ԵԴ1/0951/01/25



Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՀԱՐՑԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ


14 հոկտեմբերի 2025թ. ք. Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ Դատարան), նախագահությամբ դատավոր Վ.Մելիքյանի, քարտուղարությամբ՝ Մ.Ներսիսյանի, մասնակցությամբ՝ հանրային մեղադրող Դ.Հովհաննիսյանի, դռնբաց դատական նիստում քննության առնելով Գևորգ Էդվարդի Ժամհարյանի /ծնված՝ 02.03.2004թ., ազգությամբ հայ, ՀՀ քաղաքացի, միջնակարգ կրթությամբ, ամուրի, չի աշխատում, չդատված, հաշվառված՝ ք.Երևան, Մալաթիա-Սեբաստիա համայնք, Սեբաստիա փ., 12 շ., 22 բնակարան հասցեում/ նկատմամբ ՀՀ քրեական օրենսգրքի 461-րդ հոդվածի 1-ին մասով իրականացվող քրեական հետապնդումը դադարեցնելու և քրեական գործի վարույթը կարճելու հարցը.

Պ Ա Ր Զ Ե Ց

20.08.2024 թվականին ՀՀ ՔԿ ԶՔԳՎ չորրորդ կայազորային քննչական բաժնում ՀՀ քրեական օրենսգրքի 461-րդ հոդվածի 1-ին մասով նախաձեռնվել է թիվ 90266124 քրեական վարույթը /հատոր 1-ին, գ.թ. 1/:
23.01.2025 թվականին Երևանի կայազորի զինվորական դատախազության դատախազ Դ.Հովհաննիսյանի որոշմամբ Գևորգ Էդվարդի Ժամհարյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 461-րդ հոդվածի 1-ին մասով /հատոր 1-ին, գ.թ. 143/:
29.01.2025 թվականին նախաքննական մարմնի որոշմամբ մեղադրյալ Գևորգ Էդվարդի Ժամհարյանի նկատմամբ խափանման միջոց է կիրառվել բացակայելու արգելքը /հատոր 1-ին, գ.թ. 158/:
Թիվ ԵԴ1/0951/01/25 (90266124 նախաքննական համար)քրեական գործն ըստ մեղադրանքի Գևորգ Էդվարդի Ժամհարյանի ՀՀ քրեական օրենսգրքի 461-րդ հոդվածի 1-ին մասով ուղարկվել է Երևան քաղաքի առաջին ատյանի ընդհանուր իրավասության քրեական դատարան և համակարգչային ծրագրի միջոցով իրականացվող գործերի բաշխմամբ մակագրվել է դատավոր Վահագն Մելիքյանին:
Քրեական գործը դատավորի աշխատակազմին է փոխանցվել 02.04.2025 թվականին:
Դատարանի 02.04.2025 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
Քրեական հետապնդումը դադարեցնելու վերաբերյալ դատավարության մասնակիցների դիրքորոշումները.
Մեղադրյալ Գևորգ Ժամհարյանը դատական նիստի ընթացքում կատարված հեռախոսազանգի միջոցով հայտնել է, որ անցել է պարտադիր զինվորական ծառայության, ներկայումս ծառայում է ՀՀ ՊՆ-ում և ցանկանում է, որ իր նկատմամբ իրականացվող քրեական հետապնդումը դադարեցվի՝ խրախուսական նորմի կիրառմամբ:
Հանրային մեղադրողը հայտնեց, որ սույն պարագայում նշված նորմի կիրառումը կրում է իմպերատիվ բնույթ:
Դատարան է ներկայացվել.
-Գևորգ Ժամհարյանի կողմղից ՀՀ ՔԿ ԶՔԳՎ 4-րդ կայազորային քննչական բաժնի պետին հասցեագրված դիմումը, համաձայն որի՝ 31.07.2025 թվականին զորակոչվել է պարտադիր զինվորական ծառայության և չի առարկում, որ իր նկատմամբ հարուցված քրեական հետապնդումը դադարեցվի ցանկացած ոչ արդարացնող հիմքով:
-ՀՀ ՊՆ հանրապետական զինվորական կոմիսարիատի Երևանի N 1 զինվորական կոմիսարիատից ստացված 2025 թվականի ամառային զորակոչին զորակոչված քրեական վարույթում գտնվող քաղաքացիների անվանացուցակը և դիմումները, համաձայն որի՝ Գևորգ Էդվարդի Ժամհարյանը /ծնված՝ 02.03.2004թ./ թիվ 90266124 քրեական վարույթ, 31.07.2025 թվականին զորակոչվել է պարտադիր զինվորական ծառայության:
Անդրադառնալով մեղադրյալի նկատմամբ քրեական հետապնդումը դադարեցնելու հարցին, Դատարանն արձանագրում է հետևյալը.
ՀՀ քրեական դատավարության օրենսգրքի 12-րդ հոդվածի համաձայն` «1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...):
12) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից.(...):»:
ՀՀ քրեական օրենսգրքի 461-րդ հոդվածի համաձայն՝
«...1.Պարտադիր զինվորական կամ այլընտրանքային ծառայության հայտարարված զորակոչից խուսափելը՝ այդ զորակոչից տարկետում ստանալու կամ ծառայությունից ազատվելու՝ օրենսդրությամբ սահմանված հիմքերի բացակայության դեպքում՝
պատժվում է ազատազրկմամբ՝ երկուսից հինգ տարի ժամկետով:
2. Սույն հոդվածի 1-ին մասով նախատեսված արարքը, որը կատարվել է՝
1) իրեն մարմնական վնասվածք պատճառելու կամ հիվանդության սիմուլյացիայի ճանապարհով կամ
2) փաստաթուղթ կեղծելու կամ խաբեության այլ ճանապարհով՝
պատժվում է ազատազրկմամբ՝ չորսից ութ տարի ժամկետով:
3. Սույն հոդվածի 1-ին կամ 2-րդ մասով նախատեսված արարքը, որը կատարվել է ռազմական դրության կամ պատերազմի ժամանակ, ինչպես նաև զորահավաքային զորակոչից խուսափելը`
պատժվում է ազատազրկմամբ` վեցից տասներկու տարի ժամկետով:
4. Սույն հոդվածի 1-ին կամ 2-րդ մասով նախատեսված հանցանք կատարած անձն ազատվում է քրեական պատասխանատվությունից, եթե կամովին ներկայացել և զորակոչվել է պարտադիր զինվորական կամ այլընտրանքային ծառայության կամ կամավոր ներկայանալով քրեական վարույթ իրականացնող մարմին՝ Հայաստանի Հանրապետության պետական բյուջե է վճարել պարտադիր զինվորական ծառայություն չանցնելու դիմաց օրենքով սահմանված գումարը...»:
Դատարանն արձանագրում է, որ մեղադրյալ Գևորգ Էդվարդի Ժամհարյանը 2025 թվականի ամառային զորակոչի ընթացքում ճանաչվել է պիտանի զինվորական ծառայության համար և 2025 թվականի ամառային զորակոչին զորակոչվել է շարքային կազմի պարտադիր զինվորական ծառայության, չի առարկել իր նկատմամբ իրականացվող քրեական հետապնդումը դադարեցնելու վերաբերյալ, այլ խոսքով առկա է մեղադրյալ Գևորգ Էդվարդի Ժամհարյանի նկատմամբ ՀՀ քրեական օրենսգրքի 461-րդ հոդվածի 1-ին մասով իրականացվող քրեական հետապնդումը դադարեցնելու՝ նույն հոդվածի 4-րդ մասով նախատեսված հիմքը, ուստի Դատարանը գտնում է, որ մեղադրյալ Գևորգ Էդվարդի Ժամհարյանի նկատմամբ իրականացվող քրեական հետապնդումը ենթակա է դադարեցման ՀՀ քրեական օրենսգրքի 461-րդ հոդվածի 4-րդ մասով նախատեսված հիմքով:
Քննության առնելով մեղադրյալ Գևորգ Էդվարդի Ժամհարյանի նկատմամբ կիրառված բացակայելու արգելք խափանման միջոցի հարցը, Դատարանը գտնում է, որ այն ենթակա է վերացման, քանի որ վերանում է դրա անհրաժեշտությունը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 12-րդ, 315-րդ և 364-րդ հոդվածներով` Դատարանը

Ո Ր Ո Շ Ե Ց

Թիվ ԵԴ1/0951/01/25 քրեական գործով մեղադրյալ Գևորգ Էդվարդի Ժամհարյանի նկատմամբ ՀՀ քրեական օրենսգրքի 461-րդ հոդվածի 1-ին մասով իրականացվող քրեական հետապնդումը դադարեցնել և քրեական գործի վարույթը կարճել՝ ՀՀ քրեական օրենսգրքի 461-րդ հոդվածի 4-րդ մասի հիմքով:
Մեղադրյալ Գևորգ Էդվարդի Ժամհարյանի նկատմամբ կիրառված բացակայելու արգելք խափանման միջոցը վերացնել:
Արտավարույթային փաստաթղթերը թողնել կցված քրեական գործին՝ դրա պահպանության ողջ ժամանակահատվածում:
Որոշումը հատուկ վերանայման կարգով կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո՝ մեկամսյա ժամկետում:

ԴԱՏԱՎՈՐ Վ.ՄԵԼԻՔՅԱՆ