Գործ ԵԴ1/0781/01/25





Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ

նախագահությամբ՝ դատավոր Ս.ՅՈՒԶԲԱՇՅԱՆԻ
քարտուղարությամբ՝ Ա.ՔՈՉԱՐՅԱՆԻ
մասնակցությամբ`
հանրային մեղադրող՝ Երևան քաղաքի Արաբկիր և Քանաքեռ-
Զեյթուն վարչական շրջանների
դատախազության դատախազ
Է.ԹՈՎՄԱՍՅԱՆԻ
մեղադրյալ՝ Հ.ԴԱՎԹՅԱՆԻ

2025 թվականի հունիսի 27-ին, Երևան քաղաքում, դռնբաց դատական նիստում քննության առնելով քրեական գործն ըստ մեղադրանքի՝
Հարություն Ալբերտի Դավթյանի՝ ծնված՝ 08.12.1971թ., ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, չի աշխատում, դատվածություն չունեցող, հաշվառված և բնակվող՝ ք.Երևան, Երվանդ Քոչար փողոց, 35/1 տուն հասցեում, մեղադրվում է ՀՀ քրեական օրենսգրքի 344-րդ հոդվածի 1-ին մասով /7 դրվագ/, որպես խափանման միջոց է ընտրված բացակայելու արգելքը:

1. Գործի դատավարական նախապատմությունը.
1.1 2022 թվականի հոկտեմբերի 18-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60824122 քրեական վարույթը /հատոր 1-ին, գ.թ. 6/:
1.2 2022 թվականի դեկտեմբերի 16-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60898022 քրեական վարույթը /հատոր 1-ին, գ.թ. 26/:
1.3 Նույն օրը ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60898222 քրեական վարույթը /հատոր 1-ին, գ.թ. 27/:
1.4 2022 թվականի դեկտեմբերի 22-ին որոշում է կայացվել թիվ 60898022, թիվ 60898222 քրեական վարույթները թիվ 60824122 քրեական վարույթին միացնելու և նախաքննությունը թիվ 60824122 համարի ներքո շարունակելու մասին /հատոր 1-ին, գ.թ. 13-14/:
1.5 2023 թվականի փետրվարի 13-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60818923 քրեական վարույթը /հատոր 1-ին, գ.թ. 44/:
1.6 2023 թվականի փետրվարի 24-ին որոշում է կայացվել թիվ 60818923 քրեական վարույթը թիվ 60824122 քրեական վարույթին միացնելու և նախաքննությունը թիվ 60824122 համարի ներքո շարունակելու մասին /հատոր 1-ին, գ.թ. 35-37/:
1.7 2023 թվականի ապրիլի 19-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60884823 քրեական վարույթը /հատոր 1-ին, գ.թ. 59/:
1.8 2023 թվականի մայիսի 30-ին որոշում է կայացվել թիվ 60884823 քրեական վարույթը թիվ 60824122 քրեական վարույթին միացնելու և նախաքննությունը թիվ 60824122 համարի ներքո շարունակելու մասին /հատոր 1-ին, գ.թ. 51-53/:
1.9 2023 թվականի հունիսի 12-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60884823 քրեական վարույթը /հատոր 1-ին, գ.թ. 74/:
1.10 2023 թվականի հունիսի 22-ին որոշում է կայացվել թիվ 60938723 քրեական վարույթը թիվ 60824122 քրեական վարույթին միացնելու և նախաքննությունը թիվ 60824122 համարի ներքո շարունակելու մասին /հատոր 1-ին, գ.թ. 66-68/:
1.11 2023 թվականի նոյեմբերի 16-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60088723 քրեական վարույթը /հատոր 1-ին, գ.թ. 112-114/:
1.12 2023 թվականի նոյեմբերի 30-ին որոշում է կայացվել թիվ 60088723 քրեական վարույթը թիվ 60824122 քրեական վարույթին միացնելու և նախաքննությունը թիվ 60824122 համարի ներքո շարունակելու մասին /հատոր 1-ին, գ.թ. 87-90/:
1.13 2023 թվականի ապրիլի 04-ին ՀՀ քննչական կոմիտեի Կոտայքի մարզային քննչական վարչությունում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 49123323 քրեական վարույթը /հատոր 1-ին, գ.թ. 130-131/:
1.14 2023 թվականի օգոստոսի 31-ին որոշում է կայացվել թիվ 49123323 քրեական վարույթը թիվ 60824122 քրեական վարույթին միացնելու և նախաքննությունը թիվ 60824122 համարի ներքո շարունակելու մասին /հատոր 1-ին, գ.թ. 122-125/:
1.15 2024 թվականի դեկտեմբերի 12-ին Հարություն Ալբերտի Դավթյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով /հատոր 1-ին, գ.թ. 262-264/:
1.16 2024 թվականի դեկտեմբերի 18-ին որոշում է կայացվել թիվ 60824122 քրեական վարույթով մեղադրյալ Հ.Դավթյանի նկատմամբ որպես խափանման միջոց բացակայելու արգելք կիրառելու մասին /հատոր 1-ին, գ.թ. 265-268/:
1.17 2024 թվականի դեկտեմբերի 25-ին որոշում է կայացվել Հարություն Ալբերտի Դավթյանի նկատմամբ հարուցված հանրային քրեական հետապնդման ժամկետը կասեցնելու մասին /հատոր 1-ին, գ.թ. 282-288/:
1.18 2025 թվականի հունվարի 07-ին Հ.Դավթյանին մեղադրանք է ներկայացվել /հատոր 1-ին, գ.թ. 295-298/:
1.19 2025 թվականի հունվարի 10-ին որոշում է կայացվել Հարություն Ալբերտի Դավթյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին /հատոր 1-ին, գ.թ. 309-314/:
1.20 2025 թվականի փետրվարի 24-ին կազմվել է թիվ 60824122 քրեական վարույթով մեղադրական եզրակացությունը /հատոր 1-ին, գ.թ. 354-369/:
1.21 2025 թվականի մարտի 04-ին որոշում է կայացվել թիվ 60824122 քրեական վարույթով մեղադրական եզրակացությունը հաստատելու մասին։
1.22 2025 թվականի մարտի 07-ին թիվ 60824122 քրեական գործը մուտք է եղել դատարան, էլեկտրոնային եղանակով նույն օրը թիվ ԵԴ1/0781/01/25 համարի ներքո մակագրվել և նույն թվականի մարտի 10-ին հանձնվել է դատավոր Ս.Յուզբաշյանին։
1.23 2025 թվականի մարտի 10-ին որոշում է կայացվել քրեական գործով վարույթն ստանձնելու և նախնական դատալսումներ նշանակելու մասին:
1.24 2025 թվականի հունիսի 27-ին որոշում է կայացվել մեղադրյալ Հ.Դավթյանի նկատմամբ որպես խափանման միջոց կիրառված բացակայելու արգելքն անփոփոխ թողնելու մասին:
1.25 Նույն օրը որոշում է կայացվել հիմնական դատալսումներ նշանակելու մասին:
1.26 2025 թվականի հունիսի 27-ին կայացվել է մեղադրական վերդիկտ և նույն օրը որոշում է կայացվել լրացուցիչ դատալսումներ նշանակելու մասին:

2. Մեղադրանքի փաստական նկարագրությունը.
2.1 Հարություն Ալբերտի Դավթյանին ՀՀ քրեական օրենսգրքի 344-րդ հոդվածի 1-ին մասով (7 դրվագ) մեղադրանք է ներկայացվել պատժի սպառնալիքով արգելված մեղավորությամբ կատարված այն արարքների կատարման համար, որ նա, «տրանսպորտային միջոց վարելու իրավունքից զրկված վիճակում, վարել է տրանսպորտային միջոց:
Այսպես,
Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած՝ 2022 թվականի սեպտեմբերի 22-ին՝ ժամը 23:30-ին Երևան քաղաքի Կոմիտասի պողոտայում վարել է «Նիսսան» մակնիշի 36 FT 020 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180164266 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած՝ 2022 թվականի նոյեմբերի 03-ին ժամը 21:15-ին Երևան քաղաքի Տիգրան Մեծի պողոտայում վարել է «Նիսսան» մակնիշի 36 FT 020 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180166999 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած` 2022 թվականի դեկտեմբերի 27-ին ժամը 12:35-ին Երևան քաղաքի Թևոսյան փողոցում վարել է «Մերսեդես» մակնիշի 37 DF 046 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180167196 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած` 2023 թվականի մարտի 04-ին` ժամը 12:52-ին Երևան քաղաքի Մաշտոցի պողոտայում վարել է «Մերսեդես-Բենց» մակնիշի 36 LA 161 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180246361 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած՝ 2023 թվականի ապրիլի 07-ին` ժամը 23:05-ին Երևան քաղաքի Տերյան փողոցում վարել է «Մերսեդես-Բենց» մակնիշի 37 DF 046 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180245378 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած՝ 2023 թվականի մարտի 21-ին՝ ժամը 10:30-ի սահմաններում Կոտայքի մարզի Երևան-Իջևան ավտոճանապարհի 37 կմ հատվածում վարել է «Մերսեդես» մակնիշի 36 LA 161 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180282350 արձանագրությունը:
Բացի այդ, Հարություն Ալբերտի Դավթյանը, տեղալ լինելով ՀՀ վերաքննիչ քրեական դատարանի կողմից 04.04.2023 թվականի թիվ ԿԴ/0284/01/24 գործով կայացված դատավճռով մեկ տարի ժամկետով տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած՝ 2023 թվականի սեպտեմբերի 8-ին ժամը 13:28-ի սահմաններում Երևան քաղաքի Գայի պողոտայում վարել է Land rover մակնիշի 37 sf 256 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 830080325 արձանագրությունը»:

3. Հիմնական դատալսումների ընթացքում հետազոտված թույլատրելի ապացույցները.
3.1 Զննության 2024 թվականի սեպտեմբերի 16-ի արձանագրությունը, համաձայն որի՝ ճանապարհային ոստիկանության կողմից կայացված թիվ 2114001088, 2214031714, 2214041614, 2214052023, 2214062446, 2214072870, 2214101942, 2214161490, 2214216758, 2214218971, 2214235022, 2214263020, 2214471449 որոշումներով սպառվել է Հարություն Դավթյանի տուգանային միավորները, որից հետո կայացվել է 2214471449 արձանագրությունը համաձայն, որի «Opel» մակնիշի 37 PN 960 հաշվառման համարանիշի ավտոմեքենայի վարորդ Հարություն Ալբերտի Դավթյանը 2022թ. ապրիլի 10-ին Ժամը` 13:37-ին Երևան քաղաքի Ավետիսյան/Վաղարշյան խաչմերուկի հատվածում կատարել է վարչական իրավախախտում, որի համար վարչական օրենսգրքի 129.3-րդ հոդվածի 2-րդ մասի համաձայն, վարորդական իրավունքի վկայականից զրկվել է 1 տարի ժամկետով: Հայփոստ ընկերությունից առկա ծանուցման պատճենի զննության համաձայն, որոշումը չի հանձնվել հասցեատիրոջը և դրա վրա նշված է, որ տվյալ որոշումը հետ է վերադարձվել չպահանջված լինելու հիմքով:
Հարություն Դավթյանի կողմից ռեգիստրում գրանցված 094-500-832 հեռախոսահամարին 2022 թվականի մայիսի 7-ին ուղարկվել է հաղորդագրություն, համաձայն, որի վարորդական իրավունքի վկայականը կասեցվել է:
ՀՀ ՆԳՆ ռեգիստրից կատարված քաղվածքի համաձայն Հարություն Դավթյանի տվյալներով էջի կասեցումներ հատվածում առկա է գրառումներ /սկիզբ 10-05-2022/ և /ավարտ 10-05-2023/:
Ստացված արձանագրություն համաձայն, ձեռնարկվել են միջոցառումներ կասեցման որոշումը ոստիկանության Կենտրոնական բաժնի աշխատակիցների կողմից հանձնելու մասին, սակայն վերջինս Երվանդ Քոչարի 35/1 հասցեում չի բնակվել:
Ըստ ոստիկանության Ճանապարհային ոստիկանության ծառայության կողմից ստացված գրության Հարություն Դավթյանի վարորդական իրավունքը կասեցվել է ճանապարհային ոստիկանության թիվ 2112699889 որոշմամբ (կասեցման սկիզբը՝ 12-05-2021թ, ավարտը՝ 12-11-2021թ): Դրանից հետո բալերը նորից սպառելու հիմքով կայացվել է 2214471449 որոշումը, որով Հարություն Դավթյանը վարորդական իրավունքի վկայականից 1 տարով զրկվել է /հատոր 1-ին, գ.թ. 210-211, դատական նիստի արձանագրություն/:
3.2 Զննության 2024 թվականի սեպտեմբերի 16-ի արձանագրությունը, համաձայն որի՝ վարչական իրավախախտման վերաբերյալ 8180159421 արձանագրությունը կայացվել էր Հարություն Դավթյանի նկատմամբ 2022 թվականի օգոստոսի 3-ին ժամը 22:05-ին ՀՀ ՆԳՆ ոստիկանության պարեկային ծառայության աշխատակցի կողմից այն բանի համար, որ Հարություն Դավթյանը նույն օրը ժամը 21:40-ին Երևան քաղաքի Մաշտոցի պողոտայում վարել է Nissan մակնիշի 36 ft 020 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Հարություն Դավթյանը ստորագրել է արձանագրությունը:
Հարություն Դավթյանի նկատմամբ 2022 թվականի սեպտեմբերի 22-ին ժամը 23:35-ին կայացվել է վարչական իրավախախտման վերաբերյալ թիվ 8180164266 արձանագրությունը ՀՀ ՆԳՆ ոստիկանության պարեկ Հայկ Հովսեփյանի կողմից այն բանի համար, որ Հարություն Դավթյանը նույն օրը ժամը 23:30-ին Երևան քաղաքի Կոմիտասի պողոտայում վարել է Nissan մակնիշի 36 ft 020 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Հարություն Դավթյանը հրաժարվել է արձանագրությունը ստորագրելուց:
Վարչական իրավախախտման վերաբերյալ 8180166999 արձանագրությունը կայացվել էր Հարություն Դավթյանի նկատմամբ 2022 թվականի նոյեմբերի 23-ին ժամը 21:38-ին ՀՀ ՆԳՆ ոստիկանության պարեկ Վահե Հարությունյանի կողմից այն բանի համար, որ Հարություն Դավթյանը նույն օրը ժամը 21:15-ին Երևան քաղաքի Տիգրան Մեծի պողոտայում վարել է Nissan մակնիշի 36 ft 020 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում:
Վարչական իրավախախտման վերաբերյալ 8180167196 արձանագրությունը կայացվել էր Հարություն Դավթյանի նկատմամբ 2022 թվականի դեկտեմբերի 27-ին ժամը 12:50-ին ՀՀ ՆԳՆ ոստիկանության պարեկ Գրիգոր Սիմոնյանի կողմից այն բանի համար, որ Հարություն Դավթյանը նույն օրը ժամը 12:35-ին Երևան քաղաքի Թևոսյան փողոցում վարել է Mersedes մակնիշի 37 df 046 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Հարություն Դավթյանը ստորագրել է արձանագրությունը:
Վարչական իրավախախտման վերաբերյալ 8180246361 արձանագրությունը կայացվել էր Հարություն Դավթյանի նկատմամբ 2023 թվականի մարտի 4-ին ժամը 13:00-ին ՀՀ ՆԳՆ ոստիկանության պարեկային ծառայության աշխատակից Վարուժա Ազիզյանի կողմից այն բանի համար, որ Հարություն Դավթյանը նույն օրը ժամը 12:52-ին Երևան քաղաքի Մաշտոցի պողոտայում վարել է Mersedes մակնիշի 36 LA 161 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Հարություն Դավթյանը ստորագրել է արձանագրությունը:
Վարչական իրավախախտման վերաբերյալ 8180282350 արձանագրությունը կայացվել էր Հարություն Դավթյանի նկատմամբ 2023 թվականի մարտի 21-ին ժամը 20:34-ին ՀՀ ՆԳՆ ոստիկանության պարեկային ծառայության աշխատակից Վարդան Բագրատյանի կողմից այն բանի համար, որ Հարություն Դավթյանը նույն օրը ժամը 10:30-ին Երևան-Իջևան ավտոճանապարհի 37 կիլոմետրին վարել է Mersedes մակնիշի 37 df 046 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Հարություն Դավթյանը ստորագրել է արձանագրությունը:
Վարչական իրավախախտման վերաբերյալ 8180245378 արձանագրությունը կայացվել էր Հարություն Դավթյանի նկատմամբ 2023 թվականի ապրիլի 7-ին ժամը 23:12-ին ՀՀ ՆԳՆ ոստիկանության պարեկային ծառայության աշխատակցի կողմից այն բանի համար, որ Հարություն Դավթյանը նույն օրը ժամը 23:05-ին Երևան քաղաքի Տերյան փողոցում վարել է Mersedes մակնիշի 37 df 046 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում: Հարություն Դավթյանը ստորագրել է արձանագրությունը /հատոր 1-ին, գ.թ. 212-213, 232-233, դատական նիստի արձանագրություն/:
3.3 Զննության 2024 թվականի սեպտեմբերի 16-ի արձանագրությունը, համաձայն որի՝ Հարություն Դավթյանի նկատմամբ թիվ ԿԴ/0284/01/21 դատական գործով կայացվել է մեղադրական դատավճիռ 2022 թվականի նոյեմբերի 17-ին և վերջինս մեղավոր է ճանաչվել 2003 թվականի ապրիլի 18-ին ընդունված ՀՀ քրեական օրենսգրքի 243.1-րդ հոդվածի 1-ին մասով (համապատասխանում է 2022 թվականի հուլիսի 1-ին ուժի մեջ մտած ՀՀ քրեական օրենսգրքի 344-րդ հոդվածի 1-ին մասին) նախատեսված հանցագործության կատարման մեջ և նրա նկատմամբ պատիժ է նշանակվել տուգանք՝ Հայաստանի Հանրապետության նվազագույն աշխատավարձի երկուհարյուրապատիկի՝ 200.000 (երկու հարյուր հազար) ՀՀ դրամի չափով՝ առանց որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու: Տվյալ դատավճիռը հսկող դատախազի կողմից բողոքարկվել է վերաքննիչ դատարան և ՀՀ վերաքննիչ քրեական դատարանի 2023 թվականի ապրիլի 4-ի որոշմամբ լրացուցիչ պատիժ է նշանակվել տրանսպորտային միջոց վարելու իրավունքից զրկելը 1 տարի ժամկետով: Պատժի ժամկետի սկիզբ է հաշվել 08.08.2023 թվականը:
Դրանից հետո Հարություն Դավթյանի նկատմամբ պարեկային ծառայության աշխատակիցների կողմից կայացվել է վարչական իրավախախտման վերաբերյալ 8300803242,8300803257,8300803234 արձանագրությունները 2023 թվականի սեպտեմբերի 8-ին ժամը 13:28, 13:33, 13:38-ին այն բանի համար, որ Հարություն Դավթյանը նույն օրը ժամը 13:20-ին Երևան քաղաքի Գայի պողոտայում վարել է Land rover մակնիշի 37 sf 256 հաշվառման համարանիշի ավտոմեքենան՝ տրանսպորտային միջոց վարելու իրավունքից զրկված վիճակում /հատոր 1-ին, գ.թ. 214, դատական նիստի արձանագրություն/:
3.4 Որպես արտավարութային փաստաթուղթ ճանաչված և քրեական վարույթին կցված՝ 2114001088, 2214031714, 2214041614, 2214052023, 2214062446, 2214072870, 2214101942, 2214161490, 2214216758, 2214218971, 2214235022, 2214263020, 2214471449 2214471449, 8180159421, 8180164266, 8180166999, 8180167196, 8180246361, 8180282350, 8180245378, 8300803257 վարչական իրավախախտման արձանագրությունների, Հարություն Դավթյանի վերաբերյալ ՀՀ ճանապարհային ոստիկանության ռեգիստրից արտատպված քաղվածքի, Հարություն Ալբերտի Դավթյանի վերաբերյալ թիվ ԿԴ/0284/01/21 դատական գործով կայացված դատավճռի, օրինական ուժի մեջ մտած դատական ակնտ ի կատար ածելու մասին կարգադրության պատճենները /հատոր 1-ին, գ.թ. 5, 8, 20, 25, 40, 56, 71, 94-107, 110, 159-186, 316-345, դատական նիստի արձանագրություն/:
3.5 Մեղադրյալ Հարություն Դավթյանն օգտվելով իր դատավարական իրավունքից հրաժարվեց հիմնական դատալսումների ընթացքում ցուցմունք տալ: ՀՀ քրեական դատավարության օրենսգրքի 330-րդ հոդվածի համաձայն՝ հրապարակվեց վերջինիս նախաքննական ցուցմունքները, համաձայն որի՝ 2022 թվականի ձմռանը երթևեկության կանոնները խախտելու համար իրեն կանգնեցրել են պարեկային ծառայության աշխատակիցները և պարզվել է, որ ինքը զրկված է վարորդական իրավունքի վկայականից: Դրանից հետո մեքենա չի վարել, արդեն 2023 թվականի մարտի 21-ին Երևան-Սևան ավտոճանապարհին իր մեքենան կանգնեցրել են պարեկային ծառայության աշխատակիցները և ասել են, որ զրկված է տրանսպորտային միջոց վարելու իրավունքից: Առաջադրված մեղադրանքում իրեն մեղավոր է ճանաչում և զղջում է կատարածի համար /դատական նիստի արձանագրություն/:
Ցուցմունքները հրապարակվելուց հետո մեղադրյալ Հարություն Դավթյանը նշեց, որ այն համապատասխանում են իրականությանը և պնդում է /դատական նիստի արձանագրություն/:

4. Լրացուցիչ դատալսումներ.
4.1 Լրացուցիչ դատալսումների ընթացքում հետազոտվեցին՝
- ՀՀ ոստիկանության ինֆորմացիոն կենտրոնի ձև 8 տեղեկանքը, որի համաձայն՝ Հարություն Ալբերտի Դավթյանը հանդիսանում է դատվածություն չունեցող /հատոր 1-ին, գ.թ. 231, դատական նիստի արձանագրություն/,
- ՀՀ պետական եկամուտների կոմիտեի 2024 թվականի մարտի 14-ի գրությունը և դրան կից էլեկտրոնային փաստաթուղթը, որոնց համաձայն՝ հանցանքը ավարտվելու օրվան նախորդող 12 ամիսների ընթացքում Հարություն Ալբերտի Դավթյանը չի հանդիսացել վարձու աշխատող /դատական նիստի արձանագրություն/:
Մեղադրյալը հայտնեց, որ եթե Դատարանն իր նկատմամբ տուգանքի ձևով պատիժ նշանակի ինքն ի վիճակի չէ այն վճարել, քանի որ չունի աշխատանք, միաժամանակ՝ հայտնեց, որ ֆիզիկապես առողջ է /դատական նիստի արձանագրություն/:

5. Դատարանի պատճառաբանությունը և եզրահանգումները.
5.1 Հիմնական դատալսումների ընթացքում պատշաճ իրավական ընթացակարգով հետազոտված թույլատրելի ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանն ապացուցված է համարում, որ Հարություն Ալբերտի Դավթյանը,տրանսպորտային միջոց վարելու իրավունքից զրկված վիճակում, վարել է տրանսպորտային միջոց:
Այսպես,
Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած՝ 2022 թվականի սեպտեմբերի 22-ին՝ ժամը 23:30-ին Երևան քաղաքի Կոմիտասի պողոտայում վարել է «Նիսսան» մակնիշի 36 FT 020 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180164266 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած՝ 2022 թվականի նոյեմբերի 03-ին ժամը 21:15-ին Երևան քաղաքի Տիգրան Մեծի պողոտայում վարել է «Նիսսան» մակնիշի 36 FT 020 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180166999 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած` 2022 թվականի դեկտեմբերի 27-ին ժամը 12:35-ին Երևան քաղաքի Թևոսյան փողոցում վարել է «Մերսեդես» մակնիշի 37 DF 046 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180167196 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած` 2023 թվականի մարտի 04-ին` ժամը 12:52-ին Երևան քաղաքի Մաշտոցի պողոտայում վարել է «Մերսեդես-Բենց» մակնիշի 36 LA 161 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180246361 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած՝ 2023 թվականի ապրիլի 07-ին` ժամը 23:05-ին Երևան քաղաքի Տերյան փողոցում վարել է «Մերսեդես-Բենց» մակնիշի 37 DF 046 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180245378 արձանագրությունը:
Բացի այդ, Հարություն Ալբերտի Դավթյանը, 2022 թվականի օգոստոսի 03-ին ՀՀ ՆԳՆ ոստիկանության պարեկային ծառայության աշխատակցի կողմից տեղեկանալով 2022 թվականի մայիսի 10-ից մինչև 2023 թվականի մայիսի 10-ն ընկած ժամանակահատվածով, տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած՝ 2023 թվականի մարտի 21-ին՝ ժամը 10:30-ի սահմաններում Կոտայքի մարզի Երևան-Իջևան ավտոճանապարհի 37 կմ հատվածում վարել է «Մերսեդես» մակնիշի 36 LA 161 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 8180282350 արձանագրությունը:
Բացի այդ, Հարություն Ալբերտի Դավթյանը, տեղալ լինելով ՀՀ վերաքննիչ քրեական դատարանի կողմից 04.04.2023 թվականի թիվ ԿԴ/0284/01/24 գործով կայացված դատավճռով մեկ տարի ժամկետով տրանսպորտային միջոցներ վարելու իրավունքից զրկված լինելու մասին, զրկման ժամկետը չլրացած՝ 2023 թվականի սեպտեմբերի 8-ին ժամը 13:28-ի սահմաններում Երևան քաղաքի Գայի պողոտայում վարել է Land rover մակնիշի 37 sf 256 հաշվառման համարանիշի տրանսպորտային միջոցը, որի կապակցությամբ իրավասու աշխատակցի կողմից կազմվել է վարչական իրավախախտման վերաբերյալ թիվ 830080325 արձանագրությունը:
Այլ կերպ, Դատարանը հանգում է այն հետևության, որ մեղադրյալ Հարություն Ալբերտի Դավթյանը մեղավորությամբ կատարել է իրեն մեղսագրված արարքները, որոնց համար կիրառելի են ՀՀ քրեական օրենսգրքի 344-րդ հոդվածի 1-ին մասը, ՀՀ քրեական օրենսգրքի 344-րդ հոդվածի 1-ին մասը, ՀՀ քրեական օրենսգրքի 344-րդ հոդվածի 1-ին մասը, ՀՀ քրեական օրենսգրքի 344-րդ հոդվածի 1-ին մասը, ՀՀ քրեական օրենսգրքի 344-րդ հոդվածի 1-ին մասը, ՀՀ քրեական օրենսգրքի 344-րդ հոդվածի 1-ին մասը և ՀՀ քրեական օրենսգրքի 344-րդ հոդվածի 1-ին մասը:
5.2 Հաստատված համարելով մեղադրյալ Հարություն Ալբերտի Դավթյանի մեղավորությունը ՀՀ քրեական օրենսգրքի 344-րդ հոդվածի 1-ին մասով (յոթ դրվագ) նախատեսված հանցանքների կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի:
5.3 Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը։
ՀՀ քրեական օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
/…/
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
/…/»:
ՀՀ քրեական օրենսգրքի 344-րդ հոդվածի 1-ին մասի համաձայն՝
«Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով»:
5.4 Դատարանը ՀՀ քրեական օրենսգրքի հոդվածների համապատասխան Հարություն Ալբերտի Դավթյանի նկատմամբ նշանակվող պատժի տեսակը և չափը որոշելիս հաշվի է առնում կատարված հանցագործությունների եղանակը, շարժառիթն ու նպատակը, քրեական պատասխանատվությունն ու պատիժը մեղմացնող և ծանրացնող հանգամանքները, նրա անձը բնութագրող տվյալները, ինչպես նաև նշանակվող պատժի` մեղադրյալի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության հանգամանքը:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես Հարություն Ալբերտի Դավթյանի պատասխանատվությունը կամ պատիժը մեղմացնող հանգամանք արձանագրում է մեղքն ընդունելն ու անկեղծորեն զղջալը:
Մեղքն ընդունելը որպես մեղմացնող հանգամանք դիտարկելիս Դատարանը հաշվի է առնում հիմնական դատալսումների ընթացքում մեղադրյալի դիրքորոշումը, ինչպես նաև այդ կապակցությամբ ՀՀ վճռաբեկ դատարանի մոտեցումն, ըստ որի՝ «/.../ մեղքն ընդունելը կամ չընդունելն անձի սուբյեկտիվ իրավունքն է, որը նախատեսված և երաշխավորված է ՀՀ Սահմանադրության 21-րդ և 22-րդ հոդվածներով։ Հետևաբար, մեղքը չընդունելը չի կարող պատիժ նշանակելիս հաշվի առնվել և հակառակը` մեղքն ընդունելը և կատարածի համար անկեղծորեն զղջալը ՀՀ քրեական օրենսգրքի շրջանակներում բարենպաստ քրեաիրավական նշանակություն ունեցող հանգամանք է և կարող է կատարել պատասխանատվությունը և պատիժը մեղմացնող հանգամանքի դեր։ Վճռաբեկ դատարանը փաստում է, որ մեղքն ընդունելը և կատարածի համար անկեղծորեն զղջալը, որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքի հանրային վտանգավորությունը, զղջացել է դրա համար։ Մեղքն ընդունելու պարագայում քրեական պատժի նպատակների իրացումը, այդ թվում` պատժի ենթարկված անձին ուղղելու հավանականությունը, զգալիորեն բարձրանում է /.../ (տե՛ս Սերոբ Ֆրունզիկի Սարգսյանի գործով 2012 թվականի նոյեմբերի 01-ի թիվ ՍԴ/0109/01/12 որոշման 27 կետը):
Դատարանը, ղեկավարվելով ՀՀ քրեական օրենսգրքի 71-րդ հոդվածով, արձանագրում է, որ Հարություն Ալբերտի Դավթյանի պատասխանատվությունը կամ պատիժը ծանրացնող հանգամանքներ չկան:
Դատարանը, որպես Հարություն Ալբերտի Դավթյանի անձը բնութագրող հանգամանք է արձանագրում դատվածություն չունենալը:
5.5 Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը: (…)» (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Գոռ Գագիկի Ավետիսյանի և Արմեն Իշխանի Հովակիմյանի գործով 2010թ. նոյեմբերի 5-ին կայացված թիվ ԵԱՔԴ/0164/01/09 որոշման մեջ անդրադառնալով նշանակվող պատժի արդարացիության պահանջին՝ ՀՀ վճռաբեկ դատարանը նշել է, որ՝ «(…) հանցանք կատարած անձի նկատմամբ նշանակված պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, հանցագործության` հանրության համար վտանգավորության աստիճանն ու բնույթը, հանցավորի անձը բնութագրող տվյալները, ինչպես նաև պատիժն ու պատասխանատվությունը մեղմացնող ու ծանրացնող հանգամանքները և, ելնելով քրեական օրենքով նախատեսված պահանջներից, ղեկավարվելով պատիժ նշանակելու ընդհանուր սկզբունքներով, նշանակում է այնպիսի պատիժ, որն անհրաժեշտ և բավարար է այդ անձին ուղղելու, նրա կողմից նոր հանցանքի կատարումը կանխելու համար: Հետևաբար, ակնհայտ մեղմ կամ ակնհայտ խիստ լինելու պատճառով անարդարացի կլինի այնպիսի պատիժը, որը նշանակվել է առանց պատիժ նշանակելու ընդհանուր սկզբունքների պահպանման»:
5.1 Դատարանը, հիմք ընդունելով 4.1 և 5.4 կետերում արձանագրված հանգամանքները, ղեկավարվելով 5.3 և 5.5 կետում մեջբերված նորմերով և իրավական դիրքորոշումներով, գտնում է, որ Հարություն Ալբերտի Դավթյանի նկատմամբ ՀՀ քրեական օրենսգրքի 344-րդ հոդվածի 1-ին մասով (յոթ դրվագ) յուրաքանչյուր արարքի համար պատիժ նշանակել հանրային աշխատանքներ՝ 60 /վաթսուն/ ժամ տևողությամբ:
ՀՀ քրեական օրենսգրքի 74-րդ հոդվածի կիրառմամբ՝ հանցագործությունների համակցությամբ, նշանակված պատիժները լրիվ գումարելու միջոցով, Հարություն Ալբերտի Դավթյանի նկատմամբ վերջնական պատիժ պետք է նշանակել հանրային աշխատանքներ՝ 270 /երկու հարյուր յոթանասուն/ ժամ տևողությամբ, որը նա պետք է կրի: Դատարանը փաստում է, որ սահմանված պատժատեսակը տվյալ դեպքում համաչափ է կատարված հանցագործությունների բնույթին, վտանգավորության աստիճանին, դրա կատարելու հանգամանքներին, հանցավորի անձին և բավարար է պատժի նպատակների նվաճման տեսանկյունից: Նշված պատիժը նշանակելիս Դատարանը հաշվի է առնում 4.1-4.2 կետում արձանագրված հանգամանքներն, ինչպես նաև հանրային աշխատանքներին խոչընդոտող մեղադրյալի առողջական վիճակի վերաբերյալ փաստական տվյալների բացակայությունը: Առավել մեղմ պատժատեսակի՝ տուգանքի չկիրառումը սույն դեպքում պայմանավորված է վերջինիս ֆինանսական խնդիրներով և տուգանքի վճարման անհնարինությամբ
5.2 Քննության առնելով որպես արտավարութային փաստաթուղթն ապացույց ճանաչված և քրեական վարույթին կցված փաստաթղթերի տնօրինման հարցը՝ Դատարանը գտնում է, որ դատավճռի օրինական ուժի մեջ մտնելուց հետո դրանք պետք է պահել գործի հետ միասին՝ վերջինիս պահելու ամբողջ ժամանակամիջոցում:
5.3 Քննության առնելով մեղադրյալի նկատմամբ նախնական դատալսման ընթացքում ընտրված խափանման միջոցի հարցը՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը: Դատավճռի օրինական ուժի մեջ մտնելուց հետո պետք է վերացնել նաև Հ.Դավթյանի կողմից ՀՀ պետական սահմանը հատելու ու անձնագրային գործարքներ կատարելու արգելքները:
5.4 Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 167-րդ հոդվածով նախատեսված վարույթային ծախսը բացակայում է:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 99-րդ, 347-350-րդ, 352-353-րդ, 364-րդ հոդվածներով, Դատարանը.

Վ Ճ Ռ Ե Ց

Հարություն Ալբերտի Դավթյանին մեղավոր ճանաչել 7 /յոթ/ դրվագ ՀՀ քրեական օրենսգրքի 344-րդ հոդվածի 1-ին մասով նախատեսված արարքներում և յուրաքանչյուր արարքի համար պատիժ նշանակել հանրային աշխատանքներ՝ 60 /վաթսուն/ ժամ տևողությամբ:
ՀՀ քրեական օրենսգրքի 74-րդ հոդվածի կիրառմամբ՝ հանցագործությունների համակցությամբ, նշանակված պատիժները լրիվ գումարելու միջոցով, Հարություն Ալբերտի Դավթյանի նկատմամբ վերջնական պատիժ նշանակել հանրային աշխատանքներ՝ 270 /երկու հարյուր յոթանասուն/ ժամ տևողությամբ:
Դատավճռի օրինական ուժի մեջ մտնելուց հետո որպես արտավարութային փաստաթուղթ ապացույց ճանաչված և քրեական վարույթին կցված փաստաթղթերի պատճենները պահել գործի հետ միասին՝ վերջինիս պահելու ամբողջ ժամանակամիջոցում:
Դատավճռի օրինական ուժի մեջ մտնելուց հետո Հարություն Ալբերտի Դավթյանի նկատմամբ ընտրված խափանման միջոց՝ բացակայելու արգելքը և դրանով պայմանավորված սահմանափակումները վերացնել:
Վարույթային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։


ԴԱՏԱՎՈՐ Ս.ՅՈՒԶԲԱՇՅԱՆ