Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ

(այսուհետ՝ նաև Դատարան)

Նախագահությամբ՝ դատավոր Ս.ԱՆԴՐԵԱՍՅԱՆԻ
քարտուղարությամբ՝ Է․ԴԱՎԹՅԱՆԻ
մասնակցությամբ՝
հանրային մեղադրող Ռ․ԳՐԻԳՈՐՅԱՆԻ
մեղադրյալ Ս․ՍՏԵՓԱՆՅԱՆԻ

2025 թվականի ապրիլի 23-ին Երևան քաղաքում՝ դռնբաց դատական նիստում, քննելով քրեական գործն ըստ մեղադրանքի` Սարգիս Արթուրի Ստեփանյանի (ծնված՝ 28․12․1996թ․, ազգությամբ հայ, ՀՀ քաղաքացի, դատվածություն չունեցող, հաշվառված և բնակվում է՝ ք․Երևան, Էմինեսկու 1-ին փողոցի 4-րդ տուն հասցեում) ՀՀ քրեական օրենսգրքի 344-րդ հոդվածի 1-ին մասով` երկու դրվագով և ՀՀ քրեական օրենսգրքի 344-րդ հոդվածի 2-րդ մասով՝ 3 դրվագով․

Պ Ա Ր Զ Ե Ց

Գործի դատավարական նախապատմությունը.
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2022 թվականի հոկտեմբերի 04-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 14828822 քրեական վարույթը։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2022 թվականի հոկտեմբերի 20-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60832222 քրեական վարույթը։
2023 թվականի փետրվարի 28-ին վարույթն իրականացնող քննիչի կողմից որոշում է կայացվել թիվ 60832222 քրեական վարույթը թիվ 14828822 քրեական վարույթին միացնելու և նախաքննությունը 14828822 համարի ներքո շարունակելու մասին։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2023 թվականի ապրիլի 19-ին ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60884423 քրեական վարույթը
2023 թվականի ապրիլի 28-ին վարույթն իրականացնող քննիչի կողմից որոշում է կայացվել թիվ 60884423 քրեական վարույթը թիվ 14828822 քրեական վարույթին միացնելու և նախաքննությունը 14828822 համարի ներքո շարունակելու մասին։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2024 թվականի ապրիլի 18-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60-1392-24 քրեական վարույթը։
2024 թվականի ապրիլի 18-ին վարույթն իրականացնող քննիչի կողմից որոշում է կայացվել թիվ 60-1392-24 քրեական վարույթը թիվ 14828822 քրեական վարույթին միացնելու և նախաքննությունը 14828822 համարի ներքո շարունակելու մասին։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2024 թվականի ապրիլի 26-ին ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-1626-24 քրեական վարույթը։
2024 թվականի ապրիլի 28-ին վարույթն իրականացնող քննիչի կողմից որոշում է կայացվել թիվ 60-1626-24 քրեական վարույթը թիվ 14828822 քրեական վարույթին միացնելու և նախաքննությունը 14828822 համարի ներքո շարունակելու մասին։
2024 թվականի դեկտեմբերի 20-ին որոշում է կայացվել ՀՀ քրեական օրենսգրքի 344-րդ հոդվածի 1-ին մասով՝ երկու դրվագով և ՀՀ քրեական օրենսգրքի 344-րդ հոդվածի 2-րդ մասով՝ երեք դրվագով Սարգիս Արթուրի Ստեփանյանի նկատմամբ քրեական հետապնդում հարուցելու մասին:
2024 թվականի դեկտեմբերի 24-ի որոշմամբ Սարգիս Արթուրի Ստեփանյանի նկատմամբ որպես խափանման միջոց է ընտրվել բացակայելու արգելքը։
2025 թվականի հունվարի 20-ին հսկող դատախազը որոշում է կայացրել թիվ 14828822 քրեական վարույթով կազմված մեղադրական եզրակացությունը չհաստատելու և քրեական վարույթի նյութերը ՀՀ ՔԿ ԵՔՔՎ Արաբկիր վարչական շրջանի քննչական բաժին վերադարձնելու մասին։
2025 թվականի մարտի 05-ին վարույթն իրականացնող քննիչի կողմից կազմվել է արձանագրություն՝ թիվ 60-1392-24 քրեական վարույթը նախաձեռնելու մասին արձանագրության մեջ փոփոխություն կատարելու մասին։
Թիվ 60-1392-24 քրեական վարույթը նախաձեռնելու մասին արձանագրության մեջ կատարվել է փոփոխություն և վարույթը նախաձեռնվել է ՀՀ քրեական օրենսգրքի 344-րդ հոդվածի 2-րդ մասով։
2025 թվականի մարտի 12-ին Երևան քաղաքի առաջին ատյանի ընդհանուր իրավասության քրեական դատարանում ստացվել է քրեական գործը՝ մեղադրական եզրակացությամբ, որը մարտի 13-ին փաստացի հանձնվել է դատավոր Ս.Անդրեասյանին։
2025 թվականի մարտի 17-ին որոշում է կայացվել քրեական գործի վարույթը ստանձնելու և նախնական դատալսումներ նշանակելու մասին։
Նախնական դատալսումների ընթացքում՝ 2025 թվականի ապրիլի 01-ին, Դատարանը որոշում է կայացրել մեղադրյալ Սարգիս Արթուրի Ստեփանյանի նկատմամբ ընտրված բացակայելու արգելք խափանման միջոցը անփոփոխ թողնելու մասին։

Էական նշանակություն ունեցող հանգամանքներ․
2024 թվականի դեկտեմբերի 20-ի Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Էդմոնդ Գրիգորյանի որոշմամբ՝ թիվ 14828822 քրեական վարույթով մեղադրյալ Սարգիս Արթուրի Ստեփանյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 1-ին մասով՝ երկու դրվագով և ՀՀ քրեական օրենսգրքի 344-րդ հոդվածի 2-րդ մասով՝ երեք դրվագով, այն բանի համար, որ «նա տրանսպորտային միջոց վարելու իրավունքից զրկված վիճակում վարել է տրանսպորտային միջոց, բացի չունենալով տրանսպորտային միջոց վարելու իրավունք, վարել է տրանսպորտային միջոց և հրաժարվել սթափության վիճակի զննություն անցնելուց, ինչպես նաև չունենալով տրանսպորտային միջոց վարելու իրավունք ոչ սթափ վիճակում վարել է տրանսպորտային միջոց:
Այսպես, Սարգիս Արթուրի Ստեփանյանը, 2022 թվականի հունվարի 21-ի ՀՀ ՆԳՆ ոստիկանության «Ճանապարհային ոստիկանության» թիվ 2214117472 որոշման համաձայն՝ 02.02.2022 թվականից մինչև 02.02.2023 թվականը ընկած ժամանակահատվածում` մեկ տարի ժամկետով, զրկված լինելով տրանսպորտային միջոցներ վարելու իրավունքից, ինչպես նաև 2022 թվականի փետրվարի 17-ի ՀՀ ՆԳՆ ոստիկանության «Ճանապարհային ոստիկանության» թիվ 2214236135 որոշման համաձայն՝ 28.02․2022 թվականից մինչև 26.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, զրկման ժամկետը չլրացած՝ 2022 թվականի օգոստոսի 06-ին՝ ժամը 21:10-ի սահմաններում, Երևան քաղաքի Բաղրամյան պողոտայում վարել է «Օպել» մակնիշի 33 LL 999 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180157053 արձանագրությունը:
(...)
Բացի այդ, Սարգիս Արթուրի Ստեփանյանը, 2022 թվականի հունվարի 21-ի ՀՀ ՆԳՆ
ոստիկանության «Ճանապարհային ոստիկանության» թիվ 2214117472 որոշման համաձայն՝ 02.02.2022 թվականից մինչև 02.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, ինչպես նաև 2022 թվականի փետրվարի 17-ի ՀՀ ՆԳՆ ոստիկանության «Ճանապարհային ոստիկանության» թիվ 2214236135 որոշման համաձայն` 28.02.2022 թվականից մինչև 28.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, զրկման ժամկետը չլրացած՝ 2022 թվականի հուլիսի 17-ին՝ ժամը 17:10-ի սահմաններում, Երևան քաղաքի Եր. Քոչար փողոցում վարել է «Պորշե» մակնիշի 03 OQ 303 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական
իրավախախտման վերաբերյալ թիվ 8180154614 արձանագրությունը:
(...)
Բացի այդ, Սարգիս Արթուրի Ստեփանյանը, 2022 թվականի հունվարի 21-ի ՀՀ ՆԳՆ ոստիկանության «Ճանապարհային ոստիկանության» թիվ 2214117472 որոշման համաձայն՝ 02.02.2022 թվականից մինչև 02.02.2023 թվականը ընկած ժամանակահատվածում` մեկ տարի ժամկետով, զրկված լինելով տրանսպորտային միջոցներ վարելու իրավունքից, ինչպես նաև 2022 թվականի փետրվարի 17-ի ՀՀ ՆԳՆ ոստիկանության «Ճանապարհային ոստիկանության» թիվ 2214236135 որոշման համաձայն՝ 28.02.2022 թվականից մինչև 28.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, զրկման ժամկետը չլրացած՝ 2023 թվականի հունվարի 19-ին՝ ժամը 23:20-ի սահմաններում, Երևան քաղաքի Ռուբինյանց փողոցում վարել է «Պորշե» մակնիշի 03 OQ 303 հաշվառման համարանիշի տրանսպորտային միջոցը, որից հետո նշված վայրում ծառայություն իրականացնող՝ ՀՀ պարեկային ծառայության Երևան քաղաքի գնդի 1-ին գումարտակի, 1-ին վաշտի պարեկ Սերգեյ Հարությունյանի կողմից կանգնեցվելուց հետո խուսափել և հրաժարվել է սթափության վիճակի զննություն անցնելուց, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180245538 արձանագրությունը:
(...)
Բացի այդ, Սարգիս Արթուրի Ստեփանյանը, 2022 թվականի հունվարի 21-ի ՀՀ ՆԳՆ ոստիկանության «Ճանապարհային ոստիկանության» թիվ 2214117472 որոշման համաձայն՝ 02.02.2022 թվականից մինչև 02.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, ինչպես նաև 2022 թվականի փետրվարի 17-ի ՀՀ ՆԳՆ ոստիկանության «Ճանապարհային ոստիկանության» թիվ 2214236135 որոշման համաձայն` 28.02.2022 թվականից մինչև 28.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, այնուհետև սահմանված կարգով վարորդական իրավունքի վկայական չստանալով, այսինքն՝ համարվելով տրանսպորտային միջոցներ վարելու իրավունք չունեցող, 2024 թվականի մարտի 05-ին՝ ժամը 23:15-ի սահմաններում, Երևան քաղաքի Մաշտոցի պողոտայում գտնվելով ոչ սթափ վիճակում վարել է «Տեսլա» մակնիշի 33 LL 999 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական
իրավախախտման վերաբերյալ թիվ 8180401251 արձանագրությունը:
(...)
Բացի այդ, Սարգիս Արթուրի Ստեփանյանը, 2022 թվականի հունվարի 21-ի ՀՀ ՆԳՆ ոստիկանության «Ճանապարհային ոստիկանության» թիվ 2214117472 որոշման համաձայն՝ 02.02.2022 թվականից մինչև 02.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, ինչպես նաև 2022 թվականի փետրվարի 17-ի ՀՀ ՆԳՆ ոստիկանության «Ճանապարհային ոստիկանության» թիվ 2214236135 որոշման համաձայն՝ 28.02.2022 թվականից մինչև 28.02.2023 թվականը ընկած ժամանակահատվածում՝ մեկ տարի ժամկետով, զրկված լինելով տրանսպորտային միջոցներ վարելու իրավունքից, այնուհետև սահմանված կարգով վարորդական իրավունքի վկայական չստանալով, այսինքն՝ համարվելով տրանսպորտային միջոցներ վարելու իրավունք չունեցող, 2024 թվականի հունվարի 12-ին՝ ժամը 20:42-ի սահմաններում, Երևան քաղաքի Տերյան փողոցում գտնվելով ոչ սթափ վիճակում վարել է «Տեսլա» մակնիշի 33 LL 999 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180269558 արձանագրությունը»։

Ապացույցների հետազոտումը և գնահատումը.
Դատաքննության ընթացքում հետազոտվել են հետևյալ ապացույցները.
- 25.12.2024թ., և 05.03.2025թ. Սարգիս Արթուրի Ստեփանյանի վերաբերյալ վարչական իրավախախտման վերաբերյալ թիվ 8180157053 արձանագրության, վարչական իրավախախտման վերաբերյալ թիվ 8180154614 արձանագրության, վարչական իրավախախտման վերաբերյալ թիվ 8180245538 արձանագրության, թիվ 20 սթափության վիճակի զննության արձանագրության, վարչական իրավախախտման վերաբերյալ թիվ 8180401251 արձանագրության, վարչական տույժ նշանակելու մասին թիվ 2214117472 որոշման, ստուգաչափման թիվ 113388 վկայականի, թիվ 01388 սթափության կտրոնի, վարչական իրավախախտման վերաբերյալ թիվ 8180269558 արձանագրության, սթափության թիվ 01222 կտրոնի, ստուգաչափման թիվ 102572 վկայականի, ՃՈ էլեկտրոնային ռեգիստրից ստացված քաղվածքի, Երևան քաղաքի ընդհանուր իրավասության առաջին ատյանի քրեական դատարանում վերջինիս վերաբերյալ քննվող թիվ ԵԴ1/3324/01/24 դատական գործի քաղվածքի, ինչպես նաև ՀՀ ՈՍ պարեկային ծառայությունում կազմված զեկուցագրերի պատճենները զննելու մասին արձանագրությամբ, համաձայն որի.
Վարչական իրավախախտման գործով թիվ 8180157053 արձանագրության պատճենի զննությամբ պարզվել է, որ 06.08.2022թ. ժամը 21:15-ին, ՀՀ ոստիկանության պարեկային ծառայության Երևան քաղաքի գնդի 4 գումարտակի 2 վաշտի պարեկ Դավիթ Սլավիկի Ասատրյանի /07395/ կողմից Սարգիս Արթուրի Ստեփանյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Արթուրի Ստեփանյանը նույն օրը՝ ժամը 21:10-ին, <<Օպել>> մակնիշի «33LL999» հաշվառման համարանիշի ավտոմեքենան վարել է Երևան քաղաքի Բաղրամյան պողոտայում, տրանսպորտային միջոցներ վարելու իրավունքից զրկված վիճակում, առկա են ստորագրություններ:
Վարչական իրավախախտման գործով թիվ 8180154614 արձանագրության պատճենի զննությամբ պարզվել է, որ 17.07.2022թ. ժամը 17:18-ին, ՀՀ ոստիկանության պարեկային ծառայության Երևան քաղաքի գնդի 3 գումարտակի 3 վաշտի պարեկ Արմեն Օրդուխանյանի /06832/ կողմից Սարգիս Արթուրի Ստեփանյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Արթուրի Ստեփանյանը նույն օրը՝ ժամը 17:10-ին, <<Պորշե>> մակնիշի «03OQ303» հաշվառման համարանիշի ավտոմեքենան վարել է Երևան քաղաքի Եր.Քոչար փողոցում, տրանսպորտային միջոցներ վարելու իրավունքից զրկված վիճակում, առկա են ստորագրություններ:
Վարչական իրավախախտման գործով թիվ 8180245538 արձանագրության պատճենի զննությամբ պարզվել է, որ 19.01.2023թ. ժամը 00:44-ին, ՀՀ ոստիկանության պարեկային ծառայության Երևան քաղաքի գնդի 1 գումարտակի 1 վաշտի պարեկ Սերգեյ Հարությունյանի /03842/ կողմից Սարգիս Արթուրի Ստեփանյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Արթուրի Ստեփանյանը 18.01.2023թ.՝ ժամը 23:23-ին, <<Պորշե>> մակնիշի «03OQ303» հաշվառման համարանիշի ավտոմեքենան վարել է Երևան քաղաքի Ռուբինյանց փողոցում, տրանսպորտային միջոցներ վարելու իրավունքից զրկված վիճակում, հրաժարվել է սթափության վիճակի զննությունից, առկա են ստորագրություններ:
Բուժհաստատությունում վարորդի սթափության վիճակի զննության թիվ 20 կտրոնի զննությամբ պարզվել է, որ 19.01.2023թ.՝ ժամը 00:27-ին Սարգիս Ստեփանյանը խուսափում է սթափության զննությունից, արտաշնչում է քիչ քանակությամբ օդ, նա հրաժարվել է արյան միջոցով սթափություն զննությունից, հրաժարվել է ստորագրելուց:
Վարչական տույժ նշանակելու մասին թիվ 2214117472 որոշումը կայացվել է 21.01.2022թ. ՃՈ տեսուչ Արսեն Կարապետյանի կողմից, առ այն, որ Սարգիս Արթուրի Ստեփանյանը <<Օպել>> մակնիշի «33LL999» համարանիշի ավտոմեքենան վարել է 12.01.2022թ., Երևան քաղաքի Սևակ/Ռուբինյանց խաչմերուկում, կանգառ է կատարել երթևեկելի մասերի հատման վրա, որով որոշվել է Սարգիս Արթուրի Ստեփանյանին 1 /մեկ/ տարի ժամկետով զրկել տրանսպորտային միջոցներ վարելու իրավունքից:
Վարչական իրավախախտման գործով թիվ 8180401251 արձանագրության պատճենի զննությամբ պարզվել է, որ 05.03.2024թ. ժամը 23:25-ին, ՀՀ ոստիկանության պարեկային ծառայության Երևան քաղաքի գնդի 1 գումարտակի 1 վաշտի պարեկ Կարապետ Պատուրյանի /01267/ կողմից Սարգիս Արթուրի Ստեփանյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Արթուրի Ստեփանյանը նույն օրը՝ ժամը 23:15-ին, <<Տեսլա>> մակնիշի «33LL999» հաշվառման համարանիշի ավտոմեքենան վարել է Երևան քաղաքի Մաշտոցի պողոտայում, տրանսպորտային միջոցներ վարելու իրավունք չունեցող անձ համարվելով և գտնվել է ոչ սթափ վիճակում:
Ալկոհոլի պարունակության կտրոնի պատճենի զննությամբ սարքի համարը 91101224, զննման համարը՝ 01388 զննման ամսաթիվը՝ 05.03.2024թ․, ստուգումը կատարվել է ավտոմատ, ալկոհոլի պարունակությունը՝ 0.848 մգ/լ, վարորդի անունը՝ Սարգիս, ազգանունը՝ Ստեփանյան, տրանսպորտային միջոցի համարանիշը՝ «33LL999», ՊԾ ազգանունը՝ Պատուրյան, կրծքանշանի համար 01267, ստորաբաժանում՝ 1-ին գումարտակի 1-ին վաշտ:
Թիվ 113388 ստուգաչափման վկայականի ստուգաչափման թվականն է՝ 2023-12-07, այն ուժի մեջ է մինչև՝ 2024-12-07, Ակլկոտեստր, գործարանային համարը՝ 91101224, տեսակը՝ Jupiter X/RP, չափման տիրույթը 0.000-2.000, արտադրող՝ Չինաստան, պատկանում է ՀՀ ՊԾ-ին, ստուգաչափումը կատարվել է համաձայն Mu 2835-2008, առկա են ստորագրություններ:
Վարչական իրավախախտման գործով թիվ 8180269558 արձանագրության պատճենի զննությամբ պարզվել է, որ 12.01.2023թ. ժամը 20:50-ին, ՀՀ ոստիկանության պարեկային ծառայության Երևան քաղաքի գնդի 2 գումարտակի 3 վաշտի պարեկ Հայկ Միքայելյանի /11308/ կողմից Սարգիս Արթուրի Ստեփանյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Արթուրի Ստեփանյանը նույն օրը՝ ժամը 20:42-ին, <<Տեսլա>> մակնիշի «33LL999» հաշվառման համարանիշի ավտոմեքենան վարել է Երևան քաղաքի Տերյան փողոցում, տրանսպորտային միջոցներ վարելու իրավունք չունեցող անձ համարվելով և գտնվել է ոչ սթափ վիճակում:
Ալկոհոլի պարունակության կտրոնի պատճենի զննությամբ սարքի համարը 91101086, զննման համարը՝ 01222 զննման ամսաթիվը՝ 12.01.2024թ․, ստուգումը կատարվել է ավտոմատ, ալկոհոլի պարունակությունը՝ 0.549 մգ/լ, վարորդի անունը՝ Սարգիս, ազգանունը՝ Ստեփանյան, տրանսպորտային միջոցի համարանիշը՝ «33LL999», ՊԾ ազգանունը՝ Միքայելյան, կրծքանշանի համար 11308, ստորաբաժանում՝ 2 գումարտակի 3 վաշտ:
Թիվ 102572 ստուգաչափման վկայականի ստուգաչափման թվականն է՝ 2023-08-16, այն ուժի մեջ է մինչև՝ 2024-08-16, Ակլոտեստր, գործարանային համարը՝ 91101086, տեսակը՝ Jupiter X/RP, չափման տիրույթը 0.000-2.000, արտադրող՝ Չինաստան, պատկանում է ՀՀ ՊԾ-ին, ստուգաչափումը կատարվել է համաձայն Mu 2835-2008, առկա են ստորագրություններ:
ՀՀ ՆԳՆ ՃՈ էլեկտրոնային ռեգիստրից ստացված քաղվածքի զննությամբ պարզվել է, որ Սարգիս Արթուրի Ստեփանյանի RA522649 սերիա-համարի վարորդական վկայականի կարգավիճակը զրկված է, սկիզբ՝ 28.02.2022 ավարտ՝ 28.02.2023, սկիզբ` 02.02.2022, ավարտ` 02.02.2023 ժամանակահատվածով:
Թիվ ԵԴ1/3324/01/24 դատական գործի քաղվածքի զննությամբ պարզվել է, որ նախաքննական գործի համարն է 09199322, գործը դատարան ստացվել է 14-11-2024թ., մեղադրական եզրակացության համառոտ բովանդակության համաձայն՝ Սարգիս Արթուրի Ստեփանյանին մեղադրանք է առաջադրվել այն բանի համար, որ նա՝ 2022 թվականի հունվարի 21-ին իրավասու պետական աշխատակցի կողմից կայացված վարչական տույժ նշանակելու մասին թիվ 2214117472 որոշմամբ զրկված լինելով տրանսպորտային միջոցներ վարելու իրավունքից մեկ տարի ժամկետով և այդ մասին պատշաճ ծանուցված ու տեղեկացված լինելով, զրկման ժամկետը չլրացած վարել է տրանսպորտային միջոց, որի վերաբերյալ կազմվել է վարչական իրավախախտման թիվ 8180109946 արձանագրությունը, գործը գտնվում է դատաքննության փուլում:
Թիվ 8180157053 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժանմունքի պետ, ոստիկանության մայոր՝ Ա.Բաբիկյանը զեկուցագիր է ներկայացրել ՀՀ ՈՍ ՊԾ պետ՝ Ա.Ումրշատյանին և ՀՀ ՈՍ ՊԾ ԵՔԳ հրամանատար՝ Ա.Իսախանյանին առ այն, որ Սարգիս Արթուրի Ստեփանյանը զրկված լինելով տրանսպորտային միջոցներ վարելու իրավունքից 06.08.2022թ.՝ ժամը 21:15-ին, վարել է տրանսպորտային միջոց, որի վերաբերյալ կայացվել է վարչական իրավախախտման վերաբերյալ թիվ 8180157053 արձանագրությունը:
Թիվ 8180154614 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժանմունքի պետ, ոստիկանության մայոր՝ Ա.Բաբիկյանը զեկուցագիր է ներկայացրել ՀՀ ՈՍ ՊԾ պետ՝ Ա.Ումրշատյանին և ՀՀ ՈՍ ՊԾ ԵՔԳ հրամանատար՝ Ա.Իսախանյանին առ այն, որ Սարգիս Արթուրի Ստեփանյանը զրկված լինելով տրանսպորտային միջոցներ վարելու իրավունքից 17.07.2022թ.՝ ժամը 17:10-ին, վարել է տրանսպորտային միջոց, որի վերաբերյալ կայացվել է վարչական իրավախախտման վերաբերյալ թիվ 8180154614 արձանագրությունը:
Թիվ 8180245538 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժանմունքի պետ, ոստիկանության մայոր՝ Ա.Բաբիկյանը զեկուցագիր է ներկայացրել ՀՀ ՈՍ ՊԾ պետ՝ Ա.Ումրշատյանին և ՀՀ ՈՍ ՊԾ ԵՔԳ հրամանատար՝ Ա.Իսախանյանին առ այն, որ Սարգիս Արթուրի Ստեփանյանը զրկված լինելով տրանսպորտային միջոցներ վարելու իրավունքից 18.01.2023թ.՝ ժամը 23:20-ին, վարել է տրանսպորտային միջոց, խուսափել է անցնել սթափության վիճակի զննություն, որի վերաբերյալ կայացվել է վարչական իրավախախտման վերաբերյալ թիվ 8180245538 արձանագրությունը:
Թիվ 8180401251 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժնի տեսուչ Ռ.Աղաջանյանը զեկուցագիր է ներկայացրել ՀՀ ՈՍ ՊԾ ԵՔԳ հրամանատար՝ Ա.Իսախանյանին առ այն, որ Սարգիս Արթուրի Ստեփանյանը զրկված լինելով տրանսպորտային միջոցներ վարելու իրավունքից 05.03.2024թ.՝ ժամը 23:15-ին, վարել է տրանսպորտային միջոց, այն էլ ոչ սթափ վիճակում, որի վերաբերյալ կայացվել է վարչական իրավախախտման վերաբերյալ թիվ 8180401251 արձանագրությունը:
Թիվ 8180264981 արձանագրության հիման վրա կազմված զեկուցագրի զննությամբ պարզվել է, որ ՀՀ ՈՍ ՊԾ ԵՔԳ ՎՎԻ բաժնի ավագ տեսուչ Վ.Ախշարումովը զեկուցագիր է ներկայացրել ՀՀ ՈՍ ՊԾ ԵՔԳ հրամանատար՝ Ա.Իսախանյանին առ այն, որ Սարգիս Արթուրի Ստեփանյանը զրկված լինելով տրանսպորտային միջոցներ վարելու իրավունքից 12.01.2024թ.՝ ժամը 20:42-ին, վարել է տրանսպորտային միջոց, այն էլ ոչ սթափ վիճակում, որի վերաբերյալ կայացվել է վարչական իրավախախտման վերաբերյալ թիվ 8180264981 արձանագրությունը:
(տես՝ 1-ին հատոր, գ․թ 2-4, 15-16, 28-29, 31, 65-66, 69-71, 80-83, 132-135, 188-194)
2024 թվականի դեկտեմբերի 25-ի և 2025 թվականի մարտի 05-ի որոշումներով որպես արտավարութային փաստաթուղթ ապացույց ճանաչված և քրեական վարույթին կցված՝ Սարգիս Արթուրի Ստեփանյանի վերաբերյալ վարչական իրավախախտման վերաբերյալ թիվ 8180157053 արձանագրության, վարչական իրավախախտման վերաբերյալ թիվ 8180154614 արձանագրության, վարչական իրավախախտման վերաբերյալ թիվ 8180245538 արձանագրության, թիվ 20 սթափության վիճակի զննության արձանագրության, վարչական իրավախախտման վերաբերյալ թիվ 8180401251 արձանագրության, վարչական տույժ նշանակելու մասին թիվ 2214117472 որոշման, ստուգաչափման թիվ 113388 վկայականի, թիվ 01388 սթափության կտրոնի, վարչական իրավախախտման վերաբերյալ թիվ 8180269558 արձանագրության, սթափության թիվ 01222 կտրոնի, ստուգաչափման թիվ 102572 վկայականի, ՃՈ էլեկտրոնային ռեգիստրի, ինչպես նաև թիվ ԵԴ1/3324/01/24 դատական գործի քաղվածքի պատճեններով։
(տես՝ 1-ին հատոր, գ․թ 3-4, 16, 29, 31, 66, 69-71, 81-83, 132-138, 195-196)
Հանրային մեղադրողը Դատարանին միջնորդել է սահմանափակել իր ներկայացրած ապացույցների հետագա հետազոտումը (հրաժարվեց վկա Սերգեյ Արտակի Հարությունյանի ցուցմունքից), որը Դատարանի արձանագրային որոշմամբ բավարարվել է։
- Մեղադրյալ Սարգիս Ստեփանյանը դատաքննության ընթացքում ցուցմունք է տվել այն մասին, որ իրեն առաջադրված մեղադրանքը ընդունում է։ Ինչ վերաբերում է սթափության վիճակի զննության ենթարկվելուց հրաժարվելուն նշեց, որ մեղավորություն իրենն է եղել, ոչ սթափ է եղել։ Նշեց, որ ծանուցված է եղել իր վարորդական վկայականից զրկված լինելու մասին։
(տե՛ս 2025 թվականի ապրիլի 09-ի դատական նիստի ձայնագրությունը):
Այսպիսով, պատշաճ իրավական ընթացակարգի շրջանակներում հետազոտելով գործով ձեռք բերված ապացույցները, դրանք գնահատելով վերաբերելիության, թույլատրելիության, հավաստիության, իսկ ամբողջ ապացույցներն իրենց համակցությամբ՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ՝ Դատարանը հիմնավոր կասկածից վեր ապացուցողական չափանիշին համապատասխան հաստատված է համարում, որ մեղադրյալ Սարգիս Արթուրի Ստեփանյանը կատարել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով և ՀՀ քրեական օրենսգրքի 344-րդ հոդվածի 2-րդ մասով՝ երեք դրվագով նախատեսված հանցանքը:

Դատարանի իրավական վերլուծությունը և եզրահանգումը.
ՀՀ քրեական օրենսգրքի 344-րդ հոդվածի համաձայն՝
1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»:
Վերլուծելով մեղադրյալ Սարգիս Արթուրի Ստեփանյանին ներկայացված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
1) ապացուցված են մեղադրյալ Սարգիս Արթուրի Ստեփանյանին վերագրվող փաստական հանգամանքները (արարքները).
2) ապացուցված է նշված արարքների քրեական հակաիրավականությունը.
3) ապացուցված է մեղադրյալ Սարգիս Արթուրի Ստեփանյանի կողմից այդ արարքները կատարելը.
4) ապացուցված է մեղադրյալ Սարգիս Արթուրի Ստեփանյանի մեղավորությունը տվյալ արարքները կատարելու մեջ:
Քննարկելով մեղադրյալի նկատմամբ պատիժ նշանակելու հարցը՝ Դատարանն արձանագրում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:
ՀՀ քրեական օրենսգրքի 3-րդ հոդվածի համաձայն՝
«(...) 6) ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, անձի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտը (շահաբաժինը, տոկոսը, ռոյալթին, վարձակալական վճարը): Ամսական եկամուտը հաշվարկելիս հաշվի չեն առնվում դրանց համար վճարվող հարկերը, տուրքերը կամ այլ վճարներ.
7) նվազագույն աշխատավարձ՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափը. (․․․)»:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»։
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով(…)»:
ՀՀ քրեական օրենսգրքի 69-րդ հոդվածի 2-րդ մասի համաձայն՝
«Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»։
ՀՀ քրեական օրենսգրքի 74-րդ հոդվածի 1-ին համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը»:
ՀՀ քրեական դատավարության օրենսգրքի 347-րդ հոդվածի համաձայն՝
«1. Դատավճիռը կայացվում է Հայաստանի Հանրապետության անունից:
2. Դատավճիռը պետք է լինի օրինական և հիմնավոր:
3. Դատավճիռն օրինական է, եթե այն կայացվել է Սահմանադրության, սույն օրենսգրքի և այն միջազգային պայմանագրի կամ օրենքի պահանջների պահպանմամբ, որոնց նորմերը կիրառելի են տվյալ վարույթն իրականացնելիս:
4. Դատավճիռը հիմնավոր է, եթե՝
1) դատարանի հետևությունները հիմնված են միայն հետազոտված թույլատրելի ապացույցների վրա.
2) դատարանի կողմից հաստատված կամ հերքված համարված փաստական հանգամանքները համապատասխանում են դատարանում հետազոտված ապացույցներին.
3) դատավճռում շարադրվող բոլոր հետևությունները և որոշումները պատշաճ պատճառաբանված են:
5. Դատավճիռը կարող է լինել արդարացման կամ մեղադրական»(…):
ՀՀ քրեական դատավարության օրենսգրքի 348-րդ հոդվածի համաձայն՝
«1. Դատավճռում պետք է շարադրվեն հետևյալ հարցերի պատասխանները․
1) ապացուցված են արդյոք մեղադրյալին վերագրվող փաստական հանգամանքները (արարքը).
2) ապացուցված է արդյոք այդ արարքի քրեական հակաիրավականությունը.
3) ապացուցված է արդյոք մեղադրյալի կողմից այդ արարքը կատարելը.
4) ապացուցված է արդյոք մեղադրյալի մեղավորությունը տվյալ արարքը կատարելու մեջ.
5) ինչ միջոցներ պետք է ձեռնարկվեն արդարացված մեղադրյալի ռեաբիլիտացիայի համար.
6) դատապարտված մեղադրյալի արարքի նկատմամբ քրեական օրենսգրքի որ հոդվածը, հոդվածի մասը կամ կետն է ենթակա կիրառման.
7) ապացուցված են արդյոք դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
8) դատապարտված մեղադրյալը ենթակա է արդյոք պատժի իր կատարած հանցանքի համար.
9) ինչ պատիժ պետք է նշանակվի դատապարտված մեղադրյալի նկատմամբ.
10) դատապարտված մեղադրյալը արդյոք պետք է կրի իր նկատմամբ նշանակված պատիժը.
11) գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
12) որ գույքն է ենթակա բռնագրավման, ինչ չափով և ինչպիսի հիմքով․
13) վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
14) ինչպես պետք է պահպանվեն և տնօրինվեն ապացույցները.
15) դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
16) ում վրա և ինչ չափով պետք է դրվեն վարութային ծախսերը(…)»:
ՀՀ քրեական դատավարության օրենսգրքի 349-րդ հոդվածի համաձայն՝
«1.Դատավճիռը կազմված է ներածական, նկարագրական, պատճառաբանական և եզրափակիչ մասերից:
2. Դատավճռի ներածական մասում նշվում են`
1) որ դատավճիռը կայացվել է Հայաստանի Հանրապետության անունից.
2) դատավճիռը կայացնելու վայրը և ժամանակը.
3) դատավճիռը կայացնող դատարանի անվանումը, դատարանի կազմը, դատական նիստի քարտուղարը, հանրային մեղադրողը, վարույթի մասնավոր մասնակիցները.
4) մեղադրյալի անունը, հայրանունը, ազգանունը, նրա ծննդյան թվականը, ամիսը, օրը և ծննդավայրը, ընտանեկան դրությունը, աշխատանքի վայրը, զբաղմունքը, կրթությունը և այլ վերաբերելի տեղեկություններ.
5) քրեական օրենսգրքի այն հոդվածը կամ հոդվածի մասը կամ կետը, որով նախատեսված հանցանքի կատարման համար մեղադրյալին մեղադրանք է ներկայացվել:
3. Դատավճռի նկարագրական մասում նշվում են՝
1) մեղադրանքի փաստական նկարագրությունը.
2) դատաքննության ընթացքում հետազոտված թույլատրելի ապացույցները.
3) դատարանի փաստական վերլուծությունները.
4) հետազոտված ապացույցների հիման վրա դատարանի կողմից հաստատված կամ հերքված փաստական հանգամանքները:
4. Դատավճռի պատճառաբանական մասում նշվում են՝
1) կիրառվող իրավունքը, այդ թվում՝ միջազգային պայմանագրերը.
2) դատարանի իրավական վերլուծությունները.
3) դատարանի հետևությունները և դրանց իրավական հիմնավորումները.
4) օրենքի այն նորմերը, որոնցով դատարանը ղեկավարվել է դատավճիռ կայացնելիս:
5. Դատավճռի եզրափակիչ մասում նշվում են`
1) դատարանի որոշումները.
2) դատավճռի բողոքարկման կարգը:
6. Նախագահողն ստորագրում է դատավճռի յուրաքանչյուր էջը»։
ՀՀ վճռաբեկ դատարանը թիվ ՎԲ-142/07, ՎԲ-192/07, ՎԲ-50/07, ՎԲ-201/07, ԵՇԴ/0029/01/08, ԵԿԴ/0042/01/11, ԵՇԴ/0143/01/13, ինչպես նաև մի շարք այլ գործերով կայացված որոշումներում անդրադառնալով պատիժ նշանակելու ընդհանուր սկզբունքներին, կայուն նախադեպային իրավունք է ձևավորել առ այն, որ հանցավորի անձին և հանցագործության վտանգավորության բնույթին ու աստիճանին համաչափ քրեաիրավական ներգործության միջոց ընտրելու, ինչպես նաև դրա շրջանակներում համաչափ պատժաչափ սահմանելու պահանջն ուղղակիորեն բխում է պատիժ նշանակելու ընդհանուր սկզբունքների, մասնավորապես` արդարության և պատասխանատվության անհատականացման հիմնարար սկզբունքների բովանդակությունից: Արդարացի է այն պատիժը, որի ընտրությունը գործի բոլոր հանգամանքների` հանցագործության վտանգավորության բնույթի և աստիճանի (հանցագործության մեղքի ձև և տեսակ, շարժառիթ, նպատակ, քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակություն, պատճառված վնասի չափ, եղանակ, գործիքներ ու միջոցներ, հանցավոր մտադրության իրականացման աստիճան, հանցակցության դեպքում` հանցավորի կատարած արարք և հանցագործությանը նրա մասնակցության աստիճան և այլն), հանցավորի անձը բնութագրող տվյալների, մեղմացնող և ծանրացնող հանգամանքների ամբողջական ու բազմակողմանի վերլուծության արդյունք է և բխում է ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից: Վերոնշյալ պահանջներից նահանջը կարող է հանգեցնել չափազանց մեղմ կամ չափազանց խիստ պատժի նշանակման:
Նարեկ Սարգսյանի գործով թիվ ԵԿԴ/0042/01/11 որոշման շրջանակներում ՀՀ վճռաբեկ դատարանը փաստել է նաև. «(...) Պատժի արդարությունը դրսևորվում է հանցագործությանը քրեաիրավական միջոցներով արձագանքելու պարտադիրությամբ, ինչպես նաև հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար` պատժի նպատակներին հասնելու տեսանկյունից (…):
(…) Պատիժ նշանակելու սկզբունքի բովանդակությունն ընդգրկում է դատապարտյալի, տուժողի և հասարակության վերաբերմունքը նշանակված պատժի նկատմամբ: Ուստի, պատիժ նշանակելիս արդարության սկզբունքը դատարանից պահանջում է ողջամտորեն հաշվի առնել արդարության մասին վերոնշյալ սուբյեկտների կարծիքը, (…) որը պետք է կիրառվի պատժի նշանակման մյուս սկզբունքների, ինչպես նաև պատժի նպատակների համատեքստում (տե՛ս Նարեկ Սարգսյանի գործով ՀՀ վճռաբեկ դատարանի` 2011 թվականի դեկտեմբերի 22-ի թիվ ԵԿԴ/0042/01/11 որոշման 16-րդ կետը):
Թեև ՀՀ վճռաբեկ դատարանը վերոգրյալ իրավական դիրքորոշումները արտահայտել է 1998 թվականի հուլիսի 01-ին ընդունված քրեական դատավարության օրենսգրքի իրավակարգավորումների համատեքստում, սակայն Դատարանն արձանագրում է, որ այն վերաբերելի մասով կիրառելի է նաև 2022 թվականի հուլիսի 1-ից գործող քրեական դատավարության օրենսգրքի պայմաններում:
Դատարանը, համադրելով վերոգրյալ իրավական նորմերը սույն գործի հանգամանքների հետ, գտնում է, որ Սարգիս Արթուրի Ստեփանյանը կատարել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով և ՀՀ քրեական օրենսգրքի 344-րդ հոդվածի 2-րդ մասով՝ երեք դրվագով նախատեսված հանցանքը։
Վերոշարադրյալ իրավանորմերի և ՀՀ վճռաբեկ դատարանի ձևավորած իրավական դիրքորոշումների հիման վրա քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալ Սարգիս Արթուրի Ստեփանյանի նկատմամբ, Դատարանը հաշվի է առնում հետևյալ հանգամանքները.
-մեղադրյալի կատարած հանցավոր արարքի բնույթն ու վտանգավորության աստիճանը, այդ թվում՝ քրեական օրենսդրությամբ պահպանվող հասարակական հարաբերության` հանցանքների կատարման պահին ունեցած սոցիալական նշանակությունը (հանցանքներն ուղղված են երթևեկության անվտանգության և տրանսպորտի շահագործման սահմանված կարգի դեմ), մեղադրյալի հանցավոր մտադրության իրականացման աստիճանը, հանցավոր արարքի կատարման եղանակը և հանգամանքները,
-մեղադրյալի պատասխանատվությունը և պատիժը ծանրացնող հանգամանքներ Դատարանը չի արձանագրում:
-մեղադրյալի պատասխանատվությունը և պատիժը մեղմացնող հանգամանք է հանդիսանում վերջինիս խնամքին երկու անչափահաս երեխաներ ունենալը (Դատարանին ներկայացվեցին մեղադրյալի անչափահաս երեխաների ծննդյան վկայականների պատճենների էլեկտրոնային տարբերակները՝ Արթուր Սարգիսի Ստեփանյանի ծննդյան վկայականի պատճենը, ծնված՝ 23․09․2016թ․ և Արսեն Սարգիսի Ստեփանյանի ծննդյան վկայականի պատճենը, ծնված՝ 29․11․2021թ․)
-որպես անձը բնութագրող հանգամանք է համարվում նախկինում դատապարտված չլինելու հանգամանքը (դատվածությունը մարված է, մեղադրյալ Ս․Ստեփանյանի վերաբերյալ Կոտայքի մարզի առաջին ատյանի ընդհանուր իրավասության քրեական դատարանի թիվ ԿԴ/0247/01/24 գործով դատավճիռը կայացվել է 2024 թվականի մայիսի 29-ին՝ սույն գործով մեղսագրվող հանցանքների կատարումից հետո):
Համաձայն «Datalex» տեղեկատվական համակարգից ստացված տվյալների՝ Սարգիս Ստեփանյանը թիվ ԵԴ1/0467/01/25 գործով հանդիսանում է մեղադրյալ, նրան մեղսագրվում է ՀՀ քրեական օրենսգրքի 344-րդ մասի 2-րդ մասով նախատեսված ենթադրյալ հանցանքի կատարում։
Բացի այդ, մեղադրյալ Սարգիս Ստեփանյանի վերաբերյալ թիվ ԿԴ/0247/01/24 գործով 2024 թվականի մայիսի 29-ին Կոտայքի մարզի առաջին ատյանի ընդհանուր իրավասության քրեական դատարանի կայացրած դատավճռով վերջինս դատապարտվել է տուգանքի՝ 375.000 (երեք հարյուր յոթանասունհինգ հազար) ՀՀ դրամի չափով: Համաձայն 2025 թվականի ապրիլի 23-ին մեղադրյալի կողմից ներկայացված անդորրագրի՝ վերջինս 2025 թվականի ապրիլի 17-ին ամբողջությամբ վճարել է նշանակված տուգանքը։
Դատարանն արձանագրում է, որ ապացուցված է մեղադրյալ Սարգիս Արթուրի Ստեփանյանին վերագրվող արարքները, դրանց քրեական հակաիրավականությունը, մեղադրյալի կողմից իրեն մեղսագրվող արարքի կատարումը, ինչպես նաև ապացուցված է վերջինիս մեղավորությունը, որպիսի պայմաններում ՀՀ վճռաբեկ դատարանի վերը նշված որոշումներով արտահայտված իրավական դիրքորոշումների լույսի ներքո հաշվի առնելով քրեական գործի հանգամանքները, անձը բնութագրող հանգամանքները, ինչպես նաև պատիժը և պատասխանատվությունը մեղմացնող հանգամանքները՝ կատարած հանցանքի համար մեղադրյալի նկատմամբ անհրաժեշտ է նշանակել պատիժ՝ տուգանքի ձևով:
Տուգանք պատժատեսակի չափը հաշվարկելու համար սահմանված է տարբերակված մոտեցում, մասնավորապես, որպես կանոն, այն պետք է հաշվարկել հիմք ընդունելով հանցանք կատարած անձի՝ հանցանքն ավարտվելու օրվան նախորդող 12 ամիսների ընթացքում ստացած միջին ամսական եկամտի 35 տոկոսը, իսկ եթե հանցանք կատարած անձը չունի եկամուտ կամ դրա չափը հնարավոր չէ պարզել կամ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից, ապա տուգանքի չափը հաշվարկվում է հանցանքը կատարելու պահին «Նվազագույն ամսական աշխատավարձի մասին» ՀՀ օրենքով սահմանված նվազագույն աշխատավարձի չափով, որը ևս պետք է բազմապատկել՝ հիմք ընդունելով հոդվածի սանկցիայում նախատեսված նվազագույն և առավելագույն չափերը և հաշվի առնելով կոնկրետ դեպքի հանգամանքները, ինչպես նաև պատիժ նշանակելու համար էական նշանակություն ունեցող այլ փաստական և իրավական հանգամանքներ:
Վերոգրյալի հիման վրա անդրադառնալով մեղադրյալ Սարգիս Արթուրի Ստեփանյանի նկատմամբ նշանակման ենթակա տուգանքի չափի որոշման հարցին՝ Դատարանն արձանագրում է, որ համաձայն ՀՀ ՊԵԿ հարկ վճարողների սպասարկման վարչության պետ Ա․Հովսեփյանի կողմից ստացված գրությամբ ներկայացված տվյալների՝ մեղադրյալ Ս․Ստեփանյանի՝ ենթադրյալ հանցանքը կատարելուն նախորդող 12 ամիսների ընթացքում ստացած միջին ամսական եկամտի 35 տոկոսի չափը պակաս է ստացվում նվազագույն աշխատավարձի չափից, ուստի Դատարանը տուգանքի ձևով պատիժ նշանակելիս հիմք է ընդունում «Նվազագույն ամսական աշխատավարձի մասին» ՀՀ օրենքով սահմանված նվազագույն աշխատավարձի չափը՝ 75․000 (յոթանասունհինգ հազար) ՀՀ դրամը։
Այսպիսով՝ անհրաժեշտ է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, նախատեսված արարքներից յուրաքանչյուրի կատարման համար նշանակել պատիժ տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամ գումարի չափով, իսկ ՀՀ քրեական օրենսգրքի 344-րդ հոդվածի 2-րդ մասով՝ երեք դրվագով յուրաքանչյուրի կատարման համար նշանակել տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամ գումարի չափով։
Քննելով տուգանքի ձևով պատիժը մեղադրյալ Սարգիս Արթուրի Ստեփանյանի կողմից կրելու և տուգանքի վճարումը տարաժամկետելու հարցը՝ Դատարանը, հիմք ընդունելով ՀՀ քրեական օրենսգրքի 59-րդ հոդվածի 8-րդ մասի կարգավորումը, գալիս է այն եզրահանգման, որ տուգանքի վճարման տարաժամկետումը հնարավոր է իրականացնել ինչպես դատավճռով, այնպես էլ դատավճռի օրինական ուժի մեջ մտնելուց հետո՝ դատարանի որոշմամբ: Դատարանի այս մոտեցումը պայմանավորված այն հանգամանքով, որ նշված գործընթացը դատավճռով իրականացնելու համար օրենսդրական որևէ արգելք նախատեսված չէ, ավելին՝ ՀՀ քրեական օրենսգրքի 59-րդ հոդվածում խոսք է գնում դատապարտվողի, այլ ոչ թե դատապարտյալի մասին, որպիսի պայմաններում Դատարանը գտնում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 1 տարի ժամկետով՝ թույլատրելով այդ գումարը մաս առ մաս վճարել 1 (մեկ) տարվա ընթացքում:
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս դատարանը, inter alia, պարտավոր է անդրադառնալ գույքային հայցի, գույքի բռնագրավման և արգելադրման, ապացույցների տնօրինման, խափանման միջոցի և վարութային ծախսերի հարցերին:
Քննարկելով գույքային հայցի, գույքի բռնագրավման և արգելադրման, վարութային ծախսերի հարցը՝ Դատարանն արձանագրում է, որ գույքային հայց հարուցված չէ, բռնագրավման ենթակա կամ արգելադրված գույք, ինչպես նաև վարութային ծախսեր առկա չեն։
Արտավարութային փաստաթղթերը անհրաժեշտ է թողնել կցված քրեական գործի նյութերին։
Քննարկելով խափանման միջոցի հարցը՝ Դատարանը գտնում է, որ Ս․Ստեփանյանի նկատմամբ ընտրված խափանման միջոցը՝ բացակայելու արգելքը, անհրաժեշտ է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ հոդվածներով՝ Դատարանը

Վ Ճ Ռ Ե Ց

Սարգիս Արթուրի Ստեփանյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել տուգանք՝ նվազագույն ամսական աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Սարգիս Արթուրի Ստեփանյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել տուգանք՝ նվազագույն ամսական աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Սարգիս Արթուրի Ստեփանյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և պատիժ նշանակել տուգանք՝ նվազագույն ամսական աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով:
Սարգիս Արթուրի Ստեփանյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և պատիժ նշանակել տուգանք՝ նվազագույն ամսական աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով:
Սարգիս Արթուրի Ստեփանյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և պատիժ նշանակել տուգանք՝ նվազագույն ամսական աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով:
ՀՀ քրեական օրենսգրքի 74-րդ հոդվածի կարգով՝ հանցագործությունների համակցությամբ, պատիժները մասնակի գումարելու միջոցով Սարգիս Արթուրի Ստեփանյանի նկատմամբ վերջնական պատիժ նշանակել տուգանք՝ 1․875.000 (մեկ միլիոն ութ հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 59-րդ հոդվածի 8-րդ մասի կիրառմամբ՝ Սարգիս Արթուրի Ստեփանյանի նկատմամբ նշանակված տուգանքի՝ 1․875.000 (մեկ միլիոն ութ հարյուր յոթանասունհինգ հազար) ՀՀ դրամ գումարի վճարումը թույլատրել կատարել 1 (մեկ) տարվա ընթացքում:
Սարգիս Արթուրի Ստեփանյանի նկատմամբ ընտրված խափանման միջոց բացակայելու արգելքը թողնել անփոփոխ` մինչ դատավճռի օրինական ուժի մեջ մտնելը, իսկ դրանից հետո՝ վերացնել:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:



ԴԱՏԱՎՈՐ ՍԱԹԵՆԻԿ ԱՆԴՐԵԱՍՅԱՆ