ԵԴ1/0491/01/25

Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

10 ապրիլի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը`

նախագահությամբ`
դատավոր Գ.Պողոսյանի
քարտուղարությամբ` Ա.Հովհաննիսյանի
մասնակցությամբ`
հանրային մեղադրող Ս․Պետրոսյանի
մեղադրյալ Ա.Մնոյանի

դատարանում՝ դռնբաց դատական նիստում, քննեց քրեական գործն ըստ մեղադրան-քի Արման Մուշեղի Մնոյանի (այսուհետ՝ նաև Մեղադրյալ)՝ ծնված 23.10.1996 թվականին Երևան քաղաքում, ազգությամբ հայ, ՀՀ քաղաքացի, փասատացի ամուսնացած, խնամքին 2 անձ, միջնակարգ կրթությամբ, առողջ, աշխատում է «Սկարիֆ-Մ» ՓԲԸ-ում որպես կոմպոզի-տային նյութերի լաբորատորիայի աշխատակից, Երևան քաղաքի առաջին ատյանի ընդ-հանուր իրավասության դատարանի 2024 թվականի նոյեմբերի 11-ի թիվ ԵԴ/0114/01/23 դա-տավճռով ՀՀ քրեական օրենսգրքի 344-րդ հոդվածի 2-րդ մասով դատապարտվել է 408,000 (չորս հարյուր ութ հազր) ՀՀ դրամ տուգանքի, բնակվում է՝ Երևան քաղաք, Լուկաշինի 1-ին փողոց, հմ․ 44 տուն, մեղադրվում է ՀՀ քրեական օրենսգրքի 344-րդ հոդվածի 2-րդ մասով (երկու դրվագ),

Գործի դատավարական նախապատմությունը.

ՀՀ ՔԿ Երևան քաղաքի քննչական վարչության ՃՏՀ քննության բաժնի քննիչ Վ․Բա-բաջանյանի (այսուհետ՝ նաև Քննիչ) կողմից 2024 թվականի նոյեմբերի 27-ին ՀՀ քրեական օ-րենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60713524 քրե-ական վարույթը։
Քննիչի կողմից 2024 թվականի նոյեմբերի 27-ին ՀՀ քրեական օրենսգրքի 344-րդ հոդ-վածի 2-րդ մասի հատկանիշներով նախաձեռնվել է թիվ 60713624 քրեական վարույթը։
Քննիչի 2024 թվականի նոյեմբերի 27-ի որոշմամբ թիվ 60713624 քրեական վարույթը միացվել է թիվ 60713524 քրեական վարույթին և նախաքննությունը շարունակվել է թիվ 60713524 քրեական վարույթով։
Քննիչի 2025 թվականի հունվարի 24-ի միջնորդության հիման վրա Երևան քաղաքի Մալաթիա-Սեբաստիա վարչական շրջանի դատախազության ավագ դատախազ Ս․Պետրոս-յանի 2025 թվականի հունվարի 24-ի որոշմամբ Արման Մուշեղի Մնոյանի (այսուհետ՝ նաև Մե-ղադրյալ) նկատմամբ ՀՀ քրեական օրենսգրքի 344-րդ հոդվածի 2-րդ մասով (2 դրվագ) հա-րուցել հանրային քրեական հետապնդում։
Քննիչի 2025 թվականի հունվարի 24-ի որոշմամբ Մեղադրյալի նկատմամբ որպես խա-փանման միջոց է կիրառվել բացակայելու արգելքը։
2025 թվականի հունվարի 25-ին Մեղադրյալին ներկայացվել է մեղադրանք։
2025 թվականի փետրվարի 10-ին թիվ 60713524 (թիվ ԵԴ1/0491/01/25 քրեական գործ) քրեական վարույթը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան` ըստ էության քննելու համար:
Երևան քաղաքի առաջին ատյանի ընդհանուր իրավասության քրեական դատարանի դատավոր Գ.Պողոսյանը 2025 թվականի փետրվարի 13-ի որոշմամբ թիվ ԵԴ1/0491/01/25 քրեական գործն ստանձնել է վարույթ և նշանակել նախնական դատալսումներ։
Դատարանը 2025 թվականի փետրվարի 27-ի թիվ ԵԴ1/0491/01/25 քրեական գործով կայացրած մեղադրական վերդիկտով ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքը կատարելու մեջ Մեղադրյալի մեղավորությունը համարել է ապա-ցուցված։
Մեղադրյալի նկատմամբ ՀՀ քրեական օրենսգրքի 344-րդ հոդվածի 2-րդ մասով քրե-ական հետապնդում է հարուցվել այն արարքի կատարման համար, որ նա. «[Չ]ունենալով տրանսպորտային միջոցներ վարելու իրավունք, արտաշնչած օդի մեջ 0,689 միլիգրամ պա-րունակությամբ ալկոհոլ օգտագործած, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի հիմքով համարվում է ոչ սթափ վիճակ, 2024 թվա-կանի հոկտեմբերի 27-ին' ժամը 01:10-ին, Երևան քաղաքի Ծովակալ Իսակովի պողոտայում վարել է «Մերսեդես» մակնիշի 37 XL 170 համարանիշի ավտոմեքենան, ինչի կապակցությամբ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչա-կան իրավախախտման վերաբերյալ թիվ 8180416384 արձանագրությունը:
Վերոգրյալի հաշվառմամբ Արման Մուշեղի Մնոյանին մեղսագրվում է ՀՀ քրեական օ-րենսգրքի 344 րդ հոդվածի 2 րդ մասով նախատեսված հանցանքի կատարում:
Բացի այդ, Արման Մուշեղի Մնոյանը, չունենալով տրանսպորտային միջոցներ վարելու իրավունք, արտաշնչած օդի մեջ 0.330 միլիգրամ պարունակությամբ ալկոհոլ օգտագործած, ինչը «Վարչական իրավախախտումների վերաբերյալ» ՀՀ օրենսգրքի 126 րդ հոդվածի 9-րդ մասի հիմքով համարվում է ոչ սթափ վիճակ, 2024 թվականի նոյեմբերի 05-ին' ժամը 23:40-ին, Երևան քաղաքի Ա.Սարգսյան փողոցում վարել է «Տոյոտա» մակնիշի 98 TR 998 հաշվառ-ման համարանիշի ավտոմեքենան, ինչի կապակցությամբ ՀՀ ՆԳՆ ոստիկանության պարե-կային ծառայության աշխատակցի կողմից կազմվել է վարչական իրավախախտման վերա-բերյալ թիվ 8180417706 արձանագրությունը: Վերոգրյալի հաշվառմամբ Արման Մուշեղի Մնո-յանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Այսպիսով, Արման Մուշեղի Մնոյանին մեղսագրվում է 2 դրվագ ՀՀ քրեական օրենս-գրքի 344-րդ հոդվածի 2 րդ մասու նախատեսված հանցանքի կատարում»։

Դատարանի կողմից հաստատված հանգամանքները.

Դատաքննությամբ հաստատվեց, որ Մեղադրյալը, չունենալով տրանսպորտային մի-ջոցներ վարելու իրավունք, 2024 թվականի հոկտեմբերի 27-ին՝ ժամը 01:10-ի սահմաններում, Երևան քաղաքի Ծովակալ Իսակովի պողոտայում վարել է «Մերսեդես» մակնիշի 37XL170 հա-մարանիշով ավտոմեքենան, իսկ 2024 թվականի նոյեմբերի 05-ին՝ ժամը 23:40-ին, Երևան քաղաքի Ա.Սարգսյան փողոցում վարել է «Տոյոտա» մակնիշի 98TR998 հաշվառման համա-րանիշով ավտոմեքենան, որպիսի փաստերն արձանագրվել են ՀՀ ՆԳՆ ոստիկանության պարեկային ծառայության աշխատակիցներ կողմից, և կազմվել են վարչական իրավախախտ-ման վերաբերյալ թիվ 8180416384 և թիվ 8180417706 արձանագրությունները:

Ապացույցների հետազոտում և գնահատում.

ՀՀ քրեական օրենսգրքի 344-րդ հոդվածի 2-րդ մասով (2 դրվագ) ներկայացված մե-ղադրանքում Մեղադրյալն իրեն մեղավոր ճանաչեց, սակայն հրաժարվեց ցուցմունք տալուց։
Դատաքննությամբ հրապարակված Մեղադրյալի նախաքննական ցուցմունքի համա-ձայն՝ նա, «[Ու]նեցել է «B, C» կարգերի վարորդական վկայական, որից 2021 թվականի օգոս-տոսի 103-ին զրկվել է մեկ տարի ժամկետով, զրկման ժամկետը լրանալուց հետո նոր վարոր-դական վկայական ձեռք չի բերել: 2024 թվականի հոկտեմբերի 27-ին' ժամը 01:10-ին, Երևան քաղաքի Ծովակալ Իսակովի պողոտայում «Մերսեդես» մակնիշի 37 XL 170 հաշվառման հա-մարանիշի ավտոմեքենան վարել է տրանպորտային միջոցներ վարելու իրավունք չունենալով և ոչ սթափ վիճակում գտնվելով, որի վերաբերյալ պարեկային ծառայության աշխատա-կիցների կողմից կազմվել է թիվ 8180416384 արձանագրությունը: Նշված արձանագրությանը ծանոթացել է, համաձայն է այդ արձանագրության հետ:
Բացի այդ, 2024 թվականի նոյեմբերի 05-ին' ժամը 23:40-ին, Երևան քաղաքի Ա. Սարգսյան փողոցում «Տոյոտա» մակնիշի 98 TR 998 հաշվառման համարանիշի ավտոմե-քենան վարել է տրանսպորտային միջոցներ վարելու իրավունք չունենալով և ոչ սթափ վիճա-կում գտնվելով, որի վերաբերյալ պարեկային ծառայության աշխատակիցների կողմից կազմը-վել է թիվ 8180417706 արձանագրությունը: Նշված արձանագրությանը նույպես ծանոթացել է, համաձայն է այդ արձանագրության հետ:
Վերը նշված արարքները կատարելու համար ընդունում է իր մեղավորությունը, զղջում է կատարվածի համար, խնդրում իր նկատմամբ մեղմ պատիժ նշանակել»։
- «Զննություն կատարելու մասին» 2025 թվականի հունվարի 08-ի արձանագրության համաձայն՝
«1․ Թիվ 8180416384 որոշման զննությամբ պարզվեց, որ 2024 թվականի հոկտեմբերի 127-ին' ժամը 01:20-ին, Երևան քաղաքի Ծովակալ Իսակովի պողոտայում ՀՀ ռստիկանության պարեկային ծառայության Երևան քաղաքի գնդի պարեկ էմին Ջիվանի Ասատրյանի (կրծքա-նշանի համար' 06651) կողմից Արման Մուշեղի Մնոյանի 23.10.1996թ.) վերաբերյալ կազմվել է վարչական իրավախախտման վերաբերյալ արձանագրություն (կից չլրացված վարչական իրավախախտման որոշում' 8180416384) այն մասին, որ վերջինս նույն օրը' ժամը 01:10-ի սահմաններում, Երևան քաղաքի Ծովակալ Իսակովի պողոտայում, ոչ սթափ վիճակում գտնը-վելով, վարել է «Մերսեդես» մակնիշի 37 XL 170 հաշվառման համարանիշի ավտոմեքենան' չունենալով տրանսպորտային միջոցներ վարելու իրավունք: Արձանագրության համապա-տասխան տողերում առկա են ծանուցվող վարորդի և պարեկային ծառայողի ստորագրու-թյունը:
2․ Արման Մուշեղի Մնոյանի սթափության կտրոնի զննությամբ պարզվեց, որ ստու-գաչափման սարքի համարը' 91100986, զննման համարը' 03104, զննման ամսաթիվը' 27.10.2024թ., ստուգումը կատարվել է ավտոմատ, ժամը' 01:17:20-ին, ալկոհոլի պարունակու-թյունը' 0.689 մգ/լ, վարորդի անունը' Արման, ազգանունը' Մնոյան, տրանսպորտային միջոցի համարանիշը' 37 XL 170, ՎՎ (անձնագիր)' 011877438, տեսուչի ազգանունը' Միրզոյան, կրծքանշանի համար' 06093:
3․ Առկա է նաև սթափության 91100986 համարի սարքի, ստուգաչափման թիվ 135715 վկայականի պատճենը, որի զննությամբ պարզվեց, որ ստուգաչափման թվականն է 23.09.2023թ., այն ուժի մեջ է մինչև 23.09.2025թ.: Չափման միջոցի անվանումը և տեսակը' ալկոմետր, գործարանային համարը' 91100986 տեսակը' «Jupiter X/RP», չափման տիրույթը' (0.000-2,000 մգ/1, ճշտության կարգը և դասը (սխալանքը) 0:0,1+5%, 0,1 0,15 > 0,15+10% BAC, արտադրողը' Չինաստան, պատկանում է ՀՀ ՆԳՆ ոստիկանությանը:
4․ Արման Մուշեղի Մնոյանի վերաբերյալ ՀՀ ոստիկանության «Ճանապարհային ոստի-կանություն» ծառայության էլեկտրոնային ռեգիստրից կատարված քաղվածքի պատճենի զննությամբ պարզվել է, որ վերջինս ունեցել է RB361530 համարի, կարգերի վարորդական վարորդական վկայական, որն ունի զրկված կարգավիճակ, զրկման սկիզբ' 03.08.2021թ., զրկման ավարտ' 03.08.2022թ.:
(․․․)։
5․ Թիվ 8180417706 որոշման զննությամբ պարզվեց, որ 2024 թվականի նոյեմբերի 05- ին' ժամը 23:48-ին, Երևան քաղաքի Ա.Սարգսյան փողոցում ՀՀ ոստիկանության պարեկային ծառայության Երևան քաղաքի գնդի պարեկ Նարեկ Լևոնի Միքայելյանի (կրծքանշանի համար' 11155) կողմից Արման Մուշեղի Մնոյանի (ծնվ․ 23.10.1996թ.) վերաբերյալ կազմվել է վարչական իրավախախտման վերաբերյալ արձանագրություն (կից չրացված վարչական իրավախախտման որոշում' 8180417706) այն մասին, որ վերջինս նույն օրը' ժամը 23:40-ի սահմաններում, Երևան քաղաքի Ա. Սարգսյան փողոցում, ոչ սթափ վիճակում գտնվելով, վարել է «Տոյոտա» մակնիշի 98 TR 998 հաշվառման համարանիշի ավտոմեքենան' չունենալով տրանսպորտային միջոցներ վարելու իրավունք: Արձանագրության համապա-տասխան տողերում առկա են ծանուցելղ վարորդի և պարեկային ծառայողի ստորագրու-թյունը:
6․ Արման Մուշեղի Մնոյանի սթափության կտրոնի զննությամբ պայզվեց, որ ստուգա-չափման սարքի համարը' 91100879, զննման համարը' 03492, զննման ամսաթիվը' 05.11.2024թ., ստուգումը կատարվել է ավտոմատ, ժամը' 23:43:55-ին, ալկոհոլի պարունակու-թյունը' 0.330 մգ/լ, վարորդի անունը' Արման, ազգանունը' Մնոյան, տրանսպորտային միջոցի համարանիշը' 98 TR 998, ՀԾՀ 3310960919, տեսուչի ազգանունը' Միքայելյան, կրծքանշանի համար' 11155:
7․ Առկա է նաև սթափության 91100879 համարի սարքի, ստուգաչափման թիվ 128152 վկայականի պատճենը, որի զննությամբ պարզվեց, որ ստուգաչափման թվականն է 25.06.2024թ., այն ուժի մեջ է մինչև 25.06.2025թ.: Չափման միջոցի անվանումը և տեսակը ալկոմետր, գործարանային համարը' 91100879 տեսակը' ԶJuptier XIRP», չափման տիրույթը' (0.000-2,000 մգ/), ճշտության կարգը և դասը (սխալանքը) 0:0,1+-5%, 0,1-0,15+-8% > 0,15+-10%, արտադրողը' Չինաստան, պատկանում է ՀՀ ՆԳՆ ոստիկանությանը»:
«Արտավարութային փաստաթուղթ ճանաչելու մասին» 2025 թվականի հունվարի 08-ի որոշման համաձայն՝ զննվել ու արտավարութային փաստաթղթեր են ճանաչվել վերը նշված փաստաթղթերի պատճենները։

Դատարանի վերլուծություն.

ՀՀ Սահմանադրության 61-րդ հոդվածի համաձայն՝
«Յուրաքանչյուր ոք ունի իր իրավունքների և ազատությունների արդյունավետ դատա-կան պաշտպանության իրավունք։
(...)»:
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»։
«Մարդու իրավունքների և հիմնարար ազատությունների պաշտպանության մասին» Եվրոպական կոնվենցիայի 6-րդ հոդվածի 1-ին կետի համաձայն՝
«Յուրաքանչյուր ոք, երբ որոշվում են նրա քաղաքացիական իրավունքներն ու պար-տականությունները կամ նրան ներկայացված ցանկացած քրեական մեղադրանքի առնչու-թյամբ, ունի օրենքի հիման վրա ստեղծված անկախ ու անաչառ դատարանի կողմից ողջա-միտ ժամկետում արդարացի և հրապարակային դատաքննության իրավունք (...)»:
ՀՀ քրեական դատավարության օրենսգրքի 22-րդ հոդվածի համաձայն՝
«1. Քրեական վարույթի համար նշանակություն ունեցող ցանկացած հանգամանք պետք է հաստատվի պատշաճ ապացույցների բավարար համակցությամբ:
2. Եզրափակիչ դատավարական ակտը պետք է հիմնվի հետազոտված ապացույցների ազատ և բարեխիղճ գնահատման վրա:
3. Մեղադրական դատավճռի հիմքում դրվող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածու-թյան վերաբերյալ ցանկացած հիմնավոր կասկած: Դատավճիռ կայացնելիս պետք է հաշվի առնվի անհրաժեշտ և հնարավոր ապացույցների բացակայությունը:
4. Վարույթն իրականացնող մարմինը պարտավոր է հանգամանորեն ստուգել ի պաշտպանություն մեղադրյալի բերված և պատշաճ ձևակերպված փաստարկները:
5. Հանցագործության համար անձի մեղավորության մասին հետևությունը չի կարող հիմնվել ենթադրությունների վրա. այն պետք է հաստատվի փոխկապակցված վերաբերելի, թույլատրելի, հավաստի ապացույցների ամբողջությամբ:
(...)»։
ՀՀ քրեական դատավարության օրենսգրքի 105-րդ հոդվածի համաձայն՝
«1. Յուրաքանչյուր ապացույց ենթակա է գնահատման՝ վերաբերելիության, թույլատրե-լիության, հավաստիության, իսկ բոլոր ապացույցների համակցությունը՝ հիմնավոր եզրափա-կիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենս-դրությամբ, ներառյալ ապացուցման չափանիշների մասին վերաբերելի կանոններով, ապա-ցույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել»:
2003 թվականի դեկտեմբերի 17-ին ընդունված «Նվազագույն ամսական աշխատա-վարձի մասին» ՀՀ օրենքի 1-ին հոդվածի համաձայն՝
«Հայաստանի Հանրապետությունում նվազագույն ամսական աշխատավարձը սահմա-նել 75000 դրամ»։
ՀՀ քրեական օրենսգրքի 344-րդ հոդվածի համաձայն՝
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
(...)
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշ-խատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատա-զրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»։
Մեղադրյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրա կատարած հանցանքների բնույթը և հանրության համար վտանգավորության աստիճանը, այնպես էլ նրա անձը բնութագրող տվյալներն ու պա-տասխանատվությունը և պատիժը մեղմացնող ու ծանրացնող հանգամանքները:
Որպես Մեղադրյալի պատասխանատվությունն ու պատիժը մեղմացնող հանգամանք՝ Դատարանը հաշվի է առնում, որ նրա խնամքին են գտնվում երկու անչափահաս երեխաները։
Որպես Մեղադրյալի անձը բնութագրող հանգամանք՝ Դատարանը հաշվի է առնում, որ նա սույն գործով իրեն մեղսագրված արարքները կատարել է իր վերաբերյալ թիվ ԵԴ/0114 /01/23 դատավճռով նշված արարքը կատարելուց հետո՝ նույն գործով դատաքննության ըն-թացքում։
Մեղադրյալի պատասխանատվությունն ու պատիժը ծանրացնող հանգամանքներ դա-տաքննությամբ ձեռք չեն բերվել:
Վճռաբեկ դատարանը թիվ, թիվ ՎԲ-50/07, ՎԲ-142/07, ՎԲ-192/07, ՎԲ-201/07, ԵՇԴ /0029/01/08, ԵԿԴ/0042/01/11 և մի շարք այլ գործերով կայացված որոշումներով իրավական դիրքորոշումներ է հայտնել, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պա-տիժն արդարացի է, եթե համաչափ է կատարված հանցագործությանը, ինչպես նաև բավա-րար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակ-ման: Քրեական օրենքը համընդհանուր բնույթ ունի, իսկ արարքը և հանցավորի անձը կոնկ-րետ են: Հետևաբար կոնկրետ գործով պատիժ նշանակելիս դատարանի ներքին համոզ-մունքը ձևավորվում է կատարված արարքի հանրային վտանգավորության բնույթի ու աստի-ճանի, հանցավորի անձի, պատիժը մեղմացնող և ծանրացնող հանգամանքների վերլուծու-թյան հիման վրա:
Դատարանը, հաշվի առնելով Մեղադրյալի անձը, հանցագործություների կատարումից առաջ և հետո նրա դրսևորած վարքագիծը, պատասխանատվությունն ու պատիժը մեղմաց-նող հանգամանքը և պատասխանատվությունն ու պատիժը ծանրացնող հանգամանքների բացակայությունը, ելնելով գործի փաստական տվյալների և հանգամանքների վերլուծության հիման վրա դատարանի մոտ ձևավորված նրա բարոյահոգեբանական ու քրեաիրավական բնութագրից և ՀՀ քրեական օրենսգրքի 2-րդ, 7-րդ ու 55-րդ հոդվածների պահանջներից, հանգում է հետևության, որ սոցիալական արդարությունը վերականգնելու և Մեղադրյալի կող-մից նոր հանցագործությունների կատարումը կանխելու համար նա կատարած հանցագոր-ծության դրվագներով պետք է դատապարտվի նվազագույն աշխատավարձի վեցապատիկի չափով՝ 450,000-ական ՀՀ դրամ տուգանքի, նկատի ունենալով, որ նշված պատիժը կարող է ապահովել պատժի նպատակները:
Միաժամանակ դատարանը, հաշվի առնելով, որ Մեղադրյալի խնամքին են գտնվում նրա երկու անչափահաս երեխաները, գտնում է, որ ՀՀ քրեական օրենսգրքի 74-րդ հոդվածի համաձայն՝ Մեղադրյալի վերաբերյալ 12․11․2024թ․ թիվ ԵԴ/0114/01/23 դատավճռով նշանակ-ված տուգանքին պետք է գումարվի սույն դատավճռով նշանակվելիք պատժից 375,000-ա-կան ՀՀ դրամը։
Անդրադառնալով քրեական գործում առկա գրավոր փաստաթղթերի պահպանման հարցին՝ Դատարանը գտնում է, որ դրանք՝ քրեական գործի գրավոր ապացույցները, պետք է պահվեն քրեական գործի նյութերի հետ՝ դրանք պահելու ամբողջ ընթացքում։
Անդրադառնալով խափանման միջոցի հարցին՝ դատարանը գտնում է, որ Մեղա-դրյալի նկատմամբ կիրառված խափանման միջոցը՝ Հայաստանի Հանրապետությունից բա-ցակայելու արգելքը, մինչև դատավճռի օրինական ուժի մեջ մտնելը պետք է թողնվի անփո-փոխ:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 99-րդ, 270-րդ ու 347-350-րդ հոդվածներով` դատարանը

Վ Ճ Ռ Ե Ց

1․ Արման Մուշեղի Մնոյանին ճանաչել մեղավոր ՀՀ քրեական օրենսգրքի 344-րդ հոդ-վածի 2-րդ մասով (2 դրվագ) և դատապարտել 450,000-ական (չորս հարյուր հիսուն հազա-րական) ՀՀ դրամ տուգանքի:
2․ ՀՀ քրեական օրենսգրքի 74-րդ հոդվածի համաձայն՝ պատիժները մասնակիորեն գումարելու միջոցով 12․11․2024թ․ թիվ ԵԴ/0114/01/23 դատավճռով նշանակված 408,000 (չորս հարյուր ութ հազար) ՀՀ դրամ տուգանքին գումարել սույն դատավճռով նշանակված պատժից 375,000-ական (երեք հարյուր յոթանասունհինգ հազարական) ՀՀ դրամը և որպես վերջ-նական պատիժ նշանակել 783,000 (յոթ հարյուր ութսուներեք հազար) ՀՀ դրամ տուգանք։
Քրեական գործի գրավոր ապացույցները պահել քրեական գործի նյութերի հետ՝ դը-րանք պահելու ամբողջ ընթացքում։
Արման Մուշեղի Մնոյանի նկատմամբ կիրառված խափանման միջոցը` Հայաստանի Հանրապետությունից բացակայելու արգելքը, թողնել անփոփոխ` մինչև դատավճռի օրինա-կան ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան դրա պատ-ճենն ստանալու օրվանից հետո՝ մեկամսյա ժամկետում:

ԴԱՏԱՎՈՐ՝ Գ.ՊՈՂՈՍՅԱՆ