Գործ ԵԴ1/0807/01/25


Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ
ԵՎ ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

06.04.2026 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆ

ՆԱԽԱԳԱՀՈՂ ԴԱՏԱՎՈՐ՝ Ժ.ՉԻՉՈՅԱՆԻ
ՆԻՍՏԻ ՔԱՐՏՈՒՂԱՐ՝ Ա.ՄԱՐՏԻՐՈՍՅԱՆԻ
ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ՝ Ռ.ԳԵՎՈՐԳՅԱՆԻ
ՊԱՇՏՊԱՆՆԵՐ՝ Դ․ԴԱԼԼԱՔՅԱՆԻ
Ն․ԳՐԻԳՈՐՅԱՆԻ
Հ․ԴԱՎԹՅԱՆԻ
ՄԵՂԱԴՐՅԱԼՆԵՐ՝ Ա.ՂԱԶԱՐՅԱՆԻ
Զ․ԻՍՐԱԵԼՅԱՆԻ


Դռնբաց դատական նիստում քննության առնելով քրեական գործն ըստ մեղադրանքի
Աշոտ Արմենի Ղազարյանի՝ (առկա է անձնական տվյալ), Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չի աշխատում, չդատապարտված, (առկա է անձնական տվյալ), որպես խափանման միջոց է ընտրված Հայաստանի Հանրապետությունից բացակայելու արգելքը, մեղադրվում է ՀՀ քրեական օրենսգրքի 46-399-րդ հոդվածի 1-ին մասով և ՀՀ քրեական օրենսգրքի 44-396-րդ հոդվածի 1-ին մասով.
Զավեն Շանթ Իսրաելյանի՝ (առկա է անձնական տվյալ), ԳԴՀ-ում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չի աշխատում, չդատապարտված, (առկա է անձնական տվյալ), որպես խափանման միջոց է ընտրված Հայաստանի Հանրապետությունից բացակայելու արգելքը, մեղադրվում է ՀՀ քրեական օրենսգրքի 399-րդ հոդվածի 1-ին մասով և ՀՀ քրեական օրենսգրքի 393-րդ հոդվածի 1-ին մասով


Պ Ա Ր Զ Ե Ց

I.Գործի դատավարական նախապատմությունը.

2023 թվականի դեկտեմբերի 18-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանն արձանագրություն է կազմել ՀՀ քրեական օրենսգրքի 393-րդ հոդվածի 1-ին մասով և 399-րդ հոդվածի 1-ին մասով թիվ 83-0237-23 քրեական վարույթը նախաձեռնելու մասին:
2023 թվականի դեկտեմբերի 18-ին կազմվել է Աշոտ Արմենի Ղազարյանին ձերբակալելու մասին արձանագրություն։
2023 թվականի դեկտեմբերի 18-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 83-0237-23 քրեական վարույթով՝ հանցանք կատարած լինելու անմիջականորեն ծագած հիմնավոր կասկածի հիմքով, Աշոտ Արմենի Ղազարյանին ձերբակալելու մասին։
2023 թվականի դեկտեմբերի 18-ին կազմվել է Զավեն Շանթ Ռաֆիի Իսրաելյանին ձերբակալելու մասին արձանագրություն։
2023 թվականի դեկտեմբերի 18-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 83-0237-23 քրեական վարույթով՝ հանցանք կատարած լինելու անմիջականորեն ծագած հիմնավոր կասկածի հիմքով, Զավեն Շանթ Ռաֆիի Իսրաելյանին ձերբակալելու մասին։
2023 թվականի դեկտեմբերի 19-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանն արձանագրություն է կազմել ՀՀ քրեական օրենսգրքի 396-րդ հոդվածի 1-ին մասով թիվ 84127423 քրեական վարույթը նախաձեռնելու մասին։
2023 թվականի դեկտեմբերի 19-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 84127423 քրեական վարույթը թիվ 83-0237-23 քրեական վարույթին միացնելու և նախաքննությունը թիվ 83-0237-23 համարի ներքո շարունակելու մասին։
2023 թվականի դեկտեմբերի 19-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդոթյուն է հարուցել թիվ 83-0237-23 քրեական վարույթով հսկող դատախազին՝ Աշոտ Արմենի Ղազարանի նկատմամբ՝ ՀՀ քրեական օրենսգրքի 44-393-րդ հոդվածի 1-ին մասով և 399-րդ հոդվածի 1-ին մասով հանրային քրեական հետապնդում հարուցելու մասին։
2023 թվականի դեկտեմբերի 19-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդոթյուն է հարուցել թիվ 83-0237-23 քրեական վարույթով հսկող դատախազին՝ Զավեն Շանթ Ռաֆիի Իսրաելյանի նկատմամբ՝ ՀՀ քրեական օրենսգրքի 44-393-րդ հոդվածի 1-ին մասով և 399-րդ հոդվածի 1-ին մասով հանրային քրեական հետապնդում հարուցելու մասին։
2023 թվականի դեկտեմբերի 20-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ՝ ՀՀ քրեական օրենսգրքի 399-րդ հոդվածի 1-ին մասով և ՀՀ քրեական օրենսգրքի 44-393-րդ հոդվածի 1-ին մասով հանրային քրեական հետապնդում հարուցելու մասին։
2023 թվականի դեկտեմբերի 20-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ՝ ՀՀ քրեական օրենսգրքի 46-399-րդ հոդվածի 1-ին մասով և ՀՀ քրեական օրենսգրքի 44-393-րդ հոդվածի 1-ին մասով հանրային քրեական հետապնդում հարուցելու մասին։
2023 թվականի դեկտեմբերի 20-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 83-0237-23 քրեական վարույթով Զավեն Շանթ Ռաֆիի Իսրաելյանի նկատմամբ որպես խափանման միջոցներ Հայաստանի Հանրապետությունից բացակայելու արգելքը և 5․000․000 ՀՀ դրամի չափով գրավը կիրառելու մասին կիրառելու մասին։
2023 թվականի դեկտեմբերի 20-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 83-0237-23 քրեական վարույթով Աշոտ Արմենի Ղազարյանի նկատմամբ որպես խափանման միջոցներ Հայաստանի Հանրապետությունից բացակայելու արգելքը և 3․000․000 ՀՀ դրամի չափով գրավը կիրառելու մասին։
2023 թվականի դեկտեմբերի 21-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 83-0237-23 քրեական վարույթով մեղադրյալ Զավեն Շանթ Ռաֆիի Իսրաելյանին ազատ արձակելու մասին։
2023 թվականի դեկտեմբերի 21-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը որոշում է կայացրել թիվ 83-0237-23 քրեական վարույթով մեղադրյալ Աշոտ Արմենի Ղազարյանին ազատ արձակելու մասին։
2024 թվականի հուլիսի 01-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
2024 թվականի հուլիսի 01-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
2024 թվականի հուլիսի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
2024 թվականի հուլիսի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
2024 թվականի հոկտեմբերի 24-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2025 թվականի մարտի 01-ը։
2024 թվականի հոկտեմբերի 24-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2025 թվականի մարտի 01-ը։
2024 թվականի նոյեմբերի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով։
2024 թվականի նոյեմբերի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով։
2025 թվականի հունվարի 27-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Աշոտ Արմենի Ղազարյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
2025 թվականի հունվարի 27-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
2025 թվականի հունվարի 29-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
2025 թվականի հունվարի 29-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
2025 թվականի հունվարի 29-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդոթյուն է հարուցել թիվ 83-0237-23 քրեական վարույթով հսկող դատախազին՝ Աշոտ Արմենի Ղազարանի նկատմամբ հարուցված քրեական հետապնդումը փոփոխելու և նրա նկատմամբ ՀՀ քրեական օրենսգրքի 46-399-րդ հոդվածի 1-ին մասով և 44-396-րդ հոդվածի 1-ին մասով նոր հանրային քրեական հետապնդում հարուցելու մասին։
2025 թվականի հունվարի 29-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդոթյուն է հարուցել թիվ 83-0237-23 քրեական վարույթով հսկող դատախազին՝ Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդումը փոփոխելու և նրա նկատմամբ ՀՀ քրեական օրենսգրքի 399-րդ հոդվածի 1-ին մասով և 44-393-րդ հոդվածի 1-ին մասով նոր հանրային քրեական հետապնդում հարուցելու մասին։
2025 թվականի հունվարի 29-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ՝ ՀՀ քրեական օրենսգրքի 399-րդ հոդվածի 1-ին մասով և 44-393-րդ հոդվածի 1-ին մասով նոր հանրային քրեական հետապնդում հարուցելու մասին, այն արարքի համար, որ §(…) նա բեռնափոխադրող ընկերության միջոցով Գերմանիայի Դաշնային Հանրապետությունից Եվրասիական տնտեսական միության մաքսային սահմանով և ՀՀ պետական սահմանով մաքսանենգությամբ ապօրինի ՀՀ է տեղափոխել զգալի չափերով' 3,725 գրամ «Մարիխուանա» տեսակի թմրամիջոց և փորձել է ապօրինի իրացնել այն:
Այսպես.
ԳԴՀ քաղաքացի Զավեն Շանթ Րաֆիի Իսրաելյանը, իր ազգական Աշոտ Ղազարյանի հետ ձեռք բերված պայմանավորվածության համաձայն, քննությամբ չպարզված հանգամանքներում ԳԴՀ-ում ձեռք է բերել զգալի չափերով' 3,725 գրամ «Մարիխուանա» տեսակի թմրամիջոց և վերջինիս օժանդակությամբ մաքսանենգությամբ' մաքսային հսկողությունից թաքցնելու, դրա տեղափոխման համար սահմանված արգելքը խախտելու եղանակով այն ապօրինի ՀՀ տեղափոխելու և ՀՀ-ում Աշոտ Ղազարյանին իրացնելու նպատակով, հիշյալ «Մարիխուանա» տեսակի թմրամիջոցը տեղադրել է ծրարի մեջ և այն որպես առաքանի ԳԴՀ-ում հանձնել է բեռնափոխադրող ընկերությանը' պատվիրելով այն առաքել ՀՀ, որի համար լրացրել է ՀՀ քաղաքացի Աշոտ Ղազարյանի տվյալներով «RT804328575DE» համարի առաքանու բեռնագիրը: Ծանրոցը մաքսանենգությամբ' մաքսային հսկողությունից թաքցնելու, դրա տեղափոխման համար սահմանված արգելքը խախտելու եղանակով ՀՀ-ում Աշոտ Ղազարյանին իրացնելու նպատակով ՀՀ ուղարկելուց հետո Զավեն Շանթ Իսրաելյանն այդ մասին տեղեկացրել է Աշոտ Ղազարյանին, որից հետո 2023 թվականի նոյեմբերի 13-ին ժամանել է ՀՀ: 2023 թվականի դեկտեմբերի 18-ին Աշոտ Ղազարյանը «ՀայՓոստ» ՓԲ ընկերությունից տեղեկանալով, որ իր անվամբ Զավեն Շանթ Իսրաելյանի կողմից ԳԴՀ-ից ՀՀ առաքված ծանրոցը գտնվում է ՀՀ-ում և այն կարող է ստանալ «ՀայՓոստ» ՓԲ ընկերության 0018 փոստային բաժանմունքից, այդ մասին հայտնել է Զավեն Շանթ Իսրաելյանըն: Այնուհետև, մաքսանենգությամբ ապօրինի ՀՀ տեղափոխված «Մարիխուանա» տեսակա թմրամիջոցը ստանալու իրենց միասնական դիտավորությունն իրագործելու նպատակով Զավեն Շանթ Իսրաելյանը և Աշոտ Ղազարյանը նույն օրը' ժամը 15:25-ի սահմաններում, այցելել են թիվ 0018 փոստային բաժանմունք, որտեղ Աշոտ Ղազարյանը փորձել է ապօրինի ձեռք բերել Զավեն Շանթ Իսրաելյանի կողմից իրեն ՀՀ-ում իրացնելու նպատակով ԳԴՀ-ից մաքսանենգությամբ ապօրինի ՀՀ տեղափոխված զգալի չափերով' ընդհանուր 3,725 գրամ «Մարիխուանա» տեսակի թմրամիջոցի պարունակությամբ թիվ «RT804328575DE» առաքանին, սակայն նրա դիտավորության մեջ ընդգրկված հանցագործությունն իր կամքից անկախ հանգամանքներով, չի իրագործվել, քանի որ առաքանիում առկա թմրամիջոցը ՀՀ ՊԵԿ ՄԴՊ վարչության և ՀՀ ԱԱԾ համապատասխան ստորաբաժանման կողմից ՕՀՄ շրջանակներում փոխարինվել է այլ զանգվածով և նշված առաքանին ստանալիս ձերբակալվել է ՀՀ ՊԵԿ ՄԴՊ վարչության և ՀՀ ԱԱԾ աշխատակիցների կողմից:»
2025 թվականի հունվարի 29-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ՝ ՀՀ քրեական օրենսգրքի 46-399-րդ հոդվածի 1-ին մասով և 44-396-րդ հոդվածի 1-ին մասով նոր հանրային քրեական հետապնդում հարուցելու մասին, այն արարքի համար, որ §(…) նա օժանդակել է Գերմանիայի Դաշնային Հանրապետությունից Եվրասիական տնտեսական միության մաքային սահմանով և ՀՀ պետական սահմանով զգալի չափերով' 3,725 գրամ «Մարիխուանա» տեսակի թմրամիջոցի մաքսանենգությանը և փորձել է առանց իրացնելու նպատակի ապօրինի ձեռք բերել այն:
Այսպես.
ՀՀ քաղաքացի Աշոտ Արմենի Ղազարյանը, նպատակ ունենալով ձեռք բերել զգալի չափերով «Մարիխուանա» տեսակի թմրամիջոց, ԳԴՀ-ից Եվրասիական տնտեսական միության մաքսային սահմանով և ՀՀ պետական սահմանով մաքսանենգությամբ' մաքսային հսկողությունից թաքցնելու և դրա տեղափոխման համար սահմանված արգելքը խախտելու եղանակով թմրամիջոց ապօրինի տեղափոխելուն օժանդակելու դիտավորությամբ, ԳԴՀ-ում բնակվող իր ազգական' Զավեն Շանթ Իսրաելյանի հետ ձեռք բերված պայմանավորվածության համաձայն, նախապես խոստացել է ձեռք բերել հիշյալ «Մարիխուանա» տեսակի թմրամիջոցը և այդ նպատակով տրամադրել է իր' ՀՀ-ում բնակության և հաշվառման ք. Երևան, Տիգրան Մեծի 53 շենք, 79 բնակարան հասցեն: Այնուհետև, ձեռք բերված պայմանավորվածության համաձայն, Զավեն Շանթ Իսրաելյանը քրեական վարույթով չպարզված հանգամանքներում ձեռք է բերել զգալի չափերով' ընդհանուր 3,725 գրամ «Մարիխուանա» տեսակի թմրամիջոց, այն թաքցրել ծրարի մեջ և որպես առաքանի ԳԴՀ-ում հանձնել է բեռնափոխադրող ընկերությանը' ՀՀ առաքելու նպատակով: Դրանից հետո Զավեն Շանթ Իսրաելյանն այդ մասին հայտնել է Աշոտ Ղազարյանին և 2023 թվականի նոյեմբերի 13-ին ԳԴՀ-ից ժամանել է ՀՀ: 2023 թվականի դեկտեմբերի 18-ին Աշոտ Ղազարյանը «ՀայՓոստ» ՓԲ ընկելությունից տեղեկանալով, որ իր անվամբ Զավեն Շանթ Իսրաելյանի կողմից ԳԴՀ-ից ՀՀ առաքված ծանրոցը գտնվում է ՀՀ-ում և այն կարող է ստանալ «ՀայՓոստ» ՓԲ ընկերության 0018 փոստային բաժանմունքից, այդ մասին հայտնել է Զավեն Շանթ Իսրաելյանին: Այնուհետև, մաքսանենգությամբ ապօրինի ՀՀ տեղափոխված «Մարիխուանա» տեսանի թմրամիջոցը ստանալու իրենց միասնական դիտավորությունն իրագործելու նպատակով Զավեն Շանթ Իսրաելյանը և Աշոտ Ղազարյանը նույն օրը' ժամը 15:25-ի սահմաններում, այցելել են թիվ 0018 փոստային բաժանմունք, որտեղ Աշոտ Ղազարյանը փորձել է ապօրինի ձեռք բերել Զավեն Շանթ Իսրաելյանի կողմից իրեն ՀՀ-ում իրացնելու նպատակով ԳԴՀ-ից մաքսանենգությամբ ապօրինի ՀՀ տեղափոխված զգալի չափերով' ընդհանուր 3,725 գրամ «Մարիխուանա» տեսակի թմրամիջոցի պարունակությամբ թիվ «RT8043285755DE առաքանին սակայն նրա դիտավորության մեջ ընդգրկված հանցագործությունն իր կամքից անկախ հանգամանքներով, չի իրագործվել, քանի որ առաքանիում առկա թմրամիջոցը ՀՀ ՊԵԿ ՄԴՊ վարչության և ՀՀ մած համապատասխան ստորաբաժանման կողմից ՕՀՄ շրջանակներում փոխարինվել է այլ զանգվածով և նշված առաքանին ստանալիս ձերբակալվել է ՀՀ ՊԵԿ ՄԴՊ վարչության և ՀՀ աշխատակիցների կողմից։»
2025 թվականի փետրվարի 28-ին կազմվել է մեղադրական եզրակացությունը:
2025 թվականի մարտի 07-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանի կողմից հաստատված մեղադրական եզրակացությամբ թիվ 83-0237-23 քրեական գործը ուղարկվել է Երևան քաղաքի ընդհանուր իրավասության քրեական դատարան, մուտքագրվել է 10.03.2025թ.-ին և նույն օրն էլ համակարգչային ծրագրի միջոցով իրականացվող գործերի բաշխմամբ՝ թիվ ԵԴ1/0807/01/25 համարի ներքո, մակագրվել է դատավոր Ժ.Չիչոյանին:
2025 թվականի մարտի 11-ին դատավոր Ժ.Չիչոյանը որոշում է կայացրել թիվ ԵԴ1/0807/01/25 քրեական գործով վարույթ ստանձնելու և նախնական դատալսումներ նշանակելու մասին:
2025 թվականի հունիսի 17-ի Դատարանի որոշմամբ մեղադրյալ Զավեն Շանթ Ռաֆիի Իսրաելյանի նկատմամբ որպես այլընտրանքային խափանման միջոցներ համակցված կիրառված՝ 5.000.000 (հինգ միլիոն) ՀՀ դրամ գումարի չափով գրավը՝ վերացվել է, իսկ Հայաստանի Հանրապետությունից բացակայելու արգելքը թողնվել է անփոփոխ։
2025 թվականի հունիսի 17-ի Դատարանի որոշմամբ Աշոտ Արմենի Ղազարյանի նկատմամբ որպես այլընտրանքային խափանման միջոցներ համակցված կիրառված՝ 3.000.000 (երեք միլիոն) ՀՀ դրամ գումարի չափով գրավը՝ վերացվել է, իսկ Հայաստանի Հանրապետությունից բացակայելու արգելքը թողնվել է անփոփոխ։
Մեղադրյալներ Աշոտ Ղազարյանի և Զավեն Իսարելյանի պաշտպանները միջնորդեցին իրենց վստահորդների նկատմամբ իրականացվող քրեական հետապնդումը դադարեցնելու և գործի վարույթը կարճելու վերաբերյալ, նկատի ունենալով, որ անցել են քրեական հետապնդման առավելագույն ժամկետները և սահմանված ժամկետում քրեական գործը չի մուտքագրվել Դատարան։ Պաշտպանների կողմից ներկայացվեց՝ <<Հայաստանի Հանրապետության փորձագիտական կետրոն>> ՊՈԱԿ-ից ստացված գրության օրինակը։
(առավել մանրամասն տե՛ս դատական նիստի արձանագրություն)
Մեղադրյալներ Աշոտ Ղազարյանը և Զավեն Իսարելյանը միացան պաշտպանների դիրքորոշմանը։
(առավել մանրամասն տե՛ս դատական նիստի արձանագրություն)
Հանրային մեղադրող Ռ.Գևորգյանն առարկեց միջնորդության դեմ, հայտնելով որ հանրային քրեական հետապնդման ժամկետի հոսքը սկսում է հսկող դատախազի կողմից որոշում կայացնելու պահից: Անդրադառնալով «անհապաղ» եզրույթին հայտնեց, որ այն իրենից ենթադրում է «առաջին իսկ հնարավորության դեպքում» գործողության կատարում, սույն պարագայում վարույթն իրականացրած քննիչին փորձագետի եզրակացությունը տրամադրելուց հետո, վերջինս միջնորդություն է ներկայացվել կասեցված ժամկետը վերսկսելու վերաբերյալ:
(առավել մանրամասն տե՛ս դատական նիստի արձանագրություն)

II.Դատարանի պատճառաբանությունը և եզրահանգումները.

Դատարանը, քննարկելով մեղադրյալներ Աշոտ Ղազարյանի և Զավեն Իսարելյանի նկատմամբ քրեական հետապնդումը դադարեցնելու հարցը և լսելով կողմերի կարծիքները, գտնում է, որ մեղադրյալներ Աշոտ Ղազարյանի և Զավեն Իսարելյանի նկատմամբ իրականացվող քրեական հետապնդումը ենթակա է դադարեցման և թիվ ԵԴ1/0807/01/25 քրեական գործի վարույթը կարճման՝ հետևյալ պատճառաբանությամբ.
ՀՀ Սահմանադրության 63-րդ հոդվածի 1-ին մասի համաձայն` «Յուրաքանչյուր ոք ունի անկախ և անաչառ դատարանի կողմից իր գործի արդարացի, հրապարակային և ողջամիտ ժամկետում քննության իրավունք»:
«Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի (այսուհետ` նաև Եվրոպական կոնվենցիա) 6-րդ հոդվածի 1-ին մասի համաձայն`
«Յուրաքանչյուր ոք, երբ որոշվում են նրա քաղաքացիական իրավունքներն ու պարտականությունները կամ նրան ներկայացված ցանկացած քրեական մեղադրանքի առնչությամբ, ունի (…) ողջամիտ ժամկետում (…) դատաքննության իրավունք»։
Եվրոպական կոնվենցիայի 13-րդ հոդվածի համաձայն՝
«(…) Յուրաքանչյուր ոք, ում սույն Կոնվենցիայով ամրագրված իրավունքներն ու ազատությունները խախտվում են, ունի պետական մարմինների առջև իրավական պաշտպանության արդյունավետ միջոցի իրավունք, նույնիսկ եթե խախտումը կատարել են ի պաշտոնե գործող անձինք»։
ՀՀ քրեական օրենսգրքի 393-րդ հոդվածի համաձայն՝
1. Իրացնելու նպատակով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը, առաքելը, տարածելը, գովազդելը կամ դրանք ապօրինի իրացնելը կամ մեկ ուրիշի դրդմամբ՝ նրա համար թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի ձեռք բերելը`
պատժվում է ազատազրկմամբ՝ երեքից վեց տարի ժամկետով:
(…)»:
ՀՀ քրեական օրենսգրքի 396-րդ հոդվածի համաձայն՝
1. Առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը կամ առաքելը՝
պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
(…)»:
ՀՀ քրեական օրենսգրքի 399-րդ հոդվածի համաձայն՝
1. Թմրամիջոցի, հոգեմետ (հոգեներգործուն) նյութի, դրանց պատրաստուկի, դրանց համարժեք նյութի (անալոգ) կամ դրանց ածանցյալի կամ դրանց պրեկուրսորի կամ դրանք պատրաստելու համար օգտագործվող և հատուկ հսկողության տակ գտնվող նյութի, սարքավորման կամ գործիքի կամ մշակումն արգելված՝ թմրամիջոց, հոգեմետ (հոգեներգործուն), խիստ ներգործող կամ թունավոր նյութ պարունակող բույսի մաքսանենգությունը՝ Եվրասիական տնտեսական միության մաքսային սահմանով կամ Հայաստանի Հանրապետության պետական սահմանով դրանք ապօրինի տեղափոխելը, որը կատարվել է առանց մաքսային հսկողության կամ դրանից թաքցնելով, կամ դրանց մասին հավաստի տեղեկությունը սահմանված կարգով չհայտարարագրելու կամ ոչ իր անվամբ հայտարարագրելու կամ դրանց տեղափոխման համար սահմանված կանոնը, այդ թվում՝ արգելքը կամ սահմանափակումը խախտելու կամ մաքսային կամ այլ փաստաթուղթը խաբեությամբ օգտագործելու միջոցով`
պատժվում է ազատազրկմամբ՝ երեքից վեց տարի ժամկետով:
(…)»:
ՀՀ քրեական օրենսգրքի 17-րդ հոդվածի համաձայն՝
«(…)
3. Միջին ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 5 տարի ժամկետով ազատազրկումը:
4. Ծանր հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 10 տարի ժամկետով ազատազրկումը:
(…)»:
ՀՀ քրեական դատավարության օրենսգրքի 12-րդ հոդվածի համաձայն՝
«1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(…)
7) լրացել է սույն օրենսգրքով սահմանված քրեական հետապնդման առավելագույն ժամկետը, և դատախազն այդ ժամկետի ընթացքում վարույթի նյութերը չի հանձնել դատարան.
(…)
2. Սույն հոդվածի 1-ին մասի 1-9-րդ կետերով նախատեսված հանգամանքները ռեաբիլիտացնող են։
(…)»:
ՀՀ քրեական դատավարության օրենսգրքի 13-րդ հոդվածի համաձայն՝
«1. Քրեական վարույթը ենթակա է կարճման, եթե`
(...)
3) կայացվել է անձի նկատմամբ քրեական հետապնդում չհարուցելու կամ մեղադրյալի նկատմամբ քրեական հետապնդումը դադարեցնելու մասին որոշում, և սպառվել են վարույթը շարունակելու բոլոր հնարավորությունները.
(...)»:
ՀՀ քրեական դատավարության օրենսգրքի 24-րդ հոդվածի համաձայն՝
«1. Նախաքննությունը և դատաքննությունը պետք է ավարտվեն ողջամիտ ժամկետում: Քրեական վարույթն իրականացնող մարմինը պարտավոր է իր իրավասության սահմաններում դրսևորել պատշաճ ջանասիրություն վարույթը ողջամիտ ժամկետում ավարտելու համար:
2. Մեղադրյալն ունի ողջամիտ ժամկետում դատարանի առջև կանգնելու իրավունք:
(...)»:
ՀՀ քրեական դատավարության օրենսգրքի 192-րդ հոդվածի համաձայն՝
«1. Մինչդատական վարույթում հանրային քրեական հետապնդումն այն հարուցելու պահից չի կարող տևել ավելի, քան`
(...)
2) հինգ ամիս` միջին ծանրության հանցանքի վերաբերյալ մեղադրանքով.
3) ութ ամիս` ծանր հանցանքի վերաբերյալ մեղադրանքով.
(...)
2. Բացառիկ դեպքերում, երբ դա է պահանջում արդարադատության շահը, վերադաս դատախազը հսկող դատախազի միջնորդությամբ իրավասու է երկարաձգելու ոչ մեծ կամ միջին ծանրության հանցանքի վերաբերյալ մեղադրանքով հանրային քրեական հետապնդման ժամկետները՝ առավելագույնը մեկ ամսով, իսկ ծանր կամ առանձնապես ծանր հանցանքի վերաբերյալ մեղադրանքով քրեական հետապնդման ժամկետները՝ առավելագույնը երկու ամսով:
3. Եթե անձի նկատմամբ հանրային քրեական հետապնդում է հարուցված տարբեր ծանրության մեկից ավելի հանցանքների համար, ապա կիրառվում է առավել ծանր հանցանքի համար՝ սույն հոդվածի 1-ին մասով սահմանված ժամկետը:
(...)»:
ՀՀ քրեական դատավարության օրենսգրքի 193-րդ հոդվածի համաձայն. «1. Մինչդատական վարույթում սույն օրենսգրքի 192-րդ հոդվածով նախատեսված քրեական հետապնդման ժամկետները կասեցվում են սույն հոդվածի 2-րդ կամ 3-րդ մասով նախատեսված հիմքերից որևէ մեկով քրեական հետապնդման ժամկետը կասեցնելու մասին քննիչի միջնորդության հիման վրա հսկող դատախազի կողմից որոշում կայացնելու պահից:
2. Քրեական հետապնդման ժամկետը կարող է կաuեցվել հետևյալ հիմքերից որևէ մեկի առկայության դեպքում`
1) քննությունից խուսափելու կամ այլ պատճառներով մեղադրյալի գտնվելու վայրն անհայտ է.
2) մեղադրյալի մոտ առկա է ծանր հիվանդություն, որը նրան տևական ժամանակով զրկում է վարույթին մասնակցելու հնարավորությունից.
3) մեղադրյալը Հայաuտանի Հանրապետության uահմաններից դուրu գտնվելու պատճառով չի կարող մաuնակցել վարույթին.
4) մեղադրյալի հետ կնքվել է համագործակցության համաձայնագիր.
5) գործում է անհաղթահարելի ուժ, որը խոչընդոտում է վարույթի հետագա իրականացմանը:
3. Եթե առանց նշանակված փորձաքննության եզրակացությունը կամ առանց քրեական վարույթով իրավական օգնություն ցույց տալու մասին միջազգային հարցման պատասխանը ստանալու հնարավոր չէ լուծել մեղադրյալի նկատմամբ քրեական հետապնդումը շարունակելու կամ այն դադարեցնելու հարցը, ապա յուրաքանչյուր դեպքում քրեական հետապնդման ժամկետը ոչ մեծ կամ միջին ծանրության հանցանքի վերաբերյալ մեղադրանքով կարող է կասեցվել երկու ամսից ոչ ավելի, իսկ ծանր կամ առանձնապես ծանր հանցանքի վերաբերյալ մեղադրանքով՝ չորս ամսից ոչ ավելի ժամկետով։ Ամեն դեպքում, սույն մասով նախատեսված հիմքերով քրեական հետապնդման կասեցման ընդհանուր ժամկետը նույն մեղադրյալի նկատմամբ ոչ մեծ կամ միջին ծանրության հանցանքի վերաբերյալ մեղադրանքով չի կարող գերազանցել սույն օրենսգրքի 192-րդ հոդվածով նախատեսված քրեական հետապնդման առավելագույն ժամկետները, իսկ ծանր կամ առանձնապես ծանր հանցանքի վերաբերյալ մեղադրանքով՝ նույն հոդվածով նախատեսված քրեական հետապնդման առավելագույն ժամկետների կրկնապատիկը։
4. Քրեական հետապնդման ժամկետը կաuեցվում է մինչև դրա համար հիմք ծառայած հանգամանքների վերանալը, իսկ սույն հոդվածի 2-րդ մասի 4-րդ կետով նախատեսված դեպքում` մինչև համագործակցությունը դադարեցնելը կամ մինչև մեղադրյալի կողմից համագործակցության համաձայնագրով ստանձնած պարտականությունները պատշաճ կատարելը։»
ՀՀ քրեական դատավարության օրենսգրքի 194-րդ հոդվածի համաձայն․ «1. Քրեական հետապնդման ժամկետը կասեցնելու մասին որոշումն ընդունվում է մեղադրյալի բացակայությամբ հնարավոր և անհրաժեշտ բոլոր վարութային գործողությունները կատարելուց հետո, սակայն չի սահմանափակում նախաքննության ընթացքում վարութային այլ գործողությունների կատարումը, եթե դրա անհրաժեշտությունն առաջացել է քրեական հետապնդման ժամկետը կասեցնելուց հետո:
2. Քրեական հետապնդման ժամկետը կասեցնելու մասին միջնորդությունը վարույթի նյութերի հետ միասին քննիչն անհապաղ ուղարկում է հսկող դատախազին: Հսկող դատախազը միջնորդությունն ստանալու պահից ոչ ուշ, քան յոթ օրվա ընթացքում որոշում է կայացնում քրեական հետապնդման ժամկետը կասեցնելու մասին կամ որոշմամբ մերժում է միջնորդությունը: Այդ որոշումներն անհապաղ ուղարկվում են քննիչին:
3. Քրեական հետապնդման ժամկետը կասեցնելու մասին հսկող դատախազի որոշումն ստանալուց հետո քննիչը դրա պատճեններն անհապաղ հանձնում է վարույթի մասնավոր մասնակիցներին` նրանց գրավոր պարզաբանելով որոշումը բողոքարկելու կարգը և ժամկետները:
4. Քրեական հետապնդման ժամկետը կասեցնելու մասին որոշումը վարույթի մասնավոր մասնակիցը կարող է բողոքարկել վերադաս դատախազին` այն ստանալու պահից տասնհինգօրյա ժամկետում: Վերադաս դատախազը բողոքը ստանալու պահից տասնհինգօրյա ժամկետում որոշում է կայացնում այն բավարարելու կամ մերժելու մասին:»
ՀՀ քրեական դատավարության օրենսգրքի 195-րդ հոդվածի համաձայն․ «1.Քրեական հետապնդման ժամկետը վերսկսվում է, երբ վերանում է այն կասեցնելու հիմքը: Քրեական հետապնդման ժամկետը կասեցնելու հիմքը վերանալու դեպքում քննիչը հսկող դատախազին միջնորդություն է ներկայացնում քրեական հետապնդման ժամկետը վերսկսելու մասին:
2. Այդ միջնորդությունը ներկայացնելու, այն լուծելու, ինչպես նաև համապատասխան որոշման հանձնման և բողոքարկման նկատմամբ կիրառվում է սույն օրենսգրքի 194-րդ հոդվածի 2-4-րդ մասերով սահմանված կարգը: (…)»:
Մարդու իրավունքների եվրոպական դատարանն (այսուհետ՝ նաև Եվրոպական դատարան) ողջամիտ ժամկետում դատաքննության անձի իրավունքի վերաբերյալ արտահայտել է հետևյալ իրավական դիրքորոշումները.
-դատարանն իրազեկ է այն դժվարություններին, որոնք ձգձգում են գործերի քննությունն ազգային դատարանների կողմից և որոնք պայմանավորված են բազմապիսի հանգամանքներով։ Այնուամենայնիվ Եվրոպական կոնվենցիայի 6-րդ հոդվածի 1-ին մասը պահանջում է, որ գործերը քննության առնվեն ողջամիտ ժամկետում. Եվրոպական կոնվենցիան ընդգծում է առանց այնպիսի ձգձգումների արդարադատություն իրականացնելու կարևորությունը, որոնք կարող են վարկաբեկել դրա արդյունավետությունն ու ճշմարտացիությունը (տե՛ս H. v. France գործով Եվրոպական դատարանի` 1989 թվականի հոկտեմբերի 24-ի վճիռը, գանգատ թիվ 10073/82, կետ 58),
- քրեական գործերով Եվրոպական կոնվենցիայի 6-րդ հոդվածի 1-ին կետի նպատակն է ապահովել, որ անձինք մեղադրված չլինեն չափազանց երկար, և որոշվի մեղադրանքի հիմնավորվածությունը (տե՛ս Եվրոպական դատարանի՝ Wemhoff v. Germany գործով 1968 թվականի հունիսի 27-ի վճիռը, գանգատ թիվ 2122/64, կետ 18, Kart v. Turkey գործով 2009 թվականի դեկտեմբերի 3-ի վճիռը, գանգատ թիվ 8917/05, կետ 68),
- ժամկետը, որը պետք է հաշվի առնվի, սկսվում է այն օրվանից, երբ անձին մեղադրանք է ներկայացվում (տե՛ս Neumeister v. Austria գործով Մարդու իրավունքների եվրոպական դատարանի՝ 1968 թվականի հունիսի 27-ի վճիռը, գանգատ թիվ 1936/63, կետ 18): Այն կարող է նաև սկսվել անձի ձերբակալման պահից (տե'ս Wemhoff v. Germany գործով Մարդու իրավունքների եվրոպական դատարանի` 1968 թվականի հունիսի 27-ի վճիռը, գանգատ թիվ 2122/64, կետ 19), կամ նույնիսկ նախնական քննությունը սկսվելու պահից (տե'ս Ringeisen v. Austria գործով Մարդու իրավունքների եվրոպական դատարանի` 1971 թվականի հուլիսի 16-ի վճիռը, գանգատ թիվ 2614/65, կետ 110: Տե'ս Ringeisen v. Austria գործով Մարդու իրավունքների եվրոպական դատարանի` 1971 թվականի հուլիսի 16-ի վճիռը, գանգատ թիվ 2614/65, կետ 110),
-քրեական գործերում այն ժամկետը, որի նկատմամբ կիրառելի է Եվրոպական կոնվենցիայի 6-րդ հոդվածը, ընդգրկում է նշված վարույթն ամբողջությամբ՝ ներառյալ մինչդատական վարույթը (տե՛ս Եվրոպական դատարանի՝ Dvorski v. Croatia գործով 2015 թվականի հոկտեմբերի 20-ի վճիռը, գանգատ թիվ 25703/11, կետ 76) և բողոքարկման վարույթները (տե'ս Եվրոպական դատարանի՝ Konig v. Germany գործով 1978 թվականի հունիսի 28-ի վճիռը, գանգատ թիվ 6232/73, կետ 98, V. v. The United Kingdom գործով 1999 թվականի դեկտեմբերի 16-ի վճիռը, գանգատ թիվ 24888/94, կետ 109),
- որոշելիս, թե արդյո՞ք քրեական վարույթի տևողությունը ողջամիտ է եղել, թե ոչ, պետք է հաշվի առնվեն այնպիսի գործոններ, ինչպիսիք են գործի բարդությունը, դիմումատուի վարքագիծը, իրավասու մարմինների վարքագիծը, դիմումատուի համար ողջամիտ ժամկետի չպահպանման հետևանքները (տե՛ս Եվրոպական դատարանի՝ Aganikyan v. Armenia գործով 2018 թվականի ապրիլի 5-ի վճիռը, գանգատ թիվ 21791/12, կետ 31)։ Գործի բարդությունը կարող է բխել, օրինակ՝ մեղադրանքների թվից, վարույթում ներգրավված անձանց թվից, ինչպիսիք են մեղադրյալներն ու վկաները, կամ գործի միջազգային մասշտաբից (տե'ս Neumeister v. Austria գործով Մարդու իրավունքների եվրոպական դատարանի՝ 1968 թվականի հունիսի 27-ի վճիռը, գանգատ թիվ 1936/63, կետ 20)։ Չնայած նրան, որ գործը կարող է որոշակի բարդության լինել, չեն կարող չպարզաբանված անգործության երկար ժամանակահատվածները համարվել «ողջամիտ» (տե՛ս Adiletta and others v. Italy գործով Եվրոպական դատարանի՝ 1991 թվականի փետրվարի 19-ի վճիռը, գանգատներ թիվ 13978/88 14236/88 14237/88, կետ 17)։ Դիմումատուի վարքագիծն օբյեկտիվ փաստ է համարվում, որը չի կարող վերագրվել Պատասխանող պետությանը, և որը պետք է հաշվի առնել՝ որոշելիս, թե արդյոք վարույթի տևողությունը գերազանցում է ողջամիտ ժամկետը, թե ոչ (տե՛ս Eckle v. Germany գործով Եվրոպական դատարանի՝ 1982 թվականի հուլիսի 15-ի վճիռը, գանգատ թիվ 8130/78, կետ 82)։ Իրավասու մարմինների վարքագծի առումով Եվրոպական կոնվենցիայի 6-րդ հոդվածի 1-ին կետով Պայմանավորվող պետությունների վրա դրվում է իրենց դատական համակարգերն այնպես կազմակերպելու պարտականություն, որ դատարանները կարողանան բավարարել պահանջներից յուրաքանչյուրը (տե'ս Եվրոպական դատարանի՝ Abdoella v. The Netherlands գործով 1992 թվականի նոյեմբերի 25-ի վճիռը, գանգատ թիվ 12728/87, կետ 24, Dobbertin v. France գործով 1993 թվականի փետրվարի 25-ի վճիռը, գանգատ թիվ 13089/87, կետ 44)։ Ինչ վերաբերում է դիմումատուի համար ողջամիտ ժամկետի չպահպանման հետևանքներին, ապա դրանք կարող են լինել նյութական և ոչ նյութական վնասի ձևով (տե'ս Vallée v. France գործով Եվրոպական դատարանի` 1994 թվականի ապրիլի 26-ի վճիռը, գանգատ թիվ 22121/93, կետ 49)։
Ողջամիտ ժամկետում դատաքննության սկզբունքը մարդու հիմնարար իրավունքներից է։ Այն անձի արդար դատաքննության իրավունքի առանցքային բաղադրիչներից է և միտված է հնարավորինս սեղմ ժամկետում գործի քննությունն ապահովելուն, անձի իրավունքների, շահերի առնչությամբ իրավական վեճը հանգուցալուծելուն և վերջնական դատական ակտ կայացնելուն։ Ողջամիտ ժամկետում դատաքննության իրավունքի երաշխավորումն ապահովում է նաև սոցիալական արդարության վերականգնումը, նպաստում հանցագործությունների կանխմանը և խափանմանը, հանցավոր ոտնձգություններին արդյունավետորեն հակազդելու պետության կարողությունների նկատմամբ հասարակության վստահության ամրապնդմանը։
Գործի քննության ողջամիտ ժամկետի ապահովման երաշխիք են ՀՀ քրեական դատավարության օրենսգրքով նախատեսված մի շարք կառուցակարգեր։ Մասնավորապես՝ կախված անձին մեղսագրվող արարքի ծանրության աստիճանից օրենսդիրը սահմանել է քրեական հետապնդման առավելագույն ժամկետ, որի չպահպանելն անվերապահորեն հանգեցնում է քրեական հետապնդման դադարեցման։
Հաշվի առնելով քրեական վարույթում ներգրավված անձանց համար վարույթը հնարավոր սեղմ ժամկետներում ավարտելու կարևորությունը, օրենսդիրը սկզբունքի մակարդակի է բարձրացրել նախաքննությունը և դատաքննությունը ողջամիտ ժամկետում ավարտելու պահանջը, որի հիման վրա և ի կենսագործումն այդ պահանջի նախատեսվել են հատուկ կարգավորումներ: Քրեական վարույթի ժամկետի ողջամտությունը գնահատելիս, կարևոր նշանակություն ունեն վարույթի բարդությունը, դրանում ներգրավված անձանց բազմաքանակությունը, ընդհանուր առմամբ նրանց դրսևորած վարքագիծը և վարույթի բնականոն ընթացքին հակազդելու հանգամանքը, սակայն, ամեն դեպքում առանցքային նշանակություն ունի վարույթն իրականացնող մարմնի դրսևորած պատշաճ ջանասիրությունը՝ ուղղված ողջամիտ ժամկետում վարույթն ավարտելուն:
Քանի որ մինչդատական վարույթն ուղեկցվում է անձի իրավունքներն էականորեն սահմանափակող դատավարական հարկադրանքի միջոցների կիրառմամբ, վերը նշված նորմերով սահմանելով յուրաքանչյուր մեղադրյալի՝ ողջամիտ ժամկետում դատարանի առջև կանգնելու իրավունքը, օրենսդիրը պարտավորեցնում է քրեական հետապնդման մարմիններին հնարավոր սեղմ ժամկետում ավարտել մինչդատական վարույթը և մեղադրյալին ընձեռել հրապարակայնության և մրցակցության պայմաններում իրեն առաջադրված մեղադրանքը դատարանում վիճարկելու հնարավորություն, կամ, որպես դրան այլընտրանք՝ մեղադրյալի նկատմամբ քրեական հետապնդումը դադարեցնել, հետևաբար՝ այդ մասով ավարտել քրեական վարույթը:
Վերը շարադրված քրեադատավարական նորմերից հետևում է, որ մինչդատական վարույթում քրեական հետապնդման համար սահմանված ժամկետները հարաբերականորեն կարճ են, իսկ դրանց կասեցման և երկարաձգման հիմքերը, ըստ էության, բացառիկ և քրեական հետապնդումը չի կարող չարդարացված երկար տևել՝ անձին պահելով անորոշ կախվածության մեջ։ Հակառակ դեպքում, անկախ վարույթի հետագա փուլերի տևողությունից և ընթացքից, կխախտվի անձի՝ ողջամիտ ժամկետում իր գործի քննության սահմանադրական և կոնվենցիոն իրավունքը։
Անձին պաշտոնապես մեղադրելով հանցանքի կատարման մեջ՝ պետությունը հնարավորություն է ստանում քրեական վարույթի ընթացքում տևական ժամանակով սահմանափակել նրա իրավունքները և ազատությունները։ Որպես դրան հակակշիռ ՀՀ քրեական դատավարության օրենսգիրքը սահմանել է հարուցված քրեական հետապնդման համար ժամկետային սահմանափակումներ՝ ելնելով մեղսագրվող արարքի ծանրության աստիճանից: Նշված կանոնը ուղղված է մի կողմից մինչդատական վարույթն իրականացնող մարմնի՝ ողջամիտ ժամկետում գործի քննությունն ավարտելու պարտականության կատարման ապահովմանը, մյուս կողմից՝ երաշխավորում է, որ մինչդատական վարույթում անձի նկատմամբ հարուցված քրեական հետապնդումը չհիմնավորված երկար չտևի: Որպես վերոնշյալի ապահովման միջոց՝ ՀՀ քրեական դատավարության օրենսգրքով սահմանվել է, որ քրեական հետապնդման առավելագույն ժամկետը լրանալու և դրա ընթացքում դատախազի կողմից վարույթի նյութերը դատարանին չհանձնելու դեպքում հարուցված քրեական հետապնդումը ենթակա է դադարեցման։
Միևնույն ժամանակ որպես հանրային և մասնավոր շահերի հավասարակշռված պաշտպանությունն ապահովելու կառուցակարգ՝ օրենսդիրը նախատեսել է քրեական հետապնդման ժամկետի բացառիկ դեպքում երկարաձգման հնարավորություն և կասեցման հնարավորություն։ Քրեական հետապնդման ժամկետի կասեցում օրենսդիրը նախատեսել է ինչպես անորոշ ժամանակահատվածով, այնպես էլ հստակ սահմանված ժամկետներով։ Եթե քրեական հետապնդման ժամկետը կասեցվում է այնպիսի հիմքով, որն ուղղակիորեն կապված է մեղադրյալի հետ կամ ունի բացառապես օբյեկտիվ բնույթ, ապա ժամկետի հոսքը վերականգնվում է որոշակի հանգամանքների վերանալու կամ ի հայտ գալու ուժով։ Իսկ երբ քրեական հետապնդման ժամկետի կասեցումը պայմանավորված է հատուկ հանգամանքներով (փորձագետի եզրակացությունը կամ իրավական օգնության մասին հարցման պատասխանը ստանալը), ապա նշված դեպքերում օրենսդիրը կիրառել է կասեցման որոշակիացված ժամկետ սահմանելու չափանիշը սահմանելով, որ եթե առանց նշանակված փորձաքննության եզրակացությունը կամ առանց քրեական վարույթով իրավական օգնություն ցույց տալու մասին միջազգային հարցման պատասխանը ստանալու հնարավոր չէ լուծել մեղադրյալի նկատմամբ քրեական հետապնդումը շարունակելու կամ այն դադարեցնելու հարցը, ապա յուրաքանչյուր դեպքում քրեական հետապնդման ժամկետը ոչ մեծ կամ միջին ծանրության հանցանքի վերաբերյալ մեղադրանքով կարող է կասեցվել երկու ամսից ոչ ավելի, իսկ ծանր կամ առանձնապես ծանր հանցանքի վերաբերյալ մեղադրանքով՝ չորս ամսից ոչ ավելի ժամկետով։
Օրենսդիրը նաև կարգավորել է քրեական հետապնդման ժամկետների կասեցման կարգը և հստակ սահմանել կասեցման ժամկետի սկիզբը և ավարտը։ Մասնավորապես՝ քրեական հետապնդման ժամկետը կասեցնելու մասին միջնորդություն ներկայացնող սուբյեկտ օրենսդիրը նախատեսել է վարույթն իրականացնող քննիչին, իսկ միջնորդության քննարկումը և դրա վերաբերյալ որոշում կայացնելու լիազորություն ընձեռել է հսկող դատախազին: ՀՀ քրեական դատավարության օրենսգրքով հստակեցվել է նաև կասեցման ժամկետի սկիզբը, մասնավորապես սահմանվել է, որ քրեական հետապնդման ժամկետը կասեցվում է քննիչի միջնորդության հիման վրա՝ հսկող դատախազի կողմից որոշում կայացնելու պահից: Սահմանվել է նաև կասեցման ժամկետի ավարտը, նկատի ունենալով գործը ողջամիտ ժամկետներում քննելու սկզբունքը և այդ ժամկետը չթողնելով վարույթն իրականացնող մարմնի հայեցողությանը։ Վերը շարադրված հոդվածներից հետևում է, որ քրեական հետապնդման կասեցման ժամկետն ավարտվում և ժամկետը վերսկսում է կասեցման հիմքի վերացման պահից, այսինքն՝ օրենսդիրն ի տարբերություն քրեական հետապնդման կասեցման ժամկետի մեկնարկի, ավարտը չի պայմանավորում դատախազի որոշմամբ, այլ պայմանավորում է կասեցման հիմքի ավարտով։ Օրինակ՝ փորձաքննության եզրակացությունը ստացված չլինելու հիմքով քրեական հետապնդման ժամկետը վերսկսվում է փորձաքննության եզրակացությունը ստանալու պահից։ Այլ խոսքով, քրեական հետապնդման կասեցված ժամկետի հետագա ընթացքը ենթակա է հաշվարկման կասեցման հիմքի վերացման, այլ ոչ թե դրա վերաբերյալ հսկող դատախազի կողմից որոշում կայացնելու պահից: Հատկանշական է, որ քրեական հետապնդման ժամկետի վերսկսումը դատախազի որոշմամբ պայմանավորելը հակասում է հիշյալ կարգավորումների սկզբունքային նշանակությանը, քանի որ այդ դեպքում վարույթն իրականացնող մարմնին կտրվի քրեական հետապնդման ժամկետներն արհեստականորեն ձգձգելու հնարավորություն, մասնավորապես, վարույթն իրականացնող մարմնի կողմից հսկող դատախազին քրեական հետապնդման միջնորդությունն ուշ ներկայացնելու արդյունքում կխախտվի վարույթի ողջամիտ ժամկետի սկզբունքը։
Սույն գործի փաստական տվյալների համաձայն.
-2023 թվականի դեկտեմբերի 19-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին՝ Աշոտ Արմենի Ղազարյանի նկատմամբ՝ ՀՀ քրեական օրենսգրքի 44-393-րդ հոդվածի 1-ին մասով և 399-րդ հոդվածի 1-ին մասով հանրային քրեական հետապնդում հարուցելու մասին։
-2023 թվականի դեկտեմբերի 19-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին՝ Զավեն Շանթ Ռաֆիի Իսրաելյանի նկատմամբ՝ ՀՀ քրեական օրենսգրքի 44-393-րդ հոդվածի 1-ին մասով և 399-րդ հոդվածի 1-ին մասով հանրային քրեական հետապնդում հարուցելու մասին։
-2023 թվականի դեկտեմբերի 20-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ՝ ՀՀ քրեական օրենսգրքի 399-րդ հոդվածի 1-ին մասով և ՀՀ քրեական օրենսգրքի 44-393-րդ հոդվածի 1-ին մասով հանրային քրեական հետապնդում հարուցելու մասին։
-2023 թվականի դեկտեմբերի 20-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ՝ ՀՀ քրեական օրենսգրքի 46-399-րդ հոդվածի 1-ին մասով և ՀՀ քրեական օրենսգրքի 44-393-րդ հոդվածի 1-ին մասով հանրային քրեական հետապնդում հարուցելու մասին։
-2024 թվականի հուլիսի 01-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
-2024 թվականի հուլիսի 01-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
-2024 թվականի հուլիսի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
-2024 թվականի հուլիսի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2024 թվականի նոյեմբերի 01-ը։
-2024 թվականի հոկտեմբերի 24-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2025 թվականի մարտի 01-ը։
-2024 թվականի հոկտեմբերի 24-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով՝ մինչև 2025 թվականի մարտի 01-ը։
-2024 թվականի նոյեմբերի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով։
-2024 թվականի նոյեմբերի 01-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետը կասեցնելու մասին՝ 4 ամիս ժամկետով։
-2024 թվականի դեկտեմբերի 10-ին <<Հայաստանի Հանրապետության փորձագիտական ազգային կենտրոն>> ՊՈԱԿ-ից ելքագրվել է և ըստ գործի քրեական գործի նյութերի՝ 2025 թվականի հունվարի 27-ին ՀՀ ՔԿ տնտեսական հանցագործությունների և մաքսանենգությունների քննության գլխավոր վարչությունում մուտքագրվել է /ըստ մուտքի կնիքի/ փորձագետի թիվ 45212305 եզրակացությունը։
-2025 թվականի հունվարի 27-ին ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչ՝ Հ.Նազարյանը միջնորդություն է հարուցել թիվ 83-0237-23 քրեական վարույթով հսկող դատախազին Աշոտ Արմենի Ղազարյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
-2025 թվականի հունվարի 27-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
-2025 թվականի հունվարի 29-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Զավեն Շանթ Ռաֆիի Իսրաելյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
-2025 թվականի հունվարի 29-ին ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչության ավագ դատախազ՝ Ռ․Գևորգյանը որոշում է կայացրել Աշոտ Արմենի Ղազարյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
-թիվ 83-0237-23 քրեական վարույթի նյութերն ըստ մեղադրանքի Զավեն Շանթ Ռաֆիի Իսրաելյանի՝ ՀՀ քրեական օրենսգրքի 399-րդ հոդվածի 1-ին մասով և 44-393-րդ հոդվածի 1-ին մասով և Աշոտ Արմենի Ղազարյանի՝ ՀՀ քրեական օրենսգրքի 46-399-րդ հոդվածի 1-ին մասով և 44-396-րդ հոդվածի 1-ին մասով, 2025 թվականի մարտի 07-ի գրությամբ ՀՀ գլխավոր դատախազության բնակչության առողջության դեմ ուղղված հանցագործությունների գործերով վարչությունից ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 10.03.2025 թվականին և նույն օրն էլ համակարգչային ծրագրի միջոցով իրականացվող գործերի բաշխմամբ, գործը մակագրվել է դատավոր Ժ․Չիչոյանին: Սույն միջնորդության քննարկման և լուծման համար էական նշանակություն ունեցող հանգամանքների հաստատման նպատակով պաշտպան Հ․ Դավթյանի կողմից դատարան է ներկայացվել <<Հայաստանի Հանրապետության փորձագիտական ազգային կենտրոն>> ՊՈԱԿ-ի տնօրեն Դ․Ղուլյանի կողմից վերջինիս հասցեագրված գրության օրինակը, համաձայն որի՝ ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում քննված թիվ 83-0237-23 քրեական վարույթի շրջանակներում նշանակված թիվ 45212305 դատանյութագիտական և դատաբուսաբանական համալիր փորձաքննության եզրակացությունը փորձագետի կողմից 2024 թվականի դեկտեմբերի 10-ին հանձնվել է փորձագիտական հիմնարկի գրասենյակ, իսկ 2024 թվականի դեկտեմբերի 20-ին փորձաքննության եզրակացությունը ելքագրվել է գրասենյակից և առձեռն հանձնվել է վարույթն իրականացրած մարմնին։
Վերոգրյալ փաստական տվյալների և սույն որոշմամբ վկայակոչված իրավադրույթների և իրավական դիրքորոշումների լույսի ներքո գնահատման ենթարկելով գործի փաստական հանգամանքները, Դատարանն արձանագրում է, որ քրեական վարույթով մեղադրյալներ Զավեն Շանթ Ռաֆիի Իսրաելյանի և Աշոտ Արմենի Ղազարյանի նկատմամբ հարուցված ծանր հանցանքի, այն է՝ ՀՀ քրեական օրենսգրքի 399-րդ հոդվածի 1-ին մասով, 44-393-րդ հոդվածի 1-ին մասով, ՀՀ քրեական օրենսգրքի 46-399-րդ հոդվածի 1-ին մասով և 44-396-րդ հոդվածի 1-ին մասով 2023 թվականի դեկտեմբերի 20-ին հարուցված քրեական հետապնդման ութամսյա ժամկետը 2024 թվականի հուլիսի 01-ին կասեցվել է՝ առանց նշանակված դատանյութագիտական փորձաքննության եզրակացությունը ստանալու մեղադրյալի նկատմամբ քրեական հետապնդումը շարունակելու կամ այն դադարեցնելու հարցը լուծելը հնարավոր չլինելու հիմքով, իսկ մինչ այդ՝ 2023 թվականի դեկտեմբերի 20-ից մինչ 2024 թվականի հուլիսի 01-ն ընկած միջակայքում քրեական հետապնդման ժամկետները հոսել են և կազմել 6 (վեց) ամիս 10 (տաս) օր: Դատարանն արձանագրում է, որ <<Հայաստանի Հանրապետության փորձագիտական ազգային կենտրոն>> ՊՈԱԿ-ի տնօրենի կողմից պաշտպանին տրամադրված գրությունից պարզ է դառնում, որ փորձագետի թիվ 45212305 եզրակացությունը վարույթն իրականացրած մարմնին փաստացի հասանելի է դարձել 20․12․2024 թվականից, հետևաբար Զավեն Շանթ Ռաֆիի Իսրաելյանի և Աշոտ Արմենի Ղազարյանի նկատմամբ հարուցված հանրային քրեական հետապնդման ժամկետի կասեցման հիմքը վերացել է 2024 թվականի դեկտեմբերի 20-ին, այսինքն՝ այն պահից, երբ վարույթն իրականացրած մարմնին առձեռն տրամադրվել է փորձաքննության եզրակացությունը և այդ պահից կրկին սկսել են հոսել քրեական հետապնդման ժամկետները: Հետևաբար, Դատարանը գտնում է, որ Զավեն Շանթ Ռաֆիի Իսրաելյանի՝ ՀՀ քրեական օրենսգրքի 399-րդ հոդվածի 1-ին մասով և 44-393-րդ հոդվածի 1-ին մասով և Աշոտ Արմենի Ղազարյանի՝ ՀՀ քրեական օրենսգրքի 46-399-րդ հոդվածի 1-ին մասով և 44-396-րդ հոդվածի 1-ին մասով հարուցված հանրային քրեական հետապնդման ութամսյա ժամկետը սույն քրեական վարույթով ավարտվել է 2025 թվականի փետրվարի 09-ին, մինչդեռ դատախազը սույն քրեական գործը դատարան է հանձնել 2025 թվականի մարտի 10-ին։
Ելնելով վերոգրյալից և նկատի ունենալով այն հանգամանքը, որ թիվ 83-0237-23 քրեական վարույթի նյութերը Դատարանում ստացվել է 2025 թվականի մարտի 10-ին, այսինքն՝ քրեական հետապնդման առավելագույն ժամկետն անցած լինելու պայմաններում, Դատարանը գտնում է, որ Զավեն Շանթ Ռաֆիի Իսրաելյանի նկատմամբ ՀՀ քրեական օրենսգրքի 399-րդ հոդվածի 1-ին մասով և 44-393-րդ հոդվածի 1-ին մասով և Աշոտ Արմենի Ղազարյանի նկատմամբ ՀՀ քրեական օրենսգրքի 46-399-րդ հոդվածի 1-ին մասով և 44-396-րդ հոդվածի 1-ին մասով հարուցված քրեական հետապնդումը ենթակա է դադարեցման ՀՀ քրեական դատավարության օրենսգրքի 12-րդ հոդվածի 1-ին մասի 7-րդ կետի կիրառմամբ, իսկ քրեական վարույթը այն շարունակելու անհնարինության հիմքով՝ կարճման:
ՀՀ քրեական դատավարության օրենսգրքի 315-րդ հոդվածի 2-րդ մասի համաձայն`
«2. Քրեական հետապնդումը դադարեցնելու մասին որոշմամբ վերացվում են տվյալ մեղադրյալի նկատմամբ կիրառված հարկադրանքի միջոցները, իսկ վարույթը կարճելու դեպքում` նաև այլ անձանց նկատմամբ կիրառված հարկադրանքի միջոցները: Վարույթը կարճելու մասին որոշմամբ լուծվում է նաև իրեղեն ապացույցների տնօրինման հարցը:»:
ՀՀ քրեական դատավարության օրենսգրքի 117-րդ հոդվածի 1-ին մասի համաձայն`
«1. Եթե խափանման միջոցի գործողության ընթացքում փոխվել կամ վերացել են դրա իրավաչափության պայմանները, վարույթն իրականացնող մարմինն իր իրավասության սահմաններում որոշում է կայացնում խափանման միջոցը փոխելու կամ վերացնելու մասին:»:
Անդրադառնալով իրեղեն ապացույցների տնօրինման և պահպանման հարցին՝ Դատարանը գտնում է, որ իրեղեն ապացույց ճանաչված 0,033 գրամ քաշով «ԼՍԴ» տեսակի թմրամիջոցը և 3,675 գրամ քաշով «Մարիխուանա» տեսակի թմրամիջոցը, «ՀՀ քննչական կոմիտեի 863 համարի» կլոր կնիքի դրոշմով կնիքված՝ «Վերահսկերի մատակարարում և գնում» օպերատիվ-հետախուզական միջոցառման արդյունքում թմրամիջոցներին փոխարինված զանգվածների պարունակությամբ «RT804328575DE» համարի առաքանու փաթեթը՝ որոշումն օրինական ուժի մեջ մտնելուց հետո պետք է ոչնչացնել, Աշոտ Ղազարյանի անձնական խուզարկությամբ հայտնաբերված »Xiaomi pco F5» մոդելի բջջային հեռախոսը՝ վերադարձնել Աշոտ Ղազարյանին, Զավեն Իսրաելյանի անձնական խուզարկությամբ հայտնաբերված «Սամսունգ» մոդելի բջջային հեռախոսը՝ վերադարձնել Զավեն Իսրաելյանին։
Քննարկելով որպես արտավարութային փաստաթուղթ ճանաչված և քրեական վարույթին կցված՝ «RT804328575DE» բեռնակրման համարով բեռնագրի պատճենի, ՀՀ ՊԵԿ ՄԴՊ վարչության կողմից 15.12.2023թ. կազմված մաքսային զննման (մաքսային տեսազննման) թիվ Զ-195-2023 ակտով և 15.12.2023թ. կազմված մաքսանենգության դեպքի վերաբերյալ ՄԿԽԴ-513 արձանագրության տնօրինման հարցը, Դատարանը գտնում է, որ դրանք պետք է պահել քրեական գործի հետ միասին՝ վերջինիս պահելու ամբողջ ժամանակամիջոցում:
Քննարկելով մեղադրյալի նկատմամբ ընտրված խափանման միջոցի հարցը, Դատարանը գտնում է, որ մեղադրյալ Աշոտ Ղազարյանի նկատմամբ որպես այլընտրանքային խափանման միջոց ընտրված Հայաստանի Հանրապետությունից բացակայելու արգելքը որոշումն օրինական ուժի մեջ մտնելուց հետո պետք է վերացնել:
Քննարկելով մեղադրյալի նկատմամբ ընտրված խափանման միջոցի հարցը, Դատարանը գտնում է, որ մեղադրյալ Զավեն Իսրաելյանի նկատմամբ որպես այլընտրանքային խափանման միջոց ընտրված Հայաստանի Հանրապետությունից բացակայելու արգելքը որոշումն օրինական ուժի մեջ մտնելուց հետո պետք է վերացնել։

III.Եզրափակիչ մաս.
Ելնելով վերոգրյալից և ղեկավարվելով ՀՀ քրեական օրենսգրքի 17-րդ և ՀՀ քրեական դատավարության օրենսգրքի 12-13-րդ, 33-րդ, 192-193-րդ, 195-րդ, 311-րդ, 315-րդ, 352-րդ հոդվածներով, Դատարանը.
Ո Ր Ո Շ Ե Ց

Մեղադրյալներ Աշոտ Ղազարյանի և Զավեն Իսրաելյանի պաշտպանների միջնորդությունը բավարարել:
Աշոտ Արմենի Ղազարյանի նկատմամբ՝ ՀՀ քրեական օրենսգրքի 46-399-րդ հոդվածի 1-ին մասով և ՀՀ քրեական օրենսգրքի 44-396-րդ հոդվածի 1-ին մասով քրեական հետապնդումը դադարեցնել՝ ՀՀ քրեական դատավարության օրենսգրքի 12-րդ հոդվածի 1-ին մասի 7-րդ կետի, այն է` քրեական հետապնդման առավելագույն ժամկետն անցած լինելու, և դատախազի կողմից այդ ժամկետի ընթացքում վարույթի նյութերը դատարան հանձված չլինելու պատճառաբանությամբ:
Որոշումն օրինական ուժի մեջ մտնելուց հետո Աշոտ Արմենի Ղազարյանի նկատմամբ կիրառված խափանման միջոցը՝ Հայաստանի Հանրապետությունից բացակայելու արգելքը և դրանով պայմանավորված սահմանափակումները՝ վերացնել:
Զավեն Շանթ Իսրաելյանի նկատմամբ՝ ՀՀ քրեական օրենսգրքի 399-րդ հոդվածի 1-ին մասով և ՀՀ քրեական օրենսգրքի 44-393-րդ հոդվածի 1-ին մասով քրեական հետապնդումը դադարեցնել՝ ՀՀ քրեական դատավարության օրենսգրքի 12-րդ հոդվածի 1-ին մասի 7-րդ կետի, այն է` քրեական հետապնդման առավելագույն ժամկետն անցած լինելու, և դատախազի կողմից այդ ժամկետի ընթացքում վարույթի նյութերը դատարան հանձված չլինելու պատճառաբանությամբ:
Որոշումն օրինական ուժի մեջ մտնելուց հետո Զավեն Շանթ Իսրաելյանի նկատմամբ կիրառված խափանման միջոցը՝ Հայաստանի Հանրապետությունից բացակայելու արգելքը և դրանով պայմանավորված սահմանափակումները՝ վերացնել:
Որոշումն օրինական ուժի մեջ մտնելուց հետո իրեղեն ապացույց ճանաչված՝ 0,033 գրամ քաշով «ԼՍԴ» տեսակի թմրամիջոցը և 3,675 գրամ քաշով «Մարիխուանա» տեսակի թմրամիջոցը, «ՀՀ քննչական կոմիտեի 863 համարի» կլոր կնիքի դրոշմով կնիքված՝ «Վերահսկերի մատակարարում և գնում» օպերատիվ-հետախուզական միջոցառման արդյունքում թմրամիջոցներին փոխարինված զանգվածների պարունակությամբ «RT804328575DE» համարի առաքանու փաթեթը՝ ոչնչացնել, Աշոտ Ղազարյանի անձնական խուզարկությամբ հայտնաբերված »Xiaomi pco F5» մոդելի բջջային հեռախոսը՝ վերադարձնել Աշոտ Ղազարյանին, Զավեն Իսրաելյանի անձնական խուզարկությամբ հայտնաբերված «Սամսունգ» մոդելի բջջային հեռախոսը՝ վերադարձնել Զավեն Իսրաելյանին։
Արտավարույթային փաստաթուղթ ապացույց ճանաչված և քրեական վարույթին կցված՝ փաստաթղթերը, պահել քրեական գործի հետ միասին՝ վերջինիս պահելու ամբողջ ժամանակամիջոցում:
Թիվ ԵԴ1/0807/01/25 քրեական գործի վարույթը կարճել:
Որոշումը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:



ԴԱՏԱՎՈՐ՝ Ժ.ՉԻՉՈՅԱՆ