Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/0293/01/25

«30» հունվարի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրող՝ Մ․ Սահակյանի,

դռնբաց դատական նիստում, քննելով քրեական գործն ըստ մեղադրանքի՝
Հայկ Սուրենի Համբարձումյանի /ծնված՝ 31․08․1999թ. ք․ Երևանում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, բնակվող՝ ք․ Երևան, Աճեմյանի փողոց, 85-րդ տուն հասցեում/ ՀՀ քրեական օրենսգրքի 344-րդ հոդվածի 1-ին մասով /երկու դրվագ/,

Պ Ա Ր Զ Ե Ց

1.Գործի դատավարական պատմությունը.
1.1․ 2024թ․ մայիսի 04-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60-1879-24 քրեական վարույթը:
1․2․ 2024թ․ մայիսի 03-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60-1883-24 քրեական վարույթը:
1․3․ 2024թ․ մայիսի 04-ին որոշում է կայացվել թիվ 60-1883-24 քրեական վարույթը թիվ 60-1879-24 քրեական վարույթին միացնելու և նախաքննությունը թիվ 60-1879-24 քրեական վարույթի համարի ներքո շարունակելու մասին։
1.4․ 2024թ. դեկտեմբերի 30-ին որոշում է կայացվել Հայկ Սուրենի Համբարձումյանի նկատմամբ ՀՀ քրեական օրենսգրքի 344-րդ հոդվածի 1-ին մասով /երկու դրվագ/ հանրային քրեական հետապնդում հարուցելու մասին:
1.5․ 2024թ. դեկտեմբերի 30-ին որոշում է կայացվել Հայկ Սուրենի Համբարձումյանի նկատմամբ որպես խափանման միջոց բացակայելու արգելքը կիրառելու մասին:
1.6․ 2025 թվականի հունվարի 17-ին Երևան քաղաքի առաջին ատյանի ընդհանուր իրավասության քրեական դատարան մուտք է եղել ՀՀ դատախազության Էրեբունի և Նուբարաշեն վարչական շրջանների դատախազությունից ստացված նախաքննական 60187924 համարով քրեական գործն ըստ մեղադրանքի՝ Հայկ Սուրենի Համբարձումյանի՝ ՀՀ քրեական օրենսգրքի 344-րդ հոդվածի 1-րդ մասով /երկու դրվագ/, քրեական գործին շնորհվել է ԵԴ1/0293/01/25 դատական գործի համարը, աշխատակազմին է հանձնվել 2025 թվականի հունվարի 20-ին:
1.7․ 2025 թվականի հունվարի 22-ին Դատարանը որոշում է կայացրել թիվ ԵԴ1/0293/01/25 քրեական գործով վարույթը ստանձնելու և նախնական դատալասումներ նշանակելու մասին:

2. Մեղադրանքի փաստական նկարագրությունը.
Հայկ Համբարձումյանի տրանսպորտային միջոցներ վարելու իրավունքը վարչական տույժ նշանակելու մասին 2023 թվականի հունիսի 13-ին Կոտայքի գնդի 2- րդ վաշտի 1-ին դասակի պարեկ, ոստիկանության լեյտենանտ Ա.Փիլոյանի կողմից կայացված թիվ 8180284589 որոշմամբ 2022 թվականի հունիսի 15-ից մինչեւ 2023 թվականի դեկտեմբերի 15-ը կասեցվել է (վարորդական վկայակն թիվ RB 346911): Նշված որոշումը ստորագրությամբ նույն օրը հանձնվել է Հայկ Համբարձումյանին:
Այնուհետև, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու հանգամանքի մասին, Հայկ Համբարձումյանը 2023 թվականի սեպտեմբերի 27-ին Երևան քաղաքի Էրեբունու փողոցում վարել է «Վազ» մակնիշի, 90 HK 505 հաշվառման համարանիշի ավտոմեքենան, որը կանգնեցվել է տվյալ տարածքում ծառայություն իրականացող ՀՀ ՆԳՆ ոստիկանության «Պարեկային ծառայության» 2-րդ գումարտակի 3-րդ վաշտի կրտսեր պարեկ Ավետիս Աբրահամյանի կողմից և ստուգման արդյունքում պարզվել է, որ Հայկ Համբարձումյանը տրանսպորտային միջոցներ վարելու իրավունքը կասեցված է վեց ամիս ժամկետով։
Բացի այդ, Հայկ Համբարձումյանը պատշաճ ծանուցված լինելով իր տրանսպորտային միջոցներ վարելու իրավունքը կասեցված լինելու հանգամանքի մասին, կրկին՝ 2023 թվականի դեկտեմբերի 12-ին Երևան քաղաքի Բաբաջանյան փողոցում վարել է «Վազ» մակնիշի, 90 HK 505 հաշվառման համարանիշի ավտոմեքենան, որը կանգնեցվել է տվյալ տարածքում ծառայություն իրականացող ՀՀ ՆԳՆ ոստիկանության «Պարեկային ծառայության» 3-րդ գումարտակի 3-րդ վաշտի պարեկ Սամվել Պողոսյանի կողմից և ստուգման արդյունքում պարզվել է, որ Հայկ Համբարձումյանի տրանսպորտային միջոցներ վարելու իրավունքը կասեցված է վեց ամիս ժամկետով:

3. Դատաքննությամբ հետազոտված թույլատրելի ապացույցները.
3.1 2024 թվականի դեկտեմբերի 30-ին կազմված փաստաթղթի բովանդակության զննում կատարելու մասին արձանագրությունը, համաձայն որի՝ զննության է ենթարկվել վարչական իրավախախտման վերաբերալ թիվ 8180284589, թիվ 8180260279 և 8180262956 արձանագրությունները, Հայկ Սուրենի Համբարձումյանի վարորդկան - իրավունքի վկայականի տվյալների վերաբրեյալ ճանապարհային ոստիկանության էլեկտրոնային ռեգիստրի համակարգից արտատպված քաղվածքը:
3․2. ՀՀ ոստիկանության պարեկային ծառայության թիվ 8180284589 վարչական իրավախախտման արձանագրությունը, որի զննությամբ պարզվել է, որ 2023 թվականի հունիսի 13-ին Հայկ Սուրենի Համբարձումյանը Կոտայի մարզի Մայակովսկի գյուղում <<Վազ>> մակնիշի 90 HK 505 հաշվառման համարանիշի ավտոմեքենան վարել է ոչ սթափ վիճակում, որի վերաբերյալ Կոտայիք գնդի 2-րդ վաշտի 1-ին դասակի պարեկ ոստիկանության լեյտենանտ - Ա.Փիլոյանը կայացրել է որոշում Հայկ Համբարձումյանի տրասպորտային միջոցներ վարելու իրավունքը կասեցնել 6 ամիս ժամկետով։ Զննությամբ պարզեցի, որ որոշման օրինակը ստորագրվել և ստացվել է Հ.Համբարձումյանի կոմղից և վերջինսի տրվել է ժամանակավոր վկայական, որը գործել է մինչև 2023 թվականի հունսի 29-ը:
3․3. ՀՀ ոստիկանության պարեկային ծառայության թիվ 8180260279 վարչական իրավախախտման արձանագրությունը, որի զննությամբ պարզվել է, որ 2023 թվականի սեպտեմբերի 27-ին Հայկ Սուրենի Համբարձումյանը Երևան քաղաքի Էրեբունի – փողոցում <<Վազ>> մակնիշի 90 HK 505 հաշվառման համարանիշի ավտոմեքենան վարել է վարելու իրավունքը կասեցված վիճակում:
3․4. ՀՀ ոստիկանության պարեկային ծառայության թիվ 8180260279 վարչական իրավախախտման արձանագրությունը, որի զննությամբ պարզվել է, որ 2023 թվականի դեկտեմբերի 15-ին Հայկ Սուրենի Համբարձումյանը Երևան քաղաքի Բաբաջանյան փողոցում <<Վազ>> մակնիշի 90 HK 505 հաշվառման համարանիշի ավտոմեքենան վարել է վարելու իրավունքը կասեցված վիճակում։
3․5. Ճանապարհային ոստիկանության էլեկտրոնային ռեգիստրի քաղվածքը, որի քննությամբ պարզվել է, որ Հայկ Սուրենի Համբարձումյանի տրանսպորտային միջոցների վարելու իրավունքը կասեցված է 2023 թվականի հունիսի 15-ից մինչև 2023 թվականի դեկտեմբերի 15-ը։
3․6. 2024 թվականի դեկտեմբերի 30-ին արտավարութային փաստաթուղթ ճանաչված վարչական իրավախախտման վերաբերալ թիվ 8180284589, թիվ 8180260279 և 8180262956 արձանագրությունները, Հայկ Սուրենի Համբարձումյանի վարորդկան իրավունքի վկայականի տվյալների վերաբերյալ ճանապարհային ոստիկանության էլեկտրոնային ռեգիստրի համակարգից արտատպված քաղվածքը:
3.7․ Մեղադրյալ Հայկ Սուրենի Համբարձումյան դատարանում հրաժարվեց ցուցմունք տալ, սակայն չհրաժարվեց նախաքննության ընթացքում իր տված ցուցմունքից, ուստի հանրային մեղադրողի միջնորդությամբ հրապարակվեց վերջինիս նախաքննության ընթացքում տված ցուցմունքը` հետևյալ բովանդակությամբ՝ «(…)Ձեր կողմից հնչեցված բանավոր հարցին ի պատասխան հայտնում եմ, որ 2023 թվականի հունիսի 13-ին պարեկային ծառայողները ինձ կանգանեցրեցին Կոտայիք մարզի Մայակովսկի գյուղում և իմ վարելու իրավունքը կասեցրեցին 6 ամիս ժամկետով, քանի որ գտնվում էի ալկոհոլի ազդեցության տակ, ես այդ ժամանակ որոշման օրինակը ստացա և արձանագրության տակ ստորագրեցի: Դրանից հետո 2023 թվականի սեպտեմբերի 27-ին Երևան քաղաքի Էրեբունի փողոցում պարեկային ծառայողները ինձ կանգնեցրեցին և պարզեցին, որ իմ վարելու իրավունքը կասեցված է, որից հետո կազմեցին արձանագրություն: Բացի այդ մեկ անգամ էլ՝ 2023 թվականի դեկտեմբերի 14-ին կասեցված վարորդական իրավունքի վկայականով վարել եմ Երևան քաղաքի Բաբաջանյան փողոցում, կրկին պարեկային ծառայողները ինձ կանգանցրել են ու կազմել են արձանագրություն, որ ես կասեցված վարորդական իրավունքի վկայականով վարել եմ: Զղջում եմ կատարվածի համար և խնդրում եմ, որ իմ նկատմամաբ լինեք հնարավորինս մեղմ: Նշեմ, որ երկրորդ անգամ, որ վարել եմ ինչքան հիշում եմ մեկ կամ 2 օր էր մնացել, որ կասեցման ժամկետը լրանար ու ես անձնական խնդիներով պայմանավորված ստիպված վարել եմ: (…)»

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Հայկ Համբարձումյանի տրանսպորտային միջոցներ վարելու իրավունքը վարչական տույժ նշանակելու մասին 2023 թվականի հունիսի 13-ին Կոտայքի գնդի 2- րդ վաշտի 1-ին դասակի պարեկ, ոստիկանության լեյտենանտ Ա.Փիլոյանի կողմից կայացված թիվ 8180284589 որոշմամբ 2022 թվականի հունիսի 15-ից մինչեւ 2023 թվականի դեկտեմբերի 15-ը կասեցվել է (վարորդական վկայակն թիվ RB 346911): Նշված որոշումը ստորագրությամբ նույն օրը հանձնվել է Հայկ Համբարձումյանին:
Այնուհետեւ, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու հանգամանքի մասին, Հայկ Համբարձումյանը 2023 թվականի սեպտեմբերի 27-ին Երևան քաղաքի Էրեբունու փողոցում վարել է «Վազ» մակնիշի, 90 HK 505 հաշվառման համարանիշի ավտոմեքենան, որը կանգնեցվել է տվյալ տարածքում ծառայություն իրականացող ՀՀ ՆԳՆ ոստիկանության «Պարեկային ծառայության» 2-րդ գումարտակի 3-րդ վաշտի կրտսեր պարեկ Ավետիս Աբրահամյանի կողմից և ստուգման արդյունքում պարզվել է, որ Հայկ Համբարձումյանը տրանսպորտային միջոցներ վարելու իրավունքը կասեցված է վեց ամիս ժամկետով։
Բացի այդ, Հայկ Համբարձումյանը պատշաճ ծանուցված լինելով իր տրանսպորտային միջոցներ վարելու իրավունքը կասեցված լինելու հանգամանքի մասին, կրկին՝ 2023 թվականի դեկտեմբերի 12-ին Երևան քաղաքի Բաբաջանյան փողոցում վարել է «Վազ» մակնիշի, 90 HK 505 հաշվառման համարանիշի ավտոմեքենան, որը կանգնեցվել է տվյալ տարածքում ծառայություն իրականացող ՀՀ ՆԳՆ ոստիկանության «Պարեկային ծառայության» 3-րդ գումարտակի 3-րդ վաշտի պարեկ Սամվել Պողոսյանի կողմից և ստուգման արդյունքում պարզվել է, որ Հայկ Համբարձումյանի տրանսպորտային միջոցներ վարելու իրավունքը կասեցված է վեց ամիս ժամկետով:

5. Դատարանի իրավական վերլուծությունները.
5.1. Վերլուծելով մեղադրյալ Հայկ Սուրենի Համբարձումյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Հայկ Սուրենի Համբարձումյանին վերագրվող փաստական հանգամանքները, մասնավորապես մեղադրյալ Հայկ Սուրենի Համբարձումյանի կողմից տրանսպորտային միջոցներ վարելու իրավունքը կասեցված լինելու պայմաններում երկու անգամ տրանսպորտային միջոց վարելը,
- ապացուցված է վերոգրյալ արարքների քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 1-ին մասով,
- ապացուցված է մեղադրյալ Հայկ Սուրենի Համբարձումյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքները կատարելը.
- ապացուցված է մեղադրյալ Հայկ Սուրենի Համբարձումյանի մեղավորությունը ՀՀ քրեական օրենսգրքի 344-րդ հոդվածի 1-ին մասով նախատեսված արարքները կատարելու մեջ:
5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

ՀՀ քրեական օրենսգրքի 74-րդ հոդվածի համաձայն`
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»:

5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք հաշվի է առնում այն, որ ներկայացված մեղադրանքում իրեն լիովին մեղավոր է ճանաչել:
Դատարանը մեղադրյալի պատասխանատվությունը և պատիժը ծանրացնող հանգամանքներ չի արձանագրում:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող և ծանրացնող վերոգրյալ հանգամանքների առկայությունը, Դատարանը գտնում է, որ մեղադրյալ Հայկ Սուրենի Համբարձումյանն իր կատարած՝ ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Միևնույն ժամանակ, հաշվի առնելով, որ մեղադրյալը չի աշխատում /չունի եկամուտներ/, ուստի ղեկավարվելով ՀՀ քրեական օրենսգրքի 59-րդ հոդվածի 5-րդ մասով Դատարանը գտնում է, որ մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2023 թվականի սեպտեմբերի 27-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, իսկ 2023 թվականի դեկտեմբերի 12-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, և պատիժները լրիվ գումարելու միջոցով վերջնական պատիժ պետք է սահմանել տուգանք 750.000 /յոթ հարյուր հիսուն հազար/ ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Անդրադառնալով պատիժը մեղադրյալի կողմից կրելու հարցին՝ Դատարանն արձանագրում է, որը մեղադրյալը պատիժը պետք է կրի: Միևնույն ժամանակ հաշվի առնելով այն, որ մեղադրյալը չունի բավարար ֆինանսական միջոցներ, Դատարանը գտնում է, որ մեղադրյալն ի վիճակի չէ անհապաղ և ամբողջությամբ վճարելու նշանակված տուգանքը, ուստի արձանագրում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 12 /տասներկու/ ամիս ժամկետով՝ թույլատրելով վերջինիս յուրաքանչյուր ամիս վճարել առնվազն 62 500 /վաթսուներկու հազար հինգ հարյուր/ ՀՀ դրամ գումար:
5.6. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, որ միայն հիմնական պատիժը՝ տուգանքը, բավարար է պատժի նպատակներին հասնելու համար, ուստի մեղադրյալի նկատմամբ լրացուցիչ պատժատեսակ նշանակելն աննպատակահարմար է:
5.7. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.8. Անդրադառնալով ապացույցների տնօրինման հարցին՝ Դատարանը գտնում է, որ 2024 թվականի դեկտեմբերի 30-ին արտավարութային փաստաթուղթ ճանաչված և վարույթի նյութերին կցված՝ վարչական իրավախախտման վերաբերալ թիվ 8180284589, թիվ 8180260279 և 8180262956 . արձանագրությունները, Հայկ Սուրենի Համբարձումյանի վարորդկան իրավունքի վկայականի տվյալների վերաբրեյալ ճանապարհային ոստիկանության էլեկտրոնային ռեգիստրի համակարգից արտատպված քաղվածքը պետք է պահել վարույթի նյութերի հետ՝ դրանք պահելու ամբողջ ընթացքում:
5.9. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.10. Քննարկելով դատական ծախսերի հարցը՝ Դատարանն արձանագրում է, որ վարույթով դատական ծախսեր առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց


Մեղադրյալ Հայկ Սուրենի Համբարձումյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և պատիժ նշանակել տուգանք՝ նվազագույն աշխատավարձի հինգապատիկի` 375.000 /երեք հարյուր յոթանասունհինգ հազար/ ՀՀ դրամ գումարի չափով:
Մեղադրյալ Հայկ Սուրենի Համբարձումյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և պատիժ նշանակել տուգանք՝ նվազագույն աշխատավարձի հինգապատիկի` 375.000 /երեք հարյուր յոթանասունհինգ հազար/ ՀՀ դրամ գումարի չափով:
ՀՀ քրեական օրենսգրքի 74-րդ հոդվածի կիրառմամբ հանցանքների համակցությամբ պատիժները լրիվ գումարելու միջոցով վերջնական հիմնական պատիժ նշանակել տուգանք՝ 750.000 /յոթ հարյուր հիսուն հազար/ ՀՀ դրամը:
Հայկ Սուրենի Համբարձումյանին թույլատրել դատավճռով նշանակված 750.000 ՀՀ դրամ գումարի չափով տուգանքը վճարել մաս առ մաս, 12 /տասներկու/ ամսվա ընթացքում՝ յուրաքանչյուր ամիս վճարելով առնվազն 62․ 500 /վաթսուներկու հազար հինգ հարյուր/ ՀՀ դրամ գումար:
Մեղադրյալ Հայկ Սուրենի Համբարձումյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ