ԵԴ1/0620/01/25



Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
Երևան քաղաքի առաջին ատյանի ընդհանուր իրավասության
քրեական դատարանը (այսուհետ նաև՝ Դատարան)՝

Նախագահող դատավոր Հ.Ավագյան
Քարտուղարությամբ` Մ.Թովմասյանի
Մասնակցությամբ՝
Հանրային մեղադրող Ռ.Գրիգորյանի
Մեղադրյալ Վ.Գալստյանի

2025 թվականի դեկտեմբերի 8-ին, դռնբաց դատական նիստում, Երևան քաղաքում, քննելով քրեական վարույթն ըստ մեղադրանքի`
Վաչագան Մարկոսի Գալստյանի՝ (ծնված` 1988 թվականի ապրիլի 8-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, դատվածություն չունեցող, հաշվառված Երևան քաղաքի Բաբաջանյան փողոցի վագոն տնակ 2 հասցեում, բնակվում է Երևան քաղաքի Եղիազարյան փողոցի 50/3 տանը) հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով՝ չորս դրվագով, որպես խափանման միջոց է կիրառվել բացակայելու արգելքը,

ՊԱՐԶԵՑ

1. Գործի դատավարական նախապատմությունը.
2024 թվականի ապրիլի 23-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-1565-24 քրեական վարույթը` ՀՀ քրեական օրենսգրքի 344-րդ հոդվածի 1-ին մասի հատկանիշներով:
Նույն օրը ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-1566-24 քրեական վարույթը` ՀՀ քրեական օրենսգրքի 344-րդ հոդվածի 1-ին մասի հատկանիշներով:

Նույն օրը ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-1567-24 քրեական վարույթը` ՀՀ քրեական օրենսգրքի 344-րդ հոդվածի 1-ին մասի հատկանիշներով:
Նույն օրը ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-1568-24 քրեական վարույթը` ՀՀ քրեական օրենսգրքի 344-րդ հոդվածի 1-ին մասի հատկանիշներով:
2024 թվականի հունիսի 7-ին որոշում է կայացվել թիվ 60-1566-24, 60-1567-24, 60-1568-24 քրեական վարույթները թիվ 60-1565-24 քրեական վարույթին միացնելու մասին:
Երևան քաղաքի Մալաթիա-Սեբաստիա վարչական շրջանի դատախազության դատախազ Ա.Դավթյանի 2024 թվականի հոկտեմբերի 17-ի որոշմամբ՝ Վաչագան Մարկոսի Գալստյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով՝ չորս դրվագով։
2024 թվականի հոկտեմբերի 18-ի մեղադրանքը ներկայացվել է Վաչագան Գալստյանին և նրա նկատմամբ որպես խափանման միջոց է կիրառվել բացակայելու արգելքը։
2025 թվականի փետրվարի 21-ին վարույթի նյութերը հաստատված մեղադրական եզրակացությամբ ուղարկվել են Դատարան, որտեղ գործին շնորհվել է ԵԴ1/0620/01/25 համարը:
2025 թվականի փետրվարի 26-ին Դատարանի դատավոր Հ.Ավագյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի դեկտեմբերի 8-ին Դատարանը Վաչագան Գալստյանի նկատմամբ կայացրել է մեղադրական վերդիկտ։

2. Մեղադրանքի փաստական և իրավական հիմնավորումները.
Վաչագան Մարկոսի Գալստյանի նկատմամբ հանրային քրեական հետապնդում է հարուցվել այն բանի համար, որ «(․․․) նա, տրանսպորտային միջոցներ վարելու իրավունքից մեկ տարի ժամկետով՝ 2023 թվականի մայիսի 26-ից մինչև 2024 թվականի մայիսի 27-ը զրկված լինելու և այդ մասին նախապես տեղյակ լինելու պայմաններում, 2023 թվականի հուլիսի 2-ին՝ ժամը 21:25-ի սահմաններում, Երևան քաղաքի Թբիլիսյան խճուղում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկ Հենրիկ Աբրոյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180253899 արձանագրությունը։
Այսինքն՝ Վաչագան Մարկոսի Գալստյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում։
Բացի այդ՝ Վաչագան Մարկոսի Գալստյանը, տրանսպորտային միջոցներ վարելու իրավունքից մեկ տարի ժամկետով՝ 2023 թվականի մայիսի 26-ից մինչև 2024 թվականի մայիսի 27-ը զրկված լինելու և այդ մասին նախապես տեղյակ լինելու պայմաններում, 2023 թվականի հուլիսի 6-ին՝ ժամը 18:15-ի սահմաններում, Երևան քաղաքի Տիչինայի փողոցում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի կրտսեր պարեկ Սուրեն Հովակիմյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180254483 արձանագրությունը։
Այսինքն՝ Վաչագան Մարկոսի Գալստյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում։
Բացի այդ` Վաչագան Մարկոսի Գալստյանը, տրանսպորտային միջոցներ վարելու իրավունքից մեկ տարի ժամկետով՝ 2023 թվականի մայիսի 26-ից մինչև 2024 թվականի մայիսի 27-ը զրկված լինելու և այդ մասին նախապես տեղյակ լինելու պայմաններում, 2023 թվականի օգոստոսի 3-ին՝ ժամը 02:35-ի սահմաններում, Երևան քաղաքի «Զվարթնոց» միջազգային օդանավակայանի տարածքում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի պարեկ Նվեր Մուրադյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180258183 արձանագրությունը:
Այսինքն՝ Վաչագան Մարկոսի Գալստյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում։
Բացի այդ՝ Վաչագան Մարկոսի Գալստյանը, տրանսպորտային միջոցներ վարելու իրավունքից մեկ տարի ժամկետով՝ 2023 թվականի մայիսի 26-ից մինչև 2024 թվականի մայիսի 27-ը զրկված լինելու և այդ մասին նախապես տեղյակ լինելու պայմաններում, 2023 թվականի նոյեմբերի 19-ին՝ ժամը 20:20-ի սահմաններում, Երևան քաղաքի Արցախի պողոտայում, վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի պարեկ Ռաֆիկ Պռազյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180266311 արձանագրությունը:
Այսինքն՝ Վաչագան Մարկոսի Գալստյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում»։

3. Ապացույցների հետազոտում և գնահատում.
Վաչագան Մարկոսի Գալստյանը ներկայացված մեղադրանքներում իրեն մեղավոր է ճանաչել և հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը, ձայնագրության սկավառակը):
Հիմնական դատալսումների ժամանակ հետազոտվել են նաև հետևյալ ապացույցները.
Վարչական իրավախախտման վերաբերյալ թիվ 8180254256 արձանագրությունը, համաձայն որի՝ 2023 թվականի մայիսի 19-ին՝ ժամը 08:28-ին, ՀՀ ոստիկանության պարեկ Էդգար Գարեգինի Սարիբեկյանը (կրծքանշանի համար՝ 13107) Երևան քաղաքի Արցախի պողոտայում Վաչագան Մարկոսի Գալստյանի վերաբերյալ կազմել է վարչական իրավախախտման արձանագրություն այն բանի համար, որ նա 2023 թվականի մայիսի 19-ին՝ ժամը 08:28-ին, «Միտսուբիշի» մակնիշ 36 XT 251 հաշվառման համարանիշի ավտոմեքենան՝ գրանցված Էրիկ Սիմոնյանի անվամ, վարել է ոչ սթափ վիճակում: Արձանագրության ծանոթացման հատվածում առկա ստորագրություն և Գալստյան ազգանուն: Այնուհետև առկա է 8180254256 որոշումը, համաձայն որի՝ վերը նկարագրված իրավախախտման համար ՎԻՎ ՀՀ օրենսգրքի 129.3-րդ հոդվածի 2-րդ մասի համաձայն քաղաքացի Վաչագան Գալստյանը զրկվել տրանսպորտային միջոցներ վարելու իրավունքից 1 տարի ժամկետով: Որոշման պատճենը և այդ մասին քաղվածքը ստանալու համար նախատեսված հատվածում առկա է գրություն՝ հասցեատերը հրաժարվեց ստորագրել։ (տե՛ս վարույթի 1-ին հատորի 4-րդ թերթը և դատական նիստի արձանագրությունը, ձայնագրության սկավառակը):
Սթափության վիճակի զննության վերաբերյալ թիվ 03154 կտրոնը, համաձայն որի՝ 2023 թվականի մայիսի 19-ին՝ ժամը 08:11:27-ին, Վաչագան Մարկոսի Գալստյանը «Alcovizor-Jupiter X/RP» թիվ 91100535 համարի սարքի միջոցով ենթարկվել է սթափության վիճակի զննության և նրա օրգանիզմում ալկոհոլի չափաքանակը կազմել է 0,213 մգ/լ (տե՛ս քրեական գործի 1-ին հատորի 6-րդ թերթը և դատական նիստի արձանագրությունը, ձայնագրության սկավառակը):
Ստուգաչափման թիվ 093652 վկայականի պատճենը, համաձայն որի՝ թիվ 91100535 համարի սթափության զննության համար նախատեսված սարքը ստուգաչափվել է 2023 թվականի ապրիլի 26-ին, որն ուժի մեջ է մինչև 2024 թվականի ապրիլի 26-ը, իսկ սարքի հնարավոր սխալանքը կազմում է +-10% (տե՛ս քրեական գործի 1-ին հատորի 5-րդ թերթը և դատական նիստի արձանագրությունը, ձայնագրության սկավառակը):
Վարչական իրավախախտման վերաբերյալ թիվ 8180254483 արձանագրությունը, համաձայն որի՝ 2023 թվականի հուլիսի 6-ին՝ ժամը 19:42-ին, ՀՀ ոստիկանության կրտսեր պարեկ Սուրեն Սմբատի Հովակիմյանը (կրծքանշանի համար 02926) Երևան քաղաքի Տիչինայի փողոցում Վաչագան Մարկոսի Գալստյանի վերաբերյալ կազմել է վարչական իրավախախտման արձանագրություն, այն բանի համար, որ նա 06.07.2023թ.՝ 18:15-ին, Նարեկ Գալստյանի անվամբ գրանցված «ԲՄՎ» մակնիշի 89 VY 889 հաշվառման համարանիշի ավտոմեքենան վարել է տրանսպորտային միջոց վարելու իրավունքից զրկված վիճակում: Արձանագրության ծանոթացման հատվածում առկա է ստորագրություն (տե՛ս վարույթի 1-ին հատորի 3-րդ թերթը և դատական նիստի արձանագրությունը, ձայնագրության սկավառակը):
Վարչական իրավախախտման վերաբերյալ թիվ 8180253899 արձանագրությունը, համաձայն որի՝ 2023 թվականի հուլիսի 2-ին՝ ժամը 21:58-ին, ՀՀ ոստիկանության պարեկ Հենրիկ Ահարոնի Աբրոյանը (կրծքանշանի համար 10640) Երևան քաղաքի Թբիլիսյան խճուղում Վաչական Մարկոսի Գալստյանի վերաբերյալ կազմել է վարչական իրավախախտման արձանագրություն այն բանի համար, որ նա 02.07.2023թ.՝ 21:25-ին, Նարեկ Գալստյանի անվամբ գրանցված «ԲՄՎ» մակնիշի 89 VY 889 հաշվառման համարանիշի ավտոմեքենան վարել է տրանսպորտային միջոց վարելու իրավունքից զրկված վիճակում: Արձանագրության ծանոթացման հատվածում առկա է ստորագրություն (տե՛ս վարույթի 1-ին հատորի 18-րդ թերթը և դատական նիստի արձանագրությունը, ձայնագրության սկավառակը):
Վարչական իրավախախտման վերաբերյալ թիվ 8180258183 արձանագրությունը, համաձայն որի՝ 2023 թվականի օգոստոսի 3-ին՝ ժամը 02:40-ին, ՀՀ ոստիկանության 1-ին վաշտի պարեկ Նվեր Նշանի Մուրադյանը (կրծքանշանի համար 13201) «Զվարթնոց» օդանավակայանում Վաչագան Մարկոսի Գալստյանի վերաբերյալ կազմել է վարչական իրավախախտման արձանագրություն, այն բանի համար, որ նա 03.08.2023թ.՝ 02:35-ին, Նարեկ Գալստյանի անվամբ գրանցված «ԲՄՎ» մակնիշի 89 VY 889 հաշվառման համարանիշի ավտոմեքենան վարել է տրանսպորտային միջոց վարելու իրավունքից զրկված վիճակում: Արձանագրության ծանոթացման հատվածում առկա է ստորագրություն (տե՛ս վարույթի 1-ին հատորի 31-րդ թերթը և դատական նիստի արձանագրությունը, ձայնագրության սկավառակը):
Վարչական իրավախախտման վերաբերյալ թիվ 8180266311 արձանագրությունը, համաձայն որի՝ 2023 թվականի նոյեմբերի 19-ին՝ ժամը 20։25-ին, ՀՀ ոստիկանության պարեկ Ռաֆիկ Ռոմիկի Պասլյանը (կրծքանշանի համար 06541) Երևան քաղաքի Արցախի պողոտա և Արին Բերդի փողոցների խաչմերուկում Վաչագան Մարկոսի Գալստյանի վերաբերյալ կազմել է վարչական իրավախախտման արձանագրություն այն բանի համար, որ նա 19.11.2023թ.՝ 20:20-ին, Նարեկ Գալստյանի անվամբ գրանցված «ԲՄՎ» մակնիշի 89 VY 889 հաշվառման համարանիշի ավտոմեքենան վարել է տրանսպորտային միջոց վարելու իրավունքից զրկված վիճակում: Արձանագրության ծանոթացման հատվածում առկա է ստորագրություն (տե՛ս վարույթի 1-ին հատորի 43-րդ թերթը և դատական նիստի արձանագրությունը, ձայնագրության սկավառակը):
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկանքը, համաձայն որի՝ Վաչագան Գալստյանն ունեցել է RJ463825 սերիայի և համարի վարորդական վկայականը՝ թողարկված է 14.06.2019թ., որից զրկվել է՝ զրկման սկիզբը՝ 26.05.2023թ․, իսկ զրկման վերջը 27.05.2024թ. (տե՛ս վարույթի 1-ին հատորի 19-րդ թերթը և դատական նիստի արձանագրությունը, ձայնագրության սկավառակը):
Մինչդատական վարույթն իրականացնող մարմնի կողմից նշված փաստաթղթերը զննելու մասին արձանագրությունը, որպես արտավարույթային փաստաթղթեր ճանաչելու մասին որոշումը (տե՛ս վարույթի 1-ին հատորի 84-86-րդ թերթերը և դատական նիստի արձանագրությունը, ձայնագրության սկավառակը):

Պատշաճ իրավական ընթացակարգի շրջանակներում հետազոտված վերոգրյալ ապացույցները վերլուծելով, դրանցից յուրաքանչյուրը համադրելով մյուսի հետ և գնահատելով գործի քննության ընթացքում ձեռք բերված օբյեկտիվ փաստական տվյալների համակցության լույսի ներքո` Դատարանը հարկ է համարում արձանագրել հետևյալը.
ՀՀ քրեական դատավարության օրենսգրքի 97-րդ հոդվածի համաձայն՝
«1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց:
(․․․)»։
Վերը մեջբերված քրեադատավարական նորմի լույսի ներքո գնահատելով սույն գործով դատալսումների ժամանակ հետազոտված ապացույցների թույլատրելիությունը՝ Դատարանն արձանագրում է, որ գործի քննության ընթացքում չի ստացվել որևէ օբյեկտիվ տվյալ, որը հիմք կտար փաստելու, թե նշված ապացույցների ձեռքբերման գործընթացում տեղ են գտել օրենքի էական խախտումներ, որոնցով սահմանափակվել են դատավարության մասնակիցների` օրենքով երաշխավորված իրավունքները կամ այդ իրավունքներից նրանք զրկվել են, ինչպես նաև՝ դրանք ազդել են կամ կարող էին ազդել ստացված փաստական տվյալների հավաստիության վրա։
Այլ խոսքով՝ վկայակոչված ապացույցները թույլատրելիության առումով կասկածի տակ առնելու հիմքերը բացակայում են, քանի որ դրանք ձեռք են բերվել քրեադատավարական օրենքի պահանջների պահպանմամբ, իսկ հակառակի մասին վկայող որևէ օբյեկտիվ տվյալ գործի քննության ընթացքում չի ստացվել։
Բացի այդ, վերը թվարկված յուրաքանչյուր ապացույց այս կամ այն չափով փաստական տվյալներ է պարունակում մեղադրանքում նշված հանցավոր արարքի, գործի լուծման համար էական նշանակություն ունեցող այլ հանգամանքների վերաբերյալ։ Այս պայմաններում, Դատարանը գտնում է, որ թվարկված ապացույցները ոչ վերաբերելի ճանաչելու հիմքեր նույնպես առկա չեն:
Անդրադառնալով ապացույցների արժանահավատությանը՝ Դատարանն արձանագրում է, որ հետազոտված ապացույցներն այդ առնչությամբ կասկածի տակ առնելու օբյեկտիվ հիմքեր նույնպես առկա չեն։ Նշված ապացույցներով ստացվել են գործի լուծման համար նշանակություն ունեցող մի շարք հանգամանքների վերաբերյալ փաստական տվյալներ, որոնց արժանահավատությունը ոչ միայն չի վիճարկվել դատավարության մասնակիցների կողմից, այլև հաստատվել է գործի ողջ նյութերով։
Այսպիսով, գործով ձեռք բերված ապացույցները գնահատելով վերաբերելիության, թույլատրելիության, արժանահավատության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ Դատարանը հիմնավոր կասկածից վեր ապացուցողական չափանիշին համապատասխան հաստատված է համարում, որ Վաչագան Մարկոսի Գալստյանը տրանսպորտային միջոցներ վարելու իրավունքից մեկ տարի ժամկետով՝ 2023 թվականի մայիսի 26-ից մինչև 2024 թվականի մայիսի 27-ը զրկված լինելու և այդ մասին նախապես տեղյակ լինելու պայմաններում, 2023 թվականի հուլիսի 2-ին՝ ժամը 21:25-ի սահմաններում, Երևան քաղաքի Թբիլիսյան խճուղում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել և արձանագրվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից։
Բացի այդ, Վաչագան Մարկոսի Գալստյանը 2023 թվականի հուլիսի 6-ին՝ ժամը 18:15-ի սահմաններում, Երևան քաղաքի Տիչինայի փողոցում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել և արձանագրվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից։
Բացի այդ, Վաչագան Մարկոսի Գալստյանը 2023 թվականի օգոստոսի 3-ին՝ ժամը 02:35-ի սահմաններում, Երևան քաղաքի «Զվարթնոց» միջազգային օդանավակայանի տարածքում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել և արձանագրվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից։
Բացի այդ, Վաչագան Մարկոսի Գալստյանը 2023 թվականի նոյեմբերի 19-ին՝ ժամը 20:20-ի սահմաններում, Երևան քաղաքի Արցախի պողոտայում վարել է «ԲՄՎ» մակնիշի 89 VY 889 հաշվառման համարանիշի ավտոմեքենան, ինչը հայտնաբերվել և արձանագրվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից։

4. Դատարանի իրավական վերլուծությունները.
Արարքի կատարման պահին գործող ՀՀ քրեական օրենսգրքի 344-րդ հոդվածի 1-ին մասի համաձայն՝ «Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով»:
Ղեկավարվելով անմեղության կանխավարկածով և հիմնվելով պատշաճ ապացուցման արդյունքների վրա՝ Դատարանն ապացուցված է համարում Վաչագան Գալստյանին վերագրվող փաստական հանգամանքները, այդ արարքների քրեական հակաիրավականությունը, մեղադրյալի կողմից այդ արարքները կատարելը, ինչպես նաև՝ նրա մեղավորությունը տվյալ արարքները կատարելու մեջ։
Դատարանը գտնում է նաև, որ Վաչագան Մարկոսի Գալստյանի արարքներն ամբողջությամբ համապատասխանում են ՀՀ քրեական օրենսգրքի 344-րդ հոդվածի 1-ին մասով՝ չորս դրվագով, նախատեսված հանցագործությունների հատկանիշներին, ինչի համար նա ենթակա է քրեական պատախանատվության և պատժի:
Անդրադառնալով նշանակվելիք պատժի հարցին՝ Դատարանը փաստում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի Ընդհանուր մասի մի շարք դրույթներով:
Մասնավորապես, ՀՀ քրեական օրենսգրքի 55-րդ հոդվածի համաձայն`
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
(․․․)»:
ՀՀ վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (ի թիվս այլնի տե՛ս ՀՀ վճռաբեկ դատարանի թիվ ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11 որոշումները)։
Մեղադրյալ Վաչագան Գալստյանի նկատմամբ պատժի տեսակ և չափ ընտրելիս Դատարանը հաշվի է առնում կատարված հանցագործության՝ հանրության համար վտանգավորության աստիճանն ու բնույթը։
Անդրադառնալով հանցագործության հանրության համար վտանգավորության աստիճանին և բնույթին՝ Դատարանն արձանագրում է, որ
ա) արարքի հանրային վտանգավորության բնույթը որոշվում է այնպիսի փաստական տվյալների ամբողջությամբ, որոնք բնութագրում են մեղքի ձևը և տեսակը, հանցագործության նպատակը և շարժառիթը, քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակությունը,
բ) արարքի հանրային վտանգավորության աստիճանը որոշվում է այնպիսի փաստական տվյալների ամբողջությամբ, որոնք բնութագրում են հանցագործությամբ պատճառված վնասի չափը և բնույթը (հանրորեն վտանգավոր հետևանքներ), հանցագործության կատարման եղանակը, գործիքներն ու միջոցները, հանցավոր մտադրության իրականացման աստիճանը (տե՛ս Գարուշ Մադաթյանի գործով ՀՀ վճռաբեկ դատարանի 2009 թվականի փետրվարի 17-ի թիվ ԵՇԴ/0029/01/08 որոշումը):
Վերոգրյալի լույսի ներքո քննարկելով մեղադրյալի արարքները, հաշվի առնելով քրեական օրենսդրությամբ պահպանվող հասարակական հարաբերությունների` հանցանքի կատարման պահին ունեցած սոցիալական նշանակությունը, մեղքի ձևը և տեսակը, հանցագործության նպատակը և շարժառիթը, դրա կատարման եղանակը, հանցավոր մտադրության իրականացման աստիճանը՝ Դատարանը փաստում է, որ Վաչագան Գալստյանի կատարած՝ ՀՀ քրեական օրենսգրքի 344-րդ հոդվածի 1-ին մասով նախատեսված հանցագործություններն օժտված չեն հանրության համար վտանգավորության բարձր աստիճանով։
Որպես Վաչագան Գալստյանի անձը բնութագրող տվյալներ Դատարանը հաշվի է առնում այն, որ դատվածություն չունի, կատարած արարքների համար զղջացել է:
Դատարանն արձանագրում է նաև, որ Վաչագան Գալստյանի պատասխանատվությունն ու պատիժը մեղմացնող ծանրացնող հանգամանքներ վարույթի նյութերում առկա չեն։
Հաշվի առնելով նաև, որ ՀՀ պետական եկամուտների կոմիտեի տեղեկատվական համակարգում առկա տվյալների համաձայն՝ հանցանքներին նախորդող 12 ամիսներին մեղադրյալը եկամուտ չի ստացել՝ Դատարանը եզրահանգում է, որ Վաչագան Գալստյանի նկատմամբ առաջին դրվագով պետք է նշանակվի պատիժ ՀՀ քրեական օրենսգրքի 344-րդ հոդվածի 1-ին մասի սանկցիայով նախատեսված տուգանքի ձևով՝ արարքի կատարման պահին գործող նվազագույն աշխատավարձի հնգապատիկի՝ 375.000 ՀՀ դրամի չափով, երկրորդ դրվագով՝ արարքի կատարման պահին գործող նվազագույն աշխատավարձի վեցապատիկի՝ 450.000 ՀՀ դրամի չափով, երրորդ դրվագով՝ արարքի կատարման պահին գործող նվազագույն աշխատավարձի յոթապատիկի՝ 525.000 ՀՀ դրամի չափով, չորրորդ դրվագով՝ արարքի կատարման պահին գործող նվազագույն աշխատավարձի ութապատիկի՝ 600.000 ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի համաձայն՝ «Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից (․․․)»:
Հետևաբար, Դատարանն արձանագրում է, որ ՀՀ քրեական օրենսգրքի 74-րդ հոդվածի կարգով՝ հանցանքների համակցությամբ նշանակված պատիժներն մասնակիորեն գումարելու միջոցով, Վաչագան Գալստյանի նկատմամբ վերջնական պատիժ պետք է սահմանել տուգանքը՝ 1.500.000 (մեկ միլիոն հինգ հարյուր հազար) ՀՀ դրամի չափով, ինչն անհրաժեշտ և բավարար է պատժի նպատակների իրագործումն ապահովելու համար:
ՀՀ քրեական օրենսգրքի 59-րդ հոդվածի 8-րդ մասի համաձայն՝ «Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում առավելագույնը մեկ տարի ժամկետով կամ թույլատրում է տուգանքը մաս առ մաս վճարել նույն ժամկետում: (․․․)»:
Հաշվի առնելով, որ Վաչագան Գալստյանը դատալսումների ընթացքում հայտարարել է, որ հնարավորություն չունի անհապաղ և ամբողջությամբ վճարել տուգանքը՝ Դատարանը գտնում է, որ անհրաժեշտ է վերջինի համար տուգանքի վճարման ժամկետ սահմանել 12 (տասներկու) ամիսը:
Քննության առնելով Վաչագան Գալստյանի նկատմամբ ընտրված խափանման միջոց բացակայելու արգելքի հարցը՝ Դատարանը հանգում է հետևության, որ այն պետք է վերացնել դատավճիռն օրինական ուժի մեջ մտնելուց հետո:
Անդրադառնալով վարույթային ծախսերի հարցին և հաշվի առնելով, որ դրանց վերաբերյալ տվյալները բացակայում են, ավելին՝ գործի քննության ընթացքում նման պահանջ չի ներկայացվել՝ Դատարանը հանգում է հետևության, որ այդ հարցը պետք է համարել լուծված։
Միաժամանակ Դատարանն արձանագրում է, որ սույն գործով առկա չեն վնասի հատուցման ապահովման կամ քրեադատավարական հարկադրանքի այլ միջոցներ, հետևաբար այդ հարցերը ևս պետք է համարվեն լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-34-րդ, 99-100-րդ, 167-րդ, 347-350-րդ, 364-րդ հոդվածներով՝ Դատարանը

ՎՃՌԵՑ

Վաչագան Մարկոսի Գալստյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ (դրվագ առաջին) և նրա նկատմամբ պատիժ նշանակել տուգանքը՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Վաչագան Մարկոսի Գալստյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ (դրվագ երկրորդ) և նրա նկատմամբ պատիժ նշանակել տուգանքը՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով:
Վաչագան Մարկոսի Գալստյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ (դրվագ երրորդ) և նրա նկատմամբ պատիժ նշանակել տուգանքը՝ նվազագույն աշխատավարձի յոթապատիկի՝ 525.000 (հինգ հարյուր քսանհինգ հազար) ՀՀ դրամի չափով:
Վաչագան Մարկոսի Գալստյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ (դրվագ չորրորդ) և նրա նկատմամբ պատիժ նշանակել տուգանքը՝ նվազագույն աշխատավարձի ութապատիկի՝ 600.000 (վեց հարյուր հազար) ՀՀ դրամի չափով:
ՀՀ քրեական օրենսգրքի 74-րդ հոդվածի կարգով՝ հանցանքների համակցությամբ նշանակված պատիժները մասնակիորեն գումարելու միջոցով, Վաչագան Մարկոսի Գալստյանի նկատմամբ վերջնական պատիժ սահմանել տուգանքը՝ 1.500.000 (մեկ միլիոն հինգ հարյուր հազար) ՀՀ դրամի չափով:
ՀՀ քրեական օրենսգրքի 59-րդ հոդվածի 8-րդ մասի կարգով՝ Վաչագան Մարկոսի Գալստյանի համար տուգանքի վճարման ժամկետ սահմանել 12 (տասներկու) ամիսը:
Վաչագան Մարկոսի Գալստյանի նկատմամբ որպես խափանման միջոց կիրառված բացակայելու արգելքը դատավճիռն օրինական ուժի մեջ մտնելուց հետո վերացնել:
Վարույթային ծախսերի և մյուս վերաբերելի հարցերը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան` ստանալու օրվանից հետո մեկամսյա ժամկետում:


ԴԱՏԱՎՈՐ՝ Հ.ԱՎԱԳՅԱՆ