ԵԴ1/0977/01/25

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ

«04» հունիսի 2025թ. ք.Երևան

Նախագահությամբ՝ դատավոր Ռ.ՍՄԲԱՏՅԱՆԻ
քարտուղարությամբ՝ Հ.ԱՂՈՅԱՆԻ
մասնակցությամբ՝
հանրային մեղադրող Ա.ՀԵԲՈՅԱՆԻ
պաշտպան Ա.ՈՍԿԱՆՅԱՆԻ
մեղադրյալ Ս.ՄՈՒՐԱԴՅԱՆԻ
Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),


դռնբաց դատական նիստում, դատաքննության հատուկ կարգով քննելով քրեական գործն ըստ մեղադրանքի՝ Սուրեն Տիգրանի Մուրադյանի ծնված՝ 1998 թվականի մայիսի 03-ին, ազգությամբ հայ, ՀՀ քաղաքացի, բնակվող՝ քաղաք Երևան, Մամիկոնյանց փողոց 21 շեն, 26-րդ բակարան հասցեում, ներկայումս՝ ՀՀ ԱՆ Արմավիր քրեակատարողական հիմնարկի կալանավոր ՀՀ քրեական օրենսգրքի ՀՀ քրեական օրենսգրքի 393-րդ հոդվածի 2-րդ մասի 2-րդ կետով

Պ Ա Ր Զ Ե Ց

Գործի դատավարական նախապատմությունը.

2024 թվականի հոկտեմբերի 08-ին՝ ժամը 08:35-ին ապօրինի թմրանյութ պահելու և իրացնելու կասկածանքով ձերբակալվել է Սուրեն Մուրադյանը:
2024 թվականի հոկտեմբերի 08-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 393-րդ հոդվածի 2-րդ մասի 2-րդ կետով նախաձեռնվել է թիվ 12182824 քրեական վարույթը:
2024 թվականի հոկտեմբերի 09-ին ՀՀ դատախազության Երևան քաղաքի Է Էրեբունի և Նուբարաշեն վարչական շրջանների դատախազության դատախազ Ա.Հեբոյանը որոշում է կայացրել Սուրեն Մուրադյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին:
Նույն օրը Սուրեն Մուրադյանին առաջադրվել է մեղադրանքը և վերջինսի պարզաբանվել իր իրավունքները և պարտականությունները:
2024 թվականի հոկտեմբերի 11-ին Դատարանի որոշմամբ Սուրեն Մուրադյանի նկատմամբ որշես խափանման միջոց է կիրառվել կալանքը՝ 2 ամիս ժամկետով:
2024 թվականի դեկտեմբերի 06-ին, 2025 թվականի փետրվարի 07-ին Դատարանի որոշումներով Սուրեն Մուրադյանի նկատմամբ կիրառված խափանման միջոցի՝ կալանքի, ժամկետը երկարաձգվել է՝ յուրաքանչյուր անգամ 2 ամիս ժամկետով:
2025 թվականի մարտի 18-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 393-րդ հոդվածի 2-րդ մասի 2-րդ կետով նախաձեռնվել է թիվ 12146725 քրեական վարույթը:
Նույն օրը որոշում է կայացվել թիվ 12146725 քրեական վարույթը թիվ 12182824 քրեական վարույթին միացնելու և նախաքննությունը թիվ 12182824 համարով շարունակելու մասին:
2025 թվականի մարտի 18-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 393-րդ հոդվածի 2-րդ մասի 2-րդ կետով նախաձեռնվել է թիվ 12146825 քրեական վարույթը:
Նույն օրը որոշում է կայացվել թիվ 12146825 քրեական վարույթը թիվ 12182824 քրեական վարույթին միացնելու և նախաքննությունը թիվ 12182824 համարով շարունակելու մասին:
2025 թվականի մարտի 20-ին դատախազ Ա.Հեբոյանը որոշում է կայացրել Սուրեն Մուրադյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 2-րդ կետով նոր հանրային քրեական հետապնդում հարուցելու մասին:
2025 թվականի մարտի 20-ին որոշում է կայացվել Սուրեն Մուրադյանի նկատմաբ ՀՀ քրեական օրենսգրքի 396-րդ հոդվածի 1-ին մասով քրեական հետապնդում չհարուցելու մասին՝ ՀՀ քրեական դատավարության օրենսգրքի 12-րդ հոդված 1-ին մասի 1-ին կետի հիմքով:
2025 թվականի մարտի 21-ին Սուրեն Մուրադյանին առաջադրվել է մեղադրանքը և վերջինսի պարզաբանվել իր իրավունքները և պարտականությունները:
2025 թվականի մարտի 21-ին որոշում է կայացվել թվ 12182824 քրեական վարույթից անհայտ անձի կողմից Սուրեն Մուրադյանին շահադիտական դրդումներով թմրանյութ իրացնելու դեպքի առթիվ ՀՀ քրեական օրենսգրքի 393-րդ հոդվածի 2-րդ մասի 2-րդ կետով մաս անջատել և անջատված մասին շնորհել 12147225 համարը:
2025 թվակաի մարտի 21-ին կազմվել է մեղադրական եզրակացությունը:
2025 թվականի մարտի 24-ին դատախազ Ա.Հեբոյանը որոշում է կայացրել մեղադրական եզրակացությունը հաստատելու մաիսն:
2025 թվականի մարտի 24-ին Երևան քաղաքի առաջին ատյանի ընդհանուր իրավասության քրեական դատարան է մուտք եղել քրեական գործն ըստ մեղադրանքի Սուրեն Տիգրանի Մուրադյանի՝ ՀՀ քրեական օրենսգրքի 393-րդ հոդվածի 2-րդ մասի 2-րդ կետով, որին շնորհվել է թիվ ԵԴ1/0977/01/25 համարը։
Նույն օրը քրեական գործը մակագրվել և 25.03.2025 թվականին հանձնվել է դատավոր Ռ․Սմբատյանին։
2025 թվականի մարտի 26-ի որոշմամբ դատավոր Ռ.Սմբատյանը ստանձնել է քրեական գործի վարույթը և նշանակել նախնական դատալսումներ:
2025 թվականի ապրիլի 03-ին որոշում է կայացվել Սուրեն Մուրադյանի նկատմամբ կիրառված խափանման միջոցի՝ կալանքի ժամկետը երկարաձգել 3 ամիս ժամկետով:
Մինչ քրեական գործով դատաքննությունը սկսելն մեղադրյալ Սուրեն Մուրադյանը միջնորդեց դատական քննությունն անցկացնել համաձայնեցման վարույթի կարգով: Ս.Մուրադյանը հայտարարել է, որ համաձայն է մեղադրանքի հետ և իրեն մեղավոր է ճանաչում, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է միջնորդության բնույթն ու հետևանքները:
Պաշտպան Ա.Ոսկանյանը խնդրեց բավարարել մեղադրյալի միջնորդությունը:
Հանրային մեղադրող Ա.Հեբոյանը չառարկեց համաձայնեցման վարույթ կիրառելուն:
Դատարանը, համոզվելով, որ առկա չեն ՀՀ քրեական դատավարության օրենսգրքի 458-րդ հոդվածով նախատեսված համաձայնեցման վարույթի կիրառումը բացառող հանգամանքները, բավարարել է համաձայնեցման վարույթ կիրառելու մասին միջնորդությունը և բանակցությունների համար սահմանել է ժամկետ:
Բանակացությունների արդյունքում կողմերը եկել են համաձայնության, և 04.06.2025 թվականին կազմվել է համաձայնության մասին արձանագրությունը, հետևյալ բովանդակությամբ.
«ԱՐՁԱՆԱԳՐՈՒԹՅՈՒՆ
Սույն արձանագրությունը կազմվել է 2025 թվականի հունիսի 4-ին, մասնակցությամբ՝ Էրեբունի և Նուբարաշեն վարչական շրջանների դատախազության դատախազ Ա.Հեբոյանի, մեղադրյալ Սուրեն Տիգրանի Մուրադյանի (ծնված՝ 03.05.1998թ., ազգությամբ հայ է, ՀՀ քաղաքացի, բարձրագույն կրթությամբ, նախկինում չդատապարտված, հաշվառված ք. Երևան, Մամիկոնյանց փողոց, 21 շենք, 26 բնակարան) պաշտպան Արտակ Ոսկանայանի (արտոնագիր N 761):
Սուրեն Մուրադյանին մեղադրանք է առաջադրվել այն բանի համար, որ նա շահադիտական դրդումներով իրացնելու նպատակով ապօրինի ձեռք է բերել և իրացրել «Մարիխուանա» տեսակի թմրամիջոց։
Այսպես.
Սուրեն Տիգրանի Մուրադյանը, խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի, « Կառավարության 2010 թվականի մարտի 18-ի թիվ 270-Ն որոշման պահանջները, այն է՝ չունենալով բժշկական նպատակներով կամ բժշկի նշանակմամբ թմրամիջոցների և հոգեմետ (հոգեներգործուն/ նյութերի շրջանառություն իրականացնելու՝ թմրամիջոց ձեռք բերելու և պահելու թույլտվություն, շահադիտական դրդումներով, իրացնելու նպատակով, դեռևս քննությամբ չպարզված ժամանակահատվածում, «Տելեգրամ» հեռահաղորդակցման հավելվածի միջոցով կապ է հաստատել «hopar420» անվամբ գրանցված, դեռևս քննությամբ չպարզված օգտատիրոջ հետ և 25 ԱՄՆ դոլարի դիմաց, վերջինիս «Դեշ օնլայն» դրամապանակին գումար փոխանցելու միջոցով, 2024 թվականի հոկտեմբերի 8- ին՝ ժամը 06:00-ի սահմաններում, նախապես պայմանավորվածության համաձայն՝ Երևան քաղաքի Արարատյան 95/9 հասցեի ճանապարհի ձախակողմյան հատվածում առկա քարի տակից, շահադիտական դրդումներով, իրացնելու նպատակով, իրացման դիմաց վարձատրություն ստանալու համար ձեռք է բերել թվով հինգ փաթեթ թմրամիջոցներ, և նույն օրը թվով հինգ փաթեթից ընդհանուր 0.5 գրամ /0.33 գրամ + 0.17 գրամ/ հաստատուն չոր քաշով «Մարիխուանա» տեսակի թմրամիջոցով սև կպչուն ժապավենով փաթեթավորված մեկ փաթեթը տեղադրել է Երևան քաղաքի Արարատյան 95/9 հասցեի երկհարկանի շենքի պատուհանի տակ առկա քարի տակ, որը 2024 թվականի նոյեմբերի 1- ին հայտնաբերվել և վերցվել է կատարված դեպքի վայրի զննությամբ, իսկ սպիտակ կպչուն ժապավենով փաթեթավորված մեկ փաթեթը տեղադրել է Երևան քաղաքի Արարատյան 84 հասցեում գտնվող պանելի տակ, որը 2024 թվականի նոյեմբերի 1-ին հայտնաբերվել և վերցվել է կատարված դեպքի վայրի զննությամբ, սև և սպիտակ գույնի կպչուն ժամավենով փաթեթավորված, 0.25 գրամ հաստատուն չոր քաշով «Մարիխուանա» տեսակի թմրամիջոցով մեկ փաթեթը տեղադրել է Երևան քաղաքի Տիգրան Մեծ փողոցի 53/7 հասցեում գտնվող շինհրապարակի երկաթյա թիթեղների մոտ, որը 2024 թվականի հոկտեմբերի 8-ին հայտնաբերվել և վերցվել է կատարված դեպքի վայրի զննությամբ, իսկ Սուրեն Տիգրանի Մուրադյանին ձերբակալելուց հետո՝ ՀՀ ՆԳՆ ոստիկանության Երևան քաղաքի վարչության Էրեբունու բաժնում 2024 թվականի հոկտեմբերի 8-ին կատարված անձնական խուզարկությամբ վերջինիս տաբատի աջ գրպանից հայտնաբերվել են սև և սպիտակ գույնի էլեկտրամեկուսիչ կպչուն ժապավեններով փաթեթավորված ընդհանուր 0.5 գրամ /0.32 գրամ + 0.18 գրամ/ հաստատուն չոր քաշերով «Մարիխուանա» տեսակի թմրամիջոցների մյուս 2 փաթեթները:
Այսինքն, Սուրեն Տիգրանի Մուրադյանին մեղսագրվում է ՀՀ քրեական օրենսգրքի 393-րդ հոդվածի 2-րդ մասի 2-րդ կետով նախատեսված հանրորեն վտանգավոր արարքի կատարում:
Վերջինիս նկատմամբ 2024 թվականի հոկտեմբերի 10-ից որպես խափանման միջոց է կիրառվել կալանքը:
Քրեական գործը մեղադրական եզրակացությամբ ուղարկվել է դատարան:
2025 թվականի մայիսի 8-ին՝ նախնական դատալսումների ընթացքում, մեղադրյալը և վերջինիս պաշտպանը միջնորդել են կիրառել համաձայնեցված վարույթ:
Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 77-րդ հոդվածի 1-ին մասը՝ կողմերը համաձայնվում են մեղադրյալին մեղսագրվող արարքի համար հետևյալ պատժատեսակի և պատժաչափի վերաբերյալ.
Սուրեն Տիգրանի Մուրադյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 2-րդ կետով նախատեսված հանրորեն վտանգավոր արարքը սահմանել պատիժ՝ ազատազրկման ձևով՝ չորս տարի վեց ամիս ժամկետով, պատժի սկիզբը հաշվելով 2024 թվականի հոկտեմբերի 8-ից: Նշանակված պատիժը Սուրեն Տիգրանի Մուրադյանը պետք է կրի համապատախան ՔԿՀ-ում։
Արթուր Հեբոյան [ստորագրություն]
Սուրեն Մուրադյան [ստորագրություն]
Արտակ Ոսկանյան [ստորագրություն] (...)»:

Հաշվի առնելով, որ համաձայնության մասին ներկայացված արձանագրությունը համապատասխանում է ՀՀ քրեական դատավարության օրենսգրքով նախատեսված պահանջներին, բացակայում են նույն օրենսգրքի 458-րդ հոդվածով նախատեսված հիմքերը՝ Դատարանը որոշել է ընդունել համաձայնության մասին արձանագրությունը և դատաքննությունն անցկացնել հատուկ կարգով։

Համաձայնեցման վարույթով դատաքննությունը.
Հանրային մեղադրող Ա.Հեբոյանը ներկայացրեց կնքված համաձայնության մասին արձանագրությունը, և պնդեց այն:
Ամբաստանյալ Սուրեն Մուրադյանը հայտնեց, որ իրեն պարզ է կնքված համաձայնության բովանդակությունը, համաձայն է դրա հետ, արտահայտել է իր իրական կամքը, գիտակցում է կնքված համաձայնության հետևանքները, պնդում է կնքված համաձայնությունը և այն, որ համաձայնությունը չի կնքել բռնության, սպառնալիքի կամ հարկադրանքի այլ միջոցի ազդեցության հետևանքով:
Պաշտպանը պնդեց կնքված արձանագրությունը:

Դատարանի իրավական վերլուծությունները.
Առաջադրված մեղադրանքն մեղադրյալ Սուրեն Մուրադյանի կողմից ընդունելու և համաձայնեցման վարույթ կիրառելու պայմաններում Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, արձանագրում է, որ Ս.Մուրադյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 393-րդ հոդվածի 2-րդ մասի 2-րդ կետով նախատեսված հանցագործության հատկանիշներին:
Ղեկավարվելով ՀՀ քրեական դատավարության օրենսգրքի 463-րդ հոդվածի 3-րդ մասով՝ Դատարանը գտնում է, որ մեղադրյալի նկատմամբ նշանակվելիք պատժատեսակի, պատժաչափի, պատիժը կրելու նպատակահարմարության հարցերը պետք է լուծել ըստ համաձայնության մասին արձանագրության. Մասնավորապես Սուրեն Տիգրանի Մուրադյանին պետք է մեղավոր ճանաչել ՀՀ քրեական օրենսգրքի 393-րդ հոդվածի 2-րդ մասի 2-րդ կետով և պատիժ նշանակել ազատազրկում 4 /չորս/ տարի 6/վեց/ ամիս ժամկետով:
Քննարկելով խափանման միջոցի հարցը՝ Դատարանը գտնում է, որ Սուրեն Տիգրանի Մուրադյանին նկատմամբ ընտրված խափանման միջոցը՝ կալանքը պետք է թողնել անփոփոխ, իսկ պատժի սկիզբը պետք է հաշվել 2024 թվականի հոկտեմբերի 08-ից:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ իրեղեն ապացույց ճանաչված՝ անձնական խուզարկությամբ հայտնաբերված 0,5 գրամ մարիխուանա տեսակի թմրամիջոցը /2 փաթեթ/, դեպքի վայրերի զննության ընթացքում հայտնաբերված 0,5 գրամ և 0,25 գրամ մարիխուանա տեսակի թմրամիջոցը դատավճիռն օրինական ուժի մեջ մտնելուց հետո պետք է հանձնել ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժին՝ թիվ 12147225 քրեական վարույթի նյութերին կցելու համար, իսկ անձնական խուզարկությամբ հայտնաբերված բջջային հեռախոսը և բնակարանի խուզարկությամբ հայտնաբերված Լենովո ապրանքանիշի համակարգիչը՝ դատավճիռն օրինական ուժի մեջ մտնելուց հետո վերադարձնել Սուրեն Մուրադյանին:
Նկատի ունենալով այն հանգամանքը, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք առկա չէ՝ Դատարանն այդ հարցերին չի անդրադառնում:
Համաձայնեցման վարույթով դատավճիռ կայացնելիս ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 347-350-րդ, 352-րդ, 364-րդ, 458-464 հոդվածներով՝ Դատարանը

Վ Ճ Ռ Ե Ց
Սուրեն Տիգրանի Մուրադյանին մեղավոր ճանաչել ՀՀ քրեական օրենսգրքի 393-րդ հոդվածի 2-րդ մասի 2-րդ կետով և պատիժ նշանակել ազատազրկում 4 /չորս/ տարի 6/վեց/ ամիս ժամկետով:
Սուրեն Տիգրանի Մուրադյանին նկատմամբ ընտրված խափանման միջոց կալանքը թողնել անփոփոխ:
Պատժի սկիզբը հաշվել 2024 թվականի հոկտեմբերի 08-ից:
Վարույթում առկա իրեղեն ապացույցների տնօրինման հարցը լուծել ըստ ՀՀ քրեական դատավարության օրենսգրքով և սույն դատավճռի պատճառաբանական մասով սահմանված կարգի:
Դատական ծախսերի հարցը համարել լուծված:
Դատավճիռը, բացառությամբ ՀՀ քրեական դատավարության օրենսգրքի 464-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու պահից մեկամսյա ժամկետում:

ԴԱՏԱՎՈՐ՝ Ռ. ՍՄԲԱՏՅԱՆ