ԵԴ1/0425/01/25

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

18 փետրվարի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան), նախագահությամբ՝ դատավոր Մասիս Մելքոնյանի, գրավոր ընթացակարգով քննության առնելով համաձայնությամբ տուգանք նշանակելու մասին թիվ ԵԴ1/0425/01/25 վարույթն (նախաքննության համարն է 12144324) ըստ մեղադրանքի Գոռ Արմենի Բաղդասարյանի (ծնված՝ 08.05.2000 թվականին, ազգությամբ հայ, ՀՀ քաղաքացի, նախկինում չդատապարտված, միջնակարգ կրթությամբ, չի աշխատում, հաշվառված է և բնակվում է ք․Երևան Որմնադիրների փ., 2-րդ նրբ. 45 տանը) ՀՀ քրեական օրենսգրքի 457-րդ հոդվածի 1-ին մասով. Դատարանը.

Պ Ա Ր Զ Ե Ց

1. Գործի դատավարական նախապատմությունը.
1.1. 2024 թվականի հուլիսի 20-ին ՀՀ ՆԳՆ ոստիկանության ՊԾ 3-րդ գումարտակի 3-րդ վաշտի կրտսեր պարեկ Ա.Ավետյանը կազմել է արձանագրություն Գոռ Արսենի Բաղդասարյանին կեղծ փաստաթուղթ պատրաստելու և օգտագործելու անմիջականորեն ծագած հիմնավոր կասկածի հիմքով ձերբակալելու մասին՝ ազատությունից փաստացի զրկելով 20.07.04.2023թ-ին, ժամը՝ 18:35-ին:
1.2. 2024 թվականի հուլիսի 20-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը կազմել է արձանագրություն՝ ՀՀ քրեական օրենսգրքի 457-րդ հոդվածի 1-ին մասով թիվ 12144324 քրեական վարույթը նախաձեռնելու մասին:
1.3. 2024 թվականի հուլիսի 20-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը որոշում է կայացրել թիվ 12144324 քրեական Գոռ Արսենի Բաղդասարյանին ձերբակալումից ազատ արձակելու մասին:
1.4. 2025 թվականի հունվարի 29-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազի տեղակալ Հ.Մելքոնյանը որոշում է կայացրել թիվ 12144324 քրեական վարույթով Գոռ Արսեն Բաղդասարյանի նկատմամբ ՀՀ քրեական օրենսգրքի 457-րդ հոդվածի 1-ին մասով հանրային քրեական հետապնդում հարուցելու մասին:
1.5. 2025 թվականի հունվարի 29-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը որոշում է կայացրել թիվ 12144324 քրեական վարույթով Գոռ Արսենի Բաղդասարյանի նկատմամբ որպես խափանման միջոց բացակայելու արգելքը կիրառելու մասին:
1.6. 2025 թվականի հունվարի 31-ին 2024 թվականի ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Ա.Գյուլասարյանը կազմել է արձանագրություն թիվ 12144324 քրեական վարույթի նյութերով նոր թիվ 12116125 քրեական վարույթ հարուցելու մասին:
1.7. 2025 թվականի հունվարի 31-ին 2024 թվականի ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը որոշում է կայացրել թիվ 12116125 քրեական վարույթը թիվ 12144324 քրեական վարույթին միացնելու նախաքննությունը թիվ 12144324 քրեական վարույթով շարունակելու մասին:
1.8. 2025 թվականի հունվարի 31-ին 2024 թվականի ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը որոշում է կայացրել թիվ 12144324 քրեական վարույթից անհայտ անձի կողմից Գոռ Բաղդասարյանի կեղծ վարորդական իրավունքի վկայականը իրացնելու մասով թիվ 12116225 քրեական վարույթ անջատելու մասին:
1.9. 2025 թվականի հունվարի 31-ին 2024 թվականի ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը, մասնակցությամբ մեղադրյալ Գ.Բաղդասարյանի և պաշտպան Մ.Շխիմյանի կազմել արձանագրություն համաձայնությամբ տուգանք նշանակելու վարույթ կիրառելու հնարավորության և իրավական հետևանքների ծանուցման մասին:
1.10. 2022 թվականի փետրվարի 05-ին թիվ 12144324 քրեական վարույթը, հաստատված մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/0425/01/25 դատական համարը, մակագրվել և փետրվարի 06-ին ստացվել է նույն դատարանի դատավոր Մասիս Մելքոնյանի աշխատակազմում:
1.12. 2025 փետրվարի 06-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/0425/01/25 քրեական գործը վարույթ ընդունելու և համաձայնությամբ տուգանք նշանակելու վարույթ հարուցելու մասին:
2. Մեղադրանքի փաստացի նկարագրությունը.
Գոռ Արսենի Բաղդասարյանը 2024 թվականի հուլիսի 20-ին ժամը 16.30-ի սահմաններում Երևան քաղաքի Քրիստափորի փողոցում վարել է իր անվամբ հաշվառված Ռենջ Ռովեր մակնիշի 88 MM 005 համարանիշով ավտոմեքենան՝ թույլատրվածից ավել մգության թաղանթապատ ապակիներո: Նշված տարածքում ծառայություն իրականացնող՝ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի պարեկ Նորայր Խալաթյանը Գոռ Բաղդասարյանին հրահանգ է տվել կայանելու տրանսպորտային միջոցը՝ վարչական պատասխանատվության հարցը լուծելու համար և վերջինիցս պահանջել ներկայացնել համապատասխան փաստաթղթերը: Գոռ Բաղդասարյանը չունենալով վարորդական իրավունքի վկայական դրա փոխարեն օգտագործել է, այն է պարեկին ներկայացրել է ՀՀ ոստիկանության պետի 23.01.2014 թ. Թիվ 10-ԱԳ հրամանի հիման վրա ՀՀ ՆԳՆ ոստիկանության կողմից տրվող 2024 թվականի ընթացքում իրավաբանական նշանակություն ունեցող փաստ հաստատող վարորդական հաշվառման ու երթուղային փաստաթղթերը, ինչպես նաև ավտոմոբիլը և տեղափոխվող բեռը ստուգման ենթակա չլինելու իրավունքով իրավունք վերապահող և պատասխանատվությունից ազատող ՀՀ ոստիկանության ճանապարհային ոստիկանության ծառայության պետի անվամբ կատարված ստորագրությամբ ՀՀ ՆԳՆ ոստիկանություն, ճանապարհային ոստիկանություն, թիվ 274 գրառմամբ կեղծ հատուկ կտրոն: Այսինքն, Գոռ Արսենի Բաղդասարյանին մեղսագրվում է հանցավոր արարքի կատարում նախատեսված ՀՀ քրեական օրենսգրքի 457-րդ հոդվածի 1-ին մասով:
3. Համաձայնությամբ տուգանք նշանակելու մասին վարույթ.
2025 թվականի հունվարի 31-ին 2024 թվականի ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի քննիչ Հ.Ռ.Պետրոսյանը, մասնակցությամբ մեղադրյալ Գ.Բաղդասարյանի և պաշտպան Մ.Շխիմյանի կազմել արձանագրություն համաձայնությամբ տուգանք նշանակելու վարույթ կիրառելու հնարավորության և իրավական հետևանքների ծանուցման մասին, ինչպես նաև մեղադրյալին իր իրավունքները և պարտականությունները պարզաբանելու մասին արձանագրություն, որտեղ առկա է գրավոր արձանագրում մեղադրյալի կողմից հետևյալ բովանդակությամբ ․․․ խնդրում եմ իմ նկատմամբ իրականացնել համաձայնությամբ տուգանք նշանակելու վարույթ և այդ վարույթով նշանակված տուգանքի վճարումը 1 տարով տարաժամկետել․․․
Մեղադրյալ՝ Գ.Բաղդասարյան
Պաշտպան՝ Մ.Շխիմյան
Քննիչ՝ Հ.Պետրոսյան
4. Դատավճռի պատճառաբանական մասը․
4.1. Դատարանի իրավական վերլուծությունը, դատարանի հետևությունները և դրանց իրավական հիմնավորումները.
Առաջադրված մեղադրանքը մեղադրյալ Գոռ Արսենի Բաղդասարյանի կողմից ընդունելու և համաձայնությամբ տուգանք նշանակելու վարույթ կիրառելու պայմաններում Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, արձանագրում է, որ Արմեն Սերյոժայի Ավետիսյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 451-րդ հոդվածի 1-ին մասով նախատեսված հանցագործության հատկանիշներին:
4.2. ՀՀ քրեական դատավարության օրենսգրքի (այսուհետ՝ օրենսգիրք) 55.2-րդ գլուխը կարգավորում է համաձայնությամբ տուգանք նշանակելու վարույթի կարգը:
4.3. Օրենսգրքի 464.6-րդ հոդվածը սահմանում է համաձայնությամբ տուգանք նշանակելու վարույթ սկսելու կարգը, համաձայն որի՝ 1. Սույն օրենսգրքի 199-րդ հոդվածով սահմանված կարգով նախաքննությունն ավարտելու դեպքում քննիչը, ստանալով հսկող դատախազի գրավոր համաձայնությունը, Հայաստանի Հանրապետության քրեական օրենսգրքի 3-րդ հոդվածի 1-ին մասի 2-րդ կետի իմաստով` առաջին անգամ հանցանք կատարած և ոչ մեծ ծանրության հանցագործության համար մեղադրվող մեղադրյալին գրավոր ծանուցում է նաև համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին: 2. Վարույթի նյութերը մեղադրյալի ծանոթացմանը ներկայացնելիս քննիչը ճշտում է համաձայնությամբ տուգանք նշանակելու վարույթ կիրառելու վերաբերյալ վերջինիս դիրքորոշումը: 3. Եթե մեղադրյալը չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով, ապա քննիչը մեղադրյալի բանավոր միջնորդության հիման վրա կազմում է համապատասխան արձանագրություն, որը ստորագրում են նաև մեղադրյալը և նրա պաշտպանը: Արձանագրությունը կցվում է մեղադրական եզրակացությանը: 4. Համաձայնությամբ տուգանք նշանակելու վարույթ նախաձեռնելու արձանագրություն կազմելուց առաջ քննիչն իրավասու է մեղադրյալին հարցեր տալու միջոցով հավաստիանալու, թե արդյոք մեղադրյալը գիտակցում է իր միջնորդության բնույթն ու հետևանքները:
4.4. Օրենսգրքի 464.7-րդ հոդվածը սահմանում է համաձայնությամբ տուգանք նշանակելու վարույթ իրականացնելու հիմքը և բացառող հանգամանքները, համաձայն որի՝ 1. Համաձայնությամբ տուգանք նշանակելու վարույթն իրականացվում է, եթե առկա է սույն օրենսգրքի 464.6-րդ հոդվածով սահմանված կարգով կազմված և ստորագրված արձանագրություն: 2. Համաձայնությամբ տուգանք նշանակելու վարույթ չի կարող իրականացվել, եթե` 1) մեղադրյալն անչափահաս է. 2) մեղադրյալը մեղադրվում է մեկից ավելի հանցանքներ կատարելու համար. 3) մեղադրյալին մեղսագրվող արարքի համար Հայաստանի Հանրապետության քրեական օրենսգրքով տուգանք պատժատեսակ սահմանված չէ.4) մեղադրյալին մեղսագրվող արարքով վնաս է պատճառվել մասնավոր անձի շահերին.5) գույքային հայց է հարուցվել մեղադրյալի կամ այն անձի դեմ, որի վրա կարող է գույքային պատասխանատվություն դրվել մեղադրյալի գործողությունների համար. 6) սույն օրենսգրքով սահմանված կարգով մեղադրական եզրակացությունը հաստատելիս հսկող դատախազն իրավական կամ փաստական հիմնավորմամբ առարկել է դրա դեմ` այդ մասին նշում կատարելով մեղադրական եզրակացությունը հաստատելու որոշման մեջ. 7) մեղադրյալը գրավոր հրաժարվել է համաձայնությամբ տուգանք նշանակելու վարույթ կիրառելուց. 8) խախտվել է սույն օրենսգրքի 464.6-րդ հոդվածով սահմանված կարգը:
4.5. Օրենսգրքի 464.8-րդ հոդվածը սահմանում է համաձայնությամբ տուգանք նշանակելու վարույթ կիրառելու հարցի լուծման կարգը, համաձայն որի՝ 1. Դատավորը քրեական գործն ստանալուց հետո հավաստիանալով, որ առկա է համաձայնությամբ տուգանք նշանակելու վարույթ կիրառելու հիմքը, և բացակայում են սույն օրենսգրքի 464.7-րդ հոդվածի 2-րդ մասով նախատեսված հանգամանքները, եռօրյա ժամկետում որոշում է կայացնում վարույթ ստանձնելու և համաձայնությամբ տուգանք նշանակելու վարույթ հարուցելու մասին: Հակառակ դեպքում կայացվում է սույն օրենսգրքի 310-րդ հոդվածի 2-րդ մասով նախատեսված որոշումը: 2. Համաձայնությամբ տուգանք նշանակելու վարույթ կիրառելու մասին որոշումը պետք է բովանդակի տեղեկություններ այն կայացրած դատարանի և դատավորի, քրեական գործն ստանալու և որոշումը կայացնելու օրվա, վարույթը գրավոր ընթացակարգով իրականացնելու, ինչպես նաև դատավճռի կայացման օրվա մասին: 3. Սույն հոդվածի 2-րդ մասով նախատեսված որոշումը կայացվելուց հետո` երկօրյա ժամկետում, դատավորը դրա պատճենն ուղարկում է հանրային մեղադրողին և վարույթի մասնավոր մասնակիցներին: 4. Դատարանը որոշում է կայացնում համաձայնությամբ տուգանք նշանակելու վարույթը դադարեցնելու և նախնական դատալսումներ նշանակելու մասին, եթե, ծանոթանալով քրեական գործին, հանգում է հետևության, որ` 1) մեղադրյալին մեղսագրվող արարքն ակնհայտորեն կատարվել է մեղադրյալ չհանդիսացող այլ անձի կողմից կամ նրա մասնակցությամբ. 2) մեղադրյալին մեղսագրվող արարքին տրված իրավական գնահատականն ակնհայտորեն չի համապատասխանում մեղադրանքի փաստական հանգամանքներին. 3) առկա է սույն օրենսգրքի 464.7-րդ հոդվածի 2-րդ մասով նախատեսված հանգամանքներից որևէ մեկը:
4.6. Օրենսգրքի 464.9-րդ հոդվածը սահմանում է համաձայնությամբ տուգանք նշանակելու վարույթով դատավճիռ կայացնելը, համաձայն որի՝ 1. Համաձայնությամբ տուգանք նշանակելու վարույթի արդյունքով դատարանը գրավոր ընթացակարգով կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները: 2. Դատավճիռը կայացվում է համաձայնությամբ տուգանք նշանակելու վարույթ կիրառելու մասին որոշումը կայացնելուց հետո` հնարավորին չափ սեղմ ժամկետում, սակայն ոչ ուշ, քան 15 օրվա ընթացքում: 3. Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ` հաշվի առնելով Հայաստանի Հանրապետության քրեական օրենսգրքի 77-րդ հոդվածի վերաբերելի դրույթները: 4. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման: 5. Դատավճիռը պետք է պարունակի պարզաբանում այն բողոքարկելու` սույն օրենսգրքով նախատեսված սահմանափակումների վերաբերյալ: 6. Դատավճիռը կայացնելուց հետո` ոչ ուշ, քան հինգ օրվա ընթացքում, ուղարկվում է դատապարտված մեղադրյալին, նրա պաշտպանին, հանրային մեղադրողին:
4.7. Օրենսգրքի 464.10-րդ հոդվածը սահմանում է համաձայնությամբ տուգանք նշանակելու վարույթով դատավճռի բողոքարկման սահմանները, համաձայն որի՝ 1. Սույն օրենսգրքի 464.9-րդ հոդվածին համապատասխան կայացված դատավճիռը կարող է բողոքարկվել սույն օրենսգրքով սահմանված կարգով, սակայն այն չի կարող բողոքարկվել սույն օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով:
4.8. Դատարանն արձանագրում է, որ համաձայնությամբ տուգանք նշանակելու մասին վարույթով մեղադրյալ Գոռ Արսենի Բաղդասարյանը մեղադրվում է առաջին անգամ ոչ մեծ ծանրության մեկ արարք կատարելու համար, նրան մեղսագրվող արարքի համար որպես պատիժ տուգանքը նախատեսված է, մեղսագրվող արարքով մասնավոր անձի վնաս չի պատճառվել, գույքային հայց մեղադրյալի կամ այն անձի դեմ, որի վրա կարող է գույքային պատասխանատվություն դրվել, ներկայացված չէ, մեղադրյալը գրավոր կարգով համաձայնվել է համաձայնությամբ իր նկատմամբ որպես պատիժ տուգանք նշանակելուն, հսկող դատախազի կողմից մեղադրական եզրակացությունը հաստատելիս՝ չի առարկել համաձայնությամբ տուգանք նշանակելու վարույթի կիրառման դեմ:
4.9.Դատարանն արձանագրում է, որ համաձայնությամբ տուգանք նշանակելու վարույթի արդյունքում մեղադրական դատավճիռ կայացնելիս՝ Դատարանը նշանակում է պատիժ՝ հաշվի առնելով ՀՀ քրեական օրենսգրքի 77-րդ հոդվածի վերաբերելի դրույթները:
4.10. ՀՀ քրեական օրենսգրքի 77-րդ հոդվածը սահմանում է պատիժ նշանակելը համաձայնեցման կամ համագործակցության կամ արագացված կամ համաձայնությամբ տուգանք նշանակելու վարույթի դեպքում, համաձայն որի՝ (…) 6. Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը` առանց լրացուցիչ պատիժ և անվտանգության միջոց նշանակելու (…):
4.11. ՀՀ քրեական օրենսգրքի 457-րդ հոդվածի 1-ին մասը պատասխանատվություն է սահմանում 1. Պետական կամ տեղական ինքնակառավարման մարմնի կամ դրանց կազմակերպության, առևտրային կամ այլ կազմակերպության, անհատ ձեռնարկատիրոջ, նոտարի, աուդիտորի կամ փաստաթուղթ կազմելու, տալու կամ դրա իսկությունը հավաստելու համար լիազորված այլ անձի կողմից տրվող իրավաբանական նշանակություն ունեցող փաստ հավաստող կամ իրավունք վերապահող կամ պարտականությունից կամ պատասխանատվությունից ազատող փաստաթուղթ կեղծելը` կեղծողի կողմից անձամբ կամ այլ անձի կողմից այն օգտագործելու կամ իրացնելու նպատակով, կամ այդպիսի փաստաթուղթ իրացնելը կամ նույն նպատակով կեղծ դրոշմ, կնիք կամ ձևաթուղթ պատրաստելը կամ իրացնելը, ինչպես նաև կեղծ փաստաթուղթ օգտագործելը` պատժվում է տուգանքով` առավելագույնը քսանապատիկի չափով, կամ հանրային աշխատանքներով` ութսունից հարյուր հիսուն ժամ տևողությամբ, կամ կարճաժամկետ ազատազրկմամբ` առավելագույնը երկու ամիս ժամկետով, կամ ազատազրկմամբ` առավելագույնը երկու տարի ժամկետով (…):
4.12. ՀՀ քրեական օրենսգրքի 3-րդ հոդվածի 2-րդ մասը սահմանում է առաջին անգամ հանցանք կատարած անձ հասկացությունը, համաձայն որի՝ առաջին անգամ հանցանք կատարած անձ, որը նախկինում հանցանք չի կատարել կամ կատարել է, սակայն ազատվել է քրեական պատասխանատվությունից, կամ որի դատվածությունը սույն օրենսգրքով սահմանված կարգով մարվել կամ վերացվել է:
4.13. ՀՀ քրեական օրենսգրքի 59-րդ հոդվածի համաձայն՝ Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով: (…) Տուգանքը վճարելուց խուսափելու դեպքում բռնագանձվում է դատարանի որոշած տուգանքի չափին համարժեք գույք, եթե այդպիսին առկա է: Եթե այդպիսի գույք առկա չէ, ապա տուգանքը փոխարինվում է ազատազրկմամբ` ազատազրկման 3 օրը հաշվարկելով նվազագույն աշխատավարձի դիմաց:
4.14. Վերոգրյալ հոդվածից Դատարանն արձանագրում է, որ ազատազրկման 3 օրը հավասար է նվազագույն աշխատավարձի չափին:
4.15. ՀՀ քրեական օրենսգրքի 79-րդ հոդվածի համաձայն՝ (…) 4. Անազատության մեջ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, զինվորական ծառայության մեջ սահմանափակման ձևով հիմնական պատիժ նշանակելիս դատարանը, հաշվի առնելով մինչև դատավճիռ կայացնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը, մեղմացնում է նշանակված պատիժը կամ ազատում է պատիժը կրելուց: (…)
4.16. Սույն պայմաններում Դատարանն արձանագրում է, որ մեղադրյալը քրեական վարույթի նախաքննության ընթացքում 1 օր գտնվել է անազատության մեջ, ուստի ՀՀ քրեական օրենսգրքի 79-րդ հոդվածի 4-րդ մասի համաձայն, հիմք ընդունելով 59-րդ հոդվածի 11-րդ մասով նախատեսված ազատազրկման և տուգանքի հաշվարկման հավասարումը, գտնում է, որ մեղադրյալ Արմեն Սերյոժայի Ավետիսյանի նկատմամբ նշանակվող պատիժը պետք է մեղմացվի և որպես վերջնական պատիժ պետք է նշանակվի տուգանք՝ 350.000 ՀՀ դրամի չափով (հանցանք կատարելու պահին նվազագույն աշխատավարձի չափը եղել է 75.000 ՀՀ դրամ, տուգանք նշանակվում է 5-ապատիկի՝ 375.000 ՀՀ դրամի չափով, անազատության 3 օրը հավասար է 75.000 ՀՀ դրամի չափին, համապատասխանաբար անազատության 1 օրը հավասար է 25.000 ՀՀ դրամի չափին, նշանակված 375.000 ՀՀ դրամից 25.000 ՀՀ դրամ հանելու դեպքում վերջնական պատիժ պետք է նշանակել 350.000 ՀՀ դրամի չափով):
4.17. Անդրադառնալով կիրառված խափանման միջոց բացակայելու արգելքին՝ Դատարանը գտնում է, որ այն ընտրված է ճիշտ, դա փոփոխելու հիմքերը բացակայում են, այն պետք է թողնել անփոփոխ մինչև դատավճիռը օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո այն ենթակա է վերացման:
4.18. Անդրադառնալով իրեղեն ապացույց ճանաչված՝ Գոռ Բաղդասարյանի մոտից անձնական խուզարկությամբ հայտնաբերված 274 համարի կեղծ հատուկ կտրոնի պահպանության հարցը՝ Դատարանը գտնում է, որ դատավճիռն օրինական ուժի մեջ մտնելուց հետո այն ենթակա է վերադարձման ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժին՝ թիվ 12116225 քրեական վարույթին կցելու համար:
4.19. Համաձայնությամբ տուգանք նշանակելու վարույթով ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից բռնագանձման ենթակա չեն:
5. Դատարանի եզրահանգումը.
Ղեկավարվելով ՀՀ քրեական դատավարության օրենսգրքի 55.2-րդ գլխի կարգավորումներով, ղեկավարվելով ՀՀ քրեական դատավարության օրենսգրքի 347-350-րդ հոդվածներով՝ Դատարանը․

Վ Ճ Ռ Ե Ց

1. Գոռ Արսենի Բաղդասարյանին մեղավոր ճանաչել ՀՀ քրեական օրենսգրքի 457-րդ հոդվածի 1-ին մասով նախատեսված արարք կատարելու համար:
2. ՀՀ քրեական օրենսգրքի 457-րդ հոդվածի 1-ին մասով նախատեսված հանցագործության կատարման համար Գոռ Արսենի Բաղդասարյանի նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
3. ՀՀ քրեական օրենսգրքի 79-րդ հոդվածի 4-րդ մասի համաձայն՝ Գոռ Արսենի Բաղդասարյանի նկատմամբ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը մեղմացնել՝ հաշվակցելով նախաքննության ընթացքում անազատության մեջ գտնվելու 1 (մեկ) օր ժամկետը և որպես վերջնական պատիժ նշանակել տուգանք՝ 350.000 (երեք հարյուր հիսուն հազար) ՀՀ դրամի չափով:
4. Գոռ Արսենի Բաղդասարյանի նկատմամբ ընտրված խափանման միջոց բացակայելու արգելքը թողնել անփոփոխ մինչև դատավճռի օրինական ուժի մեջ մտնելը:
5. Գոռ Արսենի Բաղդասարյանին թույլատրել նշանակված պատիժը տուգանքի ձևով վճարել 12 ամսվա ընթացքում:
6. Իրեղեն ապացույց ճանաչված՝ Գոռ Արսենի Բաղդասարյանի մոտից անձնական խուզարկությամբ հայտնաբերված 274 համարի կեղծ հատուկ կտրոնի պահպանության հարցը՝ Դատարանը գտնում է, որ դատավճիռն օրինական ուժի մեջ մտնելուց հետո այն ենթակա է վերադարձման ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժին՝ թիվ 12116225 քրեական վարույթին կցելու համար:
7. Դատավճիռը կարող է բողոքարկվել ՀՀ վերաքննիչ քրեական դատարան դատական ակտը ստանալու օրվանից հետո` մեկամսյա ժամկետում, բացառությամբ՝ չի կարող բողոքարկվել ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ