ԵԴ1/0658/01/25

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ․ ապրիլի <<30>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ․Հովհաննիսյան
հանրային մեղադրող Ռ.Հարությունյան
պաշտպան Մ.Շխիմյան

դռնբաց դատական նիստում քննեց քրեական վարույթն ըստ մեղադրանքի՝ Հայկ Լևոնի Մկրտչյանի՝ ծնված 1988 թվականի մայիսի 16-ին, ազգությամբ հայ, ՀՀ քաղաքացի, նախկինում չդատապարտված, ամուսնացած, չի աշխատում, բնակվող՝ Երևան քաղաքի Մսշտցի պողոտայի 37-րդ շենքի 48-րդ բնակարանում: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով (2 դրվագ) ․ որպես խափանման միջոց է կիրառվել բացակայելու արգելքը:

Վարութային նախապատմությունը․
2023 թվականի հունվարի 20-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Մանուկյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60132623 քրեական վարույթը։
2023 թվականի փետրվարի 20-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչի պաշտոնակատար Ն.Պետրոսյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60834523 քրեական վարույթը։
2023 թվականի մարտի 15-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչի պաշտոնակատար Ն.Պետրոսյանի որոշմամբ թիվ 60834523 քրեական վարույթը միացվել է թիվ 60132623 քրեական վարույթին և նախաքննությունը շարունակվել է 60132623 համարի ներքո:
2023 թվականի մարտի 28-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչի պաշտոնակատար Ն.Պետրոսյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60867523 քրեական վարույթը։
2023 թվականի մարտի 28-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչի պաշտոնակատար Ն.Պետրոսյանի որոշմամբ թիվ 60867523 քրեական վարույթը միացվել է թիվ 60132623 քրեական վարույթին և նախաքննությունը շարունակվել է 60132623 համարի ներքո:
2024 թվականի դեկտեմբերի 23-ի ՀՀ դատախազության Երևան քաղաքի Կենտրոն և Նորք Մարաշ վարչական շրջանների դատախազության դատախազ Ռ.Հարությունյանի որոշմամբ Հայկ Լևոնի Մկրտչյանի նկատմամբ հանրային քրեական հետապնդում է հարուցվել քրեական օրենսգրքով նախատեսված այն արարքների կատարման համար, որ նա 2023 թվականի հունվարի 5-ին՝ ժամը 23:37-ի սահմաններում, վարել է <<ԲՄՎ>> մակնիշի 06 GL 060 հաշվառման համարանիշի ավտոմեքենան՝ տրանսպորտային միջոցներ վարելու իրավունքը կասեցված վիճակում:
Այսպես. ՀՀ ՆԳՆ ոստիկանության <<Ճանապարհային ոստիկանություն>> ծառայության կողմից 2022 թվականի օգոստոսի 30-ին կայացված վարչական տույժ նշանակելու մասին թիվ 2215095354 որոշմամբ Հայկ Լևոնի Մկրտչյանի տրանսպորտային միջոցներ վարելու իրավունքը կասեցվել է 6 (վեց) ամիս ժամանակով՝ սկսած 2022 թվականի հոկտեմբերի 24-ից մինչև 2023 թվականի ապրիլի 24-ը, որի մասին վերջինը ծանուցվել է 2022 թվականի հոկտեմբերի 24-ին վարչական իրավախախտման վերաբերյալ արձանագրությունը կազմելիս ՀՀ ՆԳՆ ոստիկանության Երևան քաղաքի գնդի 2-րդ գումարտակի 2-րդ վաշտի պարեկ Սաշա Տիգրանյանի կողմից: Տեղյակ լինելով, որ իր տրանսպորտային միջոցներ վարելու իրավունքը կասեցված է, Հայկ Մկրտչյանը, կասեցման ժամկետը դեռ չլրացած, 2023 թվականի հունվարի 5-ին՝ ժամը 23:37-ի սահմաններում, Երևան քաղաքի Սայաթ-Նովա փողոցում վարել է <<ԲՄՎ>> մակնիշի 06 GL 060 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Կարեն Գալստյանի կողմից նույն օրը՝ ժամը 23:44-ին, կազմվել է վարչական արձանագրությունը։ իրավախախտման վերաբերյալ թիվ 8180167729
Այսինքն՝ Հայկ Լևոնի Մկրտչյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Հայկ Լևոնի Մկրտչյանը 2023 թվականի հունվարի 8-ին՝ ժամը 14:31-ի սահմաններում, վարել է <<ԲՄՎ>> մակնիշի 06 GL 060 հաշվառման համարանիշի ավտոմեքենան՝ տրանսպորտային միջոցներ վարելու իրավունքը կասեցված վիճակում:
Այսպես. ՀՀ ՆԳՆ ոստիկանության <<Ճանապարհային ոստիկանություն>> ծառայության կողմից 2022 թվականի օգոստոսի 30-ին կայացված վարչական տույժ նշանակելու մասին թիվ 2215095354 որոշմամբ Հայկ Լևոնի Մկրտչյանի տրանսպորտային միջոցներ վարելու իրավունքը կասեցվել է 6 (վեց) ամիս ժամանակով՝ սկսած 2022 թվականի հոկտեմբերի 24-ից մինչև 2023 թվականի ապրիլի 24-ը, որի մասին վերջինը ծանուցվել է 2022 թվականի հոկտեմբերի 24-ին վարչական իրավախախտման վերաբերյալ արձանագրությունը կազմելիս ՀՀ ՆԳՆ ոստիկանության Երևան քաղաքի գնդի 2-րդ գումարտակի 2-րդ վաշտի պարեկ Սաշա Տիգրանյանի կողմից: Տեղյակ լինելով, որ իր տրանսպորտային միջոցներ վարելու իրավունքը կասեցված է, Հայկ Մկրտչյանը, կասեցման ժամկետը դեռ չլրացած, 2023 թվականի հունվարի 8-ին՝ ժամը 14:31-ի սահմաններում, Երևան քաղաքի Հանրապետության հրապարակում վարել է <<ԲՄՎ>> մակնիշի 06 GL 060 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկ Աղասի Պողոսյանի կողմից նույն օրը՝ ժամը 14:51-ին, կազմվել է վարչական իրավախախտման վերաբերյալ թիվ 8180163056 արձանագրությունը:
Այսինքն՝ Հայկ Լևոնի Մկրտչյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Այսպիսով՝ Հայկ Լևոնի Մկրտչյանին մեղսագրվում է պատժի սպառնալիքով արգելված, մեղավորությամբ կատարված հանցավոր արարքների կատարում՝ նախատեսված ՀՀ քրեական օրենսգրքի 344-րդ հոդվածի 1-ին մասով (երկու դրվագ):
2024 թվականի դեկտեմբերի 24-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական երրորդ բաժնի քննիչ Ի.Խաչատրյանի որոշմամբ Հայկ Լևոնի Մկրտչյանի նկատմամբ որպես խափանման միջոց է կիրառվել բացակայելու արգելքը։
2024 թվականի դեկտեմբերի 25-ի ՀՀ դատախազության Երևան քաղաքի Կենտրոն և Նորք Մարաշ վարչական շրջանների դատախազության դատախազ Ռ.Հարությունյանի որոշմամբ Հայկ Լևոնի Մկրտչյանի նկատմամբ հարուցված հանրային քրեական հետապնդման ժամկետը կասեցվել է:
2025 թվականի հունվարի 9-ին Հայկ Լևոնի Մկրտչյանն ինքնակամ ներկայացել է ՀՀ ՆԳՆ ոստիկանության Երևան քաղաքի ՀՕԳՎ Կենտրոնական բաժին:
2025 թվականի հունվարի 9-ի ՀՀ դատախազության Երևան քաղաքի Կենտրոն և Նորք Մարաշ վարչական շրջանների դատախազության դատախազ Ռ.Հարությունյանի որոշմամբ Հայկ Լևոնի Մկրտչյանի նկատմամբ հարուցված հանրային քրեական հետապնդման կասեցված ժամկետը վերսկսվել է:
2025 թվականի հունվարի 22-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական երրորդ բաժնի քննիչ Ի.Խաչատրյանի որոշմամբ Հայկ Լևոնի Մկրտչյանի նկատմամբ որպես խափանման միջոց է կիրառվել գրավը՝ 2.000.000 (երկու միլիոն) ՀՀ դրամի չափով:
2025 թվականի հունվարի 22-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական երրորդ բաժնի քննիչ Ի.Խաչատրյանի որոշմամբ Հայկ Լևոնի Մկրտչյանի նկատմամբ կիրառված խափանման միջոց բացակայելու արգելքը վերացվել է:
2025 թվականի հունվարի 23-ի ՀՀ դատախազության Երևան քաղաքի Կենտրոն և Նորք Մարաշ վարչական շրջանների դատախազության դատախազ Ռ.Հարությունյանի որոշմամբ Հայկ Լևոնի Մկրտչյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում չի հարուցվել՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետի հիմքով:
2025 թվականի փետրվարի 26-ին թիվ 60132623 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան։
Արագացված դատական քննություն.
Նախնական դատալսումների ընթացքում պաշտպան Մ.Շխիմյանը միջնորդեց դատաքննությունն անցկացնել արագացված վարույթի կարգով՝ նկատի ունենալով, որ սույն վարույթի շրջանակում Հայկ Մկրտչյանն իր մեղքն ընդունել է։
Հանրային մեղադրող Ռ.Հարությունյանը հրապարակեց մեղադրանքի փաստական հիմքն ու արարքին տրվող իրավական գնահատականը՝ միաժամանակ նշելով, որ չի առարկում արագացված կարգով վարույթի կիրառման դեմ:
Մեղադրյալ Հայկ Մկրտչյանը հայտնեց, որ իրեն պարզ է առաջադրված մեղադրանքը, դրա հետ համաձայն է: Պնդում է ներկայացված միջնորդությունը, այն ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով վարույթի անցկացնելու հետևանքները:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը և բացակայում են սույն օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, որոշում է կայացրել արագացված վարույթ կիրառելու միջնորդությունը բավարարելու մասին։
Հետևաբար, Դատարանը գտնում է, որ Հայկ Մկրտչյանը կատարել է արարքներ՝ նախատեսված ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով:
Դատարանի իրավական վերլուծությունները.
Դատարանը, ուսումնասիրելով Հայկ Լևոնի Մկրտչյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, եկավ հետևյալ եզրահանգման.
Հայկ Լևոնի Մկրտչյանի անձը դրականորեն բնութագրող հանգամանք է նախկինում արատավորված՝ դատապարտված չլինելը:
Դատարանն Հայկ Լևոնի Մկրտչյանի քրեական պատասխանատվություն ու պատիժը մեղմացնող հանգամանք է դիտում մեղքն ընդունելը և կատարածի համար զղջալը:
Ընդ որում, սույն մեղմացնող հանգամանքները վերագրվում են մեղսագրվող երկու դրվագներին:
Միաժամանակ, պետք է արձանագրել, որ Հայկ Լևոնի Մկրտչյանի պատասխանատվությունն ու պատիժը ծանրացնող հանգամանքներ առկա չեն։
Կատարված արարքների համար մեղադրյալ Հայկ Լևոնի Մկրտչյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Հայկ Լևոնի Մկրտչյանի կատարած արարքների բնույթը և հանրային վտանգավորության աստիճանը, մասնավորապես՝ այն, որ վերջինի կատարած հանցանքները հանդիսանում են ոչ մեծ ծանրության հանցագործություններ, այդ թվում՝ նրա գործողությունների վտանգավորության աստիճանը, անձը բնութագրող, պատասխանատվությունն ու պատիժը մեղմացնող հանգամանքները, ծանրացնող հանգամանքների բացակայությունը, ինչպես նաև այն, որ մեղադրյալի կատարած արարքների համար քրեական օրենսգրքի համապատասխան հոդվածի սանկցիայով նախատեսված է պատիժ նաև տուգանքի ձևով, գտնում է՝ Հայկ Լևոնի Մկրտչյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ պետք է նշանակել տուգանք՝ հանցանքը կատարելու պահին նվազագույն աշխատավարձի (75.000 ՀՀ դրամ) հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով, իսկ ՀՀ քրեական օրենսգրքի 344-րդ հոդվածի 1-ին մասով՝ տուգանք՝ հանցանքը կատարելու պահին նվազագույն աշխատավարձի (75.000 ՀՀ դրամ) հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Ընդ որում, որպես հաշվարկային դրույք է վերցվում ՀՀ-ում հանցանքի կատարման պահին նվազագույն աշխատավարձի չափը՝ նկատի ունենալով այն, որ Հայկ Լևոնի Մկրտչյանը հանցանքների կատարմանը նախորդող տասներկու ամիսների ընթացքում կանոնավոր ամսական եկամուտ չի ունեցել:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Հայկ Լևոնի Մկրտչյանի նկատմամբ պետք է պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Դատարանը գտնում է, որ Հայկ Լևոնի Մկրտչյանի նկատմամբ կիրառված խափանման միջոցը՝ գրավը՝ 2.000.000 ՀՀ դրամի չափով, պետք է թողնել անփոփոխ՝ մինչև դատավճռի օրինական ուժի մեջ մտնելը, իսկ այնուհետև՝ գրավի գումարը վերադարձնել այն մուծած անձին:
ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը արագացված վարույթ կիրառելու դեպքում, համաձայն նույն օրենսգրքի 464.4-րդ հոդվածի 3-րդ մասի՝ դատապարտված մեղադրյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով՝ Դատարանը

Վ Ճ Ռ Ե Ց


Հայկ Լևոնի Մկրտչյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով՝ 2 դրվագ:
Հայկ Լևոնի Մկրտչյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Հայկ Լևոնի Մկրտչյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Հայկ Լևոնի Մկրտչյանի նկատմամբ վերջնական պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Դատավճիռն օրինական ուժի մեջ մտնելուց հետո, Հայկ Լևոնի Մկրտչյանի նկատմամբ որպես խափանման միջոց կիրառված գրավը, վերացնել, և գրավի գումարը վերադարձնել այն մուծած անձին:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով):


ԴԱՏԱՎՈՐ Ա.ՀՈՎՀԱՆՆԻՍՅԱՆ