ԵԴ1/0624/01/25



Ո Ր Ո Շ Ու Մ
ՔՐԵԱԿԱՆ ՎԱՐՈւՅԹ ՍԿՍԵԼԸ ՄԵՐԺԵԼՈւ ՄԱՍԻՆ

25.02.2025թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը՝ նախագահությամբ դատավոր Մ.Շահվերդյանի, քննության առնելով Ռաֆիկ Հովհաննեսի Գևորգյանի 2025թ. փետրվարի 21-ի քրեական հայցը,

Պ Ա Ր Զ Ե Ց

2025թ. փետրվարի 21-ին դատարան է ստացվել Ռաֆիկ Հովհաննեսի Գևորգյանի նույն օրվա քրեական հայցը, որով վերջինս հայտնել է Երևանի քաղաքապետի կողմից անօտարելի հողատարածք առերևույթ յուրացնելու և օտարելու փաստով վերջինիս քրեական պատասխանատվության ենթարկելու մասին։
Նշված քրեական հայցը թիվ ԵԴ1/0624/01/25 համարի ներքո 21.02.2025թ. մակագրվել և 24.02.2025թ. հանձնվել է դատավոր Մ.Շահվերդյանին:
Ուսումնասիրելով քրեական հայցը, դրան կից ներկայացված փաստաթղթերը՝ դատարանն արձանագրում է հետևյալը.
ՀՀ քրեական օրենսգրքի 15-րդ հոդվածի համաձայն՝
«Սույն օրենսգրքի 167-րդ հոդվածի 1-ին մասով, 168-րդ հոդվածի 1-ին մասով, 169-րդ հոդվածի 1-ին մասով, 170-րդ հոդվածի 1-ին մասով, 171-րդ հոդվածի 1-ին մասով, 172-րդ հոդվածով, 173-րդ հոդվածով, 178-րդ հոդվածի 1-ին մասով, 180-րդ հոդվածի 1-ին մասով, 182-րդ հոդվածի 1-ին մասով, 194-րդ հոդվածի 1-ին մասով, 195-րդ հոդվածի 1-ին մասով, 227-րդ հոդվածի 1-ին մասով, 228-րդ հոդվածի 1-ին մասով, 253-րդ հոդվածի 1-ին մասով, 254-րդ հոդվածի 1-ին մասով, 255-րդ հոդվածի 1-ին մասով, 256-րդ հոդվածի 1-ին մասով, 257-րդ հոդվածի 1-ին մասով, 259-րդ հոդվածի 1-ին մասով, 262-րդ հոդվածի 1-ին մասով, 263-րդ հոդվածի 1-ին մասով, 264-րդ հոդվածի 1-ին մասով, 265-րդ հոդվածով կամ 266-րդ հոդվածով նախատեսված հանցանքը կատարած անձը կարող է ենթարկվել քրեական պատասխանատվության միայն հանցագործությունից տուժածի քրեական հայցի հիման վրա, բացառությամբ Հայաստանի Հանրապետության քրեական դատավարության օրենսգրքով նախատեսված դեպքերի»։
ՀՀ քրեական դատավարության օրենսգրքի՝
• 11-րդ հոդվածի համաձայն՝
«1. Քրեական վարույթի շրջանակներում քրեական հետապնդումն իրականացվում է հանրային կամ մաuնավոր կարգով` հանցանքի բնույթից և ծանրության աստիճանից ելնելով:
2. Հայաստանի Հանրապետության քրեական oրենuգրքի 15-րդ հոդվածի 1-ին մասով նախատեuված հանցանքների վերաբերյալ վարույթներով քրեական հետապնդումն իրականացվում է մաuնավոր կարգով, իսկ մյուս բոլոր հանցանքների վերաբերյալ վարույթներով քրեական հետապնդումն իրականացվում է հանրային կարգով:
3. Եթե նույն անձին վերագրվող արարքների մի մասը ենթակա է քրեական հետապնդման հանրային կարգով, իսկ մյուս մասը` մասնավոր կարգով, ապա քրեական հետապնդումն իրականացվում է հանրային կարգով:
(…)»։
• 451-րդ հոդվածի համաձայն՝
«1. Մասնավոր մեղադրանքով վարույթը կարող է նախաձեռնվել այն դեպքում, երբ այն անձը, որը բավարար հիմքեր ունի ենթադրելու, որ Հայաստանի Հանրապետության քրեական օրենսգրքի 15-րդ հոդվածի 1-ին մասով նախատեuված արարքներով իրեն պատճառվել է վնաս, քրեական հայց է ներկայացնում դատարան:
2. Քրեական հայցը կարող է ներկայացնել միայն սույն հոդվածի 1-ին մասով նախատեսված անձը կամ նրա օրինական ներկայացուցիչը:
3. Քրեական հայցը պետք է բովանդակի՝
1) սույն հոդվածի 1-ին մասով նախատեսված անձի անունը, ազգանունը և բնակության կամ հաշվառման վայրը.
2) այն անձի անունը, ազգանունը և բնակության կամ հաշվառման վայրը, որի դեմ ներկայացվել է քրեական հայցը.
3) մեղադրանքի բովանդակությունը, այդ թվում՝ քրեական օրենսգրքի համապատասխան հոդվածը կամ հոդվածի մասը.
4) այն անձանց անունները, ազգանուններն ու բնակության կամ հաշվառման վայրերը, որոնք պետք է կանչվեն դատական նիստին.
5) մեղադրանքը հիմնավորող նյութերը:
(…)»։
• 452-րդ հոդվածի համաձայն՝
«1. Քրեական հայցն ստանալուց հետո դատավորը ստուգում է՝ արդյոք պահպանվել են սույն օրենսգրքի 451-րդ հոդվածի 3-րդ մասով սահմանված` քրեական հայցին ներկայացվող պահանջները, արդյոք քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել մասնավոր կարգով, և հնգօրյա ժամկետում կայացնում է հետևյալ որոշումներից մեկը․
(…)
4) քրեական վարույթ սկսելը մերժելու մասին:
(…)
4. Քրեական վարույթ սկսելը մերժվում է, եթե`
(…)
3) քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել միայն հանրային կարգով.
(…)»։
Ստանալով քրեական հայցը և ստուգելով՝ արդյոք քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել մասնավոր կարգով, դատարանն արձանագրում է, որ պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը ենթադրյալ չարաշահելը կամ լիազորություններն անցնելը չի դասվում ՀՀ քրեական օրենսգրքի 15-րդ հոդվածի 1-ին մասով նշված հանցանքների թվին: Հետևաբար՝ նկատի ունենալով, որ Ռ.Գևորգյանի կողմից ներկայացված քրեական հայցում նկարագրված փաստական հանգամանքների կապակցությամբ քրեական հետապնդումը կարող է իրականացվել միայն հանրային կարգով՝ դատարանը գտնում է, որ Ռաֆիկ Հովհաննեսի Գևորգյանի կողմից 21.02.2025թ. ներկայացված քրեական հայցի վերաբերյալ քրեական վարույթ սկսելը ենթակա է մերժման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 11-րդ, 33-րդ, 34-րդ, 451-րդ և 452-րդ հոդվածներով՝ դատարանը

Ո Ր Ո Շ Ե Ց

Ռաֆիկ Հովհաննեսի Գևորգյանի կողմից 2025թ. փետրվարի 21-ին ներկայացված քրեական հայցի վերաբերյալ քրեական վարույթ սկսելը մերժել՝ քրեական հայցում նկարագրված փաստական հանգամանքների կապակցությամբ քրեական հետապնդումը միայն հանրային կարգով իրականացման ենթակա լինելու պատճառաբանությամբ։


ԴԱՏԱՎՈՐ Մ. ՇԱՀՎԵՐԴՅԱՆ