Հիմնական
Գործի համար:
ԵԴ1/0935/01/25
Վիճակագրական տողի համար :
15.4
Պատասխանող
Մուշեղ Մարգարյան Անդրանիկի
ՄՈՒՇԵՂ ՄԱՐԳԱՐՅԱՆ ԱՆԴՐԱՆԻԿԻ
ՄՈՒՇԵՂ ՄԱՐԳԱՐՅԱՆ
Դատավոր
Երևանի քրեական դատարան
Գարիկ Աբելյան
Հոդվածներ
Երևանի քրեական դատարան
ՀՀ Քրեական օրենսգիրք
Հոդված 344-րդ Մաս 1-ին
Երևանի քրեական դատարան
ՀՀ Քրեական օրենսգիրք
Հոդված 344-րդ Մաս 1-ին
Դատավոր
Երևանի քրեական դատարան
Գարիկ Աբելյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Երևանի քրեական դատարան | 2025-10-21 | 12:00 | 7 | Կայացել է | ||
| Տվյալների կենտրոն | 2025-09-05 | 11:00 | 7 | Նիստը կայացել է | ||
| Տվյալների կենտրոն | 2025-08-22 | 11:00 | 7 | Նիստը կայացել է | ||
| Տվյալների կենտրոն | 2025-06-30 | 17:00 | 7 | Նիստը կայացել է | ||
| Երևանի քրեական դատարան | 2025-05-27 | 11:00 | 7 | Նիստը կայացել է | ||
| Տվյալների կենտրոն | 2025-05-05 | 12:00 | 7 | Նիստը կայացել է | ||
| Տվյալների կենտրոն | 2025-04-02 | 14:00 | 7 | Նիստը կայացել է |
Քրեական գործ թիվ ԵԴ1/0935/01/25
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
«21» հոկտեմբերի 2025 թվական ք.Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Ս․ԶԱՔՈՅԱՆԻ
Գ․ԳԱԼՍՏՅԱՆԻ
Ա․ՄԿՐՏՉՅԱՆԻ
Դ․ՀԱԽՆԱԶԱՐՅԱՆԻ
հանրային մեղադրողներ՝ Ա․ԴԱՎԹՅԱՆԻ
Դ․ԿՅՈՒՐԵՂՅԱՆԻ
պաշտպան՝ Բ․ԵՂԻԱԶԱՐՅԱՆԻ
մեղադրյալ՝ Մ․ՄԱՐԳԱՐՅԱՆԻ
դռնբաց դատական նիստում, քննելով քրեական գործն ըստ մեղադրանքի`
Մուշեղ Անդրանիկի Մարգարյանի՝ (ծնված՝ 1992 թվականի մարտի 17-ին, ազգությամբ հայ, ՀՀ քաղաքացի, նախկինում դատապարտված, բնակվող՝ Արմավիրի մարզ, Փարաքար, Երևանյան փողոց, 90-րդ տուն հասցեում) ՀՀ քրեական օրենսգրքի 344-րդ հոդվածի 1-ին մասով,
ՊԱՐԶԵՑ
1.Վարույթի դատավարական նախապատմությունը.
2024 թվականի դեկտեմբերի 5-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ռ․Աղաջանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 1-ին դասակի պարեկ՝ Սամսոն Ալեքսանյանը, Մուշեղ Անդրանիկի Մարգարյանի (ծնված` 1992 թվականի մարտի 17-ին, Արմավիրի մարզ, Փարաքար, Երևանյան փողոց, 90 տուն, ՀԾՀ՝ 2703920229) նկատմամբ 2024 թվականի նոյեմբերի 22-ին` ժամը 15:00-ին, կազմել է թիվ 8180275325 արձանագրություն, քանի որ վերջինս 2024 թվականի նոյեմբերի 22-ին` ժամը 14:50-ին, Երևան քաղաքի Զ.Անդրանիկի փողոցում, «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված:
(…)
Ներկայացնում եմ թիվ 8180275325 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից Մուշեղ Անդրանիկի Մարգարյանի RH թիվ 452341 վարորդական իրավունքի վկայականի քաղվածքի պատճենը:
Միաժամանակ տեղեկացնում եմ, որ Մուշեղ Անդրանիկի Մարգարյանի տրանսպորտային միջոցներ վարելու իրավունքը կասեցվել է՝ 2024 թվականի սեպտեմբերի 18-ին ՀՀ ՆԳՆ ոստ. ՊԾ Արմավիրի մարզի գումարտակի 1-ին վաշտի 2-րդ դասակի ծառայողի կողմից կայացված թիվ 8400635651 որոշմամբ՝ վեց ամիս ժամկետով: (…)»:
2024 թվականի դեկտեմբերի 5-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ռ․Աղաջանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 1-ին դասակի պարեկ՝ Սամսոն Ալեքսանյանի, Մուշեղ Անդրանիկի Մարգարյանի (ծնված՝ 1992 թվականի մարտի 17-ին, Արմավիրի մարզ, Փարաքար, Երևանյան փողոց, 90 տուն, ՀԾՀ՝ 2703920229) նկատմամբ 2024 թվականի նոյեմբերի 22-ին` ժամը 15:00-ին, կազմված թիվ 8180275325 արձանագրությունը, ըստ որի վերջինս 2024 թվականի նոյեմբերի 22-ին՝ ժամը 14:50-ին, Երևան քաղաքի Զ. Անդրանիկի փողոցում, «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված: (…)»:
Հաղորդման հիման վրա՝ 2024 թվականի դեկտեմբերի 12-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60743124 քրեական վարույթը:
2025 թվականի փետրվարի 25-ին, ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազության դատախազ Ա․Դավթյանի որոշմամբ` թիվ 60743124 քրեական վարույթով, Մուշեղ Անդրանիկի Մարգարյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով:
2025 թվականի փետրվարի 25-ին Մուշեղ Անդրանիկի Մարգարյանի նկատմամբ որպես խափանման միջոց է կիրառվել բացակայելու արգելքը:
2025 թվականի մարտի 18-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազությունից Դատարան է ստացվել թիվ ԵԴ1/0935/01/25 (նախաքննական համարը՝ 60743124) քրեական գործն ըստ մեղադրանքի Մուշեղ Անդրանիկի Մարգարյանի՝ ՀՀ քրեական օրենսգրքի 344-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել, իսկ 2025 թվականի մարտի 19-ին հանձնվել է Դատարանի դատավոր Գ․Աբելյանի աշխատակազմին։
2025 թվականի մարտի 21-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/0935/01/25 քրեական գործով վարույթը ստանձնելու և նախնական դատալսումներ նշանակելու մասին:
Նախնական դատալսումներով դատական նիստը նշանակվել է նույն թվականի ապրիլի 2-ին:
Դատարանի` 2025 թվականի մայիսի 5-ի որոշմամբ՝ մեղադրյալ Մուշեղ Անդրանիկի Մարգարյանի ընտրված խափանման միջոց բացակայելու արգելը վերացվել և որպես խափանման միջոց է ընտրվել գրավը՝ 300․000 (երեք հարյուր հազար) ՀՀ դրամի չափով։
Դատարանի՝ նույն թվականի մայիսի 27-ի որոշմամբ՝ նույն օրը, նշանակվել են հիմնական դատալսումներ։
2025 թվականի հոկտեմբերի 21-ին, կայացվել է արդարացման վերդիկտ, որով ճանաչվել և հռչակվել է մեղադրյալ Մուշեղ Անդրանիկի Մարգարյանի անմեղությունը՝ նրան ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքի հիմքում դրված փաստական հանգամանքներով հանցանքի կատարման մեջ:
2․ Մեղադրանքի փաստական նկարագրությունը.
Մուշեղ Անդրանիկի Մարգարյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով՝ այն բանի համար, որ. «(…) [Ն]ա, տրանսպորտային միջոցներ վարելու իրավունքը վեց ամիս ժամկետով՝ 2024 թվականի սեպտեմբերի 18-ից մինչև 2025 թվականի մարտի 18-ը, կասեցված լինելու և այդ մասին նախապես տեղյակ լինելու պայմաններում, 2024 թվականի նոյեմբերի 22-ին՝ ժամը 14:50-ի սահմաններում, Երևան քաղաքի Զորավար Անդրանիկի փողոցում, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։
Այսինքն՝ Մուշեղ Անդրանիկի Մարգարյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում: (…)»։
3․Դատաքննության ընթացքում հետազոտված ապացույցները.
Վարչական իրավախախտման վերաբերյալ թիվ 8180275325 որոշումը , որը կազմվել է 2024 թվականի նոյեմբերի 22-ին՝ ժամը 15:00-ին, համաձայն որի՝ Երևան քաղաքի Զորավար Անդրանիկի փողոցում ՀՀ ոստիկանության պարեկային ծառայության Երևան քաղաքի գնդի պարեկ Սամսոն Սիսակի Ալեքսանյանի (կրծքանշանի համար՝ 08428) կողմից Մուշեղ Անդրանիկի Մարգարյանի (ծնված՝ 1992 թվականի մարտի 17-ին) վերաբերյալ կազմվել է վարչական իրավախախտման վերաբերյալ արձանագրություն այն մասին, որ վերջինս նույն օրը՝ ժամը 14:50-ին, Երևան քաղաքի Զ.Անդրանիկի փողոցում, տրանսպորտային միջոցներ վարելու իրավունքը կասեցված վիճակով, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունները:
«Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենը , որի համաձայն՝ Մուշեղ Անդրանիկի Մարգարյանն ունի «B,C» կարգի, RH452341 համարի վարորդական վկայական, որն ունի կասեցված կարգավիճակ, կասեցման սկիզբը՝ 2024 թվականի սեպտեմբերի 18-ին, կասեցման ավարտը՝ 2025 թվականի մարտի 18-ը։
Վարչական իրավախախտման վերաբերյալ թիվ 8400635651 որոշումը , որի համաձայն՝ 2024 թվականի սեպտեմբերի 18-ին՝ ժամը 23:04-ին, Արմավիրի մարզ, Թաիրով, Ծովակալ Իսակովի պողոտա Կարգոյի խաչմերուկում, ՀՀ ոստիկանության պարեկային ծառայության Երևան քաղաքի գնդի կրտսեր պարեկ Գուրգեն Մելիքյանի (կրծքանշանի համար՝ 09867) կողմից Մուշեղ Անդրանիկի Մարգարյանի վերաբերյալ կազմվել է վարչական իրավախախտման վերաբերյալ արձանագրություն (կից լրացված վարչական իրավախախտման որոշում՝ 8400635651) այն մասին, որ վերջինս նույն օրը՝ ժամը 21:49-ի սահմաններում «Մերսեդես» մակնիշի 90 OQ 555 հաշվառման համարանիշի ավտոմեքենան Արմավիրի մարզ, Թաիրով, Ծովակալ Իսակովի պողոտա Կարգոյի խաչմերուկում, չի ենթարկվել լուսացույցի կարմիր արգելող ազդանշանին: Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների համագումարը կազմում է 9 կամ ավելի միավոր, որի համար Մուշեղ Անդրանիկի Մարգարյանի տրանսպորտային միջոցներ վարելու իրավունքը կասեցվել է 6 (վեց) ամիս ժամկետով: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունը։
2025 թվականի փետրվարի 04-ի՝ արտավարութային փաստաթուղթ ճանաչելու մասին որոշումը , որի համաձայն՝ Մուշեղ Անդրանիկի Մարգարյանի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրությունների (կից չլրացված վարչական իրավախախտման որոշում՝ 8180275325, կից լրացված վարչական իրավախախտման որոշում՝ 8400635651), Մուշեղ Անդրանիկի Մարգարյանի վարորդական վկայականի վերաբերյալ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենները ճանաչվել են արտավարութային փաստաթուղթ։
- Դատարանի որոշմամբ՝ արտավարութային փաստաթուղթ ճանաչված՝
«Datalex» դատական տեղեկատվական համակարգից թիվ ՏԴ/0392/01/24 քրեական գործի վերաբերյալ քաղվածքը , որի համաձայն՝ Տավուշի մարզի առաջին ատյանի ընդհանուր իրավասության դատարանի՝ 2024 թվականի դեկտեմբերի 9-ի թիվ ՏԴ/0392/01/24 դատավճռով, Մուշեղ Անդրանիկի Մարգարյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և դատապարտվել տուգանքի՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) Հայաստանի Հանրապետության դրամ գումարի չափով։
ՀՀ վարչական դատարանի 2025 թվականի մարտի 7-ի թիվ ՎԴ/16058/05/24 վճիռը, որի համաձայն՝ Մուշեղ Մարգարյանի հայցն ընդդեմ Պարեկային ծառայության բավարարվել է և Պարեկային ծառայության՝ 2024 թվականի սեպտեմբերի 18-ի թիվ 8400635651 որոշումը և դրա դեմ ներկայացված բողոքը մերժելու մասին՝ 2024 թվականի հոկտեմբերի 21-ի որոշումը ճանաչվել է անվավեր։ ՀՀ վարչական դատարանի՝ 2025 թվականի մարտի 7-ի վճիռը չի բողոքարկվել և մտել է օրինական ուժի մեջ 2025 թվականի ապրիլի 08-ին՝ հաստատվելով երկրորդ կնիքով ։
4․Դատարանի փաստական վերլուծությունները և փաստական հանգամանքների ապացուցված լինելու վերաբերյալ հետևությունները․
Հետազոտելով սույն դատավճռի 3-րդ կետերում շարադրված ապացույցները՝ Դատարանը, պատշաճ ապացույցների բավարար համակցությամբ, դրանց համակողմանի, լրիվ և անաչառ քննության վրա հիմնված ներքին համոզմամբ, հաստատված է համարում հետևյալ հանգամանքները․
- Վարչական իրավախախտման վերաբերյալ թիվ 8400635651 արձանագրության (կից լրացված վարչական իրավախախտման որոշում՝ 8400635651) հիման վրա 2024 թվականի սեպտեմբերի 18-ին՝ 6 (վեց) ամիս ժամկետով, կասեցվել է Մուշեղ Անդրանիկի Մարգարյանի տրանսպորտային միջոցներ վարելու իրավունքը՝ մինչև 2025 թվականի մարտի 18-ը։
- Նշված արձանագրությունը և որոշումը նույն օրը ստորագրությամբ հանձնվել են Մուշեղ Անդրանիկի Մարգարյանին, որոնք վերջինս բողոքարկել է Վարչական դատարան։
- 2024 թվականի նոյեմբերի 22-ին` ժամը 14:50-ին, Երևան քաղաքի Զ.Անդրանիկի փողոցում Մուշեղ Անդրանիկի Մարգարյանը վարել է «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը, ինչը հայտնաբերվել է տվյալ տարածքում ծառայություն իրականացնող ոստիկանության ծառայողների կողմից և այդ կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։
- ՀՀ վարչական դատարանի՝ 2025 թվականի մարտի 7-ի թիվ ՎԴ/16058/05/24 վճռով՝ Մուշեղ Անդրանիկի Մարգարյանին տրանսպորտային միջոցներ վարելու իրավունքը 6 (վեց) ամիս ժամկետով կասեցնելու վերաբերյալ 2024 թվականի սեպտեմբերի 18-ի որոշումը և դրա դեմ ներկայացված բողոքը մերժելու մասին 2024 թվականի հոկտեմբերի 21-ի որոշումը ճանաչվել է անվավեր։
- ՀՀ վարչական դատարանի վճիռն օրինական ուժի մեջ է մտել 2025 թվականի ապրիլի 8-ին։
Վերոգրյալի հաշվառմամբ՝ Դատարանն արձանագրում է, որ ապացուցված չէ, Մուշեղ Անդրանիկի Մարգարյանին վերագրվող փաստական հանգամանքները՝ այն, որ «(...) [Ն]ա, տրանսպորտային միջոցներ վարելու իրավունքը վեց ամիս ժամկետով՝ 2024 թվականի սեպտեմբերի 18-ից մինչև 2025 թվականի մարտի 18-ը, կասեցված լինելու և այդ մասին նախապես տեղյակ լինելու պայմաններում, 2024 թվականի նոյեմբերի 22-ին՝ ժամը 14:50-ի սահմաններում, Երևան քաղաքի Զորավար Անդրանիկի փողոցում, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։ (...)»։
5․Պատճառաբանական մաս.
ՀՀ քրեական օրենսգրքի 16-րդ հոդվածի համաձայն՝ «1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը (…)»։
ՀՀ քրեական օրենսգրքի 344-րդ հոդվածի համաձայն` «1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը նույն արարքի համար օրենքով սահմանված պատասխանատվության կիրառումից հետո` մեկ տարվա ընթացքում՝
(…)
4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել: (…)»:
Վճռաբեկ դատարանը Տիգրան Հայրապետյանի գործով նախադեպային դիրքորոշում է ձևավորել ՀՀ քրեական օրենսգրքի 344-րդ հոդվածով նախատեսված՝ տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու հանցակազմի մեկնաբանման վերաբերյալ, որի համաձայն՝ «(...) Մեջբերված նորմը ՀՀ քրեական օրենսգրքում ամրագրված է երթևեկության անվտանգության և տրանսպորտի շահագործման սահմանված կարգի դեմ ուղղված հանցագործությունների շարքում։ Հանցագործության հիմնական անմիջական օբյեկտը երթևեկության անվտանգության և տրանսպորտի շահագործման սահմանված կարգն ապահովող հասարակական հարաբերություններն են: Վերոնշյալ արարքն ամրագրված է ձևական հանցակազմով, իսկ հանցագործության օբյեկտիվ կողմը դրսևորվում է տրանսպորտային միջոցներ վարելու իրավունքից զրկված կամ վարելու իրավունքը կասեցված լինելու պայմաններում տրանսպորտային միջոց վարելով։
Այլ կերպ, ՀՀ քրեական օրենսգրքի 344-րդ հոդվածի 1-ին մասի գործողության նախապայմանը և այդ հոդվածով անձին քրեական պատասխանատվության ենթարկելու հիմքը՝ նրա վարչական պատասխանատվության ենթարկված լինելն է՝ տրանսպորտային միջոցներ վարելու իրավունքից զրկվելը կամ վարելու իրավունքը կասեցվելը։ Ընդ որում, ՀՀ քրեական օրենսգրքի 344-րդ հոդվածի համակարգային վերլուծությունը ցույց է տալիս, որ վարելու իրավունքից զրկելը կամ այդ իրավունքը կասեցնելը պետք է լինի օրենքով սահմանված կարգով, այն է՝ իրավաչափ վարչական ակտի հիման վրա։ Հակառակ պարագայում, եթե վարչական ակտը կայացվել է օրենքով սահմանված կարգի խախտմամբ և վարչական կամ դատական կարգով անվավեր է ճանաչվել, ապա քննարկվող հանցագործության օբյեկտիվ կողմը բացակայում է, քանզի վերանում է քրեական պատասխանատվության ենթարկվելու պարտադիր նախապայմանը՝ օրենքով սահմանված կարգով վարչական պատասխանատվության ենթարկված լինելը։
Հանցագործության սուբյեկտը հատուկ է, քանի որ բացի ընդհանուր սուբյեկտի հատկանիշներից, անձը պետք է օժտված լինի նաև լրացուցիչ հատկանիշներով, այն է՝ լինի տրանսպորտային միջոցներ վարելու իրավունքից օրենքով սահմանված կարգով զրկված կամ վարելու իրավունքը կասեցված, մեղսունակ ֆիզիկական անձ:
Սուբյեկտիվ կողմից հանցագործությունը դրսևորվում է միայն ուղղակի դիտավորությամբ, մասնավորապես՝ անձը գիտակցում է, որ տրանսպորտային միջոցներ վարելու իրավունքից զրկված կամ իրավունքը կասեցված լինելու պայմաններում վարում է տրանսպորտային միջոց:
14․ Այսպիսով, ընդհանրացնելով վերոշարադրյալը՝ Վճռաբեկ դատարանն արձանագրում է, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմի առկայությունն արձանագրելու համար անհրաժեշտ է հիմնավորել, որ անձը տրանսպորտային միջոցը վարել է՝ տրանսպորտային միջոցներ վարելու իրավունքից զրկված կամ այդ իրավունքը կասեցված լինելու պայմաններում, որպիսի հանգամանքը հաստատվել է իրավաչափ վարչական ակտով։
(...)
(...) [Ա]նձի դատապարտման հիմքում չի կարող դրվել ոչ իրավաչափ՝ օրենքի խախտմամբ ընդունված և անձի իրավունքները խախտող վարչական ակտի պայմանները չկատարելու հանգամանքը՝ անկախ նրանից, որ կոնկրետ գործողությունը կատարելու պահի դրությամբ նշված վարչական ակտի ոչ օրինական լինելու հանգամանքը դեռևս հաստատված չի եղել։ Առաջին ատյանի դատարանն իրավաչափորեն փաստել է, որ վարչական ակտի անվավերության պայմաններում հնարավոր չէ հաստատված համարել, որ տրանսպորտային միջոց վարելիս մեղադրյալը հանդիսացել է տրանսպորտային միջոց վարելու իրավունքից օրենքով սահմանված կարգով զրկված անձ, այսինքն՝ տվյալ դեպքում բացակայել է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմը։ Վերոնշյալի կապակցությամբ Վճռաբեկ դատարանը հարկ է համարում ընդգծել, որ տվյալ դեպքում հնարավոր չէ հիմնավոր հետևության հանգել նաև հանցագործության սուբյեկտի առկայության հարցում, քանի որ օրենքով սահմանված կարգով տրանսպորտային միջոց վարելու իրավունքից զրկված լինելու կամ այդ իրավունքը կասեցված լինելու ուժով է անձը ձեռք բերում տվյալ հանցագործության սուբյեկտին ներհատուկ հատկանիշները։
Մինչդեռ, Վերաքննիչ դատարանը, գալով այն հետևության, որ այս պարագայում էական է անձի դիտավորության ուղղվածության գնահատումը, այն է՝ տրանսպորտային միջոց վարելիս անձը տեղեկացված է եղել, որ ինքը վարորդական իրավունքից զրկված է կամ այն կասեցված է, և սույն հանցակազմի առկայությունը փաստելու համար առանցքային դերակատարություն չի կարող ունենալ ծագած վարչական իրավահարաբերության զարգացման գործընթացը, ըստ էության շեշտը դրել է բացառապես հանցագործության սուբյեկտիվ կողմի գնահատման վրա՝ անտեսելով հանցագործության օբյեկտիվ կողմի և սուբյեկտի բացակայության վերաբերյալ գործում առկա փաստական տվյալների ամբողջությունը։
Այս տեսանկյունից հիմքեր չկան չհամաձայնելու բողոքաբերի այն փաստարկին, որ Վերաքննիչ դատարանի հետևությունները հանգեցնում են մի իրավիճակի, որ ոչ իրավաչափ որոշման հիման վրա Տիգրան Հայրապետյանն իր կամքից անկախ հանգամանքներով ձեռք է բերում հատուկ սուբյեկտի կարգավիճակ, և այդ որոշումը պետք է դրվի անձի դատապարտման հիմքում, ինչն իրավաչափ համարվել չի կարող։ (...)»։
Սույն վարույթի նյութերի ուսումնասիրությունից պարզ է դառնում, որ․
- Մուշեղ Անդրանիկի Մարգարյանի նկատմամբ ՀՀ քրեական օրենսգրքի 344-րդ հոդվածի 1-ին մասով քրեական հետապնդում է հարուցվել և նրան մեղադրանք է ներկայացվել այն բանի համար, որ վերջինս տրանսպորտային միջոցներ վարելու իրավունքը վեց ամիս ժամկետով կասեցված լինելու և այդ մասին նախապես տեղյակ լինելու պայմաններում, վարել է ավտոմեքենա, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, որի կապակցությամբ կազմվել է վարչական իրավախախտման վերաբերյալ համապատասխան արձանագրություն։
- ՀՀ վարչական դատարանի՝ 2025 թվականի մարտի 7-ի թիվ ՎԴ/16058/05/24 վճռով՝ Մուշեղ Անդրանիկի Մարգարյանի՝ տրանսպորտային միջոցներ վարելու իրավունքը վեց ամիս ժամկետով կասեցնելու վերաբերյալ վարչական իրավախախտման գործով 2024 թվականի սեպտեմբերի 18-ի թիվ 8400635651 որոշումը ճանաչվել է անվավեր և նշված դատական ակտն օրինական ուժի մեջ է մտել 2025 թվականի ապրիլի 8-ին։
Այսպիսով, հիմնական դատալսումների ընթացքում հետազոտված ապացույցներով հաստատվել է, որ Մուշեղ Անդրանիկի Մարգարյանի՝ տրանսպորտային միջոցներ վարելու իրավունքը 6 (վեց) ամիս ժամկետով կասեցնելու մասին 2024 թվականի սեպտեմբերի 18-ի վարչական ակտն անվավեր ճանաչելու ուժով քննարկվող հանցակազմի առկայությունը հաստատելու համար պարտադիր հատկանիշ համարվող՝ տրանսպորտային միջոց վարելու իրավունքի կասեցված լինելու փաստը դադարել է գոյության ունենալ, որպիսի պայմաններում վերջինիս դատապարտումն իրավաչափ համարվել չի կարող։
Հետևաբար, Դատարանն արձանագրում է, որ Մուշեղ Անդրանիկի Մարգարյանի արարքում բացակայում է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը՝ օբյեկտիվ կողմի և սուբյեկտի բացակայության պատճառով։
Հիմք ընդունելով վերոգրյալ հիմնավորումները՝ Դատարանը գտնում է, որ անհրաժեշտ է ճանաչել և հռչակել Մուշեղ Անդրանիկի Մարգարյանի անմեղությունը ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքում՝ իրեն մեղսագրվող արարքը կատարած չլինելու հիմքով:
Դատարանը, քննարկելով մեղադրյալ Մուշեղ Անդրանիկի Մարգարյանի նկատմամբ ընտրված գրավ խափանման միջոցի հարցը, գտնում է, որ նրա նկատմամբ արդարացման դատավճիռ կայացնելու պայմաններում բացակայում է նշված հարկադրանքի միջոցը շարունակական կիրառելու անհրաժեշտությունը, ուստի այն պետք է վերացնել մինչև սույն դատավճռի օրինական ուժի մեջ մտնելը՝ այն վերադարձնելով գրավատուին:
Նկատի ունենալով, որ իրեղեն ապացույցների, գույքային հայցի, գույքի վրա արգելանք դնելու, ինչպես նաև ռեաբիլիտացիայի պահանջի վերաբերյալ տվյալներ առկա չեն՝ Դատարանն այդ հարցերին չի անդրադառնում։
Արդարացման վերդիկտի պայմաններում՝ վարութային ծախսերի հարցը Դատարանը համարում է լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-րդ, 347-350-րդ հոդվածներով՝ Դատարանը
ՎՃՌԵՑ
1. Ճանաչել և հռչակել մեղադրյալ Մուշեղ Անդրանիկի Մարգարյանի անմեղությունը ՀՀ քրեական օրենսգրքի 344-րդ հոդվածի 1-ին մասով նրան վերագրված արարքը կատարելու մեջ և նրան արդարացնել` մեղադրյալին վերագրվող փաստական հանգամանքները (արարքը) ապացուցված չլինելու հիմքով:
2. Մինչև դատավճիռն օրինական ուժի մեջ մտնելը՝ մեղադրյալ Մուշեղ Անդրանիկի Մարգարյանի նկատմամբ կիրառված խափանման միջոց՝ գրավը վերացնել և այն վերադարձնել գրավատուին:
3. Դատավճռի օրինական ուժի մեջ մտնելուց հետո՝ արտավարութային փաստաթղթերը պահել քրեական գործի նյութերի հետ՝ դրանք պահելու ամբողջ ընթացքում։
4. Վարութային ծախսերի հարցը համարել լուծված։
5. Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` ստանալու օրվանից հետո՝ մեկամսյա ժամկետում:
ԴԱՏԱՎՈՐ՝ Գ․ԱԲԵԼՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
«21» հոկտեմբերի 2025 թվական ք.Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Ս․ԶԱՔՈՅԱՆԻ
Գ․ԳԱԼՍՏՅԱՆԻ
Ա․ՄԿՐՏՉՅԱՆԻ
Դ․ՀԱԽՆԱԶԱՐՅԱՆԻ
հանրային մեղադրողներ՝ Ա․ԴԱՎԹՅԱՆԻ
Դ․ԿՅՈՒՐԵՂՅԱՆԻ
պաշտպան՝ Բ․ԵՂԻԱԶԱՐՅԱՆԻ
մեղադրյալ՝ Մ․ՄԱՐԳԱՐՅԱՆԻ
դռնբաց դատական նիստում, քննելով քրեական գործն ըստ մեղադրանքի`
Մուշեղ Անդրանիկի Մարգարյանի՝ (ծնված՝ 1992 թվականի մարտի 17-ին, ազգությամբ հայ, ՀՀ քաղաքացի, նախկինում դատապարտված, բնակվող՝ Արմավիրի մարզ, Փարաքար, Երևանյան փողոց, 90-րդ տուն հասցեում) ՀՀ քրեական օրենսգրքի 344-րդ հոդվածի 1-ին մասով,
ՊԱՐԶԵՑ
1.Վարույթի դատավարական նախապատմությունը.
2024 թվականի դեկտեմբերի 5-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ռ․Աղաջանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 1-ին դասակի պարեկ՝ Սամսոն Ալեքսանյանը, Մուշեղ Անդրանիկի Մարգարյանի (ծնված` 1992 թվականի մարտի 17-ին, Արմավիրի մարզ, Փարաքար, Երևանյան փողոց, 90 տուն, ՀԾՀ՝ 2703920229) նկատմամբ 2024 թվականի նոյեմբերի 22-ին` ժամը 15:00-ին, կազմել է թիվ 8180275325 արձանագրություն, քանի որ վերջինս 2024 թվականի նոյեմբերի 22-ին` ժամը 14:50-ին, Երևան քաղաքի Զ.Անդրանիկի փողոցում, «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված:
(…)
Ներկայացնում եմ թիվ 8180275325 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից Մուշեղ Անդրանիկի Մարգարյանի RH թիվ 452341 վարորդական իրավունքի վկայականի քաղվածքի պատճենը:
Միաժամանակ տեղեկացնում եմ, որ Մուշեղ Անդրանիկի Մարգարյանի տրանսպորտային միջոցներ վարելու իրավունքը կասեցվել է՝ 2024 թվականի սեպտեմբերի 18-ին ՀՀ ՆԳՆ ոստ. ՊԾ Արմավիրի մարզի գումարտակի 1-ին վաշտի 2-րդ դասակի ծառայողի կողմից կայացված թիվ 8400635651 որոշմամբ՝ վեց ամիս ժամկետով: (…)»:
2024 թվականի դեկտեմբերի 5-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ռ․Աղաջանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 1-ին դասակի պարեկ՝ Սամսոն Ալեքսանյանի, Մուշեղ Անդրանիկի Մարգարյանի (ծնված՝ 1992 թվականի մարտի 17-ին, Արմավիրի մարզ, Փարաքար, Երևանյան փողոց, 90 տուն, ՀԾՀ՝ 2703920229) նկատմամբ 2024 թվականի նոյեմբերի 22-ին` ժամը 15:00-ին, կազմված թիվ 8180275325 արձանագրությունը, ըստ որի վերջինս 2024 թվականի նոյեմբերի 22-ին՝ ժամը 14:50-ին, Երևան քաղաքի Զ. Անդրանիկի փողոցում, «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված: (…)»:
Հաղորդման հիման վրա՝ 2024 թվականի դեկտեմբերի 12-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60743124 քրեական վարույթը:
2025 թվականի փետրվարի 25-ին, ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազության դատախազ Ա․Դավթյանի որոշմամբ` թիվ 60743124 քրեական վարույթով, Մուշեղ Անդրանիկի Մարգարյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով:
2025 թվականի փետրվարի 25-ին Մուշեղ Անդրանիկի Մարգարյանի նկատմամբ որպես խափանման միջոց է կիրառվել բացակայելու արգելքը:
2025 թվականի մարտի 18-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազությունից Դատարան է ստացվել թիվ ԵԴ1/0935/01/25 (նախաքննական համարը՝ 60743124) քրեական գործն ըստ մեղադրանքի Մուշեղ Անդրանիկի Մարգարյանի՝ ՀՀ քրեական օրենսգրքի 344-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել, իսկ 2025 թվականի մարտի 19-ին հանձնվել է Դատարանի դատավոր Գ․Աբելյանի աշխատակազմին։
2025 թվականի մարտի 21-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/0935/01/25 քրեական գործով վարույթը ստանձնելու և նախնական դատալսումներ նշանակելու մասին:
Նախնական դատալսումներով դատական նիստը նշանակվել է նույն թվականի ապրիլի 2-ին:
Դատարանի` 2025 թվականի մայիսի 5-ի որոշմամբ՝ մեղադրյալ Մուշեղ Անդրանիկի Մարգարյանի ընտրված խափանման միջոց բացակայելու արգելը վերացվել և որպես խափանման միջոց է ընտրվել գրավը՝ 300․000 (երեք հարյուր հազար) ՀՀ դրամի չափով։
Դատարանի՝ նույն թվականի մայիսի 27-ի որոշմամբ՝ նույն օրը, նշանակվել են հիմնական դատալսումներ։
2025 թվականի հոկտեմբերի 21-ին, կայացվել է արդարացման վերդիկտ, որով ճանաչվել և հռչակվել է մեղադրյալ Մուշեղ Անդրանիկի Մարգարյանի անմեղությունը՝ նրան ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքի հիմքում դրված փաստական հանգամանքներով հանցանքի կատարման մեջ:
2․ Մեղադրանքի փաստական նկարագրությունը.
Մուշեղ Անդրանիկի Մարգարյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով՝ այն բանի համար, որ. «(…) [Ն]ա, տրանսպորտային միջոցներ վարելու իրավունքը վեց ամիս ժամկետով՝ 2024 թվականի սեպտեմբերի 18-ից մինչև 2025 թվականի մարտի 18-ը, կասեցված լինելու և այդ մասին նախապես տեղյակ լինելու պայմաններում, 2024 թվականի նոյեմբերի 22-ին՝ ժամը 14:50-ի սահմաններում, Երևան քաղաքի Զորավար Անդրանիկի փողոցում, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։
Այսինքն՝ Մուշեղ Անդրանիկի Մարգարյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում: (…)»։
3․Դատաքննության ընթացքում հետազոտված ապացույցները.
Վարչական իրավախախտման վերաբերյալ թիվ 8180275325 որոշումը , որը կազմվել է 2024 թվականի նոյեմբերի 22-ին՝ ժամը 15:00-ին, համաձայն որի՝ Երևան քաղաքի Զորավար Անդրանիկի փողոցում ՀՀ ոստիկանության պարեկային ծառայության Երևան քաղաքի գնդի պարեկ Սամսոն Սիսակի Ալեքսանյանի (կրծքանշանի համար՝ 08428) կողմից Մուշեղ Անդրանիկի Մարգարյանի (ծնված՝ 1992 թվականի մարտի 17-ին) վերաբերյալ կազմվել է վարչական իրավախախտման վերաբերյալ արձանագրություն այն մասին, որ վերջինս նույն օրը՝ ժամը 14:50-ին, Երևան քաղաքի Զ.Անդրանիկի փողոցում, տրանսպորտային միջոցներ վարելու իրավունքը կասեցված վիճակով, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունները:
«Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենը , որի համաձայն՝ Մուշեղ Անդրանիկի Մարգարյանն ունի «B,C» կարգի, RH452341 համարի վարորդական վկայական, որն ունի կասեցված կարգավիճակ, կասեցման սկիզբը՝ 2024 թվականի սեպտեմբերի 18-ին, կասեցման ավարտը՝ 2025 թվականի մարտի 18-ը։
Վարչական իրավախախտման վերաբերյալ թիվ 8400635651 որոշումը , որի համաձայն՝ 2024 թվականի սեպտեմբերի 18-ին՝ ժամը 23:04-ին, Արմավիրի մարզ, Թաիրով, Ծովակալ Իսակովի պողոտա Կարգոյի խաչմերուկում, ՀՀ ոստիկանության պարեկային ծառայության Երևան քաղաքի գնդի կրտսեր պարեկ Գուրգեն Մելիքյանի (կրծքանշանի համար՝ 09867) կողմից Մուշեղ Անդրանիկի Մարգարյանի վերաբերյալ կազմվել է վարչական իրավախախտման վերաբերյալ արձանագրություն (կից լրացված վարչական իրավախախտման որոշում՝ 8400635651) այն մասին, որ վերջինս նույն օրը՝ ժամը 21:49-ի սահմաններում «Մերսեդես» մակնիշի 90 OQ 555 հաշվառման համարանիշի ավտոմեքենան Արմավիրի մարզ, Թաիրով, Ծովակալ Իսակովի պողոտա Կարգոյի խաչմերուկում, չի ենթարկվել լուսացույցի կարմիր արգելող ազդանշանին: Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների համագումարը կազմում է 9 կամ ավելի միավոր, որի համար Մուշեղ Անդրանիկի Մարգարյանի տրանսպորտային միջոցներ վարելու իրավունքը կասեցվել է 6 (վեց) ամիս ժամկետով: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունը։
2025 թվականի փետրվարի 04-ի՝ արտավարութային փաստաթուղթ ճանաչելու մասին որոշումը , որի համաձայն՝ Մուշեղ Անդրանիկի Մարգարյանի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրությունների (կից չլրացված վարչական իրավախախտման որոշում՝ 8180275325, կից լրացված վարչական իրավախախտման որոշում՝ 8400635651), Մուշեղ Անդրանիկի Մարգարյանի վարորդական վկայականի վերաբերյալ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենները ճանաչվել են արտավարութային փաստաթուղթ։
- Դատարանի որոշմամբ՝ արտավարութային փաստաթուղթ ճանաչված՝
«Datalex» դատական տեղեկատվական համակարգից թիվ ՏԴ/0392/01/24 քրեական գործի վերաբերյալ քաղվածքը , որի համաձայն՝ Տավուշի մարզի առաջին ատյանի ընդհանուր իրավասության դատարանի՝ 2024 թվականի դեկտեմբերի 9-ի թիվ ՏԴ/0392/01/24 դատավճռով, Մուշեղ Անդրանիկի Մարգարյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և դատապարտվել տուգանքի՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) Հայաստանի Հանրապետության դրամ գումարի չափով։
ՀՀ վարչական դատարանի 2025 թվականի մարտի 7-ի թիվ ՎԴ/16058/05/24 վճիռը, որի համաձայն՝ Մուշեղ Մարգարյանի հայցն ընդդեմ Պարեկային ծառայության բավարարվել է և Պարեկային ծառայության՝ 2024 թվականի սեպտեմբերի 18-ի թիվ 8400635651 որոշումը և դրա դեմ ներկայացված բողոքը մերժելու մասին՝ 2024 թվականի հոկտեմբերի 21-ի որոշումը ճանաչվել է անվավեր։ ՀՀ վարչական դատարանի՝ 2025 թվականի մարտի 7-ի վճիռը չի բողոքարկվել և մտել է օրինական ուժի մեջ 2025 թվականի ապրիլի 08-ին՝ հաստատվելով երկրորդ կնիքով ։
4․Դատարանի փաստական վերլուծությունները և փաստական հանգամանքների ապացուցված լինելու վերաբերյալ հետևությունները․
Հետազոտելով սույն դատավճռի 3-րդ կետերում շարադրված ապացույցները՝ Դատարանը, պատշաճ ապացույցների բավարար համակցությամբ, դրանց համակողմանի, լրիվ և անաչառ քննության վրա հիմնված ներքին համոզմամբ, հաստատված է համարում հետևյալ հանգամանքները․
- Վարչական իրավախախտման վերաբերյալ թիվ 8400635651 արձանագրության (կից լրացված վարչական իրավախախտման որոշում՝ 8400635651) հիման վրա 2024 թվականի սեպտեմբերի 18-ին՝ 6 (վեց) ամիս ժամկետով, կասեցվել է Մուշեղ Անդրանիկի Մարգարյանի տրանսպորտային միջոցներ վարելու իրավունքը՝ մինչև 2025 թվականի մարտի 18-ը։
- Նշված արձանագրությունը և որոշումը նույն օրը ստորագրությամբ հանձնվել են Մուշեղ Անդրանիկի Մարգարյանին, որոնք վերջինս բողոքարկել է Վարչական դատարան։
- 2024 թվականի նոյեմբերի 22-ին` ժամը 14:50-ին, Երևան քաղաքի Զ.Անդրանիկի փողոցում Մուշեղ Անդրանիկի Մարգարյանը վարել է «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը, ինչը հայտնաբերվել է տվյալ տարածքում ծառայություն իրականացնող ոստիկանության ծառայողների կողմից և այդ կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։
- ՀՀ վարչական դատարանի՝ 2025 թվականի մարտի 7-ի թիվ ՎԴ/16058/05/24 վճռով՝ Մուշեղ Անդրանիկի Մարգարյանին տրանսպորտային միջոցներ վարելու իրավունքը 6 (վեց) ամիս ժամկետով կասեցնելու վերաբերյալ 2024 թվականի սեպտեմբերի 18-ի որոշումը և դրա դեմ ներկայացված բողոքը մերժելու մասին 2024 թվականի հոկտեմբերի 21-ի որոշումը ճանաչվել է անվավեր։
- ՀՀ վարչական դատարանի վճիռն օրինական ուժի մեջ է մտել 2025 թվականի ապրիլի 8-ին։
Վերոգրյալի հաշվառմամբ՝ Դատարանն արձանագրում է, որ ապացուցված չէ, Մուշեղ Անդրանիկի Մարգարյանին վերագրվող փաստական հանգամանքները՝ այն, որ «(...) [Ն]ա, տրանսպորտային միջոցներ վարելու իրավունքը վեց ամիս ժամկետով՝ 2024 թվականի սեպտեմբերի 18-ից մինչև 2025 թվականի մարտի 18-ը, կասեցված լինելու և այդ մասին նախապես տեղյակ լինելու պայմաններում, 2024 թվականի նոյեմբերի 22-ին՝ ժամը 14:50-ի սահմաններում, Երևան քաղաքի Զորավար Անդրանիկի փողոցում, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։ (...)»։
5․Պատճառաբանական մաս.
ՀՀ քրեական օրենսգրքի 16-րդ հոդվածի համաձայն՝ «1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը (…)»։
ՀՀ քրեական օրենսգրքի 344-րդ հոդվածի համաձայն` «1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը նույն արարքի համար օրենքով սահմանված պատասխանատվության կիրառումից հետո` մեկ տարվա ընթացքում՝
(…)
4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել: (…)»:
Վճռաբեկ դատարանը Տիգրան Հայրապետյանի գործով նախադեպային դիրքորոշում է ձևավորել ՀՀ քրեական օրենսգրքի 344-րդ հոդվածով նախատեսված՝ տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու հանցակազմի մեկնաբանման վերաբերյալ, որի համաձայն՝ «(...) Մեջբերված նորմը ՀՀ քրեական օրենսգրքում ամրագրված է երթևեկության անվտանգության և տրանսպորտի շահագործման սահմանված կարգի դեմ ուղղված հանցագործությունների շարքում։ Հանցագործության հիմնական անմիջական օբյեկտը երթևեկության անվտանգության և տրանսպորտի շահագործման սահմանված կարգն ապահովող հասարակական հարաբերություններն են: Վերոնշյալ արարքն ամրագրված է ձևական հանցակազմով, իսկ հանցագործության օբյեկտիվ կողմը դրսևորվում է տրանսպորտային միջոցներ վարելու իրավունքից զրկված կամ վարելու իրավունքը կասեցված լինելու պայմաններում տրանսպորտային միջոց վարելով։
Այլ կերպ, ՀՀ քրեական օրենսգրքի 344-րդ հոդվածի 1-ին մասի գործողության նախապայմանը և այդ հոդվածով անձին քրեական պատասխանատվության ենթարկելու հիմքը՝ նրա վարչական պատասխանատվության ենթարկված լինելն է՝ տրանսպորտային միջոցներ վարելու իրավունքից զրկվելը կամ վարելու իրավունքը կասեցվելը։ Ընդ որում, ՀՀ քրեական օրենսգրքի 344-րդ հոդվածի համակարգային վերլուծությունը ցույց է տալիս, որ վարելու իրավունքից զրկելը կամ այդ իրավունքը կասեցնելը պետք է լինի օրենքով սահմանված կարգով, այն է՝ իրավաչափ վարչական ակտի հիման վրա։ Հակառակ պարագայում, եթե վարչական ակտը կայացվել է օրենքով սահմանված կարգի խախտմամբ և վարչական կամ դատական կարգով անվավեր է ճանաչվել, ապա քննարկվող հանցագործության օբյեկտիվ կողմը բացակայում է, քանզի վերանում է քրեական պատասխանատվության ենթարկվելու պարտադիր նախապայմանը՝ օրենքով սահմանված կարգով վարչական պատասխանատվության ենթարկված լինելը։
Հանցագործության սուբյեկտը հատուկ է, քանի որ բացի ընդհանուր սուբյեկտի հատկանիշներից, անձը պետք է օժտված լինի նաև լրացուցիչ հատկանիշներով, այն է՝ լինի տրանսպորտային միջոցներ վարելու իրավունքից օրենքով սահմանված կարգով զրկված կամ վարելու իրավունքը կասեցված, մեղսունակ ֆիզիկական անձ:
Սուբյեկտիվ կողմից հանցագործությունը դրսևորվում է միայն ուղղակի դիտավորությամբ, մասնավորապես՝ անձը գիտակցում է, որ տրանսպորտային միջոցներ վարելու իրավունքից զրկված կամ իրավունքը կասեցված լինելու պայմաններում վարում է տրանսպորտային միջոց:
14․ Այսպիսով, ընդհանրացնելով վերոշարադրյալը՝ Վճռաբեկ դատարանն արձանագրում է, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմի առկայությունն արձանագրելու համար անհրաժեշտ է հիմնավորել, որ անձը տրանսպորտային միջոցը վարել է՝ տրանսպորտային միջոցներ վարելու իրավունքից զրկված կամ այդ իրավունքը կասեցված լինելու պայմաններում, որպիսի հանգամանքը հաստատվել է իրավաչափ վարչական ակտով։
(...)
(...) [Ա]նձի դատապարտման հիմքում չի կարող դրվել ոչ իրավաչափ՝ օրենքի խախտմամբ ընդունված և անձի իրավունքները խախտող վարչական ակտի պայմանները չկատարելու հանգամանքը՝ անկախ նրանից, որ կոնկրետ գործողությունը կատարելու պահի դրությամբ նշված վարչական ակտի ոչ օրինական լինելու հանգամանքը դեռևս հաստատված չի եղել։ Առաջին ատյանի դատարանն իրավաչափորեն փաստել է, որ վարչական ակտի անվավերության պայմաններում հնարավոր չէ հաստատված համարել, որ տրանսպորտային միջոց վարելիս մեղադրյալը հանդիսացել է տրանսպորտային միջոց վարելու իրավունքից օրենքով սահմանված կարգով զրկված անձ, այսինքն՝ տվյալ դեպքում բացակայել է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմը։ Վերոնշյալի կապակցությամբ Վճռաբեկ դատարանը հարկ է համարում ընդգծել, որ տվյալ դեպքում հնարավոր չէ հիմնավոր հետևության հանգել նաև հանցագործության սուբյեկտի առկայության հարցում, քանի որ օրենքով սահմանված կարգով տրանսպորտային միջոց վարելու իրավունքից զրկված լինելու կամ այդ իրավունքը կասեցված լինելու ուժով է անձը ձեռք բերում տվյալ հանցագործության սուբյեկտին ներհատուկ հատկանիշները։
Մինչդեռ, Վերաքննիչ դատարանը, գալով այն հետևության, որ այս պարագայում էական է անձի դիտավորության ուղղվածության գնահատումը, այն է՝ տրանսպորտային միջոց վարելիս անձը տեղեկացված է եղել, որ ինքը վարորդական իրավունքից զրկված է կամ այն կասեցված է, և սույն հանցակազմի առկայությունը փաստելու համար առանցքային դերակատարություն չի կարող ունենալ ծագած վարչական իրավահարաբերության զարգացման գործընթացը, ըստ էության շեշտը դրել է բացառապես հանցագործության սուբյեկտիվ կողմի գնահատման վրա՝ անտեսելով հանցագործության օբյեկտիվ կողմի և սուբյեկտի բացակայության վերաբերյալ գործում առկա փաստական տվյալների ամբողջությունը։
Այս տեսանկյունից հիմքեր չկան չհամաձայնելու բողոքաբերի այն փաստարկին, որ Վերաքննիչ դատարանի հետևությունները հանգեցնում են մի իրավիճակի, որ ոչ իրավաչափ որոշման հիման վրա Տիգրան Հայրապետյանն իր կամքից անկախ հանգամանքներով ձեռք է բերում հատուկ սուբյեկտի կարգավիճակ, և այդ որոշումը պետք է դրվի անձի դատապարտման հիմքում, ինչն իրավաչափ համարվել չի կարող։ (...)»։
Սույն վարույթի նյութերի ուսումնասիրությունից պարզ է դառնում, որ․
- Մուշեղ Անդրանիկի Մարգարյանի նկատմամբ ՀՀ քրեական օրենսգրքի 344-րդ հոդվածի 1-ին մասով քրեական հետապնդում է հարուցվել և նրան մեղադրանք է ներկայացվել այն բանի համար, որ վերջինս տրանսպորտային միջոցներ վարելու իրավունքը վեց ամիս ժամկետով կասեցված լինելու և այդ մասին նախապես տեղյակ լինելու պայմաններում, վարել է ավտոմեքենա, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, որի կապակցությամբ կազմվել է վարչական իրավախախտման վերաբերյալ համապատասխան արձանագրություն։
- ՀՀ վարչական դատարանի՝ 2025 թվականի մարտի 7-ի թիվ ՎԴ/16058/05/24 վճռով՝ Մուշեղ Անդրանիկի Մարգարյանի՝ տրանսպորտային միջոցներ վարելու իրավունքը վեց ամիս ժամկետով կասեցնելու վերաբերյալ վարչական իրավախախտման գործով 2024 թվականի սեպտեմբերի 18-ի թիվ 8400635651 որոշումը ճանաչվել է անվավեր և նշված դատական ակտն օրինական ուժի մեջ է մտել 2025 թվականի ապրիլի 8-ին։
Այսպիսով, հիմնական դատալսումների ընթացքում հետազոտված ապացույցներով հաստատվել է, որ Մուշեղ Անդրանիկի Մարգարյանի՝ տրանսպորտային միջոցներ վարելու իրավունքը 6 (վեց) ամիս ժամկետով կասեցնելու մասին 2024 թվականի սեպտեմբերի 18-ի վարչական ակտն անվավեր ճանաչելու ուժով քննարկվող հանցակազմի առկայությունը հաստատելու համար պարտադիր հատկանիշ համարվող՝ տրանսպորտային միջոց վարելու իրավունքի կասեցված լինելու փաստը դադարել է գոյության ունենալ, որպիսի պայմաններում վերջինիս դատապարտումն իրավաչափ համարվել չի կարող։
Հետևաբար, Դատարանն արձանագրում է, որ Մուշեղ Անդրանիկի Մարգարյանի արարքում բացակայում է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը՝ օբյեկտիվ կողմի և սուբյեկտի բացակայության պատճառով։
Հիմք ընդունելով վերոգրյալ հիմնավորումները՝ Դատարանը գտնում է, որ անհրաժեշտ է ճանաչել և հռչակել Մուշեղ Անդրանիկի Մարգարյանի անմեղությունը ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքում՝ իրեն մեղսագրվող արարքը կատարած չլինելու հիմքով:
Դատարանը, քննարկելով մեղադրյալ Մուշեղ Անդրանիկի Մարգարյանի նկատմամբ ընտրված գրավ խափանման միջոցի հարցը, գտնում է, որ նրա նկատմամբ արդարացման դատավճիռ կայացնելու պայմաններում բացակայում է նշված հարկադրանքի միջոցը շարունակական կիրառելու անհրաժեշտությունը, ուստի այն պետք է վերացնել մինչև սույն դատավճռի օրինական ուժի մեջ մտնելը՝ այն վերադարձնելով գրավատուին:
Նկատի ունենալով, որ իրեղեն ապացույցների, գույքային հայցի, գույքի վրա արգելանք դնելու, ինչպես նաև ռեաբիլիտացիայի պահանջի վերաբերյալ տվյալներ առկա չեն՝ Դատարանն այդ հարցերին չի անդրադառնում։
Արդարացման վերդիկտի պայմաններում՝ վարութային ծախսերի հարցը Դատարանը համարում է լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-րդ, 347-350-րդ հոդվածներով՝ Դատարանը
ՎՃՌԵՑ
1. Ճանաչել և հռչակել մեղադրյալ Մուշեղ Անդրանիկի Մարգարյանի անմեղությունը ՀՀ քրեական օրենսգրքի 344-րդ հոդվածի 1-ին մասով նրան վերագրված արարքը կատարելու մեջ և նրան արդարացնել` մեղադրյալին վերագրվող փաստական հանգամանքները (արարքը) ապացուցված չլինելու հիմքով:
2. Մինչև դատավճիռն օրինական ուժի մեջ մտնելը՝ մեղադրյալ Մուշեղ Անդրանիկի Մարգարյանի նկատմամբ կիրառված խափանման միջոց՝ գրավը վերացնել և այն վերադարձնել գրավատուին:
3. Դատավճռի օրինական ուժի մեջ մտնելուց հետո՝ արտավարութային փաստաթղթերը պահել քրեական գործի նյութերի հետ՝ դրանք պահելու ամբողջ ընթացքում։
4. Վարութային ծախսերի հարցը համարել լուծված։
5. Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` ստանալու օրվանից հետո՝ մեկամսյա ժամկետում:
ԴԱՏԱՎՈՐ՝ Գ․ԱԲԵԼՅԱՆ
Դատական գործ N: ԵԴ1/0935/01/25
Երևանի քրեական դատարան
Նոր քրեական գործ
| Երբ է գործը ստացվել | 18-03-2025 |
|---|---|
| Ինչ կարգով է գործը ստացվել | Առաջին անգամ |
| Դատախազություն | Մալաթիա-Սեբաստիա վարչական շրջանի դատախազություն |
| Նախաքննական գործի համարը | 60743124 |
| Մեղադրական եզրակացության համառոտ բովանդակություն | Մուշեղ Անդրանիկի Մարգարյանին մեղադրանք է առաջադրվել այն բանի համար, որ նա, տրանսպորտային միջոց վարելու իրավունքը կասեցված վիճակում, վարել է տրանսպորտային միջոց: |
| Մեղադրյալ | |
| Անձ | |
| Անուն | Մուշեղ |
| Ազգանուն | Մարգարյան |
| Հայրանուն | Անդրանիկի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Դատվածություն | |
| Դատվածություն | դատապարտված |
| Վիճակագրական տողի համարը | 15.4 |
| Լրացուցիչ վիճակագրական տողի համար | Առկա չէ |
| Իրավական բարդության չափանիշ | 1.1 |
| Չափահաս | Այո |
Մակագրել
| Երբ | 18-03-2025 |
|---|---|
| Նախագահող դատավոր | |
| Անուն | Գարիկ |
| Ազգանուն | Աբելյան |
Նոր օրենսդրությամբ քննվող գործեր
| Ամսաթիվ | 01-07-2022 |
|---|
Վարույթը ստանձնելու և նախնական դատալսումներ նշանակելու մասին որոշում
| Որոշման ամսաթիվ | 21-03-2025 |
|---|---|
| Որոշում | Գործ ԵԴ1/0935/01/25 ՈՐՈՇՈՒՄ ՔՐԵԱԿԱՆ ԳՈՐԾՈՎ ՎԱՐՈՒՅԹԸ ՍՏԱՆՁՆԵԼՈՒ ԵՎ ՆԱԽՆԱԿԱՆ ԴԱՏԱԼՍՈՒՄՆԵՐ ՆՇԱՆԱԿԵԼՈՒ ՄԱՍԻՆ «21» մարտի 2025 թվական ք.Երևան Երևան քաղաքի առաջին ատյանի ընդհանուր իրավասության քրեական դատարանի դատավոր Գ.Աբելյանս, ստանալով թիվ ԵԴ1/0935/01/25 քրեական գործն ըստ մեղադրանքի Մուշեղ Անդրանիկի Մարգարյանի՝ ՀՀ քրեական օրենսգրքի 344-րդ հոդվածի 1-ին մասով, ՊԱՐԶԵՑԻ 2025 թվականի մարտի 18-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազությունից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/0935/01/25 (նախաքննական համարը՝ 60743124) քրեական գործն ըստ մեղադրանքի Մուշեղ Անդրանիկի Մարգարյանի՝ ՀՀ քրեական օրենսգրքի 344-րդ հոդվածի 1-ին մասով։ Նույն օրը քրեական գործն էլեկտրոնային եղանակով մակագրվել, իսկ 2025 թվականի մարտի 19-ին հանձնվել է ինձ։ Ելնելով վերոգրյալից և ղեկավարվելով ՀՀ քրեական դատավարու¬թյան օրենսգրքի 310-րդ հոդվածով՝ ՈՐՈՇԵՑԻ Ստանձնել Մուշեղ Անդրանիկի Մարգարյանի վերաբերյալ քրեական գործի վարույթը և նշանակել նախնական դատալսումներ 2025 թվականի ապրիլի 2-ին, ժամը՝ 14։00-ին, Երևան քաղաքի առաջին ատյանի ընդհանուր իրավասության քրեական դատարանի «Ավան» նստավայրում: Որոշման պատճենն ուղարկել հանրային մեղադրողին, ինչպես նաև վարույթի մասնավոր մասնակիցներին՝ դրան կցելով հասցեատիրոջ իրավունքների և պարտականությունների վերաբերյալ սահմանված ձևի հուշաթերթ: ԴԱՏԱՎՈՐ՝ Գ․ԱԲԵԼՅԱՆ |
| Դատավարության կողմեր | Մեղադրյալ |
| Դատավարության կողմեր | Հանրային մեղադրող |
| Դատավարության կողմեր | |
| Անուն | ՄՈՒՇԵՂ |
| Ազգանուն | ՄԱՐԳԱՐՅԱՆ |
| Հայրանուն | ԱՆԴՐԱՆԻԿԻ |
| Հասցե | --------------- |
| Սոցիալական քարտ | --------------- |
| Դատավարության կողմեր | |
| Անուն | ԱՐՄԵՆ |
| Ազգանուն | ՕՍԵՅԱՆ |
| Հասցե | --------------- |
| Սոցիալական քարտ | --------------- |
Նախնական դատալսումներ
| Ամսաթիվ | 02-04-2025 |
|---|---|
| Ժամ | 14:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 02-04-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 05-05-2025 |
|---|---|
| Ժամ | 12:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 05-05-2025 |
|---|---|
| Նիստը | Կայացել է |
Խափանման միջոցի հարցի քննարկում
| Ամսաթիվ | 05-05-2025 |
|---|---|
| Մեղադրյալի նկատմամբ խափանման միջոցի հարցի քննարկում | Խափանման միջոցի վերացնելը |
| Որոշման բովանդակություն | Վարույթ թիվ ԵԴ1/0935/01/25 ՈՐՈՇՈՒՄ ՄԵՂԱԴՐՅԱԼԻ ՆԿԱՏՄԱՄԲ ԿԻՐԱՌՎԱԾ ԽԱՓԱՆՄԱՆ ՄԻՋՈՑ ԲԱՑԱԿԱՅԵԼՈՒ ԱՐԳԵԼՔԸ ՎԵՐԱՑՆԵԼՈՒ ԿԱՄ ՓՈՓՈԽԵԼՈՒ ՎԵՐԱԲԵՐՅԱԼ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ «05» մայիսի 2025 թվական ք.Երևան Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝ նախագահությամբ դատավոր՝ Գ.ԱԲԵԼՅԱՆԻ քարտուղարությամբ՝ Գ․ԳԱԼՍՏՅԱՆԻ հանրային մեղադրող՝ Ա․ԴԱՎԹՅԱՆԻ պաշտպան՝ Բ․ԵՂԻԱԶԱՐՅԱՆԻ մեղադրյալ՝ Մ․ՄԱՐԳԱՐՅԱՆԻ դռնբաց դատական նիստում, նախնական դատալսումների ընթացքում քննարկելով մեղադրյալ Մուշեղ Անդրանիկի Մարգարյանի նկատմամբ խափանման միջոց կիրառելու հարցը ՊԱՐԶԵՑ․ 1. Մեղադրյալի նկատմամբ կիրառված բացակայելու արգելք խափանման միջոցը փոփոխելու վերաբերյալ միջնորդության հիմքերը, հիմնավորումները պահանջը և կողմերի հայտնած դիրքորոշումները․ Մեղադրյալ Մուշեղ Անդրանիկի Մարգարյանի պաշտպան Բ․Եղիազարյանը ներկայացրեց բանավոր միջնորդություն՝ մեղադրյալի նկատմամբ ընտրված խափանման միջոցը՝ բացակայելու արգելքը վերացնելու կամ գրավով փոխարինելու մասին, որպես հիմնավորում ներկայացնելով, որ վերջինս քննության ողջ ընթացքում դրսևորել է պատշաճ վարքագիծ։ Ինչ վերաբերում է գրավ այլընտրանքային խափանման միջոցի կիրառմանը՝ պաշտպանը նշել է, որ մեղադրյալը հանդիսանում է «ՄՄ ինվեսթ» ՍՊ ընկերության գործադիր տնօրենը և աշխատանքային գործունեությունից ելնելով պարբերաբար անհրաժեշտություն է առաջանում, որպեսզի մեկնի ՀՀ-ից։ Վերոգրյալով պայմանավորված՝ պաշտպանը միջնորդեց կիրառել գրավ՝ 300․000 (երեք հարյուր հազար) ՀՀ դրամի չափով։ Մեղադրյալ Մուշեղ Անդրանիկի Մարգարյանը միացավ պաշտպան Բ․Եղիազարյանի դիրքորոշմանը։ Հանրային մեղադրող Ա․Դավթյանը առարկեց ներկայացված միջնորդության դեմ՝ նշելով, որ բացակայելու արգելքը անձի իրավունքները նվազ խիստ սահմանափակող խափանման միջոց է և վարույթի քննության սույն փուլում այն վերացնելու հիմքեր առկա չեն։ Անդրադառնալով մեղադրյալի նկատմամբ կիրառված բացակայելու արգելքը գրավով փոխարինելուն՝ նշել է, որ այդ հարցի կապակցությամբ առարկություններ առկա չեն։ 2. Դատարանի պատճառաբանությունները և եզրահանգումը. ՀՀ քրեական դատավարության օրենսգրքի (այսուհետ՝ նաև Օրենսգիրք) Օրենսգրքի 111-րդ հոդվածի համաձայն՝ «1. Խափանման միջոցներն են կալանքը և այլընտրանքային խափանման միջոցները։ 2. Այլընտրանքային խափանման միջոցներն են` 1) տնային կալանքը. 2) վարչական հսկողությունը. 3) գրավը. 4) պաշտոնավարման կասեցումը. 5) բացակայելու արգելքը. 6) երաշխավորությունը. 7) դաստիարակչական հսկողությունը. 8) զինվորական հսկողությունը»: Օրենսգրքի 116-րդ հոդվածի համաձայն՝ 1. Խափանման միջոց չի կարող կիրառվել, եթե բացակայում է մեղադրյալի կողմից իրեն վերագրվող հանցանքը կատարելու մասին հիմնավոր կասկածը: 2. Խափանման միջոցը կարող է կիրառվել, եթե դա անհրաժեշտ է՝ 1) մեղադրյալի փախուստը կանխելու համար կամ 2) մեղադրյալի կողմից հանցանք կատարելը կանխելու համար կամ 3) մեղադրյալի կողմից իր վրա սույն օրենսգրքով կամ դատարանի որոշմամբ դրված պարտականությունների կատարումն ապահովելու համար: 3. Խափանման միջոցի տեսակն ընտրելիս հաշվի են առնվում մեղադրյալի օրինական վարքագիծն ապահովող և դրան խոչընդոտող բոլոր հնարավոր հանգամանքները: 4. Խափանման միջոց կիրառելու վերաբերյալ որոշման պատճենը մեղադրյալին հնարավորության դեպքում հանձնվում է անհապաղ: Օրենսգրքի 117-րդ հոդվածի համաձայն՝ «1․ Եթե խափանման միջոցի գործողության ընթացքում փոխվել կամ վերացել են դրա իրավաչափության պայմանները, վարույթն իրականացնող մարմինն իր իրավասության սահմաններում որոշում է կայացնում խափանման միջոցը փոխելու կամ վերացնելու մասին: (…)»: Օրենսգրքի 125-րդ հոդվածի համաձայն՝ «1. Գրավը իրավասու մարմնի որոշմամբ սահմանված դրամական գումար է, որը Հայաստանի Հանրապետության դրամի, շարժական գույքի, արժեթղթերի կամ այլ արժեքների ձևով պահատվության է փոխանցվում համապատասխան որոշմամբ նշված բանկի կամ այլ վարկային կազմակերպության դեպոզիտ մեղադրյալի օրինական վարքագիծն ապահովելու նպատակով: Որպես գրավ կարող է ընդունվել անշարժ գույք, եթե գրավ կիրառելու մասին որոշմամբ հատուկ նշվել է դրա հնարավորության մասին: 2. Գրավի չափը որոշելիս հաշվի են առնվում մեղադրյալին վերագրվող հանցանքի ծանրության աստիճանը և մեղադրյալի գույքային դրությունը: Գրավի արժեքի ապացուցման պարտականությունը կրում է գրավատուն: 3. Գրավը կարող է մուծել մեղադրյալը կամ ցանկացած այլ ֆիզիկական կամ իրավաբանական անձ: Եթե գրավը մուծում է այլ անձ, ապա նրան բացատրվում է մեղադրյալին ներկայացված մեղադրանքի էությունը, ինչպես նաև մեղադրյալի կողմից անօրինական վարքագիծ դրսևորվելու դեպքում՝ վրա հասնող հնարավոր հետևանքները: 4. Գրավատուն վարույթն իրականացնող մարմնի համապատասխան որոշման կայացման պահից եռօրյա ժամկետում ներկայացնում է գրավը մուծված լինելը հավաստող փաստաթուղթ, որը կցվում է վարույթի նյութերին: Գրավը կիրառված է համարվում գրավի մուծված լինելը հավաստող փաստաթուղթը վարույթն իրականացնող մարմին ներկայացնելու պահից: 4.1. Սույն հոդվածի 4-րդ մասով նախատեսված պարտականությունը չկատարելը հիմք է մեղադրյալի նկատմամբ խափանման միջոցի տեսակն ընտրելու հարցը վերստին քննարկելու համար։ 5. Եթե մեղադրյալը թաքնվել է վարույթն իրականացնող մարմնից, պարբերաբար չի ներկայացել վարույթն իրականացնող մարմնի հրավերով կամ էապես խոչընդոտել է վարույթին, ապա հսկող դատախազը կայացնում է գրավը պետության եկամուտ դարձնելու մասին որոշում և դրա պատճենը եռօրյա ժամկետում ուղարկում է մեղադրյալին և գրավը մուծած անձին` նրանց պարզաբանելով այդ որոշման բողոքարկման` սույն օրենսգրքի 299-301-րդ հոդվածներով սահմանված կարգը: Եթե որպես գրավ ընդունվել է անշարժ կամ շարժական գույք, ապա խափանման միջոցի պայմանները խախտելու հիմքով այդ գույքի վաճառքից մնացած գումարի այն մասը, որը գերազանցում է գրավի չափը, ենթակա է վերադարձման: 6. Սույն հոդվածի 5-րդ մասով նախատեսված հիմքերից որևէ մեկի առկայության դեպքում դատական վարույթում գրավը պետության եկամուտ դարձնելու մասին որոշումը կայացնում է դատարանը։ Այդ որոշումը կարող է բողոքարկվել սույն օրենսգրքով սահմանված հատուկ վերանայման կարգով։ 7. Գրավը վերադարձվում է գրավատուին բոլոր դեպքերում, երբ չեն ապացուցվել սույն հոդվածի 5-րդ մասով նախատեսված խախտումները, կամ գրավը որպես խափանման միջոց վերացվել կամ փոխվել է: Գրավը վերադարձնելու մասին որոշումն ընդունվում է համապատասխան խափանման միջոցը վերացնելու կամ փոխելու մասին որոշում կայացնելու հետ միաժամանակ:»: Օրենսգրքի 122-րդ հոդվածի համաձայն՝ 1. Այլընտրանքային խափանման միջոցները կարող են կիրառվել ինչպես առանձին, այնպես էլ համակցված, եթե հնարավոր է ապահովել դրանց պայմանների միաժամանակյա պահպանումը: 2. Սույն օրենսգրքի 115-րդ հոդվածի 2-րդ մասի 1-ին և 2-րդ կետերով նախատեսված խափանման միջոցները կարող է կիրառել միայն դատարանը: Դատական վարույթում դատարանն իրավասու է կիրառելու նաև սույն օրենսգրքի 115-րդ հոդվածի 2-րդ մասի 3-8-րդ կետերով նախատեսված այլընտրանքային խափանման միջոցները: (...) 5. Այլընտրանքային խափանման միջոցները կարող են կիրառվել սույն օրենսգրքի 116-րդ հոդվածի 2-րդ մասում նշված հանգամանքների վերաբերյալ ողջամիտ ենթադրության առկայության դեպքում:»։ Վերոնշյալի ներքո՝ Դատարանը, անդրադառնալով միջնորդության հիմքերին և հիմնավորումներին, արձանագրում է, որ մեղադրյալ Մուշեղ Անդրանիկի Մարգարյանի նկատմամբ կիրառվել է բացակայելու արգելք խափանման միջոցը։ Կիրառված խափանման միջոցն ի զորու է եղել ապահովելու մեղադրյալի պատշաճ վարքագիծը, սակայն հաշվի առնելով նոր ի հայտ եկած հանգամանքները, մասնավորապես այն, որ մեղադրյալի մոտ անհրաժեշտություն է առաջանում աշխատանքային գործունեությամբ պայմանավորված մեկնել ՀՀ-ից՝ Դատարանը գտնում է, որ նման պայմաններում կիրառված խափանման միջոցը պետք է վերացվի։ Դատարանի նման դիրքորոշումը բխում է նաև քրեական դատավարությունում հանրային մասնավոր շահերի հավասարակշռման գաղափարից, որպիսի պայմաններում՝ Դատարանը հաշվի առնելով, որ սույն դեպքում մեղադրյալի վարույթն իրականացնող մարմնին ներկայանալը և դատավարական պարտականությունների կատարումը հնարավոր է ապահովել նաև այլ խափանման միջոցի կիրառմամբ, որն ի զորու է ապահովելու մեղադրյալի պատշաճ վարքագիծը, սակայն չի սահմանափակում նրա ազատ տեղաշարժի հնարավորությունը, գտնում է, որ մեղադրյալ Մուշեղ Անդրանիկի Մարգարյանի նկատմամբ որպես խափանման միջոց պետք է կիրառվի գրավը։ Հաշվի առնելով վերը շարադրված վերլուծությունները, ինչպես նաև գույքային դրության վերաբերյալ պաշտպանության կողմի դատական նիստում հայտնած դիրքորոշումը, Դատարանը գտնում է, որ վերջինիս նկատմամբ գրավը որպես խափանման միջոց պետք է կիրառել՝ 300․000 (երեք հարյուր հազար) ՀՀ դրամ գումարի չափով։ Դատարանի նախորդ պարբերության մեջ նշված հետևությունները, ի թիվս այլնի, բխում են նաև մեղադրյալին մեղսագրող արարքի բնույթից և ծանրության աստիճանից։ Այսպիսով՝ Դատարանը գալիս է հետևության, որ մեղադրյալի օրինական վարքագիծը հնարավոր է ապահովել գրավը որպես խափանման միջոցի կիրառելով։ Դատարանը գտնում է, որ մեղադրյալ Մուշեղ Անդրանիկի Մարգարյանի պաշտպան Բ․Եղիազարյանի միջնորդությունը՝ պետք է բավարարել ամբողջությամբ և վերացնել մեղադրյալի նկատմամբ որպես խափանման միջոց ընտրված բացակայելու արգելքը՝ միաժամանակ վերջինիս նկատմամբ կիրառելով մեկ այլ խափանման միջոց, այն է՝ գրավը՝ 300․000 (երեք հարյուր հազար) ՀՀ դրամ գումարի չափով: Ելնելով վերոգրյալից և ղեկավարվելով «Մարդու իրավունքների և հիմնարար ազատությունների պաշտպանության մաuին» Եվրոպական կոնվենցիայի 5-րդ հոդվածի 3-րդ մաuով և ՀՀ քրեական դատավարության օրենսգրքի 33-րդ, 34-րդ, 115-130-րդ, 316-րդ հոդվածներով՝ Դատարանը Ո Ր Ո Շ Ե Ց․ 1․ Մեղադրյալ Մուշեղ Անդրանիկի Մարգարյանի պաշտպան Բ․Եղիազարյանի միջնորդությունը բավարարել։ 2․ Թիվ ԵԴ1/0935/01/25 քրեական գործով մեղադրյալ Մուշեղ Անդրանիկի Մարգարյանի (ծնված՝ 1992 թվականի մարտի 17-ին, ազգությամբ հայ, ՀՀ քաղաքացի, նախկինում դատապարտված, բնակվող՝ Արմավիրի մարզ, Փարաքար, Երևանյան փողոց, 90-րդ տուն հասցեում) նկատմամբ կիրառված խափանման միջոցը՝ բացակայելու արգելքը, վերացնել։ 3․ Մեղադրյալ Մուշեղ Անդրանիկի Մարգարյանի նկատմամբ որպես խափանման միջոց կիրառել գրավը՝ 300․000 (երեք հարյուր հազար) ՀՀ դրամի չափով։ Գրավը ենթակա է վճարման Երևան քաղաքի առաջին ատյանի ընդհանուր իրավասության քրեական դատարանի արտաբյուջետային 900005002499 դեպոզիտ հաշվին՝ որոշման կայացման պահից եռօրյա ժամկետում։ ԴԱՏԱՎՈՐ՝ Գ.ԱԲԵԼՅԱՆ |
Նախնական դատալսումներ
| Ամսաթիվ | 27-05-2025 |
|---|---|
| Ժամ | 11:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 27-05-2025 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 30-06-2025 |
|---|---|
| Ժամ | 17:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 30-06-2025 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 22-08-2025 |
|---|---|
| Ժամ | 11:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 22-08-2025 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 05-09-2025 |
|---|---|
| Ժամ | 11:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 05-09-2025 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 21-10-2025 |
|---|---|
| Ժամ | 12:00 |
| Նիստերի դահլիճի համարը | 7 |
Նիստը կայացել է
| Նիստի ամսաթիվ | 21-10-2025 |
|---|---|
| Նիստը | Կայացել է |
Վերդիկտ
| Ամսաթիվ | 21-10-2025 |
|---|---|
| Ամբաստանյալ | |
| Անուն | ՄՈՒՇԵՂ |
| Ազգանուն | ՄԱՐԳԱՐՅԱՆ |
| Հայրանուն | ԱՆԴՐԱՆԻԿԻ |
| Հասցե | --------------- |
| Սոցիալական քարտ | --------------- |
| Կայացվել է վերդիկտ | Արդարացման |
| Օրենսգիրք | Քրեական օրենսգիրք |
| Հոդված |
Լրացուցիչ դատալսումներ
| Ամսաթիվ | 21-10-2025 |
|---|---|
| Ժամ | 12:54 |
| Նիստերի դահլիճի համարը | 3 |
Նիստը կայացել է
| Նիստի ամսաթիվ | 21-10-2025 |
|---|---|
| Նիստը | Կայացել է |
Կայացվել է դատավճիռ
| Ամսաթիվ | 21-10-2025 |
|---|
Արդարացման
| Ամսաթիվ | 21-10-2025 |
|---|---|
| Ամբաստանյալ | |
| Անուն | ՄՈՒՇԵՂ |
| Ազգանուն | ՄԱՐԳԱՐՅԱՆ |
| Հասցե | --------------- |
| Սեռ | 0 |
| Օրենսգիրք | Քրեական օրենսգիրք |
| Հոդված |
Դատական ակտ
| Դատական ակտի բովանդակությունը | Քրեական գործ թիվ ԵԴ1/0935/01/25 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ ԴԱՏԱՎՃԻՌ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ «21» հոկտեմբերի 2025 թվական ք.Երևան Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝ նախագահությամբ դատավոր՝ Գ.ԱԲԵԼՅԱՆԻ քարտուղարությամբ՝ Ս․ԶԱՔՈՅԱՆԻ Գ․ԳԱԼՍՏՅԱՆԻ Ա․ՄԿՐՏՉՅԱՆԻ Դ․ՀԱԽՆԱԶԱՐՅԱՆԻ հանրային մեղադրողներ՝ Ա․ԴԱՎԹՅԱՆԻ Դ․ԿՅՈՒՐԵՂՅԱՆԻ պաշտպան՝ Բ․ԵՂԻԱԶԱՐՅԱՆԻ մեղադրյալ՝ Մ․ՄԱՐԳԱՐՅԱՆԻ դռնբաց դատական նիստում, քննելով քրեական գործն ըստ մեղադրանքի` Մուշեղ Անդրանիկի Մարգարյանի՝ (ծնված՝ 1992 թվականի մարտի 17-ին, ազգությամբ հայ, ՀՀ քաղաքացի, նախկինում դատապարտված, բնակվող՝ Արմավիրի մարզ, Փարաքար, Երևանյան փողոց, 90-րդ տուն հասցեում) ՀՀ քրեական օրենսգրքի 344-րդ հոդվածի 1-ին մասով, ՊԱՐԶԵՑ 1.Վարույթի դատավարական նախապատմությունը. 2024 թվականի դեկտեմբերի 5-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ռ․Աղաջանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 1-ին դասակի պարեկ՝ Սամսոն Ալեքսանյանը, Մուշեղ Անդրանիկի Մարգարյանի (ծնված` 1992 թվականի մարտի 17-ին, Արմավիրի մարզ, Փարաքար, Երևանյան փողոց, 90 տուն, ՀԾՀ՝ 2703920229) նկատմամբ 2024 թվականի նոյեմբերի 22-ին` ժամը 15:00-ին, կազմել է թիվ 8180275325 արձանագրություն, քանի որ վերջինս 2024 թվականի նոյեմբերի 22-ին` ժամը 14:50-ին, Երևան քաղաքի Զ.Անդրանիկի փողոցում, «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված: (…) Ներկայացնում եմ թիվ 8180275325 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից Մուշեղ Անդրանիկի Մարգարյանի RH թիվ 452341 վարորդական իրավունքի վկայականի քաղվածքի պատճենը: Միաժամանակ տեղեկացնում եմ, որ Մուշեղ Անդրանիկի Մարգարյանի տրանսպորտային միջոցներ վարելու իրավունքը կասեցվել է՝ 2024 թվականի սեպտեմբերի 18-ին ՀՀ ՆԳՆ ոստ. ՊԾ Արմավիրի մարզի գումարտակի 1-ին վաշտի 2-րդ դասակի ծառայողի կողմից կայացված թիվ 8400635651 որոշմամբ՝ վեց ամիս ժամկետով: (…)»: 2024 թվականի դեկտեմբերի 5-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Ռ․Աղաջանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Շիրակի մարզի գումարտակի 1-ին վաշտի 1-ին դասակի պարեկ՝ Սամսոն Ալեքսանյանի, Մուշեղ Անդրանիկի Մարգարյանի (ծնված՝ 1992 թվականի մարտի 17-ին, Արմավիրի մարզ, Փարաքար, Երևանյան փողոց, 90 տուն, ՀԾՀ՝ 2703920229) նկատմամբ 2024 թվականի նոյեմբերի 22-ին` ժամը 15:00-ին, կազմված թիվ 8180275325 արձանագրությունը, ըստ որի վերջինս 2024 թվականի նոյեմբերի 22-ին՝ ժամը 14:50-ին, Երևան քաղաքի Զ. Անդրանիկի փողոցում, «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված: (…)»: Հաղորդման հիման վրա՝ 2024 թվականի դեկտեմբերի 12-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60743124 քրեական վարույթը: 2025 թվականի փետրվարի 25-ին, ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազության դատախազ Ա․Դավթյանի որոշմամբ` թիվ 60743124 քրեական վարույթով, Մուշեղ Անդրանիկի Մարգարյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով: 2025 թվականի փետրվարի 25-ին Մուշեղ Անդրանիկի Մարգարյանի նկատմամբ որպես խափանման միջոց է կիրառվել բացակայելու արգելքը: 2025 թվականի մարտի 18-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազությունից Դատարան է ստացվել թիվ ԵԴ1/0935/01/25 (նախաքննական համարը՝ 60743124) քրեական գործն ըստ մեղադրանքի Մուշեղ Անդրանիկի Մարգարյանի՝ ՀՀ քրեական օրենսգրքի 344-րդ հոդվածի 1-ին մասով։ Նույն օրը քրեական գործն էլեկտրոնային եղանակով մակագրվել, իսկ 2025 թվականի մարտի 19-ին հանձնվել է Դատարանի դատավոր Գ․Աբելյանի աշխատակազմին։ 2025 թվականի մարտի 21-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/0935/01/25 քրեական գործով վարույթը ստանձնելու և նախնական դատալսումներ նշանակելու մասին: Նախնական դատալսումներով դատական նիստը նշանակվել է նույն թվականի ապրիլի 2-ին: Դատարանի` 2025 թվականի մայիսի 5-ի որոշմամբ՝ մեղադրյալ Մուշեղ Անդրանիկի Մարգարյանի ընտրված խափանման միջոց բացակայելու արգելը վերացվել և որպես խափանման միջոց է ընտրվել գրավը՝ 300․000 (երեք հարյուր հազար) ՀՀ դրամի չափով։ Դատարանի՝ նույն թվականի մայիսի 27-ի որոշմամբ՝ նույն օրը, նշանակվել են հիմնական դատալսումներ։ 2025 թվականի հոկտեմբերի 21-ին, կայացվել է արդարացման վերդիկտ, որով ճանաչվել և հռչակվել է մեղադրյալ Մուշեղ Անդրանիկի Մարգարյանի անմեղությունը՝ նրան ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքի հիմքում դրված փաստական հանգամանքներով հանցանքի կատարման մեջ: 2․ Մեղադրանքի փաստական նկարագրությունը. Մուշեղ Անդրանիկի Մարգարյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով՝ այն բանի համար, որ. «(…) [Ն]ա, տրանսպորտային միջոցներ վարելու իրավունքը վեց ամիս ժամկետով՝ 2024 թվականի սեպտեմբերի 18-ից մինչև 2025 թվականի մարտի 18-ը, կասեցված լինելու և այդ մասին նախապես տեղյակ լինելու պայմաններում, 2024 թվականի նոյեմբերի 22-ին՝ ժամը 14:50-ի սահմաններում, Երևան քաղաքի Զորավար Անդրանիկի փողոցում, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։ Այսինքն՝ Մուշեղ Անդրանիկի Մարգարյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում: (…)»։ 3․Դատաքննության ընթացքում հետազոտված ապացույցները. Վարչական իրավախախտման վերաբերյալ թիվ 8180275325 որոշումը , որը կազմվել է 2024 թվականի նոյեմբերի 22-ին՝ ժամը 15:00-ին, համաձայն որի՝ Երևան քաղաքի Զորավար Անդրանիկի փողոցում ՀՀ ոստիկանության պարեկային ծառայության Երևան քաղաքի գնդի պարեկ Սամսոն Սիսակի Ալեքսանյանի (կրծքանշանի համար՝ 08428) կողմից Մուշեղ Անդրանիկի Մարգարյանի (ծնված՝ 1992 թվականի մարտի 17-ին) վերաբերյալ կազմվել է վարչական իրավախախտման վերաբերյալ արձանագրություն այն մասին, որ վերջինս նույն օրը՝ ժամը 14:50-ին, Երևան քաղաքի Զ.Անդրանիկի փողոցում, տրանսպորտային միջոցներ վարելու իրավունքը կասեցված վիճակով, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունները: «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենը , որի համաձայն՝ Մուշեղ Անդրանիկի Մարգարյանն ունի «B,C» կարգի, RH452341 համարի վարորդական վկայական, որն ունի կասեցված կարգավիճակ, կասեցման սկիզբը՝ 2024 թվականի սեպտեմբերի 18-ին, կասեցման ավարտը՝ 2025 թվականի մարտի 18-ը։ Վարչական իրավախախտման վերաբերյալ թիվ 8400635651 որոշումը , որի համաձայն՝ 2024 թվականի սեպտեմբերի 18-ին՝ ժամը 23:04-ին, Արմավիրի մարզ, Թաիրով, Ծովակալ Իսակովի պողոտա Կարգոյի խաչմերուկում, ՀՀ ոստիկանության պարեկային ծառայության Երևան քաղաքի գնդի կրտսեր պարեկ Գուրգեն Մելիքյանի (կրծքանշանի համար՝ 09867) կողմից Մուշեղ Անդրանիկի Մարգարյանի վերաբերյալ կազմվել է վարչական իրավախախտման վերաբերյալ արձանագրություն (կից լրացված վարչական իրավախախտման որոշում՝ 8400635651) այն մասին, որ վերջինս նույն օրը՝ ժամը 21:49-ի սահմաններում «Մերսեդես» մակնիշի 90 OQ 555 հաշվառման համարանիշի ավտոմեքենան Արմավիրի մարզ, Թաիրով, Ծովակալ Իսակովի պողոտա Կարգոյի խաչմերուկում, չի ենթարկվել լուսացույցի կարմիր արգելող ազդանշանին: Այս իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների համագումարը կազմում է 9 կամ ավելի միավոր, որի համար Մուշեղ Անդրանիկի Մարգարյանի տրանսպորտային միջոցներ վարելու իրավունքը կասեցվել է 6 (վեց) ամիս ժամկետով: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունը։ 2025 թվականի փետրվարի 04-ի՝ արտավարութային փաստաթուղթ ճանաչելու մասին որոշումը , որի համաձայն՝ Մուշեղ Անդրանիկի Մարգարյանի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրությունների (կից չլրացված վարչական իրավախախտման որոշում՝ 8180275325, կից լրացված վարչական իրավախախտման որոշում՝ 8400635651), Մուշեղ Անդրանիկի Մարգարյանի վարորդական վկայականի վերաբերյալ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենները ճանաչվել են արտավարութային փաստաթուղթ։ - Դատարանի որոշմամբ՝ արտավարութային փաստաթուղթ ճանաչված՝ «Datalex» դատական տեղեկատվական համակարգից թիվ ՏԴ/0392/01/24 քրեական գործի վերաբերյալ քաղվածքը , որի համաձայն՝ Տավուշի մարզի առաջին ատյանի ընդհանուր իրավասության դատարանի՝ 2024 թվականի դեկտեմբերի 9-ի թիվ ՏԴ/0392/01/24 դատավճռով, Մուշեղ Անդրանիկի Մարգարյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և դատապարտվել տուգանքի՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) Հայաստանի Հանրապետության դրամ գումարի չափով։ ՀՀ վարչական դատարանի 2025 թվականի մարտի 7-ի թիվ ՎԴ/16058/05/24 վճիռը, որի համաձայն՝ Մուշեղ Մարգարյանի հայցն ընդդեմ Պարեկային ծառայության բավարարվել է և Պարեկային ծառայության՝ 2024 թվականի սեպտեմբերի 18-ի թիվ 8400635651 որոշումը և դրա դեմ ներկայացված բողոքը մերժելու մասին՝ 2024 թվականի հոկտեմբերի 21-ի որոշումը ճանաչվել է անվավեր։ ՀՀ վարչական դատարանի՝ 2025 թվականի մարտի 7-ի վճիռը չի բողոքարկվել և մտել է օրինական ուժի մեջ 2025 թվականի ապրիլի 08-ին՝ հաստատվելով երկրորդ կնիքով ։ 4․Դատարանի փաստական վերլուծությունները և փաստական հանգամանքների ապացուցված լինելու վերաբերյալ հետևությունները․ Հետազոտելով սույն դատավճռի 3-րդ կետերում շարադրված ապացույցները՝ Դատարանը, պատշաճ ապացույցների բավարար համակցությամբ, դրանց համակողմանի, լրիվ և անաչառ քննության վրա հիմնված ներքին համոզմամբ, հաստատված է համարում հետևյալ հանգամանքները․ - Վարչական իրավախախտման վերաբերյալ թիվ 8400635651 արձանագրության (կից լրացված վարչական իրավախախտման որոշում՝ 8400635651) հիման վրա 2024 թվականի սեպտեմբերի 18-ին՝ 6 (վեց) ամիս ժամկետով, կասեցվել է Մուշեղ Անդրանիկի Մարգարյանի տրանսպորտային միջոցներ վարելու իրավունքը՝ մինչև 2025 թվականի մարտի 18-ը։ - Նշված արձանագրությունը և որոշումը նույն օրը ստորագրությամբ հանձնվել են Մուշեղ Անդրանիկի Մարգարյանին, որոնք վերջինս բողոքարկել է Վարչական դատարան։ - 2024 թվականի նոյեմբերի 22-ին` ժամը 14:50-ին, Երևան քաղաքի Զ.Անդրանիկի փողոցում Մուշեղ Անդրանիկի Մարգարյանը վարել է «ՌԵՆՋ ՌՈՎԵՐ» մակնիշի 36 RX 700 հաշվառման համարանիշի տրանսպորտային միջոցը, ինչը հայտնաբերվել է տվյալ տարածքում ծառայություն իրականացնող ոստիկանության ծառայողների կողմից և այդ կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։ - ՀՀ վարչական դատարանի՝ 2025 թվականի մարտի 7-ի թիվ ՎԴ/16058/05/24 վճռով՝ Մուշեղ Անդրանիկի Մարգարյանին տրանսպորտային միջոցներ վարելու իրավունքը 6 (վեց) ամիս ժամկետով կասեցնելու վերաբերյալ 2024 թվականի սեպտեմբերի 18-ի որոշումը և դրա դեմ ներկայացված բողոքը մերժելու մասին 2024 թվականի հոկտեմբերի 21-ի որոշումը ճանաչվել է անվավեր։ - ՀՀ վարչական դատարանի վճիռն օրինական ուժի մեջ է մտել 2025 թվականի ապրիլի 8-ին։ Վերոգրյալի հաշվառմամբ՝ Դատարանն արձանագրում է, որ ապացուցված չէ, Մուշեղ Անդրանիկի Մարգարյանին վերագրվող փաստական հանգամանքները՝ այն, որ «(...) [Ն]ա, տրանսպորտային միջոցներ վարելու իրավունքը վեց ամիս ժամկետով՝ 2024 թվականի սեպտեմբերի 18-ից մինչև 2025 թվականի մարտի 18-ը, կասեցված լինելու և այդ մասին նախապես տեղյակ լինելու պայմաններում, 2024 թվականի նոյեմբերի 22-ին՝ ժամը 14:50-ի սահմաններում, Երևան քաղաքի Զորավար Անդրանիկի փողոցում, վարել է «Ռենջ Ռովեր» մակնիշի 36 RX 700 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180275325 արձանագրությունը։ (...)»։ 5․Պատճառաբանական մաս. ՀՀ քրեական օրենսգրքի 16-րդ հոդվածի համաձայն՝ «1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը (…)»։ ՀՀ քրեական օրենսգրքի 344-րդ հոդվածի համաձայն` «1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը նույն արարքի համար օրենքով սահմանված պատասխանատվության կիրառումից հետո` մեկ տարվա ընթացքում՝ (…) 4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել: (…)»: Վճռաբեկ դատարանը Տիգրան Հայրապետյանի գործով նախադեպային դիրքորոշում է ձևավորել ՀՀ քրեական օրենսգրքի 344-րդ հոդվածով նախատեսված՝ տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու հանցակազմի մեկնաբանման վերաբերյալ, որի համաձայն՝ «(...) Մեջբերված նորմը ՀՀ քրեական օրենսգրքում ամրագրված է երթևեկության անվտանգության և տրանսպորտի շահագործման սահմանված կարգի դեմ ուղղված հանցագործությունների շարքում։ Հանցագործության հիմնական անմիջական օբյեկտը երթևեկության անվտանգության և տրանսպորտի շահագործման սահմանված կարգն ապահովող հասարակական հարաբերություններն են: Վերոնշյալ արարքն ամրագրված է ձևական հանցակազմով, իսկ հանցագործության օբյեկտիվ կողմը դրսևորվում է տրանսպորտային միջոցներ վարելու իրավունքից զրկված կամ վարելու իրավունքը կասեցված լինելու պայմաններում տրանսպորտային միջոց վարելով։ Այլ կերպ, ՀՀ քրեական օրենսգրքի 344-րդ հոդվածի 1-ին մասի գործողության նախապայմանը և այդ հոդվածով անձին քրեական պատասխանատվության ենթարկելու հիմքը՝ նրա վարչական պատասխանատվության ենթարկված լինելն է՝ տրանսպորտային միջոցներ վարելու իրավունքից զրկվելը կամ վարելու իրավունքը կասեցվելը։ Ընդ որում, ՀՀ քրեական օրենսգրքի 344-րդ հոդվածի համակարգային վերլուծությունը ցույց է տալիս, որ վարելու իրավունքից զրկելը կամ այդ իրավունքը կասեցնելը պետք է լինի օրենքով սահմանված կարգով, այն է՝ իրավաչափ վարչական ակտի հիման վրա։ Հակառակ պարագայում, եթե վարչական ակտը կայացվել է օրենքով սահմանված կարգի խախտմամբ և վարչական կամ դատական կարգով անվավեր է ճանաչվել, ապա քննարկվող հանցագործության օբյեկտիվ կողմը բացակայում է, քանզի վերանում է քրեական պատասխանատվության ենթարկվելու պարտադիր նախապայմանը՝ օրենքով սահմանված կարգով վարչական պատասխանատվության ենթարկված լինելը։ Հանցագործության սուբյեկտը հատուկ է, քանի որ բացի ընդհանուր սուբյեկտի հատկանիշներից, անձը պետք է օժտված լինի նաև լրացուցիչ հատկանիշներով, այն է՝ լինի տրանսպորտային միջոցներ վարելու իրավունքից օրենքով սահմանված կարգով զրկված կամ վարելու իրավունքը կասեցված, մեղսունակ ֆիզիկական անձ: Սուբյեկտիվ կողմից հանցագործությունը դրսևորվում է միայն ուղղակի դիտավորությամբ, մասնավորապես՝ անձը գիտակցում է, որ տրանսպորտային միջոցներ վարելու իրավունքից զրկված կամ իրավունքը կասեցված լինելու պայմաններում վարում է տրանսպորտային միջոց: 14․ Այսպիսով, ընդհանրացնելով վերոշարադրյալը՝ Վճռաբեկ դատարանն արձանագրում է, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմի առկայությունն արձանագրելու համար անհրաժեշտ է հիմնավորել, որ անձը տրանսպորտային միջոցը վարել է՝ տրանսպորտային միջոցներ վարելու իրավունքից զրկված կամ այդ իրավունքը կասեցված լինելու պայմաններում, որպիսի հանգամանքը հաստատվել է իրավաչափ վարչական ակտով։ (...) (...) [Ա]նձի դատապարտման հիմքում չի կարող դրվել ոչ իրավաչափ՝ օրենքի խախտմամբ ընդունված և անձի իրավունքները խախտող վարչական ակտի պայմանները չկատարելու հանգամանքը՝ անկախ նրանից, որ կոնկրետ գործողությունը կատարելու պահի դրությամբ նշված վարչական ակտի ոչ օրինական լինելու հանգամանքը դեռևս հաստատված չի եղել։ Առաջին ատյանի դատարանն իրավաչափորեն փաստել է, որ վարչական ակտի անվավերության պայմաններում հնարավոր չէ հաստատված համարել, որ տրանսպորտային միջոց վարելիս մեղադրյալը հանդիսացել է տրանսպորտային միջոց վարելու իրավունքից օրենքով սահմանված կարգով զրկված անձ, այսինքն՝ տվյալ դեպքում բացակայել է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմի օբյեկտիվ կողմը։ Վերոնշյալի կապակցությամբ Վճռաբեկ դատարանը հարկ է համարում ընդգծել, որ տվյալ դեպքում հնարավոր չէ հիմնավոր հետևության հանգել նաև հանցագործության սուբյեկտի առկայության հարցում, քանի որ օրենքով սահմանված կարգով տրանսպորտային միջոց վարելու իրավունքից զրկված լինելու կամ այդ իրավունքը կասեցված լինելու ուժով է անձը ձեռք բերում տվյալ հանցագործության սուբյեկտին ներհատուկ հատկանիշները։ Մինչդեռ, Վերաքննիչ դատարանը, գալով այն հետևության, որ այս պարագայում էական է անձի դիտավորության ուղղվածության գնահատումը, այն է՝ տրանսպորտային միջոց վարելիս անձը տեղեկացված է եղել, որ ինքը վարորդական իրավունքից զրկված է կամ այն կասեցված է, և սույն հանցակազմի առկայությունը փաստելու համար առանցքային դերակատարություն չի կարող ունենալ ծագած վարչական իրավահարաբերության զարգացման գործընթացը, ըստ էության շեշտը դրել է բացառապես հանցագործության սուբյեկտիվ կողմի գնահատման վրա՝ անտեսելով հանցագործության օբյեկտիվ կողմի և սուբյեկտի բացակայության վերաբերյալ գործում առկա փաստական տվյալների ամբողջությունը։ Այս տեսանկյունից հիմքեր չկան չհամաձայնելու բողոքաբերի այն փաստարկին, որ Վերաքննիչ դատարանի հետևությունները հանգեցնում են մի իրավիճակի, որ ոչ իրավաչափ որոշման հիման վրա Տիգրան Հայրապետյանն իր կամքից անկախ հանգամանքներով ձեռք է բերում հատուկ սուբյեկտի կարգավիճակ, և այդ որոշումը պետք է դրվի անձի դատապարտման հիմքում, ինչն իրավաչափ համարվել չի կարող։ (...)»։ Սույն վարույթի նյութերի ուսումնասիրությունից պարզ է դառնում, որ․ - Մուշեղ Անդրանիկի Մարգարյանի նկատմամբ ՀՀ քրեական օրենսգրքի 344-րդ հոդվածի 1-ին մասով քրեական հետապնդում է հարուցվել և նրան մեղադրանք է ներկայացվել այն բանի համար, որ վերջինս տրանսպորտային միջոցներ վարելու իրավունքը վեց ամիս ժամկետով կասեցված լինելու և այդ մասին նախապես տեղյակ լինելու պայմաններում, վարել է ավտոմեքենա, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, որի կապակցությամբ կազմվել է վարչական իրավախախտման վերաբերյալ համապատասխան արձանագրություն։ - ՀՀ վարչական դատարանի՝ 2025 թվականի մարտի 7-ի թիվ ՎԴ/16058/05/24 վճռով՝ Մուշեղ Անդրանիկի Մարգարյանի՝ տրանսպորտային միջոցներ վարելու իրավունքը վեց ամիս ժամկետով կասեցնելու վերաբերյալ վարչական իրավախախտման գործով 2024 թվականի սեպտեմբերի 18-ի թիվ 8400635651 որոշումը ճանաչվել է անվավեր և նշված դատական ակտն օրինական ուժի մեջ է մտել 2025 թվականի ապրիլի 8-ին։ Այսպիսով, հիմնական դատալսումների ընթացքում հետազոտված ապացույցներով հաստատվել է, որ Մուշեղ Անդրանիկի Մարգարյանի՝ տրանսպորտային միջոցներ վարելու իրավունքը 6 (վեց) ամիս ժամկետով կասեցնելու մասին 2024 թվականի սեպտեմբերի 18-ի վարչական ակտն անվավեր ճանաչելու ուժով քննարկվող հանցակազմի առկայությունը հաստատելու համար պարտադիր հատկանիշ համարվող՝ տրանսպորտային միջոց վարելու իրավունքի կասեցված լինելու փաստը դադարել է գոյության ունենալ, որպիսի պայմաններում վերջինիս դատապարտումն իրավաչափ համարվել չի կարող։ Հետևաբար, Դատարանն արձանագրում է, որ Մուշեղ Անդրանիկի Մարգարյանի արարքում բացակայում է ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը՝ օբյեկտիվ կողմի և սուբյեկտի բացակայության պատճառով։ Հիմք ընդունելով վերոգրյալ հիմնավորումները՝ Դատարանը գտնում է, որ անհրաժեշտ է ճանաչել և հռչակել Մուշեղ Անդրանիկի Մարգարյանի անմեղությունը ՀՀ քրեական օրենսգրքի 344-րդ հոդվածի 1-ին մասով առաջադրված մեղադրանքում՝ իրեն մեղսագրվող արարքը կատարած չլինելու հիմքով: Դատարանը, քննարկելով մեղադրյալ Մուշեղ Անդրանիկի Մարգարյանի նկատմամբ ընտրված գրավ խափանման միջոցի հարցը, գտնում է, որ նրա նկատմամբ արդարացման դատավճիռ կայացնելու պայմաններում բացակայում է նշված հարկադրանքի միջոցը շարունակական կիրառելու անհրաժեշտությունը, ուստի այն պետք է վերացնել մինչև սույն դատավճռի օրինական ուժի մեջ մտնելը՝ այն վերադարձնելով գրավատուին: Նկատի ունենալով, որ իրեղեն ապացույցների, գույքային հայցի, գույքի վրա արգելանք դնելու, ինչպես նաև ռեաբիլիտացիայի պահանջի վերաբերյալ տվյալներ առկա չեն՝ Դատարանն այդ հարցերին չի անդրադառնում։ Արդարացման վերդիկտի պայմաններում՝ վարութային ծախսերի հարցը Դատարանը համարում է լուծված: Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-րդ, 347-350-րդ հոդվածներով՝ Դատարանը ՎՃՌԵՑ 1. Ճանաչել և հռչակել մեղադրյալ Մուշեղ Անդրանիկի Մարգարյանի անմեղությունը ՀՀ քրեական օրենսգրքի 344-րդ հոդվածի 1-ին մասով նրան վերագրված արարքը կատարելու մեջ և նրան արդարացնել` մեղադրյալին վերագրվող փաստական հանգամանքները (արարքը) ապացուցված չլինելու հիմքով: 2. Մինչև դատավճիռն օրինական ուժի մեջ մտնելը՝ մեղադրյալ Մուշեղ Անդրանիկի Մարգարյանի նկատմամբ կիրառված խափանման միջոց՝ գրավը վերացնել և այն վերադարձնել գրավատուին: 3. Դատավճռի օրինական ուժի մեջ մտնելուց հետո՝ արտավարութային փաստաթղթերը պահել քրեական գործի նյութերի հետ՝ դրանք պահելու ամբողջ ընթացքում։ 4. Վարութային ծախսերի հարցը համարել լուծված։ 5. Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` ստանալու օրվանից հետո՝ մեկամսյա ժամկետում: ԴԱՏԱՎՈՐ՝ Գ․ԱԲԵԼՅԱՆ |
|---|---|
| Դատական ակտի ամսաթիվը | 21-10-2025 |
| Գործը քննվել է | Դռնբաց |
Եզրափակիչ դատական ակտը մտել է օրինական ուժի մեջ
| Ամսաթիվ | 05-01-2026 |
|---|
Դատավճռի, որոշման կատարում
| Ամսաթիվ | 08-01-2026 |
|---|