ԵԴ1/0212/01/25

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

29 հունվարի 2025թ․ ք.Երևանում

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

նախագահությամբ
դատավոր՝ Մ․Արամյանի
քարտուղարությամբ՝ Մ.Պողոսյանի
մասնակցությամբ`
հանրային մեղադրող՝ Ռ․Հարությունյանի
մեղադրյալ՝ Է․Ջաղինյանի

դռնբաց դատական նիստում քննեց քրեական գործն ըստ մեղադրանքի` Էրիկ Ջաղինյանի /ծնված՝ 2000 թվականի հունվարի 15-ին, ազգությամբ հայ, ՀՀ քաղաքացի, չամուսնացած, նախկինում դատապարտված, հաշվառված՝ ք.Երևան, Սևանի փ., 56/1 տ. հասցեում/:
Էրիկ Ջաղինյանին մեղադրանք է առաջադրվել ՀՀ քրեական օրենսգրքի 344-րդ հոդվածի 1-ին մասով, խափանման միջոց է կիրառվել բացակայելու արգելքը:

Դատավճռի նկարագրական մաս.
2024 թվականի հունիսի 14-ին՝ ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում՝ ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60536324 քրեական վարույթը:
2024թ. դեկտեմբերի 24-ին որոշում է կայացվել Էրիկ Վահրամի Ջաղինյանի նկատմամբ՝ ՀՀ քրեական օրենսգրքի 344-րդ հոդվածի 1-ին մասով նախատեսված հանրորեն վտանգավոր արարք կատարելու համար հանրային քրեական հետապնդում հարուցելու մասին:
2024 թվականի դեկտեմբերի 25-ին Էրիկ Վահրամի Ջաղինյանի նկատմամբ որպես խափանման միջոց է կիրառվել բացակայելու արգելքը:
2025 թվականի հունվարի 14-ին ՀՀ դատախազության Կենտրոն և Նորք-Մարաշ վարչական շրջանների դատախազությունից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60536324 նախաքննական համարով քրեական գործն ըստ մեղադրանքի Էրիկ Վահրամի Ջաղինյանի ՀՀ քրեական օրենսգրքի 344-րդ հոդվածի 1-ին մասով։
2025 թվականի հունվարի 14-ին դատավորների միջև գործերի բաշխման էլեկտրոնային մակագրության համակարգի միջոցով թիվ ԵԴ1/0212/01/25 քրեական գործը մակագրվել է ինձ։
Գործը ինձ է հանձնվել 2025 թվականի հունվարի 15-ին:
Էրիկ Վահրամի Ջաղինյանին մեղադրանք է առաջադրվել հանրորեն վտանգավոր այն արարքի կատարման համար, որ նա «ՀՀ ոստիկանության պարեկային ծառայության կողմից թիվ 8180261809 վարչական իրավախախտման գործով կայացված որոշմամբ 1(մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի նոյեմբերի 09-ից մինչև 2024 թվականի նոյեմբերի 11-ը: Ծանուցված լինելով, որ զրկված է տրանսպորտային միջոցներ վարելու իրավունքից, Էրիկ Վահրամի Ջաղինյանը 2024 թվականի ապրիլի 16-ին՝ ժամը 23:30-ին, Երևան քաղաքի Խանջյան փողոցում վարել է «ԲՄՎ» մակնիշի 37 FP 390 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկի կողմից նույն օրը կազմվել է վարչական իրավախախտման վերաբերյալ թիվ 8180402790 արձանագրությունը»:

Դատաքննության ընթացքում հետազոտված թույլատրելի ապացույցներ
Մեղադրյալ Էրիկ Վահրամի Ջաղինյանը հրաժարվեց ցուցմունք տալուց և միաժամանակ պնդեց իր նախաքննական ցուցմունքը Դատարանը որոշեց հրապարակել մեղադրյալի նախաքննության ընթացքում տված ցուցմունքը համաձայն որի՝ որ «2024թ.-ին, կոնկրետ օրն ու ամիսը չի հիշել, գիշերային ժամերին, երբ Երևան քաղաքի Խանջյան-Սայաթ-Նովա խաչմերուկի մոտակայքում վարել է իրեն պատկանող «ԲՄՎ» մակնիշի 37 FP 390 համարանիշի ավտոմեքենան, իրեն կանգնեցրել են պարեկային ծառայության աշխատակիցները, որից հետո մոտեցել են իրեն, ներկայացել և պահանջել համապատասխան փաստաթղթեր, ինչին ի պատասխան ինքը հայտնել է, որ զրկված է տրանսպորտային միջոցներ վարելու իրավունքից: Դրանից հետո ստուգել են իր սթափության աստիճանը և պարզվել է, որ գտնվում է սթափ վիճակում: Այնուհետև կազմել են համապատասխան արձանագրություն, որից հետո վարորդական իրավունքի վկայական ունեցող անձ է եկել և մեքենան տեղափոխել: Նշված ժամանակահատվածում անձնական հարցեր ուներ, մարդ պետք է տեսներ և չէր կարող ընկերոջ խնդրել, որ վարի մեքենան, կամ տաքսիով գնալ, այդ իսկ պատճառով էլ ինքն է վարել մեքենան: Նախկինում նմանատիպ դեպքեր իր մասնակցությամբ նույնպես եղել են, որոնց վերաբերյալ եղել է դատական գործ: Նշված ժամանակահատվածում մեքենայում եղել է մենակ:/Տես՝ Վ.Թ. 48-51/
Որպես արտավարույթային փաստաթուղթ ապացույց ճանաչված, զննված և քրեական վարույթի նյութերին կցված հետևյալ փաստաթղթերը.
Զննում կատարելու վերաբերյալ կազմված արձանագրությամբ, համաձայն որի` զննության օբյեկտ են հանդիսացել քրեական վարույթի նյութերում առկա՝ 16.04.2024թ. վարչական իրավախախտման վերաբերյալ կազմված արձանագրության, 04.11.2023թ. վարչական իրավախախտման վերաբերյալ կազմված արձանագրության և կից 09.11.2023թ. կայացված թիվ 8180261809 որոշման, 20.02.2023թ. վարչական իրավախախտման վերաբերյալ կազմված արձանագրության և կից 21.02.2023թ. կամված թիվ 8180249123 որոշման, ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության, 04.11.2023թ. կազմված ալկոհոլի պարունակության ստուգման կտրոնի, 20.02.2023թ. կազմված ալկոհոլի պարունակության ստուգման կտրոնի, ՀՀ Էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 102345 և թիվ 084201 ստուգաչափման վկայականների, հարթակից օգտվելու և էլեկտրոնային եղանակով ծանուցվելու վերաբերյալ տեղեկանքի և ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի պատճենները:
1. Վարչական իրավախախտման վերաբերյալ 16.04.2024р. կազմված արձանագրության զննությամբ պարզվել է, որ արձանագրությունը կազմվել է ժամը 23:38-ին՝ ՀՀ ՆԳՆ ՊԾ ԵՔԳ 3գ. 3վ. կրտսեր պարեկ Արթուր Վազգենի Համբարձումյանի կողմից/կրծքանշանի համարը՝ 08790/: Արձանագրության համաձայն՝ Էրիկ Վահրամի Ջաղինյանը/ ծնված՝ 15.06.2000թ., Հասցե՝ ք.Երևան, Սևանի փ., տուն 56/1, ով զրկված է տրանսպորտային միջոցներ վարելու իրավունքից, 16:04.2024թ.-ին՝ ժամը 23:30-ին Երևան քաղաքի Խանջյան փողոցում վարել է տրանսպորտային միջոց: Արձանագրության մեջ առկա է վարչական իրավախախտում կատարած անձի կողմից արված գրառում «մեքենան վարել եմ խիստ անձնական նպատակով, չէի կարող ուրիշին խնդրել» բովանդակությամբ, որի դիմաց և ներքևի հատվածում առկա է ստորագրություն, իսկ ներքևի հատվածում առկա է արձանագրություն կազմողի ստորագրությունը: Խախտման ծածկագիրն է՝ 2011:
2. Վարչական իրավախախտման վերաբերյալ 04.11.2023р. կազմված արձանագրության զննությամբ պարզվել է, որ արձանագրությունը կազմվել է ժամը 23:38-ին՝ ՀՀ ՆԳՆ ՊԾ 3-րդ գումարտակի 2-րդ վաշտի պարեկ Սարգիս Կարենի Դանիելյանի կողմից/ կրծքանշանի համարը՝ 09967/: Արձանագրության համաձայն՝ Էրիկ Վահրամի Ջաղինյանը ծնված՝ 15.01.2000թ., Հասցե՝ ք.Երևան, Սևանի փ., տուն 56/1, վարորդական վկայականի համարը՝ RB617297, խախտել է ՀՀ օրենքի 24-րդ հոդվածի 7-րդ մասի պահանջերը և ժամը 23:25-ին Երևան քաղաքի Թումանյան փողոցում տրանսպորտային միջոցը վարել է ոչ սթափ վիճակում: Արձանագրության մեջ առկա է վարչական իրավախախտում կատարած անձի կողմից արված գրառում՝ «ես համաձայն չեմ, որ գտնվել եմ ոչ սթափ վիճակում» բովանդակությամբ, որի ներքևի հատվածներում առկա է թով երեք ստորագրություն, իսկ ներքևի հատվածում առկա է արձանագրություն կազմողի ստորագրությունը: Խախտման ծածկագիրն է՝ 73:
Արձանագրությանը կից կազմված թիվ 8180261809 որոշման զննությամբ պարզվել է, որ այն կայացվել է 09.11.2023թ.-ին՝ ՀՀ ՆԳՆ ոստիկանության ՊԾ ԵՔԳՎՎԻԲ տեսուչ Ս.Գասպարյանի կողմից։ Որոշման համաձայն՝ ՃԵԱԱՄՕ-ի 24- րդ հոդվածի 7-րդ մասի պահանջները խախտելու համար՝ վարչական տույժ նշանակելու օրվանից հետո մեկ տարվա ընթացքում կրկին անգամ ոչ սթափ վիճակում տրանսպորտային միջոց վարելու համար, ՀՀ ՎԻՎ օրենսգրքի 126-րդ հոդվածի 2-րդ մասի համաձայն, քաղ. Էրիկ Վահրամի Ջաղինյանը զրկվել է տրանսպորտային միջոցներ վարելու իրավունքից՝ 1/մեկ/ տարի ժամկետով: Նշված գրառման տակ առկա է որոշումն ընդունող անձի ստորագրությունը, իսկ որոշման մեջ նշված՝ «Որոշման պատճենը և կատարման կարգի մասին քաղվածքն ստացա» դաշտի դիմաց առկա է խախտում կատարած անձի ստորագրությունը:
3. Վարչական իրավախախտման վերաբերյալ 20.02.2023թ. կազմված արձանագրության զննությամբ պարզվել է, որ արձանագրությունը կազմվել է ժամը 03:35-ին՝ ՀՀ ՆԳՆ ՊԾ ԵՔԳ 1-ին գումարտակի 2-րդ վաշտի կրտսեր պարեկ Արթուր Արտակի Թևոսյանի կողմից/ կրծքանշանի համարը՝ 07613/: Արձանագրության համաձայն՝ Էրիկ Վահրամի Ջաղինյանը/ ծնված՝ 15.06.2000թ., Հասցե՝ ՀՀ ք.Երևան, Սևանի փ., տուն 56/1, վարորդական վկայականի համարը՝ RB617297, խախտել է ՃԵԱԱՄՕ-ի մասին ՀՀ օրենքի 24-րդ հոդվածի 7-րդ մասի պահանջները և ժամը 03:24-ին Երևան քաղաքի Թամանցիների փողոցում տրանսպորտային միջոցը վարել է ոչ սթափ վիճակում/սարքի համար՝ 91100962, զննման համար՝ 00288, ալկոհոլի պարունակություն՝ 0.192 մգ/լ/: Արձանագրության մեջ առկա է վարչական իրավախախտում կատարած անձի կողմից դրված թվով երեք ստորագրություն, որով նա հավաստում է, որ ծանոթացել է արձանագրությանը, ստացել է իր իրավունքների nւ պարտականությունների մասին քաղվածքն ու խախտման քննարկման վայրի ու ժամանակի վերաբերյալ ծանուցումը, իսկ ներքևի հատվածում առկա է արձանագրություն կազմողի ստորագրությունը: Խախտման ծածկագիրն է՝ 98:
Արձանագրությանը կից կազմված թիվ 8180249123 որոշման զննությամբ պարզվել է, որ այն կայացվել է 21.02.2023թ.-ին՝ ՀՀ ՆԳՆ ոստիկանության ՊԾ ԵՔԳՎՎԻԲ տեսուչի կողմից: Որոշման համաձայն՝ ՃԵԱԱՄՕ-ի 24-րդ հոդվածի 7-րդ մասի պահանջները խախտելու համար՝ տրանսպորտային միջոցը ոչ սթափ վիճակում վարելու իրավախախտման և տվյալ վարորդի նկատմամբ կիրառված տուգանային միավորների հանրագումարը կազմում է 9 կամ ավելի միավոր, «ՎԻՎ օրենսգրքի 129.3-րդ հոդվածի 1-ին մասի համաձայն, քաղ. Էրիկ Վահրամի Ջաղինյանի տրանսպորտային միջոցներ վարելու իրավունքը կասեցվել է 6 ամիս ժամկետով: Նշված գրառման տակ առկա է որոշումն ընդունող անձի ստորագրությունը, իսկ որոշման մեջ նշված՝ «Որոշման պատճենը և կատարման կարգի մասին քաղվածքն ստացա» դաշտի դիմաց առկա է խախտում կատարած անձի ստորագրությունը։
4. ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Էրիկ Վահրամի Ջաղինյանը/ծնված` 15.01.2000թ./ 09.11.2023-11.11.2024թ.-ն ընկած ժամանակահատվածում զրկված է եղել տրանսպորտային միջոցներ վարելու իրավունքից:
5. 04.11.2023թ. կազմված ալկոհոլի պարունակության ստուգման կտրոնի զննությամբ պարզվել է, որ ստուգաչափման սարքի համարն է՝ 91100981, զննման համարը՝ 01380, զննման ամսաթիվը՝ 04.11.2024թ., զննման ժամը՝ 23:08:08, վերջին ստուգաչափման ամսաթիվը՝ 24.07.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.173մգ/լ, վարորդի անունն է՝ Էրիկ, ազգանունը՝ Ջաղինյան, տրանսպորտային միջոցի համարանիշը՝ 37FP390, Վ/Վ համարը՝ RB617297, ՊԾ տեսուչի ազգանունը՝ Դանիելյան, կրծքանշանի համարը՝ 09967, ստորաբաժանում՝ 3գ 2վ: Կտրոնի ներքևի հատվածում առկա է ստորագրություն։
6. 20.02.2023թ. կազմված ալկոհոլի պարունակության ստուգման կտրոնի զննությամբ պարզվել է, որ ստուգաչափման սարքի համարն է՝ 91100962, զննման համարը՝ 00288, զննման ամսաթիվը՝ 20.02.2023թ., զննման ժամը՝ 03:27:27, վերջին ստուգաչափման ամսաթիվը՝ 21.11.2022թ., դատարկ թեստ՝ 0.000 մգ/լ ստուգաչափման ձևաչափը՝ ավտոմատ, ալկոհոլի պարունակությունը՝ 0.192մգ/ վարորդի անունն է՝ Էրիկ, ազգանունը՝ Ջաղինյան, տրանսպորտային միջոցի համարանիշը՝ 21GZ111, Վ/Վ համարը՝ RB617297, ՊԾ տեսուչի ազգանունը՝ Թևոսյան, կրծքանշանի համարը՝ 07613, ստորաբաժանում 1գ 2վ: Կտրոնի ներքևի հատվածում առկա է ձեռագիր գրառում՝ «ստացա իմ օրինակը» բովանդակությամբ և ստորագրություն:
7. ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲ ընկերության կողմից տրված թիվ 102345 ստուգաչափման վկայականի զննությամբ պարզվել է, որ վկայականը ուժի մեջ է 24.07.2023թ.-ից մինչև 24.07.2024թ-ը, ստուգաչափման սարքի գործարանային համարն է 91100981, տեսակը՝ Jupiter X/RP, չափման տիրույթը՝ 0.000+2.000մգ/լ ճշտության դասը, կարգը /սխալանքը/ ±10%, արտադրողը՝ Չինաստան, պատկանում է ՀՀ ՊԾ-ին: Ստուգաչափումը կատարվել է՝ համաձայն MU2835-2008 անվանմամբ ստուգաչափման մեթոդիկայի և նշագրի: Ստուգաչափող անվան դիմաց առկա է ստորագրություն և նշված է Ա.Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
8. ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲ ընկերության կողմից տրված թիվ 084201 ստուգաչափման վկայականի զննությամբ պարզվել է, որ վկայականը ուժի մեջ է 21.11.2022թ.-ից մինչև 21.11.2023թ.-ը, ստուգաչափման սարքի գործարանային համարն է 91100962, տեսակը՝ Jupiter X/RP, չափման տիրույթը՝ 0.000+2.000մգ/լ ճշտության դասը, կարգը /սխալանքը/ ±5%-±10%, արտադրողը Չինաստան, պատկանում է ՀՀ ՊԾ-ին։ Ստուգաչափումը կատարվել է՝ համաձայն MU2835-2008 անվանմամբ ստուգաչափման մեթոդիկայի և նշագրի: Ստուգաչափող անվան դիմաց առկա է ստորագրություն և նշված է Ա.Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
9. Հարթակից օգտվելու և էլեկտրոնային եղանակով ծանուցվելու վերաբերյալ տեղեկանքի զննությամբ պարզվել է, որ Էրիկ Վահրամի Ջաղինյանը որպես վարորդ մուտք է գործել «Roadpolice.am» կայք՝ 11.09.2022թ., 2 անգամ 12.09.2022թ., 27.09.2022թ., 15.10.2022թ., 31.10.2022թ., 16.12.2022թ., 09.02.2023թ., 19.06.2023թ., 24.08.2023թ.:
Որպես սեփականատեր նույն կայք մուտք է գործել 14.04.2021թ., 17.03.2022թ., 04.03.2023թ., 2 անգամ 19.03.2023թ., 23.08.2023թ., 2 անգամ 09.11.2023թ., 27.03.2024թ., 10.04.2024թ., 2 անգամ 18.04.2024թ., 13.05.2024թ., 16.05.2024թ., 25.05.2024թ., 12.06.2024թ., 08.07.2024թ., 29.07.2024թ., 2 անգամ 11.08.2024թ:
21.02.2023թ.-ին +3744344-63-64 հեռախոսահամարին հաղորդագրություն է ուղարկվել՝ «ԷՐԻԿ ՋԱՂԻՆՅԱՆ ՎԱՀՐԱՄԻ վարորդական վկայականը կասեցվել է» բովանդակությամբ:
22.02.2023թ.-ին +374 43 44-63-64 հեռախոսահամարին հաղորդագրություն է ուղարկվել՝ «ԷՐԻԿ ՋԱՂԻՆՅԱՆ ՎԱՀՐԱՄԻ բալերը զրոյացել են» բովանդակությամբ:
09.11.2023թ.-ին +374 43 44-63-64 հեռախոսահամարին հաղորդագրություն է ուղարկվել՝ «ԷՐԻԿ ՋԱՂԻՆՅԱՆ ՎԱՀՐԱՄԻ վարորդական վկայականը զրկվել է» բովանդակությամբ:
10. ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի զննությամբ պարզվել է, որ Էրիկ Վահրամի Ջաղինյանը/ծնված՝ 15.01.2000թ., անձնագիր՝ AS0535921, ՀԾՀ 2501000021/ հաշվառված է ք.Երևան, Շենգավիթ հ., Սևանի փ., տ. 56/1 հասցեում:Վ.Թ. 31-35
Որպես արտավարութային փաստաթուղթ ճանաչված` զննության ենթարկված՝ Էրիկ Վահրամի Ջաղինյանի վերաբերյալ՝ 16.04.2024թ. վարչական իրավախախտման վերաբերյալ կազմված արձանագրության, 04.11.2023թ. վարչական իրավախախտման վերաբերյալ կազմված արձանագրության և կից 09.11.2023թ. կայացված թիվ 8180261809 որոշման, 20.02.2023թ. վարչական իրավախախտման վերաբերյալ կազմված արձանագրության և կից 21.02.2023թ. կամված թիվ 8180249123 որոշման, ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության, 04.11.2023թ. կազմված ալկոհոլի պարունակության ստուգման կտրոնի, 20.02.2023թ. կազմված ալկոհոլի պարունակության ստուգման կտրոնի, ՀՀ Էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 102345 և թիվ 084201 ստուգաչափման վկայականների, հարթակից օգտվելու և էլեկտրոնային եղանակով ծանուցվելու վերաբերյալ տեղեկանքի և ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի պատճեններով:Վ.Թ. 36-37
Վերոգրյալ ապացույցների հիման վրա Դատարանը հաստատված է համարում հետևյալ փաստական հանգամանքները, մասնավորապես.
-Էրիկ Ջաղինյանը 2023 թվականի մարտի 30-ի դրությամբ զրկված է եղել տրանսպորտային միջոցներ վարելու իրավունքից,
-Էրիկ Ջաղինյանը զրկված լինելով տրանսպորտային միջոցներ վարելու իրավունքից 2024 թվականի ապրիլի 16-ին՝ ժամը 23:30-ին, Երևան քաղաքի Խանջյան փողոցում վարել է «ԲՄՎ» մակնիշի 37 FP 390 հաշվառման համարանիշի ավտոմեքենան։

Դատավճռի պատճառաբանական մաս.
ՀՀ քրեական դատավարության օրենսգրքի 97-րդ հոդվածի համաձայն/․․․/ 1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց/․․․/:
ՀՀ քրեական դատավարության օրենսգրքի 102-րդ հոդվածի համաձայն`
/․․․/1. Քրեական վարույթի ընթացքում ապացուցման ենթակա են՝
1)դեպքը և դրա հանգամանքները (ժամանակը, տեղը, եղանակը և այլն).
2)մեղադրյալի առնչությունը դեպքին.
3)ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8)այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները/․․․/:
ՀՀ քրեական դատավարության օրենսգրքի 105-րդ հոդվածի համաձայն` /․․․/ 1.Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել/․․․/:
ՀՀ քրեական դատավարության օրենսգրքի 276-րդ հոդվածը սահմանում է, որ
/․․․/ 1. Առաջին ատյանի դատարանում վարույթն իրականացվում է միայն մեղադրյալի նկատմամբ և միայն նրան ներկայացված մեղադրանքով:/․․․/:
Հետազոտված ապացույցների հիման վրա Դատարանը առանձին սենյակում գնահատելով դրանք իրենց համակցության մեջ, համադրելով մեղադրյալին առաջադրված մեղադրանքի ձևակերպման հետ, որ նա «ՀՀ ոստիկանության պարեկային ծառայության կողմից թիվ 8180261809 վարչական իրավախախտման գործով կայացված որոշմամբ 1(մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի նոյեմբերի 09-ից մինչև 2024 թվականի նոյեմբերի 11-ը: Ծանուցված լինելով, որ զրկված է տրանսպորտային միջոցներ վարելու իրավունքից, Էրիկ Վահրամի Ջաղինյանը 2024 թվականի ապրիլի 16-ին՝ ժամը 23:30-ին, Երևան քաղաքի Խանջյան փողոցում վարել է «ԲՄՎ» մակնիշի 37 FP 390 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկի կողմից նույն օրը կազմվել է վարչական իրավախախտման վերաբերյալ թիվ 8180402790 արձանագրությունը», նշված արարքը ՀՀ քրեական օրենսգրքի 344-րդ հոդվածի 1-ին մասով որակման համատեքստում ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին պատասխանելիս գտել է, որ
ապացուցված են մեղադրյալին վերագրվող փաստական հանգամանքները (արարքը),
ապացուցված է այդ արարքի քրեական հակաիրավականությունը,
ապացուցված է մեղադրյալի կողմից այդ արարքը կատարելը,
ապացուցված է մեղադրյալի մեղավորությունը տվյալ արարքը կատարելու մեջ:
2. Սույն հոդվածի 1-ին մասում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
3. Սույն հոդվածի 1-ին մասում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որով սահմանում է նաև, թե ապացուցված արարքի նկատմամբ քրեական օրենսգրքի, որ հոդվածը, հոդվածի մասը կամ կետն է ենթակա կիրառման:
Համաձայն ՀՀ քրեական դատավարության օրենսգրքի 348-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե մեղադրյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին գտնում է, որ կատարած արարքի համար Էրիկ Ջաղինյանը ենթակա է քրեական պատասխանատվության և պատժի:
ՀՀ քրեական օրենսգրքի 344-րդ հոդվածի 1-ին մասը սահմանում է՝ /…/1․Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝ պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:/.../:
Մեղադրյալին վերագրվող արարքը ՀՀ քրեական օրենսգրքի 17-րդ հոդվածի համաձայն հանդիսանում է ոչ մեծ ծանրության հանցանք։
ՀՀ քրեական օրենսգրքի 55-րդ հոդվածի համաձայն` /․․․/ Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները/․․․/:
Հաստատված համարելով մեղադրյալ Էրիկ Ջաղինյանի մեղավորությունն իրեն մեղսագրված հանցանքի կատարման մեջ՝ Դատարանը գտնում է, որ անհրաժեշտ է անդրադառնալ մեղադրյալի նկատմամբ պատիժ նշանակելու հետ կապված հետևյալ հարցերին.
1) դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքներին, ինչպես նաև նրա անձը բնութագրող հանգամանքներին
2) պատժի, մասնավորապես՝ արդյոք մեղադրյալը ենթակա է պատժի և ի՞նչ պատիժ պետք է նշանակվի նրա նկատմամբ, մեղադրյալը պետք է կրի իր նկատմամբ նշանակված պատիժը, թե ոչ։
Անդրադառնալով մեղադրյալի պատասխանատվությունը և պատիժը մեղմացնող, ծանրացնող հանգամանքներին, ինչպես նաև նրա անձը բնութագրող հանգամանքներին՝ Դատարանն անհրաժեշտ է համարում նշել հետևյալը.
ՀՀ քրեական օրենսգրքի 69-րդ հոդվածի համաձայն` «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: (…)»:
ՀՀ քրեական օրենսգրքի 71-րդ հոդվածի համաձայն՝ «Քրեական պատասխանատվությունը կամ պատիժը ծանրացնող հանգամանքները
1. Քրեական պատասխանատվությունը կամ պատիժը ծանրացնող հանգամանքներ են՝
1) հանցանքը դատվածություն ունեցող անձի կողմից կատարելը, (…)
Ըստ դատալեքս տեղեկատվական համակարգի Արարատի և Վայոց Ձորի մարզի ընդհանուր իրավասության դատարանի 2024 թվականի նոյեմբերի 22-ի թիվ ԱՎԴ/0264/01/24 դատավճռով դատապարտված-մեղադրյալ Էրիկ Ջաղինյանի վերաբերյալ կայացվել է մեղադրական դատավճիռ, որպես պատիժ է նշանակվել տուգանք 375.000 ՀՀ դրամի չափով։Դատավճիռը կատարման է ուղարկվել 2025 թվականի հունվարի 07-ին:
Ըստ Ձև8 տեղեկանքի Էրիկ Ջաղինյանը մեղավոր է ճանաչվել 2024 թվականի հուլիսի 03-ին կայացված թիվ ԱՎԴ/0139/01/24 դատավճռով, որը կատարման է ուղարկվել 2024 թվականի սեպտեմբերի 16-ին, որով նշանակված պատիժը 2024 թվականի հոկտեմբերի 24-ին կատարվել է:
Նշված դատավճիռները կայացվել և օրինկան ուժի մեջ են մտել սույն գործով հանցանքները կատարելուց հետո, ուստի սույն հանցանքը կատարելու դրությամբ վերջինս չի ունեցել դատվածություն:
Էրիկ Ջաղինյանի անձը բնութագրող հանգամանքներն են, մասնավորապես խոստովանական ցուցմունքներ տալը:
Դատարանը միաժամանակ արձանագրում է, որ Էրիկ Ջաղինյանի պատասխանատվությունն ու պատիժը մեղմացնող հանգամանքներ առկա չեն:
Դատարանը, հաշվի առնելով վերոգրյալը, ինչպես նաև Էրիկ Ջաղինյանի կատարած հանցագործության հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը ծանրացնող հանգամանքի առկայությունը և պատիժը մեղմացնող հանգամանքների բացակայությունը, գտնում է, որ մեղադրյալի նկատմամբ պետք է նշանակել պատիժ տուգանքի ձևով։
Հանցանք կատարելու պահին «Նվազագույն աշխատավարձի մասին» ՀՀ օրենքի 1-ին հոդվածի համաձայն /․․․/ 1. Հայաստանի Հանրապետությունում նվազագույն ամսական աշխատավարձը սահմանել 75.000 դրամ:/․․․/։
Նկատի ունենալով, որ Դատարանին չի ներկայացվել Էրիկ Ջաղինյանի՝ հանցանքը կատարելուց առաջ մեկ տարվա ընթացքում ստացած, միջին եկամուտի չափը Դատարանը, որպես հաշվարկային միավոր ընդունում է հանցանք կատարելու օրը սահմանված նվազագույն աշխատավարձը և պատիժ նշանակում տուգանք՝ նվազագույն աշխատավարձի հնգապատիկի չափով՝ 375․000 ՀՀ դրամ։
ՀՀ քրեական օրենսգրքի 74-րդ հոդվածը սահմանում է, որ
/…/1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:/…/11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը:/.../:
Առաջնորդվելով ՀՀ քրեական օրենսգրքի 74-րդ հոդվածով Դատարանը որոշում է նշանակված պատժին ամբողջությամբ գումարել թիվ ԱՎԴ/0264/01/24 դատավճռով նշանակված պատժին՝ 375․000 ՀՀ դրամ տուգանքին և սահմանել վերջնական պատիժ տուգանք 750․000 (չորս հարյուր ինսունչորս հազար) ՀՀ դրամի չափով:
ՀՀ քրեական օրենսգրքի 59-րդ հոդվածի 8-րդ մասը սահմանում է, որ
/…/8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում/…/։
Դատարանը հաշվի առնելով տուգանքը մաս առ մաս վճարելու հնարավորություն տալու վերաբերյալ մեղադրյալի խնդրանքը որոշում է կայացնում նշանակված տուգանք պատժի վճարումը տարաժամկետել մեկ տարի ժամկետով։
Անդրադառնալով խափանման միջոցի հարցին, Դատարանը գտնում է, որ Էրիկ Ջաղինյանի նկատմամբ ընտրված խափանման միջոցը` բացակայելու արգելքը, պետք է թողնել անփոփոխ, մինչև դատավճռի օրինական ուժի մեջ մտնելը:
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Էրիկ Ջաղինյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը պետք է վերացնել:
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ ի թիվս այլնի նաև իրեղեն ապացույցների, վարույթային ծախսերի, գույքի նկատմամբ կիրառված (կիրառվելիք) արգելադրման, գույքային հայցի հարցերին, սակայն Դատարանը, պարզելով, որ սույն քրեական գործով մեղադրյալի գույքի վրա արգելանք չի կիրառվել, գույքային հայց չի ներկայացվել, սահմանափակվում է այդ փաստերի արձանագրմամբ:
Քրեական գործին կցված արտավարութային փաստաթղթերը անհրաժեշտ է պահել քրեական գործի հետ միասին՝ դրանց պահելու ամբողջ ժամանակամիջոցում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 97-րդ, 102-րդ, 105-րդ, 276-րդ, 348-349-րդ, 352-356-րդ և 364-րդ հոդվածներով` Դատարանը․
Վ Ճ Ռ Ե Ց

Էրիկ Ջաղինյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանք կատարելու մեջ և պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածով սահմանված կարգով նշանակված պատիժը ամբողջությամբ գումարել ԱՎԴ/0264/01/24 դատավճռով նշանակված պատժին՝ 375․000 ՀՀ դրամ տուգանքին և սահմանել վերջնական պատիժ տուգանք 750․000 (չորս հարյուր ինսունչորս հազար) ՀՀ դրամի չափով:
Նշանակված տուգանք պատժի վճարումը տարաժամկետել մեկ տարի ժամկետով՝ 1 տարի ժամկետով։
Էրիկ Ջաղինյանի նկատմամբ ընտրված խափանման միջոցը` բացակայելու արգելքը, թողնել անփոփոխ մինչև սույն դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո Էրիկ Ջաղինյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը վերացնել:
Իրեղեն ապացույցների, գույքային հայցի, վարույթային ծախսերի հարցը համարել լուծված:
Քրեական գործին կցված արտավարութային փաստաթղթերը պահել քրեական գործի հետ միասին՝ դրանց պահելու ամբողջ ժամանակամիջոցում:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:


ԴԱՏԱՎՈՐ` ՄՈՒՇԵՂ ԱՐԱՄՅԱՆ