ԵԴ1/0445/01/25


ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

19 փետրվարի 2025 թվական ք.Երևան

ՀՀ Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան),
նախագահությամբ դատավոր Հ.Մանուկյանի,
քարտուղարությամբ Ն.Սարգսյանի,
մասնակցությամբ՝
հանրային մեղադրող՝ Ա․Բադալյանի,
մեղադրյալ՝ Խ․Աղաբեկյանի,

դռնբաց դատական նիստում քննության առնելով քրեական գործն ըստ մեղադրանքի Խոսրով Գարիկի Աղաբեկյանի (ծնված՝ 1997 թվականի սեպտեմբերի 1-ին, Արարատի մարզի Վեդի քաղաքում, ազգությամբ հայ, ՀՀ քաղաքացի, հաշվառված և բնակվող՝ Արարատի մարզի Վեդի քաղաքի Գնունու փողոցի 1/2 տուն հասցեում, ամուսնացած, ունի երկու անչափահաս երեխա, որպես խափանման միջոց է ընտրվել ստորագրությունը չհեռանալու մասին), 2025 թվականի փետրվարի 19-ի թիվ ԵԴ1/0445/01/25 վերդիկտով մեղավոր է ճանաչվել 2 (երկու) դրվագ ՀՀ քրեական օրենսգրքի 344-րդ հոդվածի 2-րդ մասով,

Պ Ա Ր Զ Ե Ց

1.Գործի դատավարական նախապատմությունը.
1.1. 2024 թվականի դեկտեմբերի 12-ին նախաձեռնվել է թիվ 60742724 քրեական վարույթը՝ ՀՀ քրեական օրենսգրքի 344-րդ հոդվածի 2-րդ մասի հատկանիշներով։
1.2. 2024 թվականի դեկտեմբերի 13-ին նախաձեռնվել է թիվ 60747024 քրեական վարույթը՝ ՀՀ քրեական օրենսգրքի 344-րդ հոդվածի 2-րդ մասի հատկանիշներով։
1.3. 2024 թվականի դեկտեմբերի 13-ի որոշմամբ թիվ 60747024 քրեական վարույթը միացվել է թիվ 60742724 քրեական վարույթին։
1.4. 2025 թվականի հունվարի 3-ի որոշմամբ թիվ 60742724 քրեական վարույթով որպես արտավարութային փաստաթուղթ են ճանաչվել՝ Խոսրով Գարիկի Աղաբեկյանի նկատմամբ կազմված վարչական իրավախախտումների վերաբերյալ թիվ 8180418157, թիվ 8180417794, թիվ 8180417775, թիվ 8180424090 արձանագրությունների պատճենները, թիվ 02136, թիվ 02414 կտրոնների պատճենները, թիվ 131486, թիվ 128896 ստուգաչափման վկայականների պատճենները, ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալները։
1.5. 2025 թվականի հունվարի 24-ին միջնորդություն է ներկայացվել դատավարական հսկողություն իրականացնող դատախազին՝ թիվ 60742724 քրեական վարույթով Խոսրով Գարիկի Աղաբեկյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու վերաբերյալ։
1.6. ՀՀ դատախազության Երևան քաղաքի Շենգավիթ վարչական շրջանի դատախազության ավագ դատախազ Կ․Ստեփանյանի՝ 2025 թվականի հունվարի 24-ի որոշմամբ թիվ 60742724 քրեական վարույթով Խոսրով Գարիկի Աղաբեկյանի նկատմամբ հարուցվել է հանրային քրեական հետապնդում 2 (երկու) դրվագ ՀՀ քրեական օրենսգրքի 344-րդ հոդվածի 2-րդ մասով։
1.7. 2025 թվականի հունվարի 27-ի որոշմամբ թիվ 60742724 քրեական վարույթով Խոսրով Գարիկի Աղաբեկյանի նկատմամբ որպես խափանման միջոց է կիրառվել բացակայելու արգելքը։
1.6. 2025 թվականի հունվարի 30-ին թիվ 60742724 քրեական վարույթով կազմվել է մեղադրական եզրակացությունը, որը ՀՀ դատախազության Երևան քաղաքի Շենգավիթ վարչական շրջանի դատախազության դատախազ Արտյոմ Բադալյանի՝ 2025 թվականի փետրվարի 6-ի որոշմամբ հաստատվել է։
1.7. 2025 թվականի փետրվարի 6-ին թիվ 60742724 քրեական վարույթը, հաստատված մեղադրական եզրակացությամբ, ստացվել է ՀՀ Երևան քաղաքի առաջին ատյանի ընդհանուր իրավասության քրեական դատարան (դատարանում ստացել է թիվ ԵԴ1/0445/01/25 համարը), մակագրվել նույն դատարանի դատավոր Հարություն Մանուկյանին և 2025 թվականի փետրվարի 7-ին հանձնվել է դատավորի աշխատակազմին։
1.8. 2025 թվականի փետրվարի 10-ին որոշում է կայացվել թիվ ԵԴ1/0445/01/25 քրեական գործով վարույթը ստանձնելու և նախնական դատալսումներ նշանակելու մասին։
1.9. 2025 թվականի փետրվարի 19-ի թիվ ԵԴ1/0445/01/25 վերդիկտով Խոսրով Գարիկի Աղաբեկյանը մեղավոր է ճանաչվել 2 (երկու) դրվագ ՀՀ քրեական օրենսգրքի 344-րդ հոդվածի 2-րդ մասով։
2. Մեղադրանքի փաստական նկարագրությունը.
ՀՀ դատախազության Երևան քաղաքի Շենգավիթ վարչական շրջանի դատախազության ավագ դատախազ Կ․Ստեփանյանի՝ 2025 թվականի հունվարի 24-ի որոշմամբ թիվ 60742724 քրեական վարույթով Խոսրով Գարիկի Աղաբեկյանի նկատմամբ հարուցվել է հանրային քրեական հետապնդում 2 (երկու) դրվագ ՀՀ քրեական օրենսգրքի 344-րդ հոդվածի 2-րդ մասով, այն բանի համար, որ նա «(...) զրկված լինելով տրանսպորտային միջոցներ վարելու իրավունքից հարբած (ոչ սթափ) վիճակում երկու դրվագ վարել է տրանսպորտային միջոց:
Այսպես. Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից, այդ ժամանակահատվածում 2024 թվականի դեկտեմբերի 05-ին, ժամը 02:10-ին Երևան քաղաքի Թամանցիների փողոցում գտնվելով հարբած (ոչ սթափ) վիճակում, արտաշնչած օդի մեջ ալկոհոլի պարունակությունը 0,212 մգ/լ վարել է «ԴՈՋ» մակնիշի, 11 EU 101 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտումների վերաբերյալ արձանագրություն:
Բացի այդ, Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից, այդ ժամանակահատվածում 2024 թվականի դեկտեմբերի 06-ին, ժամը 04:12-ին Երևան քաղաքի Թամանցիների փողոցում գտնվելով հարբած (ոչ սթափ) վիճակում, արտաշնչած օդի մեջ ալկոհոլի պարունակությունը 0,266 մգ/լ վարել է «ԴՈՋ» մակնիշի, 11 EU 101 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտումների վերաբերյալ արձանագրություն: (...)»։
3. Դատաքննությամբ հետազոտված թույլատրելի ապացույցները.
3.1. Մեղադրյալ Խոսրով Գարիկի Աղաբեկյանը հիմնական դատալսումների ընթացքում, օգտվելով իր քրեադատավարական իրավունքից, հրաժարվել է ցուցմունքներ տալուց և հարցերին պատասխանելուց։ Միևնույն ժամանակ հայտնել է, որ չի հրաժարվում նախաքննական ցուցմունքներից։
Հրապարակվել են մեղադրյալ Խոսրով Գարիկի Աղաբեկյանի նախաքննական ցուցմունքները։
Խոսրով Գարիկի Աղաբեկյանը վարույթի նախաքննության ընթացքում ըստ էության ցուցմունքներ է տվել այն մասին, որ ներկայացված մեղադրանքն իրեն պարզ է և հասկանալի։ 2024 թվականի դեկտեմբերի 5-ինև 6-ին Երևան քաղաքի Թամանցիների փողոցում ինքն է վարել տրանսպորտային միջոցը, ինքն է կատարել իրավախախտումը, որի վերաբերյալ կազմվել են վարչայան իրավախախտումների վերաբերյալ թիվ թիվ 8180418157 և թիվ 8180424090 արձանագրություններ։ Ընդունել է իր մեղավորությունը և խնդրել է դատարանին մեղմ վերաբերվել։
(Տե՛ս հատոր 1-ին՝ վ.թ. 67-68)։
Հրապարակումից հետո Դատարանի հարցերին ի պատասխան՝ մեղադրյալ Խոսրով Գարիկի Աղաբեկյանն ըստ էության հայտնել է, որ պնդում է հրապարակված ցուցմունքները։ Նշել է նաև, որ ներկայումս վարորդական իրավունքի վկայական չունի։
(Տե՛ս դատական նիստի արձանագրությունը)։
3.2. 2025 թվականի հունվարի 3-ի որոշմամբ թիվ 60742724 քրեական վարույթով որպես արտավարութային փաստաթուղթ են ճանաչվել՝ Խոսրով Գարիկի Աղաբեկյանի նկատմամբ կազմված վարչական իրավախախտումների վերաբերյալ թիվ 8180418157, թիվ 8180417794, թիվ 8180417775, թիվ 8180424090 արձանագրությունների պատճենները, թիվ 02136, թիվ 02414 կտրոնների պատճենները, թիվ 131486, թիվ 128896 ստուգաչափման վկայականների պատճենները, ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալները։
(Տե՛ս հատոր 1-ին, վ․թ․ 4-11, 19-26, 38-40)։
3.3. Զննում կատարելու մասին 2025 թվականի հունվարի 3-ի արձանագրության համաձայն՝
«(…) 2024 թվականի դեկտեմբերի 12-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2024 թվականի դեկտեմբերի 05- ին՝ ժամը 02:23-ին, ՀՀ պարեկային ծառայության Երևանի գնդի 3-րդ գումարտակի 3-րդ վաշտի կրտսեր պարեկ Հայկ Աղաբեկի Խաչատրյանը կազմել է վարչական իրավախախտումների վերաբերյալ թիվ 818 0418157 արձանագրությունն այն մասին, որ Խոսրով Գարիկի Աղաբեկյանը (ծնված 01.09.1997թ., բնակվող՝ Արարատի մարզ, քաղաք Վեդի, Գնունու փողոց, 1/2 տուն, ՀԾՀ՝ 1109970765) 2024 թվականի դեկտեմբերի 05-ին՝ ժամը 02:10-ի սահմաններում, Երևան քաղաքի Թամանցիների փողոցում վարել է «ԴՈՋ» մակնիշ 11 EU 101 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված և ոչ սթափ վիճակում:
Բացի այդ, 2024 թվականի դեկտեմբերի 13-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2024 թվականի դեկտեմբերի 06-ին՝ ժամը 04:12-ին, ՀՀ պարեկային ծառայության Երևանի գնդի 2-րդ գումարտակի 3-րդ վաշտի ավագ պարեկ Նորիկ Մամիկոնի Դավթյանը կազմել է վարչական իրավախախտումների վերաբերյալ թիվ 818 0424090 արձանագրությունն այն մասին, որ Խոսրով Գարիկի Աղաբեկյանը (ծնված 01.09.1997թ., բնակվող Արարատի մարզ, քաղաք Վեդի, Գնունու փողոց, 1/2 տուն, ՀԾՀ 1109970765) 2024 թվականի դեկտեմբերի 06-ին՝ ժամը 04:12-ի սահմաններում, Երևան քաղաքի Թամանցիների փողոցում վարել է «ԴՈՋ» մակնիշ 11 EU 101 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված և ոչ սթափ վիճակում:
Նախաքննության ընթացքում զննության են ենթարկվել սույն քրեական վարույթում առկա փաստաթղթերն այն մասին, որ 2024 թվականի դեկտեմբերի 05-ին՝ ժամը 02:23- ին ՀՀ պարեկային ծառայության Երևանի գնդի 3-րդ գումարտակի 3-րդ վաշտի կրտսեր պարեկ Հայկ Աղաբեկի Խաչատրյանը կազմել է վարչական իրավախախտումների վերաբերյալ թիվ 818 0418157 արձանագրությունն այն մասին, որ Խոսրով Գարիկի Աղաբեկյանը (ծնված 01.09.1997թ., բնակվող՝ Արարատի մարզ, քաղաք Վեդի, Գնունու փողոց, 1/2 տուն, ՀԾՀ՝ 1109970765) 2024 թվականի դեկտեմբեր 12-ին՝ ժամը 02:10-ի սահմաններում, Երևան քաղաքի Թամանցիների փողոցում վարել է «ԴՈՋ» մակնիշ 11 EU 101 հաշվառման համարանիշի տրանսպորտային միջոցը տրանսպորտային միջոցներ վարելու իրավունքից զրկված և ոչ սթափ վիճակում:
Արձանագրությանը կցվում է հատվածում առկա է ՝ «Զննման համար 02136»:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ «Հրաժարվել է ստորագրելուց» և ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է գրառում՝ «Հրաժարվել է ստորագրելուց» և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված 202.1 թիվը։
Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է 91101147, զննման համարը 02136, զննման ամսաթիվը՝ 05.12.2024թ․, զննման ժամը՝ 02:17:29-ին, ստուգաչափման վերջին ամսաթիվը՝ 13.08.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.212 մգ/լ, վարորդի անունն է՝ Խոսրով, ազգանունը՝ Աղաբեկյան, տրանսպորտային միջոցի համարանիշը՝ 11 EU 101 /ձեռագիր/, ՀԾՀ՝ 1109970765, Պ/Ծ տեսուչ՝ Համբարձումյան, կրծքանշանի համարը՝ 08790, ստորաբաժանումը՝ 3-րդ գումարտակ, 3-րդ վաշտ: Վերջնամասում առկա է ստորագրություն:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 131486 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի օգոստոսի 13-ից մինչև 2025 թվականի օգոստոսի 13-ը, ստուգաչափման սարքի գործարանային համարն է 91101147, տեսակը՝ Jupiter X/RP, չափման տիրույթը՝ 0.000-2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը Չինաստան, պատկանում է ՀՀ ՆԳՆ ոստիկոնությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի MU2835-2008, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
2024 թվականի նոյեմբերի 18-ին՝ ժամը 08:30-ին, ՀՀ պարեկային ծառայության Երևանի գնդի 4-րդ գումարտակի 1-ին վաշտի կրտսեր պարեկ Հովհաննես Արմենի Մկրտչյանը կազմել է վարչական իրավախախտումների վերաբերյալ թիվ 8180417775 արձանագրությունն այն մասին, որ Խոսրով Գարիկի Աղաբեկյանը (ծնված 01.09.1997թ., բնակվող՝ Արարատի մարզ, քաղաք Վեդի, Գնունու փողոց, 1/2 տուն, ՀԾՀ՝ 1109970765) 2024 թվականի նոյեմբերի 18-ի սահմաններում՝ ժամը 03:55-ի սահմաններում, Երևան քաղաքի Արցախի պողոտայում վարել է «ՌԵՆՈ» մակնիշ 37 XZ 265 հաշվառման համարանիշի տրանսպորտային միջոցը և խուսափել է սթափության վիճակը սահմանված կարգով զննություն անցնելուց:
Արձանագրությանը կցվում է հատվածում առկա է՝ «Վ/Վ RF128706»:
Արձանագրության վարչական իրավախախտում ատարած անձի բացատրությունը և դիտողությունը նշելու հատվածում առկա է գրառում՝ «Խուսափել է սթափության վիճակը սահմանված կարգով զննություն անցնելուց: Հրաժարվել է ստորագրելուց»:
Արձանագրությանը, իրավունքներին և պարտականություններին ծանոթանալու հատվածում առկա է գրառում՝ «Չի ստորագրել»:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 72 թիվը:
Որոշման հատվածում առկա է՝ Աղաբեկյան /անհասկանալի է/ զրկել տ/մ վարելու իրավունքից 2 տարի ժամկետով:
Որոշման պատճենը և կատարման կարգի մասին քաղվածքի հատվածում առկա է գրառում՝ «Չի ստորագրել»:
2024 թվականի նոյեմբերի 18-ին՝ ժամը 08:39-ին, ՀՀ պարեկային ծառայության Երևանի գնդի 4-րդ գումարտակի 1-ին վաշտի կրտսեր պարեկ Հովհաննես Արմենի Մկրտչյանը կազմել է վարչական իրավախախտումների վերաբերյալ թիվ 8180417794 արձանագրությունն այն մասին, որ Խոսրով Գարիկի Աղաբեկյանը (ծնված 01.09.1997թ., բնակվող՝ Արարատի մարզ, քաղաք Վեդի, Գնունու փողոց, 1/2 տուն, ՀԾՀ՝ 1109970765) 2024 թվականի նոյեմբերի 18-ին՝ ժամը 03:55-ի սահմաններում, Երևան քաղաքի Արցախի պողոտայում վարել է «ՌԵՆՈ» մակնիշ 37 XZ 265 հաշվառման համարանիշի տրանսպորտային միջոցը և վարորդը դիտավորյալ չի կատարել տ/մ կանգնեցնելու մասին ոստիկանության ծառայողի օրենքով սահմանված կարգով տրված պահանջը:
Արձանագրությանը կցվում է հատվածում առկա է ՝ «Վ/Վ RF128706»:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ «Հրաժարվել է ստորագրելուց»:
Արձանագրությանը, իրավունքներին և պարտականություններին ծանոթանալու հատվածում առկա է գրառում՝ «Հրաժարվել է ստորագրելուց»:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված 51 թիվը:
Որոշման հատվածում առկա է՝ Խոսրով Աղաբեկյանին զրկել տ/մ վարելու իրավունքից 1 տարի ժամկետով:
Որոշման պատճենը և կատարման կարգի մասին քաղվածքի հատվածում առկա է գրառում՝ «Հրաժարվել է ստորագրելուց»:
Բացի այդ, 2024 թվականի դեկտեմբերի 13-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2024 թվականի դեկտեմբերի 06-ին՝ ժամը 04:23-ին, ՀՀ պարեկային ծառայության Երևանի գնդի 2-րդ գումարտակի 3-րդ վաշտի կրտսեր պարեկ Նորիկ Մամիկոնի Դավթյանը կազմել է վարչական իրավախախտումների վերաբերյալ թիվ 8180424090 արձանագրությունն այն մասին, որ Խոսրով Գարիկի Աղաբեկյանը (ծնված 01.09.1997թ․, բնակվող՝ Արարատի մարզ, քաղաք Վեդի, Գնունու փողոց, 1/2 տուն, ՀԾՀ՝ 1109970765) 2024 թվականի դեկտեմբերի 06-ին՝ ժամը 04:12-ի սահմաններում, Երևան քաղաքի Թամանցիների փողոցում վարել է «ԴՈՋ» մակնիշ 11 EU 101 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված և ոչ սթափ վիճակում:
Արձանագրությանը կցվում է հատվածում առկա է «Զննման համար 02414»:
Արձանագրության վարչական իրավախախտում ատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 203.1 թիվը:
Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է՝ 91101227, զննման համարը՝ 02414, զննման ամսաթիվը՝ 06.12.2024թ., զննման ժամը՝ 04:20:34-ին, ստուգաչափման վերջին ամսաթիվը՝ 12.08.2024թ., դատարկ թեստ՝ 0.000 մգ/լ, ստուգաչափման ձևաչափը ավտոմատ, ալկոհոլի պարունակությունը՝ 0.266 մգ/լ, վարորդի անունն է՝ Խոսրով, ազգանունը՝ Աղաբեկյան, տրանսպորտային միջոցի համարանիշը՝ 11 EU 101, ՀԾՀ՝ 1109970765, Պ/Ծ տեսուչ՝ Դավթյան, կրծքանշանի համարը՝ 12843, ստորաբաժանումը 2-րդ գումարտակ, 3-րդ վաշտ: Վերջնամասում առկա է ստորագրություն:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 128896 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի օգոստոսի 12-ից մինչև 2025 թվականի օգոստոսի 12-ը, ստուգաչափման սարքի գործարանային համարն է 91101227, տեսակը՝ Jupiter X/RP, չափման տիրույթը՝ 0.000-2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի MU2835-2008, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ․Մարտիրոսյան:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Խոսրով Գարիկի Աղաբեկյան (ՀԾՀ՝ 1109970749) տվյալներով առկա է վարորդական իրավունքի վկայական՝ կարգավիճակը՝ զրկված: Սկիզբը 18.11.202թ․, ավարտը՝ 18.11.2025թ.: Սկիզբը՝ 18.11.2024թ., ավարտը՝ 18.11.2026թ.:
Զննությամբ քննությանը հետաքրքրություն ներկայացնող այլ տվյալներ չհայտնաբերվեցին: (…)»։
(Տե՛ս հատոր 1-ին, վ․թ․ 34-37)։
4. Դատարանի փաստական վերլուծությունները և Դատարանի կողմից հաստատված փաստական հանգամանքները.
Հետազոտված ապացույցների, մասնավորապես՝ մեղադրյալ Խոսրով Գարիկի Աղաբեկյանի դատաքննական ցուցմունքների, 2025 թվականի հունվարի 3-ի որոշմամբ որպես արտավարութային փաստաթուղթ ճանաչված՝ Խոսրով Գարիկի Աղաբեկյանի նկատմամբ կազմված վարչական իրավախախտումների վերաբերյալ թիվ 8180418157, թիվ 8180417794, թիվ 8180417775, թիվ 8180424090 արձանագրությունների պատճենների, թիվ 02136, թիվ 02414 կտրոնների պատճենների, թիվ 131486, թիվ 128896 ստուգաչափման վկայականների պատճենների, ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալների, զննում կատարելու մասին 2025 թվականի հունվարի 3-ի արձանագրության հիման վրա Դատարանի կողմից հաստատվում են հետևյալ փաստական հանգամանքները.
Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից հարբած (ոչ սթափ) վիճակում երկու դրվագ վարել է տրանսպորտային միջոց: Այսպես. Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից, այդ ժամանակահատվածում 2024 թվականի դեկտեմբերի 05-ին՝ ժամը 02:10-ին, Երևան քաղաքի Թամանցիների փողոցում գտնվելով հարբած (ոչ սթափ) վիճակում, արտաշնչած օդի մեջ ալկոհոլի պարունակությունը 0,212 մգ/լ վարել է «ԴՈՋ» մակնիշի, 11 EU 101 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտումների վերաբերյալ արձանագրություն:
Բացի այդ, Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից, այդ ժամանակահատվածում 2024 թվականի դեկտեմբերի 06-ին՝ ժամը 04:12-ին, Երևան քաղաքի Թամանցիների փողոցում գտնվելով հարբած (ոչ սթափ) վիճակում, արտաշնչած օդի մեջ ալկոհոլի պարունակությունը 0,266 մգ/լ վարել է «ԴՈՋ» մակնիշի, 11 EU 101 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտումների վերաբերյալ արձանագրություն:
5. Պատճառաբանական մաս.
5.1. ՀՀ քրեական օրենսգրքի 344-րդ հոդվածի 2-րդ մասի համաձայն՝
«(...)
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
(…)»։
Անդրադառնալով Խոսրով Գարիկի Աղաբեկյանին ներկայացված մեղադրանքին և այս համատեքստում ուսումնասիրելով հետազոտված ապացույցները՝ հարկ է նշել, որ մեղադրյալ Խոսրով Գարիկի Աղաբեկյանի դատաքննական ցուցմունքները համադրելով 2025 թվականի հունվարի 3-ի որոշմամբ որպես արտավարութային փաստաթուղթ ճանաչված՝ Խոսրով Գարիկի Աղաբեկյանի նկատմամբ կազմված վարչական իրավախախտումների վերաբերյալ թիվ 8180418157, թիվ 8180417794, թիվ 8180417775, թիվ 8180424090 արձանագրությունների պատճենների, թիվ 02136, թիվ 02414 կտրոնների պատճենների, թիվ 131486, թիվ 128896 ստուգաչափման վկայականների պատճենների, ՀՀ ՆԳՆ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալների, զննում կատարելու մասին 2025 թվականի հունվարի 3-ի արձանագրության հետ՝ Դատարանը գտնում է, որ․
- ապացուցված են մեղադրյալ Խոսրով Գարիկի Աղաբեկյանին վերագրվող փաստական հանգամանքները (արարքները),
- ապացուցված է ՀՀ քրեական օրենսգրքի 344-րդ հոդվածի 2-րդ մասով նախատեսված արարքի քրեական հակաիրավականությունը,
- ապացուցված է մեղադրյալ Խոսրով Գարիկի Աղաբեկյանի կողմից 2 (երկու) դրվագ ՀՀ քրեական օրենսգրքի 344-րդ հոդվածի 2-րդ մասով վերոգրյալ արարքների կատարելը,
- ապացուցված է մեղադրյալ Խոսրով Գարիկի Աղաբեկյանի մեղավորությունը տվյալ արարքների կատարելու մեջ։
Այլ կերպ՝ համադրելով սույն քրեական գործով հետազոտված ապացույցները վկայակոչած իրավանորմերի հետ, դրանք գնահատելով վերաբերելիության, թույլատրելիության, արժանահավատության, իսկ ամբողջ ապացույցներն իրենց համակցությամբ՝ գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ Դատարանը հիմնավոր կասկածից վեր ապացուցողական չափանիշին համապատասխան հաստատված է համարում, որ Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից հարբած (ոչ սթափ) վիճակում երկու դրվագ վարել է տրանսպորտային միջոց: Այսպես. Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից, այդ ժամանակահատվածում 2024 թվականի դեկտեմբերի 05-ին՝ ժամը 02:10-ին, Երևան քաղաքի Թամանցիների փողոցում գտնվելով հարբած (ոչ սթափ) վիճակում, արտաշնչած օդի մեջ ալկոհոլի պարունակությունը 0,212 մգ/լ վարել է «ԴՈՋ» մակնիշի, 11 EU 101 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտումների վերաբերյալ արձանագրություն: Բացի այդ, Խոսրով Գարիկի Աղաբեկյանը, զրկված լինելով տրանսպորտային միջոցներ վարելու իրավունքից, այդ ժամանակահատվածում 2024 թվականի դեկտեմբերի 06-ին՝ ժամը 04:12-ին, Երևան քաղաքի Թամանցիների փողոցում գտնվելով հարբած (ոչ սթափ) վիճակում, արտաշնչած օդի մեջ ալկոհոլի պարունակությունը 0,266 մգ/լ վարել է «ԴՈՋ» մակնիշի, 11 EU 101 հաշվառման համարանիշով տրանսպորտային միջոցը, ինչը հայտնաբերվել է ՀՀ ոստիկանության պարեկային ծառայության աշխատակիցների կողմից և կազմվել է վարչական իրավախախտումների վերաբերյալ արձանագրություն:
5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:
ՀՀ քրեական օրենսգրքի 7-րդ հոդվածի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:
2. Արգելվում է անձին կրկին քրեական պատասխանատվության ենթարկել նույն հանցանքը կատարելու համար, բացառությամբ սույն օրենսգրքի 133-154-րդ, 155-րդ, 308-րդ, 450-րդ կամ 451-րդ հոդվածով նախատեսված հանցանքների համար այլ պետության կողմից քրեական պատասխանատվության ենթարկված լինելու այն դեպքերի, երբ անձն անհիմն ազատվել է քրեական պատասխանատվությունից կամ անարդարացիորեն դատապարտվել է մեղմ պատժի կամ անհիմն լրիվ կամ մասնակիորեն ազատվել է պատժի կրումից:»:
ՀՀ քրեական օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 67-րդ հոդվածի համաձայն`
«1. Ազատազրկումը դատապարտյալին քրեակատարողական հիմնարկում անազատության մեջ պահելու ձևով հասարակությունից որոշակի ժամկետով մեկուսացնելն է, որը կարող է նշանակվել սույն օրենսգրքով նախատեսված դեպքերում:
2. Ազատազրկումը նշանակվում է 3 ամսից 20 տարի ժամկետով:
3. Ազատազրկման նվազագույն ժամկետը սույն օրենսգրքով նախատեսված դեպքերում կարող է պակաս լինել 3 ամսից:
4. Անզգույշ հանցագործության համար ազատազրկումը չի կարող գերազանցել 10 տարին:
5. Առաջին անգամ ոչ մեծ ծանրության հանցագործություն կատարած անձը չի կարող դատապարտվել ազատազրկման:»
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»
ՀՀ քրեական օրենսգրքի 70-րդ հոդվածի համաձայն`
«1. Քրեական պատասխանատվությունը կամ պատիժը մեղմացնող հանգամանքներ են՝
1) հանցանքը հանգամանքների պատահական զուգորդմամբ առաջին անգամ կատարելը,
2) հանցանք կատարելու կամ պատիժ նշանակելու պահին հանցավորի հղիությունը,
3) հանցանք կատարելու կամ պատիժ նշանակելու պահին հանցավորի 65 տարին լրացած լինելը,
4) պատիժ նշանակելու պահին հանցանք կատարած անձի խնամքի տակ անչափահասի կամ հաշմանդամություն ունեցող անձի առկայությունը, բացառությամբ այն դեպքերի, երբ հանցանքը կատարվել է խնամքի տակ գտնվող անձի նկատմամբ,
5) հանցանքը կյանքի ծանր հանգամանքների զուգորդմամբ կատարելը,
6) հանցանքը կարեկցանքի շարժառիթով կատարելը,
7) հանցանքը քրեական պատասխանատվությունը բացառող հանգամանքի իրավաչափության պայմանները խախտելով կատարելը,
8) հանցանքը հանցագործությունից տուժած անձի հակաիրավական վարքագծի ազդեցության տակ կատարելը,
9) հանցանքը սպառնալիքի, հարկադրանքի կամ այն անձի ազդեցությամբ կատարելը, որից հանցավորը գտնվում է նյութական, ծառայողական կամ այլ կախվածության տակ,
10) հանցանք կատարած անձի մեղայականով ներկայանալը, հանցագործությունը, հանցագործության այլ մասնակցին բացահայտելուն, հանցագործությամբ ձեռք բերված գույքը որոնելուն, գործով ապացույց ձեռք բերելուն աջակցելը,
11) հանցանք կատարած անձի կողմից հանցագործությունից հետո հանցագործությունից տուժած անձին բժշկական կամ այլ օգնություն ցույց տալը,
12) հանցանք կատարած անձի կողմից հանցագործությամբ պատճառված վնասը կամովին հատուցելուն կամ այլ կերպ հարթելուն ուղղված գործողություն կատարելը:
2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ:
3. Եթե սույն հոդվածի 1-ին մասում նշված որևէ հանգամանք սույն օրենսգրքի Հատուկ մասի համապատասխան հոդվածով նախատեսված է որպես հանցագործության հատկանիշ, ապա դա չի կարող կրկին հաշվի առնվել որպես քրեական պատասխանատվությունը կամ պատիժը մեղմացնող հանգամանք:»
ՀՀ քրեական օրենսգրքի 71-րդ հոդվածի համաձայն`
«1. Քրեական պատասխանատվությունը կամ պատիժը ծանրացնող հանգամանքներ են՝
1) հանցանքը դատվածություն ունեցող անձի կողմից կատարելը,
2) հանցանքը խմբի կամ հանցավոր կազմակերպության կազմում կատարելը,
3) հանցագործության մեջ առանձնապես ակտիվ դերը,
4) հանցանքը կատարելուն հոգեկան առողջության խնդիրներ ունեցող կամ ոչ սթափ (հարբած) վիճակում գտնվող կամ քրեական պատասխանատվության համար սահմանված տարիքի չհասած անձին ներգրավելը, եթե հանցավորը գիտակցում է, որ անձը հոգեկան առողջության խնդիրներ ունի, ոչ սթափ (հարբած) վիճակում է կամ չի հասել քրեական պատասխանատվության համար սահմանված տարիքի,
5) դիտավորյալ հանցանքն անչափահասի նկատմամբ, նրա հետ համատեղ կամ հանցավորի արարքի բնույթը գիտակցող անչափահասի ներկայությամբ կատարելը, եթե հանցավորը գիտակցում է, որ անձն անչափահաս է,
6) հանցանքը ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելության, անհանդուրժողականության կամ թշնամանքի շարժառիթով կատարելը,
7) հանցանքն այլ անձանց իրավաչափ գործողությունների համար վրեժի շարժառիթով կատարելը,
8) հանցանքն այլ հանցագործությունը թաքցնելու կամ դրա կատարումը հեշտացնելու նպատակով կատարելը,
9) հանցանքը հղի կնոջ, անօգնական, խոցելի կամ հանցավորից կախյալ վիճակում գտնվող անձի նկատմամբ կատարելը, եթե հանցավորը գիտակցում է, որ կինը հղի է, կամ անձը անօգնական, խոցելի կամ իրենից կախյալ վիճակում է,
10) հանցանքն անձի կամ նրա մերձավոր ազգականի կամ մերձավորի նկատմամբ կատարելը` կապված այդ անձի կողմից իր ծառայողական կամ մասնագիտական գործունեության կամ հասարակական պարտքը կատարելու հետ,
11) հանցանքն առանձին դաժանությամբ, անձին ծաղրուծանակի, տանջանքի կամ տառապանքի ենթարկելով կատարելը,
12) հանցանքն իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով կատարելը,
13) հանցանքը հանրության համար վտանգավոր եղանակով կատարելը,
14) հանցանքը զենքի, ռազմամթերքի, պայթուցիկ նյութերի կամ պայթեցման սարքերի կամ ռադիոակտիվ նյութերի գործադրմամբ կամ դրանց գործադրման սպառնալիքով կատարելը,
15) հանցանքը թմրամիջոցների, հոգեմետ (հոգեներգործուն) նյութերի, դրանց ածանցյալների կամ ուժեղ ներգործող դեղերի գործադրմամբ կատարելը,
16) հանցանքն ալկոհոլի, թմրամիջոցների, հոգեմետ (հոգեներգործուն) նյութերի, դրանց ածանցյալների կամ ուժեղ ներգործող դեղերի ազդեցությամբ կատարելը, եթե հանցավորն ինքն է իրեն դրել այդ վիճակի մեջ,
17) հանցանքը ռազմական կամ արտակարգ դրության, արտակարգ իրավիճակի կամ զանգվածային անկարգությունների պայմաններն օգտագործելով կատարելը:
2. Պատիժ նշանակելիս դատարանը որպես ծանրացնող հանգամանք չի կարող հաշվի առնել սույն հոդվածի 1-ին մասով չնախատեսված այլ հանգամանքներ:
3. Եթե սույն հոդվածի 1-ին մասում նշված որևէ հանգամանք սույն օրենսգրքի Հատուկ մասի համապատասխան հոդվածով նախատեսված է որպես հանցագործության հատկանիշ, ապա դա չի կարող կրկին հաշվի առնվել որպես պատասխանատվությունը կամ պատիժը ծանրացնող հանգամանք:
4. Հանցագործությունների ռեցիդիվի դեպքում սույն օրենսգրքի 76-րդ հոդվածով սահմանված կանոններով պատիժ նշանակելիս սույն հոդվածի 1-ին մասի 1-ին կետով նախատեսված ծանրացնող հանգամանքը հաշվի չի առնվում որպես ծանրացնող հանգամանք:»
ՀՀ քրեական օրենսգրքի 74-րդ հոդվածի 9-րդ մասի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
(...)
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
(…)»։
Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցագործության հասարակական վտանգավորության գնահատման լիարժեք չափանիշ, պատժի ենթարկվող անձին ուղղելու ամենակարճ ճանապարհ, ինչպես մեղադրյալի, այնպես էլ այլ անձանց կողմից նոր հանցագործությունները կանխելու գործուն միջոց: Պատասխանատվության և պատժի անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն՝ քրեական պատասխանատվությունը կամ պատիժը մեղմացնող և ծանրացնող հանգամանքները քրեական վարույթի ընթացքում ենթակա են ապացուցման: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցագործության՝ հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը:
Պատիժ նշանակելուն վերաբերելի իրավանորմերը Վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-142/07, ՎԲ-192/07, ՎԲ-50/07, ՎԲ-201/07, ԵՇԴ/0029/01/08, ԵԿԴ/0042/01/11, ինչպես նաև մի շարք այլ գործերով կայացված որոշումներում: Նշված որոշումներում Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Հետևաբար` կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի Հայաստանի Հանրապետության քրեական օրենսգրքով նախատեսված՝ պատժի նպատակների իրացումն ապահովելու անհրաժեշտությունից:
ՀՀ քրեական օրենսգրքի 344-րդ հոդվածի 2-րդ մասը որպես պատիժ է նախատեսում տուգանքը՝ առավելագույնը քսանապատիկի չափով, կամ հանրային աշխատանքները՝ ութսունից հարյուր հիսուն ժամ տևողությամբ, կամ կարճաժամկետ ազատազրկումը՝ մեկից երկու ամիս ժամկետով, կամ ազատազրկումը՝ առավելագույնը երկու տարի ժամկետով:
Վերոշարադրյալ իրավանորմերի և ՀՀ վճռաբեկ դատարանի ձևավորած իրավական դիրքորոշումների հիման վրա քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալ Խոսրով Գարիկի Աղաբեկյանի նկատմամբ, հարկ է հաշվի առնել հետևյալը․
-մեղադրյալի կատարած հանցավոր արարքների բնույթն ու վտանգավորության աստիճանը, այդ թվում՝ քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակությունը, մեղադրյալի հանցավոր մտադրության իրականացման աստիճանը, հանցավոր արարքների կատարման եղանակը և հանգամանքները,
-մեղադրյալի անձը բնութագրող հետևյալ հանգամանքները՝ մշտական բնակության վայր ունենալը, ամուսնացած լինելը,
-մեղադրյալի պատասխանատվությունը և պատիժը մեղմացնող հետևյալ հանգամանքները․ խնամքին երկու անչափահաս երեխա ունենալու հանգամանքը, ներկայացված մեղադրանքում իրեն մեղավոր ճանաչելը, խոստովանական ցուցմունքներ տալը, (վերջին հանգամանքը՝ որպես պատասխանատվությունը և պատիժը մեղմացնող գնահատելիս Դատարանը ղեկավարվում է ՀՀ քրեական օրենսգրքի 70-րդ հոդվածի 2-րդ մասով),
-մեղադրյալի պատասխանատվությունը և պատիժը ծանրացնող հանգամանքների բացակայությունը։
Վերոգրյալի հիման վրա հաշվի առնելով Խոսրով Գարիկի Աղաբեկյանի կատարած հանցանքների բնույթը և հանրության համար վտանգավորության աստիճանը, դրանց կատարման եղանակը, հանցավոր մտադրության իրականացման աստիճանը, նրա արարքների սոցիալական հետևանքները, ինչպես նաև հանցանքների անմիջական օբյեկտի՝ հասարակական անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, հանցանքների կատարումից հետո դրսևորած վարքագիծը և դրանք էլ իրենց հերթին համադրելով նրա անձը բնութագրող տվյալների հետ, հաշվի առնելով նաև մեղադրյալի պատասխանատվությունն ու պատիժը մեղմացնող վերը նշված հանգամանքները և ծանրացնող հանգամանքների բացակայությունը` Դատարանը գտնում է, որ մեղադրյալ Խոսրով Գարիկի Աղաբեկյանն իր կատարած` 2 (երկու) դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքների համար ենթակա է պատժի այդ հանցանքների համար նախատեսված պատիժներից առավել մեղմ պատժատեսակի` տուգանքի ձևով՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամ գումարի չափով (յուրաքանչյուր դրվագով), որը համաչափ է կատարված արարքին, ինչպես նաև անհրաժեշտ և բավարար է՝ սոցիալական արդարությունը վերականգնելու, Խոսրով Գարիկի Աղաբեկյանին վերասոցիալականացնելու և նրա կողմից նոր հանցանքի կատարումը կանխելու համար:
Միևնույն ժամանակ Դատարանը գտնում է, որ հարկ է ՀՀ քրեական օրենսգրքի 74-րդ հոդվածի 9-րդ մասի կիրառմամբ՝ նշանակված պատիժները լրիվ գումարելու միջոցով՝ մեղադրյալ Խոսրով Գարիկի Աղաբեկյանի նկատմամբ վերջնական պատիժ նշանակել տուգանք՝ 750․000 (յոթ հարյուր հիսուն հազար) ՀՀ դրամի չափով։
Քննարկելով մեղադրյալի նկատմամբ նշանակվող տուգանքի ձևով պատիժը տարաժամկետելու՝ մեկ տարի վճարման ժամկետ սահմանելու հարցը՝ Դատարանը գտնում է հետևյալը.
ՀՀ քրեական օրենսգրքի 59-րդ հոդվածի 8-րդ մասի համաձայն`
«(...) Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (...)»։
Հաշվի առնելով հնարավոր նշանակվելիք տուգանքի տարաժամկետման վերաբերյալ մեղադրյալի միջնորդությունը և վերջինիս գույքային դրությունը, հակառակի մասին վկայող փաստերի բացակայությունը՝ Դատարանը գտնում է, որ հարկ է ՀՀ քրեական օրենսգրքի 59-րդ հոդվածի կանոնների կիրառմամբ՝ Խոսրով Գարիկի Աղաբեկյանի նկատմամբ նշանակված 750.000 (յոթ հարյուր հիսուն հազար) ՀՀ դրամի չափով տուգանք պատժի վճարման ժամկետ սահմանել 1 (մեկ) տարին՝ թույլատրելով տուգանքը վճարել մաս առ մաս՝ յուրաքանչյուր ամիս նվազագույնը 62․500 (վաթսուներկու հազար հինգ հարյուր) ՀՀ դրամի չափով։
Միևնույն ժամանակ անդրադառնալով նաև որպես լրացուցիչ պատիժ` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու հարցին՝ Դատարանն արձանագրում է, որ 2021 թվականի մայիսի 5-ի ՀՀ քրեական օրենսգրքի 61-րդ հոդվածի 5-րդ մասի համաձայն՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ կարող է նշանակվել այն դեպքում, երբ դատարանը, ելնելով հանցավորի պաշտոնավարության կամ որոշակի գործունեությամբ զբաղվելու ժամանակ նրա կատարած հանցանքի բնույթից, հնարավոր չի համարում անձի կողմից հետագա ժամանակահատվածում որոշակի պաշտոններ զբաղեցնելը կամ որոշակի գործունեությամբ զբաղվելը։ Այսինքն՝ նշված լրացուցիչ պատժի նշանակումն օրենսդիրը թողել է դատարանի հայեցողությանը։
Այսպես.
2021 թվականի մայիսի 5-ի ՀՀ քրեական օրենսգրքի 61-րդ հոդվածի համաձայն՝
«1. Որոշակի պաշտոններ զբաղեցնելու իրավունքից զրկելը՝ որոշակի պաշտոններ զբաղեցնելը, իսկ որոշակի գործունեությամբ զբաղվելու իրավունքից զրկելը՝ կատարված հանցանքի բնույթի հետ կապված որոշակի գործունեությամբ զբաղվելն արգելելն է:
(…)
4. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ սահմանվում է ոչ մեծ և միջին ծանրության հանցագործությունների համար՝ 1-3 տարի, իսկ ծանր և առանձնապես ծանր հանցագործությունների համար՝ 1-5 տարի ժամկետով:
5. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ կարող է նշանակվել այն դեպքում, երբ դատարանը, ելնելով հանցավորի պաշտոնավարության կամ որոշակի գործունեությամբ զբաղվելու ժամանակ նրա կատարած հանցանքի բնույթից, հնարավոր չի համարում անձի կողմից հետագա ժամանակահատվածում որոշակի պաշտոններ զբաղեցնելը կամ որոշակի գործունեությամբ զբաղվելը:
6. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելն ազատությունից զրկելու հետ կապված պատժի հետ որպես հիմնական կամ լրացուցիչ պատիժ նշանակելիս այն տարածվում է ազատությունից զրկելու հետ կապված պատիժը կրելու ամբողջ ժամանակահատվածի վրա, իսկ դրա ժամկետի հաշվարկն սկսվում է ազատությունից զրկելու հետ կապված պատիժը կրելուց հետո: Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը մնացած պատժատեսակների հետ նշանակելիս դրա ժամկետը հաշվարկվում է դատավճիռն օրինական ուժի մեջ մտնելու պահից:
7. Սույն հոդվածով նախատեսված պատժից դատապարտյալի խուսափելու դեպքում պատիժը փոխարինվում է ազատազրկմամբ` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու 3 օրը հաշվարկելով ազատազրկման 1 օրվա դիմաց: Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելն ազատազրկմամբ փոխարինելիս ազատազրկման ժամկետը չի կարող գերազանցել այն հոդվածի սանկցիայով տվյալ պատժատեսակի համար նախատեսված առավելագույն ժամկետը, որով նախատեսված հանցագործության համար անձը դատապարտվել է: Եթե հաշվարկի արդյունքով ազատազրկման ժամկետը պակաս է ստացվում այն հոդվածի սանկցիայով տվյալ պատժատեսակի համար նախատեսված նվազագույն ժամկետից, որով նախատեսված հանցագործության համար անձը դատապարտվել է, ապա պատիժը նշանակվում է հաշվարկի արդյունքով ստացված ժամկետի չափով:
8. Սույն հոդվածի 7-րդ մասով նախատեսված կանոնով է իրականացվում հաշվարկը նաև այն դեպքում, երբ սույն օրենսգրքի Հատուկ մասի սանկցիայով ազատազրկում նախատեսված չէ: Այդ դեպքում ազատազրկման ժամկետը չի կարող գերազանցել 1 տարին:»
Միևնույն ժամանակ հարկ է արձանագրել, որ սույն քրեական գործով ձեռք չեն բերվել այնպիսի փաստական տվյալներ, որ Խոսրով Գարիկի Աղաբեկյանը ներկայումս ունի տրանսպորտային միջոցներ վարելու իրավունք, ուստի Դատարանը գտնում է, որ Խոսրով Գարիկի Աղաբեկյանի նկատմամբ չի կարող նշանակվել 2021 թվականի մայիսի 5-ի ՀՀ քրեական օրենսգրքի 61-րդ հոդվածով որպես լրացուցիչ պատիժ նախատեսված` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու պատժատեսակը։
5.3. Հայաստանի Հանրապետության քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս դատարանը, inter alia, պարտավոր է անդրադառնալ գույքային հայցի, գույքի բռնագրավման և արգելադրման, ապացույցների տնօրինման, խափանման միջոցի և վարութային ծախսերի հարցերին:
5.3.1․ Քննարկելով խափանման միջոցի հարցը` դատարանը գտնում է, որ հարկ է Խոսրով Գարիկի Աղաբեկյանի նկատմամբ որպես խափանման միջոց ընտրված բացակայելու արգելքը թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռն օրինական ուժի մեջ մտնելուց հետո Խոսրով Գարիկի Աղաբեկյանի վերաբերյալ ՀՀ ՆԳՆ ոստիկանության ՍԷԿՏ համակարգում առկա սահմանափակումները վերացնել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 464.4-րդ և 464.5-րդ հոդվածներով, Դատարանը`

Վ Ճ Ռ Ե Ց

Խոսրով Գարիկի Աղաբեկյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործություն կատարելու մեջ և նրա նկատմամբ պատիժ նշանակել տուգանք՝ նվազագույն աշխատավարձի երեքհարյուրապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Խոսրով Գարիկի Աղաբեկյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործություն կատարելու մեջ և նրա նկատմամբ պատիժ նշանակել տուգանք՝ նվազագույն աշխատավարձի երեքհարյուրապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 9-րդ մասի կիրառմամբ՝ նշանակված պատիժները լրիվ գումարելու միջոցով՝ մեղադրյալ Խոսրով Գարիկի Աղաբեկյանի նկատմամբ վերջնական պատիժ նշանակել տուգանք՝ 750․000 (յոթ հարյուր հիսուն հազար) ՀՀ դրամի չափով։
ՀՀ քրեական օրենսգրքի 59-րդ հոդվածի կանոնների կիրառմամբ՝ Խոսրով Գարիկի Աղաբեկյանի նկատմամբ նշանակված 750.000 (յոթ հարյուր հիսուն հազար) ՀՀ դրամի չափով տուգանք պատժի վճարման ժամկետ սահմանել 1 (մեկ) տարին՝ թույլատրելով տուգանքը վճարել մաս առ մաս՝ յուրաքանչյուր ամիս նվազագույնը 62․500 (վաթսուներկու հազար հինգ հարյուր) ՀՀ դրամի չափով։
Խոսրով Գարիկի Աղաբեկյանի նկատմամբ որպես խափանման միջոց ընտրված բացակայելու արգելքը թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռն օրինական ուժի մեջ մտնելուց հետո Խոսրով Գարիկի Աղաբեկյանի վերաբերյալ ՀՀ ՆԳՆ ոստիկանության ՍԷԿՏ համակարգում առկա սահմանափակումները վերացնել:
Դատավճիռը կարող է բողոքարկվել ՀՀ վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ՝ ՀԱՐՈՒԹՅՈՒՆ ՄԱՆՈՒԿՅԱՆ