ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Գործ թիվ ԵԴ1/0808/01/25

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ
Նախագահությամբ՝ դատավոր Դավիթ Արղամանյանի,
քարտուղարությամբ՝ Դավիթ Հակոբյանի,

մասնակցությամբ՝

հանրային մեղադրող՝ Լիանա Քոչարյանի,
մեղադրյալ՝ Արմեն Աֆրիկյանի,

2025թ. ապրիլի 10 ք.Երևան,

դռնբաց դատական նիստում քննելով քրեական վարույթն ըստ մեղադրանքի
Արմեն Սաշիկի Աֆրիկյանի
(ծնված՝ 04.12.1983թ․, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, խնամքին՝ երկու անչափահաս երեխա, նախկինում չդատված, չի աշխատում, հաշվառված և բնակվող՝ Երևան քաղաքի Խաղաղ Դոնի փողոցի 19-րդ շենքի բնակարան 279 հասցեում)
ՀՀ քրեական օրենսգրքի 344-րդ հոդվածի 2-րդ մասով՝






ՊԱՐԶԵՑ
1. Գործի դատավարական նախապատմությունը.
1․ 2024 թվականի նոյեմբերի 29-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60720724 քրեական վարույթը (այսուհետ նաև՝ քրեական վարույթ)։
2. 2025թ. փետրվարի 19-ին Երևան քաղաքի Էրեբունի և Նուբարաշեն վարչական շրջանների դատախազության դատախազ Լիանա Քոչարյանի որոշմամբ թիվ 60720724 քրեական վարույթով Արմեն Սաշիկի Աֆրիկյանի նկատմամբ 344-րդ հոդվածի 2-րդ մասով հարուցվել է հանրային քրեական հետապնդում։
3. 2025թ. փետրվարի 19-ի քննիչի որոշմամբ Արմեն Սաշիկի Աֆրիկյանի նկատմամբ որպես խափանման միջոց է կիրառվել բացակայելու արգելքը։
4. 2025թ. մարտի 10-ին Երևան քաղաքի Էրեբունի և Նուբարաշեն վարչական շրջանների դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60720724 քրեական վարույթը, քրեական գործին շնորհվել է ԵԴ1/0808/01/25 համարը։
5. 2025թ. մարտի 13-ին Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան) որոշում է կայացրել թիվ ԵԴ1/0808/01/25 քրեական գործով վարույթ ստանձնելու և նախնական դատալսումներ նշանակելու մասին։
6․ 2025 թվականի ապրիլի 9-ի որոշմամբ Արմեն Սաշիկի Աֆրիկյանի նկատմամբ կիրառված «բացակայելու արգելք» այլընտրանքային խափանման միջոցը թողնվել է անփոփոխ։
7․ Նույն օրը Արմեն Սաշիկի Աֆրիկյանի նկատմամբ կայացվել է մեղադրական վերդիկտ, համաձայն որի՝ Արմեն Սաշիկի Աֆրիկյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործությունների կատարման մեջ։
2. Մեղադրանքի փաստական նկարագրությունը.
Արմեն Սաշիկի Աֆրիկյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 2-րդ մասով՝ այն արարքի համար, որ նա՝
«(...) 2024 թվականի փետրվարի 29-ի որոշմամբ 1 տարի ժամկետով զրկված լինելով տրանսպորտային միջոցներ վարելու իրավունքից, ոչ սթափ (հարբած) վիճակում՝ արտաշնչած օդում 0.862 մգ/լ ալկոհոլի պարունակությամբ, 2024 թվականի նոյեմբերի 15-ին՝ ժամը 23։15-ի սահմաններում Երևան քաղաքի Տիտոգրադյան փողոցում վարել է «Լադա» մակնիշի 91 ZL 900 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակիցը կազմել է վարչական իրավախախտման վերաբերյալ թիվ 8180416429 արձանագրությունը։
Այսինքն՝ Արմեն Սաշիկի Աֆրիկյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում։
(...)»



3.1. Հիմնական դատալսումների ընթացքում հետազոտված թույլատրելի ապացույցները.
- 29.02.2024թ. ՀՀ ՆԳՆ ոստիկանության պարեկային ծառայության 3-րդ գումարտակի 2-րդ վաշտի կրտսեր պարեկ Վլադիմիր Ալավերդյանի կողմից կայացված վարչական իրավախախտման վերաբերյալ թիվ 8180267948 որոշումը, համաձայն որի՝ Արմեն Սաշիկի Աֆրիկյանը զրկվել է տրանսպորտային միջոցներ վարելու իրավունքից 1 տարի ժամկետով (հատոր 1, վ/թ 7),
- 15.11.2024թ.՝ ժամը 23։35-ին, Երևան քաղաքի Տիտոգրադյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի պարեկ Վահե Երիցյանի կողմից կազմված վարչական իրավախախտման վերաբերյալ թիվ 8180416429 արձանագրությունը, համաձայն որի՝ Արմեն Սաշիկի Աֆրիկյանը 15.11.2024թ.՝ ժամը 23։15-ին, գտնվելով ոչ սթափ վիճակում և զրկված լինելով տրանսպորտային միջոցներ վարելու իրավունքից՝ Երևան քաղաքի Տիտոգրադյան փողոցում վարել է «Լադա» մակնիշի 91 ZL 900 հաշվառման համարանիշի տրանսպորտային միջոցը։ Արձանագրության վարչական իրավախախտում կատարած անձի բացատրությունը և դիտողությունը նշելու, արձանագրության ծանոթանալու, իրավունքների և պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է 202.1 թիվը (հատոր 1, վ/թ 48) (հատոր 1, վ/թ 4),
- ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91100941, զննման համարն է՝ 03239, զննման ամսաթիվն է՝ 15.11.2024թ., զննման ժամն է՝ 23:31:04, վերջին ստուգաչափման ամսաթիվն է՝ 23.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.862 մգ/լ, վարորդի անունն է՝ Արմեն, վարորդի ազգանունն է՝ Աֆրիկյան, Վ/Վ համարն է դաշտում գրված է Տ.Մ. համարանիշ՝ 91 ZL 900, ՀԾՀ տվյալներ՝ 1412830656, Պ/Ծ-ի ազգանունն է՝ Հովհաննիսյան, կրծքանշանի համարն է՝ 12160, ստորաբաժանումն է՝ 2-րդ գումարտակ, 2-րդ վաշտ (հատոր 1, վ/թ 5),
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 135702 ստուգաչափման վկայականը, համաձայն որի՝ վկայականը ուժի մեջ է 23.09.2024 թվականից մինչև 23.09.2025 թվականը, ստուգաչափման սարքի գործարանային համարն է 91100941, տեսակը՝ Jupiter X/RP, չափման տիրույթը՝ 0.000-0.2000մզ/լ/, ճշտության դասը, կարգը (սխալանքը) ±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 Mn 242-1353-2012, ստուգաչափողի անվան դիմաց առկա է ստորագրություն և նշված է Ա.Աֆրիկյան, իսկ բաժնի (լաբորատորիայի վարիչ) անվան դիմաց առկա է ստորագրություն և նշված է Գ.Մարտիրոսյան (հատոր 1, վ/թ 6),
- ՀՀ ՆԳՆ ոստիկանության «ճանապարհային ոստիկանություն» ծառայության էլեկտրոնային ռեգիստրից արտատպված վարորդական իրավունքի վկայականից զրկված լինելու վերաբերյալ քաղվածքը, համաձայն որի՝ Արմեն Սաշիկի Աֆրիկյանի վարորդական իրավունքի վկայականի զրկման սկիզբն է՝ 29.02.2024թ., իսկ ավարտը՝ 03.03.2025թ.,
- վերոնշյալ փաստաթղթերը որպես արտավարութային փաստաթուղթ ճանաչելու մասին 2024 թվականի դեկտեմբերի 22-ի որոշումը,
- վերոնշյալ փաստաթղթերը զննության ենթարկելու մասին 2024 թվականի դեկտեմբերի 22-ի արձանագրությունը (հատոր 1, վ/թ 57-60)։
3.2. Լրացուցիչ դատալսումների ընթացքում հետազոտված անհրաժեշտ ապացույցները.
- 2025 թվականի ապրիլի 9-ին արտատպված Արմեն Սաշիկի Աֆրիկյանի ՔԿԱԳ տվյալների շտեմարանի քաղվածքը. առկա է Արմեն Սաշիկի Աֆրիկյանի և Հասմիկ Անդրանիկի Խաչատրյանի ամուսնության պետական գրանցման մասին 08.10.2010թ. թիվ 223 ակտը, Սաշա Արմենի Աֆրիկյանի (ծնված՝ 10.10.2013թ.) ծննդի պետական գրանցման մասին թիվ 502 ակտը, Զարուհի Արմենի Աֆրիկյանի (ծնված՝ 20.11.2010թ.) ծննդի պետական գրանցման մասին թիվ 663 ակտը, Արմեն Սաշիկի Աֆրիկյանի և Հասմիկ Անդրանիկի Խաչատրյանի ամուսնալուծության պետական գրանցման մասին 27.03.2024թ. թիվ 1110 ակտը,
- 2025 թվականի ապրիլի 9-ին արտատպված ձև 8 տեղեկանքը, համաձայն որի՝ Արմեն Սաշիկի Աֆրիկյանը թիվ 60214424 քրեական վարույթի շրջանակներում Երևան քաղաքի առաջին ատյանի ընդհանուր իրավասության քրեական դատարանի 23.10.2024թ. դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և նրա նկատմամբ պատիժ է նշանակվել տուգանք՝ 375.000 ՀՀ դրամի չափով,
- 2025 թվականի ապրիլի 9-ին արտատպված Արմեն Սաշիկի Աֆրիկյանի վերաբերյալ ՊԵԿ տվյալների շտեմարանի քաղվածքը, համաձայն որի՝ հանցանքին նախորդող 12 ամիսների ամսական եկամտի հաշվարկը քիչ է նվազագույն աշխատավարձի չափից,
- 2025 թվականի ապրիլի 9-ին Դատալեքս տեղեկատվական համակարգից արտատպված Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/2713/01/24 դատավճիռը, համաձայն որի՝ Արմեն Սաշիկի Աֆրիկյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և նրա նկատմամբ պատիժ է նշանակվել տուգանք՝ 375.000 ՀՀ դրամի չափով, որը թույլատրվել է վճարել 1 տարվա ընթացքում։ Դատավճիռը մտել է օրինական ուժի մեջ և ՀՀ ԱՆ պրոբացիայի ծառայության կողմից 2025 թվականի մարտի 3-ին ընդունվել է կատարման,
- 2025 թվականի ապրիլի 9-ին Դատալեքս տեղեկատվական համակարգից արտատպված Երևան քաղաքի առաջին ատյանի ընդհանուր իրավասության քաղաքացիական դատարանի 04.10.2023թ. թիվ ԵԴ/22122/02/22 վճիռը, որով վճռվել է՝
«(...)
Լուծել Հասմիկ Անդրանիկի Խաչատրյանի և Արմեն Սաշիկի Աֆրիկյանի միջև Գավառի ՔԿԱԳ տարածքային բաժնի կողմից 08.10.2010 թվականին թիվ 223 համարի տակ գրանցված ամուսնությունը:
Երեխաներ Զարուհի Արմենի Աֆրիկյանի և Սաշա Արմենի Աֆրիկյանի բնակության վայրը սահմանել մոր՝ Հասմիկ Անդրանիկի Խաչատրյանի բնակության վայրը։
Պատասխանող Արմեն Սաշիկի Աֆրիկյանից հօգուտ Հասմիկ Անդրանիկի Խաչատրյանի, որպես վերջիններիս համատեղ կյանքի ընթացքում 20.11.2010 թվականին ծնված երեխա Զարուհի Արմենի Աֆրիկյանի և 10.10.2013 թվականին ծնված երեխա Սաշա Արմենի Աֆրիկյանի ապրուստի միջոց, սկսած 03.05.2022 թվականից բռնագանձել կայուն դրամական գումարով ալիմենտ՝ յուրաքանչյուր երեխայի համար ամսական 50000 ՀՀ դրամ, մինչև վերջիններիս չափահաս դառնալը: (...)»
4. Դատարանի իրավական վերլուծությունները և եզրահանգումը.
4.1. Գնահատելով դատաքննության ընթացքում հետազոտված ապացույցների յուրաքանչյուրը վերաբերելիության, թույլատրելիության և հավաստիության տեսանկյունից՝ Դատարանն արձանագրում է, որ ապացույցների հետազոտման ընթացքում չեն արձանագրվել դրանց ձեռք բերման պատշաճ իրավական ընթացակարգի խախտումներ, ուստի հետազոտված ապացույցներից յուրաքանչյուրը թույլատրելի է։
Միևնույն ժամանակ Դատարանն արձանագրում է, որ հետազոտված ապացույցներից յուրաքանչյուրը պարունակում է տեղեկություններ գործի համար նշանակություն ունեցող փաստերի վերաբերյալ՝ հետևաբար հետազոտված ապացույցներից յուրաքանչյուրը բավարարում են ապացույցի վերաբերելիության պահանջին։
Դատարանն արձանագրում է, որ հետազոտված ապացույցներից ոչ մեկը չի պարունակում հակասական տվյալներ գործի փաստերի վերաբերյալ, ուստի դրանք գնահատվում են բավարար՝ հավաստիության տեսանկյունից։
4.2. Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով՝ Դատարանը հաստատված է համարում, որ Արմեն Աֆրիկյանը 2024 թվականի փետրվարի 29-ի որոշմամբ 1 տարի ժամկետով զրկված լինելով տրանսպորտային միջոցներ վարելու իրավունքից, ոչ սթափ (հարբած) վիճակում՝ արտաշնչած օդում 0.862 մգ/լ ալկոհոլի պարունակությամբ, 2024 թվականի նոյեմբերի 15-ին՝ ժամը 23։15-ի սահմաններում Երևան քաղաքի Տիտոգրադյան փողոցում վարել է «Լադա» մակնիշի 91 ZL 900 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակիցը կազմել է վարչական իրավախախտման վերաբերյալ թիվ 8180416429 արձանագրությունը:
Այսինքն՝ ապացուցված է Արմեն Աֆրիկյանի կողմից մեղավորությամբ ՀՀ քրեական օրենսգրքի 344-րդ հոդվածի 2-րդ մասով նախատեսված հակաիրավական արարքի կատարումը։
ՀՀ քրեական օրենսգրքի 344-րդ հոդվածի 2-րդ մասի համաձայն՝
«2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»
Անդրադառնալով դատապարտված մեղադրյալի պատասխանատվությունը և պատիժը մեղմացնող հանգամանքներին՝ Դատարանն արձանագրում է, որ որպես քրեական պատասխանատվությունը կամ պատիժը մեղմացնող հանգամանք Դատարանն ապացուցված է համարում Արմեն Աֆրիկյանի խնամքին երկու անչափահաս երեխաների՝ Սաշա Արմենի Աֆրիկյանի (ծնված՝ 10.10.2013թ.) և Զարուհի Արմենի Աֆրիկյանի (ծնված՝ 20.11.2010թ.) առկայության փաստը, այն է՝ ՀՀ քրեական օրենսգրքի 70-րդ հոդվածի 1-ին մասի 4-րդ կետը, որպիսի հանգամանքը ապացուցվում է թե՛ 2025 թվականի ապրիլի 9-ին արտատպված Արմեն Սաշիկի Աֆրիկյանի ՔԿԱԳ տվյալների շտեմարանի քաղվածքով, և թե՛ Երևան քաղաքի առաջին ատյանի ընդհանուր իրավասության քաղաքացիական դատարանի 04.10.2023թ. թիվ ԵԴ/22122/02/22 վճռով։
Անդրադառնալով դատապարտված մեղադրյալի պատասխանատվությունը և պատիժը ծանրացնող հանգամանքների հարցին՝ Դատարանն արձանագրում է, որ ՀՀ քրեական օրենսգրքի 71-րդ հոդվածով սահմանված հանգամանքներ առկա չեն։
Անդրադառնալով մեղադրյալ Արմեն Աֆրիկյանի անձը բնութագրող հանգամանքներին՝ Դատարանը արձանագրում է, որ Արմեն Աֆրիկյանը նախկինում դատապարտված չի եղել, ընդունել է մեղքը, զղջացել է կատարածի համար։
Անդրադառնալով մեղադրյալի կողմից պատժի ենթակա լինելու հարցին՝ Դատարանն արձանագրում է, որ մեղադրյալ Արմեն Աֆրիկյանին քրեական պատասխանատվությունից, պատժից ազատելու հիմքեր առկա չեն, հետևաբար նա ենթակա է պատժի՝ իր կատարած հանցանքի համար։
Մեղադրյալ Արմեն Աֆրիկյանի նկատմամբ պատիժ նշանակելու հարցին անդրադառնալով՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»
Նույն օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»
Նույն օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
(…)»
Դատարանն արձանագրում է, որ ՀՀ քրեական օրենսգրքի 344-րդ հոդվածի 2-րդ մասով սահմանված պատժատեսակները չորս են՝ տուգանք, հանրային աշխատանքներ, կարճաժամկետ ազատազրկում և ազատազրկում։ Նկատի ունենալով, որ նշված հոդվածը հանդիսանում է ոչ մեծ ծանրության հանցանք, մեղադրյալը հանդիսանում է առաջին անգամ հանցանք կատարած անձ, սույն քրեական վարույթի շրջանակներում ընդունել է մեղքը, զղջացել է կատարածի համար, հաշվի առնելով նաև կատարված արարքի հանրային վտանգավորությունն ու առաջացած հետևանքները՝ Դատարանը գտնում է, որ պատժի նպատակներին հնարավոր է հասնել հանրային աշխատանքներ պատժատեսակի կիրառմամբ։
Մասնավորապես՝ Դատարանն արձանագրում է, որ Արմեն Աֆրիկյանը հանդիսանում է դատապարտյալ, Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/2713/01/24 դատավճռով դատապարտվել է տուգանքով՝ 375.000 ՀՀ դրամի չափով, չունի բավարար միջոցներ, գտնվում է ծանր սոցիալական վիճակում, չի աշխատում, ուստի Դատարանը գտնում է, որ տուգանք պատժատեսակի կիրառմամբ հնարավոր չէ հասնել պատժի նպատակներին, իսկ վերջինս համաձայն է կատարել հանրային աշխատանքներ, ինչն ավելի գործուն պատժատեսակ է՝ պատժի նպատակներին հասնելու տեսանկյունից։
Հաշվի առնելով վերոգրյալը՝ Դատարանը գտնում է, որ մեղադրյալ Արմեն Աֆրիկյանի նկատմամբ անհրաժեշտ է նշանակել «հանրային աշխատանքներ» պատժատեսակը՝ ՀՀ քրեական օրենսգրքի 344-րդ հոդվածի 2-րդ մասով նախատեսված սանկցիայի նվազագույն չափով՝ 80 (ութսուն) ժամ տևողությամբ։
ՀՀ քրեական օրենսգրքի 60-րդ հոդվածի համաձայն՝
«1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
(...)»
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
(...)
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
(...)
11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը։»
Առաջնորդվելով ՀՀ քրեական օրենսգրքի 74-րդ հոդվածով՝ Դատարանը գտում է, որ նշանակված 80 ժամ տևողությամբ հանրային աշխատանքներ պատժին անհրաժեշտ է լրիվ գումարել Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 23-ի թիվ ԵԴ1/2713/01/24 դատավճռով որպես պատիժ նշանակված 375.000 ՀՀ դրամի չափով տուգանք պատիժը, և որպես վերջնական պատիժ նշանակել հանրային աշխատանքներ՝ 80 ժամ տևողությամբ և տուգանք՝ 375.000 ՀՀ դրամի չափով։
Հաշվի առնելով, որ Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 23-ի թիվ ԵԴ1/2713/01/24 դատավճռով Արմեն Աֆրիկյանին թույլատրվել է նշանակված 375.000 ՀՀ դրամի չափով տուգանքը վճարել 1 տարվա ընթացքում, ուստի Դատարանն արձանագրում է, որ մեղադրյալին պետք է թույլատրել որպես վերջնական պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս՝ 12 ամսվա ընթացքում:
Նկատի ունենալով այն հանգամանքը, որ սույն քրեական վարույթով գույքային հայց, գույք բռնագրավելու անհրաժեշտություն, արգելադրված գույք առկա չեն՝ Դատարանն այդ հարցերին չի անդրադառնում:
Անդրադառնալով ապացույցների պահպանման և տնօրինման հարցին՝ Դատարանն արձանագրում է, որ դրանք ենթակա են պահման քրեական գործի հետ՝ այն պահելու ամբողջ ժամանակահատվածում:
Դատարանը գտնում է նաև, որ Արմեն Աֆրիկյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո Արմեն Աֆրիկյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Հաշվի առնելով, որ սույն գործով վարութային ծախսեր առկա չեն, Դատարանն այդ հարցին անդրադարձ չի կատարում։
Ելնելով վերոգրյալից և ղեկավարվելով ՀՀ քրեական օրենսգրքի 55-րդ, 59-րդ, 69-րդ, 70-րդ և ՀՀ քրեական դատավարության օրենսգրքի 31-րդ, 33-րդ, 347-349-րդ, 352-353-րդ, 364-րդ հոդվածներով՝ Դատարանը

ՎՃՌԵՑ
1. Արմեն Սաշիկի Աֆրիկյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և պատիժ նշանակել հանրային աշխատանքներ՝ 80 (ութսուն) ժամ տևողությամբ։
2. ՀՀ քրեական օրենսգրքի 74-րդ հոդվածի կիրառմամբ՝ նշանակված 80 (ութսուն) ժամ տևողությամբ հանրային աշխատանքներ պատժին լրիվ գումարել Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 23-ի թիվ ԵԴ1/2713/01/24 դատավճռով որպես պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանք պատիժը, և որպես վերջնական պատիժ նշանակել հանրային աշխատանքներ՝ 80 (ութսուն) ժամ տևողությամբ և տուգանք՝ 375.000 (երեք հարյուր յոթանասունհինգ հազար) ՀՀ դրամի չափով։
3. Արմեն Սաշիկի Աֆրիկյանին թույլատրել որպես պատիժ նշանակված՝ 375.000 (երեք հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս՝ 12 (տասներկու) ամսվա ընթացքում:
4. Ապացույցները պահել քրեական գործի հետ՝ այն պահելու ամբողջ ժամանակահատվածում:
5. Արմեն Սաշիկի Աֆրիկյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
6. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:


Դատավոր` Դավիթ Արղամանյան