Հիմնական
Գործի համար:
ԵԴ1/0731/01/25
Վիճակագրական տողի համար :
15.4
Պատասխանող
Սիրանուշ Եվրյան Վաչագանի
Սիրանուշ Եվրյան
Սիրանուշ Եվրյան
Սիրանուշ Եվրյան
Սիրանուշ Եվրյան
Դատավոր
Երևանի քրեական դատարան
Արամայիս Ասատրյան
Քրեական վերաքննիչ
Վազգեն Ռշտունի
Տաթևիկ Գրիգորյան
Արսեն Նիկողոսյան
Հոդվածներ
Երևանի քրեական դատարան
ՀՀ Քրեական օրենսգիրք
Հոդված .
Երևանի քրեական դատարան
ՀՀ Քրեական օրենսգիրք
Հոդված .
Դատավոր
Երևանի քրեական դատարան
Արամայիս Ասատրյան
Քրեական վերաքննիչ
Վազգեն Ռշտունի
Տաթևիկ Գրիգորյան
Արսեն Նիկողոսյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Քրեական վերաքննիչ | 2025-08-19 | 17:00 | 4 | Կայացել է | ||
| Երևանի քրեական դատարան | 2025-06-25 | 09:25 | 5 | Կայացել է | ||
| Երևանի քրեական դատարան | 2025-06-24 | 17:00 | 5 | Նիստը կայացել է | ||
| Երևանի քրեական դատարան | 2025-05-13 | 16:00 | 5 | Նիստը կայացել է | ||
| Տվյալների կենտրոն | 2025-04-04 | 16:00 | 5 | Նիստը կայացել է | ||
| Տվյալների կենտրոն | 2025-03-20 | 12:00 | 5 | Նիստը կայացել է |
ԵԴ1/0731/01/25
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
Երևան քաղաքի առաջին ատյանի
ընդհանուր իրավասության
քրեական դատարանը (այսուհետ՝ նաև Դատարան)
նախագահող դատավոր Ա.Ասատրյան
դատական նիստի քարտուղար Ս.Սիմոնյան
մասնակցությամբ`
հանրային մեղադրող Դ.Մարգարյանի
մեղադրյալ Ս.Եվրյանի
2025 թվականի հունիսի 25-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի` Սիրանուշ Վաչագանի Եվրյանի (ծնված՝ 1996 թվականի մայիսի 20-ին, ազգությամբ հայ, ՀՀ քաղաքացի, հաշվառված է Արարատի մարզի, Հովտաշատ գյուղի, Տերյան փողոցի, 7-րդ տուն հասցեում, բնակվում է Երևան քաղաքի, Արշակունյաց փողոցի, 53-րդ շենքի, 21-րդ բնակարան հասցեում)՝ ՀՀ քրեական օրենսգրքի 344-րդ հոդվածի 1-ին մասով
Պ Ա Ր Զ Ե Ց
Գործի դատավարական նախապատմությունը.
1. 2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության Ճանապարհատրանսպորտային հանցագործությունների քննության բաժնում նախաձեռնվել է թիվ 60-0260-24 քրեական վարույթը:
2024 թվականի հոկտեմբերի 22-ին՝ Սիրանուշ Եվրյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով:
2024 թվականի հոկտեմբերի 23-ի որոշմամբ՝ Սիրանուշ Եվրյանի նկատմամբ որպես խափանման միջոց է կիրառվել բացակայելու արգելքը:
2024 թվականի նոյեմբերի 4-ի որոշմամբ՝ Սիրանուշ Եվրյանի նկատմամբ հարուցված քրեական հետապնդման ժամկետը կասեցվել է:
2025 թվականի հունվարի 7-ի որոշմամբ՝ Սիրանուշ Եվրյանի նկատմամբ հարուցված քրեական հետապնդման կասեցված ժամկետը վերսկսվել է:
2025 թվականի մարտի 5-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60-0260-24 քրեական վարույթն ըստ մեղադրանքի Սիրանուշ Եվրյանի՝ ՀՀ քրեական օրենսգրքի 344-րդ հոդվածի 1-ին մասով:
Քրեական գործին շնորհվել է թիվ ԵԴ1/0731/01/25 համարը:
2025 թվականի մարտի 7-ին որոշում է կայացվել Սիրանուշ Եվրյանի վերաբերյալ թիվ ԵԴ1/0731/01/25 քրեական գործով՝ վարույթ ստանձնելու և նախնական դատալսումներ նշանակելու մասին:
Նախնական դատալսումների ընթացքում Դատարանը, անդրադառնալով ՀՀ քրեական դատավարության օրենսգրքի 316-րդ հոդվածով նախատեսված հարցին, որոշում է կայացրել մեղադրյալի նկատմամբ մինչդատական վարույթի ընթացքում ընտրված խափանման միջոցը` բացակայելու արգելքը, անփոփոխ թողնելու մասին:
Մեղադրանքի փաստական նկարագրությունը.
2. Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով մեղադրանք է ներկայացվել այն բանի համար, որ նա «տեղյակ լինելով, որ զրկված է տրանսպորտային միջոցները վարելու իրավունքից, 2023 թվականի (դեկտեմբերի 31-ին՝ ժամը 04.10-ի սահմաններում, վարել է <<ԿԻԱ>> մակնիշի 37ZG635 հաշվառման համարանիշի ավտոմեքենան:
Այսպես.
ՀՀ ոստիկանության պարեկային ծառայության կողմից թիվ 8100230927 վարչական իրավախախտման գործով 2023 թվականի ապրիլի 25-ին կայացված որոշմամբ Սիրանուշ Վաչագանի Եվրյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի ապրիլի 25-ից մինչև 2024 թվականի ապրիլի 25-ը, որի մասին տեղում ծանուցվել է և ստորագրությամբ ստացել որոշման պատճենը: Տեղեկյակ լինելով, որ զրկված է տրանսպորտային միջոցներ վարելու իրավունքից՝ Սիրանուշ Վաչագանի Եվրյանը, զրկման ժամկետը դեռ չլրացած, 2023 թվականի դեկտեմբերի 31-ին՝ ժամը 04:10-ի սահմաններում, Երևան քաղաքի Խանջյան փողոցում վարել է «ԿԻԱ» մակնիշի 37ZG635 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության ավագ պարեկ Գևորգ Սալմանյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180269419 արձանագրությունը»:
Դատաքննությամբ հետազոտված թույլատրելի ապացույցները.
3. Հիմնական դատալսումների ընթացքում հետազոտված թույլատրելի ապացույցները.
Մեղադրյալ Սիրանուշ Եվրյանը հիմնական դատալսումների ժամանակ, օգտվելով իր սահմանադրական իրավունքից հրաժարվեց ցուցմունք տալուց:
- Արտավարութային փաստաթուղթ ճանաչված՝ վարչական իրավախախտման վերաբերյալ թիվ 8180230927 որոշման պատճենը, համաձայն որի՝ այն կազմվել է 2023 թվականի ապրիլի 23-ին: Սիրանուշ Եվրյանը զրկվել է տրանսպորտային միջոցներ վարելու իրավունքից՝ մեկ տարի ժամկետով:
- Արտավարութային փաստաթուղթ ճանաչված՝ վարչական իրավախախտման վերաբերյալ թիվ 81802694219 արձանագրության պատճենը, համաձայն որի՝ այն կազմվել է 2023 թվականի դեկտեմբերի 31-ին: Սիրանուշ Եվրյանը վարել է տրանսպորտային միջոց, զրկված լինելով տրանսպորտային միջոցներ վարելու իրավունքից:
- Արտավարութային փաստաթուղթ ճանաչված՝ ալկոհոլի պարունակության ստուգման թիվ 00562 կտրոնի պատճենը:
- Արտավարութային փաստաթուղթ ճանաչված՝ ստուգաչափման թիվ 073355 վկայականի պատճենը:
- Արտավարութային փաստաթուղթ ճանաչված՝ ՀՀ ՆԳՆ «ճանապարհային ոստիկանություն» ծառայության պետի տեղակալի 2024 թվականի թիվ ՄԳ/43719-24 գրությունը:
- Զննում կատարելու մասին արձանագրությունը, համաձայն որի՝ զննության են ենթարկվել՝ վարչական իրավախախտման վերաբերյալ թիվ 8180230927 որոշման, թիվ 81802694219 արձանագրության պատճեները, ալկոհոլի պարունակության ստուգման թիվ 00562 կտրոնի, ստուգաչափման թիվ 073355 վկայականի պատճեները, ՀՀ ՆԳՆ «ճանապարհային ոստիկանություն» ծառայության պետի տեղակալի 2024 թվականի թիվ ՄԳ/43719-24 գրությունը:
Դատարանի որոշմամբ արտավարութային փաստաթուղթ ճանաչված՝ թիվ ԵԴ1/1620/01/24 քրեական գործով «DataLex» դատական տեղեկատվական համակարգում առկա տեղեկատվությունը, համաձայն որի՝ Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ի դատավճռով Սիրանուշ Եվրյանը մեղավոր է ճանաչվել ՀՀ քրեական օրենսգրքի 344 հոդվածի 1-ին մասով՝ երկու դրվագով այն արարքների համար, որ նա «տրանսպորտային միջոցներ վարելու իրավունքից զրկված լինելու պայմաններում, 2023 թվականի հուլիսի 03-ին, ժամը 03:20-ի սահմաններում՝ Երևան քաղաքի Բաղրամյան պողոտայում վարել է «Մերսեդես» մակնիշի 27 SC 777 հաշվառման համարանիշի տրանսպորտային միջոցը և 2024 թվականի հունվարի 12-ին, ժամը 20:45-ի սահմաններում Երևան քաղաքի Աճառյան փողոցում վարել է «Կիա» մակնիշի 37 ZG 635 հաշվառման համարանիշի տրանսպորտային միջոցը»: Հիշյալ դատավճիռը չի բողոքարկվել և 2024 թվականի դեկտեմբերի 2-ին հանձնվել է կատարման:
Լրացուցիչ դատալսումների ընթացքում ապացույցներ չեն հետազոտվել:
Դատարանի փաստական վերլուծությունները և հաստատված կամ հերքված փաստական հանգամանքները:
4. Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- սույն քրեական գործով Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, մասնավորապես՝ 2023 թվականի դեկտեմբերի 31-ին, վարել է տրանսպորտային միջոց:
- Թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց:
Վերոհիշյալ փաստական հանգամանքների համադրման արդյունքում, Դատարանն արձանագրում է հետևյալը.
-Սույն քրեական գործով Սիրանուշ Եվրյանին մեղսագրվող արարքը կատարվել է 2023 թվականի դեկտեմբերի 31-ին:
-Դրանից հետո, մասնավորապես՝ 2024 թվականի հունվարի 12-ին Սիրանուշ Եվրյանը շարունակել է ավտոմեքենա վարելը, որի համար թիվ ԵԴ1/1620/01/24 քրեական գործով որոշում է կայացվել նրա նկատմամբ քրեական հետապնդում հարուցելու մասին և այդ գործով նա արդեն իսկ դատապարտվել է:
-Ինչպես սույն քրեական գործով, այնպես էլ թիվ ԵԴ1/1620/01/24 քրեական գործով Սիրանուշ Եվրյանին մեղսագրվող արարքները կատարվել են 2023 թվականի հուլիսի 3-ից մինչև 2024 թվականի հուլիսի 3-ն ընկած ժամանակահատվածում՝ տրանսպորտային միջոց վարելու իրավունքից զրկված լինելու պայմաններում:
Դատարանի իրավական վերլուծությունները, հետևությունները և որոշումները.
5. ՀՀ Սահմանադրության 68-րդ հոդվածի 1-ին մասի համաձայն՝
«1. Ոչ ոք չի կարող կրկին դատվել նույն արարքի համար»:
«Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի 7-րդ արձանագրության 4-րդ հոդվածի համաձայն՝
«Ոչ ոք չպետք է միևնույն պետության իրավազորության շրջանակներում երկրորդ անգամ դատվի կամ քրեական դատավարության կարգով պատժվի այն հանցագործության կապակցությամբ, որի համար նա արդեն վերջնականապես արդարացվել է կամ դատապարտվել այդ պետության օրենքին և քրեական դատավարությանը համապատասխան»։
«Քաղաքացիական և քաղաքական իրավունքների մասին» միջազգային դաշնագրի 14-րդ հոդվածի 7-րդ կետի համաձայն`
«Ոչ ոք չպետք է կրկին անգամ դատվի կամ պատժվի այն հանցագործության համար, որի համար նա արդեն վերջնականապես դատապարտվել է կամ արդարացվել յուրաքանչյուր երկրի օրենքին և քրեական դատավարության իրավունքին համապատասխան»։
ՀՀ քրեական օրենսգրքի 7-րդ հոդվածի 2-րդ մասի համաձայն՝
«Արգելվում է անձին կրկին քրեական պատասխանատվության ենթարկել նույն հանցանքը կատարելու համար, բացառությամբ սույն օրենսգրքի 133-154-րդ, 155-րդ, 308-րդ, 450-րդ կամ 451-րդ հոդվածով նախատեսված հանցանքների համար այլ պետության կողմից քրեական պատասխանատվության ենթարկված լինելու այն դեպքերի, երբ անձն անհիմն ազատվել է քրեական պատասխանատվությունից կամ անարդարացիորեն դատապարտվել է մեղմ պատժի կամ անհիմն լրիվ կամ մասնակիորեն ազատվել է պատժի կրումից»։
ՀՀ քրեական դատավարության օրենսգրքի 12-րդ հոդվածի համաձայն՝
«1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...)
3) առկա է անձին մեղսագրվող նույն արարքի կապակցությամբ oրինական ուժի մեջ մտած դատավճիռ կամ այլ դատական ակտ.
(...)»:
ՀՀ քրեական դատավարության օրենսգրքի 25-րդ հոդվածի 1-ին մասի համաձայն՝
«1. Ոչ ոք չպետք է Հայաստանի Հանրապետության իրավազորության շրջանակներում կրկին դատվի կամ պատժվի այն արարքի համար, որի համար նա օրինական ուժի մեջ մտած դատավճռով արդարացվել կամ դատապարտվել է»:
6. Նախորդ կետում շարադրված իրավադրույթների լույսի ներքո վերլուծելով և հիմք ընդունելով Դատարանի կողմից հաստատված ու սույն դատավճռի 4-րդ կետում մեջբերված փաստական հանգամանքները, Դատարանն արձանագրում է, որ 2023 թվականի դեկտեմբերի 31-ից մինչև 2024 թվականի հունվարի 12-ն ընկած ժամանակահատվածում Սիրանուշ Եվրյանը մեկ միասնական դիտավորության մեջ ընդգրկված արարքներով կատարել է միևնույն անմիջական օբյեկտի դեմ ուղղված մեկ (եզակի) շարունակվող հանցագործություն: Նրա արարքներից վերջինը կատարվել է 2024 թվականի հունվարի 12-ին, որի համար նա արդեն իսկ դատապարտվել է թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ի դատավճռով: Այդ դատավճիռը մտել է օրինական ուժի մեջ:
Վերը նշվածը հաշվի առնելով՝ Դատարանը գտնում է, որ 2025 թվականի հունիսի 24-ին կայացված արդարացման վերդիկտի հիման վրա պետք է Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչել և հռչակել անմեղ:
Դատարանը գտնում է, որ Սիրանուշ Եվրյանի ռեաբիլիտացիայի հարցը պետք է համարել լուծված, քանի որ լրացուցիչ դատալսումների ընթացքում արդարացված մեղադրյալ Սիրանուշ Եվրյանը ՀՀ քրեական դատավարության օրենսգրքի 164-րդ հոդվածով նախատեսված որևէ պահանջ չի ներկայացրել։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 6-14-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Նկատի ունենալով, որ վերը նշված հիմնավորումներով պետք է ճանաչվի և հռչակվի Սիրանուշ Եվրյանի անմեղությունը՝ Դատարանը գտնում է, որ նրա նկատմամբ խափանման միջոց կիրառելու իրավաչափության պայմանները վերանում են, հետևաբար` նրա նկատմամբ կիրառված խափանման միջոցը՝ բացակայելու արգելքը, պետք է վերացնել։
Դատարանը գտնում է, որ վարութային ծախսերի հարցը պետք է համարել լուծված, քանի որ արդարացման դատավճիռ կայացնելու պայմաններում վարութային ծախսերի հատուցման պարտականությունը չի կարող դրվել Սիրանուշ Եվրյանի վրա։
7. Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 117-րդ, 276-րդ, 347-349-րդ հոդվածներով, Դատարանը
Վ Ճ Ռ Ե Ց
Սիրանուշ Վաչագանի Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչել և հռչակել անմեղ:
Սիրանուշ Վաչագանի Եվրյանի ռեաբիլիտացիայի հարցը համարել լուծված:
Սիրանուշ Վաչագանի Եվրյանի նկատմամբ ընտրված խափանման միջոցը՝ բացակայելու արգելքը, վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել վերաքննիչ քրեական դատարան ստանալու օրվանից հետո՝ մեկամսյա ժամկետում:
ԴԱՏԱՎՈՐ ԱՐԱՄԱՅԻՍ ԱՍԱՏՐՅԱՆ
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
Երևան քաղաքի առաջին ատյանի
ընդհանուր իրավասության
քրեական դատարանը (այսուհետ՝ նաև Դատարան)
նախագահող դատավոր Ա.Ասատրյան
դատական նիստի քարտուղար Ս.Սիմոնյան
մասնակցությամբ`
հանրային մեղադրող Դ.Մարգարյանի
մեղադրյալ Ս.Եվրյանի
2025 թվականի հունիսի 25-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի` Սիրանուշ Վաչագանի Եվրյանի (ծնված՝ 1996 թվականի մայիսի 20-ին, ազգությամբ հայ, ՀՀ քաղաքացի, հաշվառված է Արարատի մարզի, Հովտաշատ գյուղի, Տերյան փողոցի, 7-րդ տուն հասցեում, բնակվում է Երևան քաղաքի, Արշակունյաց փողոցի, 53-րդ շենքի, 21-րդ բնակարան հասցեում)՝ ՀՀ քրեական օրենսգրքի 344-րդ հոդվածի 1-ին մասով
Պ Ա Ր Զ Ե Ց
Գործի դատավարական նախապատմությունը.
1. 2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության Ճանապարհատրանսպորտային հանցագործությունների քննության բաժնում նախաձեռնվել է թիվ 60-0260-24 քրեական վարույթը:
2024 թվականի հոկտեմբերի 22-ին՝ Սիրանուշ Եվրյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով:
2024 թվականի հոկտեմբերի 23-ի որոշմամբ՝ Սիրանուշ Եվրյանի նկատմամբ որպես խափանման միջոց է կիրառվել բացակայելու արգելքը:
2024 թվականի նոյեմբերի 4-ի որոշմամբ՝ Սիրանուշ Եվրյանի նկատմամբ հարուցված քրեական հետապնդման ժամկետը կասեցվել է:
2025 թվականի հունվարի 7-ի որոշմամբ՝ Սիրանուշ Եվրյանի նկատմամբ հարուցված քրեական հետապնդման կասեցված ժամկետը վերսկսվել է:
2025 թվականի մարտի 5-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60-0260-24 քրեական վարույթն ըստ մեղադրանքի Սիրանուշ Եվրյանի՝ ՀՀ քրեական օրենսգրքի 344-րդ հոդվածի 1-ին մասով:
Քրեական գործին շնորհվել է թիվ ԵԴ1/0731/01/25 համարը:
2025 թվականի մարտի 7-ին որոշում է կայացվել Սիրանուշ Եվրյանի վերաբերյալ թիվ ԵԴ1/0731/01/25 քրեական գործով՝ վարույթ ստանձնելու և նախնական դատալսումներ նշանակելու մասին:
Նախնական դատալսումների ընթացքում Դատարանը, անդրադառնալով ՀՀ քրեական դատավարության օրենսգրքի 316-րդ հոդվածով նախատեսված հարցին, որոշում է կայացրել մեղադրյալի նկատմամբ մինչդատական վարույթի ընթացքում ընտրված խափանման միջոցը` բացակայելու արգելքը, անփոփոխ թողնելու մասին:
Մեղադրանքի փաստական նկարագրությունը.
2. Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով մեղադրանք է ներկայացվել այն բանի համար, որ նա «տեղյակ լինելով, որ զրկված է տրանսպորտային միջոցները վարելու իրավունքից, 2023 թվականի (դեկտեմբերի 31-ին՝ ժամը 04.10-ի սահմաններում, վարել է <<ԿԻԱ>> մակնիշի 37ZG635 հաշվառման համարանիշի ավտոմեքենան:
Այսպես.
ՀՀ ոստիկանության պարեկային ծառայության կողմից թիվ 8100230927 վարչական իրավախախտման գործով 2023 թվականի ապրիլի 25-ին կայացված որոշմամբ Սիրանուշ Վաչագանի Եվրյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի ապրիլի 25-ից մինչև 2024 թվականի ապրիլի 25-ը, որի մասին տեղում ծանուցվել է և ստորագրությամբ ստացել որոշման պատճենը: Տեղեկյակ լինելով, որ զրկված է տրանսպորտային միջոցներ վարելու իրավունքից՝ Սիրանուշ Վաչագանի Եվրյանը, զրկման ժամկետը դեռ չլրացած, 2023 թվականի դեկտեմբերի 31-ին՝ ժամը 04:10-ի սահմաններում, Երևան քաղաքի Խանջյան փողոցում վարել է «ԿԻԱ» մակնիշի 37ZG635 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության ավագ պարեկ Գևորգ Սալմանյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180269419 արձանագրությունը»:
Դատաքննությամբ հետազոտված թույլատրելի ապացույցները.
3. Հիմնական դատալսումների ընթացքում հետազոտված թույլատրելի ապացույցները.
Մեղադրյալ Սիրանուշ Եվրյանը հիմնական դատալսումների ժամանակ, օգտվելով իր սահմանադրական իրավունքից հրաժարվեց ցուցմունք տալուց:
- Արտավարութային փաստաթուղթ ճանաչված՝ վարչական իրավախախտման վերաբերյալ թիվ 8180230927 որոշման պատճենը, համաձայն որի՝ այն կազմվել է 2023 թվականի ապրիլի 23-ին: Սիրանուշ Եվրյանը զրկվել է տրանսպորտային միջոցներ վարելու իրավունքից՝ մեկ տարի ժամկետով:
- Արտավարութային փաստաթուղթ ճանաչված՝ վարչական իրավախախտման վերաբերյալ թիվ 81802694219 արձանագրության պատճենը, համաձայն որի՝ այն կազմվել է 2023 թվականի դեկտեմբերի 31-ին: Սիրանուշ Եվրյանը վարել է տրանսպորտային միջոց, զրկված լինելով տրանսպորտային միջոցներ վարելու իրավունքից:
- Արտավարութային փաստաթուղթ ճանաչված՝ ալկոհոլի պարունակության ստուգման թիվ 00562 կտրոնի պատճենը:
- Արտավարութային փաստաթուղթ ճանաչված՝ ստուգաչափման թիվ 073355 վկայականի պատճենը:
- Արտավարութային փաստաթուղթ ճանաչված՝ ՀՀ ՆԳՆ «ճանապարհային ոստիկանություն» ծառայության պետի տեղակալի 2024 թվականի թիվ ՄԳ/43719-24 գրությունը:
- Զննում կատարելու մասին արձանագրությունը, համաձայն որի՝ զննության են ենթարկվել՝ վարչական իրավախախտման վերաբերյալ թիվ 8180230927 որոշման, թիվ 81802694219 արձանագրության պատճեները, ալկոհոլի պարունակության ստուգման թիվ 00562 կտրոնի, ստուգաչափման թիվ 073355 վկայականի պատճեները, ՀՀ ՆԳՆ «ճանապարհային ոստիկանություն» ծառայության պետի տեղակալի 2024 թվականի թիվ ՄԳ/43719-24 գրությունը:
Դատարանի որոշմամբ արտավարութային փաստաթուղթ ճանաչված՝ թիվ ԵԴ1/1620/01/24 քրեական գործով «DataLex» դատական տեղեկատվական համակարգում առկա տեղեկատվությունը, համաձայն որի՝ Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ի դատավճռով Սիրանուշ Եվրյանը մեղավոր է ճանաչվել ՀՀ քրեական օրենսգրքի 344 հոդվածի 1-ին մասով՝ երկու դրվագով այն արարքների համար, որ նա «տրանսպորտային միջոցներ վարելու իրավունքից զրկված լինելու պայմաններում, 2023 թվականի հուլիսի 03-ին, ժամը 03:20-ի սահմաններում՝ Երևան քաղաքի Բաղրամյան պողոտայում վարել է «Մերսեդես» մակնիշի 27 SC 777 հաշվառման համարանիշի տրանսպորտային միջոցը և 2024 թվականի հունվարի 12-ին, ժամը 20:45-ի սահմաններում Երևան քաղաքի Աճառյան փողոցում վարել է «Կիա» մակնիշի 37 ZG 635 հաշվառման համարանիշի տրանսպորտային միջոցը»: Հիշյալ դատավճիռը չի բողոքարկվել և 2024 թվականի դեկտեմբերի 2-ին հանձնվել է կատարման:
Լրացուցիչ դատալսումների ընթացքում ապացույցներ չեն հետազոտվել:
Դատարանի փաստական վերլուծությունները և հաստատված կամ հերքված փաստական հանգամանքները:
4. Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- սույն քրեական գործով Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, մասնավորապես՝ 2023 թվականի դեկտեմբերի 31-ին, վարել է տրանսպորտային միջոց:
- Թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց:
Վերոհիշյալ փաստական հանգամանքների համադրման արդյունքում, Դատարանն արձանագրում է հետևյալը.
-Սույն քրեական գործով Սիրանուշ Եվրյանին մեղսագրվող արարքը կատարվել է 2023 թվականի դեկտեմբերի 31-ին:
-Դրանից հետո, մասնավորապես՝ 2024 թվականի հունվարի 12-ին Սիրանուշ Եվրյանը շարունակել է ավտոմեքենա վարելը, որի համար թիվ ԵԴ1/1620/01/24 քրեական գործով որոշում է կայացվել նրա նկատմամբ քրեական հետապնդում հարուցելու մասին և այդ գործով նա արդեն իսկ դատապարտվել է:
-Ինչպես սույն քրեական գործով, այնպես էլ թիվ ԵԴ1/1620/01/24 քրեական գործով Սիրանուշ Եվրյանին մեղսագրվող արարքները կատարվել են 2023 թվականի հուլիսի 3-ից մինչև 2024 թվականի հուլիսի 3-ն ընկած ժամանակահատվածում՝ տրանսպորտային միջոց վարելու իրավունքից զրկված լինելու պայմաններում:
Դատարանի իրավական վերլուծությունները, հետևությունները և որոշումները.
5. ՀՀ Սահմանադրության 68-րդ հոդվածի 1-ին մասի համաձայն՝
«1. Ոչ ոք չի կարող կրկին դատվել նույն արարքի համար»:
«Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի 7-րդ արձանագրության 4-րդ հոդվածի համաձայն՝
«Ոչ ոք չպետք է միևնույն պետության իրավազորության շրջանակներում երկրորդ անգամ դատվի կամ քրեական դատավարության կարգով պատժվի այն հանցագործության կապակցությամբ, որի համար նա արդեն վերջնականապես արդարացվել է կամ դատապարտվել այդ պետության օրենքին և քրեական դատավարությանը համապատասխան»։
«Քաղաքացիական և քաղաքական իրավունքների մասին» միջազգային դաշնագրի 14-րդ հոդվածի 7-րդ կետի համաձայն`
«Ոչ ոք չպետք է կրկին անգամ դատվի կամ պատժվի այն հանցագործության համար, որի համար նա արդեն վերջնականապես դատապարտվել է կամ արդարացվել յուրաքանչյուր երկրի օրենքին և քրեական դատավարության իրավունքին համապատասխան»։
ՀՀ քրեական օրենսգրքի 7-րդ հոդվածի 2-րդ մասի համաձայն՝
«Արգելվում է անձին կրկին քրեական պատասխանատվության ենթարկել նույն հանցանքը կատարելու համար, բացառությամբ սույն օրենսգրքի 133-154-րդ, 155-րդ, 308-րդ, 450-րդ կամ 451-րդ հոդվածով նախատեսված հանցանքների համար այլ պետության կողմից քրեական պատասխանատվության ենթարկված լինելու այն դեպքերի, երբ անձն անհիմն ազատվել է քրեական պատասխանատվությունից կամ անարդարացիորեն դատապարտվել է մեղմ պատժի կամ անհիմն լրիվ կամ մասնակիորեն ազատվել է պատժի կրումից»։
ՀՀ քրեական դատավարության օրենսգրքի 12-րդ հոդվածի համաձայն՝
«1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...)
3) առկա է անձին մեղսագրվող նույն արարքի կապակցությամբ oրինական ուժի մեջ մտած դատավճիռ կամ այլ դատական ակտ.
(...)»:
ՀՀ քրեական դատավարության օրենսգրքի 25-րդ հոդվածի 1-ին մասի համաձայն՝
«1. Ոչ ոք չպետք է Հայաստանի Հանրապետության իրավազորության շրջանակներում կրկին դատվի կամ պատժվի այն արարքի համար, որի համար նա օրինական ուժի մեջ մտած դատավճռով արդարացվել կամ դատապարտվել է»:
6. Նախորդ կետում շարադրված իրավադրույթների լույսի ներքո վերլուծելով և հիմք ընդունելով Դատարանի կողմից հաստատված ու սույն դատավճռի 4-րդ կետում մեջբերված փաստական հանգամանքները, Դատարանն արձանագրում է, որ 2023 թվականի դեկտեմբերի 31-ից մինչև 2024 թվականի հունվարի 12-ն ընկած ժամանակահատվածում Սիրանուշ Եվրյանը մեկ միասնական դիտավորության մեջ ընդգրկված արարքներով կատարել է միևնույն անմիջական օբյեկտի դեմ ուղղված մեկ (եզակի) շարունակվող հանցագործություն: Նրա արարքներից վերջինը կատարվել է 2024 թվականի հունվարի 12-ին, որի համար նա արդեն իսկ դատապարտվել է թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ի դատավճռով: Այդ դատավճիռը մտել է օրինական ուժի մեջ:
Վերը նշվածը հաշվի առնելով՝ Դատարանը գտնում է, որ 2025 թվականի հունիսի 24-ին կայացված արդարացման վերդիկտի հիման վրա պետք է Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչել և հռչակել անմեղ:
Դատարանը գտնում է, որ Սիրանուշ Եվրյանի ռեաբիլիտացիայի հարցը պետք է համարել լուծված, քանի որ լրացուցիչ դատալսումների ընթացքում արդարացված մեղադրյալ Սիրանուշ Եվրյանը ՀՀ քրեական դատավարության օրենսգրքի 164-րդ հոդվածով նախատեսված որևէ պահանջ չի ներկայացրել։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 6-14-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Նկատի ունենալով, որ վերը նշված հիմնավորումներով պետք է ճանաչվի և հռչակվի Սիրանուշ Եվրյանի անմեղությունը՝ Դատարանը գտնում է, որ նրա նկատմամբ խափանման միջոց կիրառելու իրավաչափության պայմանները վերանում են, հետևաբար` նրա նկատմամբ կիրառված խափանման միջոցը՝ բացակայելու արգելքը, պետք է վերացնել։
Դատարանը գտնում է, որ վարութային ծախսերի հարցը պետք է համարել լուծված, քանի որ արդարացման դատավճիռ կայացնելու պայմաններում վարութային ծախսերի հատուցման պարտականությունը չի կարող դրվել Սիրանուշ Եվրյանի վրա։
7. Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 117-րդ, 276-րդ, 347-349-րդ հոդվածներով, Դատարանը
Վ Ճ Ռ Ե Ց
Սիրանուշ Վաչագանի Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչել և հռչակել անմեղ:
Սիրանուշ Վաչագանի Եվրյանի ռեաբիլիտացիայի հարցը համարել լուծված:
Սիրանուշ Վաչագանի Եվրյանի նկատմամբ ընտրված խափանման միջոցը՝ բացակայելու արգելքը, վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել վերաքննիչ քրեական դատարան ստանալու օրվանից հետո՝ մեկամսյա ժամկետում:
ԴԱՏԱՎՈՐ ԱՐԱՄԱՅԻՍ ԱՍԱՏՐՅԱՆ
ԵԴ1/0731/01/25
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ
ՈՐՈՇՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
ՀՀ վերաքննիչ քրեական դատարանը (այսուհետ` Վերաքննիչ դատարան)
Նախագահող դատավոր
դատավորներ
դատական նիստերի քարտուղար
դատախազ
մեղադրյալ
Վ.Ռշտունի
Մ․Պապոյան
Տ.Գրիգորյան
Ք.Բադալյան
Դ․Մարգարյան
Ս.Եվրյան
Ս
<<19>> օգոստոսի 2025թ. ք.Երևան
դռնբաց դատական նիստում քննության առնելով մեղադրյալ Սիրանուշ Վաչագանի Եվրյանի (ծնված՝ 1996 թվականի մայիսի 20-ին, ազգությամբ՝ հայ, ՀՀ քաղաքացի, հաշվառված է Արարատի մարզի Հովտաշատ գյուղի Տերյան փողոցի 7-րդ տանը, բնակվում է Երևան քաղաքի Արշակունյաց փողոցի 53-րդ շենքի 21-րդ բնակարանում) վերաբերյալ Երևան քաղաքի առաջին ատյանի ընդհանուր իրավասության քրեական դատարանի (այսուհետ նաև դատարան) 2025 թվականի հունիսի 25-ի դատավճռի դեմ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի վերաքննիչ բողոքը՝
ՊԱՐԶԵՑ
Գործի դատավարական նախապատմությունը.
2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Վ․Բաղդասարյանի որոշմամբ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60026024 քրեական վարույթը:
2024 թվականի հոկտեմբերի 22-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ Սիրանուշ Եվրյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է քրեական հետապնդում հանրորեն վտանգավոր այն արարքը կատարելու համար, որ ՀՀ ոստիկանության պարեկային ծառայության կողմից թիվ 8180230927 վարչական իրավախախտման գործով 2023 թվականի ապրիլի 25-ին կայացված որոշմամբ Սիրանուշ Եվրյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի ապրիլի 25-ից մինչև 2024 թվականի ապրիլի 5-ը, որի մասին տեղում ծանուցվել է և ստորագրությամբ ստացել որոշման պատճենը: Տեղյակ լինելով, որ զրկված է տրանսպորտային միջոցներ վարելու իրավունքից՝ Սիրանուշ Եվրյանը, զրկման ժամկետը դեռ չլրացած, 2023 թվականի դեկտեմբերի 31-ին՝ ժամը 04:10-ի սահմաններում, Երևան քաղաքի Խանջյան փողոցում վարել է <<ԿԻԱ>> մակնիշի 37 ZG 635 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության ավագ պարեկ Գևորգ Սալմանյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180269419 արձանագրությունը:
2024 թվականի հոկտեմբերի 23-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական երկրորդ բաժնի քննիչ Հ․Գևորգյանի որոշմամբ մեղադրյալ Սիրանուշ Եվրյանի նկատմամբ որպես խափանման միջոց կիրառվել է բացակայելու արգելքը։
2024 թվականի նոյեմբերի 4-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ քրեական հետապնդման ժամկետը կասեցվել է։
2025 թվականի հունվարի 7-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ կասեցված հանրային քրեական հետապնդման ժամկետները վերսկսվել են։
2025 թվականի մարտի 3-ին թիվ 60026024 քրեական գործը մեղադրական եզրակացությամբ ուղարկվել է դատարան:
Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունիսի 25-ի դատավճռով Սիրանուշ Եվրյանը ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչվել և հռչակվել է անմեղ: Սիրանուշ ռեաբիլիտացիայի հարցը համարվել է լուծված: Սիրանուշ Եվրյանի նկատմամբ ընտրված խափանման միջոցը՝ բացակայելու արգելքը, վերացվել է: Վարութային ծախսերի հարցը համարվել է լուծված:
2025 թվականի հուլիսի 14-ին Վերաքննիչ դատարան է ստացվել Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի բողոքը, իսկ թիվ ԵԴ1/0731/01/25 քրեական գործը Վերաքննիչ դատարանում ստացվել է 2025 թվականի հուլիսի 29-ին (Նախագահող դատավորի աշխատակազմին հանձնվել է 2025 թվականի հուլիսի 30-ին):
Վերաքննիչ բողոքի հիմքերը, հիմնավորումները և պահանջը.
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանը վերաքննիչ բողոքում նշել է, որ դատարանը թեև ուղիղ չի նշել, սակայն որոշման ընդհանուր տրամաբանությունը հանգում է նրան, որ Սիրանուշ Եվրյանի գործողությունները դատարանը գնահատել է որպես մեկ միասնական դիտավորության մեջ ընդգրկված շարունակվող հանցագործության բաղկացուցիչ մասեր:
Կրկին դատվելու անթույլատրելիության սկզբունքի հնարավոր խախտման մասին դատարանի դատողություններ ենթակա են հերքման շարունակվող հանցագործության կամ հանցանքների համակցության ինստիտուտների վերլուծության միջոցով:
Ինչ վերաբերում է շարունակվող հանցագործությանը, ապա այն բարդ (եզակի) հանցագործության տեսակ է, որը թեպետ դրսևորվում է որոշակի ժամանակային ընդմիջումներով կատարվող մեկից ավելի հակաիրավական արարքներով, այնուամենայնիվ դիտվում է որպես մեկ հանցագործություն և որակվում է քրեական օրենսգրքի հատուկ մասի մեկ հոդվածով կամ հոդվածի մասով: Վերոնշյալը պայմանավորված է կատարվող արարքների միջև գոյություն ունեցող սերտ կապով, ինչը թույլ է տալիս դրանք գնահատել որպես մեկ ամբողջություն: Մասնավորապես, շարունակվող հանցագործությունը բնութագրվում է օբյեկտիվ և սուբյեկտիվ այնպիսի հատկանիշներով, որոնցով տարանջատվում է հանցագործությունների իրական համակցությունից:
Շարունակվող հանցագործությունը մեկ միասնական բարդ հանցագործության տեսակ է, որը ձևավորվում է նույնական այնպիսի արարքներից, որոնց միջև, որպես կանոն, առկա է հարաբերականորեն ոչ մեծ ժամանակային խզում, և որոնք ոտնձգում են միևնույն անմիջական օբյեկտի դեմ, ընդգրկված են մեկ միասնական դիտավորությամբ և հանդես են գալիս որպես մեկ ամբողջական հանցագործության առանձին օղակ: Ինչ վերաբերում է շարունակվող հանցագործության սուբյեկտիվ հատկանիշին, ապա այն ենթադրում է հանցավորի մոտ միասնական դիտավորության և նպատակի առկայություն: Այլ կերպ ասած` անձը պետք է նախնական մտադրություն ունենա կատարելու կոնկրետ հանցանքը մեկից ավելի, որոշակի ժամանակային ընդմիջումներով առանձնացված նույնական արարքներով:
Նման դեպքերում շարունակվող հանցագործությունն իրական համակցությունից տարանջատելու հիմնական չափանիշը հանցավորի մոտ համապատասխան արարքները կատարելու միասնական դիտավորության առկայության հավաստումն է և միաժամանակ դիտավորության` ամեն արարքից հետո կրկին ծագած լինելու հավանականության բացառումը: Կատարված մեկից ավելի արարքները կարող են դիտվել որպես շարունակվող հանցագործություն և որակվել ՀՀ քրեական օրենսգրքի մեկ հոդվածով (հոդվածի մասով կամ կետով) միայն օբյեկտիվ և սուբյեկտիվ հատկանիշների միաժամանակյա առկայության պայմաններում:
Սիրանուշ Եվրյանը Երևան քաղաքի առաջին ատյանի ընդհանուր իրավասության քրեական դատարանի ԵԴ1/1620/01/24 դատավճռով դատապարտվել է այն արարքների կատարման համար, որ նա, տեղյակ լինելով, որ 2023 թվականի ապրիլի 25-ից ՀՀ ոստիկանության պարեկային ծառայության աշխատակիցների կողմից կազմված թիվ 8100230927 որոշմամբ զրկվել է տրանսպորտային միջոցների վարելու իրավունքից մեկ տարի ժամկետով, 2023 թվականի հուլիսի 3-ին և 2024 թվականի հունվարի 12-ին վարել ավտոմեքենան։
Տվյալ գործով իրեն վերագրվող արարքը կատարվել է զրկման նույն ժամանակահատվածում, սակայն մեկ այլ օր՝ 2023 թվականի դեկտեմբերի 31-ին: Ընդ որում, յուրաքանչյուր խախտման դեպքում պարեկային ծառայության պարեկի կողմից Սիրանուշ Եվրյանի ներկայությամբ կազմվել է արձանագրություն, և վերջինը կրկին տեղեկացվել է վարելու իրավունքից զրկման բնույթի մասին:
Սիրանուշ Եվրյանի գործողություններում բացակայում են շարունակվող հանցագործության հատկանիշները, վերջինի կատարած արարքների միջև առկա չէ օբյեկտիվ և սուբյեկտիվ այնպիսի կապ, որը թույլ կտա դրանք գնահատել որպես մեկ ամբողջություն:
Թեպետ Սիրանուշ Եվրյանը կատարել է մեկից ավելի նույնական արարքներ` նախատեսված ՀՀ քրեական օրենսգրքի 344-րդ հոդվածի 1-ին մասով, այնուամենայնիվ այդ արարքները կատարվել են առանձին ծագած դիտավորություններով: Մասնավորապես՝ Սիրանուշ Եվրյանը յուրաքանչյուր անգամ պարեկային ծառայության պարեկի կողմից կանգնեցվելուց և վարչական իրավախախտման վերաբերյալ արձանագրություն կազմելուց հետո շարունակել է վարել ավտոմեքենա: Նման պայմաններում ողջամիտ չի լինի դատողություններ անել առ այն, որ Սիրանուշ Եվրյանը մինչև ավտոմեքենա վարելը յուրաքանչյուր անգամ արդեն իսկ նախնական դիտավորություն է ունեցել ավտոմեքենա վարել նաև հաջորդ օրերին, կամ այդ դիտավորությունն առաջացել է ավտոմեքենա վարելու ընթացքում: Բացի այդ, Սիրանուշ Եվրյանը զրկման ողջ ժամանակահատվածում յուրաքանչյուր անգամ տրանսպոտային միջոց վարել և պարեկային ծառայության աշխատակցի կողմից կանգնեցվել է տարբեր օրերի՝ ընդհուպ մինչև 5 ամիս ընդհատումով, ինչը վկայում է այն մասին, որ արարքների միջև առկա է երկարատև ժամանակային խզում: Այսպիսով՝ Սիրանուշ Եվրյանի գործողությունները մեկ հանցագործության մաս կազմող միասնական արարքներ հանդիսանալու մասին պնդումները հիմնազուրկ են և չեն բխում տվյալ գործի փաստական հանգամանքներից, հետևաբար վերջինի գործողություններում բացակայում է շարունակվող հանցագործությանը բնորոշ ինչպես օբյեկտիվ, այնպես էլ սուբյեկտիվ հատկանիշները:
Ընդ որում, նույն մոտեցումն է ունեցել նաև Երևան քաղաքի ընդհանուր իրավասության առաջին ատյանի դատարանը, երբ ԵԴ1/1620/01/24 քրեական գործով Սիրանուշ Եվրյանին մեղավոր է ճանաչել 2 դրվագով ՀՀ քրեական օրենսգրքի 344-րդ հոդվածի 1-ին մասով: Այսինքն՝ Սիրանուշ Եվրյանի կատարած առաջին և վերջին արարքները դիտարկվել են որպես հանցագործության առանձին դեպքեր: Մինչդեռ դատարանը հիշյալ արարքների միջանկյալ ժամանակահատվածում կատարված արարքը դիտարկել է որպես նախորդ դատավճռով հաստատված արարքների բաղկացուցիչ մաս: Սիրանուշ Եվրյանի գործողություններ չեն կարող մեկնաբանվել որպես մեկ միասնական դիտավորությամբ կատարված նույնական արարքի բաղկացուցիչ մասեր, հետևաբար դրանց համար անձին պատասխանատվության ենթարկելը չի կարող հանգեցնել նույն արարքի համար կրկնակի դատապարտման:
Հատկանշական է նաև այն, որ քննարկվող արարքի համար պատասխանատվություն նախատեսող հոդվածը ներառված է ՀՀ քրեական օրենսգրքի հասարակական անվտանգության դեմ ուղղված հանցագործությունների բաժնում: Տվյալ հանցագործության անմիջական օբյեկտը ճանապարհային երթևեկության կամ տրանսպորտային միջոցների շահագործման պատշաճ իրականացման ապահովմամբ հասարակության անվտանգության պաշտպանությանն ուղղված հասարակական հարաբերություններն են: Սրանից հետևում է, որ տրանսպորտային միջոց վարելու իրավունքից զրկված անձը որպես վտանգավոր վարորդ՝ իրենից հասարակական վտանգավորություն է ներկայացնում, և յուրաքանչյուր անգամ վերջինի կողմից ավտոմեքենա վարելու դեպքում վտանգվում է հասարակության անդամների կյանքը, առողջությունը կամ գույքը:
Նման պայմաններում, եթե անձի կողմից ինչպես մեկ, այնպես էլ բազմաթիվ անգամներ ավտոմեքենա վարելու դեպքերը մեխանիկորեն դիտարկենք որպես մեկ արարք, ապա կարող է ձևավորվել արատավոր պրակտիկա, որը ոչ միայն կիմաստազրկի հասարակության անվտանգության ապահովմանն ուղղված այս ինստիտուտի բուն էությունը, այլ նաև կստեղծվի մի իրավիճակ, երբ տրանսպորտային միջոց վարելու իրավունքից զրկված (կասեցված) <<վտանգավոր վարորդը>>, գիտակցելով իր արարքի փաստական հանգամանքներն ու վտանգավորությունը, կշարունակի ազատորեն ավտոմեքենա վարել այնքան ժամանակ, քանի դեռ քրեական վարույթ չի նախաձեռնվել կամ մեղադրանք չի ներկայացվել՝ այդկերպ յուրաքանչյուր պահի վտանգելով հասարակության անդամների անվտանգությունը: Այլ կերպ ասած՝ իրավասու մարմինները, արձանագրելով վարորդի կողմից հասարակական վտանգավոր արարք կատարելու փաստը, անուղղակի կերպով թույլատրում են վերջինին շարունակել այդ վարքագիծն այնքան ժամանակ, քանի դեռ չեն կատարվել ընթացակարգային որոշ գործողություններ:
Բողոքաբերը մեջբերել է նաև ՀՀ վերաքննիչ քրեական դատարանի կողմից թիվ ԵԴ1/1277/01/23 քրեական գործով 2024 թվականի մարտի 15-ին կայացված որոշումը։
Ելնելով վերոգրյալից՝ բողոքաբերը խնդրել է բեկանել թիվ ԵԴ1/0731/01/25 քրեական գործով Երևան քաղաքի առաջին ատյանի ընդհանուր իրավասության քրեական դատարանի` 2025 թվականի հունիսի 25-ի դատավճիռը և վարույթը փոխանցել նույն դատարան՝ նոր քննության:
Վերաքննիչ դատարան ներկայացված նյութերը և կողմերի պարզաբանումները.
Դատախազ Դ․Մարգարյանը վերոնշյալ հիմնավորումներով ներկայացրեց վերաքննիչ բողոքը՝ խնդրելով այն բավարարել:
Մեղադրյալ Ս․Եվրյանը ծանուցված լինելու պայմաններում, չէր ներկայացել դատական նիստին, միևնույն ժամանակ Վերաքննիչ դատարանի աշխատակազմի կողմից վերջինի հեռախոսահամարին կատարվել են զանգեր, սակայն նրա բջջային հեռախոսը գտնվել է անհասանելի վիճակում։
Վերաքննիչ դատարանի պատճառաբանությունները և եզրահանգումը.
ՀՀ քրեական դատավարության օրենսգրքի 359-րդ հոդվածի 1-ին մասի համաձայն` վերաքննությունն իրականացվում է բողոքում նշված հիմքի և այն հաստատող փաստերի սահմաններում:
Վերաքննիչ դատարանը, ուսումնասիրելով ներկայացված բողոքը և քրեական գործը, գտնում է, որ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի վերաքննիչ բողոքը ենթակա է մերժման հետևյալ պատճառաբանությամբ.
ՀՀ Սահմանադրության 68-րդ հոդվածի 1-ին մասի համաձայն՝ ոչ ոք չի կարող կրկին դատվել նույն արարքի համար։
<<Մարդու իրավունքների և հիմնարար ազատությունների պաշտպանության մասին>> եվրոպական կոնվենցիայի 7-րդ արձանագրության 4-րդ հոդվածի համաձայն՝ ոչ ոք չպետք է միևնույն պետության իրավազորության շրջանակներում երկրորդ անգամ դատվի կամ քրեական դատավարության կարգով պատժվի այն հանցագործության կապակցությամբ, որի համար նա արդեն վերջնականապես արդարացվել է կամ դատապարտվել այդ պետության օրենքին և քրեական դատավարությանը համապատասխան։
ՀՀ քրեական դատավարության օրենսգրքի 25-րդ հոդվածի 1-ին մասի համաձայն՝ ոչ ոք չպետք է Հայաստանի Հանրապետության իրավազորության շրջանակներում կրկին դատվի կամ պատժվի այն արարքի համար, որի համար նա օրինական ուժի մեջ մտած դատավճռով արդարացվել կամ դատապարտվել է:
ՀՀ վճռաբեկ դատարանը 2014 թվականի հոկտեմբերի 31-ի թիվ ԵԷԴ/0030/01/12 որոշմամբ անդրադառնալով նույն արարքի համար կրկին դատվելու անթույլատրելիության պատճառաբանությամբ քրեական հետապնդումը դադարեցնելիս անձին արդարացվածի կարգավիճակ տալու անհրաժեշտությանը՝ իրավական դիրքորոշում է հայտնել այն մասին, որ կրկին դատվելու անթույլատրելիության սկզբունքը ենթադրում է անձի և պետության միջև որոշակի արարքի կապակցությամբ ծագած քրեական և քրեադատավարական իրավահարաբերությունների վերջնական դադարում։ Ընդ որում, քրեադատավարական տեսանկյունից այն հիմնվում է քրեական հետապնդման սպառնալիքի ավարտված լինելու գաղափարի վրա։ Այլ խոսքով՝ կրկին դատվելու անթույլատրելիության սկզբունքը ենթադրում է, որ բացակայում է հանցավոր արարքը, քանի որ քրեական մեղադրանքի բովանդակությունը կազմող արարքի կապակցությամբ անձի և պետության միջև համապատասխան իրավահարաբերությունները ծագել և վերջնականապես դադարել են, այսինքն` իրավական առումով <<հանցավոր արարք>> գոյություն չունի։
Տվյալ դեպքում դատարանը հաստատված է համարել, որ Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, մասնավորապես՝ 2023 թվականի դեկտեմբերի 31-ին, վարել է տրանսպորտային միջոց: Թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց:
Տվյալ քրեական գործով Սիրանուշ Եվրյանին մեղսագրվող արարքը կատարվել է 2023 թվականի դեկտեմբերի 31-ին, դրանից հետո, մասնավորապես՝ 2024 թվականի հունվարի 12-ին Սիրանուշ Եվրյանը շարունակել է ավտոմեքենա վարելը, որի համար թիվ ԵԴ1/1620/01/24 քրեական գործով որոշում է կայացվել նրա նկատմամբ քրեական հետապնդում հարուցելու մասին և այդ գործով նա արդեն իսկ դատապարտվել է: Ինչպես տվյալ քրեական գործով, այնպես էլ թիվ ԵԴ1/1620/01/24 քրեական գործով Սիրանուշ Եվրյանին մեղսագրվող արարքները կատարվել են 2023 թվականի հուլիսի 3-ից մինչև 2024 թվականի հուլիսի 3-ն ընկած ժամանակահատվածում՝ տրանսպորտային միջոց վարելու իրավունքից զրկված լինելու պայմաններում:
Դատարանն արձանագրել է, որ 2023 թվականի դեկտեմբերի 31-ից մինչև 2024 թվականի հունվարի 12-ն ընկած ժամանակահատվածում Սիրանուշ Եվրյանը մեկ միասնական դիտավորության մեջ ընդգրկված արարքներով կատարել է միևնույն անմիջական օբյեկտի դեմ ուղղված մեկ (եզակի) շարունակվող հանցագործություն: Նրա արարքներից վերջինը կատարվել է 2024 թվականի հունվարի 12-ին, որի համար նա արդեն իսկ դատապարտվել է թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 21-ի դատավճռով: Այդ դատավճիռը մտել է օրինական ուժի մեջ:
Դատարանը գտել է, որ Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով պետք է ճանաչել և հռչակել անմեղ, որպիսի մոտեցումը Վերաքննիչ դատարանի համար նույնպես ընդունելի է:
Վերաքննիչ դատարանը հարկ է համարում նշել, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը կարող է դրսևորվել նաև շարունակվող հանցագործության տեսքով։ Քննարկվող հանցակազմի դեպքում տրանսպորտային միջոցներ վարելու իրավունքը կասեցված կամ այդ իրավունքից զրկված անձը, ունենալով մեկ միասնական դիտավորություն, տրանսպորտային միջոցը մի քանի անգամ, այդ թվում՝ տարբեր օրերի կարող է վարել, ինչն անհրաժեշտ է դիտարկել որպես շարունակվող հանցագործության մաս կազմող նույնական արարքներ։ Հակառակ մոտեցումն ինքնին կարող է հանգեցնել իրավիճակի, երբ տրանսպորտային միջոցներ վարելու իրավունքը կասեցված կամ այդ իրավունքից զրկված անձի կողմից տրանսպորտային միջոց վարելու հանգամանքն ի հայտ գալու յուրաքանչյուր դեպքում (այդ թվում՝ նույն օրն ավտոմեքենա վարելիս տարբեր վարչական իրավախախտումներ կատարելու հանգամանքն իրավապահ մարմինների կողմից արձանագրելու պարագայում), վերջինի նկատմամբ պետք է նախաձեռնվի առանձին քրեական հետապնդում, ինչը կարող է հանգեցնել կրկին անգամ դատվելու անթույլատրելիության սկզբունքի խախտման։
Անդրադառնալով տվյալ գործի փաստական հանգամանքներին՝ Վերաքննիչ դատարանը հարկ է համարում նշել, որ տվյալ քրեական գործով Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, 2023 թվականի դեկտեմբերի 31-ին, վարել է տրանսպորտային միջոց: Իսկ թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց:
Մեջբերված փաստական հանգամանքների հիման վրա Վերաքննիչ դատարանը գտնում է, որ տրանսպորտային միջոց վարելու իրավունքը զրկված լինելու պայմաններում Սիրանուշ Եվրյանի կողմից տրանսպորտային միջոց վարելը շարունակվող հանցագործության մաս կազմող՝ մեկ միասնական դիտավորությամբ կատարված նույնական արարք է։ Համենայն դեպս հակառակի մասին վկայող ապացույցներ առկա չեն, իսկ չփարատված ողջամիտ կասկածները պետք է մեկնաբանել հօգուտ մեղադրյալի։
Ամփոփելով՝ Վերաքննիչ դատարանը գտնում է, որ դատարանը կրկին դատվելու անթույլատրելիության սկզբունքից ելնելով, իրավաչափորեն արդարացրել է Սիրանուշ Եվրյանին տվյալ քրեական գործով մեղսագրվող արարքում, ուստի առաջին ատյանի դատարանի որոշումն օրինական է և հիմնավոր, ուստի այն բեկանելու հիմքեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 31-րդ, 371-րդ և 380-րդ հոդվածներով` Վերաքննիչ դատարանը
ՈՐՈՇԵՑ
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի բողոքը մերժել՝ Սիրանուշ Վաչագանի Եվրյանի վերաբերյալ Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունիսի 25-ի ԵԴ1/0731/01/25 թվակիր դատավճիռը թողնելով անփոփոխ։
Որոշումը կարող է բողոքարկվել ՀՀ վճռաբեկ դատարան` ստանալու պահից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ Վ.ՌՇՏՈՒՆԻ
ԴԱՏԱՎՈՐՆԵՐ Մ․ՊԱՊՈՅԱՆ
Տ.ԳՐԻԳՈՐՅԱՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ
ՈՐՈՇՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
ՀՀ վերաքննիչ քրեական դատարանը (այսուհետ` Վերաքննիչ դատարան)
Նախագահող դատավոր
դատավորներ
դատական նիստերի քարտուղար
դատախազ
մեղադրյալ
Վ.Ռշտունի
Մ․Պապոյան
Տ.Գրիգորյան
Ք.Բադալյան
Դ․Մարգարյան
Ս.Եվրյան
Ս
<<19>> օգոստոսի 2025թ. ք.Երևան
դռնբաց դատական նիստում քննության առնելով մեղադրյալ Սիրանուշ Վաչագանի Եվրյանի (ծնված՝ 1996 թվականի մայիսի 20-ին, ազգությամբ՝ հայ, ՀՀ քաղաքացի, հաշվառված է Արարատի մարզի Հովտաշատ գյուղի Տերյան փողոցի 7-րդ տանը, բնակվում է Երևան քաղաքի Արշակունյաց փողոցի 53-րդ շենքի 21-րդ բնակարանում) վերաբերյալ Երևան քաղաքի առաջին ատյանի ընդհանուր իրավասության քրեական դատարանի (այսուհետ նաև դատարան) 2025 թվականի հունիսի 25-ի դատավճռի դեմ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի վերաքննիչ բողոքը՝
ՊԱՐԶԵՑ
Գործի դատավարական նախապատմությունը.
2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Վ․Բաղդասարյանի որոշմամբ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60026024 քրեական վարույթը:
2024 թվականի հոկտեմբերի 22-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ Սիրանուշ Եվրյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է քրեական հետապնդում հանրորեն վտանգավոր այն արարքը կատարելու համար, որ ՀՀ ոստիկանության պարեկային ծառայության կողմից թիվ 8180230927 վարչական իրավախախտման գործով 2023 թվականի ապրիլի 25-ին կայացված որոշմամբ Սիրանուշ Եվրյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի ապրիլի 25-ից մինչև 2024 թվականի ապրիլի 5-ը, որի մասին տեղում ծանուցվել է և ստորագրությամբ ստացել որոշման պատճենը: Տեղյակ լինելով, որ զրկված է տրանսպորտային միջոցներ վարելու իրավունքից՝ Սիրանուշ Եվրյանը, զրկման ժամկետը դեռ չլրացած, 2023 թվականի դեկտեմբերի 31-ին՝ ժամը 04:10-ի սահմաններում, Երևան քաղաքի Խանջյան փողոցում վարել է <<ԿԻԱ>> մակնիշի 37 ZG 635 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության ավագ պարեկ Գևորգ Սալմանյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180269419 արձանագրությունը:
2024 թվականի հոկտեմբերի 23-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական երկրորդ բաժնի քննիչ Հ․Գևորգյանի որոշմամբ մեղադրյալ Սիրանուշ Եվրյանի նկատմամբ որպես խափանման միջոց կիրառվել է բացակայելու արգելքը։
2024 թվականի նոյեմբերի 4-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ քրեական հետապնդման ժամկետը կասեցվել է։
2025 թվականի հունվարի 7-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ կասեցված հանրային քրեական հետապնդման ժամկետները վերսկսվել են։
2025 թվականի մարտի 3-ին թիվ 60026024 քրեական գործը մեղադրական եզրակացությամբ ուղարկվել է դատարան:
Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունիսի 25-ի դատավճռով Սիրանուշ Եվրյանը ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչվել և հռչակվել է անմեղ: Սիրանուշ ռեաբիլիտացիայի հարցը համարվել է լուծված: Սիրանուշ Եվրյանի նկատմամբ ընտրված խափանման միջոցը՝ բացակայելու արգելքը, վերացվել է: Վարութային ծախսերի հարցը համարվել է լուծված:
2025 թվականի հուլիսի 14-ին Վերաքննիչ դատարան է ստացվել Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի բողոքը, իսկ թիվ ԵԴ1/0731/01/25 քրեական գործը Վերաքննիչ դատարանում ստացվել է 2025 թվականի հուլիսի 29-ին (Նախագահող դատավորի աշխատակազմին հանձնվել է 2025 թվականի հուլիսի 30-ին):
Վերաքննիչ բողոքի հիմքերը, հիմնավորումները և պահանջը.
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանը վերաքննիչ բողոքում նշել է, որ դատարանը թեև ուղիղ չի նշել, սակայն որոշման ընդհանուր տրամաբանությունը հանգում է նրան, որ Սիրանուշ Եվրյանի գործողությունները դատարանը գնահատել է որպես մեկ միասնական դիտավորության մեջ ընդգրկված շարունակվող հանցագործության բաղկացուցիչ մասեր:
Կրկին դատվելու անթույլատրելիության սկզբունքի հնարավոր խախտման մասին դատարանի դատողություններ ենթակա են հերքման շարունակվող հանցագործության կամ հանցանքների համակցության ինստիտուտների վերլուծության միջոցով:
Ինչ վերաբերում է շարունակվող հանցագործությանը, ապա այն բարդ (եզակի) հանցագործության տեսակ է, որը թեպետ դրսևորվում է որոշակի ժամանակային ընդմիջումներով կատարվող մեկից ավելի հակաիրավական արարքներով, այնուամենայնիվ դիտվում է որպես մեկ հանցագործություն և որակվում է քրեական օրենսգրքի հատուկ մասի մեկ հոդվածով կամ հոդվածի մասով: Վերոնշյալը պայմանավորված է կատարվող արարքների միջև գոյություն ունեցող սերտ կապով, ինչը թույլ է տալիս դրանք գնահատել որպես մեկ ամբողջություն: Մասնավորապես, շարունակվող հանցագործությունը բնութագրվում է օբյեկտիվ և սուբյեկտիվ այնպիսի հատկանիշներով, որոնցով տարանջատվում է հանցագործությունների իրական համակցությունից:
Շարունակվող հանցագործությունը մեկ միասնական բարդ հանցագործության տեսակ է, որը ձևավորվում է նույնական այնպիսի արարքներից, որոնց միջև, որպես կանոն, առկա է հարաբերականորեն ոչ մեծ ժամանակային խզում, և որոնք ոտնձգում են միևնույն անմիջական օբյեկտի դեմ, ընդգրկված են մեկ միասնական դիտավորությամբ և հանդես են գալիս որպես մեկ ամբողջական հանցագործության առանձին օղակ: Ինչ վերաբերում է շարունակվող հանցագործության սուբյեկտիվ հատկանիշին, ապա այն ենթադրում է հանցավորի մոտ միասնական դիտավորության և նպատակի առկայություն: Այլ կերպ ասած` անձը պետք է նախնական մտադրություն ունենա կատարելու կոնկրետ հանցանքը մեկից ավելի, որոշակի ժամանակային ընդմիջումներով առանձնացված նույնական արարքներով:
Նման դեպքերում շարունակվող հանցագործությունն իրական համակցությունից տարանջատելու հիմնական չափանիշը հանցավորի մոտ համապատասխան արարքները կատարելու միասնական դիտավորության առկայության հավաստումն է և միաժամանակ դիտավորության` ամեն արարքից հետո կրկին ծագած լինելու հավանականության բացառումը: Կատարված մեկից ավելի արարքները կարող են դիտվել որպես շարունակվող հանցագործություն և որակվել ՀՀ քրեական օրենսգրքի մեկ հոդվածով (հոդվածի մասով կամ կետով) միայն օբյեկտիվ և սուբյեկտիվ հատկանիշների միաժամանակյա առկայության պայմաններում:
Սիրանուշ Եվրյանը Երևան քաղաքի առաջին ատյանի ընդհանուր իրավասության քրեական դատարանի ԵԴ1/1620/01/24 դատավճռով դատապարտվել է այն արարքների կատարման համար, որ նա, տեղյակ լինելով, որ 2023 թվականի ապրիլի 25-ից ՀՀ ոստիկանության պարեկային ծառայության աշխատակիցների կողմից կազմված թիվ 8100230927 որոշմամբ զրկվել է տրանսպորտային միջոցների վարելու իրավունքից մեկ տարի ժամկետով, 2023 թվականի հուլիսի 3-ին և 2024 թվականի հունվարի 12-ին վարել ավտոմեքենան։
Տվյալ գործով իրեն վերագրվող արարքը կատարվել է զրկման նույն ժամանակահատվածում, սակայն մեկ այլ օր՝ 2023 թվականի դեկտեմբերի 31-ին: Ընդ որում, յուրաքանչյուր խախտման դեպքում պարեկային ծառայության պարեկի կողմից Սիրանուշ Եվրյանի ներկայությամբ կազմվել է արձանագրություն, և վերջինը կրկին տեղեկացվել է վարելու իրավունքից զրկման բնույթի մասին:
Սիրանուշ Եվրյանի գործողություններում բացակայում են շարունակվող հանցագործության հատկանիշները, վերջինի կատարած արարքների միջև առկա չէ օբյեկտիվ և սուբյեկտիվ այնպիսի կապ, որը թույլ կտա դրանք գնահատել որպես մեկ ամբողջություն:
Թեպետ Սիրանուշ Եվրյանը կատարել է մեկից ավելի նույնական արարքներ` նախատեսված ՀՀ քրեական օրենսգրքի 344-րդ հոդվածի 1-ին մասով, այնուամենայնիվ այդ արարքները կատարվել են առանձին ծագած դիտավորություններով: Մասնավորապես՝ Սիրանուշ Եվրյանը յուրաքանչյուր անգամ պարեկային ծառայության պարեկի կողմից կանգնեցվելուց և վարչական իրավախախտման վերաբերյալ արձանագրություն կազմելուց հետո շարունակել է վարել ավտոմեքենա: Նման պայմաններում ողջամիտ չի լինի դատողություններ անել առ այն, որ Սիրանուշ Եվրյանը մինչև ավտոմեքենա վարելը յուրաքանչյուր անգամ արդեն իսկ նախնական դիտավորություն է ունեցել ավտոմեքենա վարել նաև հաջորդ օրերին, կամ այդ դիտավորությունն առաջացել է ավտոմեքենա վարելու ընթացքում: Բացի այդ, Սիրանուշ Եվրյանը զրկման ողջ ժամանակահատվածում յուրաքանչյուր անգամ տրանսպոտային միջոց վարել և պարեկային ծառայության աշխատակցի կողմից կանգնեցվել է տարբեր օրերի՝ ընդհուպ մինչև 5 ամիս ընդհատումով, ինչը վկայում է այն մասին, որ արարքների միջև առկա է երկարատև ժամանակային խզում: Այսպիսով՝ Սիրանուշ Եվրյանի գործողությունները մեկ հանցագործության մաս կազմող միասնական արարքներ հանդիսանալու մասին պնդումները հիմնազուրկ են և չեն բխում տվյալ գործի փաստական հանգամանքներից, հետևաբար վերջինի գործողություններում բացակայում է շարունակվող հանցագործությանը բնորոշ ինչպես օբյեկտիվ, այնպես էլ սուբյեկտիվ հատկանիշները:
Ընդ որում, նույն մոտեցումն է ունեցել նաև Երևան քաղաքի ընդհանուր իրավասության առաջին ատյանի դատարանը, երբ ԵԴ1/1620/01/24 քրեական գործով Սիրանուշ Եվրյանին մեղավոր է ճանաչել 2 դրվագով ՀՀ քրեական օրենսգրքի 344-րդ հոդվածի 1-ին մասով: Այսինքն՝ Սիրանուշ Եվրյանի կատարած առաջին և վերջին արարքները դիտարկվել են որպես հանցագործության առանձին դեպքեր: Մինչդեռ դատարանը հիշյալ արարքների միջանկյալ ժամանակահատվածում կատարված արարքը դիտարկել է որպես նախորդ դատավճռով հաստատված արարքների բաղկացուցիչ մաս: Սիրանուշ Եվրյանի գործողություններ չեն կարող մեկնաբանվել որպես մեկ միասնական դիտավորությամբ կատարված նույնական արարքի բաղկացուցիչ մասեր, հետևաբար դրանց համար անձին պատասխանատվության ենթարկելը չի կարող հանգեցնել նույն արարքի համար կրկնակի դատապարտման:
Հատկանշական է նաև այն, որ քննարկվող արարքի համար պատասխանատվություն նախատեսող հոդվածը ներառված է ՀՀ քրեական օրենսգրքի հասարակական անվտանգության դեմ ուղղված հանցագործությունների բաժնում: Տվյալ հանցագործության անմիջական օբյեկտը ճանապարհային երթևեկության կամ տրանսպորտային միջոցների շահագործման պատշաճ իրականացման ապահովմամբ հասարակության անվտանգության պաշտպանությանն ուղղված հասարակական հարաբերություններն են: Սրանից հետևում է, որ տրանսպորտային միջոց վարելու իրավունքից զրկված անձը որպես վտանգավոր վարորդ՝ իրենից հասարակական վտանգավորություն է ներկայացնում, և յուրաքանչյուր անգամ վերջինի կողմից ավտոմեքենա վարելու դեպքում վտանգվում է հասարակության անդամների կյանքը, առողջությունը կամ գույքը:
Նման պայմաններում, եթե անձի կողմից ինչպես մեկ, այնպես էլ բազմաթիվ անգամներ ավտոմեքենա վարելու դեպքերը մեխանիկորեն դիտարկենք որպես մեկ արարք, ապա կարող է ձևավորվել արատավոր պրակտիկա, որը ոչ միայն կիմաստազրկի հասարակության անվտանգության ապահովմանն ուղղված այս ինստիտուտի բուն էությունը, այլ նաև կստեղծվի մի իրավիճակ, երբ տրանսպորտային միջոց վարելու իրավունքից զրկված (կասեցված) <<վտանգավոր վարորդը>>, գիտակցելով իր արարքի փաստական հանգամանքներն ու վտանգավորությունը, կշարունակի ազատորեն ավտոմեքենա վարել այնքան ժամանակ, քանի դեռ քրեական վարույթ չի նախաձեռնվել կամ մեղադրանք չի ներկայացվել՝ այդկերպ յուրաքանչյուր պահի վտանգելով հասարակության անդամների անվտանգությունը: Այլ կերպ ասած՝ իրավասու մարմինները, արձանագրելով վարորդի կողմից հասարակական վտանգավոր արարք կատարելու փաստը, անուղղակի կերպով թույլատրում են վերջինին շարունակել այդ վարքագիծն այնքան ժամանակ, քանի դեռ չեն կատարվել ընթացակարգային որոշ գործողություններ:
Բողոքաբերը մեջբերել է նաև ՀՀ վերաքննիչ քրեական դատարանի կողմից թիվ ԵԴ1/1277/01/23 քրեական գործով 2024 թվականի մարտի 15-ին կայացված որոշումը։
Ելնելով վերոգրյալից՝ բողոքաբերը խնդրել է բեկանել թիվ ԵԴ1/0731/01/25 քրեական գործով Երևան քաղաքի առաջին ատյանի ընդհանուր իրավասության քրեական դատարանի` 2025 թվականի հունիսի 25-ի դատավճիռը և վարույթը փոխանցել նույն դատարան՝ նոր քննության:
Վերաքննիչ դատարան ներկայացված նյութերը և կողմերի պարզաբանումները.
Դատախազ Դ․Մարգարյանը վերոնշյալ հիմնավորումներով ներկայացրեց վերաքննիչ բողոքը՝ խնդրելով այն բավարարել:
Մեղադրյալ Ս․Եվրյանը ծանուցված լինելու պայմաններում, չէր ներկայացել դատական նիստին, միևնույն ժամանակ Վերաքննիչ դատարանի աշխատակազմի կողմից վերջինի հեռախոսահամարին կատարվել են զանգեր, սակայն նրա բջջային հեռախոսը գտնվել է անհասանելի վիճակում։
Վերաքննիչ դատարանի պատճառաբանությունները և եզրահանգումը.
ՀՀ քրեական դատավարության օրենսգրքի 359-րդ հոդվածի 1-ին մասի համաձայն` վերաքննությունն իրականացվում է բողոքում նշված հիմքի և այն հաստատող փաստերի սահմաններում:
Վերաքննիչ դատարանը, ուսումնասիրելով ներկայացված բողոքը և քրեական գործը, գտնում է, որ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի վերաքննիչ բողոքը ենթակա է մերժման հետևյալ պատճառաբանությամբ.
ՀՀ Սահմանադրության 68-րդ հոդվածի 1-ին մասի համաձայն՝ ոչ ոք չի կարող կրկին դատվել նույն արարքի համար։
<<Մարդու իրավունքների և հիմնարար ազատությունների պաշտպանության մասին>> եվրոպական կոնվենցիայի 7-րդ արձանագրության 4-րդ հոդվածի համաձայն՝ ոչ ոք չպետք է միևնույն պետության իրավազորության շրջանակներում երկրորդ անգամ դատվի կամ քրեական դատավարության կարգով պատժվի այն հանցագործության կապակցությամբ, որի համար նա արդեն վերջնականապես արդարացվել է կամ դատապարտվել այդ պետության օրենքին և քրեական դատավարությանը համապատասխան։
ՀՀ քրեական դատավարության օրենսգրքի 25-րդ հոդվածի 1-ին մասի համաձայն՝ ոչ ոք չպետք է Հայաստանի Հանրապետության իրավազորության շրջանակներում կրկին դատվի կամ պատժվի այն արարքի համար, որի համար նա օրինական ուժի մեջ մտած դատավճռով արդարացվել կամ դատապարտվել է:
ՀՀ վճռաբեկ դատարանը 2014 թվականի հոկտեմբերի 31-ի թիվ ԵԷԴ/0030/01/12 որոշմամբ անդրադառնալով նույն արարքի համար կրկին դատվելու անթույլատրելիության պատճառաբանությամբ քրեական հետապնդումը դադարեցնելիս անձին արդարացվածի կարգավիճակ տալու անհրաժեշտությանը՝ իրավական դիրքորոշում է հայտնել այն մասին, որ կրկին դատվելու անթույլատրելիության սկզբունքը ենթադրում է անձի և պետության միջև որոշակի արարքի կապակցությամբ ծագած քրեական և քրեադատավարական իրավահարաբերությունների վերջնական դադարում։ Ընդ որում, քրեադատավարական տեսանկյունից այն հիմնվում է քրեական հետապնդման սպառնալիքի ավարտված լինելու գաղափարի վրա։ Այլ խոսքով՝ կրկին դատվելու անթույլատրելիության սկզբունքը ենթադրում է, որ բացակայում է հանցավոր արարքը, քանի որ քրեական մեղադրանքի բովանդակությունը կազմող արարքի կապակցությամբ անձի և պետության միջև համապատասխան իրավահարաբերությունները ծագել և վերջնականապես դադարել են, այսինքն` իրավական առումով <<հանցավոր արարք>> գոյություն չունի։
Տվյալ դեպքում դատարանը հաստատված է համարել, որ Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, մասնավորապես՝ 2023 թվականի դեկտեմբերի 31-ին, վարել է տրանսպորտային միջոց: Թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց:
Տվյալ քրեական գործով Սիրանուշ Եվրյանին մեղսագրվող արարքը կատարվել է 2023 թվականի դեկտեմբերի 31-ին, դրանից հետո, մասնավորապես՝ 2024 թվականի հունվարի 12-ին Սիրանուշ Եվրյանը շարունակել է ավտոմեքենա վարելը, որի համար թիվ ԵԴ1/1620/01/24 քրեական գործով որոշում է կայացվել նրա նկատմամբ քրեական հետապնդում հարուցելու մասին և այդ գործով նա արդեն իսկ դատապարտվել է: Ինչպես տվյալ քրեական գործով, այնպես էլ թիվ ԵԴ1/1620/01/24 քրեական գործով Սիրանուշ Եվրյանին մեղսագրվող արարքները կատարվել են 2023 թվականի հուլիսի 3-ից մինչև 2024 թվականի հուլիսի 3-ն ընկած ժամանակահատվածում՝ տրանսպորտային միջոց վարելու իրավունքից զրկված լինելու պայմաններում:
Դատարանն արձանագրել է, որ 2023 թվականի դեկտեմբերի 31-ից մինչև 2024 թվականի հունվարի 12-ն ընկած ժամանակահատվածում Սիրանուշ Եվրյանը մեկ միասնական դիտավորության մեջ ընդգրկված արարքներով կատարել է միևնույն անմիջական օբյեկտի դեմ ուղղված մեկ (եզակի) շարունակվող հանցագործություն: Նրա արարքներից վերջինը կատարվել է 2024 թվականի հունվարի 12-ին, որի համար նա արդեն իսկ դատապարտվել է թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 21-ի դատավճռով: Այդ դատավճիռը մտել է օրինական ուժի մեջ:
Դատարանը գտել է, որ Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով պետք է ճանաչել և հռչակել անմեղ, որպիսի մոտեցումը Վերաքննիչ դատարանի համար նույնպես ընդունելի է:
Վերաքննիչ դատարանը հարկ է համարում նշել, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը կարող է դրսևորվել նաև շարունակվող հանցագործության տեսքով։ Քննարկվող հանցակազմի դեպքում տրանսպորտային միջոցներ վարելու իրավունքը կասեցված կամ այդ իրավունքից զրկված անձը, ունենալով մեկ միասնական դիտավորություն, տրանսպորտային միջոցը մի քանի անգամ, այդ թվում՝ տարբեր օրերի կարող է վարել, ինչն անհրաժեշտ է դիտարկել որպես շարունակվող հանցագործության մաս կազմող նույնական արարքներ։ Հակառակ մոտեցումն ինքնին կարող է հանգեցնել իրավիճակի, երբ տրանսպորտային միջոցներ վարելու իրավունքը կասեցված կամ այդ իրավունքից զրկված անձի կողմից տրանսպորտային միջոց վարելու հանգամանքն ի հայտ գալու յուրաքանչյուր դեպքում (այդ թվում՝ նույն օրն ավտոմեքենա վարելիս տարբեր վարչական իրավախախտումներ կատարելու հանգամանքն իրավապահ մարմինների կողմից արձանագրելու պարագայում), վերջինի նկատմամբ պետք է նախաձեռնվի առանձին քրեական հետապնդում, ինչը կարող է հանգեցնել կրկին անգամ դատվելու անթույլատրելիության սկզբունքի խախտման։
Անդրադառնալով տվյալ գործի փաստական հանգամանքներին՝ Վերաքննիչ դատարանը հարկ է համարում նշել, որ տվյալ քրեական գործով Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, 2023 թվականի դեկտեմբերի 31-ին, վարել է տրանսպորտային միջոց: Իսկ թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց:
Մեջբերված փաստական հանգամանքների հիման վրա Վերաքննիչ դատարանը գտնում է, որ տրանսպորտային միջոց վարելու իրավունքը զրկված լինելու պայմաններում Սիրանուշ Եվրյանի կողմից տրանսպորտային միջոց վարելը շարունակվող հանցագործության մաս կազմող՝ մեկ միասնական դիտավորությամբ կատարված նույնական արարք է։ Համենայն դեպս հակառակի մասին վկայող ապացույցներ առկա չեն, իսկ չփարատված ողջամիտ կասկածները պետք է մեկնաբանել հօգուտ մեղադրյալի։
Ամփոփելով՝ Վերաքննիչ դատարանը գտնում է, որ դատարանը կրկին դատվելու անթույլատրելիության սկզբունքից ելնելով, իրավաչափորեն արդարացրել է Սիրանուշ Եվրյանին տվյալ քրեական գործով մեղսագրվող արարքում, ուստի առաջին ատյանի դատարանի որոշումն օրինական է և հիմնավոր, ուստի այն բեկանելու հիմքեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 31-րդ, 371-րդ և 380-րդ հոդվածներով` Վերաքննիչ դատարանը
ՈՐՈՇԵՑ
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի բողոքը մերժել՝ Սիրանուշ Վաչագանի Եվրյանի վերաբերյալ Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունիսի 25-ի ԵԴ1/0731/01/25 թվակիր դատավճիռը թողնելով անփոփոխ։
Որոշումը կարող է բողոքարկվել ՀՀ վճռաբեկ դատարան` ստանալու պահից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ Վ.ՌՇՏՈՒՆԻ
ԴԱՏԱՎՈՐՆԵՐ Մ․ՊԱՊՈՅԱՆ
Տ.ԳՐԻԳՈՐՅԱՆ
Դատական գործ N: ԵԴ1/0731/01/25
Երևանի քրեական դատարան
Նոր քրեական գործ
| Երբ է գործը ստացվել | 05-03-2025 |
|---|---|
| Ինչ կարգով է գործը ստացվել | Առաջին անգամ |
| Դատախազություն | Կենտրոն և Նորք-Մարաշ վարչական շրջանների դատախազություն |
| Նախաքննական գործի համարը | 60-0260-24 |
| Մեղադրական եզրակացության համառոտ բովանդակություն | Սիրանուշ Վաչագանի Եվրյանին մեղադրանք է առաջադրվել այն բանի համար, որ նա տեղյակ լինելով, որ զրկված է տրանսպորտային միջոցները վարելու իրավունքից, 2023թվականի դեկտեմբերի 31-ին՝ ժամը 04։10-ի սահմաններում, վարել է «ԿԻԱ» մակնիշի 37 ZG 635 հաշվառման համարանիշի ավտոմեքենան։ |
| Մեղադրյալ | |
| Անձ | |
| Անուն | Սիրանուշ |
| Ազգանուն | Եվրյան |
| Հայրանուն | Վաչագանի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Հոդված | 344 Մաս 1 Կետ /2021թ. մայիսի 5-ին ընդունված գործող ՀՀ քրեական օրենսգրքի/ |
| Դատվածություն | |
| Դատվածություն | նախկինում դատապարտված |
| Վիճակագրական տողի համարը | 15.4 |
| Լրացուցիչ վիճակագրական տողի համար | Առկա չէ |
| Իրավական բարդության չափանիշ | 1.1 |
| Չափահաս | Այո |
Մակագրել
| Երբ | 05-03-2025 |
|---|---|
| Նախագահող դատավոր | |
| Անուն | Արամայիս |
| Ազգանուն | Ասատրյան |
Նոր օրենսդրությամբ քննվող գործեր
| Ամսաթիվ | 05-03-2025 |
|---|
Վարույթը ստանձնելու և նախնական դատալսումներ նշանակելու մասին որոշում
| Որոշման ամսաթիվ | 07-03-2025 |
|---|---|
| Որոշում | Ո Ր Ո Շ Ո Ւ Մ ՎԱՐՈՒՅԹՆ ՍՏԱՆՁՆԵԼՈՒ ԵՎ ՆԱԽՆԱԿԱՆ ԴԱՏԱԼՍՈՒՄՆԵՐ ՆՇԱՆԱԿԵԼՈՒ ՄԱՍԻՆ 7.03.2025 թվական ք.Երևան Երևան քաղաքի առաջին ատյանի ընդհանուր իրավասության քրեական դատարանի դատավոր Ա.Ասատրյանս, ստանալով թիվ ԵԴ1/0731/01/25 քրեական գործը, Պ Ա Ր Զ Ե Ց Ի 2025 թվականի մարտի 5-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/0731/01/25 քրեական գործն ըստ մեղադրանքի Սիրանուշ Վաչագանի Եվրյանի՝ ՀՀ քրեական օրենսգրքի 344-րդ հոդվածի 1-ին մասով: Նույն օրը թիվ ԵԴ1/0731/01/25 քրեական գործը հատուկ համակարգչային ծրագրի միջոցով մակագրվել, իսկ 2025 թվականի մարտի 6-ին հանձնվել է ինձ: Քրեական գործով առկա չէ ՀՀ քրեական դատավարության օրենսգրքի 310-րդ հոդվածի 3-րդ մասով նախատեսված՝ քրեական գործը հսկող դատախազին վերադարձնելու հիմք: Ելնելով վերոգրյալից և ղեկավարվելով ՀՀ քրեական դատավարության օրենսգրքի 310-րդ հոդվածով՝ Ո Ր Ո Շ Ե Ց Ի Ստանձնել թիվ ԵԴ1/0731/01/25 քրեական գործով վարույթը և նախնական դատալսումներ նշանակել 2025 թվականի մարտի 20-ին՝ ժամը 12:00-ին, դռնբաց դատական նիստում, Երևան քաղաքի առաջին ատյանի ընդհանուր իրավասության քրեական դատարանի Աջափնյակ 1 նստավայրի շենքում: ԴԱՏԱՎՈՐ ԱՐԱՄԱՅԻՍ ԱՍԱՏՐՅԱՆ |
| Դատավարության կողմեր | Հանրային մեղադրող |
| Դատավարության կողմեր | Մեղադրյալ |
| Դատավարության կողմեր | |
| Կազմակերպության անուն | ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ ԴԱՏԱԽԱԶՈՒԹՅՈՒՆ |
| Կազմակերպության հասցե | . |
| Դատավարության կողմեր | |
| Անուն | Սիրանուշ |
| Ազգանուն | Եվրյան |
| Հասցե | --------------- |
| Սոցիալական քարտ | --------------- |
Նախնական դատալսումներ
| Ամսաթիվ | 20-03-2025 |
|---|---|
| Ժամ | 12:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 20-03-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 04-04-2025 |
|---|---|
| Ժամ | 16:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 04-04-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 13-05-2025 |
|---|---|
| Ժամ | 16:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 13-05-2025 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 13-05-2025 |
|---|---|
| Ժամ | 16:30 |
| Նիստերի դահլիճի համարը | 5 |
| Այլ նշումներ | ԵԴ1/0731/01/25 Ո Ր Ո Շ ՈՒ Մ ՄԵՂԱԴՐՅԱԼԻ ՆԿԱՏՄԱՄԲ ԽԱՓԱՆՄԱՆ ՄԻՋՈՑ ԿԻՐԱՌԵԼՈՒ ՀԱՐՑԸ ՔՆՆԱՐԿԵԼՈՒ ՄԱՍԻՆ 13 մայիսի 2025 թվական ք.Երևան Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան) նախագահող դատավոր Ա.Ասատրյան դատական նիստի քարտուղար Ս.Սիմոնյան մասնակցությամբ` հանրային մեղադրող Դ.Մարգարյանի մեղադրյալ Ս.Եվրյանի դռնբաց դատական նիստում, նախնական դատալսումների ընթացքում քննարկելով մեղադրյալ Սիրանուշ Վաչագանի Եվրյանի նկատմամբ խափանման միջոց կիրառելու հարցը Պ Ա Ր Զ Ե Ց 2025 թվականի մարտի 5-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60-0260-24 քրեական վարույթն ըստ մեղադրանքի Սիրանուշ Վաչագանի Եվրյանի՝ ՀՀ քրեական օրենսգրքի 344-րդ հոդվածի 1-ին մասով: Քրեական գործին շնորհվել է թիվ ԵԴ1/0731/01/25 համարը: 2025 թվականի մարտի 7-ին որոշում է կայացվել Սիրանուշ Վաչագանի Եվրյանի վերաբերյալ թիվ ԵԴ1/0731/01/25 քրեական գործով՝ վարույթ ստանձնելու և նախնական դատալսումներ նշանակելու մասին: Մինչդատական վարույթում մեղադրյալ Սիրանուշ Վաչագանի Եվրյանի նկատմամբ որպես խափանման միջոց է կիրառվել բացակայելու արգելքը։ Դատարանը գտնում է, որ մեղադրյալ Սիրանուշ Վաչագանի Եվրյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ, քանի որ այն վերացնելու կամ փոփոխելու հիմքեր առկա չեն։ Դատարանի նման եզրահանգման հիմքում ընկած են հետևյալ փաստարկները՝ - մեղադրյալի վերաբերյալ քրեական գործը հաստատված մեղադրական եզրակացությամբ ստացվել է Դատարան, - առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով չկատարելով վարույթն իրականացնող մարմնի հրավերով ներկայանալու պարտականությունը, - բացակայելու արգելքի կիրառումը բավարար է մեղադրյալի կողմից վարույթն իրականացնող մարմնի հրավերով ներկայանալու պարտականության կատարումն ապահովելու համար։ Ելնելով վերոգրյալից և ղեկավարվելով ՀՀ քրեական դատավարության օրենսգրքի 115-րդ, 116-րդ, 122-րդ, 127-րդ, 270-րդ և 316-րդ հոդվածներով` Դատարանը Ո Ր Ո Շ Ե Ց Թիվ ԵԴ1/0731/01/25 (նախաքննական համար 60-0260-24) քրեական գործով մեղադրյալ Սիրանուշ Վաչագանի Եվրյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ։ ԴԱՏԱՎՈՐ ԱՐԱՄԱՅԻՍ ԱՍԱՏՐՅԱՆ |
Նիստը կայացել է
| Նիստի ամսաթիվ | 13-05-2025 |
|---|---|
| Նիստը | Կայացել է |
Հիմնական դատալսումներ
| Ամսաթիվ | 24-06-2025 |
|---|---|
| Ժամ | 17:00 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 24-06-2025 |
|---|---|
| Նիստը | Կայացել է |
Վերդիկտ
| Ամսաթիվ | 24-06-2025 |
|---|---|
| Ամբաստանյալ | |
| Անուն | Սիրանուշ |
| Ազգանուն | Եվրյան |
| Հասցե | --------------- |
| Սոցիալական քարտ | --------------- |
| Կայացվել է վերդիկտ | Արդարացման |
| Օրենսգիրք | Քրեական օրենսգիրք |
| Հոդված |
Լրացուցիչ դատալսումներ
| Ամսաթիվ | 24-06-2025 |
|---|---|
| Ժամ | 17:30 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 24-06-2025 |
|---|---|
| Նիստը | Կայացել է |
Լրացուցիչ դատալսումներ
| Ամսաթիվ | 25-06-2025 |
|---|---|
| Ժամ | 09:25 |
| Նիստերի դահլիճի համարը | 5 |
Նիստը կայացել է
| Նիստի ամսաթիվ | 25-06-2025 |
|---|---|
| Նիստը | Կայացել է |
Կայացվել է դատավճիռ
| Ամսաթիվ | 25-06-2025 |
|---|
Արդարացման
| Ամսաթիվ | 25-06-2025 |
|---|---|
| Ամբաստանյալ | |
| Անուն | Սիրանուշ |
| Ազգանուն | Եվրյան |
| Հասցե | --------------- |
| Սեռ | 0 |
| Օրենսգիրք | Քրեական օրենսգիրք |
| Հոդված |
Դատական ակտ
| Դատական ակտի բովանդակությունը | ԵԴ1/0731/01/25 Դ Ա Տ Ա Վ Ճ Ի Ռ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան) նախագահող դատավոր Ա.Ասատրյան դատական նիստի քարտուղար Ս.Սիմոնյան մասնակցությամբ` հանրային մեղադրող Դ.Մարգարյանի մեղադրյալ Ս.Եվրյանի 2025 թվականի հունիսի 25-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի` Սիրանուշ Վաչագանի Եվրյանի (ծնված՝ 1996 թվականի մայիսի 20-ին, ազգությամբ հայ, ՀՀ քաղաքացի, հաշվառված է Արարատի մարզի, Հովտաշատ գյուղի, Տերյան փողոցի, 7-րդ տուն հասցեում, բնակվում է Երևան քաղաքի, Արշակունյաց փողոցի, 53-րդ շենքի, 21-րդ բնակարան հասցեում)՝ ՀՀ քրեական օրենսգրքի 344-րդ հոդվածի 1-ին մասով Պ Ա Ր Զ Ե Ց Գործի դատավարական նախապատմությունը. 1. 2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության Ճանապարհատրանսպորտային հանցագործությունների քննության բաժնում նախաձեռնվել է թիվ 60-0260-24 քրեական վարույթը: 2024 թվականի հոկտեմբերի 22-ին՝ Սիրանուշ Եվրյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով: 2024 թվականի հոկտեմբերի 23-ի որոշմամբ՝ Սիրանուշ Եվրյանի նկատմամբ որպես խափանման միջոց է կիրառվել բացակայելու արգելքը: 2024 թվականի նոյեմբերի 4-ի որոշմամբ՝ Սիրանուշ Եվրյանի նկատմամբ հարուցված քրեական հետապնդման ժամկետը կասեցվել է: 2025 թվականի հունվարի 7-ի որոշմամբ՝ Սիրանուշ Եվրյանի նկատմամբ հարուցված քրեական հետապնդման կասեցված ժամկետը վերսկսվել է: 2025 թվականի մարտի 5-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60-0260-24 քրեական վարույթն ըստ մեղադրանքի Սիրանուշ Եվրյանի՝ ՀՀ քրեական օրենսգրքի 344-րդ հոդվածի 1-ին մասով: Քրեական գործին շնորհվել է թիվ ԵԴ1/0731/01/25 համարը: 2025 թվականի մարտի 7-ին որոշում է կայացվել Սիրանուշ Եվրյանի վերաբերյալ թիվ ԵԴ1/0731/01/25 քրեական գործով՝ վարույթ ստանձնելու և նախնական դատալսումներ նշանակելու մասին: Նախնական դատալսումների ընթացքում Դատարանը, անդրադառնալով ՀՀ քրեական դատավարության օրենսգրքի 316-րդ հոդվածով նախատեսված հարցին, որոշում է կայացրել մեղադրյալի նկատմամբ մինչդատական վարույթի ընթացքում ընտրված խափանման միջոցը` բացակայելու արգելքը, անփոփոխ թողնելու մասին: Մեղադրանքի փաստական նկարագրությունը. 2. Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով մեղադրանք է ներկայացվել այն բանի համար, որ նա «տեղյակ լինելով, որ զրկված է տրանսպորտային միջոցները վարելու իրավունքից, 2023 թվականի (դեկտեմբերի 31-ին՝ ժամը 04.10-ի սահմաններում, վարել է <<ԿԻԱ>> մակնիշի 37ZG635 հաշվառման համարանիշի ավտոմեքենան: Այսպես. ՀՀ ոստիկանության պարեկային ծառայության կողմից թիվ 8100230927 վարչական իրավախախտման գործով 2023 թվականի ապրիլի 25-ին կայացված որոշմամբ Սիրանուշ Վաչագանի Եվրյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի ապրիլի 25-ից մինչև 2024 թվականի ապրիլի 25-ը, որի մասին տեղում ծանուցվել է և ստորագրությամբ ստացել որոշման պատճենը: Տեղեկյակ լինելով, որ զրկված է տրանսպորտային միջոցներ վարելու իրավունքից՝ Սիրանուշ Վաչագանի Եվրյանը, զրկման ժամկետը դեռ չլրացած, 2023 թվականի դեկտեմբերի 31-ին՝ ժամը 04:10-ի սահմաններում, Երևան քաղաքի Խանջյան փողոցում վարել է «ԿԻԱ» մակնիշի 37ZG635 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության ավագ պարեկ Գևորգ Սալմանյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180269419 արձանագրությունը»: Դատաքննությամբ հետազոտված թույլատրելի ապացույցները. 3. Հիմնական դատալսումների ընթացքում հետազոտված թույլատրելի ապացույցները. Մեղադրյալ Սիրանուշ Եվրյանը հիմնական դատալսումների ժամանակ, օգտվելով իր սահմանադրական իրավունքից հրաժարվեց ցուցմունք տալուց: - Արտավարութային փաստաթուղթ ճանաչված՝ վարչական իրավախախտման վերաբերյալ թիվ 8180230927 որոշման պատճենը, համաձայն որի՝ այն կազմվել է 2023 թվականի ապրիլի 23-ին: Սիրանուշ Եվրյանը զրկվել է տրանսպորտային միջոցներ վարելու իրավունքից՝ մեկ տարի ժամկետով: - Արտավարութային փաստաթուղթ ճանաչված՝ վարչական իրավախախտման վերաբերյալ թիվ 81802694219 արձանագրության պատճենը, համաձայն որի՝ այն կազմվել է 2023 թվականի դեկտեմբերի 31-ին: Սիրանուշ Եվրյանը վարել է տրանսպորտային միջոց, զրկված լինելով տրանսպորտային միջոցներ վարելու իրավունքից: - Արտավարութային փաստաթուղթ ճանաչված՝ ալկոհոլի պարունակության ստուգման թիվ 00562 կտրոնի պատճենը: - Արտավարութային փաստաթուղթ ճանաչված՝ ստուգաչափման թիվ 073355 վկայականի պատճենը: - Արտավարութային փաստաթուղթ ճանաչված՝ ՀՀ ՆԳՆ «ճանապարհային ոստիկանություն» ծառայության պետի տեղակալի 2024 թվականի թիվ ՄԳ/43719-24 գրությունը: - Զննում կատարելու մասին արձանագրությունը, համաձայն որի՝ զննության են ենթարկվել՝ վարչական իրավախախտման վերաբերյալ թիվ 8180230927 որոշման, թիվ 81802694219 արձանագրության պատճեները, ալկոհոլի պարունակության ստուգման թիվ 00562 կտրոնի, ստուգաչափման թիվ 073355 վկայականի պատճեները, ՀՀ ՆԳՆ «ճանապարհային ոստիկանություն» ծառայության պետի տեղակալի 2024 թվականի թիվ ՄԳ/43719-24 գրությունը: Դատարանի որոշմամբ արտավարութային փաստաթուղթ ճանաչված՝ թիվ ԵԴ1/1620/01/24 քրեական գործով «DataLex» դատական տեղեկատվական համակարգում առկա տեղեկատվությունը, համաձայն որի՝ Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ի դատավճռով Սիրանուշ Եվրյանը մեղավոր է ճանաչվել ՀՀ քրեական օրենսգրքի 344 հոդվածի 1-ին մասով՝ երկու դրվագով այն արարքների համար, որ նա «տրանսպորտային միջոցներ վարելու իրավունքից զրկված լինելու պայմաններում, 2023 թվականի հուլիսի 03-ին, ժամը 03:20-ի սահմաններում՝ Երևան քաղաքի Բաղրամյան պողոտայում վարել է «Մերսեդես» մակնիշի 27 SC 777 հաշվառման համարանիշի տրանսպորտային միջոցը և 2024 թվականի հունվարի 12-ին, ժամը 20:45-ի սահմաններում Երևան քաղաքի Աճառյան փողոցում վարել է «Կիա» մակնիշի 37 ZG 635 հաշվառման համարանիշի տրանսպորտային միջոցը»: Հիշյալ դատավճիռը չի բողոքարկվել և 2024 թվականի դեկտեմբերի 2-ին հանձնվել է կատարման: Լրացուցիչ դատալսումների ընթացքում ապացույցներ չեն հետազոտվել: Դատարանի փաստական վերլուծությունները և հաստատված կամ հերքված փաստական հանգամանքները: 4. Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները. - սույն քրեական գործով Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, մասնավորապես՝ 2023 թվականի դեկտեմբերի 31-ին, վարել է տրանսպորտային միջոց: - Թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց: Վերոհիշյալ փաստական հանգամանքների համադրման արդյունքում, Դատարանն արձանագրում է հետևյալը. -Սույն քրեական գործով Սիրանուշ Եվրյանին մեղսագրվող արարքը կատարվել է 2023 թվականի դեկտեմբերի 31-ին: -Դրանից հետո, մասնավորապես՝ 2024 թվականի հունվարի 12-ին Սիրանուշ Եվրյանը շարունակել է ավտոմեքենա վարելը, որի համար թիվ ԵԴ1/1620/01/24 քրեական գործով որոշում է կայացվել նրա նկատմամբ քրեական հետապնդում հարուցելու մասին և այդ գործով նա արդեն իսկ դատապարտվել է: -Ինչպես սույն քրեական գործով, այնպես էլ թիվ ԵԴ1/1620/01/24 քրեական գործով Սիրանուշ Եվրյանին մեղսագրվող արարքները կատարվել են 2023 թվականի հուլիսի 3-ից մինչև 2024 թվականի հուլիսի 3-ն ընկած ժամանակահատվածում՝ տրանսպորտային միջոց վարելու իրավունքից զրկված լինելու պայմաններում: Դատարանի իրավական վերլուծությունները, հետևությունները և որոշումները. 5. ՀՀ Սահմանադրության 68-րդ հոդվածի 1-ին մասի համաձայն՝ «1. Ոչ ոք չի կարող կրկին դատվել նույն արարքի համար»: «Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի 7-րդ արձանագրության 4-րդ հոդվածի համաձայն՝ «Ոչ ոք չպետք է միևնույն պետության իրավազորության շրջանակներում երկրորդ անգամ դատվի կամ քրեական դատավարության կարգով պատժվի այն հանցագործության կապակցությամբ, որի համար նա արդեն վերջնականապես արդարացվել է կամ դատապարտվել այդ պետության օրենքին և քրեական դատավարությանը համապատասխան»։ «Քաղաքացիական և քաղաքական իրավունքների մասին» միջազգային դաշնագրի 14-րդ հոդվածի 7-րդ կետի համաձայն` «Ոչ ոք չպետք է կրկին անգամ դատվի կամ պատժվի այն հանցագործության համար, որի համար նա արդեն վերջնականապես դատապարտվել է կամ արդարացվել յուրաքանչյուր երկրի օրենքին և քրեական դատավարության իրավունքին համապատասխան»։ ՀՀ քրեական օրենսգրքի 7-րդ հոդվածի 2-րդ մասի համաձայն՝ «Արգելվում է անձին կրկին քրեական պատասխանատվության ենթարկել նույն հանցանքը կատարելու համար, բացառությամբ սույն օրենսգրքի 133-154-րդ, 155-րդ, 308-րդ, 450-րդ կամ 451-րդ հոդվածով նախատեսված հանցանքների համար այլ պետության կողմից քրեական պատասխանատվության ենթարկված լինելու այն դեպքերի, երբ անձն անհիմն ազատվել է քրեական պատասխանատվությունից կամ անարդարացիորեն դատապարտվել է մեղմ պատժի կամ անհիմն լրիվ կամ մասնակիորեն ազատվել է պատժի կրումից»։ ՀՀ քրեական դատավարության օրենսգրքի 12-րդ հոդվածի համաձայն՝ «1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե` (...) 3) առկա է անձին մեղսագրվող նույն արարքի կապակցությամբ oրինական ուժի մեջ մտած դատավճիռ կամ այլ դատական ակտ. (...)»: ՀՀ քրեական դատավարության օրենսգրքի 25-րդ հոդվածի 1-ին մասի համաձայն՝ «1. Ոչ ոք չպետք է Հայաստանի Հանրապետության իրավազորության շրջանակներում կրկին դատվի կամ պատժվի այն արարքի համար, որի համար նա օրինական ուժի մեջ մտած դատավճռով արդարացվել կամ դատապարտվել է»: 6. Նախորդ կետում շարադրված իրավադրույթների լույսի ներքո վերլուծելով և հիմք ընդունելով Դատարանի կողմից հաստատված ու սույն դատավճռի 4-րդ կետում մեջբերված փաստական հանգամանքները, Դատարանն արձանագրում է, որ 2023 թվականի դեկտեմբերի 31-ից մինչև 2024 թվականի հունվարի 12-ն ընկած ժամանակահատվածում Սիրանուշ Եվրյանը մեկ միասնական դիտավորության մեջ ընդգրկված արարքներով կատարել է միևնույն անմիջական օբյեկտի դեմ ուղղված մեկ (եզակի) շարունակվող հանցագործություն: Նրա արարքներից վերջինը կատարվել է 2024 թվականի հունվարի 12-ին, որի համար նա արդեն իսկ դատապարտվել է թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ի դատավճռով: Այդ դատավճիռը մտել է օրինական ուժի մեջ: Վերը նշվածը հաշվի առնելով՝ Դատարանը գտնում է, որ 2025 թվականի հունիսի 24-ին կայացված արդարացման վերդիկտի հիման վրա պետք է Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչել և հռչակել անմեղ: Դատարանը գտնում է, որ Սիրանուշ Եվրյանի ռեաբիլիտացիայի հարցը պետք է համարել լուծված, քանի որ լրացուցիչ դատալսումների ընթացքում արդարացված մեղադրյալ Սիրանուշ Եվրյանը ՀՀ քրեական դատավարության օրենսգրքի 164-րդ հոդվածով նախատեսված որևէ պահանջ չի ներկայացրել։ Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 6-14-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։ Նկատի ունենալով, որ վերը նշված հիմնավորումներով պետք է ճանաչվի և հռչակվի Սիրանուշ Եվրյանի անմեղությունը՝ Դատարանը գտնում է, որ նրա նկատմամբ խափանման միջոց կիրառելու իրավաչափության պայմանները վերանում են, հետևաբար` նրա նկատմամբ կիրառված խափանման միջոցը՝ բացակայելու արգելքը, պետք է վերացնել։ Դատարանը գտնում է, որ վարութային ծախսերի հարցը պետք է համարել լուծված, քանի որ արդարացման դատավճիռ կայացնելու պայմաններում վարութային ծախսերի հատուցման պարտականությունը չի կարող դրվել Սիրանուշ Եվրյանի վրա։ 7. Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 117-րդ, 276-րդ, 347-349-րդ հոդվածներով, Դատարանը Վ Ճ Ռ Ե Ց Սիրանուշ Վաչագանի Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչել և հռչակել անմեղ: Սիրանուշ Վաչագանի Եվրյանի ռեաբիլիտացիայի հարցը համարել լուծված: Սիրանուշ Վաչագանի Եվրյանի նկատմամբ ընտրված խափանման միջոցը՝ բացակայելու արգելքը, վերացնել: Վարութային ծախսերի հարցը համարել լուծված: Դատավճիռը կարող է բողոքարկվել վերաքննիչ քրեական դատարան ստանալու օրվանից հետո՝ մեկամսյա ժամկետում: ԴԱՏԱՎՈՐ ԱՐԱՄԱՅԻՍ ԱՍԱՏՐՅԱՆ |
|---|---|
| Դատական ակտի ամսաթիվը | 25-06-2025 |
Դատավճռի, որոշման կատարում
| Ամսաթիվ | 02-07-2025 |
|---|
Ստացվել է տեղեկատվություն դատավճիռն ի կատար ածելու վերաբերյալ
| Ամսաթիվ | 10-07-2025 |
|---|---|
| Ստացվել է | Ազատությունից զրկելու հետ չկապված պատիժների կատարման ստորաբաժանումից |
Գործը հանձնվել է գրասենյակ
| Գործը հանձնվել է գրասենյակ | 21-07-2025 |
|---|---|
| Էջերի քանակ | գործը 2 հատորից 1-ին հատոր 86 թերթ, 2-րդ հատոր 37 թերթ: |
| Այլ նշումներ | Տեղի է ունեցել վրիպակ. 2 հատոր՝ 1-ին հատոր՝ «93» թերթ, 2-րդ հատոր՝ «75» թերե: |
Բողոքարկվել է
| Բողոքարկվել է | Ըստ էության լուծող դատական ակտը |
|---|---|
| Ամսաթիվ | 21-07-2025 |
Գործն ուղարկվել է
| Գործը ուղարկվել է | 28-07-2025 |
|---|---|
| Էջերի քանակը | 2 հատոր՝ 1-ին հատոր՝ «93» թերթ, 2-րդ հատոր՝ «75» թերեթ |
| ՈՒր(դատարան) | Քրեական վերաքննիչ |
| Ելքի գրության համարը | Ե-86800 |
Դատական գործ N: ԵԴ1/0731/01/25
Քրեական վերաքննիչ
Ստացվել է վերաքննիչ բողոք
| Ամսաթիվ | 14-07-2025 |
|---|---|
| Ամսաթիվ | 14-07-2025 |
| Ում կողմից է բերվել բողոքը | Մեղադրող |
| Բողոքը բերող անձը | |
| Անուն | Դավիթ |
| Ազգանուն | Մարգարյան |
| Հասցե | --------------- |
| Սեռ | 0 |
| Բողոքի բովանդակությունը | Սիրանուշ Եվրյան Բողոքն ընդունել վարույթ : Բեկանել Երևան քաղաքի առաջին ատյանի ընդհանուր իրավասության քրեական դատարանի /Շենգավիթ/՝ Սիրանուշ Վաչագանի Եվրյանի վերաբերյալ 25.06.2025թ. կայացրած դատավճիռը՝ վարույթը փոխանցել նույն դատարան՝ նոր քննության : |
| Բողոքի ստացման կարգը | Հանձնվել է փոստին |
| Չափահաս | Այո |
Գործը ստացվել է
| Գործի ստացման ամսաթիվ | 29-07-2025 |
|---|---|
| Վիճակագրական տողի համարը | 15.4 |
| Գործը ստացվել է | Երևանի քրեական դատարան |
Գործն ըստ էության լուծող դատական ակտի դեմ
| Ըստ էության լուծող դատական ակտեր | Դատավճիռ (արդարացման/մեղադրական) |
|---|
Մակագրել
| Ամսաթիվ | 29-07-2025 |
|---|---|
| Նախագահող դատավոր | |
| Անուն | Վազգեն |
| Ազգանուն | Ռշտունի |
| Դատավոր | |
| Անուն | Տաթևիկ |
| Ազգանուն | Գրիգորյան |
| Դատավոր | |
| Անուն | Արսեն |
| Ազգանուն | Նիկողոսյան |
Դատավորի փոխարինում
| Փոխարինման ամսաթիվ | 04-08-2025 |
|---|---|
| Բացակայող դատավոր | |
| Անուն | Արսեն |
| Ազգանուն | Նիկողոսյան |
| Փոխարինող դատավոր | |
| Անուն | Մխիթար |
| Ազգանուն | Պապոյան |
Նշանակվել է դատական քննություն
| Երբ | 19-08-2025 |
|---|---|
| Ժամ | 17:00 |
| Նիստերի դահլիճի համարը | 4 |
| Նիստը | Կայացել է |
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
| Անփոփոխ թողնված դատական ակտը | Պատճառաբանվել է |
|---|---|
| Ամսաթիվ | 19-08-2025 |
| Ամբաստանյալ | |
| Անուն | Սիրանուշ |
| Ազգանուն | Եվրյան |
| Հասցե | --------------- |
| Սեռ | 0 |
| Քր. դատ. օր. հոդված | |
| Քր. դատ. օր. հոդված | |
| Քր. դատ. օր. հոդված | |
| Քր.օր. հոդված |
Դատական ակտ
| Դատական ակտ | ԵԴ1/0731/01/25 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ ՈՐՈՇՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ ՀՀ վերաքննիչ քրեական դատարանը (այսուհետ` Վերաքննիչ դատարան) Նախագահող դատավոր դատավորներ դատական նիստերի քարտուղար դատախազ մեղադրյալ Վ.Ռշտունի Մ․Պապոյան Տ.Գրիգորյան Ք.Բադալյան Դ․Մարգարյան Ս.Եվրյան Ս <<19>> օգոստոսի 2025թ. ք.Երևան դռնբաց դատական նիստում քննության առնելով մեղադրյալ Սիրանուշ Վաչագանի Եվրյանի (ծնված՝ 1996 թվականի մայիսի 20-ին, ազգությամբ՝ հայ, ՀՀ քաղաքացի, հաշվառված է Արարատի մարզի Հովտաշատ գյուղի Տերյան փողոցի 7-րդ տանը, բնակվում է Երևան քաղաքի Արշակունյաց փողոցի 53-րդ շենքի 21-րդ բնակարանում) վերաբերյալ Երևան քաղաքի առաջին ատյանի ընդհանուր իրավասության քրեական դատարանի (այսուհետ նաև դատարան) 2025 թվականի հունիսի 25-ի դատավճռի դեմ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի վերաքննիչ բողոքը՝ ՊԱՐԶԵՑ Գործի դատավարական նախապատմությունը. 2024 թվականի հունվարի 25-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Վ․Բաղդասարյանի որոշմամբ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60026024 քրեական վարույթը: 2024 թվականի հոկտեմբերի 22-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ Սիրանուշ Եվրյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է քրեական հետապնդում հանրորեն վտանգավոր այն արարքը կատարելու համար, որ ՀՀ ոստիկանության պարեկային ծառայության կողմից թիվ 8180230927 վարչական իրավախախտման գործով 2023 թվականի ապրիլի 25-ին կայացված որոշմամբ Սիրանուշ Եվրյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի ապրիլի 25-ից մինչև 2024 թվականի ապրիլի 5-ը, որի մասին տեղում ծանուցվել է և ստորագրությամբ ստացել որոշման պատճենը: Տեղյակ լինելով, որ զրկված է տրանսպորտային միջոցներ վարելու իրավունքից՝ Սիրանուշ Եվրյանը, զրկման ժամկետը դեռ չլրացած, 2023 թվականի դեկտեմբերի 31-ին՝ ժամը 04:10-ի սահմաններում, Երևան քաղաքի Խանջյան փողոցում վարել է <<ԿԻԱ>> մակնիշի 37 ZG 635 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության ավագ պարեկ Գևորգ Սալմանյանի կողմից նույն օրը՝ ժամը 04:35-ին, կազմվել է վարչական իրավախախտման վերաբերյալ թիվ 8180269419 արձանագրությունը: 2024 թվականի հոկտեմբերի 23-ին ՀՀ քննչական կոմիտեի Երևան քաղաքի քննչական վարչության Կենտորն և Նորք-Մարաշ վարչական շրջանների քննչական երկրորդ բաժնի քննիչ Հ․Գևորգյանի որոշմամբ մեղադրյալ Սիրանուշ Եվրյանի նկատմամբ որպես խափանման միջոց կիրառվել է բացակայելու արգելքը։ 2024 թվականի նոյեմբերի 4-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ քրեական հետապնդման ժամկետը կասեցվել է։ 2025 թվականի հունվարի 7-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի որոշմամբ կասեցված հանրային քրեական հետապնդման ժամկետները վերսկսվել են։ 2025 թվականի մարտի 3-ին թիվ 60026024 քրեական գործը մեղադրական եզրակացությամբ ուղարկվել է դատարան: Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունիսի 25-ի դատավճռով Սիրանուշ Եվրյանը ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով ճանաչվել և հռչակվել է անմեղ: Սիրանուշ ռեաբիլիտացիայի հարցը համարվել է լուծված: Սիրանուշ Եվրյանի նկատմամբ ընտրված խափանման միջոցը՝ բացակայելու արգելքը, վերացվել է: Վարութային ծախսերի հարցը համարվել է լուծված: 2025 թվականի հուլիսի 14-ին Վերաքննիչ դատարան է ստացվել Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի բողոքը, իսկ թիվ ԵԴ1/0731/01/25 քրեական գործը Վերաքննիչ դատարանում ստացվել է 2025 թվականի հուլիսի 29-ին (Նախագահող դատավորի աշխատակազմին հանձնվել է 2025 թվականի հուլիսի 30-ին): Վերաքննիչ բողոքի հիմքերը, հիմնավորումները և պահանջը. Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանը վերաքննիչ բողոքում նշել է, որ դատարանը թեև ուղիղ չի նշել, սակայն որոշման ընդհանուր տրամաբանությունը հանգում է նրան, որ Սիրանուշ Եվրյանի գործողությունները դատարանը գնահատել է որպես մեկ միասնական դիտավորության մեջ ընդգրկված շարունակվող հանցագործության բաղկացուցիչ մասեր: Կրկին դատվելու անթույլատրելիության սկզբունքի հնարավոր խախտման մասին դատարանի դատողություններ ենթակա են հերքման շարունակվող հանցագործության կամ հանցանքների համակցության ինստիտուտների վերլուծության միջոցով: Ինչ վերաբերում է շարունակվող հանցագործությանը, ապա այն բարդ (եզակի) հանցագործության տեսակ է, որը թեպետ դրսևորվում է որոշակի ժամանակային ընդմիջումներով կատարվող մեկից ավելի հակաիրավական արարքներով, այնուամենայնիվ դիտվում է որպես մեկ հանցագործություն և որակվում է քրեական օրենսգրքի հատուկ մասի մեկ հոդվածով կամ հոդվածի մասով: Վերոնշյալը պայմանավորված է կատարվող արարքների միջև գոյություն ունեցող սերտ կապով, ինչը թույլ է տալիս դրանք գնահատել որպես մեկ ամբողջություն: Մասնավորապես, շարունակվող հանցագործությունը բնութագրվում է օբյեկտիվ և սուբյեկտիվ այնպիսի հատկանիշներով, որոնցով տարանջատվում է հանցագործությունների իրական համակցությունից: Շարունակվող հանցագործությունը մեկ միասնական բարդ հանցագործության տեսակ է, որը ձևավորվում է նույնական այնպիսի արարքներից, որոնց միջև, որպես կանոն, առկա է հարաբերականորեն ոչ մեծ ժամանակային խզում, և որոնք ոտնձգում են միևնույն անմիջական օբյեկտի դեմ, ընդգրկված են մեկ միասնական դիտավորությամբ և հանդես են գալիս որպես մեկ ամբողջական հանցագործության առանձին օղակ: Ինչ վերաբերում է շարունակվող հանցագործության սուբյեկտիվ հատկանիշին, ապա այն ենթադրում է հանցավորի մոտ միասնական դիտավորության և նպատակի առկայություն: Այլ կերպ ասած` անձը պետք է նախնական մտադրություն ունենա կատարելու կոնկրետ հանցանքը մեկից ավելի, որոշակի ժամանակային ընդմիջումներով առանձնացված նույնական արարքներով: Նման դեպքերում շարունակվող հանցագործությունն իրական համակցությունից տարանջատելու հիմնական չափանիշը հանցավորի մոտ համապատասխան արարքները կատարելու միասնական դիտավորության առկայության հավաստումն է և միաժամանակ դիտավորության` ամեն արարքից հետո կրկին ծագած լինելու հավանականության բացառումը: Կատարված մեկից ավելի արարքները կարող են դիտվել որպես շարունակվող հանցագործություն և որակվել ՀՀ քրեական օրենսգրքի մեկ հոդվածով (հոդվածի մասով կամ կետով) միայն օբյեկտիվ և սուբյեկտիվ հատկանիշների միաժամանակյա առկայության պայմաններում: Սիրանուշ Եվրյանը Երևան քաղաքի առաջին ատյանի ընդհանուր իրավասության քրեական դատարանի ԵԴ1/1620/01/24 դատավճռով դատապարտվել է այն արարքների կատարման համար, որ նա, տեղյակ լինելով, որ 2023 թվականի ապրիլի 25-ից ՀՀ ոստիկանության պարեկային ծառայության աշխատակիցների կողմից կազմված թիվ 8100230927 որոշմամբ զրկվել է տրանսպորտային միջոցների վարելու իրավունքից մեկ տարի ժամկետով, 2023 թվականի հուլիսի 3-ին և 2024 թվականի հունվարի 12-ին վարել ավտոմեքենան։ Տվյալ գործով իրեն վերագրվող արարքը կատարվել է զրկման նույն ժամանակահատվածում, սակայն մեկ այլ օր՝ 2023 թվականի դեկտեմբերի 31-ին: Ընդ որում, յուրաքանչյուր խախտման դեպքում պարեկային ծառայության պարեկի կողմից Սիրանուշ Եվրյանի ներկայությամբ կազմվել է արձանագրություն, և վերջինը կրկին տեղեկացվել է վարելու իրավունքից զրկման բնույթի մասին: Սիրանուշ Եվրյանի գործողություններում բացակայում են շարունակվող հանցագործության հատկանիշները, վերջինի կատարած արարքների միջև առկա չէ օբյեկտիվ և սուբյեկտիվ այնպիսի կապ, որը թույլ կտա դրանք գնահատել որպես մեկ ամբողջություն: Թեպետ Սիրանուշ Եվրյանը կատարել է մեկից ավելի նույնական արարքներ` նախատեսված ՀՀ քրեական օրենսգրքի 344-րդ հոդվածի 1-ին մասով, այնուամենայնիվ այդ արարքները կատարվել են առանձին ծագած դիտավորություններով: Մասնավորապես՝ Սիրանուշ Եվրյանը յուրաքանչյուր անգամ պարեկային ծառայության պարեկի կողմից կանգնեցվելուց և վարչական իրավախախտման վերաբերյալ արձանագրություն կազմելուց հետո շարունակել է վարել ավտոմեքենա: Նման պայմաններում ողջամիտ չի լինի դատողություններ անել առ այն, որ Սիրանուշ Եվրյանը մինչև ավտոմեքենա վարելը յուրաքանչյուր անգամ արդեն իսկ նախնական դիտավորություն է ունեցել ավտոմեքենա վարել նաև հաջորդ օրերին, կամ այդ դիտավորությունն առաջացել է ավտոմեքենա վարելու ընթացքում: Բացի այդ, Սիրանուշ Եվրյանը զրկման ողջ ժամանակահատվածում յուրաքանչյուր անգամ տրանսպոտային միջոց վարել և պարեկային ծառայության աշխատակցի կողմից կանգնեցվել է տարբեր օրերի՝ ընդհուպ մինչև 5 ամիս ընդհատումով, ինչը վկայում է այն մասին, որ արարքների միջև առկա է երկարատև ժամանակային խզում: Այսպիսով՝ Սիրանուշ Եվրյանի գործողությունները մեկ հանցագործության մաս կազմող միասնական արարքներ հանդիսանալու մասին պնդումները հիմնազուրկ են և չեն բխում տվյալ գործի փաստական հանգամանքներից, հետևաբար վերջինի գործողություններում բացակայում է շարունակվող հանցագործությանը բնորոշ ինչպես օբյեկտիվ, այնպես էլ սուբյեկտիվ հատկանիշները: Ընդ որում, նույն մոտեցումն է ունեցել նաև Երևան քաղաքի ընդհանուր իրավասության առաջին ատյանի դատարանը, երբ ԵԴ1/1620/01/24 քրեական գործով Սիրանուշ Եվրյանին մեղավոր է ճանաչել 2 դրվագով ՀՀ քրեական օրենսգրքի 344-րդ հոդվածի 1-ին մասով: Այսինքն՝ Սիրանուշ Եվրյանի կատարած առաջին և վերջին արարքները դիտարկվել են որպես հանցագործության առանձին դեպքեր: Մինչդեռ դատարանը հիշյալ արարքների միջանկյալ ժամանակահատվածում կատարված արարքը դիտարկել է որպես նախորդ դատավճռով հաստատված արարքների բաղկացուցիչ մաս: Սիրանուշ Եվրյանի գործողություններ չեն կարող մեկնաբանվել որպես մեկ միասնական դիտավորությամբ կատարված նույնական արարքի բաղկացուցիչ մասեր, հետևաբար դրանց համար անձին պատասխանատվության ենթարկելը չի կարող հանգեցնել նույն արարքի համար կրկնակի դատապարտման: Հատկանշական է նաև այն, որ քննարկվող արարքի համար պատասխանատվություն նախատեսող հոդվածը ներառված է ՀՀ քրեական օրենսգրքի հասարակական անվտանգության դեմ ուղղված հանցագործությունների բաժնում: Տվյալ հանցագործության անմիջական օբյեկտը ճանապարհային երթևեկության կամ տրանսպորտային միջոցների շահագործման պատշաճ իրականացման ապահովմամբ հասարակության անվտանգության պաշտպանությանն ուղղված հասարակական հարաբերություններն են: Սրանից հետևում է, որ տրանսպորտային միջոց վարելու իրավունքից զրկված անձը որպես վտանգավոր վարորդ՝ իրենից հասարակական վտանգավորություն է ներկայացնում, և յուրաքանչյուր անգամ վերջինի կողմից ավտոմեքենա վարելու դեպքում վտանգվում է հասարակության անդամների կյանքը, առողջությունը կամ գույքը: Նման պայմաններում, եթե անձի կողմից ինչպես մեկ, այնպես էլ բազմաթիվ անգամներ ավտոմեքենա վարելու դեպքերը մեխանիկորեն դիտարկենք որպես մեկ արարք, ապա կարող է ձևավորվել արատավոր պրակտիկա, որը ոչ միայն կիմաստազրկի հասարակության անվտանգության ապահովմանն ուղղված այս ինստիտուտի բուն էությունը, այլ նաև կստեղծվի մի իրավիճակ, երբ տրանսպորտային միջոց վարելու իրավունքից զրկված (կասեցված) <<վտանգավոր վարորդը>>, գիտակցելով իր արարքի փաստական հանգամանքներն ու վտանգավորությունը, կշարունակի ազատորեն ավտոմեքենա վարել այնքան ժամանակ, քանի դեռ քրեական վարույթ չի նախաձեռնվել կամ մեղադրանք չի ներկայացվել՝ այդկերպ յուրաքանչյուր պահի վտանգելով հասարակության անդամների անվտանգությունը: Այլ կերպ ասած՝ իրավասու մարմինները, արձանագրելով վարորդի կողմից հասարակական վտանգավոր արարք կատարելու փաստը, անուղղակի կերպով թույլատրում են վերջինին շարունակել այդ վարքագիծն այնքան ժամանակ, քանի դեռ չեն կատարվել ընթացակարգային որոշ գործողություններ: Բողոքաբերը մեջբերել է նաև ՀՀ վերաքննիչ քրեական դատարանի կողմից թիվ ԵԴ1/1277/01/23 քրեական գործով 2024 թվականի մարտի 15-ին կայացված որոշումը։ Ելնելով վերոգրյալից՝ բողոքաբերը խնդրել է բեկանել թիվ ԵԴ1/0731/01/25 քրեական գործով Երևան քաղաքի առաջին ատյանի ընդհանուր իրավասության քրեական դատարանի` 2025 թվականի հունիսի 25-ի դատավճիռը և վարույթը փոխանցել նույն դատարան՝ նոր քննության: Վերաքննիչ դատարան ներկայացված նյութերը և կողմերի պարզաբանումները. Դատախազ Դ․Մարգարյանը վերոնշյալ հիմնավորումներով ներկայացրեց վերաքննիչ բողոքը՝ խնդրելով այն բավարարել: Մեղադրյալ Ս․Եվրյանը ծանուցված լինելու պայմաններում, չէր ներկայացել դատական նիստին, միևնույն ժամանակ Վերաքննիչ դատարանի աշխատակազմի կողմից վերջինի հեռախոսահամարին կատարվել են զանգեր, սակայն նրա բջջային հեռախոսը գտնվել է անհասանելի վիճակում։ Վերաքննիչ դատարանի պատճառաբանությունները և եզրահանգումը. ՀՀ քրեական դատավարության օրենսգրքի 359-րդ հոդվածի 1-ին մասի համաձայն` վերաքննությունն իրականացվում է բողոքում նշված հիմքի և այն հաստատող փաստերի սահմաններում: Վերաքննիչ դատարանը, ուսումնասիրելով ներկայացված բողոքը և քրեական գործը, գտնում է, որ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի վերաքննիչ բողոքը ենթակա է մերժման հետևյալ պատճառաբանությամբ. ՀՀ Սահմանադրության 68-րդ հոդվածի 1-ին մասի համաձայն՝ ոչ ոք չի կարող կրկին դատվել նույն արարքի համար։ <<Մարդու իրավունքների և հիմնարար ազատությունների պաշտպանության մասին>> եվրոպական կոնվենցիայի 7-րդ արձանագրության 4-րդ հոդվածի համաձայն՝ ոչ ոք չպետք է միևնույն պետության իրավազորության շրջանակներում երկրորդ անգամ դատվի կամ քրեական դատավարության կարգով պատժվի այն հանցագործության կապակցությամբ, որի համար նա արդեն վերջնականապես արդարացվել է կամ դատապարտվել այդ պետության օրենքին և քրեական դատավարությանը համապատասխան։ ՀՀ քրեական դատավարության օրենսգրքի 25-րդ հոդվածի 1-ին մասի համաձայն՝ ոչ ոք չպետք է Հայաստանի Հանրապետության իրավազորության շրջանակներում կրկին դատվի կամ պատժվի այն արարքի համար, որի համար նա օրինական ուժի մեջ մտած դատավճռով արդարացվել կամ դատապարտվել է: ՀՀ վճռաբեկ դատարանը 2014 թվականի հոկտեմբերի 31-ի թիվ ԵԷԴ/0030/01/12 որոշմամբ անդրադառնալով նույն արարքի համար կրկին դատվելու անթույլատրելիության պատճառաբանությամբ քրեական հետապնդումը դադարեցնելիս անձին արդարացվածի կարգավիճակ տալու անհրաժեշտությանը՝ իրավական դիրքորոշում է հայտնել այն մասին, որ կրկին դատվելու անթույլատրելիության սկզբունքը ենթադրում է անձի և պետության միջև որոշակի արարքի կապակցությամբ ծագած քրեական և քրեադատավարական իրավահարաբերությունների վերջնական դադարում։ Ընդ որում, քրեադատավարական տեսանկյունից այն հիմնվում է քրեական հետապնդման սպառնալիքի ավարտված լինելու գաղափարի վրա։ Այլ խոսքով՝ կրկին դատվելու անթույլատրելիության սկզբունքը ենթադրում է, որ բացակայում է հանցավոր արարքը, քանի որ քրեական մեղադրանքի բովանդակությունը կազմող արարքի կապակցությամբ անձի և պետության միջև համապատասխան իրավահարաբերությունները ծագել և վերջնականապես դադարել են, այսինքն` իրավական առումով <<հանցավոր արարք>> գոյություն չունի։ Տվյալ դեպքում դատարանը հաստատված է համարել, որ Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, մասնավորապես՝ 2023 թվականի դեկտեմբերի 31-ին, վարել է տրանսպորտային միջոց: Թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց: Տվյալ քրեական գործով Սիրանուշ Եվրյանին մեղսագրվող արարքը կատարվել է 2023 թվականի դեկտեմբերի 31-ին, դրանից հետո, մասնավորապես՝ 2024 թվականի հունվարի 12-ին Սիրանուշ Եվրյանը շարունակել է ավտոմեքենա վարելը, որի համար թիվ ԵԴ1/1620/01/24 քրեական գործով որոշում է կայացվել նրա նկատմամբ քրեական հետապնդում հարուցելու մասին և այդ գործով նա արդեն իսկ դատապարտվել է: Ինչպես տվյալ քրեական գործով, այնպես էլ թիվ ԵԴ1/1620/01/24 քրեական գործով Սիրանուշ Եվրյանին մեղսագրվող արարքները կատարվել են 2023 թվականի հուլիսի 3-ից մինչև 2024 թվականի հուլիսի 3-ն ընկած ժամանակահատվածում՝ տրանսպորտային միջոց վարելու իրավունքից զրկված լինելու պայմաններում: Դատարանն արձանագրել է, որ 2023 թվականի դեկտեմբերի 31-ից մինչև 2024 թվականի հունվարի 12-ն ընկած ժամանակահատվածում Սիրանուշ Եվրյանը մեկ միասնական դիտավորության մեջ ընդգրկված արարքներով կատարել է միևնույն անմիջական օբյեկտի դեմ ուղղված մեկ (եզակի) շարունակվող հանցագործություն: Նրա արարքներից վերջինը կատարվել է 2024 թվականի հունվարի 12-ին, որի համար նա արդեն իսկ դատապարտվել է թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 21-ի դատավճռով: Այդ դատավճիռը մտել է օրինական ուժի մեջ: Դատարանը գտել է, որ Սիրանուշ Եվրյանին ՀՀ քրեական օրենսգրքի 344-րդ հոդվածի 1-ին մասով ներկայացված մեղադրանքի հիմքում դրված փաստական հանգամանքներով պետք է ճանաչել և հռչակել անմեղ, որպիսի մոտեցումը Վերաքննիչ դատարանի համար նույնպես ընդունելի է: Վերաքննիչ դատարանը հարկ է համարում նշել, որ ՀՀ քրեական օրենսգրքի 344-րդ հոդվածի 1-ին մասով նախատեսված հանցակազմը կարող է դրսևորվել նաև շարունակվող հանցագործության տեսքով։ Քննարկվող հանցակազմի դեպքում տրանսպորտային միջոցներ վարելու իրավունքը կասեցված կամ այդ իրավունքից զրկված անձը, ունենալով մեկ միասնական դիտավորություն, տրանսպորտային միջոցը մի քանի անգամ, այդ թվում՝ տարբեր օրերի կարող է վարել, ինչն անհրաժեշտ է դիտարկել որպես շարունակվող հանցագործության մաս կազմող նույնական արարքներ։ Հակառակ մոտեցումն ինքնին կարող է հանգեցնել իրավիճակի, երբ տրանսպորտային միջոցներ վարելու իրավունքը կասեցված կամ այդ իրավունքից զրկված անձի կողմից տրանսպորտային միջոց վարելու հանգամանքն ի հայտ գալու յուրաքանչյուր դեպքում (այդ թվում՝ նույն օրն ավտոմեքենա վարելիս տարբեր վարչական իրավախախտումներ կատարելու հանգամանքն իրավապահ մարմինների կողմից արձանագրելու պարագայում), վերջինի նկատմամբ պետք է նախաձեռնվի առանձին քրեական հետապնդում, ինչը կարող է հանգեցնել կրկին անգամ դատվելու անթույլատրելիության սկզբունքի խախտման։ Անդրադառնալով տվյալ գործի փաստական հանգամանքներին՝ Վերաքննիչ դատարանը հարկ է համարում նշել, որ տվյալ քրեական գործով Սիրանուշ Եվրյանի նկատմամբ հարուցվել է հանրային քրեական հետապնդում այն արարքի համար, որ նա՝ 2023 թվականի ապրիլի 25-ից մինչև 2024 թվականի ապրիլի 25-ն ընկած ժամանակահատվածում տրանսպորտային միջոց վարելու իրավունքից զրկված լինելու պայմաններում, 2023 թվականի դեկտեմբերի 31-ին, վարել է տրանսպորտային միջոց: Իսկ թիվ ԵԴ1/1620/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի հոկտեմբերի 21-ին կայացվել է դատավճիռ, որով Սիրանուշ Եվրյանը դատապարտվել է ՀՀ քրեական օրենսգրքի 344-րդ հոդվածի 1-ին մասով՝ երկու դրվագով, այն արարքի համար, որ նա 2023 թվականի հուլիսի 3-ին և 2024 թվականի հունվարի 12-ին, չունենալով տրանսպորտային միջոցներ վարելու իրավունք, զրկված լինելով տրանսպորտային միջոցներ վարելու իրավունքից՝ վարել է տրանսպորտային միջոց: Մեջբերված փաստական հանգամանքների հիման վրա Վերաքննիչ դատարանը գտնում է, որ տրանսպորտային միջոց վարելու իրավունքը զրկված լինելու պայմաններում Սիրանուշ Եվրյանի կողմից տրանսպորտային միջոց վարելը շարունակվող հանցագործության մաս կազմող՝ մեկ միասնական դիտավորությամբ կատարված նույնական արարք է։ Համենայն դեպս հակառակի մասին վկայող ապացույցներ առկա չեն, իսկ չփարատված ողջամիտ կասկածները պետք է մեկնաբանել հօգուտ մեղադրյալի։ Ամփոփելով՝ Վերաքննիչ դատարանը գտնում է, որ դատարանը կրկին դատվելու անթույլատրելիության սկզբունքից ելնելով, իրավաչափորեն արդարացրել է Սիրանուշ Եվրյանին տվյալ քրեական գործով մեղսագրվող արարքում, ուստի առաջին ատյանի դատարանի որոշումն օրինական է և հիմնավոր, ուստի այն բեկանելու հիմքեր առկա չեն: Ելնելով վերոգրյալից և ղեկավարվելով ՀՀ քրեական դատավարության օրենսգրքի 31-րդ, 371-րդ և 380-րդ հոդվածներով` Վերաքննիչ դատարանը ՈՐՈՇԵՑ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․Մարգարյանի բողոքը մերժել՝ Սիրանուշ Վաչագանի Եվրյանի վերաբերյալ Երևան քաղաքի առաջին ատյանի ընդհանուր իրավասության քրեական դատարանի 2025 թվականի հունիսի 25-ի ԵԴ1/0731/01/25 թվակիր դատավճիռը թողնելով անփոփոխ։ Որոշումը կարող է բողոքարկվել ՀՀ վճռաբեկ դատարան` ստանալու պահից մեկամսյա ժամկետում: ՆԱԽԱԳԱՀՈՂ ԴԱՏԱՎՈՐ Վ.ՌՇՏՈՒՆԻ ԴԱՏԱՎՈՐՆԵՐ Մ․ՊԱՊՈՅԱՆ Տ.ԳՐԻԳՈՐՅԱՆ |
|---|---|
| Դատական ակտի ամսաթիվը | 19-08-2025 |
Գործը հանձնվել է գրասենյակ
| Ամսաթիվ | 07-10-2025 |
|---|---|
| Էջերի քանակը | քրեական գործը՝ 3 հատորից՝ 1-ին հատորը՝ 93 թերթ, 2-րդ հատորը՝ 75 թերթ, 3-րդ հատորը՝ 70 թերթ։ |
Գործն ուղարկվել է
| Գործն ուղարկվել է | 07-10-2025 |
|---|---|
| Էջերի քանակը | քրեական գործը՝ 3 հատորից՝ 1-ին հատորը՝ 93 թերթ, 2-րդ հատորը՝ 75 թերթ, 3-րդ հատորը՝ 70 թերթ։ |
| Ուր | Վճռաբեկ |
| Գրության համարը | 84241/25 |
Դատական գործ N: ԵԴ1/0731/01/25
Վճռաբեկ
Ստացվել է վճռաբեկ բողոք
| Բողոքի ստացման ամսաթիվ | 06-10-2025 |
|---|---|
| Բողոք բերող անձինք | Գլխավոր դատախազ |
| Բողոք բերող անձինք | |
| Անուն | Աննա |
| Ազգանուն | Վարդապետյան |
| Հասցե | --------------- |
| Սեռ | 0 |
| Դատապարտյալ, Ամբաստանյալ, Մեղադրյալ | |
| Անուն | Սիրանուշ |
| Ազգանուն | Եվրյան |
| Հասցե | --------------- |
| Սեռ | 0 |
| Բողոքը ստացվել է | Գործն ըստ էության լուծող դատական ակտի դեմ |
| Այլ նշումներ | ՀՀ վերաքննիչ քրեական դատարանի 19-08-2025թ․ որոշման դեմ |
Գործը ստացվել է
| Ամսաթիվ | 10-10-2025 |
|---|---|
| Գործը ստացվել է | Քրեական վերաքննիչ |
| Գործի տեսակ | Քրեական |
| Այլ նշումներ | Առդիր՝ 3 հատորից․ /93, 75, 70/։ |
Զեկուցող դատավոր
| Ամսաթիվ | 10-10-2025 |
|---|---|
| Զեկուցող դատավոր | |
| Անուն | Համլետ |
| Ազգանուն | Ասատրյան |
Ընդունվել է վարույթ
| Ամսաթիվ | 09-12-2025 |
|---|---|
| Որոշման առաքման ամսաթիվը | 11-12-2025 |
Բողոքի քննության կարգը
| Ամսաթիվ | 09-12-2025 |
|---|---|
| Կայացվել է որոշում | Բողոքը գրավոր ընթացակարգով քննելու վերաբերյալ |
| Որոշում | ԵԴ1/0731/01/25 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՎՃՌԱԲԵԿ ԲՈՂՈՔԸ ՎԱՐՈՒՅԹ ԸՆԴՈՒՆԵԼՈՒ ՄԱՍԻՆ 9 դեկտեմբերի 2025 թվական ք.Երևան ՀՀ Վճռաբեկ դատարանի քրեական պալատը (այսուհետ՝ Վճռաբեկ դատարան), նախագահությամբ` Հ.ԱՍԱՏՐՅԱՆԻ մասնակցությամբ դատավորներ` Ս.ԱՎԵՏԻՍՅԱՆԻ Հ.ԳՐԻԳՈՐՅԱՆԻ Ա.ԴԱՆԻԵԼՅԱՆԻ Լ.ԹԱԴԵՎՈՍՅԱՆԻ Ա.ՊՈՂՈՍՅԱՆԻ քննարկելով մեղադրյալ Սիրանուշ Վաչագանի Եվրյանի վերաբերյալ ՀՀ վերաքննիչ քրեական դատարանի՝ 2025 թվականի օգոստոսի 19-ի որոշման դեմ ՀՀ գլխավոր դատախազ Ա.Վարդապետյանի վճռաբեկ բողոքը վարույթ ընդունելու հարցը, պարզեց, որ այն համապատասխանում է ՀՀ քրեական դատավարության օրենսգրքի 383-րդ հոդվածի 4-րդ մասի պահանջներին և պետք է ընդունել վարույթ: Միևնույն ժամանակ, Վճռաբեկ դատարանը գտնում է, որ սույն գործով վճռաբեկ բողոքի քննությունը պետք է իրականացնել գրավոր ընթացակարգով: Ելնելով վերոգրյալից և ղեկավարվելով ՀՀ քրեական դատավարության օրենսգրքի 31-րդ, 264-րդ, 281-րդ և 383-րդ հոդվածներով` Վճռաբեկ դատարանը Ո Ր Ո Շ Ե Ց Մեղադրյալ Սիրանուշ Վաչագանի Եվրյանի վերաբերյալ ՀՀ վերաքննիչ քրեական դատարանի՝ 2025 թվականի օգոստոսի 19-ի որոշման դեմ ՀՀ գլխավոր դատախազ Ա.Վարդապետյանի վճռաբեկ բողոքն ընդունել Վճռաբեկ դատարանի վարույթ և բողոքի քննությունն իրականացնել գրավոր ընթացակարգով։ Որոշումն օրինական ուժի մեջ է մտնում կայացնելու օրը։ Նախագահող` Հ.ԱՍԱՏՐՅԱՆ Դատավորներ` Ս.ԱՎԵՏԻՍՅԱՆ Հ.ԳՐԻԳՈՐՅԱՆ Ա.ԴԱՆԻԵԼՅԱՆ Լ.ԹԱԴԵՎՈՍՅԱՆ Ա.ՊՈՂՈՍՅԱՆ |