ԵԴ1/0725/01/25




Ո Ր Ո Շ ՈՒ Մ
ՔՐԵԱԿԱՆ ՎԱՐՈՒՅԹ ՍԿՍԵԼԸ ՄԵՐԺԵԼՈՒ ՄԱՍԻՆ

«11» ապրիլի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝ նախագահությամբ դատավոր Ժ.Չիչոյանի՝ քննության առնելով թիվ ԵԴ1/0725/01/25 քրեական գործով քրեական վարույթ սկսելու հարցը՝

Պ Ա Ր Զ Ե Ց

1. Գործի դատավարական նախապատմությունը.
2025 թվականի մարտի 05-ին Երևան քաղաքի առաջին ատյանի ընդհանուր իրավասության քրեական դատարան է ստացվել Մոհամմադ Սադեղի Խադանգիի քրեական հայցը Էհսան Նեմաթոլլահ Հեյադրիի կողմից իր նկատմամբ ենթադրյալ հանցանք կատարելու վերաբերյալ։
Դատավորների միջև գործերի բաշխման մակագրման եղանակով վարույթը, թիվ ԵԴ1/0725/01/25 համարի ներքո, 05․03․2025 թվականին մակագրվել և 06.03.2025 թվականին հանձնվել է դատավոր Ժ.Չիչոյանին։
2025 թվականի մարտի 06-ին դատավոր Ժ․Չիչոյանը որոշում է կայացրել քրեական հայց հարուցելու վերաբերյալ Մոհամմադ Խադանգի կողմից ներկայացված հայցը բողոքաբերին վերադարձնելու մասին՝ դատական ակտում մատնանշված թերությունները շտկելու և այն Դատարան կրկին ներկայացնելու համար, սահմանելով Դատարանի որոշումը ստանալուց հետո՝ 5 /հինգ/ օրյա ժամկետ՝ արձանագրված թերությունները շտկելու համար։
2025 թվականի ապրիլի 01-ին Դատարանի որոշման թարգմանված օրինակը ուղարկվել է Մոհամմադ Խադանգին, որը վերջինիս կողմից ստացվել է 2025 թվականի ապրիլի 04-ին։

2. Դատարանի պատճառաբանություններն ու եզրահանգումը.
ՀՀ քրեական դատավարության օրենսգրքի (այսուհետ՝ նաև Օրենսգիրք) 451-րդ հոդվածի համաձայն՝
«1. Մասնավոր մեղադրանքով վարույթը կարող է նախաձեռնվել այն դեպքում, երբ այն անձը, որը բավարար հիմքեր ունի ենթադրելու, որ Հայաստանի Հանրապետության քրեական օրենսգրքի 15-րդ հոդվածի 1-ին մասով նախատեuված արարքներով իրեն պատճառվել է վնաս, քրեական հայց է ներկայացնում դատարան:
2. Քրեական հայցը կարող է ներկայացնել միայն սույն հոդվածի 1-ին մասով նախատեսված անձը կամ նրա օրինական ներկայացուցիչը:
3. Քրեական հայցը պետք է բովանդակի՝
1) սույն հոդվածի 1-ին մասով նախատեսված անձի անունը, ազգանունը և բնակության կամ հաշվառման վայրը.
2) այն անձի անունը, ազգանունը և բնակության կամ հաշվառման վայրը, որի դեմ ներկայացվել է քրեական հայցը.
3) մեղադրանքի բովանդակությունը, այդ թվում՝ քրեական օրենսգրքի համապատասխան հոդվածը կամ հոդվածի մասը.
4) այն անձանց անունները, ազգանուններն ու բնակության կամ հաշվառման վայրերը, որոնք պետք է կանչվեն դատական նիստին.
5) մեղադրանքը հիմնավորող նյութերը:
4. Սույն հոդվածի 2-րդ մասով նախատեսված անձը քրեական հայցը ներկայացնում է ենթադրյալ հանցանքի կատարման վայրի առաջին ատյանի դատարան:
5. Մասնավոր մեղադրանքով մինչդատական վարույթն իրականացվում է բացառապես ենթադրյալ հանցանք կատարած անձին հայտնաբերելու համար:»
Օրենսգրքի 452-րդ հոդվածի համաձայն՝
«1. Քրեական հայցն ստանալուց հետո դատավորը ստուգում է՝ արդյոք պահպանվել են սույն օրենսգրքի 451-րդ հոդվածի 3-րդ մասով սահմանված` քրեական հայցին ներկայացվող պահանջները, արդյոք քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել մասնավոր կարգով, և հնգօրյա ժամկետում կայացնում է հետևյալ որոշումներից մեկը․
1) քրեական վարույթ սկսելու մասին.
2) քրեական հայցը վերադարձնելու մասին.
3) քրեական հայցը և կից նյութերն ըստ ընդդատության ուղարկելու մասին.
4) քրեական վարույթ սկսելը մերժելու մասին:
2. Քրեական հայցը, համապատասխան թերությունները մատնանշելով, առնվազն հինգ օր ժամկետով վերադարձվում է, եթե դրանում առկա են շտկելի թերություններ:
3. Քրեական հայցը և կից նյութերն ուղարկվում են ըստ ընդդատության, եթե պարզվում է, որ ենթադրյալ հանցանքի կատարման վայրը դուրս է տվյալ դատարանի դատական տարածքից:
4. Քրեական վարույթ սկսելը մերժվում է, եթե`
1) ենթադրյալ հանցանք կատարած անձը հայտնի չէ.
2) քրեական հայցում նկարագրված փաստական հանգամանքներն ակնհայտորեն հանցավոր չեն.
3) քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել միայն հանրային կարգով.
4) դատարանի սահմանած ժամկետում քրեական հայցի թերությունները չեն վերացվել, կամ այն վերստին չի ներկայացվել:»
Ուսումնասիրելով ներկայացված քրեական հայցը և կից ներկայացված նյութերը, Դատարանն արձանագրում է, որ բողոքաբերի կողմից քրեական հայցի թարգմանված օրինակը ստանալուց հետո՝ դատական ակտում մատնանշված թերությունները չեն շտկվել և Դատարան կրկին չեն ներկայացվել՝ Դատարանի կողմից սահմանված ժամկետում։
Ելնելով վերոգրյալից, նկատի ունենալով, որ չեն պահպանվել ՀՀ քրեական դատավարության օրենսգրքի 451-րդ հոդվածի 3-րդ մասում սահմանված պահանջները, և չեն շտկվել Դատարանի որոշմամբ նշված թերությունները, ինչպես նաև ղեկավարվելով ՀՀ քրեական դատավարության օրենսգրքի 451-րդ հոդվածի 3-րդ մասով և 452-րդ հոդվածի 4-րդ մասով, Դատարանը`

Ո Ր Ո Շ Ե Ց

1. Մոհամմադ Խադանգի կողմից ներկայացված քրեական հայցի վերաբերյալ քրեական վարույթ սկսելը՝ մերժել:


ԴԱՏԱՎՈՐ` Ժ.ՉԻՉՈՅԱՆ