ԵԴ1/0621/01/25


ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«22» հոկտեմբերի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` նաև Դատարան)՝
նախագահությամբ դատավոր՝ Գ.ԱԲԵԼՅԱՆԻ
քարտուղարությամբ՝ Ս․ԶԱՔՈՅԱՆԻ
Գ․ԳԱԼՍՏՅԱՆԻ
Ա․ՄԿՐՏՉՅԱՆԻ
Դ․ՀԱԽՆԱԶԱՐՅԱՆԻ
հանրային մեղադրող՝ Դ․ԲԱԴԱԼՅԱՆԻ
պաշտպան՝ Զ․ՍԱԿՈՎԱՅԻ
մեղադրյալ՝ Կ․ԳԱԼՍՏՅԱՆԻ
դռնբաց դատական նիստում` արագացված վարույթի կարգով, քննեց քրեական գործն ըստ մեղադրանքի`
Կարեն Նվերի Գալստյանի՝ ծնված՝ 2001 թվականի սեպտեմբերի 10-ին՝ ԼՂՀ Հադրութ քաղաքի Մեծ Թաղեր գյուղում, ազգությամբ հայ՝ ՀՀ քաղաքացի, չամուսնացած, միջնակարգ կրթությամբ, չի աշխատում, նախկինում չդատապարտված, բնակվում է՝ ք․Աբովյան 3 միկրոշրջան 22Ա շենքի 35 բնակարան հասցեում, մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով և որպես խափանման միջոց է կիրառվել ՀՀ-ից բացակայելու արգելքը։



1․ Գործի դատավարական նախապատմությունը.
2024 թվականի հոկտեմբերի 25-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Հ․Չորեքյանը զեկուցագիր է ներկայացրել ՀՀ ոստիկանության պարեկային ծառայության Երևան քաղաքի գնդի հրամանատար Ա․Իսախանյանին և ՀՀ ՆԳՆ ոստիկանության ՊԾ Երևան քաղաքի գնդի ՎՎԻ բաժնի պետի պարտականությունների ժամանակավոր կատարող Դ․Գևորգյանին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկ՝ Դավիթ Հակոբյանը, Կարեն Նվերի Գալստյանի (ծնված` 2001 թվականի սեպտեմբերի 10-ին, Կոտայքի մարզ, ք.Աբովյան, 3-րդ միկրոշրջան, 22 շենք, 35 բնակարան, ՀԾՀ՝ 2029010235) նկատմամբ 2024 թվականի հոկտեմբերի 17-ին` ժամը 02:01-ին կազմել է թիվ 8180417658 արձանագրություն, քանի որ վերջինս 2024 թվականի հոկտեմբերի 17-ին՝ ժամը 01:45-ին, Երևան քաղաքի Աճառյան փողոցում, «ՏՈՅՈՏԱ» մակնիշի 37 MM 881 հաշվառման համարանիշի տրանսպորտային միջոցը վարել է՝ չունենալով տվյալ կարգի տրանսպորտային միջոցներ վարելու իրավունք և ոչ սթափ վիճակում:
(…)
Ներկայացնում եմ թիվ 8180417658 արձանագրությունը, կից նյութերը և ՀՀ ՆԳՆ էլեկտրոնային ռեգիստրի հաշվառման շտեմարանից կատարված քաղվածքի պատճենը, որը փաստում է, որ Կարեն Նվերի Գալստյանը տրանսպորտային միջոցներ կարելու իրավունքից զրկվել է՝ 2022 թվականի նոյեմբերի 30-ին ՀՀ ՆԳՆ ոստիկանության ՊԾ ԵՔԳ 3-րդ գումարտակի 1-ին վաշտի ծառայողի կողմից կայացված թիվ 8180240444 որոշմամբ՝ մեկ տարի ժամկետով և չի վերականգնել: (…)»:
2024 թվականի հոկտեմբերի 25-ին, ՀՀ ՆԳՆ ոստիկանության ՊԾ ԵՔԳ ՎՎԻ բաժնի տեսուչ Հ․Չորեքյանը հաղորդում է ներկայացրել ՀՀ քննչական կոմիտեի Երևան քաղաքի քննչական վարչության ՃՏՀ քննության բաժին, համաձայն որի՝ «(…) ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկ` Դավիթ Հակոբյանի, Կարեն Նվերի Գալստյանի (ծնված` 2001 թվականի սեպտեմբերի 10-ին, Կոտայքի մարզ, ք.Աբովյան, 3-րդ միկրոշրջան, 22 շենք, 35 բնակարան, ՀԾՀ՝ 2029010235) նկատմամբ 2024 թվականի հոկտեմբերի 17-ին` ժամը 02:01-ին կազմված թիվ 8180417658 արձանագրությունը, ըստ որի վերջինս 2024 թվականի հոկտեմբերի 17-ին` ժամը 01:45-ին, Երևան քաղաքի Աճառյան փողոցում, «ՏՈՅՈՏԱ» մակնիշի 37 MM 881 հաշվառման համարանիշի տրանսպորտային միջոցը վարել է չունենալով տվյալ կարգի տրանսպորտային միջոցներ վարելու իրավունք և ոչ սթափ վիճակում: (…)»:
Հաղորդման հիման վրա՝ 2024 թվականի նոյեմբերի 27-ին ՀՀ քննչական կոմիտեի Երևան քաղաքի ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60708224 քրեական վարույթը:
2025 թվականի փետրվարի 12-ին, ՀՀ դատախազության Երևան քաղաքի Ավան և Նոր Նորք վարչական շրջանների դատախազության ավագ դատախազ Վ․Մարգարյանի որոշմամբ թիվ 60708224 քրեական վարույթով Կարեն Նվերի Գալստյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով:
2025 թվականի փետրվարի 14-ին Կարեն Նվերի Գալստյանի նկատմամբ որպես խափանման միջոց է կիրառվել բացակայելու արգելքը:
2025 թվականի փետրվարի 21-ին ՀՀ դատախազության Երևան քաղաքի Ավան և Նոր Նորք վարչական շրջանների դատախազությունից Դատարան է ստացվել թիվ ԵԴ1/0621/01/25 (նախաքննական համարը՝ 60708224) քրեական գործն ըստ մեղադրանքի Կարեն Նվերի Գալստյանի՝ ՀՀ քրեական օրենսգրքի 344-րդ հոդվածի 2-րդ մասով։
Նույն օրը քրեական գործն էլեկտրոնային եղանակով մակագրվել, իսկ 2025 թվականի փետրվարի 24-ին հանձնվել է Դատարանի դատավոր Գ․Աբելյանի աշխատակազմին։
2025 թվականի փետրվարի 27-ին Դատարանի դատավոր Գ․Աբելյանի կողմից որոշում է կայացվել թիվ ԵԴ1/0621/01/25 քրեական գործով վարույթը ստանձնելու և նախնական դատալսումներ նշանակելու մասին:

2. Մեղադրանքի փաստական նկարագրությունը.
Կարեն Նվերի Գալստյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով՝ այն բանի համար, որ. «(…) [Ն]ա, չունենալով տրանսպորտային միջոցներ վարելու իրավունք, ոչ սթափ վիճակում վարել է տրանսպորտային միջոցը
Այսպես՝
Կարեն Նվերի Գալստյանը, 2022 թվականի նոյեմբերի 30-ի թիվ 8180240444 որոշմամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2024 թվականի հոկտեմբերի 17-ին՝ ժամը 01:45-ին, Երևան քաղաքի Աճառյան փողոցում ոչ սթափ վիճակում՝ այն է. 0,314մգ/լ ալկոհոլի ազդեցության տակ, վարել է «Տոյոտա» մակնիշի 37MM881 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության Երևանի գնդի 4-րդ գումարտակի 1-ին վաշտի պարեկ Դավիթ Հակոբյանի կողմից կազմվել է թիվ 8180417658 արձանագրությունը։
Այսինքն՝ Կարեն Նվերի Գալստյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 2-րդ մասով: (…)»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում մեղադրյալ Կարեն Նվերի Գալստյանը ներկայացրեց արագացված վարույթ կիրառելու մասին միջնորդություն՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպան Զ․Սակովայի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Դ․Բադալյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
- 2025 թվականի փետրվարի 17-ի մեղադրյալի հարցաքննության մասին արձանագրությունը, համաձայն որի՝ Կարեն Նվերի Գալստյանն ընդունել է իրեն առաջադրված մեղադրանքը ,
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի՝ Կարեն Նվերի Գալստյանի Ձև 8 տեղեկանքը, համաձայն որի՝
«(…)
1. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 20164423
1) Նախաքննության վերաբերյալ տեղեկատվություն
Նախաձեռնող մարմինը` ԿՈՏԱՅՔԻ ՄԱՐԶԻ ՔՆՆՉԱԿԱՆ ԲԱԺԻՆ,ամս` 10/05/2023
Մեղադրական հոդված` ՀՀ ՔՐ. ՕՐ. հ 344 մ 2
ԿԱՐՃՎԱԾ Է ամս`31/10/2023 հիմք` ՀՀ ՔՐ.ՕՐ (2021Թ.) 81Հ.
2. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 60708224
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 27/11/2024
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
3. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 60333725
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 05/06/2025
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
4. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 18150918
1) Նախաքննության վերաբերյալ տեղեկատվություն
Նախաձեռնող մարմինը` ԼՂՀ ՀԱԴՐՈՒԹԻ ՈԲ ,ամս` 17/07/2018
Մեղադրական հոդված` ԼՂՀ ՔՐ․ՕՐ հ 117
ԿԱՐՃՎԱԾ Է ամս`17/07/2018 հիմք` 35 Հ. 1 Մ. 4 Կ.
5. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 49057924
1) Նախաքննության վերաբերյալ տեղեկատվություն
Նախաձեռնող մարմինը` ԿՈՏԱՅՔԻ ՄԱՐԶԻ ՔՆՆՉԱԿԱՆ ԲԱԺԻՆ,ամս` 18/06/2024
Մեղադրական հոդված` ՀՀ ՔՐ. ՕՐ. հ 344 մ 1
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԿՈՏԱՅՔԻ ՄԱՐԶԻ ԸՆԴՀ. ԻՐԱՎ. ԴԱՏԱՐԱՆ,ամս` 10/09/2024
ՀՀ ՔՐ. ՕՐ. հ 344 մ 2
Հիմնական պատիժը` ՀԱՆՐԱՅԻՆ ԱՇԽԱՏԱՆՔՆԵՐ 80 ժամ
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն
13.12.2024Թ. ՀԱՆՐԱՅԻՆ ԱՇԽԱՏ-Ը ԿԱՏԱՐՎԵԼ Է։
6. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 60239824
1) Նախաքննության վերաբերյալ տեղեկատվություն
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ,ամս` 19/11/2024
ՀՀ ՔՐ. ՕՐ. հ 344 մ 2
Հիմնական պատիժը` ՏՈՒԳԱՆՔ 375.000 դրամ , ՏՈՒԳԱՆՔԻ ՎՃԱՐՄԱՆ ՏԱՐԱԺԱՄԿԵՏՈՒՄ 12 ամիս
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
(…)» ,
- ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանի՝ Կարեն Նվերի Գալստյանի Ձև 9 տեղեկանքը, համաձայն որի՝
«(…)
1. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 60708224
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 27/11/2024
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
2. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 60333725
1) Նախաքննության վերաբերյալ տեղեկատվություն
Նախաձեռնող մարմինը` ԵՐԵՎԱՆԻ ՔՎ ՃՏՀ ՔՆՆՈՒԹՅԱՆ ԲԱԺԻՆ,ամս` 05/06/2025
Մեղադրական հոդված` ՀՀ ՔՐ. ՕՐ. հ 344 մ 2
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն չկա
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
3. ԳԱԼՍՏՅԱՆ ԿԱՐԵՆ ՆՎԵՐԻ
Ծննդյան ամսաթիվը` 10/09/2001, Ծննդավայրը` ԼՂՀ
Համարը` 60239824
1) Նախաքննության վերաբերյալ տեղեկատվություն
ՈՒՂԱՐԿՎԵԼ Է ԴԱՏԱՐԱՆ
2) Դատապարտման վերաբերյալ տեղեկատվություն
Դատապարտող մարմինը` ԵՐԵՎԱՆ ՔԱՂԱՔԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆ,ամս` 19/11/2024
ՀՀ ՔՐ. ՕՐ. հ 344 մ 2
Հիմնական պատիժը` ՏՈՒԳԱՆՔ 375.000 դրամ, ՏՈՒԳԱՆՔԻ ՎՃԱՐՄԱՆ ՏԱՐԱԺԱՄԿԵՏՈՒՄ 12 ամիս
3) Պատժի կրման վայրի վերաբերյալ տեղեկատվություն չկա
4) Պատժից ազատման վերաբերյալ տեղեկատվություն չկա
(…)» ։
-Կարեն Նվերի Գալստյանի կողմից դատալսումների ժամանակ ներկայացված՝ թիվ HK 082261 զինվորական գրքույկը, որի համաձայն՝ վերջինս 2020 թվականի սեպտեմբերի 27-ից մինչև 2020 թվականի նոյեմբերի 10-ը ՀՀ ՊՆ 49971 զորամասի կազմում մասնակցել է մարտական գործողություններին ,
- Կարեն Նվերի Գալստյանի հայտարարությունն առ այն, որ ընդունում է մեղավորությունը, զղջում կատարածի համար և համաձայն է իր նկատմամբ հանրային աշխատանքներն որպես պատիժ նշանակելու հետ,
- ՀՀ ԱՆ Պրոբացիայի ծառայությունից ստացված դատարանի հարցման պատասխանն առ այն, որ «(...) Կարեն Նվերի Գալստյանը (ծնված` 2001 թվականի սեպտեմբերի 10-ին) ՀՀ Երևանի քաղաքի առաջին ատյանի ընդհանուր իրավունքի դատարանի 2024 թվականի նոյեմբերի 19-ի թիվ ԵԴ1/3054/01/24 դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված արարք կատարելու համար, և նրա նկատմամբ պատիժ է նշակվել տուգանք 375.000 ՀՀ դրամի չափով։ Կարեն Գալստյանին թույլատրվել է 375.000 ՀՀ դրամ տուգանքը վճարել է մաս առ մաս՝ 12 ամսվա ընթացում՝ յուրաքանչյուր ամիս վճարելով 31.250 ՀՀ դրամի։ 2025 թվականի հունվարի 3-ին թիվ ԵԴ1/3054/01/24 դատավճիռը մտել է օրինական ուժի մեջ։ Թիվ ԵԴ1/3054/01/24-ին դատավճիռը և դատավճիռն օրինական ուժի մեջ մտնելու կարգադրությունը 2025 թվականի հունվարի 13-ին ստացվել է ՀՀ ԱՆ-ի պրոբացիայի ծառայության Կոտայքի մարզային մարմին և ընդունվել է ի կատար ածման։
2025 թվականի հունվարի 22-ին Կարեն Գալստյանը հաշվառվել է ՊԾ Կոտայքի մարզային մարմնում։
2025 թվականի հոկտեմբերի 17-ի դրությամբ Կարեն Գալստյանի կողմից կատարվել է 285.000 ՀՀ դրամ վճարում։ (...)»։
-Ի լրումն նախորդ գրության՝ ՀՀ ԱՆ պրոբացիայի ծառայության Կոտայքի մարզային մարմնից ստացված բանավոր տեղեկություններն առ այն, որ թիվ 49057924 քրեական վարույթով դատավճիռն օրինական ուժի մեջ է մտել 2024 թվականի հոկտեմբերի 24-ին, իսկ նույն թվականի նոյեմբերի 13-ին Կարեն Գալստյանը հաշվառվել է ՀՀ ԱՆ պրոբացիայի ծառայության Կոտայքի մարզային մարմնում ։

4.Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
- Կարեն Նվերի Գալստյանն ունի միջնակարգ կրթություն,
- Կարեն Նվերի Գալստյանը նախկինում դատապարտված չի եղել,
- Կարեն Նվերի Գալստյանը չի աշխատում,
- Կարեն Նվերի Գալստյանը ներկայացված մեղադրանքում մեղավոր է ճանաչել,
- Կարեն Նվերի Գալստյանը համաձայն է, որ իր նկատմամբ որպես պատիժ հանրային աշխատանքները նշանակելուն։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Կարեն Նվերի Գալստյանի վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 2-րդ մասը։
Դատարանի կողմից հաստատված փաստական հանգամանքների հիման վրա՝ Դատարանը գտնում է, որ Կարեն Նվերի Գալստյանի անձը բնութագրող հանգամանք է միջնակարգ կրթություն ունենալը, մարտական գործողություններին մասնակցություն ունենալը և նախկինում դատապարտված չլինելը։
Դատարանը, ղեկավարվելով ՀՀ քրեական օրենսգրքի (այսուհետ՝ նաև Օրենսգիրք) 70-րդ հոդվածի 2-րդ մասով, գտնում է, որ Կարեն Նվերի Գալստյանի պատասխանատվությունն ու պատիժը մեղմացնող հանգամանքներ պետք է դիտել ներկայացված մեղադրանքում իրեն լիովին մեղավոր ճանաչելն ու կատարածի համար զղջալը ։
Դատարանը միաժամանակ արձանագրում է, որ Կարեն Նվերի Գալստյանի պատասխանատվությունն ու պատիժը ծանրացնող՝ Օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Կարեն Նվերի Գալստյանը ենթակա է պատժի։
Պատիժ նշանակելու հարցի համատեքստում Դատարանը հարկ է համարում արձանագրել հետևյալը՝
Օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»։
Օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»։
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ։ Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են։ Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի , հանցավորի անձի, պատիժը մեղմացնող և ծանրացնող հանգամանքների վերլուծության հիման վրա` ելնելով պատժի նպատակների իրացումն ապահովելու անհրաժեշտությունից ։
Մասնավորապես, Վճռաբեկ դատարանն ընդգծել է, որ հանցանքի հանրային վտանգավորության բնույթն ու աստիճանը ճիշտ գնահատելու և հանցավորի նկատմամբ համաչափ պատիժ նշանակելու համար անհրաժեշտ է, ի թիվս այլնի, հատուկ ուշադրություն դարձնել հանցավոր վարքագծի դրսևորման եղանակին, հանցանքի կատարման գործիքին և հանցագործության իրադրությանը, պատճառված վնասի բնույթին, արարքի նկատմամբ անձի հոգեբանական վերաբերմունքին, հանցագործության նպատակին և շարժառիթին: Այս առումով Վճռաբեկ դատարանը փաստել է, որ անձի արարքում հանցակազմը որակյալ դարձնող մեկից ավելի հանգամանքների առկայությունը կարող է վկայել ինչպես հանցագործության, այնպես էլ հանցավորի անձի հանրային բարձր վտանգավորության մասին, հետևաբար այն պետք է համաչափ գնահատականի արժանանա դատարանի կողմից և հաշվի առնվի պատիժ նշանակելիս :
Դատարանը, հաշվի առնելով Կարեն Նվերի Գալստյանի կատարած հանցանքի հանգամանքները, նրա անձը բնութագրող տվյալները, պատասխանա¬տվու¬թյունը և պատիժը մեղմացնող հանգամանքը, պատասխանատվությունը և պատիժը ծանրացնող հանգամանքների բացակայությունը, Օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ Օրենսգրքի 344-րդ հոդվածի 2-րդ մասի սանկցիան այլընտրանքային է և հնարավորություն է տալիս Դատարանին, ելնելով կոնկրետ հանցագործության հանրային վտանգավորության բնույթից և աստիճանից, հանցանքը կատարած անձի նկատմամբ նշանակել արդարացի պատիժ՝ ընտրելով հոդվածի սանկցիայով նախատեսված պատժատեսակներից որևէ մեկը, գտնում է, որ Օրենսգրքի 77-րդ հոդվածի վերաբերելի կանոնների կիրառմամբ և Օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար Օրենսգրքի 344-րդ հոդվածի 2-րդ մասը մասով նախատեսված հանցանքի կատարման համար նրա նկատմամբ հիմնական պատիժ պետք է նշանակել հանրային աշխատանքները՝ 80 (ութսուն) ժամ տևողությամբ : Դատարանի հետևությունը պայմանավորված է նաև այն հանգամանքով, որ մեղադրյալ Կարեն Նվերի Գալստյանը համաձայն է իր նկատմամբ նշյալ պատժատեսակը նշանակելու համար։
Դատարանը, միևնույն ժամանակ, գտնում է, որ ՀՀ քրեական օրենսգրքի 74-րդ հոդվածով սահմանված կարգով՝ Կարեն Նվերի Գալստյանի նկատմամբ սույն գործով նշանակված պատժին պետք է լրիվ գումարել նաև Դատարանի՝ 2024 թվականի նոյեմբերի 19-ի թիվ ԵԴ1/3054/01/24 դատավճռով նշանակված պատժի չկրած մասը՝ 90․000 (իննսուն հազար) ՀՀ դրամ տուգանքը՝ Կարեն Նվերի Գալստյանի նկատմամբ վերջնական պատիժ նշանակելով հանրային աշխատանքներ՝ 80 (ութսուն) ժամ տևողությամբ և տուգանք՝ 90․000 (իննսուն հազար) ՀՀ դրամի չափով։
Հիմք ընդունելով այն հանգամանքը, որ Դատարանի՝ 2024 թվականի նոյեմբերի 19-ի թիվ ԵԴ1/3054/01/24 դատավճռով վերջինիս նկատմամբ որպես պատիժ նշանակված տուգանքի ժամկետը տարաժամկետվել էր 12 (տասներկու) ամիս ժամկետով (յուրաքանչյուր ամիս 31,250 ՀՀ դրամ գումար վճարելու մասով), ուստի Դատարանը գտնում է, որ պետք է պահպանել թիվ ԵԴ1/3054/01/24 դատավճռով նշանակված տուգանքը տարաժամկետ վճարելու կարգը։
Դատարանը միաժամանակ գտնում է, որ կատարած հանցանքի համար Կարեն Նվերի Գալստյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանը գտնում է, որ մեղադրյալ Կարեն Նվերի Գալստյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-13-րդ կետերով նշված հարցերին անդրադառնալու անհրաժեշտությունը սույն քրեական գործով բացակայում է։
Դատարանը գտնում է, որ Կարեն Նվերի Գալստյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և հանրային աշխատանքների ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Դատարանն արձանագրում է նաև, որ դատավճիռն օրինական ուժի մեջ մտնելուց հետո՝ արտավարութային փաստաթղթերը պետք է պահել քրեական գործի նյութերում դրանք պահելու ամբողջ ընթացքում։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Կարեն Նվերի Գալստյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4-րդ հոդվածի 3-րդ մասի, բացի այդ սույն քրեական գործով այդպիսիք առկա չեն։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-րդ, 276-րդ, 347-350-րդ, 464.4-րդ և 464.5-րդ հոդվածներով` Դատարանը

ՎՃՌԵՑ

1. Կարեն Նվերի Գալստյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարման մեջ և նրա նկատմամբ պատիժ նշանակել հանրային աշխատանքներ՝ 80 (ութսուն) ժամ տևողությամբ։
2. ՀՀ քրեական օրենսգրքի 74-րդ հոդվածով սահմանված կարգով՝ հանցագործությունների համակցությամբ նշանակված պատիժները լրիվ գումարելու միջոցով՝ ՀՀ քրեական օրենսգրքի 344-րդ հոդվածի 1-ին մասով որպես պատիժ նշանակված՝ 80 (ութսուն) ժամ տևողությամբ հանրային աշխատանքները գումարել Երևան քաղաքի առաջին ատյանի ընդհանուր իրավասության քրեական դատարանի՝ 2024 թվականի նոյեմբերի 19-ի թիվ ԵԴ1/3054/01/24 դատավճռով նշանակված պատժի չկրած մասը՝ 90․000 (իննսուն հազար) ՀՀ դրամ տուգանքը՝ Կարեն Նվերի Գալստյանի նկատմամբ վերջնական պատիժ նշանակելով հանրային աշխատանքներ՝ 80 (ութսուն) ժամ տևողությամբ և տուգանք՝ 90․000 (իննսուն հազար) ՀՀ դրամի չափով՝ պահպանելով թիվ ԵԴ1/3054/01/24 դատավճռով նշանակված տուգանքը տարաժամկետ վճարելու կարգը (յուրաքանչյուր ամիս 31,250 ՀՀ դրամ գումար վճարելու մասով)։
3. Կարեն Նվերի Գալստյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ` մինչև դատավճռի օրինական ուժի մեջ մտնելը:
4. Դատավճիռը օրինական ուժի մեջ մտնելուց հետո՝ արտավարութային փաստաթղթերը պահել քրեական գործի նյութերի հետ՝ դրանք պահելու ամբողջ ընթացքում։
5. Վարութային ծախսերի հարցը համարել լուծված:
6. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում, սակայն այն չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:


ԴԱՏԱՎՈՐ՝ Գ․ԱԲԵԼՅԱՆ