ԵԴ1/0992/01/25



Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
Երևան քաղաքի առաջին ատյանի ընդհանուր իրավասության
քրեական դատարանը (այսուհետ նաև՝ Դատարան)՝

Նախագահող դատավոր Հ.Ավագյան
Քարտուղարությամբ` Մ․Թովմասյանի
Մասնակցությամբ՝
Հանրային մեղադրող Ա.Կոստանյանի
Պաշտպան Ն.Սարգսյանի
Մեղադրյալ Ա.Օրդուխանյանի

2025 թվականի մայիսի 15-ին, դռնբաց դատական նիստում, Երևան քաղաքում, համաձայնեցման վարույթի կիրառմամբ քննելով քրեական գործն ըստ մեղադրանքի`
Արմեն Նորայրի Օրդուխանյանի՝ (ծնված՝ 1978 թվականի մարտի 28-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, խնամքին երկու անձ, դատվածություն չունեցող, աշխատում է «Դավիթ Թովմասյան» Ա/Ձ-ում՝ որպես տպարանի ավագ մասնագետ, հաշվառված և բնակվում է Երևան քաղաքի Վրացական փողոցի 4-րդ նրբանցքի 5-րդ շենքի 29-րդ բնակարանում) հանրային քրեական հետապնդում է հարուցվել ՀՀ քրեական օրենսգրքի 457-րդ հոդվածի 2-րդ մասով՝ 9 դրվագով, որպես խափանման միջոց է կիրառվել վարչական հսկողությունը, գրավը և բացակայելու արգելքը,

ՊԱՐԶԵՑ

1. Գործի դատավարական նախապատմությունը.
2024 թվականի հոկտեմբերի 9-ին ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում նախաձեռնվել է թիվ 17143224 քրեական վարույթը՝ ՀՀ քրեական օրենսգրքի 457-րդ հոդվածի 2-րդ մասի հատկանիշներով:
Երևան քաղաքի Ավան և Նոր Նորք վարչական շրջանների դատախազության դատախազ Ա.Կոստանյանի 2025 թվականի հունվարի 21-ի որոշմամբ՝ Արմեն Նորայրի Օրդուխանյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 457-րդ հոդվածի 2-րդ մասով՝ 9 դրվագով:
2025 թվականի հունվարի 22-ին Արմեն Օրդուխանյանը ձերբակալվել է և նույն օրը մեղադրանքը ներկայացվել է նրան։
Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունվարի 22-ի որոշմամբ՝ Արմեն Օրդուխանյանի նկատմամբ որպես խափանման միջոց է ընտրվել կալանքը՝ երկու ամիս ժամկետով:
Նույն դատարանի 2025 թվականի մարտի 20-ի որոշմամբ՝ Արմեն Օրդուխանյանի նկատմամբ համակցված որպես խափանման միջոց է կիրառվել վարչական հսկողությունը, գրավը՝ 500.000 ՀՀ դրամի չափով և բացակայելու արգելքը:
2025 թվականի մարտի 20-ին որոշում է կայացվել թիվ 17143224 քրեական վարույթից Արմեն Օրդուխանյանի վերաբերյալ մասն անջատելու մասին, որին շնորհվել է թիվ 17153325 քրեական վարույթի համարը:
2025 թվականի մարտի 24-ին վարույթի նյութերը հաստատված մեղադրական եզրակացությամբ ուղարկվել են Դատարան, որտեղ գործին շնորհվել է ԵԴ1/3962/01/24 համարը:
2025 թվականի մարտի 26-ին Դատարանի դատավոր Հ․Ավագյանը որոշում է կայացրել վարույթը ստանձնելու և նախնական դատալսումներ նշանակելու մասին։

2. Համաձայնեցման վարույթի կիրառություն.
Նախնական դատական լսումների ընթացքում մեղադրյալ Արմեն Նորայրի Օրդուխանյանը միջնորդել է կիրառել համաձայնեցման վարույթ և հայտարարել է, որ մեղադրանքներն իրեն պարզ են, համաձայն է մեղադրանքների հետ, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է համաձայնեցման վարույթ կիրառելու հետևանքները:
Պաշտպան Ն.Սարգսյանը հայտարարել է, որ իր կողմից մեղադրյալին պարզաբանվել է համաձայնեցման վարույթ կիրառելու հետևանքները և միանում է միջնորդությանը։
Հանրային մեղադրող Ա.Կոստանյանը համաձայնեցման վարույթ կիրառելու միջնորդության դեմ առարկություն չի ներկայացրել:
Համոզվելով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 458-րդ հոդվածի 2-րդ մասով նախատեսված՝ համաձայնցեման վարույթի կիրառումը բացառող հանգամանքները, ինչպես նաև՝ մեղադրյալը համաձայն է իրեն մեղսագրվող արարքներին, միջնորդությունը ներկայացրել է կամավոր և գիտակցում է իր միջնորդության բնույթը և հետևանքները՝ Դատարանը որոշում է կայացրել մեղադրյալ Արմեն Նորայրի Օրդուխանյանի միջնորդությունը բավարարելու մասին։

3. Դատարանի իրավական վերլուծությունները.
ՀՀ քրեական դատավարության օրենսգրքի 463-րդ հոդվածի համաձայն՝
«1. Համաձայնեցման վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Մեղադրական դատավճիռը պարունակում է համաձայնության մասին արձանագրության տեքստի բառացի շարադրանքը:
3. Մեղադրական դատավճռով դատարանը նշանակում է համաձայնության մասին արձանագրությամբ համաձայնեցված պատիժը (պատժատեսակն ու պատժաչափը), սահմանում է բռնագրավման ենթակա գույքը և դրա չափը:
4. Եթե առկա է գույքային հայց, ապա այն թողնվում է առանց լուծման:
5. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
6. Դատավճիռը հրապարակելուց հետո դատավորը կողմերին պարզաբանում է նաև դատավճիռը բողոքարկելու` սույն օրենսգրքով նախատեսված սահմանափակումները»:
Կողմերի միջև կնքված համաձայնության մասին արձանագրությունն ունի հետևյալ բառացի շարադրանքը.
«(․․․) Արմեն Նորայրի Օրդուխանյանը ծնվել է 1978 թվականի մարտի 28-ին, բնակվում է՝ ՀՀ ք. Երևան, Վրացական 4-րդ նրբանցք, 5-րդ շենք, 29 բնակարան հասցեում, ազգությամբ հայ է, ՀՀ քաքաղացի, դատվածություն չունի:
Դատական նիստի ընթացքում մեղադրյալ Ա. Օրդուխանյանը /այսուհետ նաև՝ մեղադրյալ/ հայտարարեց, որ պաշտոնապես ամուսնալուծված է, սկսել է աշխատել 2025 թվականի հունվարից «Դավիթ Թովմասյան» Ա/Ձ-ում որպես տպարանի ավագ մասնագետ: Պաշտոնապես ամուսնալուծված է, խնամքին են գտնվում անչափահաս որդին՝ Էմիլ Օրդուխանյանը /ծնված՝ 06.09.2007թ./ և թոշակառու մայրը՝ Հովհաննիսյան Ալվարդը /ծմված՝ 10.01.1958թ./, ով ունի առողջական խնդիրներ:
Որպես Ա. Օրդուխանյանի կողմից դատարանում արված վերոնշյալ հայտարարության հավաստիք՝ վերջինիս պաշտպան Նարինե Սարգսյանը հսկող դատախազին է ներկայացրել ՀՀ Երևանի Արաբկիր վարչական շրջանի «Արեգ» համատիրության նախագահ Ա. Մովսեսյանի կողմից՝ Արմեն Օրդուխանյանի և վերջինիս ընտանիքի անդամների վերաբերյալ տեղեկանքը և դրան կից համատիրության անդամներ Ա. Պապյանի, Մ. Հարությունյանի և Վ. Առաքելյանի ստորագրությամբ բնութագիրը, «Դավիթ Թովմասյան» Ա/Ձ-ի տնօրեն Դ. Թովմասյանի կողմից տրամադրված բնութագիրը, ինչպես նաև մեղադրյալի անչափահաս որդու ծննդյան վկայականը:
«Արեգ» համատիրության կողմից համատիրության նախագահի և անդամների ստորագրություններով վավերացված բնութագրի համաձայն՝ Արմեն Օրդուխանյանը բնութագրվում է դրականորեն: Շատ լավ հայր է և ամուսին: Լավ բնավորություն ունի, բարեհամբույր է հարևանների նկատմամբ: Հոգատար զավակ է, մայրը, ով հիվանդ է, վերջինիս խնամքի տակ է գտնվում: Երբևէ Ա. Օրդուխանյանից ոչ մի վատ արարք չի նկատվել:
Դավիթ Թովմասյան» Ա/Ձ-ի կողմից տրամադրված բնութագիրն ունի հետևյալ բովանդակությունը.
«Սույնով հավաստում են, որ Արմեն Օրդուխանյանը 2025 թվականի հունվար ամսից աշխատում է մեր տպարանում որպես ավագ մասնագետ: Այս ընթացքում նա դրսևորել է իրեն որպես պատասխանատու, պարտաճանաչ և բարձրակարգ մասնագետ:
Արմենը մշտապես ցուցաբերում է նախաձեռնող մոտեցում, ունի թիմային աշխատանքի հմտություններ և պատրաստակամություն օգնելու իր գործընկերներին: Նրա բարեխիղճ վերաբերմունքը աշխատանքային պարտականությունների նկատմամբ վաստակել է ինչպես ղեկավարության, այնպես էլ կոլեգաների հարգանքը: Բացի մասնագիտական որակներից, Արմեն Օրդուխանյանը նաև օրինակելի քաղաքացի է՝ ազնիվ, հավասարակշիռ և օրինապաշտ անձ:
Համոզված ենք, որ նա դրական ազդեցություն ունի թե՛ աշխատանքային միջավայրի, թե՛ հասարակության վրա ընդհանուր առմամբ»:
Բացի այդ, պաշտպան Ն. Սարգսյանի կողմից ներկայացվել է «04.02.2025թ.» թվագրմամբ, մեղադրյալի մորը՝ Հովհաննիսյան Ալվարդին վերաբերող «Սուրբ Գրիգոր Լուսավորիչ» ՓԲԸ-ի կողմից տրամադրված «ընթացիկ էպիկրիզը», համաձայն որի՝ Հովհաննիսյան Ալվարդի մոտ ախտորոշվել է՝ «Երիկամների քրոնիկ հիվանդություն G5D, ծրագրային հեմոդիալիզին համապատասխան վիճակ», «Զարկերակային հիպերտենզիա III (ESH)» և «Շաքարային դիաբետ տիպ 2: Երիկամների դիաբետիկ, հիպերտոնիկ հիվանդություն»:
Պաշտպան՝ Նարինե Սարգսյան, ՀՀ փաստաբանների պալատի փաստաբան, արտոնագիր՝ 423:
Մեղադրյալ Արմեն Օրդուխանյանի նկատմամբ որպես խափանման միջոց է ընտրվել վարչական հսկողությունը, գրավը՝ 500.000 ՀՀ դրամի չափով և բացակայելու արգելքը: Կիրառված խափանման միջոցները թողնել անփոփոխ մինչև դատական ակտի օրինական ուժի մեջ մտնելը:
Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Արգվլիանի Գեգի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Սայադ Տիտալի Բաքոյանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Կամո Գալուստիանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Դանիելյանի Ռոմանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Էդոարդ Ակոպիանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Կառլեն Հայկի Գրիգորյանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Ավրորա Արտյոմի Մելոյանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Սամվել Հակոբի Ենգոյանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Բացի այդ, Արմեն Նորայրի Օրդուխանյանը, նյութական շահ ստանալու նպատակով Անդրանիկ Հարությունի Քերոբյանի հետ նախնական համաձայնության գալով, այսինքն՝ նախքան հանցանքն սկսելը հանցանքը համատեղ կատարելու մասին վերջինիս հետ պայմանավորվելով, այնուհետև միմյանց գործողությունները փոխլրացնելով՝ 2024 թվականի հունիսի 24-ից մինչև 2024 թվականի հոկտեմբեր ամիսն ընկած ժամանակահատվածում պատրաստել և իրացրել է ՀՀ վարորդական իրավունքի կեղծ վկայական՝ Դերենիկ Անդրանիկի Մեհրաբյանի տվյալներով, ինչը ՀՀ ՆԳՆ վարորդական վկայականների էլեկտրոնային տեգիստրում գրանցված չէ:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
Այսինքն՝ Արմեն Նորայրի Օրդուխանյանին մեղսագրվում է մեղավորությամբ կատարված արարքներ՝ 9 դրվագ՝ նախատեսված ՀՀ քրեական օրենսգրքի 457-րդ հոդվածի 2-րդ մասով:
ՀՀ քրեական օրենսգրքի 70-րդ հոդվածի համաձայն՝ Արմեն Օրդուխանյանի քրեական պատասխանատվությունը կամ պատիժը մեղմացնող հանգամանքներն են՝ վերջինիս կողմից ներկայացված մեղադրանքն ամբողջությամբ ընդունելը, հանցագործությունը, հանցագործության այլ մասնակցին բացահայտելուն աջակցելը, պատիժ նշանակելու պահին հանցանք կատարած անձի խնամքի տակ անչափահասի առկայությունը:
Ա.Օրդուխանյանը ոչ միայն ներկայացված մեղադրանքով ամբողջությամբ ընդունել է մեղքը՝ տալով ինքնախոստովանական ցուցմունքներ և զղջալով կատարված արարքի համար, այլև աջակցել է վարույթն իրականացնող մարմնին՝ համագործակցելով վերջինիս հետ՝ հանցանքին իր և նախաքննության ընթացքում հայտնի դարձած այլ անձանց առնչությունը բացահայտելու ուղղությամբ:
Սույն քրեական վարույթով տուժողի դատավարական կարգավիճակով անձ առկա չէ:
Համաձայնեցված պատիժը (պատժատեսակը և պատժաչափը).
Ղեկավարվելով ՀՀ քրեական դատավարության օրենսգրքի 460-րդ հոդվածով սահմանված կարգով՝ կողմերը համաձայնվում են մեղադրյալ Արմեն Նորայրի Օրդուխանյանին մեղսագրվող արարքի համար հետևյալ պատժատեսակի և պատժաչափի վերաբերյալ՝ Արմեն Նորայրի Օրդուխանյանի նկատմամբ 9 դրվագ ՀՀ քրեական օրենսգրքի 457-րդ հոդվածի 2-րդ մասով նախատեսված հանցագործությունների համակցությամբ յուրաքանչյուր հանցագործության համար նշանակել պատիժ՝ տուգանք՝ նվազագույն աշխատավարձի տասնապատիկի, այսինքն՝ 750.000 ՀՀ դրամ գումարի չափով, այնուհետև ՀՀ քրեական օրենսգրքի 74-րդ հոդվածով սահմանված կարգով համակցության մեջ ընդգրկված յուրաքանչյուր հանցագործության համար նշանակված պատիժները մասնակիորեն գումարելու միջոցով նշանակել վերջնական պատիժ՝ տուգանք՝ 3.375.000 ՀՀ դրամ գումարի չափով՝ վճարման ժամկետ սահմանելով առավելագունը 1 տարի՝ նույն ժամկետում մաս առ մաս վճարելու հնարավորությամբ»։
Այսպիսով, Դատարանն արձանագրում է, որ սույն գործով բանակցությունների ընթացքում կողմերը եկել են համաձայնության, ինչի վերաբերյալ կազմվել է ՀՀ քրեական դատավարության օրենսգրքի 460-րդ հոդվածի 4-րդ մասի պահանջներին բավարարող համաձայնության մասին արձանագրություն։
Միևնույն ժամանակ, գործի քննության ընթացքում ի հայտ չեն եկել այնպիսի փաստական տվյալներ, որոնք կարող էին հիմք հանդիսանալ արձանագրելու, որ մեղադրյալ Արմեն Օրդուխանյանը համաձայնության մասին արձանագրություն հաստատելիս չի արտահայտել իր իրական կամքը և չի գիտակցել համաձայնության հետևանքները կամ համաձայնությունը կնքվել է բռնության, սպառնալիքի, հարկադրանքի այլ միջոցի ազդեցության հետևանքով։
Հետևաբար, Դատարանը գալիս է այն եզրահանգման, որ սույն գործով պետք է կայացվի մեղադրական դատավճիռ՝ դրանով նախատեսված հարցերը լուծելով ըստ համաձայնության մասին արձանագրության։
ՀՀ քրեական օրենսգրքի 79-րդ հոդվածի 4-րդ մասի համաձայն՝ «Անազատության մեջ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, զինվորական ծառայության մեջ սահմանափակման ձևով հիմնական պատիժ նշանակելիս դատարանը, հաշվի առնելով մինչև դատավճիռ կայացնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը, մեղմացնում է նշանակված պատիժը կամ ազատում է պատիժը կրելուց»:
Սույն դեպքում հաշվի առնելով Արմեն Օրդուխանյանի՝ 2025 թվականի հունվարի 22-ից մինչև 2025 թվականի մարտի 22-ն անազատության մեջ գտնվելու ժամկետը՝ Դատարանը գտնում է, որ նշանակված տուգանքի ձևով պատիժը պետք է մեղմացվի և Արմեն Օրդուխանյանի նկատմամբ վերջնական պատիժ պետք է նշանակվի տուգանքը՝ 2.775.000 (երկու միլիոն յոթ հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 59-րդ հոդվածի 8-րդ մասի կարգով՝ Արմեն Նորայրի Օրդուխանյանի նկատմամբ նշանակված տուգանքի վճարումը անհրաժեշտ է տարաժամկետել 1 (մեկ) տարի ժամկետով՝ այդ ընթացքում տուգանքը մաս առ մաս վճարելու պայմանով:
Քննության առնելով Արմեն Նորայրի Օրդուխանյանի նկատմամբ ընտրված խափանման միջոց վարչական հսկողության, գրավի և բացակայելու արգելքի հարցը՝ Դատարանը հանգում է հետևության, որ վարչական հսկողությունը պետք է վերացնել անհապաղ, իսկ գրավը և բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Դատարանի դեպոզիտ հաշվին վճարված 500.000 (հինգ հարյուր հազար) ՀՀ դրամ գրավի գումարը դատավճիռն օրինական ուժի մեջ մտնելուց հետո անհրաժեշտ է վերադարձնել այն վճարած անձին:
Անդրադառնալով վարութային ծախսերի հարցին և հաշվի առնելով, որ ՀՀ քրեական դատավարության օրենսգրքի 463-րդ հոդվածի 5-րդ մասի համաձայն՝ համաձայնեցման վարույթով դատավճիռ կայացնելիս նույն օրենսգրքի 167-րդ հոդվածի 1-ին մասով նախատեսված վարույթային ծախսերը մեղադրյալից ենթակա չեն բռնագանձման, Դատարանը հանգում է հետևության, որ այդ հարցը պետք է համարել լուծված։
Միաժամանակ Դատարանն արձանագրում է, որ սույն գործով առկա չեն վնասի հատուցման ապահովման կամ քրեադատավարական հարկադրանքի այլ միջոցներ, ինչպես նաև՝ հանցագործությամբ պատճառված վնասները հատուցելու պահանջ, հետևաբար այդ հարցերը ևս պետք է համարվեն լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-34-րդ, 99-100-րդ, 167-րդ, 347-350-րդ, 364-րդ, 458-464-րդ հոդվածներով՝ Դատարանը

ՎՃՌԵՑ

Արմեն Նորայրի Օրդուխանյանին մեղավոր ճանաչել ՀՀ քրեական օրենսգրքի 457-րդ հոդվածի 2-րդ մասով՝ 9 դրվագով նախատեսված հանցագործությունների կատարման մեջ և նրա նկատմամբ յուրաքանչյուր դրվագով պատիժ նշանակել տուգանքը՝ նվազագույն աշխատավարձի տասնապատիկի՝ 750.000 (յոթ հարյուր հիսուն հազար) ՀՀ դրամի չափով։
ՀՀ քրեական օրենսգրքի 74-րդ հոդվածի կարգով՝ հանցանքների համակցությամբ նշանակված պատիժները մասնակիորեն գումարելու միջոցով, Արմեն Նորայրի Օրդուխանյանի նկատմամբ պատիժ նշանակել տուգանքը՝ 3.375.000 (երեք միլիոն երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 79-րդ հոդվածի 4-րդ մասի կարգով՝ հաշվի առնելով Արմեն Նորայրի Օրդուխանյանի՝ 2025 թվականի հունվարի 22-ից մինչև 2025 թվականի մարտի 22-ն անազատության մեջ գտնվելու ժամկետը, նշանակված տուգանքի ձևով պատիժը մեղմացնել և Արմեն Նորայրի Օրդուխանյանի նկատմամբ վերջնական պատիժ նշանակել տուգանքը՝ 2.775.000 (երկու միլիոն յոթ հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 59-րդ հոդվածի 8-րդ մասի կարգով՝ Արմեն Նորայրի Օրդուխանյանի նկատմամբ նշանակված տուգանքի վճարումը տարաժամկետել 1 (մեկ) տարի ժամկետով՝ այդ ընթացքում տուգանքը մաս առ մաս վճարելու պայմանով:
Արմեն Նորայրի Օրդուխանյանի նկատմամբ ընտրված խափանման միջոց վարչական հսկողությունը վերացնել անհապաղ, իսկ գրավը և բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Դատարանի դեպոզիտ հաշվին վճարված 500.000 (հինգ հարյուր հազար) ՀՀ դրամ գրավի գումարը դատավճիռն օրինական ուժի մեջ մտնելուց հետո վերադարձնել այն վճարած անձին:
Վարույթային ծախսերի և մյուս վերաբերելի հարցերը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան` ստանալու օրվանից հետո մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով):


ԴԱՏԱՎՈՐ` Հ.ԱՎԱԳՅԱՆ