ԵԴ1/0227/01/25

Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց

26.03.2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը՝

ՆԱԽԱԳԱՀՈւԹՅԱՄԲ ԴԱՏԱՎՈՐ՝ Մ. ՇԱՀՎԵՐԴՅԱՆԻ
ՔԱՐՏՈւՂԱՐՈւԹՅԱՄԲ՝ Հ. ՄԽԻԹԱՐՅԱՆԻ

Մասնակցությամբ՝

ՀԱՆՐԱՅԻՆ ՄԵՂԱԴՐՈՂ՝ Հ. ՄԻՔԱԵԼՅԱՆԻ
ՄԵՂԱԴՐՅԱԼ՝ Է. ԱԼԵՔՍԱՆՅԱՆԻ

Դռնբաց դատական նիստում քննեց քրեական գործն ըստ մեղադրանքի՝
Էրիկ Ռոմիկի Ալեքսանյանի, ծնված՝ 28.06.1991թ., ք.Երևան, ազգությամբ հայ, ՀՀ քաղաքացի, դատվածություն չունեցող, ըստ իր հայտարարության՝ միջնակարգ կրթությամբ, ամուրի և չի աշխատում, հաշվառված և բնակվում է՝ Երևան քաղաքի Աջափնյակ վարչական շրջանի Նազարբեկյան թաղամասի 21-րդ շենքի 18-րդ բնակարանում:
Մեղադրվում է 2(երկու) դրվագ ՀՀ քրեական օրենսգրքի 344-րդ հոդվածի 1-ին մասով:
Դատաքննությամբ և գործի տվյալներով պարզվեց հետևյալը.
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Ա.Թովմասյանի կողմից 08.02.2023թ. ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60812823 քրեական վարույթը:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Ա.Թովմասյանի կողմից 24.03.2023թ. ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60858923 քրեական վարույթը:
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Թովմասյանի 24.03.2023թ որոշմամբ՝ թիվ 60858923 քրեական վարույթը միացվել է թիվ 60812823 քրեական վարույթին:
ՀՀ քննչական կոմիտեի Երևան քաղաքի քննչական վարչության Երևան քաղաքի Աջափնյակ և Դավթաշեն վարչական շրջանների քննչական բաժնի քննիչ Մ.Հովսեփյանի կողմից 18.12.2024թ. 3 դրվագ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 10848124 քրեական վարույթը:
ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնի քննիչ Մ.Հովսեփյանի 18.12.2024թ որոշմամբ՝ թիվ 10848124 քրեական վարույթը միացվել է թիվ 60812823 քրեական վարույթին:
Երևան քաղաքի Աջափնյակ և Դավթաշեն վարչական շրջանների դատախազության ավագ դատախազ Հ.Միքաելյանի 23.12.2024թ. որոշմամբ՝ Էրիկ Ռոմիկի Ալեքսանյանի նկատմամբ 2 դրվագ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնի քննիչ Մ.Հովսեփյանի կողմից 28.12.2024թ. Էրիկ Ռոմիկի Ալեքսանյանին հանձնվել է հանրային քրեական հետապնդում հարուցելու մասին՝ 23.12.2024թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
Թիվ 60812823 քրեական վարույթի նյութերը մեղադրական եզրակացությամբ 14.01.2025թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում:
Էրիկ Ռոմիկի Ալեքսանյանին 2 դրվագ ՀՀ քրեական օրենսգրքի 344-րդ հոդվածի 1-ին մասով մեղադրանք է ներկայացվել այն բանի համար, որ նա տեղյակ լինելով ՀՀ ոստիկանության «Ճանապարհային ոստիկանություն» ծառայությունում 28.12.2021թ. և 07.01.2022թ. իր վերաբերյալ կայացված վարչական տույժ նշանակելու մասին թիվ 2114007964 և թիվ 2214039125 որոշումների, այն է՝ մեկ տարի ժամկետով՝ 24.01.2022թ. մինչև 08.02.2023թ. ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետոր չլրացած՝ 19.01.2023թ., ժամը՝ 0310-ի սահմաններում, Երևան քաղաքի Շիրազի փորոցում վարել է «ԲՄՎ» մակնիշի «36 TU 267» հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 3-րդ վաշտի պարեկի կողմից կազմվել է թիվ 8188168298 արձանագրությունը:
Բացի այդ, Էրիկ Ալեքսանյանը, տեղյակ լինելով ՀՀ ոստիկանության «Ճանապարհային ոստիկանություն» ծառայությունում 28.12.2021թ. և 07.01.2022թ. իր վերաբերյալ կայացված վարչական տույժ նշանակելու մասին թիվ 2114007964 և 2214039125 որոշումների, այն է՝ մեկ տարի ժամկետով՝ 24.01.2022թ. մինչև 08.02.2023թ. ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 23.01.2023թ., ժամը՝ 2306-ի սահմաններում, Երևան քաղաքի Առնո Բաբաջանյան փողոցում վարել է «ԲՄՎ» մակնիշի «36 TU 267» հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկի կողմից կազմվել է թիվ 8180169674 արձանագրությունը:
Սահմանված հերթականությամբ և հաջորդականությամբ հետազոտվեցին հետևյալ ապացույցները.
Ներկայացված մեղադրանքում Էրիկ Ալեքսանյանն իրեն լիովին մեղավոր ճանաչեց և ցուցմունք տվեց այն մասին, որ ընդունում է իր մեղավորրությունը, իմացել է, որ զրկված է եղել և վարել է մեքենա:
Զննություն կատարելու մասին 18.12.2024թ. արձանագրությունը, համաձայն որի.
1. Վարչական իրավախախտման մասին թիվ 8180168298 արձանագրության զննությամբ պարզվել է, որ ՀՀ ոստիկանության պարեկային ծառայության Երևան քաղաքի գնդի 1-ին գումարտակի 3-րդ վաշտի պարեկ Պավլիկ Սալնազարյանը քաղաքացի Էրիկ Ռոմիկի Ալեքսանյանի նկատմամբ 19.01.2023թ., ժամը՝ 0316-ին, կազմել է թիվ 8180168298 արձանագրությունը, քանի որ վերջինս 19.01.2023թ., ժամը՝ 0310-ին, Երևան քաղաքի Շիրազի փողոցում «ԲՄՎ» մակնիշի «36 TU 267» հաշվառման համարանիշերով ավտոմեքենան վարել է տրանսպորտային միջոցներ վարելու իրավունքը զրկված, որից ներքև առկա է վերջինիս ստորագրությունը:
2. Վարչական իրավախախտման մասին թիվ 8180169674 արձանագրության զննությամբ պարզվել է, որ ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի կրտսեր պարեկ Շալիկո Եգորյանը քաղաքացի Էրիկ Ռոմիկի Ալեքսանյանի նկատմամբ 23.01.2023թ., ժամը՝ 2306-ին, կազմել է թիվ 8180169674 արձանագրությունը, քանի որ վերջինս 23.01.2023թ., ժամը՝ 2306-ին, Երևան քաղաքի Առնո Բաբաջանյան փողոցում «ԲՄՎ» մակնիշի «36 TU 267» հաշվառման համարանիշերով ավտոմեքենան վարել է տրանսպորտային միջոցներ վարելու իրավունքը զրկված, որից ներքև առկա է վերջինիս ստորագրությունը:
3. «Ճանապարհային ոստիկանության» էլեկտրոնայի ռեգիստրից արտատպված քաղվաքծի պատճենի զննությամբ պարզվել է, որ Էրիկ Ռոմիկի Ալեքսանյանն իր վարորդական իրավունքի վկայականից զրկվել է 2022թ. փետրվարի 8-ից մինչև 2023թ. փետրվարի 8-ը և 2023թ. հունվարի 24-ից մինչև 2024թ. հունվարի 24-ը:
4. «Ճանապարհային ոստիկանություն» ծառայությունից ստացված փաստաթղթերի զննությամբ պարզվել է, որ
4.1. 2021թ. հունվարի 9-ին, ժամը՝ 1230-ին, Երևան քաղաքի Ֆուչիկ/Մարգարյան խաչմերուկի հատվածում թույլ տված խախտման համար 2021թ. փետրվարի 1-ին կայացված թիվ 2112211365 որոշմամբ՝ Էրիկ Ռոմիկի Ալեքսանյանի վարորդական իրավունքի վկայականը 6 ամիս ժամկետով կասեցվել է, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, որը ստացվել է և առկա է Ալեքսանյան ազգանունը և ստորագրությունը:
4.2. 2021թ. օգոստոսի 26-ին, ժամը՝ 2217-ին, Երևան քաղաքի Մոնթե Մելքոնյան խճուղում թույլ տված խախտման համար 2021թ. սեպտեմբերի 14-ին կայացված թիվ 2113399992 որոշմամբ՝ Էրիկ Ռոմիկի Ալեքսանյանը տուգանվել է 20.000 ՀՀ դրամով և հանվել է 2 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, որը ստացվել է և առկա է Ալեքսանյան ազգանունը և ստորագրությունը:
4.3. 2021թ. օգոստոսի 23-ին, ժամը՝ 1508-ին, Երևան քաղաքի Իսակովի պողոտայում թույլ տված խախտման համար 2021թ. սեպտեմբերի 15-ին կայացված թիվ 2113412475 որոշմամբ՝ Էրիկ Ռոմիկի Ալեքսանյանը տուգանվել է 20.000 ՀՀ դրամով և հանվել է 2 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, որը ստացվել է և առկա է Ալեքսանյան ազգանունը, ստորագրություն և «25.09.2021» ամիս, ամսաթիվ, տարեթիվը։
4.4. 2021թ. սեպտեմբերի 12-ին, ժամը՝ 0009-ին, Երևան քաղաքի Արշակունյաց պողոտայում թույլ տված խախտման համար 2021թ. սեպտեմբերի 28-ին կայացված թիվ 2113492681 որոշմամբ՝ Էրիկ Ռոմիկի Ալեքսանյանը տուգանվել է 20.000 ՀՀ դրամով և հանվել է 2 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, որը ստացվել է և առկա է Ալեքսանյան ազգանունը, ստորագրություն և «01.10.2021» ամիս, ամսաթիվ, տարեթիվը:
4.5. 2021թ. սեպտեմբերի 17-ին, ժամը՝ 1713-ին, Երևան քաղաքի Խորենացի/Բեյրութ/Իտալիա/Վ.Սարգսյան խաչմերուկի հատվածում թույլ տված խախտման համար 2021թ. հոկտեմբերի 5-ին կայացված թիվ 2113528935 որոշմամբ՝ Էրիկ Ռոմիկի Ալեքսանյանը տուգանվել է 5.000 ՀՀ դրամով և հանվել է 0.5 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, որը ստացվել է և առկա է Ալեքսանյան ազգանունը, ստորագրություն և «15.10» ամիս, ամսաթիվը։
4.6. 2021թ. սեպտեմբերի 19-ին, ժամը՝ 0400-ին, Երևան քաղաքի «Զվարթնոց» օդանավակայանի հատվածում թույլ տված խախտման համար 2021թ. հոկտեմբերի 6-ին կայացված թիվ 2113536359 որոշմամբ՝ Էրիկ Ռոմիկի Ալեքսանյանը տուգանվել է 15.000 ՀՀ դրամով և հանվել է 1.5 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, որը ստացվել է և առկա է Ալեքսանյան ազգանունը, ստորագրություն և «13.10» ամիս, ամսաթիվը:
4.7. 2021թ. սեպտեմբերի 30-ին, ժամը՝ 1548-ին, Երևան քաղաքի Մհեր Մկրտչյան/Խորենացի խաչմերուկի հատվածում թույլ տված խախտման համար 2021թ. հոկտեմբերի 21-ին կայացված թիվ 2113604305 որոշմամբ՝ Էրիկ Ռոմիկի Ալեքսանյանը տուգանվել է 5.000 ՀՀ դրամով և հանվել է 0.5 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, սակայն չի ստացվել և նշվել է «Չպահանջված»:
4.8. 2021թ. հոկտեմբերի 16-ին, ժամը՝ 2010-ին, Երևան քաղաքի Հալաբյան փողոցում թույլ տված խախտման համար 2021թ. նոյեմբերի 3-ին կայացված թիվ 2113691941 որոշմամբ՝ Էրիկ Ռոմիկի Ալեքսանյանը տուգանվել է 20.000 ՀՀ դրամով և հանվել է 2 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, սակայն չի ստացվել և նշվել է «Չպահանջված»:
4.9. 2021թ. հոկտեմբերի 26-ին, ժամը՝ 1411-ին, Երևան քաղաքի Սարյան/Կ.Դեմիրճյան խաչմերուկի հատվածում թույլ տված խախտման համար 2021թ. նոյեմբերի 10-ին կայացված թիվ 2113742756 որոշմամբ՝ Էրիկ Ռոմիկի Ալեքսանյանը տուգանվել է 5.000 ՀՀ դրամով և հանվել է 1 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, սակայն չի ստացվել և նշվել է «Չպահանջված»:
4.10. 2021թ. հոկտեմբերի 28-ին, ժամը՝ 0117-ին, Երևան քաղաքի Մոնթե Մելքոնյան խճուղում թույլ տված խախտման համար 2021թ. նոյեմբերի 11-ին կայացված թիվ 2113750009 որոշմամբ՝ Էրիկ Ռոմիկի Ալեքսանյանը տուգանվել է 20.000 ՀՀ դրամով և հանվել է 2 տուգանային միավոր, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, սակայն չի ստացվել և նշվել է «Չպահանջված»:
4.11. 2021թ. դեկտեմբերի 17-ին, ժամը՝ 2346-ին, Երևան քաղաքի Երևանյան փողոցում թույլ տված խախտման համար 2021թ. դեկտեմբերի 28-ին կայացված թիվ 2114007964 որոշմամբ՝ Էրիկ Ռոմիկի Ալեքսանյանը 1 տարի ժամկետով զրկվել է վարորդական իրավունքի վկայականից, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, սակայն չի ստացվել և նշվել է «Չպահանջված»:
4.12. 2021թ. դեկտեմբերի 16-ին, ժամը՝ 0214-ին, Երևան քաղաքի Իսակովի պողոտայում թույլ տված խախտման համար 2022թ. հունվարի 7-ին կայացված թիվ 2214039125 որոշմամբ՝ Էրիկ Ռոմիկի Ալեքսանյանը 1 տարի ժամկետով զրկվել է վարորդական իրավունքի վկայականից, որն ուղարկվել է Երևան քաղաքի Նազարբեկյան թաղամասի 21-րդ շենքի 18-րդ բնակարանի հասցեով, սակայն չի ստացվել և նշվել է «Չպահանջված»:
5. ՀՀ ՆԳՆ ոստիկանության պարեկային ծառայության Երևան քաղաքի գնդի վարչական վարույթի իրականացման բաժնից ստացված փաստաթղթերի զննությամբ պարզվել է, որ.
5.1. ՀՀ ՆԳՆ ոստիկանության Պարեկային ծառայության պարեկ Վահան Հակոբյանը քաղաքացի Էրիկ Ռոմիկի Ալեքսանյանի նկատմամբ կազմել է թիվ 8180112887 վարչական իրավախախտման մասին արձանագրույթունը, քանի որ վերջինս 2022թ. մարտի 8-ին, ժամը՝ 0005-ին, Երևան քաղաքի Հալաբյան փողոցում զրկված վարորդական իրավունքի վկայականով վարել է «ԲՄՎ» մակնիշի «36 TU 267» հաշվառման համարանիշերով ավտոմեքենան:
5.2. ՀՀ ՆԳՆ ոստիկանության պարեկային ծառայության պարեկ Դավիթ Մովսիսյանը քաղաքացի էրիկ Ռոմիկի Ալեքսանյանի նկատմամբ կազմել է 8180117513 վարչական իրավախախտման մասին արձանագրությունը, քանի որ վերջինս 2022 թվականի մարտի 15-ին՝ ժամը 11:35-ին Երևան քաղաքի Լենինգրադյան փողոցում այլ երկրի վարորդական իրավունքի վկայականով վարել է «ԲՄՎ» մակնիշի «36 TU 267» հաշվառման համարանիշերով ավտոմեքենան:
5.3. ՀՀ ՆԳՆ ոստիկանության պարեկային ծառայության պարեկ Պավլիկ Սալնազարյանը քաղաքացի Էրիկ Ռոմիկի Ալեքսանյանի նկատմամբ կազմել է թիվ 8180168298 վարչական իրավախախտման մասին արձանագրությունը, քանի որ հունվարի 19-ին, ժամը՝ 0316-ին, Երևան քաղաքի Շիրազի փողոցում զրկված վարորդական իրավունքի վկայականով վարել է «ԲՄՎ» մակնիշի «36 TU 267» հաշվառման համարանիշերով ավտոմեքենան:
5.4. ՀՀ ՆԳՆ ոստիկանության պարեկային ծառայության պարեկ Շալիկո Եգորյանը քաղաքացի Էրիկ Ռոմիկի Ալեքսանյանի նկատմամբ կազմել է թիվ 8180169674 վարչական իրավախախտման մասին արձանագրությունը, քանի որ հունվարի 23-ին, ժամը՝ 2322-ին, Երևան քաղաքի Առնո Բաբաջանյան փողոցում զրկված վարորդական իրավունքի վկայականով վարել է «ԲՄՎ» մակնիշի «36 TU 267» հաշվառման համարանիշերով ավտոմեքենան:
5.5. ՀՀ ՆԳՆ ոստիկանության պարեկային ծառայության պարեկ Նարե Խաչատրյանը քաղաքացի Էրիկ Ռոմիկի Ալեքսանյանի նկատմամբ կազմել է թիվ 8180298501 վարչական իրավախախտման մասին արձանագրությունը, քանի որ փետրվարի 4-ին, ժամը՝ 2240-ին, Երևան քաղաքի Արագածոտնի մարզի Օհանավան գյուղում զրկված վարորդական իրավունքի վկայականով վարել է «ԲՄՎ» մակնիշի «36 TU 267» հաշվառման համարանիշերով ավտոմեքենան:
Զննում կատարելու մասին 18.12.2024թ. արձանագրությունը, համաձայն որի՝
1. «Դատալեքս» տեղեկատվական համակարգից արտատպված թիվ ԱՐԱԴ/0256/01/23 դատական գործի պատճենների զննությամբ պարզվել է, որ Էրիկ Ռոմիկի Ալեքսանյանին մեղադրանք է առաջադրվել այն բանի համար, որ նա զրկված լինելով տրանսպորտային միջոցներ վարելու իրավունքից 2023թ. փետրվարի 4-ին, ժամը՝ 2200-ի սահմաններում, Արագածոտնի մարզի Օհանավան բնակավայրի Մ-3 ավտոճանապարհին վարել է «BMW X6» մակնիշի ավտոմեքենան, ինչը հայտնաբերվել, արձանագրվել է ՀՀ ՆԳՆՈ պարեկային ծառայության աշխատակցի կողմից և կազմվել է վարչական իրավախախտման վերաբերյալ արձանագրությունը, որով վճռվել է Էրիկ Ռոմիկի Ալեքսանյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ և նրա նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 ՀՀ դրամի չափով:
2. «Դատալեքս» տեղեկատվական համակարգից արտատպված թիվ ԵԴ1/1400/01/23 դատական գործի պատճենների զննությամբ պարզվել է, որ Էրիկ Ռոմիկի Ալեքսանյանին մեղադրանք է առաջադրվել այն բանի համար, որ նա տեղյակ լինելով ՀՀ ոստիկանության «Ճանապարհային ոստիկանություն» ծառայությունում 2021թ. դեկտեմբերի 28-ին և 2022թ. հունվարի 7-ին իր վերաբերյալ կայացված վարչական տույժ նշանակելու մասին թիվ 2114007964 և թիվ 2214039125 որոշումների, այն է՝ մեկ տարի ժամկետով՝ 2022թ. հունվարի 24-ից մինչև 2023թ. հունվարի 24-ը և 2022թ. փետրվարի 8-ից մինչև 2023թ. փետրվարի 8-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2022թ. մարտի 8-ին, ժամը՝ 0005-ին, Երևան քաղաքի Հալաբյան փողոցում և 2022թ. մարտի 15-ին, ժամը՝ 1130-ին, Երևան քաղաքի Լենինգրադյան փողոցում վարել է «BMW X6» մակնիշի ավտոմեքենան, որի վերաբերյալ ՀՀ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի և 1-ին գումարտակի 2-րդ վաշտի պարեկների կողմից կազմվել են վարչական իրավախախտման մասին համապատասխանաբար թիվ 8180112887 և թիվ 8180117513 արձանագրությունները:.
Արտավարութային փաստաթուղթ ճանաչված և վարույթի նյութերին կցված՝ վարչական իրավախախտման մասին թիվ 8180168298 և թիվ 8180169674 արձանագրությունները, «Ճանապարհային ոստիկանության» էլեկտրոնայի ռեգիստրից արտատպված քաղվածքի պատճենը, «Ճանապարհային ոստիկանություն» ծառայությունից ստացված փաստաթղթերը, ՀՀ ՆԳՆ ոստիկանության պարեկային ծառայության Երևան քաղաքի գնդի վարչական վարույթի իրականացման բաժնից ստացված փաստաթղթերը և «Դատալեքս» տեղեկատվական համակարգից արտատպված թիվ ԱՐԱԴ/0256/01/23 և թիվ ԵԴ1/1400/01/23 դատական գործերի պատճենները:
Դատարանը, քրեական վարույթի ընթացքում հավաքված և մեղադրանքի հիմքում դրված ապացույցների ձևի և բովանդակության վերլուծության, միմյանց հետ համադրելու և ապացույցների ստացման աղբյուրները վերհանելու միջոցով, դրանք պատշաճ իրավական ընթացակարգի շրջանակներում ստուգման ենթարկեց և հետազոտված յուրաքանչյուր ապացույց գնահատեց վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, հետևաբար՝ ղեկավարվելով անմեղության կանխավարկածով և հիմնվելով պատշաճ ապացուցման արդյունքների վրա՝ հանգում է հետևության, որ ապացուցված է մեղադրյալ Էրիկ Ռոմիկի Ալեքսանյանին վերագրվող փաստական հանգամանքները (արարքը) և այդ արարքների քրեական հակաիրավականությունը, այդ արարքները կատարվել է նրա կողմից և ապացուցված է վերջինիս մեղավորությունը տվյալ արարքները կատարելու մեջ:
Դատարանը այդպիսի հետևության է հանգում, քանի որ դատաքննության ընթացքում մեղադրյալի մեղավորությունը հաստատվեց «հիմնավոր կասկածից վեր» ապացուցողական չափանիշին համապատասխան:
Անդրադառնալով ապացուցված արարքների նկատմամբ քրեական օրենսգրքի կիրառման ենթակա հոդվածի, հոդվածի մասի կամ կետի հարցին՝ դատարանը գտնում է, որ մեղադրյալ Էրիկ Ալեքսանյանին մեղսագրված արարքները համապատասխանում են ՀՀ քրեական օրենսգրքի 344-րդ հոդվածի 1-ին մասի հատկանիշներին, որոնցով և պետք է ենթարկվի քրեական պատասխանատվության:
Պատիժ նշանակելիս դատարանը հաշվի է առնում կատարված հանցանքների բնույթն ու վտանգավորության աստիճանը, հանցագործությունների շարժառիթը և նպատակը, մեղադրյալի անձը բնութագրող, ինչպես նաև նրա պատասխանատվությունը և պատիժը մեղմացնող և ծանրացնող հանգամանքներն ու նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը:
Դատարանը մեղադրյալ Էրիկ Ալեքսանյանի պատասխանատվությունը և պատիժը մեղմացնող հանգամանք է համարում այն, որ զղջացել է կատարած արարքների համար և ընդունել մեղքը, ինչը որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքների հանրային վտանգավորությունը և զղջացել է դրանց համար:
Դատարանը մեղադրյալ Էրիկ Ալեքսանյանի անձը բնութագրող, ինչպես նաև պատասխանատվությունն ու պատիժը ծանրացնող հանգամանքներ չհայտնաբերեց:
Պատիժ նշանակելը քրեական գործերով արդարադատության իրականացման կարևոր և պատասխանատու բաղադրամասերից է, ուստի՝ օրենսդրի կողմից մեծապես կարևորվում է յուրաքանչյուր դեպքում անձի նկատմամբ պատիժ նշանակելիս քրեաիրավական նորմերով ամրագրված օրինականության, արդարության, պատասխանատվության անհատականացման և մարդասիրության սկզբունքների պահպանումը:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
Հանցագործության համար մեղավոր ճանաչված անձի նկատմամբ նշանակվող պատժի նպատակներն են.
«(…) վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները» (Տե՛ս ՀՀ քրեական օրենսգրքի 55-րդ հոդվածի 2-րդ մասը):
Շարադրված հոդվածների վերլուծությունից հետևում է, որ ՀՀ քրեական օրենսգրքի 55-րդ հոդվածի 2-րդ մասով սահմանված՝ սոցիալական արդարությունը վերականգնելու նպատակը բխում է արդարության և պատասխանատվության անհատականացման սկզբունքն ամրագրած՝ ՀՀ քրեական օրենսգրքի 7-րդ հոդվածի 1-ին մասի բովանդակությունից: Մասնավորապես՝ նշված հոդվածի այն պահանջից, ըստ որի՝ հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը (Արդարության և պատասխանատվության անհատականացման սկզբունքի ու «Պատիժ» հասկացությանը և դրա նպատակների վերաբերյալ Վճռաբեկ դատարանն իրավական դիրքորոշում է հայտնել թիվ ՎԲ-50/07, թիվ ՎԲ-192/07, թիվ ՎԲ-201/07 և թիվ ԱՎԴ2/0059/01/08 որոշումներում):
ՀՀ քրեական օրենսգրքի 69-րդ հոդվածի 1-ին և 2-րդ մասերի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»:
Վճռաբեկ դատարանը մշտապես ընդգծել է, որ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Հետևաբար՝ կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա (Տե՛ս, mutatis mutandis, Վճռաբեկ դատարանի՝ Գառնիկ Գալստյանի գործով` 16.12.2014թ., թիվ ԵՄԴ/0027/01/14, Էդվարդ Ադամյանի գործով` 16.12.2014թ., թիվ ԵԷԴ/0048/01/14, Արարատ Ավագյանի և Վահան Սահակյանի գործով` 31.10.2014թ., թիվ ԵԿԴ/0252/01/13, Արմեն Շահբազյանի գործով` 15.08.2014թ., թիվ ԵՇԴ/0143/01/13, Նարեկ Սարգսյանի գործով` 22.12.2011թ., թիվ ԵԿԴ/0042/01/11 և Գարուշ Մադաթյանի գործով՝ 17.02.2009թ., թիվ ԵՇԴ/0029/01/08 որոշումները):
Մեղադրյալին մեղսագրվող հանցանքի հանրային վտանգավորության աստիճանի և բնույթի վերաբերյալ Վճռաբեկ դատարանը իրավական դիրքորոշում է արտահայտել Գ.Մադաթյանի վերաբերյալ գործով կայացրած որոշմամբ, համաձայն որի՝ «Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության՝ հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված կոնկրետ հանցանքի առանձնահատուկ հատկանիշները, որոնք կարող են ազդել հանրության վտանգավորության վրա՝ հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում՝ հանցավորի կատարած արարքը և հանցագործությանը նրա մասնակցության աստիճանը» (տե՛ս Գարուշ Մադաթյանի գործով Վճռաբեկ դատարանի՝ 17.02.2009թ., թիվ ԵՇԴ/0029/01/08 որոշման 14-րդ կետը):
Ավելին՝ Վճռաբեկ դատարանը մշտապես ընդգծել է, որ հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա (տե՛ս Վճռաբեկ դատարանի` Գառնիկ Սեյրանի Գալստյանի գործով` 16.12.2014թ., թիվ ԵՄԴ/0027/01/14, Արարատ Ավագյանի և Վահան Սահակյանի գործով՝ 31.10.2014թ., թիվ ԵԿԴ/0252/01/13 և այլ որոշումներ):
Ինչ վերաբերում է հանցագործության կատարման հանգամանքներին, ապա Վճռաբեկ դատարանն արձանագրել է, որ դրանք յուրաքանչյուր քրեական գործով պետք է գնահատման ենթարկվեն հանցագործության՝ հանրության համար վտանգավորության աստիճանի ու բնույթի համատեքստում: Գնահատման արդյունքում դատարանը պետք է պարզի հանցավոր վարքագծի դրսևորմանը նախորդող և ուղեկցող հանգամանքները, հանցավոր վարքագծի դրսևորման եղանակը, հանցավոր մտադրության իրականացման աստիճանը և այլն:
Դրանից բացի, դատարանի հետևությունները, ի թիվս այլոց, պետք է հիմնված լինեն օբյեկտիվ գոյություն ունեցող այնպիսի տվյալների համակողմանի վերլուծության վրա, որոնք բնութագրում են արարքը, հանցավորի կողմից արարքի հանրորեն վտանգավոր հետևանքները նախատեսելու բնույթն ու աստիճանը, հանցավորի անձը և վկայում են պատիժը պայմանականորեն չկիրառելու հիմքերի առկայության մասին (տե՛ս թիվ ԵԷԴ/0132/01/13, ԵԱՔԴ/0078/01/09, ԵԿԴ/0042/01/11, ՍԴ/0109/01/12, ԱՎԴ/0082/01/12, ԵԱՔԴ/0091/01/14 և ՎԲ-50/70 գործերով որոշումները):
ՀՀ քրեական օրենսգրքի ընդհանուր մասի վերը թվարկված դրույթներից և Վճռաբեկ դատարանի վերոնշյալ իրավական դիրքորոշումներից հետևում է, որ հանցագործության համար մեղավոր ճանաչված անձի նկատմամբ պատժատեսակի և պատժաչափի վերաբերյալ դատարանի որոշումը պետք է հիմնված լինի կատարած հանցագործության, դրա առանձնահատկությունների, գործի կոնկրետ հանգամանքների, հանցավորի անձի, պատասխանատվությունը և պատիժը մեղմացնող կամ ծանրացնող հանգամանքների բազմակողմանի գնահատման վրա՝ օրինականության, արդարության, պատասխանատվության անհատականացման և մարդասիրության սկզբունքներին համապատասխան, նպատակ ունենալով ապահովել ՀՀ քրեական օրենսգրքի 55-րդ հոդվածի 2-րդ մասում նշված պատժի նպատակների իրագործման հնարավորությունը:
Այսպիսով՝ դատարանը, հաշվի առնելով Է.Ալեքսանյանի կատարած հանցանքների բնույթն ու վտանգավորության աստիճանը, հանցագործությունների շարժառիթը և նպատակը, գործի հանգամանքները, քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը և հանցագործությունների ծանրությունը, նրա պատասխանատվությունը և պատիժը մեղմացնող հանգամանքները, ծանրացնող հանգամանքների բացակայությունը, նշանակվող պատժի` վերջինիս վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը, հանցանքի սանկցիայով նախատեսված՝ նշանակման ենթակա պատժի առավելագույն և նվազագույն սահմանների շրջանակում, իր հայեցողության շրջանակներում ղեկավարվելով պատժի նշանակման օրինականության, արդարության, պատասխանատվության անհատականացման և մարդասիրության սկզբունքներով, օրենքով և ներքին համոզմամբ, գտնում է, որ Էրիկ Ռոմիկի Ալեքսանյանի նկատմամբ 2 դրվագ ՀՀ քրեական օրենսգրքի 344-րդ հոդվածի 1-ին մասի սանկցիայով պատիժ պետք է նշանակել այդ հանցագործության համար նախատեսված պատիժներից առավել մեղմ պատժի՝ տուգանքի ձևով, քանի որ այն կարող է ապահովել պատժի նպատակները:
Տուգանքի ձևով պատիժ նշանակելիս դատարանն ուշադրություն է դարձնում նաև մեղադրյալի ու նրա ընտանիքի գույքային դրությանը, ինչպես նաև մեղադրյալի՝ եկամուտ ստանալու հնարավորությանը(նրա վաստակի չափը, ընտանիքի ապահովվածությունը և այլն): Մասնավորապես՝ ՀՀ պետական եկամուտների կոմիտեից ստացված տեղեկատվության հիման վրա կատարված հաշվարկի արդյունքում՝ մեղադրյալ Էրիկ Ալեքսանյանին մեղսագրվող հանցանքներն ավարտվելու օրվան՝ 19.01.2023թ. և 23.01.2023թ. նախորդող 12 ամիսների ընթացքում վերջինիս ամսական եկամտի չափը պակաս է ստացվել նվազագույն աշխատավարձի չափից, հետևաբար՝ դատարանը գտնում է, որ տուգանքի չափը պետք է հաշվարկել հանցանքը կատարելու պահին նվազագույն աշխատավարձի՝ 75.000(յոթանասունհինգ հազար) ՀՀ դրամի չափով:
Ընդ որում, ելնելով մարդասիրության սկզբունքից, մեղադրյալի դրսևորած հետհանցավոր դրական վարքագծից, ընտանեկան և սոցիալական դրությունից, սոցիալական միջավայրում մեղադրյալի զբաղեցրած տեղից և սոցիալական միջավայրում նրա բնութագրերից ու բոլոր այս հանգամանքների բազմակողմանի, լրիվ և օբյեկտիվ հետազոտության վրա հիմնված ներքին համոզմամբ՝ դատարանը հանգում է հետևության, որ տուգանքի նվազագույն չափը նշանակելով հնարավոր է հասնել ՀՀ քրեական օրենսգրքի 55-րդ հոդվածի 2-րդ մասով նախատեսված պատժի նպատակներին՝ սոցիալական արդարության վերականգնմանը, պատժի ենթարկված անձի վերասոցիալականացմանն ու հանցագործությունների կանխմանը, ինչպես նաև ապահովել ՀՀ քրեական օրենսգրքի 7-րդ և 69-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքները:
Նկատի ունենալով, որ Էրիկ Ռոմիկի Ալեքսանյանը կատարել է ՀՀ քրեական օրենսգրքի 344-րդ հոդվածի 1-ին մասով նախատեսված երկու հանցանք, որոնցից ոչ մեկի համար քրեական պատասխանատվության չի ենթարկվել՝ դատարանը գտնում է, որ հանցագործությունների համակցությամբ յուրաքանչյուր հանցագործության համար առանձին պատիժ նշանակելով` վերջնական պատիժը պետք է որոշել ՀՀ քրեական օրենսգրքի 74-րդ հոդվածի 1-ին և 9-րդ մասերով սահմանված կարգով՝ նշանակված պատիժները լրիվ գումարելու միջոցով:
Դատարանը նաև պարզեց, որ մեղադրյալ Է.Ալեքսանյանը չի կարող անհապաղ և ամբողջությամբ վճարել նշանակված տուգանքը, սակայն պատրաստակամ է այն վճարել մաս առ մաս:
ՀՀ քրեական օրենսգրքի 59-րդ հոդվածի 8-րդ մասի համաձայն՝
«Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (...)»:
Նկատի ունենալով, որ մեղադրյալ Է.Ալեքսանյանը, նյութական դրությունից ելնելով, ի վիճակի չէ անհապաղ և ամբողջությամբ վճարելու տուգանքը, այսինքն՝ տուգանքի անհապաղ վճարումն անհնար է՝ դատարանը գտնում է, որ նրան պետք է թույլատրել նշանակվող տուգանքը մաս առ մաս վճարել 1 տարվա ընթացքում:
Քննարկելով խափանման միջոցի հարցը՝ դատարանը գտնում է, որ մեղադրյալ Էրիկ Ռոմիկի Ալեքսանյանի նկատմամբ կիրառված խափանման միջոց բացակայելու արգելքը վերացնելու կամ փոխելու հիմքեր չկան, հետևաբար՝ այն պետք է թողնել անփոփոխ՝ մինչև դատավճռի օրինական ուժի մեջ մտնելը:
Քննարկելով վարութային ծախսերի հարցը՝ դատարանն արձանագրում է, որ ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերի վերաբերյալ տվյալները բացակայում են:
Անդրադառնալով ապացույցների տնօրինման հարցին՝ դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ վարչական իրավախախտման մասին թիվ 8180168298 և թիվ 8180169674 արձանագրությունները, «Ճանապարհային ոստիկանության» էլեկտրոնայի ռեգիստրից արտատպված քաղվածքի պատճենը, «Ճանապարհային ոստիկանություն» ծառայությունից ստացված փաստաթղթերը, ՀՀ ՆԳՆ ոստիկանության պարեկային ծառայության Երևան քաղաքի գնդի վարչական վարույթի իրականացման բաժնից ստացված փաստաթղթերը և «Դատալեքս» տեղեկատվական համարակարգից արտատպված թիվ ԱՐԱԴ/0256/01/23 և թիվ ԵԴ1/1400/01/23 դատական գործերի պատճենները պետք է պահել վարույթի նյութերի հետ՝ դրանք պահելու ամբողջ ընթացքում:
Դատավճիռն օրինական ուժի մեջ մտնելուց հետո, Էրիկ Ռոմանի Ալեքսանյանի նկատմամբ սույն քրեական գործի շրջանակներում կիրառված սահմանափակումը՝ ՀՀ պետական սահմանը հատելու արգելքը, պետք է վերացնել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ և 364-րդ հոդվածներով՝ դատարանը.

Վ Ճ Ռ Ե Ց

Էրիկ Ռոմիկի Ալեքսանյանին մեղավոր ճանաչել 2(երկու) դրվագ ՀՀ քրեական օրենսգրքի 344-րդ հոդվածի 1-ին մասով և դատապարտել տուգանքով՝ յուրաքանչյուր դրվագով նվազագույն աշխատավարձի հնգապատիկի՝ 375.000(երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին և 9-րդ մասերի կիրառմամբ՝ նշանակված պատիժները լրիվ գումարելու միջոցով, Էրիկ Ռոմիկի Ալեքսանյանի նկատմամբ վերջնական պատիժ նշանակել տուգանք՝ 750.000(յոթ հարյուր հիսուն հազար) ՀՀ դրամի չափով:
Էրիկ Ռոմիկի Ալեքսանյանին թույլատրել նշանակված՝ 750.000(յոթ հարյուր հիսուն հազար) ՀՀ դրամ տուգանքը մաս առ մաս վճարել 1(մեկ) տարվա ընթացքում:
Էրիկ Ռոմիկի Ալեքսանյանի նկատմամբ կիրառված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռն օրինական ուժի մեջ մտնելուց հետո, Էրիկ Ռոմիկի Ալեքսանյանի նկատմամբ սույն քրեական գործի շրջանակներում կիրառված սահմանափակումը՝ ՀՀ պետական սահմանը հատելու արգելքը, վերացնել:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ Մ. ՇԱՀՎԵՐԴՅԱՆ