ԵԴ1/0345/01/25





Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«07» մայիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)
նախագահող դատավոր՝ Ռազմիկ Մարիկյան
դատական նիստերի քարտուղար՝ Գոռ Բադալյան

մասնակցությամբ`

հանրային մեղադրող Տարոն Մխիթարյանի
մեղադրյալ Սարգիս Ղազարյանի

դռնբաց դատական նիստում քննելով քրեական վարույթն ըստ մեղադրանքի Սարգիս Վարազդատի Ղազարյանի (ծնված՝ 28.01.1958թ., ՀՀ քաղաքացի, միջնակարգ կրթությամբ, ամուսնացած, չի աշխատում, թոշակառու, ունի 3-րդ կարգի հաշմանդամություն, առաջին դրվագով հանցանքի կատարման պահին ունեցել է դատվածություն, երկրորդ և երրորդ դրվագներով հանցանքի կատարման պահին և ներկայում չունի դատվածություն, հաշվառված և փաստացի բնակվում է Երևան քաղաքի Որմնադիրների փողոցի 78/2 տուն հասցեում), մեղադրանք է ներկայացվել 3 (երեք) դրվագ ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է կիրառվել բացակայելու արգելքը,
1. Գործի դատավարական նախապատմությունը.
2022 թվականի հոկտեմբերի 18-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60815422 քրեական վարույթը։
2023 թվականի մարտի 24-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60861524 քրեական վարույթը։
2023 թվականի ապրիլի 21-ի որոշմամբ թիվ 60861524 քրեական վարույթը միացվել է թիվ 60815422 քրեական վարույթին, և նախաքննությունը շարունակվել է թիվ 60861524 համարի ներքո:
2023 թվականի հունիսի 12-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60939023 քրեական վարույթը։
2023 թվականի հունիսի 28-ի որոշմամբ թիվ 60939023 քրեական վարույթը միացվել է թիվ 60815424 քրեական վարույթին, և նախաքննությունը շարունակվել է թիվ 60815424 նախաքննական համարի ներքո:
2024 թվականի դեկտեմբերի 20-ին 3 (երեք) դրվագ ՀՀ քրեական օրենսգրքի 344-րդ հոդվածի 1-ին մասի հատկանիշներով Սարգիս Վարազդատի Ղազարյանի նկատմամբ հարուցվել է հանրային քրեական հետապնդում:
2025 թվականի հունվարի 14-ին ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60815424 նախաքննական համարով քրեական գործը, որին շնորհվել է թիվ ԵԴ1/0345/01/25 համարը։
2025 թվականի հունվարի 29-ին Երևան քաղաքի առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանի կողմից որոշում է կայացվել թիվ ԵԴ1/0345/01/25 քրեական գործով վարույթը ստանձնելու մասին:
2025 թվականի մայիսի 7-ին Դատարանը թիվ ԵԴ1/0345/01/25 քրեական գործով կայացրել է մեղադրական վերդիկտ՝ Սարգիս Վարազդատի Ղազարյանին մեղավոր ճանաչելով 3 (երեք) ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարման մեջ:
2. Մեղադրանքի փաստական նկարագրությունը.
Սարգիս Վարազդատի Ղազարյանին մեղադրանք է ներկայացվել 3 (երեք) ՀՀ քրեական օրենսգրքի 344-րդ հոդվածի 1-ին մասով` այն բանի համար, որ «նա, զրկված լինելով տրանսպորտային միջոց վարելու իրավունքից, 2022 թվականի սեպտեմբերի 29-ին` ժամը 10:10-ի սահմաններում, Երևան քաղաքի Բաղրամյան պողոտայում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180159320 արձանագրությունը:
Այսինքն՝ Սարգիս Վարազդատի Ղազարյանին մեղսագրվում է հանցանք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Սարգիս Վարազդատի Ղազարյանը զրկված լինելով տրանսպորտային միջոց վարելու իրավունքից, 2023 թվականի հունվարի 16-ին` ժամը 17:08-ի սահմաններում, Երևան քաղաքի Դավիթ Անհաղթի փողոցում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180167828 արձանագրությունը:
Այսինքն՝ Սարգիս Վարազդատի Ղազարյանին մեղսագրվում է հանցանք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Սարգիս Վարազդատի Ղազարյանը զրկված լինելով տրանսպորտային միջոց վարելու իրավունքից, 2023 թվականի ապրիլի 6-ին` ժամը 07:40-ի սահմաններում, Երևան քաղաքի Արցախի պողոտայում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180247405 արձանագրությունը:
Այսինքն՝ Սարգիս Վարազդատի Ղազարյանին մեղսագրվում է հանցանք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Այսպիսով՝ Սարգիս Վարազդատի Ղազարյանին մեղսագրվում են հանցանքներ՝ նախատեսված ՀՀ քրեական օրենսգրքի 344-րդ հոդվածի 1-ին մասով, 344-րդ հոդվածի 1-ին մասով և 344-րդ հոդվածի 1-ին մասով:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Սարգիս Ղազարյանը չի հրաժարվել նախաքննության ընթացքում տված ցուցմունքից, սակայն օգտվելով իր դատավարական իրավունքից՝ հրաժարվել է ցուցմունք տալ: ՀՀ քրեական դատավարության օրենսգրքի 330-րդ հոդվածի համաձայն՝ հրապարակվել է մեղադրյալի նախաքննական ցուցմունքը, համաձայն որի՝ «20.12.2024թ. իր նկատմամբ հանրային քրեական հետապնդում հարուցելու մասին որոշումը ամբողջությամբ պարզ է և հասկանալի, ընդունում է մեղավորությունը, զղջում կատարածի համար:»:
- Վարչական տույժ նշանակելու մասին թիվ 2214794400 որոշումը, համաձայն որի՝ այն կազմվել է 04.07.2022թ.՝ ՃՈ տեսուչ Արսեն Կարապետյանի կողմից առ այն, որ Սարգիս Վարազդատի Ղազարյանը «Մերսեդես» մակնիշի 34PP956 հաշվառման hամարանիշի տրանսպորտային միջոցը 2022 թվականի հունիսի 10-ին՝ ժամը 18:03-ին վարել է Երևան քաղաքի Բաղրամյան-Իսահակյան խաչմերուկում, դուրս է եկել հանդիպակաց երթևեկության գոտի, որը կապված չէ վազանցը թույլատրված տեղերում վազանց կատարելու հետ, իսկ նշված վարչական իրավախախտման համար որոշվել է Սարգիս Վարազդատի Ղազարյանին զրկել տրանսպորտային միջոցներ վարելու իրավունքից 1 /մեկ/ տարի ժամկետով:
- Վարչական իրավախախտման գործով թիվ 8180159320 որոշումը, համաձայն որի՝ 2022 թվականի սեպտեմբերի 29-ին՝ ժամը 10:15-ին, ՀՀ ոստիկանության պարեկային ծառայության Երևան քաղաքի գնդի 3 գումարտակի 3 վաշտի պարեկ Հռիփսիմե Երեմի Ստամբուլյանի /08242/ կողմից Սարգիս Վարազդատի Ղազարյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Ղազարյանը նույն օրը՝ ժամը 10:10-ին, «Մերսեդես» մակնիշի 34PP956 հաշվառման համարանիշի ավտոմեքենան վարել է Երևան քաղաքի Բաղրամյան 24 հասցեում, տրանսպորտային միջոցներ վարելու իրավունքից զրկված վիճակում:
- Վարչական իրավախախտման գործով թիվ 8180167828 որոշումը, համաձայն որի՝ 2023 թվականի հունվարի 16-ին՝ ժամը 17:14-ին, ՀՀ ոստիկանության պարեկային ծառայության Երևան քաղաքի գնդի 2 գումարտակի 2 վաշտի պարեկ Րաֆֆի Ռաֆիկի Հովհաննիսյանի /04311/ կողմից Սարգիս Վարազդատի Ղազարյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Ղազարյանը նույն օրը՝ ժամը 17:08-ին, «Մերսեդես» մակնիշի 34PP956 հաշվառման համարանիշի ավտոմեքենան վարել է Երևան քաղաքի Դավիթ Անհաղթ փողոցում, տրանսպորտային միջոցներ վարելու իրավունքից զրկված վիճակում:
- Վարչական իրավախախտման գործով թիվ 8180247405 որոշումը, համաձայն որի՝ 2023 թվականի ապրիլի 6-ին՝ ժամը 07:55-ին, ՀՀ ոստիկանության պարեկային ծառայության Երևան քաղաքի գնդի 2 գումարտակի 1 վաշտի պարեկ Դավիթ Ռուբենի Դավթյանի /08098/ կողմից Սարգիս Վարազդատի Ղազարյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Սարգիս Ղազարյանը նույն օրը՝ ժամը 07:40-ին, «Մերսեդես» մակնիշի 34PP956 հաշվառման համարանիշի ավտոմեքենան վարել է Երևան քաղաքի Արցախի փողոցում, տրանսպորտային միջոցներ վարելու իրավունքից զրկված վիճակում:
- ՀՀ ՆԳՆ ՃՈ էլեկտրոնային ռեգիստրից ստացված քաղվածքը, համաձայն որի՝ Սարգիս Վարազդատի Ղազարյանի MB969858 սերիա-համարի վարորդական վկայականի կարգավիճակը զրկված է, սկիզբ՝ 10.08.2022 ավարտ՝ 10.08.2023 ժամանակահատվածով:
Թիվ 2214794400 վարչական տույժ նշանակելու մասին որոշման օրինակը, որը ոստիկանության աշխատակցի կողմից ծանուցվել է Սարգիս Վարազդատի Ղազարյանին 4.10.2022թ., և նշված հանգամանքը հաստատվել է նրա ստորագրությամբ:
ԵԴ/1180/01/21 դատական գործ, որի համաձայն՝ նշված գործով նախաքննական գործի համարն է 11857221, որով մեղադրյալը Սարգիս Վարազդատի Ղազարյանն է և ՀՀ քրեական օրենսգրքի 243.1-րդ հոդվածի 1-ին մասով և 2021 թվականի դեկտեմբերի 24-ին որոշվել է Սարգիս Վարազդատի Ղազարյանին մեղավոր ճանաչել վերը նշված հոդվածով հանցանք կատարելու մեջ և նրա նկատմամբ նշանակել պատիժ տուգանքի ձևով նվազագույն աշխատավարձի երկուհարյուրապատիկի չափով՝ 200.000 ՀՀ դրամ գումարի չափով՝ որոշակի գործունեությամբ զբաղվելու՝ տրանսպորտային միջոցներ վարելու իրավունքից զրկելով 1 տարի ժամկետով:
- Վերոնշյալ փաստաթղթերը զննության ենթարկելու մասին արձանագրությունը:
- Վերոնշյալ փաստաթղթերը արտավարութային փաստաթուղթ ապացույց ճանաչելու մասին որոշումը:
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, որի համաձայն՝ Սարգիս Ղազարյանն առաջին դրվագով հանցանքի կատարման պահին ունեցել է դատվածություն, երկրորդ և երրորդ դրվագներով հանցանքի կատարման պահին չի ունեցել, ներկայում նույնպես դատվածություն չունի:
 ՊԵԿ տվյալների շտեմարանից արտատպված տեղեկատվության համաձայն՝ դեպքին նախորդող 12 ամիսների ընթացքում Սարգիս Ղազարյանի եկամուտը բացակայում է:
 «Գրիգոր Նարեկացի» ԲԿ-ի կողմից տրված էպիկրիզը, որի համաձայն՝ Սարգիս Ղազարյանն ունի առողջական խնդիրներ:
 Անձի ֆունկցիոնալության գնահատման թիվ 2023Ֆ որոշումը, որի համաձայն՝ Սարգիս Ղազարյանը ճանաչվել է հաշմանդամություն ունեցող անձ:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Սարգիս Ղազարյանը, զրկված լինելով տրանսպորտային միջոց վարելու իրավունքից, 2022 թվականի սեպտեմբերի 29-ին՝ ժամը 10:10-ի սահմաններում, Երևան քաղաքի Բաղրամյան պողոտայում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180159320 արձանագրությունը: Բացի այդ, Սարգիս Վարազդատի Ղազարյանը, զրկված լինելով տրանսպորտային միջոց վարելու իրավունքից, 2023 թվականի հունվարի 16-ին՝ ժամը 17:08-ի սահմաններում, Երևան քաղաքի Դավիթ Անհաղթի փողոցում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180167828 արձանագրությունը: Բացի այդ, Սարգիս Վարազդատի Ղազարյանը, զրկված լինելով տրանսպորտային միջոց վարելու իրավունքից, 2023 թվականի ապրիլի 6-ին՝ ժամը 07:40-ի սահմաններում, Երևան քաղաքի Արցախի պողոտայում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180247405 արձանագրությունը:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Սարգիս Ղազարյանին ներկայացված մեղադրանքի (տրանսպորտային միջոցներ վարելու իրավունքից զրկված լինելու պայմաններում տրանսպորտային միջոց վարելը) ապացուցվածության վերաբերյալ ցանկացած հիմնավոր կասկած։
5. Դատարանի իրավական վերլուծությունները, հետևությունները և որոշումները.
Դատարանի կողմից հաստատված փաստական հանգամանքների և 2025 թվականի հունվարի 29-ին կայացված մեղադրական վերդիկտի հիման վրա Դատարանը գտնում է, որ ապացուցված է մեղադրյալ Սարգիս Վարազդատ Ղազարյանին վերագրվող փաստական հանգամանքները (զրկված լինելով տրանսպորտային միջոց վարելու իրավունքից, 2022 թվականի սեպտեմբերի 29-ին՝ ժամը 10:10-ի սահմաններում, Երևան քաղաքի Բաղրամյան պողոտայում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180159320 արձանագրությունը: Բացի այդ, Սարգիս Վարազդատի Ղազարյանը, զրկված լինելով տրանսպորտային միջոց վարելու իրավունքից, 2023 թվականի հունվարի 16-ին՝ ժամը 17:08-ի սահմաններում, Երևան քաղաքի Դավիթ Անհաղթի փողոցում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180167828 արձանագրությունը: Բացի այդ, Սարգիս Վարազդատի Ղազարյանը, զրկված լինելով տրանսպորտային միջոց վարելու իրավունքից, 2023 թվականի ապրիլի 6-ին՝ ժամը 07:40-ի սահմաններում, Երևան քաղաքի Արցախի պողոտայում դիտավորությամբ վարել է «ՄԵՐՍԵԴԵՍ» մակնիշի 34PP956 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության պարեկի կողմից կազմվել է թիվ 8180247405 արձանագրությունը), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալ Սարգիս Ղազարյանի կողմից կատարված արարքների նկատմամբ պետք է կիրառվի 3 (երեք) դրվագ ՀՀ քրեական օրենսգրքի 344-րդ հոդվածի 1-ին մասը։
Դատարանը որպես մեղադրյալ Սարգիս Ղազարյանի պատասխանատվությունն ու պատիժը մեղմացնող հանգամանք է դիտարկում առաջադրված մեղադրանքում իրեն մեղավոր ճանաչելը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը):
Դատարանը 1-ին դրվագով հանցանքի կատարման մասով որպես մեղադրյալ Սարգիս Ղազարյանի պատասխանատվությունն ու պատիժը ծանրացնող հանգամանք է դիտարկում հանցանքը դատվածության առկայության պայմաններում կատարելը:
Դատարանի կողմից հաստատված փաստական հանգամանքների հիման վրա Դատարանը գտնում է, որ Սարգիս Ղազարյանի անձը բնութագրող հանգամանք է նախկինում դատվածություն չունենալը, հաշմանդամություն ունենալը, առողջական խնդիրների առկայությունը։
Դատարանը, դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին, գտնում է, որ կատարած արարքի համար Սարգիս Ղազարյանը ենթակա է քրեական պատասխանատվության և պատժի:
ՀՀ քրեական օրենսգրքի 17-րդ հոդվածի համաձայն՝
(…)
2. Ոչ մեծ ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 2 տարի ժամկետով ազատազրկումը, կամ որոնց համար նախատեսված է ազատությունից զրկելու հետ չկապված պատիժ:
(…)
ՀՀ քրեական օրենսգրքի 53-րդ հոդվածի համաձայն՝
1.Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել:
(…)
ՀՀ քրեական օրենսգրքի 55-րդ հոդվածի 1-ին մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի համաձայն՝
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:
Նույն օրենսգրքի 74-րդ հոդվածի համաձայն՝
1.Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը, իսկ նույն հոդվածի 2-րդ մասի համաձայն՝ եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով:
(…):
ՀՀ քրեական օրենսգրքի 344-րդ հոդվածի համաձայն՝
1.Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
(…):
Մինչ մեղադրյալ Սարգիս Ղազարյանի նկատմամբ նշանակվելիք պատժի տեսակի, չափի և կրման նպատակահարմարության հարցերին անդրադառնալը՝ Դատարանը հարկ է համարում արձանագրել, որ ՀՀ քրեական օրենսգրքի 344-րդ հոդվածի 1-ին մասի սանկցիայի վերլուծությունից երևում է, որ այն այլընտրանքային է և հնարավորություն է տալիս դատարանին, ելնելով կոնկրետ հանցագործության հանրային վտանգավորության բնույթից և աստիճանից, հանցանք կատարած անձի նկատմամբ նշանակել արդարացի պատիժ՝ ընտրելով հոդվածի սանկցիայով նախատեսված պատժատեսակներից որևէ մեկը` տուգանք` առավելագույնը տասնապատիկի չափով, կամ հանրային աշխատանքներ` առավելագույնը հարյուր ժամ տևողությամբ, կամ կարճաժամկետ ազատազրկում՝ առավելագույնը մեկ ամիս ժամկետով:
Անդրադառնալով հոդվածի սանկցիայով նախատեսված նվազ խիստ պատժատեսակի՝ տուգանքի նշանակման հարցին և հիմք ընդունելով այն հանգամանքը, որ մեղադրյալն իր բանավոր խոսքի համաձայն՝ ներկայում չունի աշխատանք և չի կարողանա վճարել տուգանքը, Դատարանը ելնելով մեղադրյալի գույքային դրությունից, գտնում է, որ նրա նկատմամբ տուգանք պատժատեսակը նպատակահարմար չէ նշանակել, քանի որ այդ դեպքում դրանց կատարումը հնարավոր չի լինի ապահովել և ըստ այդմ հնարավոր չի լինի հասնել պատժի նպատակներին:
Բացի այդ, Դատարանի կարծիքով՝ տուգանք պատժատեսակը տվյալ դեպքում կարող է բացասական ազդեցություն ունենալ մեղադրյալի կյանքի պայմանների վրա և ըստ այդմ՝ լինել անհամաչափ և ոչ մարդասիրական պատիժ (Դատարանի հետևությունները համահունչ են ՀՀ վճռաբեկ դատարանի՝ 2013 թվականի սեպտեմբերի 13-ի Ս. Աղախանյանի վերաբերյալ թիվ ԱՎԴ/0082/01/12 որոշմամբ արտահայտած դիրքորոշումներին):
Նման պայմաններում Դատարանը, հաշվի առնելով մեղադրյալի պատասխանատվությունն ու պատիժը մեղմացնող և ծանրացնող հանգամանքների առկայությունը, անձը բնութագրող տվյալները, ինչպես նաև այն հանգամանքը, որ մեղադրյալը համաձայնել է կատարել հանրային աշխատանքներ, գտնում է, որ մեղադրյալ Սարգիս Ղազարյանը ՀՀ քրեական օրենսգրքի 344-րդ հոդվածի 1-ին մասով երեք դրվագով նախատեսված հանցագործության առաջին դրվագի համար ենթակա է պատժի՝ հանրային աշխատանքների՝ 90 (իննսուն) ժամ տևողությամբ, իսկ երկրորդ և երրորդ դրվագներից յուրաքանչյուրի համար պատժի՝ հանրային աշխատանքների՝ 60 (վաթսուն) ժամ տևողությամբ:
Դատարանը գտնում է, որ Սարգիս Ղազարյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և տուգանքի ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Սարգիս Ղազարյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Անդրադառնալով արտավարութային փաստաթղթերի տնօրինման և պահպանման հարցին՝ Դատարանը գտնում է, որ վարույթն իրականացնող մարմնի՝ 2024 թվականի դեկտեմբերի 24-ի որոշմամբ արտավարութային փաստաթուղթ ճանաչված փաստաթղթերը պետք է պահել գործի հետ այն պահելու ամբողջ ժամանակահատվածում:
Անդրադառնալով վարութային ծախսերի հարցին՝ Դատարանը հարկ է համարում արձանագրել, որ ՀՀ քրեական դատավարության օրենսգրքի 167-րդ հոդվածի 1-ին մասի 1-6-րդ կետերով նախատեսված վարութային ծախսեր չկան, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին` այդ վարութային ծախսերի հատուցման պահանջ Դատարանին չի ներկայացվել։ Հետևաբար՝ Դատարանը գտնում է, որ վարութային ծախսերի հարցը պետք է համարել լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ և 347-349-րդ հոդվածներով` Դատարանը

Վ Ճ Ռ Ե Ց

Սարգիս Վարազդատի Ղազարյանին մեղավոր ճանաչել 3 (երեք) դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքներ կատարելու մեջ, և նրա նկատմամբ պատիժ նշանակել՝
ՀՀ քրեական օրենսգրքի 344-րդ հոդվածի 1-ին մասով՝ հանրային աշխատանքներ՝ 90 (իննսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով՝ հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 344-րդ հոդվածի 1-ին մասով՝ հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ հանցանքների համակցությամբ պատիժները լրիվ գումարելու միջոցով Սարգիս Վարազդատի Ղազարյանի նկատմամբ վերջնական պատիժ նշանակել հանրային աշխատանքներ՝ 210 (երկու հարյուր տասը) ժամ տևողությամբ:
Սարգիս Վարազդատի Ղազարյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո Սարգիս Վարազդատի Ղազարյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:

ԴԱՏԱՎՈՐ ՌԱԶՄԻԿ ՄԱՐԻԿՅԱՆ