ԵԴ1/0359/01/25
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025 թվականի փետրվարի 10-ին Երևան քաղաքում

Երևան քաղաքի առաջին ատյանի ընդհանուր իրավասության քրեական
դատարանը (այսուհետ նաև` Դատարան)` հետևյալ կազմով

Նախագահությամբ դատավոր՝ Տիգրան Ոսկանյանի
Քարտուղարությամբ՝ Սյուզաննա Բադալյանի
Մասնակցությամբ
Մեղադրող՝ Սամինե Պետրոսյանի
Տուժողներ՝ Մագդա Սարգսյանի
Վարդուհի Մանուկյանի
Պաշտպան՝ Մարիամ Աղաբեկյանի
Մեղադրյալ` Սերյոժա Ավետիսյանի

Դռնբաց դատական նիստում, արագացված վարույթի կիրառմամբ, քննեց քրեական գործն ըստ մեղադրանքի Սերյոժա Նորայրի Ավետիսյանի (ծնված 09.05.1990 թվականին՝ Երևան քաղաքում, ազգությամբ հայ, ՀՀ քաղաքացի, վեցամյա կրթությամբ, չամուսնացած, դատվածություն չունեցող, չի աշխատում, հաշվառման և բնակության վայրի հասցե չունեցող) 2 դրվագ ՀՀ քրեական օրենսգրքի 254-րդ հոդվածի 1-ին մասով,
1.Գործի դատավարական նախապատմությունը.
2024 թվականի հուլիսի 17-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում նախաձեռնվել է թիվ 16180824 քրեական վարույթը (հատոր 1-ին, գ.թ. 1):
2024 թվականի հուլիսի 17-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16180824 քրեական վարույթով Վարդուհի Մանուկյանը ճանաչվել է տուժող (հատոր 1-ին, գ.թ. 16):
2024 թվականի օգոստոսի 05-ին, ժամը՝ 22:10-ին՝ հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է Սերյոժա Նորայրի Ավետիսյանը (հատոր 1-ին, գ.թ. 35-36):
2024 թվականի օգոստոսի 05-ին, ժամը՝ 23:10-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16180824 քրեական վարույթով հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է Սերյոժա Նորայրի Ավետիսյանը (հատոր 1-ին, գ.թ. 26):
2024 թվականի օգոստոսի 07-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ Սերյոժա Նորայրի Ավետիսյանը ազատ է արձակվել ձերբակալումից՝ անձին անազատության մեջ պահելու անհրաժեշտությունը վերանալու հիմքով (հատոր 1-ին, գ.թ. 52):
2024 թվականի սեպտեմբերի 30-ին՝ Երևան քաղաքի Մալաթիա-Սեբաստիա վարչական շրջանի դատախազության դատախազ Ա.Ոսկանյանի որոշմամբ՝ թիվ 16180824 քրեական վարույթով Սերյոժա Նորայրի Ավետիսյանի նկատմամբ ՀՀ քրեական օրենսգրքի 254-րդ հոդվածի 1-ին մասով հարուցվել է հանրային քրեական հետապնդում (հատոր 1-ին, գ.թ. 73-74):
2024 թվականի հոկտեմբերի 03-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16180824 քրեական վարույթով մեղադրյալ Սերյոժա Նորայրի Ավետիսյանի նկատմամբ որպես խափանման միջոց է կիրառվել այլընտրանքային խափանման միջոց բացակայելու արգելքը (հատոր 1-ին, գ.թ. 79-81):
2024 թվականի հոկտեմբերի 03-ին, ժամը՝ 22:15-ին՝ հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է Սերյոժա Նորայրի Ավետիսյանը (հատոր 1-ին, գ.թ. 85):
2024 թվականի հոկտեմբերի 04-ին, ժամը՝ 00:36-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16180824 քրեական վարույթով հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է Սերյոժա Նորայրի Ավետիսյանը (հատոր 1-ին, գ.թ. 97-98):
2024 թվականի հոկտեմբերի 05-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ Սերյոժա Նորայրի Ավետիսյանը ազատ է արձակվել ձերբակալումից՝ անձին անազատության մեջ պահելու անհրաժեշտությունը վերանալու հիմքով (հատոր 1-ին, գ.թ. 100):
2024 թվականի հոկտեմբերի 09-ին՝ Երևան քաղաքի Մալաթիա-Սեբաստիա վարչական շրջանի դատախազության դատախազ Մ.Խաչատրյանի որոշմամբ՝ թիվ 16180824 քրեական վարույթով մեղադրյալ Սերյոժա Նորայրի Ավետիսյանի նկատմամբ ՀՀ քրեական օրենսգրքի 254-րդ հոդվածի 1-ին մասով հարուցված հանրային քրեական հետապնդման ժամկետը կասեցվել է ՀՀ քրեական դատավարության օրենսգրքի 193-րդ հոդվածի 2-րդ մասի 1-ին կետով նախատեսված հիմքով (հատոր 1-ին, գ.թ. 105-106):
2024 թվականի նոյեմբերի 21-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում նախաձեռնվել է թիվ 16842624 քրեական վարույթը (հատոր 1-ին, գ.թ. 156-157):
2024 թվականի նոյեմբերի 21-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանի որոշմամբ՝ թիվ 16842624 քրեական վարույթով Մագդա Սարգսյանը ճանաչվել է տուժող (հատոր 1-ին, գ.թ. 165-166):
2024 թվականի նոյեմբերի 21-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում նախաձեռնվել է թիվ 16842024 քրեական վարույթը (հատոր 1-ին, գ.թ. 184-185):
2024 թվականի նոյեմբերի 21-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Ա.Վարոսյանի որոշմամբ՝ թիվ 16842024 քրեական վարույթով Գևորգ Համբարձումյանը ճանաչվել է տուժող (հատոր 1-ին, գ.թ. 195):
2024 թվականի նոյեմբերի 22-ին՝ հետախուզման մեջ գտնվող մեղադրյալ Սերյոժա Նորայրի Ավետիսյանը հայտնաբերվել և ներկայացվել է ՀՀ ՆԳՆ ոստիկանության ՀՈԳՎ Մալաթիայի բաժին (հատոր 1-ին, գ.թ. 111):
2024 թվականի նոյեմբերի 22-ին՝ Երևան քաղաքի Մալաթիա-Սեբաստիա վարչական շրջանի դատախազության դատախազ Ա.Ոսկանյանի որոշմամբ՝ թիվ 16180824 քրեական վարույթով մեղադրյալ Սերյոժա Նորայրի Ավետիսյանի նկատմամբ ՀՀ քրեական օրենսգրքի 254-րդ հոդվածի 1-ին մասով հարուցված հանրային քրեական հետապնդման կասեցված ժամկետը վերսկսվել է՝ ՀՀ քրեական դատավարության օրենսգրքի 193-րդ հոդվածի 2-րդ մասի 1-ին կետով նախատեսված հիմքը վերանալու կապակցությամբ (հատոր 1-ին, գ.թ. 124-125):
2024 թվականի նոյեմբերի 22-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում նախաձեռնվել է թիվ 16843324 քրեական վարույթը (հատոր 1-ին, գ.թ. 126):
2024 թվականի նոյեմբերի 22-ին, ժամը՝ 20:05-ին՝ հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է Սերյոժա Նորայրի Ավետիսյանը (հատոր 1-ին, գ.թ. 132):
2024 թվականի նոյեմբերի 22-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16843324 քրեական վարույթով Էդուարդ Հախումյանը ճանաչվել է տուժող (հատոր 1-ին, գ.թ. 136):
2024 թվականի նոյեմբերի 22-ին, ժամը՝ 22:10-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16843324 քրեական վարույթով հանցանք կատարած լինելու անմիջականորեն ծագած հիմնավոր կասկածի հիմքով ձերբակալվել է Սերյոժա Նորայրի Ավետիսյանը (հատոր 1-ին, գ.թ. 145-146):
2024 թվականի նոյեմբերի 22-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16843324 և թիվ 16180824 քրեական վարույթները միացվել են, միացված վարույթին շնորհվել է 16180824 համարը (հատոր 1-ին, գ.թ. 152-154):
2024 թվականի նոյեմբերի 23-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16842624 և թիվ 16180824 քրեական վարույթները միացվել են, միացված վարույթին շնորհվել է 16180824 համարը (հատոր 1-ին, գ.թ. 179-182):
2024 թվականի նոյեմբերի 23-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16842024 և թիվ 16180824 քրեական վարույթները միացվել են, միացված վարույթին շնորհվել է 16180824 համարը (հատոր 1-ին, գ.թ. 209-212):
2024 թվականի նոյեմբերի 24-ին՝ Երևան քաղաքի Մալաթիա-Սեբաստիա վարչական շրջանի դատախազության դատախազ Ա.Ոսկանյանի որոշմամբ՝ թիվ 16180824 քրեական վարույթով Սերյոժա Նորայրի Ավետիսյանի նկատմամբ 4 դրվագ ՀՀ քրեական օրենսգրքի 254-րդ հոդվածի 1-ին մասով հարուցվել է հանրային քրեական հետապնդում (հատոր 1-ին, գ.թ. 231-232):
2024 թվականի նոյեմբերի 24-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ Սերյոժա Նորայրի Ավետիսյանը ազատ է արձակվել ձերբակալումից՝ անձին անազատության մեջ պահելու անհրաժեշտությունը վերանալու հիմքով (հատոր 1-ին, գ.թ. 238-241):
2024 թվականի նոյեմբերի 24-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի կողմից կայացվել է խափանման միջոցի պայմանները խախտած մեղադրյալ Սերյոժա Նորայրի Ավետիսյանին ձերբակալելու մասին որոշում (հատոր 1-ին, գ.թ. 242-247):
2024 թվականի նոյեմբերի 24-ին, ժամը՝ 16:05-ին՝ թիվ 16180824 քրեական վարույթով խափանման միջոցի պայմանները խախտած մեղադրյալ Սերյոժա Նորայրի Ավետիսյանը ձերբակալվել է (հատոր 1-ին, գ.թ. 249-250):
Երևան քաղաքի առաջին ատյանի ընդհանուր իրավասության քրեական դատարանի 25.11.2024 թվականի թիվ ԵԴ1/2030/06/24 որոշմամբ՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի միջնորդությունը բավարարվել է, թիվ 16180824 քրեական վարույթով մեղադրյալ Սերյոժա Նորայրի Ավետիսյանի նկատմամբ որպես խափանման միջոց է կիրառվել կալանքը՝ 2 (երկու) ամիս ժամկետով՝ կալանքի սկիզբը հաշվելով 24.11.2024 թվականից (հատոր 2-րդ, գ.թ. 55-65):
2024 թվականի դեկտեմբերի 10-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում նախաձեռնվել է թիվ 16854224 քրեական վարույթը (հատոր 2-րդ, գ.թ. 68):
2024 թվականի դեկտեմբերի 10-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16854224 քրեական վարույթով Վարդուհի Մանուկյանը ճանաչվել է տուժող (հատոր 2-րդ, գ.թ. 73):
2024 թվականի դեկտեմբերի 16-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16854224 և թիվ 16180824 քրեական վարույթները միացվել են, միացված վարույթին շնորհվել է 16180824 համարը (հատոր 2-րդ, գ.թ. 83-86):
2025 թվականի հունվարի 20-ին՝ Երևան քաղաքի Մալաթիա-Սեբաստիա վարչական շրջանի դատախազության ավագ դատախազ Ս.Պետրոսյանի որոշմամբ՝ թիվ 16180824 քրեական վարույթով Սերյոժա Նորայրի Ավետիսյանի նկատմամբ 5 դրվագ ՀՀ քրեական օրենսգրքի 254-րդ հոդվածի 1-ին մասով հարուցվել է հանրային քրեական հետապնդում (հատոր 2-րդ, գ.թ. 143-144):
Երևան քաղաքի առաջին ատյանի ընդհանուր իրավասության քրեական դատարանի 21.01.2025 թվականի թիվ ԵԴ1/2030/06/24 որոշմամբ՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի միջնորդությունը բավարարվել է, թիվ 16180824 քրեական վարույթով մեղադրյալ Սերյոժա Նորայրի Ավետիսյանի նկատմամբ որպես խափանման միջոց կիրառված կալանքի ժամկետը երկարաձգվել է 22 (քսաներկու) օր ժամկետով՝ մինչև 13.02.2025 թվականը (հատոր 2-րդ, գ.թ. 150-161):
2025 թվականի հունվարի 22-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնում նախաձեռնվել է թիվ 16113625 քրեական վարույթը (հատոր 2-րդ, գ.թ. 175-178):
2025 թվականի հունվարի 22-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16113625 և թիվ 16180824 քրեական վարույթները միացվել են, միացված վարույթին շնորհվել է 16180824 համարը (հատոր 2-րդ, գ.թ. 182-186):
2025 թվականի հունվարի 22-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժնի քննիչ Գ.Գաբրիելյանի որոշմամբ՝ թիվ 16180824 քրեական վարույթից մաս է անջատվել, անջատված մասին շնորհվել է 16113725 համարը (հատոր 2-րդ, գ.թ. 188-193):
2025 թվականի հունվարի 27-ին՝ Երևան քաղաքի Մալաթիա-Սեբաստիա վարչական շրջանի դատախազության ավագ դատախազ Ս.Պետրոսյանի որոշմամբ՝ թիվ 16180824 քրեական վարույթով Սերյոժա Նորայրի Ավետիսյանի նկատմամբ 2 դրվագ ՀՀ քրեական օրենսգրքի 254-րդ հոդվածի 1-ին մասով հարուցվել է հանրային քրեական հետապնդում (հատոր 2-րդ, գ.թ. 244-246):
Թիվ 16180824 քրեական վարույթի նյութերն ըստ մեղադրանքի Սերյոժա Նորայրի Ավետիսյանի՝ 2 դրվագ ՀՀ քրեական օրենսգրքի 254-րդ հոդվածի 1-ին մասով, 2025 թվականի հունվարի 27-ի գրությամբ Երևան քաղաքի Մալաթիա-Սեբաստիա վարչական շրջանի դատախազությունից ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 27.01.2025 թվականին և նույն օրն էլ համակարգչային ծրագրի միջոցով իրականացվող գործերի բաշխմամբ, գործը մակագրվել է դատավոր Տիգրան Ոսկանյանին:
Քրեական գործին շնորհվել է թիվ ԵԴ1/0359/01/25 համարը:
Քրեական գործը դատավորին հանձնվել է 2025 թվականի հունվարի 29-ին։
2025 թվականի հունվարի 31-ին որոշում է կայացվել Սերյոժա Նորայրի Ավետիսյանի վերաբերյալ 2 դրվագ ՀՀ քրեական օրենսգրքի 254-րդ հոդվածի 1-ին մասով թիվ ԵԴ1/0359/01/25 քրեական գործը վարույթ ստանձնելու և նախնական դատալսումների նշանակելու մասին:
Նախնական դատալսումների ընթացքում Դատարանը, անդրադառնալով ՀՀ քրեական դատավարության օրենսգրքի 316-րդ հոդվածով նախատեսված հարցին, որոշում է կայացրել մեղադրյալի նկատմամբ մինչդատական վարույթի ընթացքում ընտրված խափանման միջոցի` կալանքի ժամկետը 1 (մեկ) ամիս ժամկետով՝ մինչև 2025 թվականի մարտի 13-ը երկարաձգելու վերաբերյալ:
2.Մեղադրանքի փաստական նկարագրությունը.
Սերյոժա Նորայրի Ավետիսյանի նկատմամբ 2 դրվագ ՀՀ քրեական օրենսգրքի 254-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա «2024թ. հուլիսի 17-ին՝ ժամը 00:08-ի սահմաններում, գաղտնի հափշտակություն կատարելու դիտավորությամբ Երևան քաղաքի Օհանովի փողոցի 4-րդ շենքի դիմաց կայանված ավտոմեքենայից հափշտակել է զույգ կողային հայելիները, բացի այդ, 2024թ. նոյեմբերի 20-ից մինչև նոյեմբերի 21-ն ընկած ժամանակահատվածում ուրիշի գույքը գաղտնի հափշտակելու մեկ միասնական դիտավորությամբ չորս տարբեր ավտոմեքենաներից գաղտնի հափշտակել է կողային և հետին տեսանելիության հայելիներ:
Այսպես.
Սերյոժա Նորայրի Ավետիսյանը 2024թ. հուլիսի 17-ի՝ ժամը 00:08-ի սահմաններում, գաղտնի հափշտակություն կատարելու դիտավորությամբ Երևան քաղաքի Օհանովի փողոցի 4-րդ շենքի դիմաց կայանված, Վարդուհի Գևորգի Մանուկյանին սեփականության իրավունքով պատկանող և վերջինիս կողմից շահագործվող «Ֆորդ Ֆյուժն 2.5» մակնիշի 37 ZS 062 հաշվառման համարանիշի ավտոմեքենայի վրայից հանելու եղանակով գաղտնի հափշտակել է 44.000 ՀՀ դրամ արժողությամբ զույգ կողային հայելիները՝ ապօրինի, անհատույց դարձնելով իրենը և հեռացել է նշված տարածքից՝ այդ կերպ ապօրինաբար տնօրինելով հափշտակված գույքը:
Բացի այդ, Սերյոժա Նորայրի Ավետիսյանը 2024թ. նոյեմբերի 20-ին՝ ժամը 21:00-ից մինչև 2024թ. նոյեմբերի 21-ը՝ ժամը 09:00-ն ընկած ժամանակահատվածում, գաղտնի հափշտակություն կատարելու միասնական դիտավորությամբ Երևան քաղաքի Անդրանիկի փողոցի 45-րդ շենքի դիմաց կայանված, նույն շենքի բնակիչ Էդուարդ Ֆելիքսի Հախումյանին սեփականության իրավունքով պատկանող և վերջինիս կողմից շահագործվող «Հյունդայի Էլանտրա 2.01» մակնիշի 77 IJ 277 հաշվառման համարանիշի ավտոմեքենայի վրայից հանել է 50.000 ՀՀ դրամ արժողությամբ զույգ հետին տեսանելիության հայելիները՝ ապօրինի, անհատույց դարձնելով իրենը և հեռացել է նշված տարածքից՝ այդ կերպ ապօրինաբար տնօրինելով հափշտակված գույքը:
Բացի այդ, Սերյոժա Նորայրի Ավետիսյանը, շարունակելով միասնական դիտավորության մեջ ընդգրկված արարքը, 2024թ. նոյեմբերի 20-ին՝ ժամը 20:00-ից մինչև 2024թ. նոյեմբերի 21-ը՝ ժամը 17:00-ն ընկած ժամանակահատվածում, Երևան քաղաքի Անդրանիկի փողոցի 63-րդ շենքի դիմաց կայանված, նույն շենքի բնակիչ Մագդա Ալեքսեյի Սարգսյանին սեփականության իրավունքով պատկանող և վերջինիս կողմից շահագործվող «Մինի Կուպեր էս 1.6» մակնիշի, 76 MA 543 հաշվառման համարանիշի ավտոմեքենայի վրայից հանել է 40.000 ՀՀ դրամ արժողությամբ զույգ հետին տեսանելիության հայելիները՝ դրանք տաքացնող դետալների հետ միասին և դիմացի զույգ լուսարձակների վրայի նիկելապատ շրջանակները՝ ապօրինի, անհատույց դարձնելով իրենը և հեռացել է նշված տարածքից՝ այդ կերպ ապօրինաբար տնօրինելով հափշտակված գույքը:
Բացի այդ, Սերյոժա Նորայրի Ավետիսյանը, շարունակելով միասնական դիտավորության մեջ ընդգրկված արարքը, 2024թ. նոյեմբերի 20-ին՝ ժամը 20:00-ից մինչև 2024թ. նոյեմբերի 21-ը՝ ժամը 08:30-ն ընկած ժամանակահատվածում, Երևան քաղաքի Անդրանիկի փողոցի 38-րդ շենքի բակում կայանված Սևակ Սևադայի Մովսիսյանին սեփականության իրավունքով պատկանող և վերջինիս կողմից շահագործվող «Ջիպ կոմպաս» մակնիշի 37 OQ 307 հաշվառման համարանիշի ավտոմեքենայի վրայից հանել է 28.000 ՀՀ դրամ արժողությամբ ավտոմեքենայի հետևի տեսանելիության համար նախատեսված զույգ հայելիների ապակիները՝ ապօրինի, անհատույց դարձնելով իրենը և հեռացել է նշված տարածքից՝ այդ կերպ ապօրինաբար տնօրինելով հափշտակված գույքը։
Բացի այդ, Սերյոժա Նորայրի Ավետիսյանը, շարունակելով միասնական դիտավորության մեջ ընդգրկված արարքը, 2024թ. նոյեմբերի 20-ին՝ ժամը 18:30-ից մինչև 2024թ. նոյեմբերի 21-ը՝ ժամը 10:30-ն ընկած ժամանակահատվածում, Երևան քաղաքի Իսակով փողոցի 30-րդ շենքի դիմաց կայանված, Գեղարքունիքի մարզի Արծվանիստ բնակավայրի բնակիչ Գևորգ Ջոնիկի Համբարձումյանին սեփականության իրավունքով պատկանող և վերջինիս կողմից շահագործվող «Մերսեդես-Բենց» մակնիշի 37 NG 034 հաշվառման համարանիշի ավտոմեքենայի վրայից հանել է 100.000 ՀՀ դրամ արժողությամբ՝ փոխարկիչը և աջակողմյան հետին տեսանելիության հայելին՝ ապօրինի, անհատույց դարձնելով իրենը և հեռացել է նշված տարածքից՝ այդ կերպ ապօրինաբար տնօրինելով հափշտակված գույքը»:
3.Արագացված վարույթ.
Մինչև հիմնական դատալսումները սկսելը Սերյոժա Նորայրի Ավետիսյանը ներկայացրեց արագացված վարույթ կիրառելու միջնորդություն, հայտնելով որ համաձայն է իրեն մեղսագրվող արարքին, միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է միջնորդության բնույթը և հետևանքները:
Տուժողներ Մ.Սարգսյանը և Վ.Մանուկյանը չառարկեցին արագացված վարույթ կիրառելու դեմ:
Տուժողներ Է.Հախումյանը, Գ.Համբարձումյանը և Ս.Մովսիսյանը 07.02.2025 թվականին հեռախոսազանգի ընթացքում հայտնել են, որ մեղադրյալի նկատմամբ գույքային հայց, բողոք-պահանջ չունեն, արագացված կամ համաձայնեցված վարույթ կիրառելու դեմ չեն առարկում (տե՛ս քրեական գործի նյութեր):
Հանրային մեղադրող Ս.Պետրոսյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1 հոդվածի 1-ին մասով նախատեսված հիմքը, բացակայում են նույն օրենսգրքի 464.1 հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու վերաբերյալ միջնորդությունը և գործով ձեռք բերված ապացույցների ընդհանուր կարգով սահմանված հետազոտություն չկատարելով, որոշում կայացրեց լրացուցիչ դատալսումներ անցկացնելու մասին։
4.Դատարանի իրավական վերլուծությունը.
ՀՀ քրեական դատավարության օրենսգրքի 464.4 հոդվածի 1-ին մասի համաձայն՝ արագացված վարույթի արդյունքով դատարանը կայացնում է մեղադրական դատավճիռ՝ հաշվի առնելով սույն օրենսգրքի 347-350-րդ հոդվածներով սահմանված կարգով՝ հաշվի առնելով սույն հոդվածով նախատեսված առանձնահատկությունները:
Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, հիմք ընդունելով մեղադրանքն ամբողջ ծավալով մեղադրյալ Սերյոժա Նորայրի Ավետիսյանի կողմից կամովին ու գիտակցաբար ընդունելու և դրա հետ համաձայն լինելու փաստերը, հանգում է այն հետևության, որ նա մեղավորությամբ կատարել է 2 դրվագ ՀՀ քրեական օրենսգրքի 254-րդ հոդվածի 1-ին մասով իրեն մեղսագրվող արարքները, դրանք կատարելու համար ենթակա է քրեական պատասխանատվության ու պատժի:
ՀՀ քրեական դատավարության օրենսգրքի 348-րդ հոդվածի համաձայն՝ ի թիվս այլի դատավճռում պետք է շարադրվեն հետևյալ հարցերի պատասխանները․
-ապացուցված են արդյոք դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
-ինչ պատիժ պետք է նշանակվի դատապարտված մեղադրյալի նկատմամբ.
-դատապարտված մեղադրյալը արդյոք պետք է կրի իր նկատմամբ նշանակված պատիժը։
Նշված հարցերի լուծման ընթացքում դատարանը պետք է ղեկավարվի ՀՀ քրեական օրենսգրքի Ընդհանուր մասի մի շարք դրույթներով:
ՀՀ քրեական օրենսգրքի 7-րդ հոդվածի համաձայն՝ «1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»:
Պատժի նշանակման հիմնական կանոնները սահմանող իրավական նորմերը (2003 թվականի ապրիլի 18-ին ընդունված ՀՀ քրեական օրենսգիրք) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում:
Նշված որոշումներում Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
Այսպիսով, պատիժ նշանակելիս դատարանը, ի թիվս այլ հանգամանքների, պետք է հաշվի առնի արարքի հանրային վտանգավորության աստիճանը և բնույթը: Հանցագործության այս հատկանիշներին Վճռաբեկ դատարանն անդրադարձել է Գ. Մադաթյանի գործով որոշման մեջ՝ իրավական դիրքորոշում արտահայտելով այն մասին, որ «Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության՝ հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում՝ հանցավորի կատարած արարքը և հանցագործությանը նրա մասնակցության աստիճանը» (տե՛ս Գարուշ Մադաթյանի գործով Վճռաբեկ դատարանի 2009 թվականի փետրվարի 17-ի թիվ ԵՇԴ/0029/01/08 որոշման 14-րդ կետը):
Արմեն Սուրիկի Շահբազյանի վերաբերյալ 2014 թվականի օգոստոսի 15-ի ԵՇԴ/0143/01/13 որոշման մեջ ՀՀ վճռաբեկ դատարանը դիրքորոշում է ձևավորել այն մասին, որ «(…) դատարանի կողմից արարքի հանրային վտանգավորության աստիճանի և բնույթի բացահայտումը սերտորեն կապված է պատիժ նշանակելու ընդհանուր սկզբունքների հետ՝ թե՛ արդարացի պատիժ նշանակելու և թե՛ պատժի անհատականացման համատեքստում: Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության աստիճանի գնահատականը տրվում է դատարանի կողմից՝ հանցագործության կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա, և արտահայտվում է կոնկրետ պատժի տեսքով (տե՛ս mutatis mutandis Նարեկ Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 16-17-րդ կետերը): Հանցագործության կատարման եղանակի, գործիքների, միջոցների, պատճառված վնասի չափի և բնույթի (հանրորեն վտանգավոր հետևանքների), հանցավորի մտադրության իրականացման աստիճանի, շարժառիթների, նպատակների բացահայտումը մեծապես ազդում է պատժի տեսակի ընտրության, ինչպես նաև դրա՝ առավել կամ նվազ խիստ լինելու վրա: (…)»:
ՀՀ քրեական օրենսգրքի 254-րդ հոդվածի համաձայն՝
«1. Գողությունը՝ գաղտնի հափշտակությունը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»:
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որում իրավական դիրքորոշում է ձևավորել այն մասին, որ. «(…)այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
(…)Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…)Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
Այսպիսով, նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (հանցագործության` հանրության համար վտանգավորության աստիճանի և բնույթի հարցերի վերաբերյալ մանրամասն տե՛ս Գարուշ Մադաթյանի վերաբերյալ Վճռաբեկ դատարանի 2009 թվականի փետրվարի 17-ի ԵՇԴ/0029/01/08 որոշման 14-րդ կետը)։
Ա.Ավագյանի և Վ.Սահակյանի վերաբերյալ որոշման մեջ ՀՀ վճռաբեկ դատարանը նաև նշել է, որ. «(…) Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա։
Վերոգրյալի հաշվառմամբ՝ Դատարանը, որպես մեղադրյալ Սերյոժա Նորայրի Ավետիսյանի անձը բնութագրող, պատասխանատվությունը և պատիժը մեղմացնող հանգամանքներ է արձանագրում՝ մեղքն ամբողջությամբ ընդունելը, դատվածություն չունենալը:
Միաժամանակ, Դատարանն արձանագրում է, որ մեղադրյալ Սերյոժա Նորայրի Ավետիսյանի պատասխանատվությունը և պատիժը ծանրացնող հանգամանքներ առկա չեն:
ՀՀ վճռաբեկ դատարանի իրավական դիրքորոշումների լույսի ներքո անդրադառնալով սույն գործով մեղադրյալի նկատմամբ նշանակվող պատժի տեսակին, Դատարանը հարկ է համարում արձանագրել, որ ՀՀ քրեական օրենսգրքի 254-րդ հոդվածի 1-ին մասի սանկցիայի վերլուծությունից երևում է, որ այն այլընտրանքային է և հնարավորություն է տալիս դատարանին, ելնելով կոնկրետ կատարված հանցագործության հանրային վտանգավորության բնույթից և աստիճանից, հանցավորի անձից, քրեական պատասխանատվությունը և պատիժը մեղմացնող և ծանրացնող հանգամանքներից, ինչպես նաև գործի այլ տվյալներից, հանցանք կատարած անձի նկատմամբ նշանակել պատիժ՝ ընտրելով հոդվածի սանկցիայով նախատեսված պատժատեսակներից որևէ մեկը՝ տուգանք, հանրային աշխատանքներ, ազատության սահմանափակում, կարճաժամկետ ազատազրկում կամ ազատազրկում:
Վերոգրյալ իրավադրույթների, դրանց վերլուծության արդյունքում ձևավորված դատողությունների և ՀՀ վճռաբեկ դատարանի իրավական դիրքորոշումների լույսի ներքո գնահատելով մեղադրյալ Սերյոժա Նորայրի Ավետիսյանի կատարած հանցագործության բնույթը և հանրության համար վտանգավորության աստիճանը, խախտված հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող, պատասխանատվությունն ու պատիժը մեղմացնող հանգամանքի, ինչպես նաև ծանրացնող որևէ հանգամանքի բացակայության փաստի հետ՝ Դատարանը հանգում է այն հետևության, որ Սերյոժա Նորայրի Ավետիսյանի նկատմամբ ՀՀ քրեական օրենսգրքի 254-րդ հոդվածի 1-ին մասով (2024թ. հուլիսի 17-ի դրվագով) նախատեսված հանցագործության կատարման համար պատիժ պետք է նշանակել կարճաժամկետ ազատազրկման ձևով՝ 15 (տասնհինգ) օր ժամկետով, իսկ ՀՀ քրեական օրենսգրքի 254-րդ հոդվածի 1-ին մասով (2024թ. նոյեմբերի 20-ին՝ ժամը 21:00-ից մինչև 2024թ. նոյեմբերի 21-ը՝ ժամը 09:00-ն ընկած ժամանակահատվածի, 2024թ. նոյեմբերի 20-ին՝ ժամը 20:00-ից մինչև 2024թ. նոյեմբերի 21-ը՝ ժամը 17:00-ն ընկած ժամանակահատվածի, 2024թ. նոյեմբերի 20-ին՝ ժամը 20:00-ից մինչև 2024թ. նոյեմբերի 21-ը՝ ժամը 08:30-ն ընկած ժամանակահատվածի և 2024թ. նոյեմբերի 20-ին՝ ժամը 18:30-ից մինչև 2024թ. նոյեմբերի 21-ը՝ ժամը 10:30-ն ընկած ժամանակահատվածի միասնական դիտավորությամբ կատարած հանցանքի համար) նախատեսված հանցագործության կատարման համար պատիժ պետք է նշանակել կարճաժամկետ ազատազրկման ձևով՝ 1 (մեկ) ամիս 15 (տասնհինգ) օր ժամկետով:
Միաժամանակ Դատարանը գտնում է, որ ՀՀ քրեական օրենսգրքի 74-րդ հոդվածով սահմանված կարգով նշանակված պատիժները լրիվ գումարելու միջոցով, մեղադրյալ Սերյոժա Նորայրի Ավետիսյանի նկատմամբ վերջնական պատիժ պետք է նշանակել կարճաժամկետ ազատազրկում 2 (երկու) ամիս ժամկետով:
Դատարանի գնահատմամբ վերոգրյալ պատժի կիրառումն անհրաժեշտ ու բավարար է ՀՀ քրեական օրենսգրքի 55-րդ հոդվածով նախատեսված պատժի նպատակների իրացմանը հասնելու համար: Դատարանը գտնում է, որ դրանից մեղմ պատիժը կլինի անհամաչափ մեղմ ներգործություն ինչպես մեղադրյալի, այնպես էլ նրա կատարած հանցագործության նկատմամբ:
ՀՀ քրեական օրենսգրքի 79-րդ հոդվածի համաձայն՝
«(…) 3. Մինչև դատավճռի օրինական ուժի մեջ մտնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը հաշվակցվում է կարճաժամկետ ազատազրկման, կարգապահական գումարտակում պահելու, ազատազրկման ձևով նշանակված պատժին` 1 օրը հաշվելով 1 օրվա դիմաց, ազատության սահմանափակման ձևով նշանակված պատժին՝ 1 օրը հաշվելով 2 օրվա դիմաց, իսկ հանրային աշխատանքների դեպքում՝ 1 օրը 8 ժամի դիմաց (…)»:
Միաժամանակ, անդրադառնալով ՀՀ քրեական օրենսգրքի 79-րդ հոդվածի 3-րդ մասով սահմանված իրավակարգավորումների և մեղադրյալի նկատմամբ նշանակվող կարճաժամկետ ազատազրկման ձևով պատժի չափին, Դատարանն արձանագրում է, որ մեղադրյալի 2024 թվականի օգոստոսի 05-ից մինչև 2024 թվականի օգոստոսի 07-ը, 2024 թվականի հոկտեմբերի 03-ից մինչև 2024 թվականի հոկտեմբերի 05-ը, 2024 թվականի նոյեմբերի 22-ից մինչև 2024 թվականի նոյեմբերի 24-ը ձերբակալման և 2024 թվականի նոյեմբերի 24-ից մինչև 2025 թվականի փետրվարի 10-ը կալանքի տակ գտնվելու ժամանակահատվածի հաշվառմամբ, անհրաժեշտ է Սերյոժա Նորայրի Ավետիսյանին ազատել 2 (երկու) ամիս ժամկետով կարճաժամկետ ազատազրկման ձևով նշանակված պատիժը կրելուց:
ՀՀ քրեական դատավարության 348-րդ հոդվածի համաձայն դատավճռում պետք է շարադրվեն նաև հետևյալ հարցերի պատասխանները․
- գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
- որ գույքն է ենթակա բռնագրավման, ինչ չափով և ինչպիսի հիմքով․
- վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
- ինչպես պետք է պահպանվեն և տնօրինվեն ապացույցները.
- դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
- ում վրա և ինչ չափով պետք է դրվեն վարութային ծախսերը։
Դատարանն արձանագրում է, որ սույն քրեական գործով գույք բռնագրավելու անհրաժեշտություն, արգելադրված գույք առկա չեն, ուստի դրանց անդրադառնալու անհրաժեշտությունը բացակայում է:
Քննարկելով մեղադրյալ Սերյոժա Նորայրի Ավետիսյանի դեմ սույն քրեական գործի շրջանակներում ներկայացված գույքային հայցերը, Դատարանն արձանագրում է հետևյալը.
ՀՀ քրեական դատավարության օրենսգրքի 159-րդ հոդվածի համաձայն՝ «1. Քրեական վարույթի ընթացքում հատուցման ենթակա են մեղադրյալին վերագրվող արարքի հետևանքով պատճառված հետևյալ վնասները․
1) անմիջականորեն պատճառված գույքային վնասը.
2) կորցված, վնասված կամ ոչնչացված գույքը փոխարինելու կամ նորոգելու համար կատարված ծախսերը.
3) առողջությունը վերականգնելու, ներառյալ լրացուցիչ սննդի, հավելյալ խնամքի համար կատարված ողջամիտ ծախսերը.
4) մահացած տուժողի կամ տուժող ճանաչվելու ենթակա անձի հուղարկավորության, հուշաքարի, տապանաքարի տեղադրման, ինչպես նաև գերեզմանի բարեկարգման համար կատարված ողջամիտ ծախսերը:»:
Հիմք ընդունելով վերոգրյալ իրավակարգավորումները, հաշվի առնելով այն հանգամանքը, որ հատուցման են ենթակա անմիջականորեն պատճառված գույքային վնասը, գնահատելով այդ ծախսերի վերաբերյալ տուժողներ Մ.Սարգսյանի և Վ.Մանուկյանի կողմից ներկայացված գույքային հայցը, Դատարանի գնահատմամբ ողջամիտ է ոչ թե տուժող Մ.Սարգսյանի կողմից ներկայացված 150.000 (հարյուր հիսուն հազար) ՀՀ դրամ և տուժող Վ.Մանուկյանի կողմից ներկայացված 250.000 (երկու հարյուր հիսուն հազար) ՀՀ դրամ գումարի պահանջը, այլ Մ.Սարգսյանի դեպքում՝ 40.000 (քառասուն հազար) ՀՀ դրամ, իսկ Վ.Մանուկյանի դեպքում՝ 44.000 (քառասունչորս հազար) ՀՀ դրամի հանգամանքը: Մասնավորապես՝ Դատարանի նման դիրքորոշման ձևավորման համար հիմք են հանդիսանում տուժողների կողմից ներկայացված գույքային հայցի հիմքում առկա փաստական տվյալները հիմնավորող փաստաթղթերի բացակայությունը և սույն քրեական գործով առկա փորձագետի թիվ 209-ապ-24, թիվ 1595-23 եզրակացությունները:
Վերոգրյալով պայմանավորված՝ Դատարանը գտնում է, որ տուժողներ Մագդա Սարգսյանի և Վարդուհի Մանուկյանի գույքային հայցն ենթակա է բավարարման մասնակի և մեղադրյալ Սերյոժա Նորայրի Ավետիսյանից հօգուտ տուժող Մագդա Սարգսյանի անհրաժեշտ է բռնագանձել 40.000 (քառասուն հազար) ՀՀ դրամ, իսկ մեղադրյալ Սերյոժա Նորայրի Ավետիսյանից հօգուտ տուժող Վարդուհի Մանուկյանի՝ 44.000 (քառասունչորս հազար) ՀՀ դրամ:
Անդրադառնալով իրեղեն ապացույցների տնօրինման և պահպանման հարցին, Դատարանն արձանագրում է, որ սույն քրեական վարույթով Երևան քաղաքի Մալաթիա-Սեբաստիա վարչական շրջանի դատախազությունից 2025 թվականի հունվարի 27-ի գրությամբ Երևան քաղաքի առաջին ատյանի ընդհանուր իրավասության քրեական դատարան թիվ 16180824 քրեական վարույթին կից ուղարկվել է թվով 1 փաթեթ: Լրացուցիչ դատալսումների ընթացքում Դատարան ուղարկված փաթեթի զննությամբ պարզվել է, որ փաթեթում առկա են ավտոմեքենայի թվով 4 կողային հայելիներ: Հաշվի առնելով վերոգրյալը և նկատի ունենալով, որ սույն քրեական վարույթից նախաքննության ընթացքում անջատվել է թիվ 16113725 քրեական վարույթը, Դատարանը գտնում է, որ թիվ 16180824 քրեական վարույթին կից Դատարան ուղարկված թվով 1 փաթեթը՝ ավտոմեքենայի թվով 4 կողային հայելիների պարունակությամբ, դատավճիռն օրինական ուժի մեջ մտնելուց հետո պետք է վերադարձնել ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժին՝ սույն քրեական գործից նախաքննության ընթացքում անջատված թիվ 16113725 քրեական վարույթին կցելու համար:
Քննարկելով մեղադրյալի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված կալանքը պետք է վերացնել՝ դրա անհրաժեշտությունը վերանալու հիմքով:
Հաշվի առնելով այն հանգամանքը, որ արագացված վարույթ կիրառելու պայմաններում վարույթային ծախսերը մեղադրյալից ենթակա չեն բռնագանձման, ուստի Դատարանն այդ հարցը համարում է լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-րդ, 347-350-րդ, 464.1-464.5-րդ հոդվածներով, Դատարանը

Վ Ճ Ռ Ե Ց
Սերյոժա Նորայրի Ավետիսյանին մեղավոր ճանաչել ՀՀ քրեական օրենսգրքի 254-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 1-ին մասով:
Սերյոժա Նորայրի Ավետիսյանին ՀՀ քրեական օրենսգրքի 254-րդ հոդվածի 1-ին մասով պատիժ նշանակել կարճաժամկետ ազատազրկում՝ 15 (տասնհինգ) օր ժամկետով:
Սերյոժա Նորայրի Ավետիսյանին ՀՀ քրեական օրենսգրքի 254-րդ հոդվածի 1-ին մասով պատիժ նշանակել կարճաժամկետ ազատազրկում՝ 1 (մեկ) ամիս 15 (տասնհինգ) օր ժամկետով:
ՀՀ քրեական օրենսգրքի 74-րդ հոդվածով սահմանված կարգով նշանակված պատիժները լրիվ գումարելու միջոցով, մեղադրյալ Սերյոժա Նորայրի Ավետիսյանի նկատմամբ վերջնական պատիժ նշանակել կարճաժամկետ ազատազրկում 2 (երկու) ամիս ժամկետով:
ՀՀ քրեական օրենսգրքի 79-րդ հոդվածի 3-րդ մասի կիրառմամբ Սերյոժա Նորայրի Ավետիսյանի նկատմամբ նշանակված պատժին՝ 2 (երկու) ամիս ժամկետով կարճաժամկետ ազատազրկմանը հաշվակցել Սերյոժա Նորայրի Ավետիսյանի 2024 թվականի օգոստոսի 05-ից մինչև 2024 թվականի օգոստոսի 07-ը, 2024 թվականի հոկտեմբերի 03-ից մինչև 2024 թվականի հոկտեմբերի 05-ը, 2024 թվականի նոյեմբերի 22-ից մինչև 2025 թվականի փետրվարի 10-ը արգելանքի տակ պահվելու 2 (երկու) ամիս 25 (քսանհինգ) օր ժամկետը, Սերյոժա Նորայրի Ավետիսյանին ազատել կարճաժամկետ ազատազրկման ձևով պատիժը կրելուց:
Տուժող Մագդա Սարգսյանի գույքային հայցը բավարարել մասնակի և մեղադրյալ Սերյոժա Նորայրի Ավետիսյանից հօգուտ տուժող Մագդա Սարգսյանի բռնագանձել 40.000 (քառասուն հազար) ՀՀ դրամ:
Տուժող Վարդուհի Մանուկյանի գույքային հայցը բավարարել մասնակի և մեղադրյալ Սերյոժա Նորայրի Ավետիսյանից հօգուտ տուժող Վարդուհի Մանուկյանի բռնագանձել 44.000 (քառասունչորս հազար) ՀՀ դրամ:
Քրեական գործին կից դատարան ուղարկված 1 փաթեթը՝ ավտոմեքենայի թվով 4 կողային հայելիների պարունակությամբ, դատավճիռն օրինական ուժի մեջ մտնելուց հետո վերադարձնել ՀՀ քննչական կոմիտեի Երևան քաղաքի քննչական վարչության Երևան քաղաքի Մալաթիա-Սեբաստիա վարչական շրջանի քննչական բաժին՝ քրեական գործից նախաքննության ընթացքում անջատված թիվ 16113725 քրեական վարույթին կցելու համար:
Սերյոժա Նորայրի Ավետիսյանի նկատմամբ ընտրված կալանք խափանման միջոցը՝ վերացնել:
Սերյոժա Նորայրի Ավետիսյանին անհապաղ ազատ արձակել դատական նիստերի դահլիճից:
Դատավճիռը կարող է բողոքարկվել ՀՀ վերաքննիչ քրեական դատարան` այն ստանալու օրվանից հետո՝ մեկամսյա ժամկետում, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերով:

ԴԱՏԱՎՈՐ ՏԻԳՐԱՆ ՈՍԿԱՆՅԱՆ