրվել է դատավճռով նշանակված 375.000 (երեք հարյուր յոթանասունհինգ հազար) ՀՀ դրամը վճարել մաս առ մաս՝ 12 (տասներկու) ամսվա ընթացքում, յուրաքանչյուր ամիս 31.250 (երեսունմեկ հազար երկու հարյուր հիսուն) ՀՀ դրամի չափով:
2025 թվականի մարտի 17-ի արտավարութային փաստաթուղթ ճանաչելու մասին որոշման համաձայն՝ վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 2023 թվականի հուլիսի 5-ին կազմված թիվ 8180259606 արձանագրությունը, ստուգաչափման թիվ 083555 վկայականը, ստուգաչափման կտրոնը, վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 2024 թվականի հունվարի 5-ին կազմված թիվ 8180264918 արձանագրությունը, ստուգաչափման թիվ 110928 վկայականը, 01189 զննման ստուգաչափման կտրոնը, վարչական իրավախախտման վերաբերյալ ոստիկանության Պարեկային ծառայության աշխատակցի կողմից 2024 թվականի մարտի 5-ին կազմված թիվ 8180404522 արձանագրությունը, ստուգաչափման թիվ 102560 վկայականը, 01959 զննման ստուգաչափման կտրոնը, Ճանապարային ոստիկանության էլեկտրոնային ռեգիստրից 2025 թվականի փետրվարի 25-ի քաղվածքը, <<Դատալեքս>> կայքից արտատպված թիվ ԿԴ/0261/01/24 քրեական գործով 2024 թվականի հոկտեմբերի 2-ի դատավճիռը արտավարույթային փաստաթուղթ են ճանաչվել և կցվել քրեական վարույթի նյութերին:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Ալբերտ Աբրահամյանը Կոտայքի մարզի առաջին ատյան ընդհանուր իրավասության դատարանի 2024 թվականի հոկտեմբերի 2-ի դատավճռով ՀՀ քրեական օրենսգրքի 344-րդ հոդվածի 2-րդ մասով դատապարտվել է տուգանքի՝ 375.000 ՀՀ դրամի չափով, որի վճարումը տարաժամկետվել է 12 ամսով: Պատժի կրման և ազատման վերաբերյալ տեղեկատվություն առկա չէ:
Դատարանի իրավական վերլուծությունները.
ՀՀ վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Անդրադառնալով մեղադրյալ Ալբերտ Աբրահամյանի արարքում ՀՀ քրեական օրենսգրքի 344-րդ հոդվածի 2-րդ մասով՝ 3 դրվագ, նախատեսված հանցանքների առկայության կամ բացակայության հարցին՝ Դատարանը գտնում է, որ այն հիմնավոր կասկածից վեր ապացուցողական չափանիշով հաստատվում է սույն քրեական գործի շրջանակներում ձեռք բերված ապացույցներով, այլ կերպ ասած՝ ապացուցված է Ալբերտ Անդրանիկի Աբրահամյանը մեղավորությունը ՀՀ քրեական օրենսգրքի 344-րդ հոդվածի 2-րդ մասով՝ 3 դրվագ նախատեսված հանցավոր արարքների կատարման մեջ:
Ընդ որում, Դատարանի համար առանցքային նշանակություն ունի նաև այն, որ սույն քրեական գործի շրջանակներում մեղադրյալ Ալբերտ Անդրանիկի Աբրահամյանն ամբողջովին ընդունում է մեղքը և զղջում է կատարվածի համար:
Դատարանը, ուսումնասիրելով Ալբերտ Անդրանիկի Աբրահամյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, եկավ հետևյալ եզրահանգման.
Ալբերտ Անդրանիկի Աբրահամյանի քրեական պատասխանատվությունն ու պատիժը մեղմացնող հանգամանք է մեղքն ընդունելը և կատարվածի համար զղջալը:
Ընդ որում, վերը նշված մեղմացնող հանգամանքները մեղսագրվող երեք դրվագ հանրորեն վտանգավոր արարքներում առկա են։
Ալբերտ Անդրանիկի Աբրահամյանի քրեական պատասխանատվությունն ու պատիժը ծանրացնող հանգամանքներ առկա չեն։
Կատարված արարքների համար Ալբերտ Անդրանիկի Աբրահամյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Ալբերտ Անդրանիկի Աբրահամյանի կատարած արարքների բնույթը և հանրային վտանգավորության աստիճանը, մասնավորապես՝ այն, որ վերջինի կատարած հանցանքները հանդիսանում է ոչ մեծ ծանրության հանցագործություններ, այդ թվում՝ պատասխանատվությունն ու պատիժը մեղմացնող հանգամանքի առկայությունը, ծանրացնող հանգամանքների բացակայությունը, ինչպես նաև այն, որ մեղադրյալի կատարած արարքների համար քրեական օրենսգրքի համապատասխան հոդվածի սանկցիայով նախատեսված է պատիժ նաև հանրային աշխատանքների ձևով, գտնում է՝ Ալբերտ Անդրանիկի Աբրահամյանի նկատմամբ ՀՀ քրեական օրենսգրքի 344-րդ հոդվածի 2-րդ մասով՝ յուրաքանչյուր դրվագով պետք է պատիժ նշանակել հանրային աշխատանքներ՝ 80 (ութսուն) ժամ տևողությամբ:
Ընդ որում, պատժի տեսակն ընտրելիս Դատարանի կողմից կարևորվում է նաև դատական նիստի ընթացքում մեղադրյալ Ալբերտ Անդրանիկի Աբրահամյանի հայտարարությունը, ըստ որի՝ չի կարող վճարել տուգանքի գումարը և համաձայն է, որ իր նկատմամբ նշանակվի հանրային աշխատանքներ պատժատեսակը:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները մասնակի գումարելու միջոցով Ալբերտ Անդրանիկի Աբրահամյանի նկատմամբ վերջնական պատիժ պետք է նշանակել հանրային աշխատանքներ՝ 200 (երկու հարյուր) ժամ տևողությամբ:
Ինչ վերաբերում է սույն դատավճռով նշանակված պատժին Ալբերտ Անդրանիկի Աբրահամյանի վերաբերյալ թիվ ԿԴ/0261/01/24 դատավճռով նշանակված տուգանքը գումարելու խնդրին, ապա Դատարանը նկատում է, որ <<Դատալեքս>> տեղեկատվական համակարգում առկա տեղեկատվության համաձայն՝ Ալբերտ Աբրահամյանը 2025 թվականի հունվարի 17-ին հաշվառվել է ՀՀ ԱՆ պրոբացիայի ծառայության Կոտայքի մարզային մարմնում, ուստի արդեն շուրջ մեկ տարուց ավել ժամանակ է անցել և նշված տուգանք պատժի ի կատար ածումը տրամաբանորեն գտնվում է այլ փուլում: Այլ կերպ ասած՝ Դատարանը նկատում է, որ քննարկվող իրավիճակում տուգանք պատժատեսակի գումարումը կկրի ձևական բնույթ, քանի որ այն արդեն իսկ գտնվում է մեկ այլ փուլում:
Դատարանը գտնում է, որ Ալբերտ Անդրանիկի Աբրահամյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Ալբերտ Անդրանիկի Աբրահամյանի կողմից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով` Դատարանը

Վ Ճ Ռ Ե Ց

Ալբերտ Անդրանիկի Աբրահամյանի մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով՝ 3 դրվագ:
Ալբերտ Անդրանիկի Աբրահամյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել հանրային աշխատանքներ՝ 80 (ութսուն) ժամ տևողությամբ:
Ալբերտ Անդրանիկի Աբրահամյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել հանրային աշխատանքներ՝ 80 (ութսուն) ժամ տևողությամբ:
Ալբերտ Անդրանիկի Աբրահամյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել հանրային աշխատանքներ՝ 80 (ութսուն) ժամ տևողությամբ:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները մասնակի գումարելու միջոցով Ալբերտ Անդրանիկի Աբրահամյանի նկատմամբ վերջնական պատիժ նշանակել հանրային աշխատանքներ՝ 200 (երկու հարյուր) ժամ տևողությամբ:
Ալբերտ Անդրանիկի Աբրահամյանի նկատմամբ կիրառված խափանման միջոց՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում:

ԴԱՏԱՎՈՐ Ա.ՀՈՎՀԱՆՆԻՍՅԱՆ