ԵԴ1/0942/01/25







ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«14» օգոստոսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր՝ Գ.Գասպարյանի

դատական նիստերի քարտուղար՝ Դ․Գրիգորյանի

հանրային մեղադրող՝ Ա․Դավթյանի

պաշտպան՝ Դ․Սրապիոնյանի

մեղադրյալ՝ Կ․Պողոսյանի


դռնբաց դատական նիստում հատուկ կարգի՝ արագացված վարույթի կիրառմամբ քննության առնելով քրեական գործն ըստ մեղադրանքի՝
Կարեն Աշոտի Պողոսյանի (ծնված 08.04.1995թ., քաղաք Երևանում, ազգությամբ հայ, ՀՀ քաղաքացի, բարձրագույն կրթությամբ, նախկինում չդատված, ամուսնացած, խնամքին երկու անչափահաս երեխա, հաշվառված՝ ՀՀ, քաղաք Երևան, Դավթաշեն, 2 թաղամաս, 19 շենք, 20 բնակարան հասցեում, բնակվող՝ ՀՀ, քաղաք Երևան, Դավթաշեն, 2 թաղամաս, 22/2 շենք, 17 բնակարան հասցեում) ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրված բացակայելու արգելքը։
1. Գործի դատավարական նախապատմությունը.
2023 թվականի օգոստոսի 29-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանը կազմել է թիվ 60234423 քրեական վարույթը նախաձեռնելու մասին արձանագրությունը:
2023 թվականի օգոստոսի 30-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանը կազմել է թիվ 60249823 քրեական վարույթը նախաձեռնելու մասին արձանագրությունը:
2023 թվականի օգոստոսի 31-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանի որոշմամբ թիվ 60249823 քրեական վարույթը միացվել է թիվ 60234423 քրեական վարույթին։
2023 թվականի հոկտեմբերի 12-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանը կազմել է թիվ 60-0202-23 քրեական վարույթը նախաձեռնելու մասին արձանագրությունը:
2023 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանի որոշմամբ թիվ 60-0202-23 քրեական վարույթը միացվել է թիվ 60234423 քրեական վարույթին։
2023 թվականի նոյեմբերի 27-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանը կազմել է թիվ 60-0997-23 քրեական վարույթը նախաձեռնելու մասին արձանագրությունը:
2023 թվականի նոյեմբերի 28-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ քննիչ Նարեկ Ստեփանյանի որոշմամբ թիվ 60-0997-23 քրեական վարույթը միացվել է թիվ 60234423 քրեական վարույթին։
2024 թվականի դեկտեմբերի 26-ին Մալաթիա-Սեբաստիա վարչական շրջանի դատախազության դատախազ Ա.Դավթյանի որոշմամբ Կարեն Աշոտի Պողոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ չորս դրվագով հարուցվել է հանրային քրեական հետապնդում։
2024 թվականի դեկտեմբերի 30-ին Կարեն Աշոտի Պողոսյանի նկատմամբ որպես խափանման միջոց է ընտրվել բացակայելու արգելքը։
2025 թվականի հունվարի 13-ին Մալաթիա-Սեբաստիա վարչական շրջանի դատախազության դատախազ Ա.Դավթյանի որոշմամբ Կարեն Աշոտի Պողոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ չորս դրվագով հարուցված հանրային քրեական հետապնդման ժամկետը կասեցվել է։
2025 թվականի փետրվարի 21-ին Մալաթիա-Սեբաստիա վարչական շրջանի դատախազության դատախազ Ա.Դավթյանի որոշմամբ Կարեն Աշոտի Պողոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով՝ չորս դրվագով հարուցված հանրային քրեական հետապնդման ժամկետը վերսկսվել է։
2025 թվականի մարտի 10-ին կազմվել է մեղադրական եզրակացությունը։
2025 թվականի մարտի 14-ին Մալաթիա-Սեբաստիա վարչական շրջանի դատախազության դատախազ Ա.Դավթյանի որոշմամբ հաստատվել է մեղադրական եզրակացությունը։
2025 թվականի մարտի 18-ին քրեական վարույթը մուտք է եղել դատարան և թիվ ԵԴ1/0942/01/25 համարի ներքո մակագրվել, իսկ 2025 թվականի մարտի 19-ին հանձնվել է դատավոր Գ.Գասպարյանի աշխատակազմին:
2025 թվականի մարտի 19-ին թիվ ԵԴ1/0942/01/25 քրեական գործը Երևան քաղաքի առաջին ատյանի ընդհանուր իրավասության քրեական դատարանի որոշմամբ ստանձնվել է վարույթ և նշանակվել է նախնական դատական լսումներ:
1.1 Կարեն Աշոտի Պողոսյանը մեղադրվում է «ՀՀ քրեական օրենսգրքով նախատեսված, պատժի սպառնալիքով արգելված, հակաիրավական այն արարքի կատարման համար, որ նա, տրանսպորտային միջոցներ վարելու իրավունքը՝ 2022 թվականի հոկտեմբերի մինչև 2023 թվականի մայիսի 8-ը, կասեցված լինելու և այդ մասին նախապես տեղյակ լինելու պայմաններում, 2022 թվականի հոկտեմբերի 28-ին՝ ժամը 15:40-ի սահմաններում, Երևան քաղաքի Բագրատունյաց պողոտայում, վարել է «Դոդջ» մակնիշի 11 IH 110 հաշվառման համարանիշի ավտոմեքենան, ինչը հայտնաբերվել է տվյալ տուրծքում գարարություն Բարի գալուստ իրականացնող ՀՀ ոստիկանության պարեկային ծառայության աշխատակցի կողվից, և ինչի կապակցությամբ կազմվել է վարչական իրավախախտման, վերաբերյալ թիվ 8180161919 արձանագրությունը:
Այսինքն՝ Կարեն Աշոտի Պողոպանին մեղսագրվում է ՀՀ քրեական օրենսգրքի 344- րդ հոդվածի 1-ին մասով նախատեսված հանցանքի կատարում:
Բացի այդ՝ Կարեն Աշուրի Պողոսյանը, տրանսպորտային միջոցներ վարելու իրավունքը՝ 2022 թվականի հոկտեմբերի 6-ից մինչև 2023 թվականի մայիսի 8-ը, կասեցված լինելու և այդ մասին նախապես տեղյակ լինելու պայմաններում, 2023 թվականի փետրվարի 5-ին՝ ժամը 21:05-ի սահմաններում, Երևան քաղաքի Ազատության պողոտայում, վարել է «Դոդջ» մակնիշի 11 IH 110 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180243728 արձանագրությունը:
Այսինքն՝ Կարեն Աշոտի Պողոսյանին մեղսագրվում է ՀՀՀ քրեական օրենսգրքի 344- րդ հոդվածի 1-ին մասով նախատեսված հանցանքի կատարում:
Բացի այդ՝ Կարեն Աշոտի Պողոսյանը, տրանսպորտային միջոցներ վարելու իրավունքը՝ 2022 թվականի հոկտեմբերի 6-ից մինչև 2023 թվականի մայիսի 8-ը, կասեցված լինելու և այդ մասին նախապես տեղյակ լինելու պայմաններում, 2023 թվականի փետրվարի 9-ին՝ ժամը 14:10-ի սահմաններում, Երևան քաղաքի Աթենքի փողոցում, վարել է «Դոդջ» մակնիշի 11 IH 110 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ուտիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180247083 արձանագրությունը:
Այսինքն՝ Կարեն Աշուրի Պողոսյանին մեղսագրվում է ՀՀ քրեական օրենսգրքի 344- րդ հոդվածի 1-ին մասով նախատեսված հանցանքի կատարում:
Բացի այդ՝ Կարեն Աշոտի Պողոպանը, տրանսպորտային միջոցներ վարելու իրավունքը՝ 2022 թվականի հոկտեմբերի 6-ից մինչև 2023 թվականի մայիսի 8-ը, կասեցված լինելու և այդ մասին նախապես տեղյակ լինելու պայմաններում, 2023 թվականի ապրիլի 26-ին՝ ժամը 23:50-ի սահմաններում, Երևան քաղաքի Տ. Պետրոսյան փողոցում, վարել է «Տոյոտա» մակնիշի 11 AD 110 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 810247862 արձանագրությունը:
Այսինքն՝ Կարեն Աշոտի Պողոսյանին մեղսագրվում է ՀՀ քրեական օրենսգրքի 344- րդ հոդվածի 1-ին մասով նախատեսված հանցանքի կատարում:
Այսպիսով՝ Կարեն Աշոտի Պողոսյանին մեղսագրվում է չորս դրվագ ՀՀ քրեակին օրենսգրքի 344-րդ հոդվածի 1-ին մասով նախատեսված հանցանքների կատարում:»
2․ Արագացված վարույթ.
Քրեական գործի նախնական դատալսումների փուլում մեղադրյալ Կարեն Աշոտի Պողոսյանը միջնորդել է կիրառել արագացված վարույթ, հայտարարելով, որ իրեն պարզ է ներկայացված մեղադրանքը, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է պաշտպանի հետ, գիտակցում է արագացված վարույթ կիրառելու հետևանքները:
Հանրային մեղադրողն արագացված վարույթ կիրառելու դեմ առարկություն չներկայացրեց:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են նույն օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, ինչպես նաև հաշվի առնելով, որ մեղադրյալը համաձայն է մեղադրանքի հետ, պաշտպանի հետ խորհրդակցելուց հետո միջնորդությունը ներկայացրել է կամավոր և գիտակցում է իր միջնորդության բնույթը ու հետևանքները, որոշում է կայացրել արագացված վարույթ կիրառելու վերաբերյալ միջնորդությունը բավարարելու և լրացուցիչ դատալսումներ անցկացնելու մասին:
3․ Արագացված վարույթով լրացուցիչ դատալսումներ.
Լրացուցիչ դատալսումների ընթացքում հետազոտվեցին՝
ՀՀ ՆԳՆ ոստիկանության ինֆորմացիոն կենտրոնից ստացված մեղադրյալի վերաբերյալ Ձև 8 տեղեկանքը, համաձայն որի վերջինս նախկինում դատապարտված չի եղել:
Հրապարակվեց ծննդի պետական վկայականների պատճեն համաձայն որոնց մեղադրյալն ունի երկու անչափահաս երեխա։
(հատոր 1-ին գ․թ․ 196-197)
4․Դատարանի իրավական վերլուծությունները.
Առաջադրված մեղադրանքների հետ մեղադրյալ Կարեն Աշոտի Պողոսյանի համաձայն լինելու և արագացված վարույթ կիրառելու պայմաններում Դատարանն արձանագրում է, որ ապացուցված են Կարեն Աշոտի Պողոսյանին վերագրվող արարքների փաստական հանգամանքները, վերջինս կատարել է իրեն մեղսագրված հանցանքները, դրանք ճիշտ են որակված և համապատասխանում են չորս դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներին, ինչպես նաև ապացուցված է մեղադրյալի մեղավորությունը տվյալ արարքները կատարելու մեջ։
Հաստատված համարելով մեղադրյալ Կարեն Աշոտի Պողոսյանի մեղավորությունը չորս դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի:
Անդրադառնալով մեղադրյալ Կարեն Աշոտի Պողոսյանի կատարած հանցագործությունների համար պատասխանատվության և պատժի հարցերին` Դատարանը եկավ հետևյալ եզրահանգման.
Կարեն Աշոտի Պողոսյանի անձը բնութագրող հանգամանքներ պետք է դիտել նախկինում դատապարտված չլինելը:
Կարեն Աշոտի Պողոսյանի պատասխանատվությունն ու պատիժը մեղմացնող հանգամանք պետք է դիտել իրեն մեղավոր ճանաչելը, կատարածի համար զղջալը, երկու անչափահաս երեխաներ ունենալը։
Կարեն Աշոտի Պողոսյանի պատասխանատվությունն ու պատիժը ծանրացնող հանգամանքներ առկա չեն:
Կատարած արարքի համար մեղադրյալ Կարեն Աշոտի Պողոսյանը ենթակա է քրեական պատասխանատվության և պատժի:
Դատարանը մեղադրյալի նկատմամբ պատիժ նշանակելիս հաշվի է առնում ինչպես նրա կատարած հանցագործությունների բնույթը, եղանակն ու նպատակը, դիտավորության իրականացման աստիճանը, մեղադրյալի պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, հանցավորի վերասոցիալականացման և իրավահպատակ վարքագծի ձևավորման գործընթացի վրա նշանակվող պատժի ազդեցությունը, այնպես էլ նրա անձը բնութագրող տվյալները և պատիժը մեղմացնող հանգամանքները։
ՀՀ քրեական դատավարության օրենսգրքի 464.4-րդ հոդվածի համաձայն՝
«1. Արագացված վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները:
3. Սույն օրենսգրքի 167-րդ հոդվածի 1-ին մասով նախատեսված վարույթային ծախսերը մեղադրյալից ենթակա չեն բռնագանձման։ …»։
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»։
ՀՀ քրեական օրենսգրքի 69-րդ հոդվածի 2-րդ մասի համաձայն՝
«Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»։
Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը (…)» (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Գոռ Գագիկի Ավետիսյանի և Արմեն Իշխանի Հովակիմյանի գործով 2010թ. նոյեմբերի 5–ին կայացված թիվ ԵԱՔԴ/0164/01/09 որոշման մեջ անդրադառնալով նշանակվող պատժի արդարացիության պահանջին՝ ՀՀ վճռաբեկ դատարանը նշել է, որ՝ «(…) հանցանք կատարած անձի նկատմամբ նշանակված պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, հանցագործության` հանրության համար վտանգավորության աստիճանն ու բնույթը, հանցավորի անձը բնութագրող տվյալները, ինչպես նաև պատիժն ու պատասխանատվությունը մեղմացնող ու ծանրացնող հանգամանքները և, ելնելով քրեական օրենքով նախատեսված պահանջներից, ղեկավարվելով պատիժ նշանակելու ընդհանուր սկզբունքներով, նշանակում է այնպիսի պատիժ, որն անհրաժեշտ և բավարար է այդ անձին ուղղելու, նրա կողմից նոր հանցանքի կատարումը կանխելու համար: Հետևաբար, ակնհայտ մեղմ կամ ակնհայտ խիստ լինելու պատճառով անարդարացի կլինի այնպիսի պատիժը, որը նշանակվել է առանց պատիժ նշանակելու ընդհանուր սկզբունքների պահպանման»:
Դատարանը, հաշվի առնելով Կարեն Աշոտի Պողոսյանի կատարած արարքների հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան բնութագրող տվյալը, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը գտնում է, որ պատժի նպատակներն ապահովելու համար նրա նկատմամբ չորս դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքները կատարելու համար պատիժ պետք է նշանակել տուգանք նվազագույն աշխատավարձի հնգապատիկի չափով։
Միաժամանակ հաշվի առնելով, որ մեղադրյալի հանցանքն ավարտվելու օրվան նախորդող 12 ամիսների ընթացքում ստացված եկամտի վերաբերյալ տվյալներ առկա չեն, ուստի Դատարանը գտնում է, որ վերջինիս նկատմամբ տուգանք պատժատեսակի չափը հաշվարկելիս որպես ելակետ պետք է ընդունել նրա կողմից հանցանքները կատարելու պահին գործող Հայաստանի Հանրապետությունում սահմանված նվազագույն աշխատավարձի չափը, այսինքն՝ մինչև 2023 թվականի հունվարի 1-ը կատարված արարքի դեպքում 68.000 (վաթսունութ հազար) ՀՀ դրամը, իսկ 2023 թվականի հունվարի 1-ից հետո 75.000 (յոթանասունհինգ հազար) ՀՀ դրամը, որպիսի պայմաններում Կարեն Աշոտի Պողոսյանի նկատմամբ տուգանքի ձևով նշանակվելիք պատժաչափը ՀՀ քրեական օրենսգրքի 344-րդ հոդվածի 1-ին մասով (1 դրվագի դեպքում) նախատեսված արարքի համար կազմում է 340.000 (երեք հարյուր քառասուն հազար) ՀՀ դրամ, ՀՀ քրեական օրենսգրքի 344-րդ հոդվածի 1-ին մասով (3 դրվագի դեպքում) յուրաքանչյուր արարքի համար կազմում է 375.000 (երեք հարյուր յոթանասունհինգ հազար) ՀՀ դրամ։
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
2. Եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Գումարելիս ազատազրկման ձևով վերջնական պատիժը չի կարող գերազանցել 5 տարին:
3. Եթե հանցագործությունների համակցությունն ընդգրկում է միայն միջին ծանրության կամ միջին և ոչ մեծ ծանրության հանցանքներ կամ անզգուշությամբ կատարված ծանր հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Գումարելիս ազատազրկման ձևով վերջնական պատիժը չի կարող գերազանցել 10 տարին:
4. Եթե հանցագործությունների համակցությունն ընդգրկում է դիտավորությամբ կատարված ծանր հանցանք, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Գումարելիս ազատազրկման ձևով վերջնական պատիժը չի կարող գերազանցել 15 տարին:»
Դատարանն առաջնորդվելով ՀՀ քրեական օրենսգրքի 74-րդ հոդվածի դրույթներով գտնում է, որ Կարեն Աշոտի Պողոսյանի նկատմամբ նշանակված պատիժները պետք է լրիվ գումարել, և մեղադրյալի նկատմամբ վերջնական պատիժ նշանակել տուգանք 1․465․000 (մեկ միլիոն չորս հարյուր վաթսունհինգ հազար) ՀՀ դրամի չափով:
5. Անդրադառնալով տուգանքի ձևով նշանակված պատժների կատարման կարգին՝ Դատարանն արձանագրում է հետևյալը.
ՀՀ քրեական օրենսգրքի 59-րդ հոդվածի 8-րդ մասի համաձայն՝
«Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (...)»:
Վերոհիշյալի լույսի ներքո նկատի ունենալով մեղադրյալի գույքային դրությունը, Դատարանը գտնում է, որ անհրաժեշտ է մեղադրյալին թույլատրել տուգանքը՝ 1․465․000 (մեկ միլիոն չորս հարյուր վաթսունհինգ հազար) ՀՀ դրամը վճարել պետական բյուջե 1 (մեկ) տարվա ընթացքում:
Դատարանը, գտնում է, որ Կարեն Աշոտի Պողոսյանի նկատմամբ ընտրված խափանման միջոցը` բացակայելու արգելքը, վերացնել:
Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.4 հոդվածի 3-րդ մասի համաձայն՝ արագացված դատական քննության կարգ կիրառելու դեպքում դատական ծախսերը մեղադրյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 347-350-րդ, 364-րդ, 464.1-464.5-րդ հոդվածներով՝ Դատարանը հոդվածներով, Դատարանը.




ՎՃՌԵՑ
1. Կարեն Աշոտի Պողոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունը կատարելու մեջ և նրա նկատմամբ պատիժ նշանակել տուգանք նվազագույն աշխատավարձի հնգապատիկի` 340.000 ՀՀ դրամ գումարի չափով։
2. Կարեն Աշոտի Պողոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունը կատարելու մեջ և նրա նկատմամբ պատիժ նշանակել տուգանք նվազագույն աշխատավարձի հնգապատիկի` 375.000 ՀՀ դրամ գումարի չափով։
3. Կարեն Աշոտի Պողոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունը կատարելու մեջ և նրա նկատմամբ պատիժ նշանակել տուգանք նվազագույն աշխատավարձի հնգապատիկի` 375.000 ՀՀ դրամ գումարի չափով։
4. Կարեն Աշոտի Պողոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունը կատարելու մեջ և նրա նկատմամբ պատիժ նշանակել տուգանք նվազագույն աշխատավարձի հնգապատիկի` 375.000 ՀՀ դրամ գումարի չափով։
5. ՀՀ քրեական օրենսգրքի 74-րդ հոդվածի կիրառմամբ՝ նշանակված պատիժները լրիվ գումարելու միջոցով Կարեն Աշոտի Պողոսյանի նկատմամբ վերջնական պատիժ նշանակել տուգանք 1․465․000 ՀՀ դրամի չափով:
6. Կարեն Աշոտի Պողոսյանին թույլատրել դատավճիռն օրինական ուժի մեջ մտնելուց հետո տուգանքը՝ 1․465․000 ՀՀ դրամը, վճարել պետական բյուջե 1 տարվա ընթացքում:
7. Կարեն Աշոտի Պողոսյանի նկատմամբ ընտրված խափանման միջոցը` բացակայելու արգելքը վերացնել:
8. Վարույթային ծախսերի հարցը համարել լուծված:
9. Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ Գ.ԳԱՍՊԱՐՅԱՆ