ԵԴ1/0683/01/25


ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«16» հունիսի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Ս․ԶԱՔՈՅԱՆԻ
Գ․ԳԱԼՍՏՅԱՆԻ
հանրային մեղադրող՝ Վ․ԵԴԻԳԱՐՅԱՆԻ
պաշտպան՝ Մ․ՄԵԼՔՈՆՅԱՆԻ
մեղադրյալ՝ Հ․ԴՈՒՄԻԿՅԱՆԻ
դռնբաց դատական նիստում` արագացված վարույթի կարգով, քննեց քրեական գործն ըստ մեղադրանքի`
Հրաչիկ Հովսեփի Դումիկյանի՝ ծնված՝ 1960 թվականի մայիսի 23-ին՝ Լոռու մարզի Մեծավան գյուղում, ազգությամբ հայ, ՀՀ քաղաքացի, ամուսնացած, նախկինում չդատապարտված, չի աշխատում, հաշվառված է՝ Լոռու մարզ, ք․Տաշիր, Գետափնյա փողոց 66-րդ տուն հասցեում, բնակվում է ք․ Երևան, Այգեստան 10-րդ փողոց 36-րդ տուն հասցեում, մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով (2 դրվագով) և որպես խափանման միջոց է կիրառվել ՀՀ-ից բացակայելու արգելքը։

1․ Գործի դատավարական նախապատմությունը.
2024 թվականի դեկտեմբերի 13-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Ե․Վարդանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ՝ Հայկ Հարությունյանը, Հրաչիկ Հովսեփի Դումիկյանի (ծնված՝ 1960 թվականի մայիսի 23-ին, Լոռու մարզ, ք.Տաշիր, Գետափնյա փողոց, տուն 66, ՀԾՀ՝ 3305600489) նկատմամբ 2024 թվականի դեկտեմբերի 11-ին` ժամը 22:32-ին կազմել է թիվ 8180417888 արձանագրություն, քանի որ վերջինս 2024 թվականի դեկտեմբերի 11-ին՝ ժամը 22:00-ին, Երևան քաղաքի Արցախի պողոտայում, «ՕՊԵԼ» մակնիշի 37 EL 365 հաշվառման համարանիշի տրանսպորտային միջոցը վարել է՝ տրանսպորտային միջոցներ վարելու իրավունքը կասեցված:
(…)
Ներկայացնում եմ թիվ 8180417888 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից Հրաչիկ Հովսեփի Դումիկյանի RB թիվ 387243 վարորդական իրավունքի վկայականի քաղվածքի պատճենը:
Միաժամանակ տեղեկացնում եմ, որ Հրաչիկ Հովսեփի Դումիկյանի տրանսպորտային միջոցներ վարելու իրավունքը կասեցվել է՝ 2024 թվականի նոյեմբերի 30-ին ՀՀ ՆԳՆ ոստիկանության ՊԾ Կոտայքի մարզի գումարտակի 2-րդ վաշտի 1-ին դասակի ծառայողի կողմից թվային եղանակով կայացված թիվ 8400821607 որոշմամբ՝ վեց ամիս ժամկետով: (…)»:
2024 թվականի դեկտեմբերի 13-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Ե․Վարդանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ՝ Հայկ Հարությունյանի, Հրաչիկ Հովսեփի Դումիկյանի (ծնված` 1960 թվականի մայիսի 23-ին, Լոռու մարզ, ք.Տաշիր, Գետափնյա փողոց, տուն 66, ՀԾՀ՝ 3305600489) նկատմամբ 2024 թվականի դեկտեմբերի 11-ին՝ ժամը 22:32-ին կազմված թիվ 8180417888 արձանագրությունը, ըստ որի վերջինս 2024 թվականի դեկտեմբերի 11-ին՝ ժամը 22:00-ին, Երևան քաղաքի Արցախի պողոտայում, «ՕՊԵԼ» մակնիշի 37 EL 365 հաշվառման համարանիշի տրանսպորտային միջոցը վարել է՝ տրանսպորտային միջոցներ վարելու իրավունքը կասեցված: (…)»:
Հաղորդման հիման վրա՝ 2024 թվականի դեկտեմբերի 25-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60764524 քրեական վարույթը:
2024 թվականի դեկտեմբերի 18-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Ե․Վարդանյանը զեկուցագիր է ներկայացրել ՀՀ ՆԳՆ ոստիկանության ՊԾ Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունները ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ՝ Նարեկ Միքայելյանը, Հրաչիկ Հովսեփի Դումիկյանի (ծնված` 1960 թվականի մայիսի 23-ին, Լոռու մարզ, ք.Տաշիր, Գետափնյա փողոց, տուն 66, ՀԾՀ՝ 3305600489) նկատմամբ 2024 թվականի դեկտեմբերի 15-ին՝ ժամը՝ 23:50-ին կազմվել է թիվ 8180417809 արձանագրություն, քանի որ վերջինս 2024 թվականի դեկտեմբերի 15-ին՝ ժամը 23:45-ին, Երևան քաղաքի Բաղրամյան պողոտայում, «ՕՊԵԼ» մակնիշի 37 EL 365 հաշվառման համարանիշի տրանսպորտային միջոցը վարել է՝ տրանսպորտային միջոցներ վարելու իրավունքը կասեցված:
(…)
Ներկայացնում եմ թիվ 8180417809 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից Հրաչիկ Հովսեփի Դումիկյանի RB թիվ 387243 վարորդական իրավունքի վկայականի քաղվածքի պատճենը:
Միաժամանակ տեղեկացնում եմ, որ Հրաչիկ Հովսեփի Դումիկյանի» տրանսպորտային միջոցներ վարելու իրավունքը կասեցվել է 2024 թվականի նոյեմբերի 30-ին ՀՀ ՆԳՆ ոստիկանության՝ ՊԾ Կոտայքի մարզի գումարտակի 2-րդ վաշտի 1-ին դասակի ծառայողի կողմից թվային եղանակով կայացված թիվ 8400821607 որոշմամբ՝ վեց ամիս ժամկետով: (…)»:
2024 թվականի դեկտեմբերի 18-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի ավագ տեսուչ Ե․Վարդանյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ՝ Նարեկ Միքայելյանի, Հրաչիկ Հովսեփի Դումիկյանի (ծնված` 1960 թվականի մայիսի 23-ին, Լոռու մարզ, ք.Տաշիր, Գետափնյա փողոց, տուն 66, ՀԾՀ՝ 3305600489) նկատմամբ 2024 թվականի դեկտեմբերի 15-ին` ժամը 23:50-ին կազմված թիվ 8180417809 արձանագրությունը, ըստ որի վերջինս 2024 թվականի դեկտեմբերի 15-ին՝ ժամը 23:45-ին, Երևան քաղաքի Բաղրամյան պողոտայում, «ՕՊԵԼ» մակնիշի 37 EL 365 հաշվառման համարանիշի տրանսպորտային միջոցը վարել է՝ տրանսպորտային միջոցներ վարելու իրավունքը կասեցված: (…)»:
Հաղորդման հիման վրա՝ 2025 թվականի հունվարի 10-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60108825 քրեական վարույթը:
2025 թվականի հունվարի 10-ին, ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնի քննիչ Գ․Խաչատրյանը որոշում է կայացրել թիվ 60108825 քրեական վարույթը թիվ 90764524 քրեական վարույթին միացնելու և նախաքննությունը թիվ 60764524 քրեական վարույթի համարով շարունակելու մասին։
2025 թվականի փետրվարի 11-ին, ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազության դատախազ Վ․Եդիգարյանի որոշմամբ թիվ 60764524 քրեական վարույթով Հրաչիկ Հովսեփի Դումիկյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով (2 դրվագ):
2025 թվականի փետրվարի 12-ին Հրաչիկ Հովսեփի Դումիկյանի նկատմամբ որպես խափանման միջոց է կիրառվել բացակայելու արգելքը:
2025 թվականի փետրվարի 28-ին ՀՀ դատախազության Էրեբունի և Նուբարաշեն վարչական շրջանների դատախազությունից Դատարան է ստացվել թիվ ԵԴ1/0683/01/25 (նախաքննական համարը՝ 60764524) քրեական գործն ըստ մեղադրանքի Հրաչիկ Հովսեփի Դումիկյանի՝ ՀՀ քրեական օրենսգրքի 344-րդ հոդվածի 1-ին մասով (2 դրվագ)։
Նույն օրը քրեական գործն էլեկտրոնային եղանակով մակագրվել, իսկ 2025 թվականի մարտի 3-ին հանձնվել է Դատարանի դատավոր Գ․Աբելյանի աշխատակազմին։
2025 թվականի մարտի 3-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/0683/01/25 քրեական գործով վարույթը ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Հրաչիկ Հովսեփի Դումիկյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով (2 դրվագ)՝ այն բանի համար, որ. «(…) [Ն]ա, տրանսպորտային միջոցներ վարելու իրավունքը կասեցված լինելու պայմաններում և տեղեկացված լինելով այդ մասին, 2 դրվագ վարել է տրանսպորտային միջոց:
Այսպես.
Հրաչիկ Հովսեփի Դումիկյանը, թիվ 8400821607 որոշմամբ 2024 թվականի նոյեմբերի 30-ից մինչև 2025 թվականի մայիսի 30-ը տրանսպորտային միջոցներ վարելու իրավունքը կասեցված լինելու պայմաններում և տեղեկացված լինելով սույն որոշման մասին, 2024 թվականի դեկտեմբերի 11-ին` ժամը 22:00-ին Երևան քաղաքի Արցախի պողոտայում վարել է «Օպել» մակնիշի 37 EL 365 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180417888 արձանագրությունը։
Այսինքն, Հրաչիկ Հովսեփի Դումիկյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Հրաչիկ Հովսեփի Դումիկյանը, թիվ 8400821607 որոշմամբ 2024 թվականի նոյեմբերի 30-ից մինչև 2025 թվականի մայիսի 30-ը տրանսպորտային միջոցներ վարելու իրավունքը կասեցված լինելու պայմաններում և տեղեկացված լինելով սույն որոշման մասին, 2024 թվականի դեկտեմբերի 15-ին՝ ժամը 23:45-ին Երևան քաղաքի Բաղրամյան պողոտայում վարել է «Օպել» մակնիշի 37 EL 365 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180417809 արձանագրությունը:
Այսինքն, Հրաչիկ Հովսեփի Դումիկյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում: (…)»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Հրաչիկ Հովսեփի Դումիկյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Վ․Եդիգարյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի 2025 թվականի հունվարի 8-ի Ձև 8 տեղեկանքը , համաձայն որի`
«(…)
1. ԴՈՒՄԻԿՅԱՆ ՀՐԱՉԻԿ ՀՈՎՍԵՓԻ
Ծննդյան ամսաթիվը` 23/05/1960, Ծննդավայրը՝ ԼՈՌԻ ՄԵԾԱՎԱՆ
Համարը` 10158920
1) Նախաքննության վերաբերյալ տեղեկատվություն
Նախաձեռնող մարմինը` ԱՋԱՓՆՅԱԿ ԵՎ ԴԱՎԻԹԱՇԵՆ ՎԱՐՉ. ՇՐՋ. Ք/Բ,ամս՝ 05/02/2020 Մեղադրական հոդված՝ ՀՀ ՔՐ.ՕՐ. (2003Թ.) հ 184.1 մ 1
ԿԱՐՃՎԱԾ Է ամս՝30/06/2024 հիմք` ՀՀ ՔՐ.ՕՐ (2021Թ.) 82Հ.
2. ԴՈՒՄԻԿՅԱՆ ՀՐԱՉԻԿ ՀՈՎՍԵՓԻ
Ծննդյան ամսաթիվը` 23/05/1960, Ծննդավայրը՝ ԼՈՌԻ ՄԵԾԱՎԱՆ
1) Նախաքննության վերաբերյալ տեղեկատվություն
ՀԵՏԱԽՈՒԶՎՈՒՄ Է
Կատ.՝ ԱԼԻՄԵՆՏԻ ԲՌՆԱԳԱՆՁՄԱՆ ԳՈՐԾԵՐՈՎ ՊԱՐՏԱՊԱՆ (ՊԱՏԱՍԽԱՆՈՂ)
Հետ. գործի համարը` 39402424,ամս` 21/11/2024
Նախաձեռնող մարմինը` Տաշիր
Խափանման միջոցը`
Ցիրկուլիար հ.
(…)»։
- 2025 թվականի փետրվարի 12-ին մեղադրյալի հարցաքննության արձանագրությունը, համաձայն որի՝ Հրաչիկ Հովսեփի Դումիկյանը, ընդունել է իրեն առաջադրված մեղադրանքը, զղջացել կատարվածի համար՝ խնդրելով իր նկատմամբ մեղմ վերաբերվել ։
- 2025 թվականի մարտի 12-ին, ՀՀ պետական եկամուտների կոմիտեից ստացված գրությունը, որի համաձայն՝ Հրաչիկ Հովսեփի Դումիկյանը 2024 թվականի դեկտեմբերի 11-ին և 15-ին նախորդող ժամանակահատվածում չի հանդիսացել վարձու աշխատող։

4.Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- Հրաչիկ Հովսեփի Դումիկյանն ունի բարձրագույն կրթություն,
- Հրաչիկ Հովսեփի Դումիկյանը հանդիսանում է կենսաթոշակառու,
- Հրաչիկ Հովսեփի Դումիկյանն ամուսնացած է,
- Հրաչիկ Հովսեփի Դումիկյանը նախկինում դատապարտված չի եղել,
- Ներկայացված մեղադրանքում Հրաչիկ Հովսեփի Դումիկյանն իրեն լիովին մեղավոր է ճանաչել և զղջացել կատարածի համար։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Հրաչիկ Հովսեփի Դումիկյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալի երկու դրվագ արարքների նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը։
Դատարանի կողմից հաստատված փաստական հանգամանքների հիման վրա՝ Դատարանը գտնում է, որ Հրաչիկ Հովսեփի Դումիկյանի անձը բնութագրող հանգամանք է բարձրագույն կրթություն ունենալը, ամուսնացած լինելը, նախկինում դատապարտված չլինելը։
Դատարանը, ղեկավարվելով ՀՀ քրեական օրենսգրքի (այսուհետ՝ նաև Օրենսգիրք) 70-րդ հոդվածի 1-ին հոդվածի 3րդ կետով և նույն հոդվածի 2-րդ մասով, գտնում է, որ Հրաչիկ Հովսեփի Դումիկյանի պատասխանատվությունն ու պատիժը մեղմացնող հանգամանքներ պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը , ինչպես նաև պատիժ նշանակելու պահին հանցավորի 65 տարին լրացած լինելը։
Դատարանը միաժամանակ արձանագրում է, որ Հրաչիկ Հովսեփի Դումիկյանի պատասխանատվությունն ու պատիժը ծանրացնող՝ Օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Հրաչիկ Հովսեփի Դումիկյանը ենթակա է պատժի։
Պատիժ նշանակելու հարցի համատեքստում Դատարանը հարկ է համարում արձանագրել հետևյալը՝
Օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»։
Օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»։
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի , հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով պատժի նպատակների իրացումն ապահովելու անհրաժեշտությունից ։
Մասնավորապես, Վճռաբեկ դատարանն ընդգծել է, որ հանցանքի հանրային վտանգավորության բնույթն ու աստիճանը ճիշտ գնահատելու և հանցավորի նկատմամբ համաչափ պատիժ նշանակելու համար անհրաժեշտ է, ի թիվս այլնի, հատուկ ուշադրություն դարձնել հանցավոր վարքագծի դրսևորման եղանակին, հանցանքի կատարման գործիքին և հանցագործության իրադրությանը, պատճառված վնասի բնույթին, արարքի նկատմամբ անձի հոգեբանական վերաբերմունքին, հանցագործության նպատակին և շարժառիթին: Այս առումով Վճռաբեկ դատարանը փաստել է, որ անձի արարքում հանցակազմը որակյալ դարձնող մեկից ավելի հանգամանքների առկայությունը կարող է վկայել ինչպես հանցագործության, այնպես էլ հանցավորի անձի հանրային բարձր վտանգավորության մասին, հետևաբար այն պետք է համաչափ գնահատականի արժանանա դատարանի կողմից և հաշվի առնվի պատիժ նշանակելիս :
Անդրադառնալով պատիժ նշանակելիս հանցավորի անձը բնութագրող տվյալները գնահատման ենթարկելու կարևորությանը` Վճռաբեկ դատարանը մշտապես ընդգծել է, որ պատասխանատվության և պատժի անհատականացման հիմք են ոչ միայն կատարված արարքի հանրային վտանգավորության բնույթն ու աստիճանը, այլև հանցավորի անձը բնութագրող սոցիալ-հոգեբանական, սոցիալ-ժողովրդագրական, քրեաբանական և քրեաիրավական, ֆիզիկական հատկությունների համակցությունը (ընտանեկան դրությունը, վարքագիծը աշխատանքում և կենցաղում, աշխատունակությունը, առողջական վիճակը, տարիքը, սեռը, դատվածությունը և այլն): Մասնավորապես Վճռաբեկ դատարանը փաստել է հանցավորի ընտանեկան դրությունը, վերջինիս ընտանիքի կյանքի պայմանների վրա նշանակված պատժի ազդեցությունը, նրա խնամքին այլ անձանց առկայությունը, սոցիալական միջավայրում նրա զբաղեցրած տեղն ու դիրքը, սոցիալական միջավայրում նրա ունեցած բնութագիրը և մի շարք այլ հանգամանքների վերաբերյալ փաստական տվյալները գնահատման ենթարկելու անհրաժեշտությունը :
Դատարանը, հաշվի առնելով Հրաչիկ Հովսեփի Դումիկյանի կատարած հանցանքների հանգամանքները, նրա անձը բնութագրող տվյալները, պատասխանա-տվությունը և պատիժը մեղմացնող հանգամանքները, պատասխա¬նատվու¬¬¬¬¬թյունը և պատիժը ծանրացնող հանգամանքների բացակայությունը, Օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ Օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև տուգանքը, գտնում է, որ Օրենսգրքի 77-րդ հոդվածի վերաբերելի կանոնների կիրառմամբ և Օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար Օրենսգրքի 344-րդ հոդվածի 1-ին մասով 2 (երկու) դրվագ նախատեսված հանցանքների կատարման համար նրա նկատմամբ յուրաքանչուր դրվագով որպես հիմնական պատիժ պետք է նշանակել տուգանքը՝ հնգապատիկի չափով։
Հիմք ընդունելով Օրենսգրքի 59-րդ հոդվածի 5-րդ մասը և հաշվի առնելով, որ մեղսագրվող հանցանքն ավարտվելու օրվան նախորդող 12 ամիսների ընթացքում Հրաչիկ Հովսեփի Դումիկյանը եկամուտ չի ունեցել (չի հանդիսացել վարձու աշխատող)՝ Դատարանը գտնում է, որ տուգանքի չափը պետք է հաշվարկվի հանցանքները կատարելու պահին` 2024 թվականի դեկտեմբերի 11-ին և նույն թվականի դեկտեմբերի 15-ին, ՀՀ-ում սահմանված նվազագույն աշխատավարձի, այն է՝ 75.000 (յոթանասունհինգ հազար) ՀՀ դրամի չափով։
Այսպիսով, Դատարանը գտնում է, որ Հրաչիկ Հովսեփի Դումիկյանի նկատմամբ յուրաքանչուր դրվագով պատիժ պետք է նշանակել տուգանք` հանցանքը կատարելու պահին նվազագույն աշխատավարձի վեցապատիկի՝ 375.000 (երեք հարյուր յոթանասունհինգ հազար) ՀՀ դրամի չափով (5 x 75.000)։
Դատարանը գտնում է, որ Օրենսգրքի 74-րդ հոդվածով սահմանված կարգով՝ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 1-ին մասով յուրաքանչյուր դրվագով որպես պատիժ նշանակված՝ 375.000 (երեք հարյուր յոթանասունհինգ հազար) ՀՀ դրամ տուգանքները պետք է գումարել և վերջնական պատիժ նշանակելով տուգանք՝ 750․000 (յոթ հարյուր հիսուն) ՀՀ դրամի չափով
Հիմք ընդունելով Օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Հրաչիկ Հովսեփի Դումիկյանն ի վիճակի չէ անհապաղ և ամբողջությամբ վճարելու 750․000 (յոթ հարյուր հիսուն) ՀՀ դրամի չափով նշանակված տուգանքը՝ Դատարանը գտնում է, որ տուգանքի վճարման ժամկետ պետք է սահմանել (վճարումը տարաժամկետել) 1 (մեկ) տարին։
Դատարանը միաժամանակ գտնում է, որ կատարած հանցանքներից յուրաքանչյուրի համար Հրաչիկ Հովսեփի Դումիկյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը գտնում է, որ Հրաչիկ Հովսեփի Դումիկյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և տուգանքի ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-13-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ դատավճիռն օրինական ուժի մեջ մտնելուց հետո՝ արտավարութային փաստաթղթերը պետք է պահել քրեական գործի նյութերում՝ դրանք պահելու ամբողջ ընթացքում։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Հրաչիկ Հովսեփի Դումիկյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4-րդ հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-րդ, 276-րդ, 347-350-րդ, 464.4-րդ և 464.5-րդ հոդվածներով` Դատարանը

ՎՃՌԵՑ

1. Հրաչիկ Հովսեփի Դումիկյանին մեղավոր ճանաչել 2 (երկու) դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարման մեջ:
2. ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման համար Հրաչիկ Հովսեփի Դումիկյանի նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
3. ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման համար Հրաչիկ Հովսեփի Դումիկյանի նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
4. ՀՀ քրեական օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 1-ին մասով յուրաքանչյուր դրվագով որպես պատիժ նշանակված՝ 375.000 (երեք հարյուր յոթանասունհինգ հազար) ՀՀ դրամ տուգանքները գումարել և վերջնական պատիժ նշանակելով տուգանք՝ 750․000 (յոթ հարյուր հիսուն հազար) ՀՀ դրամի չափով։
5. ՀՀ քրեական օրենսգրքի 59-րդ հոդվածի 8-րդ մասով սահմանված կարգով՝ տուգանքի վճարման ժամկետ սահմանել (վճարումը տարաժամկետել) 1 (մեկ) տարին։
6. Հրաչիկ Հովսեփի Դումիկյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ` մինչև դատավճռի օրինական ուժի մեջ մտնելը:
7. Դատավճիռը օրինական ուժի մեջ մտնելուց հետո՝ արտավարութային փաստաթղթերը պահել քրեական գործի նյութերի հետ՝ դրանք պահելու ամբողջ ընթացքում։
8. Վարութային ծախսերի հարցը համարել լուծված:
9. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում, սակայն այն չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ՝ Գ․ԱԲԵԼՅԱՆ