Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/0723/01/25

«13» մայիսի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ՝ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ՝
հանրային մեղադրող՝ Ա․ Մեժլումյանի,

դռնբաց դատական նիստում, քննելով քրեական գործն ըստ մեղադրանքի՝
Վահե Գրիգորի Բարեղամյանի՝ /ծնված՝ 02․02․1989թ., ք․ Երևանում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, նախկինում չդատապարտված, հաշվառված՝ ք․ Երևան, Ա․ Հարությունյան փողոց, 1-ին նրբ․, 4-րդ տուն հասցեում, բնակվող՝ ք․ Երևան, Ա․ Վշտունի փողոց, 4-րդ նրբ․, 4-րդ տուն հասցեում/ ՀՀ քրեական օրենսգրքի 344-րդ հոդվածի 2-րդ մասով,

Պ Ա Ր Զ Ե Ց

1.Գործի դատավարական պատմությունը.
1.1․ 2025թ․ հունվարի 23-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60128025 քրեական վարույթը:
1.2․ 2025թ. փետրվարի 12-ին որոշում է կայացվել Վահե Գրիգորի Բարեղամյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
1.3․ 2025թ. փետրվարի 14-ին որոշում է կայացվել Վահե Գրիգորի Բարեղամյանի նկատմամբ որպես խափանման միջոց բացակայելու արգելքը կիրառելու մասին:
1.4․ Երևան քաղաքի առաջին ատյանի ընդհանուր իրավասության քրեական դատարանում 2025 թվականի մարտի 04-ին մուտք է եղել ՀՀ դատախազության Ավան և Նոր Նորք վարչական շրջանների դատախազությունից ստացված նախաքննական 60128025 համարով քրեական գործն ըստ մեղադրանքի՝ Վահե Գրիգորի Բարեղամյանի՝ ՀՀ քրեական օրենսգրքի 344-րդ հոդվածի 2-րդ մասով, քրեական գործին շնորհվել է ԵԴ1/0723/01/25 դատական գործի համարը, աշխատակազմին է հանձնվել 2025 թվականի մարտի 05-ին:
1.5․ 2025 թվականի մարտի 06-ին Դատարանը որոշում է կայացրել թիվ ԵԴ1/0723/01/25 քրեական գործով վարույթը ստանձնելու և նախնական դատալասումներ նշանակելու մասին:

2. Մեղադրանքի փաստական նկարագրությունը.
Վահե Գրիգորի Բարեղամյանը, 2022 թվականի հունվարի 06-ի թիվ 8180079641 որոշմամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2025 թվականի հունվարի 01-ին՝ ժամը 11:20-ին, Երևան քաղաքի Ս.Սաֆարյան փողոցում ոչ սթափ վիճակում՝ այն է 0.691 մգ/լ ալկոհոլի ազդեցության տակ, վարել է «Մերսեդես» մակնիշի 37 DS 206 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության Երևանի գնդի 2-րդ գումարտակի 1-ին վաշտի պարեկ Մհեր Միրաքյանի կողմից կազմվել է թիվ 8180418545 արձանագրությունը:

3. Դատաքննությամբ հետազոտված թույլատրելի ապացույցները.
3.1 ՀՀ ՆԳՆ ոստիկանության պարեկային ծառայության Երեւան քաղաքի գնդից Վահե Գրիգորի Բարեղամյանի վերաբերյալ ստացված փաստաթղթերը 05.02.2025 թվականին զննության ենթարկելու մասին արձանագրությունը, համաձայն որի՝
01.01.2025 թվականին՝ ժամը 12:30-ին, Երեւան քաղաքի Քաջազնունի փողոցում ՀՀ ՆԳՆ ոստիկանության պարեկային ծառայության Երեւան քաղաքի գնդի 2-րդ գումարտակի 1-ին վաշտի պարեկ Մհեր Միրաքյանի կրծքանշան թիվ 11791/ կողմից կազմվել է վարչական իրավախախտման վերաբերյալ արձանագրություն, համաձայն որի՝ Վահե Գրիգորի Բարեղամյանը 01.01.2025 թվականին՝ ժամը 11:20-ին, չունենալով տրանսպորտային միջոցներ վարելու իրավունք՝ Երեւան քաղաքի Սուրեն Սաֆարյան փողոցում ոչ սթափ վիճակում վարել է «Մերսեդես» մակնիշի 37 DS 206 հաշվառման համարանիշի տրանսպորտային միջոցը: Արձանագրության վարչական իրավախախտում կատարած անձի բացատրությունը եւ դիտողությունը նշելու հատվածում առկա է վարորդի ստորագրությունը, իսկ արձանագրությանը ծանոթացա, իմ իրավունքների պարտականությունների մասին քաղվածքը եւ խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն: Արձանագրության ներքեւի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է 202.5 թիվը։
3․2. Ալկոհոլի պարունակության ստուգման կտրոնը, որի զննության համաձայն՝ ստուգաչափման սարքի համարն է՝ 91100997, զննման համարն է՝ 04856, զննման ամսաթիվն է՝ 01.01.2025 թվական, զննման ժամն է՝ 12:07:27, վերջին ստուգաչափման ամսաթիվն է՝ 23.09.2024 թվական, դատարկ թեստ՝ 0.000 մգ/լ, ստուգաչափման ձեւաչափը՝ ավտոմատ, ալկոհոլի պարունակությունը՝ 0.691 մգ/լ, վարորդի անունն է՝ Վահե, վարորդի ազգանունն է՝ Բարեղամյան, Պ/Ծ-ի ազգանունն է՝ Միրաքյան, կրծքանշանի համարն է՝ 11791, ստորաբաժանումն է՝ 2-րդ գումարտակ, 1-ին վաշտ:
3․3. ՀՀ էկոնոմիկայի նախարարության «Ստանդարտացման եւ չափագիտության ազգային մարմին» ՓԲԸ-ի կողմից տրված թիվ 135703 ստուգաչափման վկայականը, որի զննության համաձայն՝ վկայականն ուժի մեջ է 23.09.2024 թվականից մինչեւ 23.09.2025 թվականը, ստուգաչափման սարքի գործարանային համարն է 91100997 տեսակը՝ Jupiter X/RP, չափման տիրույթը՝ 0.000-2.000uq/1, ճշտության դասը, կարգը սխալանքը + 10%, արտադրողը՝ Չինաստան, պատկանում ՀՀ ՊԾ-ին, ստուգաչափումը կատարվել է հետեւյալ ստուգաչափման մեթոդիկայի անվանման նշագրի՝ MU2835-2008 MT 242-1353-2012, ստուգաչափող անվան դիմաց առկա է ստորագրություն եւ նշված է Ա.Մանուկյան, իսկ բաժնի լաբորատորիայի վարիչ/ անվան դիմաց աոկա է ստորագրություն եւ նշված է Գ.Մարտիրոսյան:
3․4. ՀՀ ՆԳՆ ոստիկանության <<Ճանապարհային ոստիկանություն>> ծառայության էլեկտրոնային ռեգիստրից արտատպված վարորդական իրավունքի վկայական՝ չունենալու վերաբերյալ քաղվածքը, որի զննության համաձայն՝ Վահե Գրիգորի Բարեղամյանը վարորդական իրավունքի վկայականից զրկված է եղել: Զրկման սկիզբն է եղել՝ 06-01-2022 թվականը, ավարտը՝ 06-01-2023 թվականը, որից հետո վերջինս չի վերականգնել իր վարորդական իրավունքի վկայականը։
3․5. 05.02.2025 թվականի որոշմամբ որպես արտավարութային փաստաթուղթ ճանաչված եւ քրեական վարույթին կցված՝ ՀՀ ՆԳՆ ոստիկանության պարեկային ծառայության Երեւան քաղաքի գնդից Վահե Գրիգորի Բարեղամյանի վերաբերյալ ստացված ՀՀ ՆԳՆ ոստիկանության պարեկային ծառայության Երեւան քաղաքի 2-րդ գումարտակի 1-ին վաշտի պարեկ Մհեր Միրաքյանի կողմից 01.01.2025 թվականին կազմված վարչական իրավախախտման վերաբերյալ արձանագրությունը, ալկոհոլի պարունակության ստուգման թիվ 04856 կտրոնը, ստուգաչափման թիվ 135703 վկայականը, ՀՀ ՆԳՆ ոստիկանության <<Ճանապարհային ոստիկանություն>> ծառայության էլեկտրոնային ռեգիստրից արտատպված վարորդական իրավունքի վկայական չունենալու վերաբերյալ քաղվածքը։
3․6․ Մեղադրյալ Վահե Գրիգորի Բարեղամյանը դատարանում հրաժարվեց ցուցմունք տլաւց, սակայն չհրաժարվեց նախաքննության ընթաքում իր տված ցուցմունքից, ուստի հրապարակվեց Վահե Գրիգորի Բարեղամյանի՝ 2025 թվականի փետրվարի 17-ի մեղադրյալի կարգավիճակով տված ցուցմունքը՝ հետևյալ բովանդակությամբ.՝
Իրեն բացատրվել է մեղադրանքի փաստական հանգամանքների և իրավական գնահատականի մասին, առաջադրված մեղադրանքում իրեն մեղավոր է ճանաչել և օգտվելով իր դատավարական իրավունքներից հրաժարվել է ցուցմունք տալ և պատասխանել որևէ հարցի:

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Վահե Գրիգորի Բարեղամյանը, 2022 թվականի հունվարի 06-ի թիվ 8180079641 որոշմամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2025 թվականի հունվարի 01-ին՝ ժամը 11:20-ին, Երևան քաղաքի Ս.Սաֆարյան փողոցում ոչ սթափ վիճակում՝ այն է 0.691 մգ/լ ալկոհոլի ազդեցության տակ, վարել է «Մերսեդես» մակնիշի 37 DS 206 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության Երևանի գնդի 2-րդ գումարտակի 1-ին վաշտի պարեկ Մհեր Միրաքյանի կողմից կազմվել է թիվ 8180418545 արձանագրությունը:

5. Դատարանի իրավական վերլուծությունները.
5.1. Վերլուծելով մեղադրյալ Վահե Գրիգորի Բարեղամյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Վահե Գրիգորի Բարեղամյանին վերագրվող փաստական հանգամանքները, մասնավորապես մեղադրյալ Վահե Գրիգորի Բարեղամյանի կողմից տրանսպորտային միջոցներ վարելու իրավունքից զրկված լինելու պայմաններում ոչ սթափ վիճակում տրանսպորտային միջոց վարելը,
- ապացուցված է վերոգրյալ արարքի քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 2-րդ մասով,
- ապացուցված է մեղադրյալ Վահե Գրիգորի Բարեղամյանի կողմից ՀՀ քրեական օրենսգրքի 344-րդ հոդվածի 2-րդ մասով նախատեսված վերոգրյալ արարքը կատարելը.
- ապացուցված է մեղադրյալ Վահե Գրիգորի Բարեղամյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով նախատեսված արարքը կատարելու մեջ:

5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:


5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք հաշվի է առնում այն, որ ներկայացված մեղադրանքում իրեն լիովին մեղավոր է ճանաչել:
Դատարանը մեղադրյալի պատասխանատվությունը և պատիժը ծանրացնող հանգամանք չի արձանագրում:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող հանգամանքի առկայությունը և ծանրացնող հանգամանքների բացակայությունը, ինչպես նաև մեղադյալի ցանկությունը՝ հանրային աշխատանքների ձևով պատժի նշանակման վերաբերյալ, Դատարանը գտնում է, որ մեղադրյալ Վահե Գրիգորի Բարեղամյանն իր կատարած՝ ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման համար ենթակա է պատժի հանրային աշխատանքների ձևով, իսկ առավել խիստ պատիժ նշանակելու հիմքերը բացակայում են:
Դատարանը գտնում է, որ 2025 թվականի հունվարի 01-ին կատարված ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի հանրային աշխատանքներ՝ նվազագույն աշխատավարձի հնգապատիկի՝ 60 /վաթսուն/ ժամ տևողությամբ, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
Անդրադառնալով դատավճիռների համակցությամբ պատիժները գումարելու հարցին, Դատարանի գնահատմամբ թեև մեղադրյալի նկատմամբ առկա է նշանակված տուգանք պատժատեսակ, սակայն այն տարաժամկետված է, առկա չէ այս պահի դրությամբ չվճարված մասի վերաբերյալ փաստական տվյալ, ավելին՝ մեղադրայլը նշեց, որ միջնորդել է, որպեսզի տուգանքը փոխարինվի հանրային աշխատանքներ պատժատեսակով: Այլ կերպ՝ ստեղծված իրավիճակում պատիժների գումարումը կարող է առաջացնել իրավական անորոշություն, իսկ մյուս կողմից դրանց առանձին-առանձին կրելը չի խախտում անձի իրավունք:
5.5. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, որ մեղադրանքի կողմը նման միջնորդությամբ հանդես չեկավ, իսկ Դատարանի գնահատմամբ միայն հիմնական պատիժը՝ հանրային աշխատանքները, բավարար է պատժի նպատակներին հասնելու համար, ուստի մեղադրյալի նկատմամբ լրացուցիչ պատժատեսակ նշանակելն աննպատակահարմար է:
5.6. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.7. Անդրադառնալով ապացույցների տնօրինման հարցին՝ Դատարանը գտնում է, որ ՀՀ ՆԳՆ ոստիկանության պարեկային ծառայության Երեւան քաղաքի 2-րդ գումարտակի 1-ին վաշտի պարեկ Մհեր Միրաքյանի կողմից 01.01.2025 թվականին կազմված վարչական իրավախախտման վերաբերյալ արձանագրությունը, ալկոհոլի պարունակության ստուգման թիվ 04856 կտրոնը, ստուգաչափման թիվ 135703 վկայականը, ՀՀ ՆԳՆ ոստիկանության <<Ճանապարհային ոստիկանություն>> ծառայության էլեկտրոնային ռեգիստրից արտատպված վարորդական իրավունքի վկայական չունենալու վերաբերյալ քաղվածքը:
5.8. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.9. Քննարկելով վարութային ծախսերի հարցը՝ Դատարանն արձանագրում է, որ այդպիսիք առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

Մեղադրյալ Վահե Գրիգորի Բարեղամյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքում և պատիժ նշանակել հանրային աշխատանքներ՝ 60 /վաթսուն/ ժամ տևողությամբ:
Մեղադրյալ Վահե Գրիգորի Բարեղամյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ