ԵԴ1/0869/01/25

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
2026 թվականի մարտի 31-ին քաղաք Երևան
Երևան քաղաքի առաջին ատյանի ընդհանուր իրավասության քրեական դատարանը /այսուհետ նաև` Դատարան/` հետևյալ կազմով
Նախագահությամբ դատավոր՝ Վ.Մելիքյանի
Քարտուղարությամբ՝ Մ.Ներսիսյանի
Մասնակցությամբ.
Հանրային մեղադրող՝ Դ.Մարգարյանի
Մեղադրյալ՝ Ա.Հովակիմյանի
դռնբաց դատական նիստում քննության առնելով քրեական գործն ըստ մեղադրանքի Արթուր Լևոնի Հովակիմյանի (ծնված՝ 26.06.1999թ, Հայաստանի Հանրապետությունում, ազգությամբ հայ, ՀՀ քաղաքացի, ամուսնացած, 8-ամյա կրթությամբ, չի աշխատում, հաշվառված է և փաստացի բնակվում է Երևան քաղաքի Սարի թաղի 9-րդ շարքի 198 տանը) ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով,
1.Գործի դատավարական նախապատմությունը.
29.11.2024 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60724124 քրեական վարույթը /հատոր 1-ին, գ.թ. 9/:
30.12.2024 թվականին նախաքննական մարմնի որոշմամբ թիվ 60724124 և թիվ 60755224 քրեական վարույթները միացվել են մեկ վարույթում /հատոր 1-ին, գ.թ. 13-14/:
14.01.2025 թվականին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ.Մարգարյանի որոշմամբ Արթուր Լևոնի Հովակիմյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով /հատոր 1-ին, գ.թ. 42-43/:
15.01.2025 թվականին նախաքննական մարմնի որոշմամբ մեղադրյալ Արթուր Լևոնի Հովակիմյանի նկատմամբ խափանման միջոց է կիրառվել բացակայելու արգելքը /հատոր 1-ին, գ.թ. 47-48/:
Թիվ ԵԴ1/0869/01/25 (60724124 նախաքննական համար) քրեական գործն ըստ մեղադրանքի՝ Արթուր Լևոնի Հովակիմյանի ՀՀ քրեական օրենսգրքի 344-րդ հոդվածի 2-րդ մասով՝ 2 դրվագով 13.03.2025 թվականի գրությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 2025 թվականի մարտի 13-ին և նույն օրը համակարգչային ծրագրի միջոցով իրականացվող գործերի բաշխմամբ մակագրվել է դատավոր Վահագն Մելիքյանին:
Քրեական գործը դատավորին հանձնվել է 2025 թվականի մարտի 17-ին:
Դատարանի 20.03.2025 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
17.03.2026 թվականին Դատարանը կայացրել է մեղադրական վերդիկտ և նույն օրը որոշում է կայացրել լրացուցիչ դատալսումների անցնելու մասին:
2.Մեղադրանքի փաստական նկարագրությունը.
Արթուր Լևոնի Հովակիմյանին ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով մեղադրանք է առաջադրվել այն բանի համար, որ նա 2024 թվականի նոյեմբերի 19-ին՝ ժամը 02:05-ի սահմաններում և 2024 թվականի դեկտեմբերի 10-ին՝ ժամը 22:30-ի սահմաններում, վարել է ավտոմեքենա՝ չունենալով տրանսպորտային միջոց վարելու իրավունք և միաժամանակ գտնվելով ոչ սթափ (հարբած) վիճակում:
Այսպես.
Արթուր Լևոնի Հովակիմյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 04200)՝ մեկ լիտր արտաշնչած օդի մեջ մաքուր ալկոհոլի պարունակությունը 0.748 մգ/լ (առնվազն՝ 0.6732 մգ/լ՝ նկատի ունենալով ստուգաչափող թիվ 91100989 ալկոտեստեր սարքի չափման ճշտության հնարավոր 10% սխալանքը), 2024 թվականի նոյեմբերի 19-ին՝ ժամը 02:05-ի սահմաններում, Երևան քաղաքի Տիգրան Մեծի փողոցում վարել է <<Նիսսան>> մակնիշի 37 EP 535 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Արամ Սաֆարյանի կողմից նույն օրը՝ ժամը 02:10-ին, կազմվել է վարչական իրավախախտման վերաբերյալ թիվ 8180415460 արձանագրությունը:
Բացի այդ, Արթուր Լևոնի Հովակիմյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02127)՝ մեկ լիտր արտաշնչած օդի մեջ մաքուր ալկոհոլի պարունակությունը 0.412 մգ/լ (առնվազն՝ 0.3708 մգ/լ՝ նկատի ունենալով ստուգաչափող թիվ 91101041 ալկոտեստեր սարքի չափման ճշտության հնարավոր 10% սխալանքը), 2024 թվականի դեկտեմբերի 10-ին՝ ժամը 22:30-ի սահմաններում, Երևան քաղաքի Պարոնյան փողոցում վարել է <<Օպել>> մակնիշի 37 TP 708 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Նարեկ Ֆահրադյանի կողմից նույն օրը՝ ժամը 22:50-ին, կազմվել է վարչական իրավախախտման վերաբերյալ թիվ 8180428869 արձանագրությունը:
3.Դատաքննությամբ հետազոտված թույլատրելի ապացույցները.
Մեղադրյալ Արթուր Լևոնի Հովակիմյանն իրեն մեղավոր է ճանաչել, զղջացել կատարածի համար և օգտվելով իր իրավունքից ինչպես նախաքննության, այնպես էլ հիմնական դատալսումների ընթացքում հրաժարվել է ցուցմունք տալուց:
Հիմնական դատալսումների ընթացքում հետազոտվել են.
08.01.2025թ. զննում կատարելու մասին արձանագրությունը, համաձայն որի` վարչական իրավախախտման վերաբերյալ կազմված թիվ 8180415460 արձանագրության պատճենի զննությամբ պարզվել է, որ 19.11.2024թ Երևան քաղաքի Տիգրան Մեծի պողոտայում՝ ժամը 02:10-ին ՀՀ ոստիկանության պարեկային ծառայության 3-րդ գումարտակի 2-րդ վաշտի պարեկ Արամ Սաֆարյանը /կրծքանշանի համար 11032/ Արթուր Լևոնի Հովակիմյանի նկատմամբ կազմել է վարչական իրավախախտման վերաբերյալ արձանագրություն, ըստ որի՝ Արթուր Լևոնի Հովակիմյանը 19.11.2024 թվականին՝ ժամը 02:05-ին Երևան քաղաքի Տիգրան Մեծի պողոտայում վարել է «Նիսսան» մակնիշի 37 EP 535 հաշվառման համարանիշի տրանսպորտային միջոցը՝ չունենալով տրանսպորտային միջոցներ վարելու իրավունք և ոչ սթափ վիճակում: Նշված արձանագրությանը վարորդը ծանոթացել է և ստորագրել:
Ալկոհոլի պարունակության ստուգման կտրոնի պատճենի զննությամբ պարզվել է, որ սարքի համարն է 91100989, զննման համարը՝ 04200, զննման ամսաթիվը՝ 19.11.2024, ժամը՝ 02:07-ին, ստուգումը կատարվել է ավտոմատ, ալկոհոլի պարունակությունը՝ 0.748 մգ/լ, վարորդի անունը՝ Արթուր, ազգանունը՝ Հովակիմյան, տրանսպորտային միջոցի համարանիշը՝ 37 EP 535, ՊԾ ազգանունը՝ Սաֆարյան, կրծքանշանի համար 11032, ստորսբաժանում՝ 3-րդ գումարտակ 2-րդ վաշտ:
Սթափության սարքի ստուգաչափման թիվ 120890 վկայականի պատճենի զննությամբ պարզվել է, որ ստուգաչափման թվականն է՝ 04.04.2024թ., այն ուժի մեջ է մինչև 2025 թվականի ապրիլի 04-ը: Չափման միջոցի անվանումը և տեսակը՝ ալկոմետր, գործարանային համարը՝ 91100989, տեսակը՝ Jupiter X/RP, չափման տիրույթը՝ 0.000-2.000 մգ/լ, արտադրողը՝ Չինաստան, պատկանում է՝ ՀՀ ՆԳՆ ոստիկանություն:
Վարչական իրավախախտման վերաբերյալ կազմված թիվ 8180428869 արձանագրության պատճենի զննությամբ պարզվել է, որ 10.12.2024թ Երևան քաղաքի Պարոնյան փողոցում՝ ժամը 22:50-ին ՀՀ ոստիկանության պարեկային ծառայության 1-ին գումարտակի 3-րդ վաշտի պարեկ Նարեկ Ֆահրադյանը /կրծքանշանի համար 11607/ Արթուր Լևոնի Հովակիմյանի նկատմամբ կազմել է վարչական իրավախախտման վերաբերյալ արձանագրություն, ըստ որի՝ Արթուր Լևոնի Հովակիմյանը 10.12.2024 թվականին՝ ժամը 22:30-ին Երևան քաղաքի Պարոնյան փողոցում վարել է «Օպել» մակնիշի 37 TP 708 հաշվառման համարանիշի տրանսպորտային միջոցը՝ չունենալով տրանսպորտային միջոցներ վարելու իրավունք և ոչ սթափ վիճակում: Նշված արձանագրությանը վարորդը ծանոթացել է և ստորագրել:
Ալկոհոլի պարունակության ստուգման կտրոնի պատճենի զննությամբ պարզվել է, որ սարքի համարն է 91101041, զննման համարը՝ 02127, զննման ամսաթիվը՝ 10.12.2024, ժամը՝ 22:41-ին, ստուգումը կատարվել է ավտոմատ, ալկոհոլի պարունակությունը՝ 0.412 մգ/լ, վարորդի անունը՝ Արթուր, ազգանունը՝ Հովակիմյան, տրանսպորտային միջոցի համարանիշը՝ 37 TP 708, ՊԾ ազգանունը՝ Ֆահրադյան, կրծքանշանի համար 11607, ստորսբաժանում՝ 1-ին գումարտակ 3-րդ վաշտ:
Սթափության սարքի ստուգաչափման թիվ 128153 վկայականի պատճենի զննությամբ պարզվել է, որ ստուգաչափման թվականն է՝ 26.06.2024թ., այն ուժի մեջ է մինչև 2025 թվականի հունիսի 26-ը: Չափման միջոցի անվանումը և տեսակը՝ ալկոմետր, գործարանային համարը՝ 91101041, տեսակը՝ Jupiter X/RP, չափման տիրույթը՝ 0.000-2.000 մգ/լ, արտադրողը՝ Չինաստան, պատկանում է՝ ՀՀ ՆԳՆ ոստիկանություն:
Ճանապարհային ոստիկանության էլեկտրոնային ռեգիստրից արտատպված փաստաթղթի պատճենի զննությամբ պարզվել է, որ Արթուր Լևոնի Հովակիմյանը տրանսպորտային միջոցներ վարելու իրավունքի վկայական չի ստացել:
/Հատոր 1-ին, գ.թ. 29-30/:
08.01.2025թ. որոշմամբ որպես արտավարութային փաստաթուղթն ապացույց ճանաչված և քրեական վարույթին կցված` 19.11.2024թ վարչական իրավախախտման վերաբերյալ կազմված թիվ 8180415460 արձանագրության պատճենը, 19.11.2024 թվականին ալկոհոլի պարունակության ստուգման թիվ 04200 զննման կտրոնի պատճենը, «Jupiter X/RP» տեսակի 91100989 համարի սարքի թիվ 120890 ստուգաչափման վկայականի պատճենով, 10.12.2024թ վարչական իրավախախտման վերաբերյալ կազմված թիվ 8180428869 արձանագրության պատճենը, 10.12.2024 թվականին ալկոհոլի պարունակության ստուգման թիվ 02127 զննման կտրոնի պատճենը, «Jupiter X/RP» տեսակի 91101041 համարի սարքի թիվ 128153 ստուգաչափման վկայականի պատճենը, Արթուր Լևոնի Հովակիմյանի վերաբերյալ Ճանապարհային ոստիկանության էլեկտրոնային ռեգիստրից արտատպված փաստաթղթի պատճենը:
/Հատոր 1-ին, գ.թ. 4, 5, 6, 8, 20, 21, 22, 24, 31-32/:
4.Դատարանի փաստական վերլուծությունները և Դատարանի կողմից հաստատված փաստական հանգամանքները.
Արթուր Լևոնի Հովակիմյանը 2024 թվականի նոյեմբերի 19-ին՝ ժամը 02:05-ի սահմաններում և 2024 թվականի դեկտեմբերի 10-ին՝ ժամը 22:30-ի սահմաններում, վարել է ավտոմեքենա՝ չունենալով տրանսպորտային միջոց վարելու իրավունք և միաժամանակ գտնվելով ոչ սթափ (հարբած) վիճակում:
Այսպես.
Արթուր Լևոնի Հովակիմյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 04200)՝ մեկ լիտր արտաշնչած օդի մեջ մաքուր ալկոհոլի պարունակությունը 0.748 մգ/լ (առնվազն՝ 0.6732 մգ/լ՝ նկատի ունենալով ստուգաչափող թիվ 91100989 ալկոտեստեր սարքի չափման ճշտության հնարավոր 10% սխալանքը), 2024 թվականի նոյեմբերի 19-ին՝ ժամը 02:05-ի սահմաններում, Երևան քաղաքի Տիգրան Մեծի փողոցում վարել է <<Նիսսան>> մակնիշի 37 EP 535 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Արամ Սաֆարյանի կողմից նույն օրը՝ ժամը 02:10-ին, կազմվել է վարչական իրավախախտման վերաբերյալ թիվ 8180415460 արձանագրությունը:
Բացի այդ, Արթուր Լևոնի Հովակիմյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02127)՝ մեկ լիտր արտաշնչած օդի մեջ մաքուր ալկոհոլի պարունակությունը 0.412 մգ/լ (առնվազն՝ 0.3708 մգ/լ՝ նկատի ունենալով ստուգաչափող թիվ 91101041 ալկոտեստեր սարքի չափման ճշտության հնարավոր 10% սխալանքը), 2024 թվականի դեկտեմբերի 10-ին՝ ժամը 22:30-ի սահմաններում, Երևան քաղաքի Պարոնյան փողոցում վարել է <<Օպել>> մակնիշի 37 TP 708 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Նարեկ Ֆահրադյանի կողմից նույն օրը՝ ժամը 22:50-ին, կազմվել է վարչական իրավախախտման վերաբերյալ թիվ 8180428869 արձանագրությունը:
Դատարանի իրավական վերլուծությունները.
Դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցներն իրենց համակցության մեջ՝ ներքին համոզման հիման վրա, անմեղության կանխավարկածով, հիմնվելով պատշաճ ապացուցման արդյունքների վրա, Դատարանը հանգում է հետևության, որ ապացուցված է մեղադրյալ Արթուր Լևոնի Հովակիմյանի՝ ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով վերագրվող արարքների փաստական հանգամանքները, ապացուցված է նշված արարքների քրեական հակաիրավականությունը, ապացուցված է նաև մեղադրյալի կողմից այդ արարքները կատարելը և նրա մեղավորությունը տվյալ արարքները կատարելու մեջ:
Մեղադրյալ Արթուր Լևոնի Հովակիմյանի կատարած արարքներից յուրաքանչյուրի նկատմամբ կիրառելի է ՀՀ քրեական օրենսգրքի 344-րդ հոդվածի 2-րդ մասը:
Դատարանը հաստատված համարելով հանցագործությունների և դրանց կատարման մեջ Արթուր Լևոնի Հովակիմյանի մեղքի ապացուցված լինելը հանգում է հետևության, որ վերջինս դրանք կատարելու համար ենթակա է քրեական պատասխանատվության և պատժի:
Դատարանը մեղադրյալ Արթուր Լևոնի Հովակիմյանի պատասխանատվությունն ու պատիժը մեղմացնող և անձը բնութագրող հանգամանքներ է արձանագրում մեղքն ընդունելը և անկեղծորեն զղջալը:
Դատարանը մեղադրյալ Արթուր Լևոնի Հովակիմյանի պատասխանատվությունն ու պատիժը ծանրացնող հանգամանքներ չի արձանագրում:
Դատարանը, նպատակ ունենալով վերականգնելու սոցիալական արդարությունը, ուղղելու պատժի ենթարկված անձին, ինչպես նաև կանխելու հանցագործությունները և հաշվի առնելով Արթուր Լևոնի Հովակիմյանի անձը, նրան բնութագրող դրական տվյալները, նրա պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, հանգում է հետևության, որ մեղադրյալ Արթուր Լևոնի Հովակիմյանն իր կատարած հանցագործության համար ենթակա է պատժի` նվազ խիստ տեսակի՝ տուգանքի նշանակմամբ, քանի որ այն կարող է ապահովել պատժի նպատակները:
Քննելով տուգանքի ձևով պատիժը մեղադրյալ Արթուր Լևոնի Հովակիմյանի կողմից կրելու հարցը և հաշվի առնելով մեղադրյալի հայտարարությունն առ այն, որ միանգամից չի կարող վճարել տուգանքի գումարը, ունի նյութական խնդիրներ, Դատարանը գտնում է, որ մեղադրյալի կողմից տուգանքի գումարի վճարման համար պետք է ժամանակացույց սահմանել, թույլատրելով նրան տուգանքի գումարը վճարել մաս առ մաս՝ հետևյալ պատճառաբանությամբ.
ՀՀ քրեական օրենսգրքի 59-րդ հոդվածի 8-րդ մասի համաձայն՝
<<Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում առավելագույնը մեկ տարի ժամկետով կամ թույլատրում է տուգանքը մաս առ մաս վճարել նույն ժամկետում... (…)>>:
Վերը թվարկված իրավական նորմը կիրառելով սույն գործի փաստական տվյալների վրա, Դատարանը գտնում է, որ մեղադրյալ Արթուր Լևոնի Հովակիմյանն ի վիճակի չէ անհապաղ և ամբողջությամբ վճարելու նշանակված տուգանքը, ուստի անհրաժեշտ է դատավճռով նրա նկատմամբ նշանակվող տուգանքը տարաժամկետել մեկ տարով՝ հնարավորություն տալով վերջինիս վճարելու տուգանքի գումարը:
Քննության առնելով խափանման միջոցի հարցը, Դատարանը գտնում է, որ մեղադրյալ Արթուր Լևոնի Հովակիմյանի նկատմամբ ընտրված բացակայելու արգելք խափանման միջոցը անհրաժեշտ է թողնել ամփոփոխ մինչև դատավճիռն օրինական ուժի մեջ մտնելը:
Արտավարույթային փաստաթղթերը պետք է թողնել կցված քրեական գործին՝ դրա պահպանության ողջ ժամանակահատվածում:
Քրեական գործով քաղաքացիական հայց չի հարուցվել, դատական ծախսեր և տնօրինման ենթակա իրեղեն ապացույցներ չկան:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-349-րդ, 364-րդ հոդվածներով, Դատարանը.


Վ Ճ Ռ Ե Ց
Արթուր Լևոնի Հովակիմյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով՝ 2/երկու/ դրվագով և յուրաքանչյուր դրվագով դատապարտել տուգանքի՝ նվազագույն աշխատավարձի յոթապատիկի՝ 525.000 ՀՀ դրամի չափով:
ՀՀ քրեական օրենսգրքի 79-րդ հոդվածի կիրառմամբ, ՀՀ քրեական օրենսգրքի 344-րդ հոդվածի 2-րդ մասով առաջին դրվագով նշանակված 525.000 ՀՀ դրամի չափով տուգանքին մասնակի գումարել ՀՀ քրեական օրենսգրքի 344-րդ հոդվածի 2-րդ մասով երկրորդ դրվագով նշանակված պատժի հնգապատիկի չափով տուգանքը և վերջնական պատիժ նշանակել տուգանք՝ նվազագույն աշխատավարձի տասներկուապատիկի՝ 900.000 ՀՀ դրամի չափով:
Թույլատրել Արթուր Լևոնի Հովակիմյանին դատավճռով նշանակված 900.000 ՀՀ դրամ գումարի չափով տուգանքը վճարել մեկ տարվա ընթացքում:
Մեղադրյալ Արթուր Լևոնի Հովակիմյանի նկատմամբ կիրառված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը:
Արտավարույթային փաստաթղթերը թողնել կցված քրեական գործին դրա պահպանության ողջ ժամանակահատվածում:
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:

ԴԱՏԱՎՈՐ Վ.ՄԵԼԻՔՅԱՆ