ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ
(այսուհետ՝ նաև Դատարան)

Նախագահությամբ՝ դատավոր Ս.ԱՆԴՐԵԱՍՅԱՆԻ
քարտուղարությամբ՝ Է․ԴԱՎԹՅԱՆԻ
մասնակցությամբ՝
հանրային մեղադրող Հ․ՄԻՔԱՅԵԼՅԱՆԻ
պաշտպան Ռ․ՍԻՐԵԿԱՆՅԱՆԻ
տուժող Բ․ԲԱԲԱՋԱՆՅԱՆԻ
տուժող Դ․ԱՍՐՅԱՆԻ
տուժող Ա․ՍՈՒՔԻԱՍՅԱՆԻ
տուժող Ս․ՇԻՄՇԻՐԵԱՆԻ
մեղադրյալ Ս․ՇԱՀԻՋԱՆԻԻ

2025 թվականի մայիսի 08-ին Երևան քաղաքում՝ դռնբաց դատական նիստում՝ դատաքննության արագացված վարույթի կարգով քննելով քրեական գործն ըստ մեղադրանքի` Սուսաննա Էդմոնդի Շահիջանիի (ծնված՝ 17․05․1999թ․, ազգությամբ հայ, ՀՀ քաղաքացի, հաշվառված և բնակվող՝ ք․Երևան, Բաշինջաղյան 2-րդ նրբանցք, 6-րդ շենք, բն․ 119 հասցեում, նախկինում չդատված)` ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով և ՀՀ քրեական օրենսգրքի 457-րդ հոդվածի 1-ին մասով․

Պ Ա Ր Զ Ե Ց

Գործի դատավարական նախապատմությունը.
ՀՀ քննչական կոմիտեի Երևան քաղաքի քննչական վարչության Ավան և Նոր-Նորք վարչական շրջանների քննչական բաժնում 2024 թվականի հունիսի 17-ին ՀՀ քրեական օրենսգրքի 255-րդ հոդվածի 1-ին մասով նախաձեռնվել է թիվ 17-0780-24 քրեական վարույթը։
2024 թվականի հունիսի 20-ի որոշմամբ թիվ 17-0780-24 քրեական վարույթով Դավիթ Նորայրի Ասրյանը ճանաչվել է տուժող։
ՀՀ քննչական կոմիտեի Երևան քաղաքի քննչական վարչության Ավան և Նոր-Նորք վարչական շրջանների քննչական բաժնում 2024 թվականի հունիսի 20-ին ՀՀ քրեական օրենսգրքի 255-րդ հոդվածի 1-ին մասով նախաձեռնվել է թիվ 17-0785-24 քրեական վարույթը։
2024 թվականի հունիսի 26-ի որոշմամբ թիվ 17-0780-24 քրեական վարույթով Արմենակ Տիգրանի Սուքիասյանը ճանաչվել է տուժող։
ՀՀ քննչական կոմիտեի Երևան քաղաքի քննչական վարչության Ավան և Նոր-Նորք վարչական շրջանների քննչական բաժնում 2024 թվականի հունիսի 24-ին ՀՀ քրեական օրենսգրքի 254-րդ հոդվածի 1-ին մասով նախաձեռնվել է թիվ 17112824 քրեական վարույթը։
2024 թվականի հունիսի 25-ի որոշմամբ թիվ 17112824 քրեական վարույթով Սևակ Գրիգորիի Շիմշիրեանը ճանաչվել է տուժող։
2024 թվականի հունիսի 25-ին որոշում է կայացվել թիվ 17-0780-24, 17-0785-24 և 17112824 քրեական վարույթները միացնելու, միացված վարույթին 17-0780-24 համարը շնորհելու և նախաքննությունը շարունակելու մասին։
ՀՀ քննչական կոմիտեի Երևան քաղաքի քննչական վարչության Ավան և Նոր-Նորք վարչական շրջանների քննչական բաժնում 2024 թվականի սեպտեմբերի 18-ին ՀՀ քրեական օրենսգրքի 457-րդ հոդվածի 1-ին մասով և ՀՀ քրեական օրենսգրքի 255-րդ հոդվածի 1-ին մասով նախաձեռնվել է թիվ 17129524 քրեական վարույթը։
2024 թվականի սեպտեմբերի 18-ի որոշմամբ թիվ 17129524 քրեական վարույթով Բաբկեն Ժորայի Բաբաջանյանը ճանաչվել է տուժող։
2024 թվականի սեպտեմբերի 20-ին որոշում է կայացվել թիվ 17-0780-24 և 17129524 քրեական վարույթները միացնելու, միացված վարույթին 17-0780-24 համարը շնորհելու և նախաքննությունը շարունակելու մասին։
2024 թվականի դեկտեմբերի 23-ին որոշում է կայացվել ՀՀ քրեական օրենսգրքի 255-րդ հոդվածի 1-ին մասով, 255-րդ հոդվածի 1-ին մասով, 255-րդ հոդվածի 1-ին մասով, 255-րդ հոդվածի 1-ին մասով և 457-րդ հոդվածի 1-ին մասով Սուսաննա Էդմոնդի Շահիջանիի նկատմամբ քրեական հետապնդում հարուցելու մասին:
2024 թվականի դեկտեմբերի 25-ի որոշմամբ Սուսաննա Էդմոնդի Շահիջանիի նկատմամբ որպես խափանման միջոց է ընտրվել բացակայելու արգելքը։
2025 թվականի հունվարի 17-ին Երևան քաղաքի առաջին ատյանի ընդհանուր իրավասության քրեական դատարանում ստացվել է քրեական գործը՝ մեղադրական եզրակացությամբ, որը դատավոր Ս.Անդրեասյանին փաստացի հանձնվել է 2025 թվականի հունվարի 20-ին։
2025 թվականի հունվարի 22-ին որոշում է կայացվել քրեական գործի վարույթը ստանձնելու և նախնական դատալսումներ նշանակելու մասին։
Նախնական դատալսումների ընթացքում՝ 2025 թվականի փետրվարի 05-ին, Դատարանը որոշում է կայացրել մեղադրյալ Սուսաննա Էդմոնդի Շահիջանիի նկատմամբ ընտրված բացակայելու արգելք խափանման միջոցը անփոփոխ թողնելու մասին։

Մեղադրանքի փաստական նկարագրությունը.
2024 թվականի դեկտեմբերի 23-ի Երևան քաղաքի Աջափնյակ և Դավթաշեն վարչական շրջանների դատախազության ավագ դատախազ Հ․Միքայելյանի որոշմամբ՝ թիվ 17-0780-24 քրեական վարույթով մեղադրյալ Սուսաննա Էդմոնդի Շահիջանիի նկատմամբ հարուցվել է հանրային քրեական հետապնդում և նրան մեղադրանք է ներկայացվել ՀՀ քրեական օրենսգրքի 255-րդ հոդվածի 1-ին մասով, 255-րդ հոդվածի 1-ին մասով, 255-րդ հոդվածի 1-ին մասով, 255-րդ հոդվածի 1-ին մասով և 457-րդ հոդվածի 1-ին մասով այն բանի համար, որ «նա 2024 թվականի մայիսի 20-ին, 24-ին, հունիսի 03-ին և օգոստոսի 02-ին խարդախությամբ հափշտակել է Արմենակ Տիգրանի Սուքիասյանի, Դավիթ Նորայրի Ասրյանի, Սևակ Գրիգորիի Շիմշիրեանի և Բաբկեն Ժորայի Բաբաջանյանի մանր չափերի գույքերը, ինչպես նաև կեղծել է «Լիգա Ինշուրանս» ՓԲ ընկերության կողմից տրվող՝ «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության» պայմանագիրը, որն իրացրել է Բաբկեն Ժորայի Բաբաջանյանին:
Այսպես.
Սուսաննա Շահիջանին, 2024 թվականի մայիսի 20-ին իր կողմից օգտագործվող 033-75-77-16 բջջային հեռախոսահամարից զանգահարել է Արմենակ Սուքիասյանի կողմից օգտագործվող բջջային հեռախոսահամարին և, վերջինիս մանր չափերի գույքը հափշտակելու նախնական դիտավորությամբ, հայտնել, որ ինքը հանդիսանում է ապահովագրական ընկերության աշխատակից և, քանի որ Արմենակ Սուքիասյանին պատկանող «Տոյոտա Քեմրի» մակնիշի ավտոմեքենայի ապահովագրության ժամկետն ավարտվում էր, առաջարկել է առցանց եղանակով իրեն փոխանցել 35.000 ՀՀ դրամ, պատասխանատվության պարտադիր ապահովագրության պայմանագիր և պատճենը կուղարկեր վերջինիս՝ այդ կերպ վստահություն ձեռք բերելով իր ապագա վարքագծի կապակցությամբ և մոլորության մեջ գցելով Արմենակ Սուքիասյանին: Վերջինս նույն օրը Սուսաննա Շահիջանիի անվամբ բացված «Արդշինբանկ» ՓԲ ընկերության հաշվին փոխանցել է 35.000 ՀՀ դրամ, իսկ Սուսաննա Շահիջանին ստանալով նշված գումարով չի կնքել պայմանագիրը՝ Արմենակ Սուքիասյանին պատճառելով մանր չափերի՝ 35․000 ՀՀ դրամի գույքային վնաս:
(...)
Բացի այդ, Սուսաննա Շահիջանին, 2024 թվականի մայիսի 24-ին իր կողմից օգտագործվող 033-75-77-16 բջջային հեռախոսահամարից զանգահարել է Դավիթ Ասրյանի կողմից օգտագործվող բջջային հեռախոսահամարին և, վերջինիս մանր չափերի գույքը հափշտակելու նախնական դիտավորությամբ, հայտնել, որ ինքը հանդիսանում է ապահովագրական ընկերության աշխատակից և, քանի որ Դավիթ Ասրյանին պատկանող «Օպել Զաֆիրա» մակնիշի ավտոմեքենայի ապահովագրության ժամկետն ավարտվում էր, առաջարկել է առցանց եղանակով իրեն փոխանցել 22.000 ՀՀ դրամ, որից հետո ինքը կկնքեր ավտոտրանսպորտային միջոցների օգտագործումից բխող պատասխանատվության պարտադիր ապահովագրության պայմանագիր՝ այդ կերպ վստահություն ձեռք բերելով իր ապագա վարքագծի կապակցությամբ և մոլորության մեջ գցելով Դավիթ Ասրյանին: Վերջինս նույն օրը Սուսաննա Շահիջանիի անվամբ բացված՝ «Հայէկոնոմբանկ» ԲԲ ընկերության հաշվին փոխանցել է 22.100 ՀՀ դրամ, իսկ Սուսաննա Շահիջանին ստանալով նշված գումարը չի կնքել պայմանագիրը՝ Դավիթ Ասրյանին պատճառելով մանր չափերի՝ 22.100 ՀՀ դրամի գույքային վնաս:
(...)
Բացի այդ, Սուսաննա Շահիջանին, 2024 թվականի հունիսի 03-ին իր կողմից օգտագործվող 098-05-17-77 բջջային հեռախոսահամարից զանգահարել է Սևակ Շիմշիրեանի կողմից օգտագործվող բջջային հեռախոսահամարին և, վերջինիս մանր չափերի գույքը հափշտակելու նախնական դիտավորությամբ, հայտնել, որ ինքը հանդիսանում է ապահովագրական ընկերության աշխատակից և, քանի որ Սևակ Շիմշիրեանին պատկանող ավտոմեքենայի ապահովագրության ժամկետն ավարտվում էր, առաջարկել է առցանց եղանակով իրեն փոխանցել 33.000 ՀՀ դրամ, որից հետո ինքը կկնքեր ավտոտրանսպորտային միջոցների օգտագործումից բխող պատասխանատվության պարտադիր ապահովագրության պայմանագիր՝ այդ կերպ վստահություն ձեռք բերելով իր ապագա վարքագծի կապակցությամբ և մոլորության մեջ գցելով Սևակ Շիմշիրեանին: Վերջինս նույն օրը Սուսաննա Շահիջանիի անվամբ բացված՝ «Հայէկոնոմբանկ» ԲԲ ընկերության հաշվին փոխանցել է 33.000 ՀՀ դրամ, իսկ Սուսաննա Շահիջանին ստանալով գումարը չի կնքել պայմանագիրը՝ Սևակ Շիմշիրեանին պատճառելով մանր չափերի՝ 33.000 ՀՀ դրամի գույքային վնաս:
(...)
Բացի այդ, Սուսաննա Շահիջանին, 2024 թվականի օգոստոսի 02-ին իր կողմից օգտագործվող 033-75-77-16 բջջային հեռախոսահամարից զանգահարել է Բաբկեն Բաբաջանյանի կողմից օգտագործվող բջջային հեռախոսահամարին և, վերջինիս մանր չափերի գույքը հափշտակելու նախնական դիտավորությամբ, հայտնել, որ ինքը հանդիսանում է ապահովագրական ընկերության աշխատակից և, քանի որ Բաբկեն Բաբաջանյանին պատկանող «Տոյոտա» մակնիշի ավտոմեքենայի ապահովագրության ժամկետն ավարտվում էր, առաջարկել է առցանց եղանակով իրեն փոխանցել 35.000 ՀՀ դրամ, որից հետո ինքը կկնքեր ավտոտրանսպորտային միջոցների օգտագործումից բխող պատասխանատվության պարտադիր ապահովագրության պայմանագիր և պատճենը կուղարկեր վերջինիս՝ այդ կերպ վստահություն ձեռք բերելով իր ապագա վարքագծի կապակցությամբ և մոլորության մեջ գցելով Բաբկեն Բաբաջանյանին: Այնուհետև, իր մոտ ունենալով 2023 թվականի օգոստոսի 17-ին Բաբկեն Բաբաջանյանի և «Լիգա Ինշուրանս» ՓԲ ընկերության միջև կնքված՝ «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության» թիվ SW 094243 պայմանագրի օրինակը, Սուսաննա Շահիջանին, համակարգչային ծրագրերի օգտագործմամբ, կեղծել է դրանում նշված մի շարք տվյալներ, այդ թվում՝ ապահովագրության ժամկետը, վճարման ենթակա ապահովագրավճարի չափը, իսկ պայմանագրի կնքման ամսաթիվը նշել է «02/08/2024», որն էլեկտրոնային եղանակով ուղարկել է տուժող Բաբկեն Բաբաջանյանին: Վերջինս 2024 թվականի օգոստոսի 02-ին Սուսաննա Շահիջանիի մատնանշած բանկային հաշվին է փոխանցել 35.000 ՀՀ դրամ, իսկ Սուսաննա Շահիջանին ստանալով նշված գումարը չի կնքել պայմանագիրը՝ Բաբկեն Բաբաջանյանին պատճառելով մանր չափերի՝ 35.000 ՀՀ դրամի գույքային վնաս:

Արագացված վարույթ
Նախնական դատալսումների ժամանակ մեղադրյալ Սուսաննա Շահիջանին միջնորդել է դատական քննությունն անցկացնել արագացված վարույթի կարգով:
Հանրային մեղադրողի կողմից մեղադրանքի փաստական հիմքը և մեղադրյալին վերագրվող արարքի իրավական որակումը ներկայացնելուց հետո մեղադրյալը հայտարարել է, որ ներկայացված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է պաշտպանի հետ և գիտակցում է արագացված վարույթ կիրառելու հետևանքները:
Պաշտպանը միացել է ներկայացված միջնորդությանը:
Հանրային մեղադրողը չի առարկել արագացված վարույթ կիրառելու դեմ:
Տուժողներ Դավիթ Ասրյանը, Արմենակ Սուքիասյանը, Բաբկեն Բաբաջանյանը չեն առարկել արագացված վարույթի կիրառման դեմ։ Տուժող Սևակ Շիմշիրեանը պատշաճ ծանուցվել է, սակայն չի ներկայացել դատական նիստերին։
Դատարանը, նկատի ունենալով, որ առկա է սույն օրենսգրքի 464.1-ին հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված արագացված վարույթի կիրառումը բացառող հանգամանքները, բավարարել է արագացված վարույթ կիրառելու մասին միջնորդությունը և որոշում կայացրել լրացուցիչ դատալսումներ անցկացնելու մասին:
(Մանրամասն տե՛ս դատական նիստի արձանագրությունը)։

Պատճառաբանական մաս.
Առաջադրված մեղադրանքը մեղադրյալ Սուսաննա Շահիջանիի կողմից ընդունելու և դատական քննության արագացված վարույթի կարգ կիրառելու պայմաններում Դատարանն արձանագրում է.
ՀՀ քրեական օրենսգրքի 255-րդ հոդվածի 1-ին մասի համաձայն՝
«1. Խարդախությունը՝ խաբեության կամ վստահությունը չարաշահելու եղանակով հափշտակությունը՝ պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»։
ՀՀ քրեական օրենսգրքի 457-րդ հոդվածի 1-ին մասի համաձայն՝
«1. Պետական կամ տեղական ինքնակառավարման մարմնի կամ դրանց կազմակերպության, առևտրային կամ այլ կազմակերպության, անհատ ձեռնարկատիրոջ, նոտարի, աուդիտորի կամ փաստաթուղթ կազմելու, տալու կամ դրա իսկությունը հավաստելու համար լիազորված այլ անձի կողմից տրվող իրավաբանական նշանակություն ունեցող փաստ հավաստող կամ իրավունք վերապահող կամ պարտականությունից կամ պատասխանատվությունից ազատող փաստաթուղթ կեղծելը՝ կեղծողի կողմից անձամբ կամ այլ անձի կողմից այն օգտագործելու կամ իրացնելու նպատակով, կամ այդպիսի փաստաթուղթ իրացնելը կամ նույն նպատակով կեղծ դրոշմ, կնիք կամ ձևաթուղթ պատրաստելը կամ իրացնելը, ինչպես նաև կեղծ փաստաթուղթ օգտագործելը՝
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»։
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»։
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի 2-րդ մասի համաձայն՝
«Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»։
ՀՀ քրեական օրենսգրքի 70-րդ հոդվածի 2-րդ մասի համաձայն՝
«2. Պատիժ նշանակելիս դատարանը կարող է հաշվի առնել նաև սույն հոդվածի 1-ին մասով չնախատեսված մեղմացնող այլ հանգամանքներ:
(...)»
ՀՀ քրեական օրենսգրքի 74-րդ հոդվածի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը։
2. Եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Գումարելիս ազատազրկման ձևով վերջնական պատիժը չի կարող գերազանցել 5 տարին:
(…)
11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը»։
ՀՀ քրեական օրենսգրքի 77-րդ հոդվածի համաձայն՝
«(…)
4.1. Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից(…)»։
ՀՀ քրեական դատավարության օրենսգրքի 347-րդ հոդվածի համաձայն՝
«1. Դատավճիռը կայացվում է Հայաստանի Հանրապետության անունից:
2. Դատավճիռը պետք է լինի օրինական և հիմնավոր:
3. Դատավճիռն օրինական է, եթե այն կայացվել է Սահմանադրության, սույն օրենսգրքի և այն միջազգային պայմանագրի կամ օրենքի պահանջների պահպանմամբ, որոնց նորմերը կիրառելի են տվյալ վարույթն իրականացնելիս:
4. Դատավճիռը հիմնավոր է, եթե՝
1) դատարանի հետևությունները հիմնված են միայն հետազոտված թույլատրելի ապացույցների վրա.
2) դատարանի կողմից հաստատված կամ հերքված համարված փաստական հանգամանքները համապատասխանում են դատարանում հետազոտված ապացույցներին.
3) դատավճռում շարադրվող բոլոր հետևությունները և որոշումները պատշաճ պատճառաբանված են:
5. Դատավճիռը կարող է լինել արդարացման կամ մեղադրական»(…):
ՀՀ քրեական դատավարության օրենսգրքի 348-րդ հոդվածի համաձայն՝
«1. Դատավճռում պետք է շարադրվեն հետևյալ հարցերի պատասխանները․
1) ապացուցված են արդյոք մեղադրյալին վերագրվող փաստական հանգամանքները (արարքը).
2) ապացուցված է արդյոք այդ արարքի քրեական հակաիրավականությունը.
3) ապացուցված է արդյոք մեղադրյալի կողմից այդ արարքը կատարելը.
4) ապացուցված է արդյոք մեղադրյալի մեղավորությունը տվյալ արարքը կատարելու մեջ.
5) ինչ միջոցներ պետք է ձեռնարկվեն արդարացված մեղադրյալի ռեաբիլիտացիայի համար.
6) դատապարտված մեղադրյալի արարքի նկատմամբ քրեական օրենսգրքի որ հոդվածը, հոդվածի մասը կամ կետն է ենթակա կիրառման.
7) ապացուցված են արդյոք դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
8) դատապարտված մեղադրյալը ենթակա է արդյոք պատժի իր կատարած հանցանքի համար.
9) ինչ պատիժ պետք է նշանակվի դատապարտված մեղադրյալի նկատմամբ.
10) դատապարտված մեղադրյալը արդյոք պետք է կրի իր նկատմամբ նշանակված պատիժը.
11) գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
12) որ գույքն է ենթակա բռնագրավման, ինչ չափով և ինչպիսի հիմքով․
13) վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
14) ինչպես պետք է պահպանվեն և տնօրինվեն ապացույցները.
15) դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
16) ում վրա և ինչ չափով պետք է դրվեն վարութային ծախսերը(…)»:
ՀՀ քրեական դատավարության օրենսգրքի 349-րդ հոդվածի համաձայն՝
«1.Դատավճիռը կազմված է ներածական, նկարագրական, պատճառաբանական և եզրափակիչ մասերից:
2. Դատավճռի ներածական մասում նշվում են`
1) որ դատավճիռը կայացվել է Հայաստանի Հանրապետության անունից.
2) դատավճիռը կայացնելու վայրը և ժամանակը.
3) դատավճիռը կայացնող դատարանի անվանումը, դատարանի կազմը, դատական նիստի քարտուղարը, հանրային մեղադրողը, վարույթի մասնավոր մասնակիցները.
4) մեղադրյալի անունը, հայրանունը, ազգանունը, նրա ծննդյան թվականը, ամիսը, օրը և ծննդավայրը, ընտանեկան դրությունը, աշխատանքի վայրը, զբաղմունքը, կրթությունը և այլ վերաբերելի տեղեկություններ.
5) քրեական օրենսգրքի այն հոդվածը կամ հոդվածի մասը կամ կետը, որով նախատեսված հանցանքի կատարման համար մեղադրյալին մեղադրանք է ներկայացվել:
3. Դատավճռի նկարագրական մասում նշվում են՝
1) մեղադրանքի փաստական նկարագրությունը.
2) դատաքննության ընթացքում հետազոտված թույլատրելի ապացույցները.
3) դատարանի փաստական վերլուծությունները.
4) հետազոտված ապացույցների հիման վրա դատարանի կողմից հաստատված կամ հերքված փաստական հանգամանքները:
4. Դատավճռի պատճառաբանական մասում նշվում են՝
1) կիրառվող իրավունքը, այդ թվում՝ միջազգային պայմանագրերը.
2) դատարանի իրավական վերլուծությունները.
3) դատարանի հետևությունները և դրանց իրավական հիմնավորումները.
4) օրենքի այն նորմերը, որոնցով դատարանը ղեկավարվել է դատավճիռ կայացնելիս:
5. Դատավճռի եզրափակիչ մասում նշվում են`
1) դատարանի որոշումները.
2) դատավճռի բողոքարկման կարգը:
6. Նախագահողն ստորագրում է դատավճռի յուրաքանչյուր էջը»։
ՀՀ քրեական դատավարության օրենսգրքի 464.4-րդ հոդվածի համաձայն՝
«1. Արագացված վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները:
ՀՀ վճռաբեկ դատարանը, թիվ ՎԲ-142/07, ՎԲ-192/07, ՎԲ-50/07, ՎԲ-201/07, ԵՇԴ/0029/01/08, ԵԿԴ/0042/01/11, ԵՇԴ/0143/01/13, ինչպես նաև մի շարք այլ գործերով կայացված որոշումներում անդրադառնալով պատիժ նշանակելու ընդհանուր սկզբունքներին, կայուն նախադեպային իրավունք է ձևավորել առ այն, որ հանցավորի անձին և հանցագործության վտանգավորության բնույթին ու աստիճանին համաչափ քրեաիրավական ներգործության միջոց ընտրելու, ինչպես նաև դրա շրջանակներում համաչափ պատժաչափ սահմանելու պահանջն ուղղակիորեն բխում է պատիժ նշանակելու ընդհանուր սկզբունքների, մասնավորապես` արդարության և պատասխանատվության անհատականացման հիմնարար սկզբունքների բովանդակությունից: Արդարացի է այն պատիժը, որի ընտրությունը գործի բոլոր հանգամանքների` հանցագործության վտանգավորության բնույթի և աստիճանի (հանցագործության մեղքի ձև և տեսակ, շարժառիթ, նպատակ, քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակություն, պատճառված վնասի չափ, եղանակ, գործիքներ ու միջոցներ, հանցավոր մտադրության իրականացման աստիճան, հանցակցության դեպքում` հանցավորի կատարած արարք և հանցագործությանը նրա մասնակցության աստիճան և այլն), հանցավորի անձը բնութագրող տվյալների, մեղմացնող և ծանրացնող հանգամանքների ամբողջական ու բազմակողմանի վերլուծության արդյունք է և բխում է ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից: Վերոնշյալ պահանջներից նահանջը կարող է հանգեցնել չափազանց մեղմ կամ չափազանց խիստ պատժի նշանակման:
Նարեկ Սարգսյանի գործով թիվ ԵԿԴ/0042/01/11 որոշման շրջանակներում ՀՀ վճռաբեկ դատարանը փաստել է նաև. «(...) Պատժի արդարությունը դրսևորվում է հանցագործությանը քրեաիրավական միջոցներով արձագանքելու պարտադիրությամբ, ինչպես նաև հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար` պատժի նպատակներին հասնելու տեսանկյունից (…):
(…) Պատիժ նշանակելու սկզբունքի բովանդակությունն ընդգրկում է դատապարտյալի, տուժողի և հասարակության վերաբերմունքը նշանակված պատժի նկատմամբ: Ուստի, պատիժ նշանակելիս արդարության սկզբունքը դատարանից պահանջում է ողջամտորեն հաշվի առնել արդարության մասին վերոնշյալ սուբյեկտների կարծիքը, (…) որը պետք է կիրառվի պատժի նշանակման մյուս սկզբունքների, ինչպես նաև պատժի նպատակների համատեքստում (տե՛ս Նարեկ Սարգսյանի գործով ՀՀ վճռաբեկ դատարանի` 2011 թվականի դեկտեմբերի 22-ի թիվ ԵԿԴ/0042/01/11 որոշման 16-րդ կետը):
Վերոշարադրյալ իրավանորմերի և ՀՀ վճռաբեկ դատարանի ձևավորած իրավական դիրքորոշումների հիման վրա քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, Դատարանը հաշվի է առնում հետևյալ հանգամանքները.
-մեղադրյալի կատարած հանցավոր արարքի բնույթն ու վտանգավորության աստիճանը, այդ թվում՝ քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակությունը (հանցանքներն ուղղված են սեփականության, տնտեսության և տնտեսական գործունեության, ինչպես նաև կառավարման կարգի դեմ), մեղադրյալի հանցավոր մտադրության իրականացման աստիճանը, հանցավոր արարքի կատարման եղանակը և հանգամանքները, մեղսագրվող հանցանքների բազմադրվագ լինելը
-մեղադրյալի պատասխանատվությունը և պատիժը ծանրացնող և մեղմացնող հանգամանքներ Դատարանը չի արձանագրում:
Որպես անձը բնութագրող տվյալ է հանդիսանում մեղադրյալի՝ նախկինում դատապարտված չլինելու հանգամանքը։
Մեղադրյալ Սուսաննա Շահիջանիի դատվածության մասին ձև 8 տեղեկանքի համաձայն՝ մեղադրյալի վերաբերյալ առկա են մի շարք քրեական վարույթներ՝ դատաքննության փուլում քննվող։ Մասնավորապես՝ թիվ ԱՐԴ/0553/01/24 քրեական գործով մեղադրյալ Սուսաննա Շահիջանին մեղադրվում է ՀՀ քրեական օրենսգրքի 255-րդ հոդվածի 1-ին մասով նախատեսված հանցանքի կատարման մեջ՝ 2 դրվագ, թիվ ԵԴ1/1154/01/24 քրեական գործով մեղադրյալ Սուսաննա Շահիջանին մեղադրվում է ՀՀ քրեական օրենսգրքի 255-րդ հոդվածի 1-ին մասով նախատեսված հանցանքի կատարման մեջ, թիվ ԵԴ1/0421/01/25 գործով մեղադրվում է ՀՀ քրեական օրենսգրքի 255-րդ հոդվածի 1-ին մասով նախատեսված հանցանքի կատարման մեջ, թիվ ԱՐԴ/0171/01/25 գործով մեղադրվում է ՀՀ քրեական օրենսգրքի 255-րդ հոդվածի 1-ին մասով նախատեսված հանցանքի կատարման մեջ, ԵԴ1/3695/01/24 գործով վերջինս մեղադրվում է ՀՀ քրեական օրենսգրքի 255-րդ հոդվածի 1-ին մասով նախատեսված ենթադրյալ հանցանքի կատարման մեջ։
Բացի այդ, մեղադրյալ Սուսաննա Շահիջանիի վերաբերյալ առկա են մեղադրական դատավճիռներ, որոնք կայացվել և օրինական ուժ են ստացել սույն քրեական գործով մեղսագրվող հանցանքների կատարումից հետո, որպիսի պայմաններում Դատարանը չի արձագրում դատվածության առկայության պայմաններում հանցանքների կատարում։
Մասնավորապես՝ թիվ ԵԴ1/1193/01/24 քրեական գործով 2024 թվականի հոկտեմբերի 24-ին կայացվել է դատավճիռ, ըստ որի վերջինս մեղավոր է ճանաչվել ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 457-րդ հոդվածի 1-ին մասով: Սուսաննա Էդմոնդի Շահիջանիին ՀՀ քրեական օրենսգրքի 255-րդ հոդվածի 1-ին մասով պատիժ է նշանակվել հանրային աշխատանքներ՝ 80 (ութսուն) ժամ տևողությամբ, ՀՀ քրեական օրենսգրքի 255-րդ հոդվածի 1-ին մասով պատիժ է նշանակվել հանրային աշխատանքներ՝ 90 (իննսուն) ժամ տևողությամբ, ՀՀ քրեական օրենսգրքի 457-րդ հոդվածի 1-ին մասով պատիժ է նշանակվել հանրային աշխատանքներ՝ 100 (մեկ հարյուր) ժամ տևողությամբ: ՀՀ քրեական օրենսգրքի 74-րդ հոդվածով սահմանված կարգով նշանակված պատիժները լրիվ գումարելու միջոցով Սուսաննա Էդմոնդի Շահիջանիի նկատմամբ վերջնական պատիժ է նշանակվել հանրային աշխատանքներ՝ 270 (երկու հարյուր յոթանասուն) ժամ տևողությամբ: Համաձայն ՀՀ ԱՆ պրոբացիայի ծառայության Երևանի քաղաքային մարմնի պետի տեղակալ Ս․Մաթևոսյանի կողմից 2025 թվականի ապրիլի 29-ին ստացված գրության՝ թիվ ԵԴ1/1193/01/24 դատավճռով նշանակված պատժից՝ 270 ժամ տևողությամբ հանրային աշխատանքներից մեղադրյալը փաստացի կրել է 76 ժամ տևողությամբ հանրային աշխատանքները։
Թիվ ԵԴ1/1567/01/24 դատավճռով Սուսաննա Էդմոնդի Շահիջանը մեղավոր է ճանաչվել ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով և ՀՀ քրեական օրենսգրքի 457-րդ հոդվածի 1-ին մասով նախատեսված արարքներում: Սուսաննա Էդմոնդի Շահիջանիի նկատմամբ ՀՀ քրեական օրենսգրքի 255-րդ հոդվածի 1-ին մասով պատիժ է նշանակվել ազատության սահմանափակում՝ 6 /վեց/ ամիս ժամկետով, ՀՀ քրեական օրենսգրքի 255-րդ հոդվածի 1-ին մասով պատիժ է նշանակվել ազատության սահմանափակում՝ 6 /վեց/ ամիս ժամկետով, ՀՀ քրեական օրենսգրքի 255-րդ հոդվածի 1-ին մասով պատիժ է նշանակել ազատության սահմանափակում՝ 6 /վեց/ ամիս ժամկետով, ՀՀ քրեական օրենսգրքի 457-րդ հոդվածի 1-ին մասով պատիժ նշանակել հանրային աշխատանքներ՝ 80 /ութսուն/ ժամ տևողությամբ: ՀՀ քրեական օրենսգրքի 74-րդ հոդվածի 9-րդ մասի կիրառմամբ՝ հանցագործությունների համակցությամբ, նշանակված պատիժները լրիվ գումարելու միջոցով՝ Սուսաննա Էդմոնդի Շահիջանիի նկատմամբ վերջնական պատիժ է նշանակվել ազատության սահմանափակում՝ 1 /մեկ/ տարի 6 /վեց/ ամիս ժամկետով և հանրային աշխատանքներ՝ 80 /ութսուն/ ժամ տևողությամբ:
Թիվ ԵԴ1/3135/01/24 դատավճռով Սուսաննա Շահիջանին մեղավոր է ճանաչվել ՀՀ քրեական օրենսգրքի 255-րդ հոդվածի 1-ին մասով նախատեսված հանցանքի կատարման մեջ և նրա նկատմամբ նշանակվել է պատիժ՝ հանրային աշխատանքներ՝ 100 (հարյուր) ժամ տևողությամբ։
Թիվ ԵԴ1/0536/01/24 դատավճռով Սուսաննա Շահիջանին մեղավոր է ճանաչվել ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով, ՀՀ քրեական օրենսգրքի 255-րդ հոդվածի 1-ին մասով և ՀՀ քրեական օրենսգրքի 457-րդ հոդվածի 1-ին մասով նախատեսված հանցանքների կատարման մեջ։ ՀՀ քրեական օրենսգրքի 74-րդ հոդվածի կիրառմամբ հանցագործությունների համակցությամբ, նշանակված պատիժները լրիվ գումարելու միջոցով՝ Սուսաննա Էդմոնդի Շահիջանիի նկատմամբ վերջնական պատիժ է նշանակվել հանրային աշխատանքների ձևով՝ 270 ժամ տևողությամբ։
Համաձայն ՀՀ ԱՆ պրոբացիայի ծառայության Երևանի քաղաքային մարմնի պետի տեղակալ Ս․Մաթևոսյանի կողմից 2025 թվականի ապրիլի 30-ին ստացված գրության՝ թիվ ԵԴ1/1193/01/24 դատավճռով, թիվ ԵԴ1/1567/01/24 դատավճռով, թիվ ԵԴ1/3135/01/24 դատավճռով և թիվ ԵԴ1/0536/01/24 դատավճռով նշանակված պատիժների կատարումը կասեցվել է՝ Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/3695/01/24 քրեական գործով կայացված որոշման՝ թիվ 16197424 քրեական վարույթով մեղադրյալ Ս․Շահիջանիի նկատմամբ կալանքը որպես խափանման միջոց կիրառվելու հիմքով։
Դատարանն արձանագրում է, որ ապացուցված է մեղադրյալ Սուսաննա Շահիջանիին վերագրվող արարքները, դրանց քրեական հակաիրավականությունը, մեղադրյալի կողմից իրեն մեղսագրվող արարքների կատարումը, ինչպես նաև ապացուցված է վերջինիս մեղավորությունը, որպիսի պայմաններում ՀՀ վճռաբեկ դատարանի վերը նշված որոշումներով արտահայտված իրավական դիրքորոշումների լույսի ներքո հաշվի առնելով քրեական գործի հանգամանքները՝ մասնավորապես վերջինիս անձը բնութագրող հանգամանքները, վերջինիս նկատմամբ կայացված մեղադրական դատավճիռների առկայությունը, մեղսագրվող հանցանքների նույնաբնույթ և բազմադրվագ լինելը, կատարած հանցանքների համար մեղադրյալի նկատմամբ անհրաժեշտ է նշանակել պատիժ կարճաժամկետ ազատազրկման ձևով՝ յուրաքանչյուր դրվագով՝ 15 օր ժամկետով։
Այսպիսով՝ Դատարանը գտնում է, որ անհրաժեշտ է Սուսաննա Էդմոնդի Շահիջանիին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով, ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով, ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով, ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով և ՀՀ քրեական օրենսգրքի 457-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով:
ՀՀ քրեական օրենսգրքի 74-րդ հոդվածի 1-ին մասով սահմանված կարգով՝ հանցագործությունների համակցությամբ, պատիժները լրիվ գումարելու միջոցով՝ մեղադրյալ Սուսաննա Շահիջանիի նկատմամբ անհրաժեշտ է նշանակել պատիժ՝ կարճաժամկետ ազատազրկման ձևով՝ 2 ամիս ժամկետով։
ՀՀ քրեական օրենսգրքի 74-րդ հոդվածի 11-րդ մասով սահմանված կարգով՝ հանցագործությունների համակցությամբ, պատիժները մասնակի գումարելու միջոցով մեղադրյալ Սուսաննա Էդմոնդի Շահիջանիի նկատմամբ թիվ ԵԴ1/1193/01/24 դատավճռով նշանակված 270 ժամից փաստացի չկատարված 194 ժամ տևողությամբ հանրային աշխատանքները, թիվ ԵԴ1/1567/01/24 դատավճռով նշանակված 80 ժամ տևողությամբ հանրային աշխատանքները և ազատության սահմանափակումը՝ 1 տարի 6 ամիս ժամկետով, թիվ ԵԴ1/3135/01/24 դատավճռով նշանակված 100 ժամ տևողությամբ հանրային աշխատանքները, թիվ ԵԴ1/0536/01/24 դատավճռով նշանակված 270 ժամ տևողությամբ հանրային աշխատանքները անհրաժեշտ է մասնակի գումարել սույն դատավճռով նշանակված 2 ամիս ժամկետով կարճաժամկետ ազատազրկմանը և վերջնական պատիժ նշանակել հանրային աշխատանքներ՝ 270 ժամ տևողությամբ, կարճաժամկետ ազատազրկում՝ 2 ամիս ժամկետով և ազատության սահմանափակում՝ 1 տարի 6 ամիս ժամկետով։
Դատարանը գտնում է, որ մեղադրյալ Սուսաննա Էդմոնդի Շահիջանին պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս դատարանը, inter alia, պարտավոր է անդրադառնալ գույքային հայցի, պատճառված վնասի, գույքի բռնագրավման և արգելադրման, ապացույցների տնօրինման, խափանման միջոցի և վարութային ծախսերի հարցերին:
Դատարանն արձանագրում է, որ սույն գործով առկա է հարուցված գույքային հայց՝ տուժող Բաբկեն Բաբաջանյանի կողմից, ըստ որի վերջինս խնդրել է մեղադրյալ Սուսաննա Շահիջանիից որպես վնասի փոխհատուցում բռնագանձել 60․000 ՀՀ դրամ։
Դատարանն արձանագրում է, որ անհրաժեշտ է գույքային հայցը բավարարել մասնակի, հաշվի առնելով այն հանգամանքը, որ մեղադրյալի կողմից տուժողին պատճառված վնասը կազմում է 35․000 ՀՀ դրամ, ուստի անհրաժեշտ է գույքային պատասխանող Սուսաննա Էդմոնդի Շահիջանիից հօգուտ տուժող Բաբկեն Ժորայի Բաբաջանյանի բռնագանձել 35․000 ՀՀ դրամ՝ որպես հանցագործությամբ պատճառված վնասի հատուցում։
Դատարանն արձանագրում է, որ գույքի արգելադրման վերաբերյալ տվյալներ քրեական գործում առկա չեն։
Արտավարութային փաստաթղթերն անհրաժեշտ է թողնել կցված քրեական գործի նյութերին։
Անդրադառնալով 2024 թվականի դեկտեմբերի 25-ին վարույթն իրականացնող քննիչի կողմից իրեղեն ապացույց ճանաչված՝ Սուսաննա Շահիջանիին պատկանող թվով երկու՝ կարմիր և կապույտ կազմերով ձեռագիր գրառումներով նոթատետրերը տնօրինելու հարցին, անհրաժեշտ է կցել քրեական գործի նյութերին և պահպանել դրանք պահելու ամբողջ ընթացքում:
Քննարկելով խափանման միջոցի հարցը՝ Դատարանը գտնում է, որ Սուսաննա Էդմոնդի Շահիջանիի նկատմամբ ընտրված խափանման միջոցը` բացակայելու արգելքը, անհրաժեշտ է թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
ՀՀ քրեական դատավարության օրենսգրքի 464.4-րդ հոդվածի 3-րդ մասի համաձայն՝ 167-րդ հոդվածի 1-ին մասով նախատեսված վարույթային ծախսերը մեղադրյալից ենթակա չեն բռնագանձման, ուստի դատական ծախսերի հարցը Դատարանը համարում է լուծված։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 464.4-րդ և 464.5-րդ հոդվածներով՝ Դատարանը`

Վ Ճ Ռ Ե Ց

Մեղադրյալ Սուսաննա Էդմոնդի Շահիջանիին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով:
Մեղադրյալ Սուսաննա Էդմոնդի Շահիջանիին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով:
Մեղադրյալ Սուսաննա Էդմոնդի Շահիջանիին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով:
Մեղադրյալ Սուսաննա Էդմոնդի Շահիջանիին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով:
Մեղադրյալ Սուսաննա Էդմոնդի Շահիջանիին մեղավոր ճանաչել ՀՀ քրեական օրենսգրքի 457-րդ հոդվածի 1-ին մասով և դատապարտել կարճաժամկետ ազատազրկման՝ 15 օր ժամկետով:
ՀՀ քրեական օրենսգրքի 74-րդ հոդվածի կարգով՝ հանցագործությունների համակցությամբ, պատիժները մասնակի գումարելու միջոցով մեղադրյալ Սուսաննա Էդմոնդի Շահիջանիի նկատմամբ վերջնական պատիժ նշանակել կարճաժամկետ ազատազրկում՝ 2 ամիս ժամկետով:
ՀՀ քրեական օրենսգրքի 74-րդ հոդվածի 11-րդ մասի կարգով՝ հանցագործությունների համակցությամբ, պատիժները մասնակի գումարելու միջոցով մեղադրյալ Սուսաննա Էդմոնդի Շահիջանիի նկատմամբ թիվ ԵԴ1/1193/01/24 դատավճռով նշանակված 270 ժամից փաստացի չկատարված 194 ժամ տևողությամբ հանրային աշխատանքները, թիվ ԵԴ1/1567/01/24 դատավճռով նշանակված 80 ժամ տևողությամբ հանրային աշխատանքները և ազատության սահմանափակումը՝ 1 տարի 6 ամիս ժամկետով, թիվ ԵԴ1/3135/01/24 դատավճռով նշանակված 100 ժամ տևողությամբ հանրային աշխատանքները, թիվ ԵԴ1/0536/01/24 դատավճռով նշանակված 270 ժամ տևողությամբ հանրային աշխատանքները սույն դատավճռով նշանակված 2 ամիս ժամկետով կարճաժամկետ ազատազրկմանը և վերջնական պատիժ նշանակել հանրային աշխատանքներ՝ 270 ժամ տևողությամբ, կարճաժամկետ ազատազրկում՝ 2 ամիս ժամկետով և ազատության սահմանափակում՝ 1 տարի 6 ամիս ժամկետով։
Պատժի կատարումը հանձնարարել ՀՀ ԱՆ համապատասխան քրեակատարողական հիմնարկին և ՀՀ ԱՆ պրոբացիայի ծառայությանը։
Գույքային հայցը բավարարել մասնակի: Գույքային պատասխանող Սուսաննա Էդմոնդի Շահիջանիից հօգուտ տուժող Բաբկեն Ժորայի Բաբաջանյանի բռնագանձել 35․000 ՀՀ դրամ՝ որպես հանցագործությամբ պատճառված վնասի հատուցում
Իրեղեն ապացույցների տնօրինման հարցը լուծել դատավճռի պատճառաբանական մասում սահմանված կարգով:
Արտավարութային փաստաթղթերն անհրաժեշտ է թողնել կցված քրեական գործի նյութերին։
Մեղադրյալ Սուսաննա Էդմոնդի Շահիջանիի նկատմամբ ընտրված խափանման միջոց՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:




ԴԱՏԱՎՈՐ ՍԱԹԵՆԻԿ ԱՆԴՐԵԱՍՅԱՆ