ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Գործ թիվ ԵԴ1/0315/01/25
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ
Նախագահությամբ՝ դատավոր Դավիթ Արղամանյանի,
քարտուղարությամբ՝ Դավիթ Հակոբյանի, Խանետա Ֆթոյանի,

մասնակցությամբ՝

հանրային մեղադրող՝ Հրանտ Պողոսյանի,
պաշտպան՝ Մհեր Մանգասարյանի,
մեղադրյալներ՝ Սուրեն Կյուրեղյանի,
Աշոտ Կարապետյանի,

2025թ. օգոստոսի 21 ք. Երևան,

դռնբաց դատական նիստում դատաքննության հատուկ՝ արագացված վարույթի կարգով քննելով քրեական վարույթն ըստ մեղադրանքի՝
Սուրեն Սպարտակի Կյուրեղյանի՝
(ծնված՝ 09.10.1977թ., Լոռու մարզում, ազգությամբ հայ, ՀՀ քաղաքացի, միջնակարգ կրթությամբ, նախկինում չդատված, ամուսնացած, հաշվառված և բնակվող՝ ք.Երևան, Տիչինայի փողոց, 2-րդ նրբանցք, տուն 23Ա հասցեում)
ՀՀ քրեական օրենսգրքի 254-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 1-ին մասով,
Աշոտ Արմանի Կարապետյանի՝
(ծնված՝ 04.04.2000թ., ազգությամբ հայ, ՀՀ քաղաքացի, բարձրագույն կրթությամբ, ամուսնացած, նախկինում չդատված, միջնակարգ կրթությամբ, չի աշխատում, հաշվառված՝ Վայոց Ձորի մարզի, Վայք համայնքի, Գոմք բնակավայրի, 6-րդ փողոցի, տուն 1 հասցեում, բնակվող՝ ք. Երևան, Բաղյան փողոցի 2-րդ նրբանցքի տուն 1/1 հասցեում)
ՀՀ քրեական օրենսգրքի 46-254-րդ հոդվածի 1-ին մասով,

ՊԱՐԶԵՑ
1. Գործի դատավարական նախապատմությունը.
1․ 2024թ. հոկտեմբերի 15 ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական առաջին բաժնում ՀՀ քրեական օրենսգրքի 254-րդ հոդվածի 1-ին մասի հատկանիշներով նախաձեռնվել է թիվ 15161824 քրեական վարույթը։
2. Նույն օրը որոշում է կայացվել Արշակ Ղազարյանին թիվ 15161824 քրեական վարույթով տուժող ճանաչելու մասին։
3. 2024թ. հոկտեմբերի 26-ին՝ ժամը 13։30-ին, հանցանք կատարելու անմիջականորեն ծագած հիմնավոր կասկածի հիմքով ձերբակալվել են Սուրեն Կյուրեղյանը և Աշոտ Կարապետյանը։
4. Նույն օրը ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնում ՀՀ քրեական օրենսգրքի 254-րդ հոդվածի 2-րդ մասի 1-ին կետի և ՀՀ քրեական օրենսգրքի 334-րդ հոդվածի 1-ին մասի հատկանիշներով նախաձեռնվել է թիվ 08138224 քրեական վարույթը (այսուհետ նաև՝ քրեական վարույթ)։
5. Նույն օրը որոշումներ են կայացվել Կարեն Արթուրի Գրիգորյանին և Մանե Գագիկի Քարամյանին թիվ 08138224 քրեական վարույթով տուժողներ ճանաչելու մասին։
6. 2024թ. հոկտեմբերի 28-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հրանտ Պողոսյանի որոշմամբ թիվ 08138224 քրեական վարույթով Սուրեն Սպարտակի Կյուրեղյանի նկատմամբ ՀՀ քրեական օրենսգրքի 254-րդ հոդվածի 1-ին մասով հարուցվել է հանրային քրեական հետապնդում։
7. Նույն օրը որոշումներ են կայացվել Սուրեն Սպարտակի Կյուրեղյանին ձերբակալումից ազատ արձակելու և նրա նկատմամբ բացակայելու արգելքը որպես այլընտրանքային խափանման միջոց կիրառելու մասին։
8. 2024թ. հոկտեմբերի 28-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հրանտ Պողոսյանի որոշմամբ թիվ 08138224 քրեական վարույթով Աշոտ Արմանի Կարապետյանի նկատմամբ ՀՀ քրեական օրենսգրքի 46-254-րդ հոդվածի 1-ին մասով հարուցվել է հանրային քրեական հետապնդում։
9. Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 29-ի որոշմամբ թիվ 08138224 քրեական վարույթով մեղադրյալ Աշոտ Արմանի Կարապետյանի նկատմամբ որպես այլընտրանքային խափանման միջոց է կիրառվել վարչական հսկողությունը և նա՝ նույն օրը՝ ժամը 13։29-ին, անհապաղ ազատ է արձակվել դատական նիստերի դահլիճում։
10. Նույն օրը քննիչի որոշմամբ Աշոտ Արմանի Կարապետյանի նկատմամբ համակցված կիրառվել է բացակայելու արգելք այլընտրանքային խափանման միջոցը։
11. 2024թ. նոյեմբերի 6-ին թիվ 08138224 քրեական վարույթով որոշում է կայացվել «Jeep Compas» մակնիշի 17 MK 777 հաշվառման համարանիշի ավտոմեքենայի հայելու ապակիները որպես իրեղեն ապացույց ճանաչելու մասին։
12. Նույն օրը որոշում է կայացվել նշված իրեղեն ապացույցը Մանե Գագիկի Քարամյանին ի պահ հանձնելու մասին։
13. 2024թ. նոյեմբերի 6-ին թիվ 08138224 քրեական վարույթով որոշում է կայացվել «Mercedes» մակնիշի 07 KK 907 հաշվառման համարանիշի ավտոմեքենայի հայելու ապակիները որպես իրեղեն ապացույց ճանաչելու մասին։
14. 2024թ. դեկտեմբերի 16-ին որոշում է կայացվել նշված իրեղեն ապացույցը Կարեն Արթուրի Գրիգորյանին ի պահ հանձնելու մասին։
15. 2024թ. դեկտեմբերի 21-ին որոշում է կայացվել թիվ 15161824 և թիվ 08138224 քրեական վարույթները միացնելու և նախաքննությունը թիվ 08138224 քրեական վարույթի ներքո շարունակելու մասին։
16. 2025թ. հունվարի 10-ին թիվ 08138224 քրեական վարույթով որոշում է կայացվել փորձաքննությունից ստացված՝ Արշակ Ղազարյանին պատկանող «ԲՄՎ» մակնիշի ավտոմեքենայի աջ հայելու ապակին որպես իրեղեն ապացույց ճանաչելու մասին։
17. 2025թ. հունվարի 10-ին թիվ 08138224 քրեական վարույթով որոշում է կայացվել փորձաքննությունից ստացված՝ Սուրեն Սպարտակի Կյուրեղյանի անձնական խուզարկությամբ հայտնաբերված դանակը որպես իրեղեն ապացույց ճանաչելու մասին։
18. 2025թ. հունվարի 17-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հրանտ Պողոսյանի որոշմամբ թիվ 08138224 քրեական վարույթով Սուրեն Սպարտակի Կյուրեղյանի նկատմամբ ՀՀ քրեական օրենսգրքի 254-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 1-ին մասով հարուցվել է նոր հանրային քրեական հետապնդում։
19. 2025թ. հունվարի 17-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Հրանտ Պողոսյանի որոշմամբ թիվ 08138224 քրեական վարույթով Աշոտ Արմանի Կարապետյանի նկատմամբ ՀՀ քրեական օրենսգրքի 46-254-րդ հոդվածի 1-ին մասով հարուցվել է նոր հանրային քրեական հետապնդում։
20. 2025թ․ հունվարի 21-ին Երևան քաղաքի Կենտրոն և Նորք-Մարաշ վարչական շրջանների դատախազության կողմից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 08138224 քրեական վարույթի նյութերն՝ ըստ մեղադրանքի Սուրեն Սպարտակի Կյուրեղյանի՝ ՀՀ քրեական օրենսգրքի 254-րդ հոդվածի 1-ին մասով, ՀՀ քրեական օրենսգրքի 254-րդ հոդվածի 1-ին մասով և Աշոտ Արմանի Կարապետյանի՝ ՀՀ քրեական օրենսգրքի 46-254-րդ հոդվածի 1-ին մասով։
21. 2025թ․ հունվարի 21-ին նշված քրեական գործին շնորհվել է ԵԴ1/0315/01/25 քրեական գործի համարը, որը նույն օրը մակագրվել և 2025թ․ հունվարի 22-ին հանձնվել է դատավոր Դավիթ Արղամանյանին։
22. 2025թ․ հունվարի 23-ին Երևան քաղաքի առաջին ատյանի ընդհանուր իրավասության քրեական դատարանի (այսուհետ նաև՝ Դատարան) դատավոր Դավիթ Արղամանյանի կողմից որոշում է կայացվել թիվ ԵԴ1/0315/01/25 քրեական գործով վարույթ ստանձնելու և նախնական դատալսումներ նշանակելու մասին։
23. Երևան քաղաքի առաջին ատյանի ընդհանուր իրավասության քրեական դատարանի 2025թ. ապրիլի 21-ի որոշմամբ Սուրեն Կյուրեղյանի նկատմամբ որպես խափանման միջոց է կիրառվել կալանքը 3 ամիս ժամկետով։ Նույն որոշման հիման վրա Սուրեն Կյուրեղյանը 2025թ. մայիսի 2-ին վերցվել է արգելանքի։
24. Երևան քաղաքի առաջին ատյանի ընդհանուր իրավասության քրեական դատարանը 2025թ. մայիսի 12-ին որոշում է կայացրել Սուրեն Կյուրեղյանի նկատմամբ կիրառված կալանք խափանման միջոցը վերացնելու և նրան անհապաղ ազատ արձակելու մասին։ Նույն որոշմամբ Սուրեն Կյուրեղյանի նկատմամբ կիրառված բացակայելու արգելք այլընտրանքային խափանման միջոցը թողնվել է անփոփոխ։
25. Երևան քաղաքի առաջին ատյանի ընդհանուր իրավասության քրեական դատարանի 2025թ. օգոստոսի 8-ի որոշմամբ Աշոտ Կարապետյանի նկատմամբ որպես խափանման միջոց կիրառված վարչական հսկողությունը վերացվել է։ Նույն որոշմամբ Աշոտ Կարապետյանի նկատմամբ կիրառված բացակայելու արգելք այլընտրանքային խափանման միջոցը թողնվել է անփոփոխ։
2. Մեղադրանքի փաստական նկարագրությունը.
Սուրեն Սպարտակի Կյուրեղյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 254-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 1-ին մասով՝ այն արարքների կատարման համար, որ նա «(...) նա 2024 թվականի հոկտեմբերի 10-ին՝ ժամը 10:34-ի սահմաններում, գաղտնի հափշտակել է Երևան քաղաքի Սարյան փողոցի 26/6 հասցեի դիմաց կայանված, Արշակ Պերճի Ղազարյանին պատկանող՝ «ԲՄՎ» մակնիշի 20 II 400 հաշվառման համարանիշով ավտոմեքենայի կողային զույգ հայելիների ապակիները, իսկ 2024 թվականի հոկտեմբերի 26-ին՝ ժամը 13:00-ի սահմաններում, մեկ միասնական դիտավորությամբ և Աշոտ Արմանի Կարապետյանի օժանդակությամբ, գաղտնի հափշտակել է Երևան քաղաքի Գարեգին Հովսեփյան փողոցի 20 հասցեի մոտ կայանված, Մանե Գագիկի Քարամյանին պատկանող «Jeep Compass» մակնիշի 17 MK 777 հաշվառման համարանիշով ավտոմեքենայի և նույն հասցեում կայանված՝ Կարեն Արթուրի Գրիգորյանին պատկանող «Mercedes-Benz С240» մակնիշի 07 XK 907 հաշվառման համարանիշների ավտոմեքենայի զույգ հայելիների ապակիները, վերջիններիս պատճառելով զգալի չափի գույքային վնաս:
Այսպես.
2024 թվականի հոկտեմբերի 10-ին` ժամը 10:34-ի սահմաններում, ուրիշի գույքի գաղտնի հափշտակություն կատարելու դիտավորությամբ Սուրեն Սպարտակի Կյուրեղյանը գաղտնի հափշտակել է Երևան քաղաքի Սարյան փողոցի 26/6 հասցեի դիմաց կայանված, Արշակ Պերճի Ղազարյանին պատկանող՝ «ԲՄՎ» մակնիշի 20 II 400 հաշվառման համարանիշով ավտոմեքենայի՝ յուրաքանչյուրը 25.000 ՀՀ դրամ արժողությամբ կողային զույգ հայելիների ապակիները՝ Ա.Ղազարյանին պատճառելով ընդհանուր զգալի չափերի՝ 50.000 ՀՀ դրամի գույքային վնաս:
Բացի այդ,
Սուրեն Սպարտակի Կյուրեղյանը քննությամբ դեռևս չպարզված ժամանակահատվածում Աշոտ Արմանի Կարապետյանի հետ նախապես համաձայնություն է ձեռք բերել վերջինիս օժանդակությամբ գաղտնի հափշտակություն կատարելու վերաբերյալ, որի շրջանակներում Աշոտ Կարապետյանը նախապես խոստացել է պարտակել Սուրեն Կյուրեղյանի կողմից հանցավոր ճանապարհով ձեռք բերված առարկաները: Հանցավոր մտադրությունն իրականացնելու նպատակով 2024 թվականի հոկտեմբերի 26-ին՝ ժամը 13:00-ի սահմաններում, Սուրեն Սպարտակի Կյուրեղյանը՝ Աշոտ Արմանքի Կարապետյանի հետ «Nissan Tida» մակնիշի 37 UT 495 պետհամարանիշի տաքսի ավտոմեքենայով ուղևորվել են Երևան քաղաքի Գարեգին Հովսեփյան փողոցի 20 հասցեի մոտ, որտեղ Սուրեն Սպարտակի Կյուրեղյանը, Աշոտ Արմանի Կարապետյանի հետ ունեցած նախնական պայմանավորվածության համաձայն, գողություն կատարելու դիտավորությամբ դուրս է եկել հիշյալ տաքսի ավտոմեքենայից, իսկ Աշոտ Արմանի Կարապետյանը նախապես տված խոստման համաձայն՝ Սուրեն Սպարտակի Կյուրեղյանի հափշտակած առարկաներն իր մոտ պահելու եղանակով վերջինիս օժանդակելու միտումով, մնացել է նշված տաքսի ավտոմեքենայի սրահում: Նշված տաքսի ավտոմեքենայից դուրս գալուց հետո Սուրեն Սպարտակի Կյուրեղյանը մեկ միասնական դիտավորությամբ գաղտնի հափշտակել է Երևան քաղաքի Գարեգին Հովսեփյան փողոցի 20 հասցեում կայանված, Մանե Գազիկի Քարամյանին պատկանող՝ «Jeep Compass» մակնիշի 17 MK 777 հաշվառման համարանիշով ավտոմեքենայի՝ ընդհանուր 40.000 ՀՀ դրամ արժողությամբ զույգ հայելիների ապակիները և դրա մոտակայքում կայանված, Կարեն Արթուրի Գրիգորյանին պատկանող «Mercedes-Benz C240» մակնիշի 07 KK 907 հաշվառման համարանիշով ավտոմեքենայի՝ ընդհանուր 55.000 ՀՀ դրամ արժողությամբ զույգ հայելիների ապակիները, որից հետո «Jeep Compass» մակնիշի 17 MK 777 հաշվառման համարանիշով ավտոմեքենայի հափշտակված հայելիները:
Այսինքն՝ Սուրեն Սպարտակի Կյուերղյանին մեղսագրվում է հանցավոր արարքների կատարում, որոնք նախատեսված են ՀՀ քրեական օրենսգրքի 254-րդ հոդվածի 1-ին մասով և 254-րդ հոդվածի 1-ին մասով (...)»։
Աշոտ Արմանի Կարապետյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 46-254-րդ հոդվածի 1-ին մասով՝ այն արարքի կատարման համար, որ նա «(...) նա 2024 թվականի հոկտեմբերի 26-ին՝ ժամը 13:00-ի սահմաններում, օժանդակել է Սուրեն Սպարտակի Կյուրեղյանի կողմից մեկ միասնական դիտավորությամբ Երևան քաղաքի Գարեգին Հովսեփյան փողոցի 20 հասցեի մոտ կայանված, Մանե Գագիկի Քարամյանին պատկանող «Jeep Compass» մակնիշի 17 MK 777 հաշվառման համարանիշով ավտոմեքենայի և նույն հասցեում կայանված՝ Կարեն Արթուրի Գրիգորյանին պատկանող «Mercedes-BenzC240» մակնիշի 07 KK 907 հաշվառման համարանիշների ավտոմեքենայի զույգ հայելիների ապակիների գաղտնի հափշտակությանը, ինչի արդյունքում Մ.Քարամյանին և Կ.Գրիգորյանին պատճառվել է զգալի չափի գույքային վնաս:
Այսպես.
Սուրեն Սպարտակի Կյուրեղյանը քննությամբ դեռևս չպարզված ժամանակահատվածում Աշոտ Արմանի Կարապետյանի հետ նախապես համաձայնություն է ձեռք բերել վերջինիս օժանդակությամբ գաղտնի հափշտակություն կատարելու վերաբերյալ, որի շրջանակներում Աշոտ Կարապետյանը նախապես խոստացել է պարտակել Սուրեն Կյուրեղյանի կողմից հանցավոր ճանապարհով ձեռք բերված առարկաները: Հանցավոր մտադրությունն իրականացնելու նպատակով 2024 թվականի հոկտեմբերի 26-ին՝ ժամը 13:00-ի սահմաններում, Սուրեն Սպարտակի Կյուրեղյանը Աշոտ Արմանի Կարապետյանի հետ «Nissan Tida» մակնիշի 37 UT 495 պետհամարանիշի տաքսի ավտոմեքենայով ուղևորվել են Երևան քաղաքի Գարեգին Հովսեփյան փողոցի 20 հասցեի մոտ, որտեղ Սուրեն Սպարտակի Կյուրեղյանը, Աշոտ Արմանի Կարապետյանի հետ ունեցած նախնական պայմանավորվածության համաձայն, գողություն կատարելու դիտավորությամբ դուրս է հիշյալ տաքսի ավտոմեքենայից, իսկ Աշոտ Արմանի Կարապետյանը նախապես տված խոստման համաձայն՝ Սուրեն Սպարտակի Կյուրեղյանի հափշտակած առարկաներն իր մոտ պահելու եղանակով վերջինիս օժանդակելու միտումով, մնացել է նշված տաքսի ավտոմեքենայի սրահում: Նշված տաքսի ավտոմեքենայից դուրս գալուց հետո Սուրեն Սպարտակի Կյուրեղյանը մեկ միասնական դիտավորությամբ գաղտնի հափշտակել է Երևան քաղաքի Գարեգին Հովսեփյան փողոցի 20 հասցեում կայանված, Մանե Գագիկի Քարամյանին պատկանող՝ «Jeep Compass» մակնիշի 17 MK 777 հաշվառման համարանիշով ավտոմեքենայի՝ ընդհանուր 40.000 ՀՀ դրամ արժողությամբ զույգ հայելիների ապակիները և դրա մոտակայքում կայանված, Կարեն Արթուրի Գրիգորյանին պատկանող «Mercedes-Benz С240» մակնիշի 07 KK 907 հաշվառման համարանիշով ավտոմեքենայի՝ ընդհանուր 55.000 ՀՀ դրամ արժողությամբ զույգ հայելիների ապակիները, որից հետո «Jeep Compass» մակնիշի 17 MK 777 հաշվառման համարանիշով ավտոմեքենայի հափշտակված հայելիները, նախապես ձեռք բերված պայմանավորվածության համաձայն, Սուրեն Կյուրեղյանը փոխանցել է Աշոտ Արմանի Կարապետյանին, ով, հանցավոր ճանապարհով ձեռք բերված առարկաները նախապես պարտակելու խոստման համաձայն, հափշտակված հայելիների ապակիները թաքցրել է իր մոտ՝ այդ կերպ օժանդակելով Սուրեն Կյուրեղյանին:
Այսինքն' Աշոտ Արմանի Կարապետյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 46-254-րդ հոդվածի 1-ին մասով։
(...)»
3. Արագացված վարույթ կիրառելու միջնորդությունը և դրա քննարկումը.
Նախնական դատալսումների՝ 2025թ. օգոստոսի 8-ի դատական նիստի ընթացքում, ՀՀ քրեական դատավարության օրենսգրքի 311-րդ հոդվածի 1-ին մասով նախատեսված հարցերի քննարկման շրջանակում մեղադրյալներ Սուրեն Կյուրեղյանը, Աշոտ Կարապետյանը և վերջիններիս պաշտպան Մհեր Մանգասարյանը միջնորդել են կիրառել արագացված վարույթ։
Միջնորդություն ներկայացնելուց հետո հանրային մեղադրողը ներկայացրեց մեղադրանքի փաստական հիմքը, ինչպես նաև մեղադրյալներին վերագրվող արարքի իրավական գնահատականը:
Մեղադրյալներ Սուրեն Կյուրեղյանը և Աշոտ Կարապետյանը, պատասխանելով Դատարանի հարցերին՝ հայտնեցին, որ մեղադրանքի էությունը պարզ է, մեղադրանքի հետ համաձայն են, բավարար ժամանակ են ունեցել պաշտպանների հետ խորհրդակցելու և առաջադրված մեղադրանքը քննարկելու համար, պաշտպանները պատասխանել են հետաքրքրող հարցերին, գիտակցում են, որ պարտավոր չեն համաձայնվել առաջադրված մեղադրանքին և ունեն ընդհանուր կարգով գործի քննության իրավունք, կամավոր են ներկայացրել միջնորդությունը, չեն օգտագործում որևէ դեղորայքային միջոց, այլ նյութեր, առողջության հետ կապված խնդիրներ չունեն, տեղյակ են, որ արագացված վարույթ կիրառելու դեպքում ապացույցներ չեն հետազոտվելու և դատավճիռ է կայացնելու մեղադրանքի հետ մեղադրյալի համաձայնության հիման վրա, տեղյակ են, որ արագացված վարույթ կիրառելու դեպքում դատավճիռը չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով:
Պաշտպան Մհեր Մանգասարյանը, պատասխանելով Դատարանի հարցերին՝ հայտնեց, որ պաշտպանյալների հետ մանրամասն և ամբողջությամբ քննարկել է մեղադրանքի էությունը, որի հետ նրանք համաձայն են, մեղադրյալները հասկանում և գիտակցում են մեղադրանքի կետերը և հանգամանքները, մեղադրյալները գիտակցված ընդունում են մեղադրանքը և կամավոր են ներկայացրել միջնորդությունը, պարզաբանել է արագացված վարույթ կիրառելու միջնորդության էությունը, հետևանքները, բողոքարկման սահմանափակ լինելու հանգամանքը և այլ հարցեր։
Հանրային մեղադրողը միջնորդության դեմ չառարկեց։
Տուժողներ Արշակ Ղազարյանը, Մանե Քարամայանը և Կարեն Գրիգորյանը 13.03.2025թ. Դատարանին հասցեագրված դիմումներով հայտնել են, որ մեղադրյալների նկատմմաբ որևէ գույքային հայց, բողոք կամ պահանջ չունեն և չեն առարկում հատուկ կարգ կիրառելու դեմ։
Դատարանը, նկատի ունենալով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են նույն օրենսգրքի 464.1-րդ հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները՝ բավարարել է արագացված վարույթ կիրառելու վերաբերյալ միջնորդությունը և գործով ձեռք բերված ապացույցների ընդհանուր կարգով սահմանված հետազոտություն չկատարելով, որոշում է կայացրել լրացուցիչ դատալսումներ անցկացնելու մասին։
4. Լրացուցիչ դատալսումներում հետազոտված անհրաժեշտ ապացույցները.
- 2025 թվականի օգոստոսի 21-ին արտատպված ՔԿԱԳ տվյալների շտեմարանի քաղվածքը՝ Սուրեն Կյուրեղյանի և Աշոտ Կարապետյանի վերաբերյալ,
- 2025 թվականի օգոստոսի 21-ին արտատպված ՊԵԿ տվյալների շտեմարանի քաղվածքը, համաձայն որոնց՝ Աշոտ Կարապետյանի եկամուտների վերաբերյալ տվյալներ առկա են, որոնց հաշվարկով սակայն պարզ է դառնում, որ հանցանքն ավարտելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը չի գերազանցում հանցանքը կատարելու պահին նվազագույն աշխատավարձի չափը, իսկ Սուրեն Կյուրեղյանի եկամուտների վերաբերյալ տեղեկությունները բացակայում են,
- 2025 թվականի օգոստոսի 21-ին արտատպված Սուրեն Կյուրեղյանի դատվածության և հետախուզման առկայության վերաբերյալ ձև 8 տեղեկանքը. առկա են թիվ 70924824, 08158722, 08138224, 10180025 և 10116522 քրեական վարույթները։ Թիվ 08158722 և թիվ 10116522 քրեական վարույթները կարճված են։ Թիվ 08138224 քրեական վարույթը հանդիսանում է սույն գործով քրեական վարույթը։ Թիվ 70924824 և թիվ 10180025 քրեական վարույթները ուղարկվել են դատարան՝ դատապարտման վերաբերյալ տեղեկություններ առկա չեն,
- 2025 թվականի օգոստոսի 21-ին արտատպված Աշոտ Կարապետյանի դատվածության և հետախուզման առկայության վերաբերյալ ձև 8 տեղեկանքը. առկա են թիվ 11190423, 16855722, 16855522, 14852523, 16172622, 08116723, 16861724, 40102525 և 91168823 քրեական վարույթները։ Թիվ 16855722, 16855522 քրեական վարույթներով նյութերը մերժված են։ Թիվ 10190423, 08116723 և 16172622 քրեական վարույթները ուղարկվել են դատարան՝ դատապարտման վերաբերյալ տեղեկություններ առկա չեն։ Թիվ 14852523 քրեական վարույթը կարճված է։ Թիվ 16861724, 40102525 և 91168823 քրեական վարույթներով առկա են համապատասխանաբար ԵԴ1/0986/01/25, ԳԴ/0164/01/25, ԵԴ1/1131/01/23 դատավճիռները,
- ՀՀ ԱՆ պրոբացիայի ծառայության կողմից 20.08.2025թ. ստացված գրությունը, համաձայն որի՝ Աշոտ Կարապետյանը Երևան քաղաքի առաջին ատյանի ընդհանուր իրավասության քրեական դատարանի 16.01.2024թ. թիվ ԵԴ1/1131/06/23 դատավճռով դատապարտվել է ազատազրկման երկու տարի ժամկետով, պատիժը պայմանականորեն չի կիրառվել և սահմանվել է փորձաշրջան 2 տարի ժամկետով։ Աշոտ Կարապետյանը 29.03.2024թ. հաշվառման է վերցվել պրոբացիայի ծառայությունում։ Փորձաշրջանի կրման կարգի խախտման հետևանքով՝ 25.12.2024թ. միջնորդություն է ներկայացվել Դատարան, Աշոտ Կարապետյանի նկատմամբ թիվ ԵԴ1/1131/01/23 դատավճռով նշանակված պատիժը պայմանականորեն չկիրառելը վերացնելու և ազատազրկման ձևով պատիժ կրելու ուղարկելու վերաբերյալ։ Միջնորդության քննարկումը Արարատի և Վայոց Ձորի մարզերի առաջին ատյանի ընդհանուր իրավասության դատարանում հետաձգվել է այլ հերթի։ Աշոտ Կարապետյանի վերաբերյալ 14.07.2025թ. թիվ ԵԴ1/0986/01/25 և 25.07.2025թ.թիվ ԳԴ/0164/01/25 դատավճիռները պրոբացիայի ծառայության Վայոց Ձորի մարզային մարմնում չեն ստացվել և կատարման չեն ընդունվել։
- մեծահասակի ամբուլատոր բժշկական քարտից քաղվածքը՝ Աշոտ Կարապետյանի առողջական վիճակի վերաբերյալ,
- ՀՀ զինված ուժերի կազմում մարտական գործողություններին քաղաքացու մասնակցության մասին տեղեկանքը, համաձայն որի՝ Աշոտ Կարապետյանը 08.10.2020թ. մինչև 08.11.2020թ. մասնակցել է մարտական գործողությունների,
- կարգադրագիրը՝ Աշոտ Կարապետյանի բուժման վերաբերյալ,
- Աշոտ Կարապետյանի բնակության վայրի վերաբերյալ տեղեկանքը, համաձայն որի՝ վերջինս հաշվառված է և բնակվում է Վայոց Ձորի մարզի Վայք համայնքի Գոմք գյուղի 6-րդ փողոցի տուն 1 հասցեում, համատեղ բնակվում է տատիկի՝ Լյուդմիլա Մաթևոսի Կարապետյանի հետ՝ ծնված՝ 13.05.1954թ., վերջինս գտնվում է Աշոտ Կարապետյանի խնամքի տակ,
- Գոմք բնակավայրի վարչական ղեկավար Մ.Հովհաննիսյանի կողմից տրված բնութագիրը, համաձայն որի՝ Աշոտ Կարապետյանը բնութագրվում է որպես կազմակերպված, հայրենասեր և աշխատասեր անձնավորություն։
5. Դատարանի իրավական վերլուծությունները և եզրահանգումը.
ՀՀ քրեական դատավարության օրենսգրքի 464.4-րդ հոդվածի համաձայն՝
«1. Արագացված վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները:
(...)»
ՀՀ քրեական օրենսգրքի 254-րդ հոդվածի 1-ին մասի համաձայն՝
«1. Գողությունը՝ գաղտնի հափշտակությունը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
(...)»
Դատաքննության հատուկ կարգ՝ արագացված վարույթ կիրառելու, մեղադրյալներ Սուրեն Կյուրեղյանի և Աշոտ Կարապետյանի կողմից մեղադրանքն ընդունելու և գործով ձեռք բերված ապացույցների հետազոտում չիրականացնելու պայմաններում՝ Դատարանը գտնում է, որ ապացուցված են մեղադրյալ Սուրեն Կյուրեղյանին վերագրվող փաստական հանգամանքները, վերջինիս կատարած արարքները համապատասխանում են ՀՀ քրեական օրենսգրքի 254-րդ հոդվածի 1-ին մասով և ՀՀ քրեական օրենսգրքի 254-րդ հոդվածի 1-ին մասով նախատեսված հանցագործությունների հատկանիշներին, ապացուցված է վերջինիս կողմից նշված արարքները մեղավորությամբ կատարելը, միաժամանակ ապացուցված են մեղադրյալ Աշոտ Կարապետյանին վերագրվող փաստական հանգամանքները, վերջինիս կատարած արարքը համապատասխանում է ՀՀ քրեական օրենսգրքի 46-254-րդ հոդվածի 1-ին մասով նախատեսված հանցագործությունների հատկանիշներին, ապացուցված է վերջինիս կողմից նշված արարքը մեղավորությամբ կատարելը։
ՀՀ քրեական օրենսգրքի 71-րդ հոդվածի համաձայն՝
«1. Քրեական պատասխանատվությունը կամ պատիժը ծանրացնող հանգամանքներ են՝
1) հանցանքը դատվածություն ունեցող անձի կողմից կատարելը,
(…)»
Անդրադառնալով մեղադրյալ Սուրեն Կյուրեղյանի պատասխանատվությունը և պատիժը մեղմացնող կամ ծանրացնող հանգամանքներին՝ Դատարանն արձանագրում է, որ պատիժ նշանակելու պահին նրա պատասխանատվությունը և պատիժը մեղմացնող կամ ծանրացնող հանգամանքներ առկա չեն։
Դատարանը, որպես մեղադրյալ Սուրեն Կյուրեղյանի անձը բնութագրող հանգամանքներ, հաշվի է առնում, որ նախկինում դատապարտված չի եղել, մեղքն ընդունել է, զղջացել է կատարածի համար։
Անդրադառնալով մեղադրյալ Աշոտ Կարապետյանի պատասխանատվությունը և պատիժը մեղմացնող հանգամանքներին՝ Դատարանն արձանագրում է, որ պատիժ նշանակելու պահին նրա պատասխանատվությունը և պատիժը մեղմացնող հանգամանքներ առկա չեն։
Անդրադառնալով Աշոտ Կարապետյանի պատասխանատվությունը և պատիժը ծանրացնող հանգամանքներին՝ Դատարանն արձանագրում է, որ մեղադրյալ Աշոտ Կարապետյանի որպես քրեական պատասխանատվությունը կամ պատիժը ծանրացնող հանգամանք Դատարանը հաշվի է առնում Աշոտ Կարապետյանի դատվածություն ունենալու հանգամանքը, որպիսի հանգամանքը հաստատվում է ՀՀ ԱՆ պրոբացիայի ծառայության կողմից 20.08.2025թ. ստացված գրությամբ, համաձայն որի՝ Աշոտ Կարապետյանը Երևան քաղաքի առաջին ատյանի ընդհանուր իրավասության քրեական դատարանի 16.01.2024թ. թիվ ԵԴ1/1131/06/23 դատավճռով դատապարտվել է ազատազրկման երկու տարի ժամկետով, պատիժը պայմանականորեն չի կիրառվել և սահմանվել է փորձաշրջան 2 տարի ժամկետով։ Աշոտ Կարապետյանը 29.03.2024թ. հաշվառման է վերցվել պրոբացիայի ծառայությունում։ Փորձաշրջանի կրման կարգի խախտման հետևանքով՝ 25.12.2024թ. միջնորդություն է ներկայացվել Դատարան՝ Աշոտ Կարապետյանի նկատմամբ թիվ ԵԴ1/1131/01/23 դատավճռով նշանակված պատիժը պայմանականորեն չկիրառելը վերացնելու և ազատազրկման ձևով պատիժ կրելու ուղարկելու վերաբերյալ։ Ուստի Դատարանն արձանագրում է, որ առկա է ՀՀ քրեական օրենսգրքի 71-րդ հոդվածի 1-ին մասի 1-ին կետով նախատեսված քրեական պատասխանատվությունը կամ պատիժը ծանրացնող հանգամանքը։
Դատարանը, որպես մեղադրյալ Աշոտ Կարապետյանի անձը բնութագրող հանգամանքներ, հաշվի է առնում, որ վերջինս նախկինում դատապարտված չի եղել, մեղքն ընդունել է, զղջացել է կատարածի համար, ունի առողջական խնդիրներ, 08.10.2020թ. մինչև 08.11.2020թ. մասնակցել է հայրենիքի համար մղվող ինքնապաշտպանական մարտերին։
Անդրադառնալով մեղադրյալ Սուրեն Կյուրեղյանի կողմից պատժի ենթակա լինելու հարցին՝ Դատարանն արձանագրում է, որ սույն քրեական գործով մեղադրյալ Սուրեն Կյուրեղյանին քրեական պատասխանատվությունից ազատելու հիմքեր առկա չեն, հետևաբար նա ենթակա է պատժի՝ իր կատարած հանցանքների համար։
Անդրադառնալով մեղադրյալ Աշոտ Կարապետյանի կողմից պատժի ենթակա լինելու հարցին՝ Դատարանն արձանագրում է, որ սույն քրեական գործով մեղադրյալ Աշոտ Կարապետյանին քրեական պատասխանատվությունից ազատելու հիմքեր առկա չեն, հետևաբար նա ենթակա է պատժի՝ իր կատարած հանցանքների համար։
Մեղադրյալների նկատմամբ պատիժ նշանակելու հարցին անդրադառնալով՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»
Նույն օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»
Նույն օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
(…)»
Նույն օրենսգրքի 67-րդ հոդվածի 1-ին մասի համաձայն՝
«1. Ազատազրկումը դատապարտյալին քրեակատարողական հիմնարկում անազատության մեջ պահելու ձևով հասարակությունից որոշակի ժամկետով մեկուսացնելն է, որը կարող է նշանակվել սույն օրենսգրքով նախատեսված դեպքերում:»
Դատարանը, հաշվի առնելով մեղադրյալ Սուրեն Կյուրեղյանի կատարած հանցանքների հանգամանքները, բնույթը, վտանգավորությունը, պատճառված վնասը, պատասխանատվությունն ու պատիժը մեղմացնող և ծանրացնող հանգամանքների բացակայությունը, անձը բնութագրող տվյալները, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, միևնույն ժամանակ հաշվի առնելով մեղադրյալի համաձայնությունը՝ իր նկատմամբ հանրային աշխատանքներ նշանակելու վերաբերյալ՝ գտնում է, որ վերջինիս նկատմամբ ՀՀ քրեական օրենսգրքի 254-րդ հոդվածի 1-ին մասով նախատեսված հանցագործության կատարման համար պետք է նշանակել պատիժ՝ հանրային աշխատանքներ՝ 100 (հարյուր) ժամ տևողությամբ, իսկ ՀՀ քրեական օրենսգրքի 254-րդ հոդվածի 1-ին մասով նախատեսված հանցագործության կատարման համար նշանակել պատիժ՝ հանրային աշխատանքներ՝ 100 (հարյուր) ժամ տևողությամբ։
Դատարանը, հաշվի առնելով մեղադրյալ Աշոտ Կարապետյանի կատարած հանցանքի հանգամանքները, բնույթը, վտանգավորությունը, պատճառված վնասը, պատասխանատվությունն ու պատիժը մեղմացնող հանգամանքների բացակայությունը, և ծանրացնող հանգամանքի առկայությունը, անձը բնութագրող տվյալները, Աշոտ Կարապետյանի վերաբերյալ ՀՀ ՊԵԿ տվյալների շտեմարանի քաղվածքը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները՝ գտնում է, որ վերջինիս նկատմամբ ՀՀ քրեական օրենսգրքի 46-254-րդ հոդվածի 1-ին մասով նախատեսված հանցագործության կատարման համար պատիժ պետք է նշանակել՝ տուգանք՝ նվազագույն աշխատավարձի յոթնապատիկի՝ 525.000 (հինգ հարյուր քսանհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը: (...)»
Դատարանը, ղեկավարվելով ՀՀ քրեական օրենսգրքի 74-րդ հոդվածով՝ գտնում է, որ սահմանված կարգով նշանակված պատիժները մասնակի գումարելու միջոցով մեղադրյալ Սուրեն Կյուրեղյանի նկատմամբ ՀՀ քրեական օրենսգրքի 254-րդ հոդվածի 1-ին մասով նշանակված 100 (հարյուր) ժամ տևողությամբ հանրային աշխատանքներ պատժին պետք է լրիվ գումարել ՀՀ քրեական օրենսգրքի 254-րդ հոդվածի 1-ին մասով նշանակված 100 (հարյուր) ժամ տևողությամբ հանրային աշխատանքներ պատիժը, և մեղադրյալ Սուրեն Կյուրեղյանի նկատմամբ պատիժ է նշանակում հանրային աշխատանքներ՝ 200 (երկու հարյուր) ժամ տևողությամբ։
ՀՀ քրեական օրենսգրքի 79-րդ հոդվածի 3-րդ և 4-րդ մասերի համաձայն՝
«3. Մինչև դատավճռի օրինական ուժի մեջ մտնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը հաշվակցվում է կարճաժամկետ ազատազրկման, կարգապահական գումարտակում պահելու, ազատազրկման ձևով նշանակված պատժին` 1 օրը հաշվելով 1 օրվա դիմաց, ազատության սահմանափակման ձևով նշանակված պատժին՝ 1 օրը հաշվելով 2 օրվա դիմաց, իսկ հանրային աշխատանքների դեպքում՝ 1 օրը 8 ժամի դիմաց:
4. Անազատության մեջ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, զինվորական ծառայության մեջ սահմանափակման ձևով հիմնական պատիժ նշանակելիս դատարանը, հաշվի առնելով մինչև դատավճիռ կայացնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը, մեղմացնում է նշանակված պատիժը կամ ազատում է պատիժը կրելուց:»
Ղեկավարվելով ՀՀ քրեական օրենսգրքի 79-րդ հոդվածի 3-րդ մասով՝ Դատարանը գտնում է, որ Սուրեն Սպարտակի Կյուրեղյանի նկատմամբ նշանակված 200 (երկու հարյուր) ժամ տևողությամբ հանրային աշխատանքների ձևով պատժին պետք է հաշվակցել սույն քրեական վարույթով 2024 թվականի հոկտեմբերի 26-ից մինչև 2024 թվականի հոկտեմբերի 28-ը և 2025 թվականի մայիսի 2-ից մինչև 2025թ. մայիսի 12-ը փաստացի անազատության մեջ գտնվելու ժամկետը՝ 13 (տասներեք) օրը (1 օրը 8 ժամի դիմաց, այսինքն՝ 13*8=104, 200-104=96) և Սուրեն Սպարտակի Կյուրեղյանի նկատմամբ որպես վերջնական պատիժ է նշանակում հանրային աշխատանքներ՝ 96 (իննսունվեց) ժամ տևողությամբ։
Ղեկավարվելով ՀՀ քրեական օրենսգրքի 79-րդ հոդվածի 4-րդ մասով՝ Դատարանը գտնում է, որ Աշոտ Արմանի Կարապետյանի նկատմամբ նշանակված 525.000 (հինգ հարյուր քսանհինգ հազար) ՀՀ դրամի չափով տուգանքի ձևով պատժին պետք է հաշվակցել սույն քրեական վարույթով 2024 թվականի հոկտեմբերի 26-ից մինչև 2024 թվականի հոկտեմբերի 29-ը փաստացի անազատության մեջ գտնվելու ժամկետը՝ 3 (երեք) օրը, ուստի անհրաժեշտ է նշված երեք օրը համապատասխանեցնել տուգանք պատժատեսակին։ Նշվածի համատեքստում Դատարանն արձանագրում է, որ փաստացի անազատության մեջ գտնվելու ժամկետը՝ 3 օրը հավասարազոր է 24 ժամ հանրային աշխատանքներ պատժին, իսկ ՀՀ քրեական օրենսգրքի 59-րդ հոդվածի կարգավորումների համաձայն՝ 24 ժամ հանրային աշխատանքներ պատիժը հավասարազոր է հանցանքը կատարելու պահին նվազագույն աշխատավարձի չափին, ուստի Աշոտ Արմանի Կարապետյանի նկատմամբ որպես վերջնական պատիժ է նշանակում տուգանք՝ 450.000 (չորս հարյուր հիսուն հազար) ՀՀ դրամի չափով (525.000-75.000=450.000)։
Նկատի ունենալով այն հանգամանքը, որ սույն քրեական վարույթով գույքային հայց, գույք բռնագրավելու անհրաժեշտություն, արգելադրված գույք առկա չեն, ուստի Դատարանն այդ հարցերին չի անդրադառնում:
Անդրադառնալով իրեղեն ապացույց ճանաչված՝ «Jeep Compas» մակնիշի 17 MK 777 հաշվառման համարանիշի ավտոմեքենայի հայելու ապակիների տնօրինման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո դրանք անհրաժեշտ է թողնել Մանե Գագիկի Քարամյանի տնօրինության տակ։
Անդրադառնալով իրեղեն ապացույց ճանաչված՝ «Mercedes» մակնիշի 07 KK 907 հաշվառման համարանիշի ավտոմեքենայի հայելու ապակիների տնօրինման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո դրանք անհրաժեշտ է թողնել Կարեն Արթուրի Գրիգորյանի տնօրինության տակ։
Անդրադառնալով իրեղեն ապացույց ճանաչված՝ «ԲՄՎ» մակնիշի ավտոմեքենայի աջ հայելու ապակու տնօրինման հարցին՝ Դատարանը գտնում է, որ դատավճիռն օրինական ուժի մեջ մտնելուց հետո այն պետք է վերադարձնել տուժող Արշակ Ղազարյանին։
Անդրադառնալով իրեղեն ապացույց ճանաչված՝ Սուրեն Սպարտակի Կյուրեղյանի անձնական խուզարկությամբ հայտնաբերված դանակի տնօրինման հարցին՝ Դատարանը գտնում է, որ դատավճիռն օրինական ուժի մեջ մտնելու հետո այն անհրաժեշտ է ոչնչացնել։
Անդրադառնալով մյուս ապացույցների պահպանման և տնօրինման հարցին՝ Դատարանն արձանագրում է, որ դրանք ենթակա են պահման քրեական գործի հետ՝ այն պահելու ամբողջ ժամանակահատվածում:
Դատարանը գտնում է նաև, որ Սուրեն Կյուրեղյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո Սուրեն Կյուրեղյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Դատարանը գտնում է նաև, որ Աշոտ Կարապետյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո Աշոտ Կարապետյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Միևնույն ժամանակ, Դատարանը, նկատի ունենալով արագացված վարույթ կիրառելու հանգամանքը, ղեկավարվելով ՀՀ քրեական դատավարության օրենսգրքի 464.4 հոդվածի 3-րդ մասով՝ փաստում է, որ ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման։
Ելնելով վերոգրյալից և ղեկավարվելով ՀՀ քրեական օրենսգրքի 55-րդ, 59-րդ, 67-րդ, 69-րդ, 70-րդ, 74-րդ, 79-րդ, 84-րդ և ՀՀ քրեական դատավարության օրենսգրքի 31-րդ, 33-րդ, 347-349-րդ, 352-353-րդ, 364-րդ և 464.4-րդ հոդվածներով՝ Դատարանը

ՎՃՌԵՑ
1. Սուրեն Սպարտակի Կյուրեղյանին մեղավոր ճանաչել ՀՀ քրեական օրենսգրքի 254-րդ հոդվածի 1-ին մասով, ՀՀ քրեական օրենսգրքի 254-րդ հոդվածի 1-ին մասով և՝
Սուրեն Սպարտակի Կյուրեղյանի նկատմամբ ՀՀ քրեական օրենսգրքի 254-րդ հոդվածի 1-ին մասով նախատեսված հանցագործության կատարման համար պատիժ նշանակել՝ հանրային աշխատանքներ՝ 100 (հարյուր) ժամ տևողությամբ,
Սուրեն Սպարտակի Կյուրեղյանի նկատմամբ ՀՀ քրեական օրենսգրքի 254-րդ հոդվածի 1-ին մասով նախատեսված հանցագործության կատարման համար պատիժ նշանակել՝ հանրային աշխատանքներ՝ 100 (հարյուր) ժամ տևողությամբ։
2. ՀՀ քրեական օրենսգրքի 74-րդ հոդվածով սահմանված կարգով մեղադրյալ Սուրեն Սպարտակի Կյուրեղյանի նկատմամբ ՀՀ քրեական օրենսգրքի 254-րդ հոդվածի 1-ին մասով նշանակված 100 (հարյուր) ժամ տևողությամբ հանրային աշխատանքներ պատժին լրիվ գումարել ՀՀ քրեական օրենսգրքի 254-րդ հոդվածի 1-ին մասով նշանակված 100 (հարյուր) ժամ տևողությամբ հանրային աշխատանքներ պատիժը և մեղադրյալ Սուրեն Սպարտակի Կյուրեղյանի նկատմամբ պատիժ նշանակել հանրային աշխատանքներ՝ 200 (երկու հարյուր) ժամ տևողությամբ։
3. ՀՀ քրեական օրենսգրքի 79-րդ հոդվածի 3-րդ մասի կիրառմամբ՝ Սուրեն Սպարտակի Կյուրեղյանի նկատմամբ նշանակված 200 (երկու հարյուր) ժամ տևողությամբ հանրային աշխատանքների ձևով պատժին հաշվակցել սույն քրեական վարույթով 2024 թվականի հոկտեմբերի 26-ից մինչև 2024 թվականի հոկտեմբերի 28-ը և 2025 թվականի մայիսի 2-ից մինչև 2025թ. մայիսի 12-ը փաստացի անազատության մեջ գտնվելու ժամկետը՝ 13 (տասներեք) օրը և Սուրեն Սպարտակի Կյուրեղյանի նկատմամբ որպես վերջնական պատիժ նշանակել հանրային աշխատանքներ՝ 96 (իննսունվեց) ժամ տևողությամբ։
4. Սուրեն Սպարտակի Կյուրեղյանի պատժի կատարումը դնել ՀՀ արդարադատության նախարարության պրոբացիայի ծառայության վրա։
5. Սուրեն Սպարտակի Կյուրեղյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
6. Աշոտ Արմանի Կարապետյանին մեղավոր ճանաչել ՀՀ քրեական օրենսգրքի 46-254-րդ հոդվածի 1-ին մասով և պատիժ նշանակել տուգանք՝ նվազագույն աշխատավարձի յոթնապատիկի՝ 525.000 (հինգ հարյուր քսանհինգ հազար) ՀՀ դրամի չափով։
7. ՀՀ քրեական օրենսգրքի 79-րդ հոդվածի 4-րդ մասի կիրառմամբ՝ Աշոտ Արմանի Կարապետյանի նկատմամբ նշանակված 525.000 (հինգ հարյուր քսանհինգ հազար) ՀՀ դրամի չափով տուգանքի ձևով պատժին հաշվակցել սույն քրեական վարույթով 2024 թվականի հոկտեմբերի 26-ից մինչև 2024 թվականի հոկտեմբերի 29-ը փաստացի անազատության մեջ գտնվելու ժամկետը՝ 3 (երեք) օրը և Աշոտ Արմանի Կարապետյանի նկատմամբ որպես վերջնական պատիժ նշանակել տուգանք՝ 450.000 (չորս հարյուր հիսուն հազար) ՀՀ դրամի չափով։
8. Աշոտ Արմանի Կարապետյանին թույլատրել որպես պատիժ նշանակված՝ 450.000 (չորս հարյուր հիսուն հազար) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
9. Աշոտ Արմանի Կարապետյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
10 . Իրեղեն ապացույցները տնօրինել ՀՀ քրեական դատավարության օրենսգրքի 100-րդ հոդվածի կարգով՝ դատավճռի պատճառաբանական մասում նշված եղանակով։
11. Դատավճիռը` բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:


Դատավոր` Դավիթ Արղամանյան