Հիմնական
Գործի համար:
ԵԴ1/0046/01/25
Վիճակագրական տողի համար :
23.6
Պատասխանող
Հասմիկ Լևոնյան Արտավազդի
Հասմիկ Լևոնյան
Դատավոր
Երևանի քրեական դատարան
Ժորա Չիչոյան
Դատավոր
Երևանի քրեական դատարան
Ժորա Չիչոյան
Գործ ԵԴ1/0046/01/25
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
«24» հունվարի 2025թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)՝ նախագահությամբ դատավոր Ժ.Չիչոյանի, համաձայնությամբ տուգանք նշանակելու վարույթի կիրառմամբ, գրավոր ընթացակարգով քննության առնելով քրեական գործն ըստ մեղադրանքի՝
Հասմիկ Արտավազդի Լևոնյանի՝ ծնված 1992 թվականի հուլիսի 27-ին, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չդատապարտված, բնակվող՝ Երևան քաղաքի 17-րդ թաղամասի Նազարբեկյան 41/1-րդ շենքի 142-րդ հասցեի բնակարանում, որպես խափանման միջոց է ընտրված բացակայելու արգելքը, մեղադրվում է ՀՀ քրեական օրենսգրքի 457-րդ հոդվածի 1-ին մասով.
Գործի դատավարական նախապատմությունը.
2024 թվականի օգոստոսի 20-ին ՀՀ հակակոռուպցիոն կոմիտեի քննչական երրորդ վարչության քննիչ Ա․Գևորգյանն արձանագրություն է կազմել ՀՀ քրեական օրենսգրքի 457-րդ հոդվածի 1-ին մասի հատկանիշներով թիվ 62270324 քրեական վարույթը նախաձեռնելու մասին:
2024 թվականի օգոստոսի 28-ին թիվ 62270324 քրեական վարույթը փոխանցվել է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնին։
2024 թվականի դեկտեմբերի 24-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Տ.Մխիթարյանը որոշում է կայացրել թիվ 62270324 քրեական վարույթով Հասմիկ Արտավազդի Լևոնյանի նկատմամբ ՀՀ քրեական օրենսգրքի 457-րդ հոդվածի 1-ին մասով հանրային քրեական հետապնդում հարուցելու մասին:
2024 թվականի դեկտեմբերի 25-ին որոշում է կայացվել մեղադրյալ Հասմիկ Արտավազդի Լևոնյանի նկատմամբ որպես խափանման միջոց բացակայելու արգելք կիրառելու մասին:
2024 թվականի դեկտեմբերի 26-ին թիվ 62270324 քրեական վարույթով կազմվել է համաձայնությամբ տուգանք նշանակելու վարույթ նախաձեռնելու վերաբերյալ արձանագրությունը:
2024 թվականի դեկտեմբերի 26-ին կազմվել է թիվ 62270324 քրեական վարույթով մեղադրական եզրակացությունը:
2024 թվականի դեկտեմբերի 30-ին որոշում է կայացվել թիվ 62270324 քրեական վարույթով մեղադրական եզրակացությունը հաստատելու մասին։
2025 թվականի հունվարի 07-ին թիվ 62270324 քրեական գործը մուտք է եղել դատարան, էլեկտրոնային եղանակով նույն օրը թիվ ԵԴ1/0046/01/25 համարի ներքո մակագրվել և նույն թվականի հունվարի 08-ին հանձնվել է դատավոր Ժ.Չիչոյանին։
2025 թվականի հունվարի 09-ին դատավոր Ժ.Չիչոյանը որոշում է կայացրել քրեական գործով վարույթ ստանձնելու և համաձայնությամբ տուգանք նշանակելու վարույթ կիրառելու մասին:
Մեղադրանքի փաստական նկարագրությունը.
Հասմիկ Արտավազդի Լևոնյանին ՀՀ քրեական օրենսգրքի 457-րդ հոդվածի 1-ին մասով մեղադրանք է ներկայացվել պատժի սպառնալիքով մեղավորությամբ կատարված այն արարքի համար, որ նա՝ «[ն]ա 2024 թվականի ընթացքում համակարգչային «Ֆոտոշոփ» ծրագրով փոփոխել և կեղծել է իրավաբանական նշանակություն ունեցող փաստ հավաստող իր և «Գինոսի Հյուրատնային Կառավարման Ծառայություններ» ՍՊ ընկերության միջև կնքված աշխատանքային պայմանագիրը՝ Պայմանագրի 1.2 կետում նշված՝ «Գործատուն Աշխատողին աշխատանքի է ընդունում որպես հաճախորդների առցանց սպասարկման բաժնի օպերատոր»-ը դարձնելով՝ «Գործատուն Աշխատողին աշխատանքի է ընդունում որպես լեզվաբան», ապա նույն «Ֆոտոշոփ» ծրագրով փոփոխել է «Գինոսի Հյուրատնային Կառավարման Ծառայություններ» ՍՊ ընկերության տնօրենի կողմից տրված իրավաբանական նշանակություն ունեցող փաստ հավաստող տեղեկանքը և կեղծել այն՝ տեղեկանքում նշված՝ «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես հաճախորդների առցանց սպասարկման բաժնի օպերատոր, լեզվաբան»-ը դարձնելով՝ «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես լեզվաբան», որից հետո Հասմիկ Արտավազդի Լևոնյանը օգտագործել ու իրացրել է հիշյալ կեղծված տեղեկանքը և պայմանագիրը՝ դրանք այլ փաստաթղթերի հետ 2024 թվականի հունիսի 23-ին ՀՀ հակակոռուպցիոն կոմիտեի օպերատիվ- հետախուզական գործառույթներ իրականացնող ստորաբաժանման թափուր պաշտոնների համալրման նպատակով հայտարարված մրցույթին մասնակցելու նպատակով ներկայացրել է ՀՀ հակակոռուպցիոն կոմիտե:»
Համաձայնությամբ տուգանք նշանակելու վարույթ կիրառելու մեղադրյալի համաձայնությունը և դրա քննարկումը.
Ուսումնասիրելով քրեական գործի նյութերը, և հաշվի առնելով համաձայնությամբ տուգանք նշանակելու վարույթ նախաձեռնելու վերաբերյալ արձանագրություն կազմելու հանգամանքը, Դատարանն արձանագրում է, որ մեղադրյալը ծանուցվել է համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին, ինչպես նաև քննիչի, պաշտպանի և մեղադրյալի մասնակցությամբ կազմվել է արձանագրություն առ այն, որ մեղադրյալ՝ Հասմիկ Արտավազդի Լևոնյանը չի վիճարկում իրեն ներկայացված մեղադրանքի փաստական հիմքն ու իրավական գնահատականը, պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով:
Համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին մեղադրյալին ծանուցելիս հանրային մեղադրողն իր համաձայնությունն է հայտնել հիշյալ վարույթը կիրառելու վերաբերյալ։
Նկատի ունենալով, որ քրեական գործով առկա չէ ՀՀ քրեական դատավարության օրենսգրքի 310-րդ հոդվածի 3-րդ մասով նախատեսված՝ քրեական գործը հսկող դատախազին վերադարձնելու հիմքը, քրեական գործում առկա է ՀՀ քրեական օրենսգրքի 464.6-րդ հոդվածով սահմանված կարգով կազմված և ստորագրված՝ մեղադրյալի համաձայնությամբ տուգանք նշանակելու վարույթ կիրառելու իրավունքը բացատրելու մասին արձանագրություն, միևնույն ժամանակ բացակայում են ՀՀ քրեական օրենսգրքի 464.7-րդ հոդվածի 2-րդ մասով նախատեսված հանգամանքները, Դատարանը որոշում է կայացրել քրեական գործով վարույթ ստանձնելու և համաձայնությամբ տուգանք նշանակելու վարույթ հարուցելու մասին:
Դատարանի իրավական վերլուծությունները.
Ներկայացված մեղադրանքը մեղադրյալ Հասմիկ Արտավազդի Լևոնյանի կողմից ընդունելու և համաձայնությամբ տուգանք նշանակելու վարույթ կիրառելու և գործով ձեռք բերված ապացույցների ընդհանուր կարգով սահմանված հետազոտություն չկատարելու պայմաններում, Դատարանն արձանագրում է, որ Հասմիկ Լևոնյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 457-րդ հոդվածի 1-ին մասով նախատեսված հանցագործության հատկանիշներին, ինչպես նաև ապացուցված է մեղադրյալի մեղավորությունը տվյալ արարքը կատարելու մեջ։
Հաստատված համարելով մեղադրյալ Հասմիկ Արտավազդի Լևոնյանի մեղավորությունը ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի:
Մեղադրյալ Հասմիկ Արտավազդի Լևոնյանի նկատմամբ պատիժ նշանակելու հարցը քննարկելիս՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը։
ՀՀ քրեական օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»
ՀՀ քրեական օրենսգրքի 77-րդ հոդվածի համաձայն՝
«(…)
6. Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու:
(…)»:
ՀՀ քրեական օրենսգրքի 457-րդ հոդվածի 1-ին մասի համաձայն՝
«1. Պետական կամ տեղական ինքնակառավարման մարմնի կամ դրանց կազմակերպության, առևտրային կամ այլ կազմակերպության, անհատ ձեռնարկատիրոջ, նոտարի, աուդիտորի կամ փաստաթուղթ կազմելու, տալու կամ դրա իսկությունը հավաստելու համար լիազորված այլ անձի կողմից տրվող իրավաբանական նշանակություն ունեցող փաստ հավաստող կամ իրավունք վերապահող կամ պարտականությունից կամ պատասխանատվությունից ազատող փաստաթուղթ կեղծելը՝ կեղծողի կողմից անձամբ կամ այլ անձի կողմից այն օգտագործելու կամ իրացնելու նպատակով, կամ այդպիսի փաստաթուղթ իրացնելը կամ նույն նպատակով կեղծ դրոշմ, կնիք կամ ձևաթուղթ պատրաստելը կամ իրացնելը, ինչպես նաև կեղծ փաստաթուղթ օգտագործելը՝
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
(…)»:
ՀՀ քրեական օրենսգրքի 3-րդ հոդվածի 1-ին մասի 6-րդ և 7-րդ կետերի համաձայն՝
«(…)
6) ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, անձի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտը (շահաբաժինը, տոկոսը, ռոյալթին, վարձակալական վճարը): Ամսական եկամուտը հաշվարկելիս հաշվի չեն առնվում դրանց համար վճարվող հարկերը, տուրքերը կամ այլ վճարներ.
7) նվազագույն աշխատավարձ՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափը»:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5․ Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով:
(…)»:
Դատարանն արձանագրում է, որ քրեական գործի նյութերում առկա է Հասմիկ Լևոնյանի կողմից ներկայացված դիմում, որով վերջինս հայտնել է, որ աշխատում է «ԷսՓԻ» ԲԲ ընկերությունում՝ որպես աջակցման մասնագետ և իր ամսական աշխատավարձը կազմում է 752․000 ՀՀ դրամ, սակայն հարկ է արձանագրել, որ նույն տեղեկանքում բացակայում է նշված կազմակերպությունում աշխատելու ժամանակահատվածը, իսկ քրեական գործի նյութերում առկա չէ մեղադրյալի կողմից հանցանքը ավարտելու օրվան նախորդող 12 ամիսների ընթացքում ստացած միջին ամսական եկամուտների վերաբերյալ որևէ այլ տվյալ։
Վերը մեջբերված իրավական նորմերի լույսի ներքո հաշվի առնելով այն հանգամանքը, որ մեղադրյալ Հասմիկ Արտավազդի Լևոնյանին մեղսագրվող արարքի համար տուգանքի ձևով նախատեսված պատժի նվազագույն չափը կազմում է հանցանք կատարած անձի ամսական եկամտի հնգապատիկը, ինչպես նաև այն, որ նրա՝ հանցանքը ավարտվելու օրվան նախորդող 12 ամիսների ընթացքում ստացած միջին ամսական եկամուտների վերաբերյալ տվյալներ չեն ներկայացվել, ուստի Դատարանը գտնում է, որ մեղադրյալ Հասմիկ Արտավազդի Լևոնյանի նկատմամբ պետք է նշանակել ՀՀ քրեական օրենսգրքի 457-րդ հոդվածի 1-ին մասի սանկցիայով նախատեսված և թույլատրելի պատժի հետևյալ պատժաչափը՝ տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
Անդրադառնալով որպես արտավարութային փաստաթուղթ ապացույց ճանաչված և քրեական վարույթին կցված փաստաթղթերի՝ «Գինոսի Հյուրատնային Կառավարման Ծառայություններ» ՍՊԸ-ի տնօրեն Մարիամ Հովսեփյանի կողմից ներկայացված 27.05.2024 թվականի տեղեկանքի բնօրինակի, Մարիամ Հովսեփյանի կողմից ներկայացված Հասմիկ Լևոնյանի և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի բնօրինակի, Հասմիկ Լևոնյանի կողմից ՀՀ հակակոռուպցիոն կոմիտե ներկայացված իր և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի և 27.05.2024 թվականի տեղեկանքի տնօրինման հարցին՝ Դատարանը գտնում է, որ դրանք պետք է պահել գործի հետ միասին՝ վերջինիս պահելու ամբողջ ժամանակամիջոցում:
Անդրադառնալով մեղադրյալի նկատմամբ մինչդատական վարույթի ընթացքում ընտրված խափանման միջոցի հարցին՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը: Դատավճռի օրինական ուժի մեջ մտնելուց հետո պետք է վերացնել նաև Հ.Լևոնյանի կողմից ՀՀ պետական սահմանը հատելու ու անձնագրային գործարքներ կատարելու արգելքները:
Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.9-րդ հոդվածի 4-րդ մասի համաձայն՝ նույն օրենսգրքի 167-րդ հոդվածի 1-ին մաuով նախատեսված վարույթային ծախսերը մեղադրյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ և 464.6-464.10-րդ հոդվածներով՝ Դատարանը.
Վ Ճ Ռ Ե Ց
Հասմիկ Արտավազդի Լևոնյանին մեղավոր ճանաչել ՀՀ քրեական օրենսգրքի 457-րդ հոդվածի 1-ին մասով նախատեսված արարքում և պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Արտավարութային փաստաթուղթ ապացույց ճանաչված և քրեական վարույթին կցված՝ «Գինոսի Հյուրատնային Կառավարման Ծառայություններ» ՍՊԸ-ի տնօրեն Մարիամ Հովսեփյանի կողմից ներկայալված 27.05.2024 թվականի տեղեկանքի բնօրինակը, Մարիամ Հովսեփյանի կողմից ներկայացված Հասմիկ Լևոնյանի և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի բնօրինակը, Հասմիկ Լևոնյանի կողմից ՀՀ հակակոռուպցիոն կոմիտե ներկայացված իր և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագիրը և 27.05.2024 թվականի տեղեկանքը, պահել գործի հետ միասին՝ վերջինիս պահելու ամբողջ ժամանակամիջոցում:
Դատավճռի օրինական ուժի մեջ մտնելուց հետո Հասմիկ Արտավազդի Լևոնյանի նկատմամբ ընտրված խափանման միջոց՝ բացակայելու արգելքը և դրանով պայմանավորված սահմանափակումները, վերացնել:
Վարույթային ծախսերի հարցը համարել լուծված:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։
ԴԱՏԱՎՈՐ` Ժ.ՉԻՉՈՅԱՆ
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
«24» հունվարի 2025թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)՝ նախագահությամբ դատավոր Ժ.Չիչոյանի, համաձայնությամբ տուգանք նշանակելու վարույթի կիրառմամբ, գրավոր ընթացակարգով քննության առնելով քրեական գործն ըստ մեղադրանքի՝
Հասմիկ Արտավազդի Լևոնյանի՝ ծնված 1992 թվականի հուլիսի 27-ին, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չդատապարտված, բնակվող՝ Երևան քաղաքի 17-րդ թաղամասի Նազարբեկյան 41/1-րդ շենքի 142-րդ հասցեի բնակարանում, որպես խափանման միջոց է ընտրված բացակայելու արգելքը, մեղադրվում է ՀՀ քրեական օրենսգրքի 457-րդ հոդվածի 1-ին մասով.
Գործի դատավարական նախապատմությունը.
2024 թվականի օգոստոսի 20-ին ՀՀ հակակոռուպցիոն կոմիտեի քննչական երրորդ վարչության քննիչ Ա․Գևորգյանն արձանագրություն է կազմել ՀՀ քրեական օրենսգրքի 457-րդ հոդվածի 1-ին մասի հատկանիշներով թիվ 62270324 քրեական վարույթը նախաձեռնելու մասին:
2024 թվականի օգոստոսի 28-ին թիվ 62270324 քրեական վարույթը փոխանցվել է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնին։
2024 թվականի դեկտեմբերի 24-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Տ.Մխիթարյանը որոշում է կայացրել թիվ 62270324 քրեական վարույթով Հասմիկ Արտավազդի Լևոնյանի նկատմամբ ՀՀ քրեական օրենսգրքի 457-րդ հոդվածի 1-ին մասով հանրային քրեական հետապնդում հարուցելու մասին:
2024 թվականի դեկտեմբերի 25-ին որոշում է կայացվել մեղադրյալ Հասմիկ Արտավազդի Լևոնյանի նկատմամբ որպես խափանման միջոց բացակայելու արգելք կիրառելու մասին:
2024 թվականի դեկտեմբերի 26-ին թիվ 62270324 քրեական վարույթով կազմվել է համաձայնությամբ տուգանք նշանակելու վարույթ նախաձեռնելու վերաբերյալ արձանագրությունը:
2024 թվականի դեկտեմբերի 26-ին կազմվել է թիվ 62270324 քրեական վարույթով մեղադրական եզրակացությունը:
2024 թվականի դեկտեմբերի 30-ին որոշում է կայացվել թիվ 62270324 քրեական վարույթով մեղադրական եզրակացությունը հաստատելու մասին։
2025 թվականի հունվարի 07-ին թիվ 62270324 քրեական գործը մուտք է եղել դատարան, էլեկտրոնային եղանակով նույն օրը թիվ ԵԴ1/0046/01/25 համարի ներքո մակագրվել և նույն թվականի հունվարի 08-ին հանձնվել է դատավոր Ժ.Չիչոյանին։
2025 թվականի հունվարի 09-ին դատավոր Ժ.Չիչոյանը որոշում է կայացրել քրեական գործով վարույթ ստանձնելու և համաձայնությամբ տուգանք նշանակելու վարույթ կիրառելու մասին:
Մեղադրանքի փաստական նկարագրությունը.
Հասմիկ Արտավազդի Լևոնյանին ՀՀ քրեական օրենսգրքի 457-րդ հոդվածի 1-ին մասով մեղադրանք է ներկայացվել պատժի սպառնալիքով մեղավորությամբ կատարված այն արարքի համար, որ նա՝ «[ն]ա 2024 թվականի ընթացքում համակարգչային «Ֆոտոշոփ» ծրագրով փոփոխել և կեղծել է իրավաբանական նշանակություն ունեցող փաստ հավաստող իր և «Գինոսի Հյուրատնային Կառավարման Ծառայություններ» ՍՊ ընկերության միջև կնքված աշխատանքային պայմանագիրը՝ Պայմանագրի 1.2 կետում նշված՝ «Գործատուն Աշխատողին աշխատանքի է ընդունում որպես հաճախորդների առցանց սպասարկման բաժնի օպերատոր»-ը դարձնելով՝ «Գործատուն Աշխատողին աշխատանքի է ընդունում որպես լեզվաբան», ապա նույն «Ֆոտոշոփ» ծրագրով փոփոխել է «Գինոսի Հյուրատնային Կառավարման Ծառայություններ» ՍՊ ընկերության տնօրենի կողմից տրված իրավաբանական նշանակություն ունեցող փաստ հավաստող տեղեկանքը և կեղծել այն՝ տեղեկանքում նշված՝ «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես հաճախորդների առցանց սպասարկման բաժնի օպերատոր, լեզվաբան»-ը դարձնելով՝ «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես լեզվաբան», որից հետո Հասմիկ Արտավազդի Լևոնյանը օգտագործել ու իրացրել է հիշյալ կեղծված տեղեկանքը և պայմանագիրը՝ դրանք այլ փաստաթղթերի հետ 2024 թվականի հունիսի 23-ին ՀՀ հակակոռուպցիոն կոմիտեի օպերատիվ- հետախուզական գործառույթներ իրականացնող ստորաբաժանման թափուր պաշտոնների համալրման նպատակով հայտարարված մրցույթին մասնակցելու նպատակով ներկայացրել է ՀՀ հակակոռուպցիոն կոմիտե:»
Համաձայնությամբ տուգանք նշանակելու վարույթ կիրառելու մեղադրյալի համաձայնությունը և դրա քննարկումը.
Ուսումնասիրելով քրեական գործի նյութերը, և հաշվի առնելով համաձայնությամբ տուգանք նշանակելու վարույթ նախաձեռնելու վերաբերյալ արձանագրություն կազմելու հանգամանքը, Դատարանն արձանագրում է, որ մեղադրյալը ծանուցվել է համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին, ինչպես նաև քննիչի, պաշտպանի և մեղադրյալի մասնակցությամբ կազմվել է արձանագրություն առ այն, որ մեղադրյալ՝ Հասմիկ Արտավազդի Լևոնյանը չի վիճարկում իրեն ներկայացված մեղադրանքի փաստական հիմքն ու իրավական գնահատականը, պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով:
Համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին մեղադրյալին ծանուցելիս հանրային մեղադրողն իր համաձայնությունն է հայտնել հիշյալ վարույթը կիրառելու վերաբերյալ։
Նկատի ունենալով, որ քրեական գործով առկա չէ ՀՀ քրեական դատավարության օրենսգրքի 310-րդ հոդվածի 3-րդ մասով նախատեսված՝ քրեական գործը հսկող դատախազին վերադարձնելու հիմքը, քրեական գործում առկա է ՀՀ քրեական օրենսգրքի 464.6-րդ հոդվածով սահմանված կարգով կազմված և ստորագրված՝ մեղադրյալի համաձայնությամբ տուգանք նշանակելու վարույթ կիրառելու իրավունքը բացատրելու մասին արձանագրություն, միևնույն ժամանակ բացակայում են ՀՀ քրեական օրենսգրքի 464.7-րդ հոդվածի 2-րդ մասով նախատեսված հանգամանքները, Դատարանը որոշում է կայացրել քրեական գործով վարույթ ստանձնելու և համաձայնությամբ տուգանք նշանակելու վարույթ հարուցելու մասին:
Դատարանի իրավական վերլուծությունները.
Ներկայացված մեղադրանքը մեղադրյալ Հասմիկ Արտավազդի Լևոնյանի կողմից ընդունելու և համաձայնությամբ տուգանք նշանակելու վարույթ կիրառելու և գործով ձեռք բերված ապացույցների ընդհանուր կարգով սահմանված հետազոտություն չկատարելու պայմաններում, Դատարանն արձանագրում է, որ Հասմիկ Լևոնյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 457-րդ հոդվածի 1-ին մասով նախատեսված հանցագործության հատկանիշներին, ինչպես նաև ապացուցված է մեղադրյալի մեղավորությունը տվյալ արարքը կատարելու մեջ։
Հաստատված համարելով մեղադրյալ Հասմիկ Արտավազդի Լևոնյանի մեղավորությունը ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի:
Մեղադրյալ Հասմիկ Արտավազդի Լևոնյանի նկատմամբ պատիժ նշանակելու հարցը քննարկելիս՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը։
ՀՀ քրեական օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»
ՀՀ քրեական օրենսգրքի 77-րդ հոդվածի համաձայն՝
«(…)
6. Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու:
(…)»:
ՀՀ քրեական օրենսգրքի 457-րդ հոդվածի 1-ին մասի համաձայն՝
«1. Պետական կամ տեղական ինքնակառավարման մարմնի կամ դրանց կազմակերպության, առևտրային կամ այլ կազմակերպության, անհատ ձեռնարկատիրոջ, նոտարի, աուդիտորի կամ փաստաթուղթ կազմելու, տալու կամ դրա իսկությունը հավաստելու համար լիազորված այլ անձի կողմից տրվող իրավաբանական նշանակություն ունեցող փաստ հավաստող կամ իրավունք վերապահող կամ պարտականությունից կամ պատասխանատվությունից ազատող փաստաթուղթ կեղծելը՝ կեղծողի կողմից անձամբ կամ այլ անձի կողմից այն օգտագործելու կամ իրացնելու նպատակով, կամ այդպիսի փաստաթուղթ իրացնելը կամ նույն նպատակով կեղծ դրոշմ, կնիք կամ ձևաթուղթ պատրաստելը կամ իրացնելը, ինչպես նաև կեղծ փաստաթուղթ օգտագործելը՝
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
(…)»:
ՀՀ քրեական օրենսգրքի 3-րդ հոդվածի 1-ին մասի 6-րդ և 7-րդ կետերի համաձայն՝
«(…)
6) ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, անձի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտը (շահաբաժինը, տոկոսը, ռոյալթին, վարձակալական վճարը): Ամսական եկամուտը հաշվարկելիս հաշվի չեն առնվում դրանց համար վճարվող հարկերը, տուրքերը կամ այլ վճարներ.
7) նվազագույն աշխատավարձ՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափը»:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5․ Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով:
(…)»:
Դատարանն արձանագրում է, որ քրեական գործի նյութերում առկա է Հասմիկ Լևոնյանի կողմից ներկայացված դիմում, որով վերջինս հայտնել է, որ աշխատում է «ԷսՓԻ» ԲԲ ընկերությունում՝ որպես աջակցման մասնագետ և իր ամսական աշխատավարձը կազմում է 752․000 ՀՀ դրամ, սակայն հարկ է արձանագրել, որ նույն տեղեկանքում բացակայում է նշված կազմակերպությունում աշխատելու ժամանակահատվածը, իսկ քրեական գործի նյութերում առկա չէ մեղադրյալի կողմից հանցանքը ավարտելու օրվան նախորդող 12 ամիսների ընթացքում ստացած միջին ամսական եկամուտների վերաբերյալ որևէ այլ տվյալ։
Վերը մեջբերված իրավական նորմերի լույսի ներքո հաշվի առնելով այն հանգամանքը, որ մեղադրյալ Հասմիկ Արտավազդի Լևոնյանին մեղսագրվող արարքի համար տուգանքի ձևով նախատեսված պատժի նվազագույն չափը կազմում է հանցանք կատարած անձի ամսական եկամտի հնգապատիկը, ինչպես նաև այն, որ նրա՝ հանցանքը ավարտվելու օրվան նախորդող 12 ամիսների ընթացքում ստացած միջին ամսական եկամուտների վերաբերյալ տվյալներ չեն ներկայացվել, ուստի Դատարանը գտնում է, որ մեղադրյալ Հասմիկ Արտավազդի Լևոնյանի նկատմամբ պետք է նշանակել ՀՀ քրեական օրենսգրքի 457-րդ հոդվածի 1-ին մասի սանկցիայով նախատեսված և թույլատրելի պատժի հետևյալ պատժաչափը՝ տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
Անդրադառնալով որպես արտավարութային փաստաթուղթ ապացույց ճանաչված և քրեական վարույթին կցված փաստաթղթերի՝ «Գինոսի Հյուրատնային Կառավարման Ծառայություններ» ՍՊԸ-ի տնօրեն Մարիամ Հովսեփյանի կողմից ներկայացված 27.05.2024 թվականի տեղեկանքի բնօրինակի, Մարիամ Հովսեփյանի կողմից ներկայացված Հասմիկ Լևոնյանի և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի բնօրինակի, Հասմիկ Լևոնյանի կողմից ՀՀ հակակոռուպցիոն կոմիտե ներկայացված իր և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի և 27.05.2024 թվականի տեղեկանքի տնօրինման հարցին՝ Դատարանը գտնում է, որ դրանք պետք է պահել գործի հետ միասին՝ վերջինիս պահելու ամբողջ ժամանակամիջոցում:
Անդրադառնալով մեղադրյալի նկատմամբ մինչդատական վարույթի ընթացքում ընտրված խափանման միջոցի հարցին՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը: Դատավճռի օրինական ուժի մեջ մտնելուց հետո պետք է վերացնել նաև Հ.Լևոնյանի կողմից ՀՀ պետական սահմանը հատելու ու անձնագրային գործարքներ կատարելու արգելքները:
Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.9-րդ հոդվածի 4-րդ մասի համաձայն՝ նույն օրենսգրքի 167-րդ հոդվածի 1-ին մաuով նախատեսված վարույթային ծախսերը մեղադրյալից ենթակա չեն բռնագանձման:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ և 464.6-464.10-րդ հոդվածներով՝ Դատարանը.
Վ Ճ Ռ Ե Ց
Հասմիկ Արտավազդի Լևոնյանին մեղավոր ճանաչել ՀՀ քրեական օրենսգրքի 457-րդ հոդվածի 1-ին մասով նախատեսված արարքում և պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Արտավարութային փաստաթուղթ ապացույց ճանաչված և քրեական վարույթին կցված՝ «Գինոսի Հյուրատնային Կառավարման Ծառայություններ» ՍՊԸ-ի տնօրեն Մարիամ Հովսեփյանի կողմից ներկայալված 27.05.2024 թվականի տեղեկանքի բնօրինակը, Մարիամ Հովսեփյանի կողմից ներկայացված Հասմիկ Լևոնյանի և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի բնօրինակը, Հասմիկ Լևոնյանի կողմից ՀՀ հակակոռուպցիոն կոմիտե ներկայացված իր և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագիրը և 27.05.2024 թվականի տեղեկանքը, պահել գործի հետ միասին՝ վերջինիս պահելու ամբողջ ժամանակամիջոցում:
Դատավճռի օրինական ուժի մեջ մտնելուց հետո Հասմիկ Արտավազդի Լևոնյանի նկատմամբ ընտրված խափանման միջոց՝ բացակայելու արգելքը և դրանով պայմանավորված սահմանափակումները, վերացնել:
Վարույթային ծախսերի հարցը համարել լուծված:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։
ԴԱՏԱՎՈՐ` Ժ.ՉԻՉՈՅԱՆ
Դատական գործ N: ԵԴ1/0046/01/25
Երևանի քրեական դատարան
Նոր քրեական գործ
| Երբ է գործը ստացվել | 07-01-2025 |
|---|---|
| Ինչ կարգով է գործը ստացվել | Առաջին անգամ |
| Դատախազություն | Արաբկիր և Քանաքեռ-Զեյթուն վարչական շրջանների դատախազություն |
| Նախաքննական գործի համարը | 62270324 |
| Մեղադրական եզրակացության համառոտ բովանդակություն | Հասմիկ Արտավազդի Լևոնյանին մեղադրանք է առաջադրվել այն բանի համար, որ նա 2024 թվականի ընթացքում համակարգչային «Ֆոտոշոփ» ծրագրով փոփոխել և կեղծել է իրավաբանական նշանակություն ունեցող փաստ հավաստող իր և «Գինոսի Հյուրատնային Կառավարման Ծառայություններ» ՍՊ ընկերության միջև կնքված աշխատանքային պայմանագիրը' Պայմանագրի 1.2 կետում նշված՛ «Գործատուն Աշխատողին աշխատանքի է ընդունում որպես հաճախորդների առցանց սպասարկման բաժնի օպերատոր»-ը դարձնելով' «Գործատուն Աշխատողին աշխատանքի է ընդունում որպես լեզվաբան», ապա նույն «Ֆոտոշոփ» ծրագրով փոփոխել է «Գինոսի Հյուրատնային Կառավարման Ծառայություններ» ՍՊ ընկերության տնօրենի կողմից տրված իրավաբանական նշանակություն ունեցող փաստ հավաստող տեղեկանքը և կեղծել այն' տեղեկանքում նշված' «աշխատել է «Գինոսի Հյուրատնային Կառավարման Ծառայություններ» ՍՊԸ- ում, որպես հաճախորդների առցանց սպասարկման բաժնի օպերատոր, լեզվաբան»֊ը դարձնելով' «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես լեզվաբան», որից հետո Հասմիկ Արտավազդի Լևոնյանը օգտագործել ու իրացրել է հիշյալ կեղծված տեղեկանքը և պայմանագիրը՛ դրանք այլ փաստաթղթերի հետ 2024 թվականի հունիսի 23֊ին ՀՀ հակակոռուպցիոն կոմիտեի օպերատիվ-հետախուզական գործառույթներ իրականացնող ստորաբաժանման թափուր պաշտոնների համալրման նպատակով հայտարարված մրցույթին մասնակցելու նպատակով ներկայացրել է ՀՀ հակակոռուպցիոն կոմիտե: |
| Մեղադրյալ | |
| Անձ | |
| Անուն | Հասմիկ |
| Ազգանուն | Լևոնյան |
| Հայրանուն | Արտավազդի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Դատվածություն | |
| Դատվածություն | Նախկինում չդատված |
| Վիճակագրական տողի համարը | 23.6 |
| Լրացուցիչ վիճակագրական տողի համար | Առկա չէ |
| Իրավական բարդության չափանիշ | 1.2 |
| Չափահաս | Այո |
Մակագրել
| Երբ | 07-01-2025 |
|---|---|
| Նախագահող դատավոր | |
| Անուն | Ժորա |
| Ազգանուն | Չիչոյան |
Նոր օրենսդրությամբ քննվող գործեր
| Ամսաթիվ | 09-01-2025 |
|---|
Վարույթը ստանձնելու և համաձայնությամբ տուգանք նշանակելու վարույթ հարուցելու մասին
| Ամսաթիվ | 09-01-2025 |
|---|---|
| Որոշում | Ո Ր Ո Շ Ո Ւ Մ ՔՐԵԱԿԱՆ ԳՈՐԾՈՎ ՎԱՐՈՒՅԹՆ ՍՏԱՆՁՆԵԼՈՒ ԵՎ ՀԱՄԱՁԱՅՆՈՒԹՅԱՄԲ ՏՈՒԳԱՆՔ ՆՇԱՆԱԿԵԼՈՒ ՎԱՐՈՒՅԹ ԿԻՐԱՌԵԼՈՒ ՄԱՍԻՆ «09» հունվարի 2025թ. ք.Երևան Երևան քաղաքի առաջին ատյանի ընդհանուր իրավասության քրեական դատարանի դատավոր Ժ.Չիչոյանս, ուսումնասիրելով քրեական գործն ըստ մեղադրանքի՝ Հասմիկ Արտավազդի Լևոնյանի՝ ՀՀ քրեական օրենսգրքի 457-րդ հոդվածի 1-ին մասով. Պ Ա Ր Զ Ե Ց Ի 2025 թվականի հունվարի 07-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազությունից Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 62270324 քրեական գործն ըստ մեղադրանքի՝ Հասմիկ Արտավազդի Լևոնյանի՝ ՀՀ քրեական օրենսգրքի 457-րդ հոդվածի 1-ին մասով, որը թիվ ԵԴ1/0046/01/25 համարի ներքո նույն օրը մակագրվել և 2025 թվականի հունվարի 08-ին հանձնվել է դատավոր Ժ.Չիչոյանին: Ուսումնասիրելով քրեական գործը և մեղադրական եզրակացությանը կից համաձայնությամբ տուգանք նշանակելու վարույթ նախաձեռնելու մասին արձանագրությունը՝ Դատարանն արձանագրում է հետևյալը. ՀՀ քրեական դատավարության օրենսգրքի 464.6-րդ հոդվածի համաձայն՝ «1. Սույն օրենսգրքի 199-րդ հոդվածով սահմանված կարգով նախաքննությունն ավարտելու դեպքում քննիչը, ստանալով հսկող դատախազի գրավոր համաձայնությունը, Հայաստանի Հանրապետության քրեական օրենսգրքի 3-րդ հոդվածի 1-ին մասի 2-րդ կետի իմաստով՝ առաջին անգամ հանցանք կատարած և ոչ մեծ ծանրության հանցագործության համար մեղադրվող մեղադրյալին գրավոր ծանուցում է նաև համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին։ 2. Վարույթի նյութերը մեղադրյալի ծանոթացմանը ներկայացնելիս քննիչը ճշտում է համաձայնությամբ տուգանք նշանակելու վարույթ կիրառելու վերաբերյալ վերջինիս դիրքորոշումը: 3. Եթե մեղադրյալը չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով, ապա քննիչը մեղադրյալի բանավոր միջնորդության հիման վրա կազմում է համապատասխան արձանագրություն, որը ստորագրում են նաև մեղադրյալը և նրա պաշտպանը: Արձանագրությունը կցվում է մեղադրական եզրակացությանը (…)»։ Նույն օրենսգրքի 464.7-րդ հոդվածի համաձայն՝ «1. Համաձայնությամբ տուգանք նշանակելու վարույթն իրականացվում է, եթե առկա է սույն օրենսգրքի 464.6 հոդվածով սահմանված կարգով կազմված և ստորագրված արձանագրություն: 2. Համաձայնությամբ տուգանք նշանակելու վարույթ չի կարող իրականացվել, եթե՝ 1) մեղադրյալն անչափահաս է. 2) մեղադրյալը մեղադրվում է մեկից ավելի հանցանքներ կատարելու համար. 3) մեղադրյալին մեղսագրվող արարքի համար Հայաստանի Հանրապետության քրեական օրենսգրքով տուգանք պատժատեսակ սահմանված չէ. 4) մեղադրյալին մեղսագրվող արարքով վնաս է պատճառվել մասնավոր անձի շահերին. 5) գույքային հայց է հարուցվել մեղադրյալի կամ այն անձի դեմ, որի վրա կարող է գույքային պատասխանատվություն դրվել մեղադրյալի գործողությունների համար. 6) սույն օրենսգրքով սահմանված կարգով մեղադրական եզրակացությունը հաստատելիս հսկող դատախազն իրավական կամ փաստական հիմնավորմամբ առարկել է դրա դեմ՝ այդ մասին նշում կատարելով մեղադրական եզրակացությունը հաստատելու որոշման մեջ․ 7) մեղադրյալը գրավոր հրաժարվել է համաձայնությամբ տուգանք նշանակելու վարույթ կիրառելուց․ 8) խախտվել է սույն օրենսգրքի 464.6 հոդվածով սահմանված կարգը»: Նույն օրենսգրքի 464.8-րդ հոդվածի համաձայն՝ «1. Դատավորը քրեական գործն ստանալուց հետո հավաստիանալով, որ առկա է համաձայնությամբ տուգանք նշանակելու վարույթ կիրառելու հիմքը, և բացակայում են սույն օրենսգրքի 464.7 հոդվածի 2-րդ մասով նախատեսված հանգամանքները, եռօրյա ժամկետում որոշում է կայացնում վարույթն ստանձնելու և համաձայնությամբ տուգանք նշանակելու վարույթ հարուցելու մասին: Հակառակ դեպքում կայացվում է սույն օրենսգրքի 310-րդ հոդվածի 2-րդ մասով նախատեսված որոշումը: 2. Համաձայնությամբ տուգանք նշանակելու վարույթ կիրառելու մասին որոշումը պետք է բովանդակի տեղեկություններ այն կայացրած դատարանի և դատավորի, քրեական գործն ստանալու և որոշումը կայացնելու օրվա, վարույթը գրավոր ընթացակարգով իրականացնելու, ինչպես նաև դատավճռի կայացման օրվա մասին: 3. Սույն հոդվածի 2-րդ մասով նախատեսված որոշումը կայացվելուց հետո՝ երկօրյա ժամկետում, դատավորը դրա պատճենն ուղարկում է հանրային մեղադրողին և վարույթի մասնավոր մասնակիցներին: (…)»։ Դատարանը գտնում է, որ սույն դեպքում առկա է ՀՀ քրեական դատավարության օրենսգրքի 464.6-րդ հոդվածով նախատեսված համաձայնությամբ տուգանք նշանակելու վարույթ կիրառելու հիմքը, մասնավորապես՝ մեղադրյալ Հասմիկ Արտավազդի Լևոնյանը չի վիճարկել իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով և բացակայում են նույն օրենսգրքի 464.7-րդ հոդվածի 2-րդ մասով նախատեսված հանգամանքները, այսինքն՝ համաձայնությամբ տուգանք նշանակելու վարույթը ենթակա է կիրառման: Ելնելով վերոգրյալից և ղեկավարվելով ՀՀ քրեական դատավարության օրենսգրքի 31-րդ, 33-34-րդ, 464.6-464․8 հոդվածներով, Դատարանը՝ Ո Ր Ո Շ Ե Ց 1. Ստանձնել թիվ ԵԴ1/0046/01/25 քրեական գործով վարույթն ըստ մեղադրանքի Հասմիկ Արտավազդի Լևոնյանի՝ ՀՀ քրեական օրենսգրքի 457-րդ հոդվածի 1-ին մասով և հարուցել համաձայնությամբ տուգանք նշանակելու վարույթ՝ այն իրականացնելով գրավոր ընթացակարգով: 2. Դատավճիռի կայացման օր նշանակել 2025 թվականի հունվարի 24-ին: 3. Որոշումը երկօրյա ժամկետում ուղարկել հանրային մեղադրողին, ինչպես նաև վարույթի մասնավոր մասնակիցներին: ԴԱՏԱՎՈՐ՝ Ժ.ՉԻՉՈՅԱՆ |
| Դատավարության կողմեր | Մեղադրյալ |
| Դատավարության կողմեր | Հանրային մեղադրող |
| Դատավարության կողմեր | |
| Անուն | Հասմիկ |
| Ազգանուն | Լևոնյան |
| Հասցե | --------------- |
| Սեռ | 2 |
| Դատավարության կողմեր | |
| Անուն | Տ․ |
| Ազգանուն | Մխիթարյան |
| Հասցե | --------------- |
| Սեռ | 0 |
Դատավճռի կայացման օր
| Ամսաթիվ | 24-01-2025 |
|---|
Վարույթը ստանձ. և համաձայն. տուգանք նշան. վարույթ հարուց. մասին որոշման պատճենը ուղարկվել է հանր. մեղադրողին և վարույթի մասն. մասնակիցներին
| Ամսաթիվ | 09-01-2025 |
|---|
Կայացվել է դատավճիռ
| Ամսաթիվ | 24-01-2025 |
|---|
Մեղադրական
| Մեղադրյալ | |
|---|---|
| Անուն | Հասմիկ |
| Ազգանուն | Լևոնյան |
| Հասցե | --------------- |
| Սեռ | 2 |
| Ամսաթիվ | 24-01-2025 |
| Օրենսգիրք | Քրեական օրենսգիրք |
| Առավել ծանր հանցագործության հոդված | |
| Հիմնական պատիժ | Տուգանք |
Դատական ակտ
| Դատական ակտի բովանդակությունը | Գործ ԵԴ1/0046/01/25 Դ Ա Տ Ա Վ Ճ Ի Ռ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ «24» հունվարի 2025թ. ք.Երևան Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)՝ նախագահությամբ դատավոր Ժ.Չիչոյանի, համաձայնությամբ տուգանք նշանակելու վարույթի կիրառմամբ, գրավոր ընթացակարգով քննության առնելով քրեական գործն ըստ մեղադրանքի՝ Հասմիկ Արտավազդի Լևոնյանի՝ ծնված 1992 թվականի հուլիսի 27-ին, ազգությամբ հայ, ՀՀ քաղաքացի, բարձրագույն կրթությամբ, չամուսնացած, չդատապարտված, բնակվող՝ Երևան քաղաքի 17-րդ թաղամասի Նազարբեկյան 41/1-րդ շենքի 142-րդ հասցեի բնակարանում, որպես խափանման միջոց է ընտրված բացակայելու արգելքը, մեղադրվում է ՀՀ քրեական օրենսգրքի 457-րդ հոդվածի 1-ին մասով. Գործի դատավարական նախապատմությունը. 2024 թվականի օգոստոսի 20-ին ՀՀ հակակոռուպցիոն կոմիտեի քննչական երրորդ վարչության քննիչ Ա․Գևորգյանն արձանագրություն է կազմել ՀՀ քրեական օրենսգրքի 457-րդ հոդվածի 1-ին մասի հատկանիշներով թիվ 62270324 քրեական վարույթը նախաձեռնելու մասին: 2024 թվականի օգոստոսի 28-ին թիվ 62270324 քրեական վարույթը փոխանցվել է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնին։ 2024 թվականի դեկտեմբերի 24-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Տ.Մխիթարյանը որոշում է կայացրել թիվ 62270324 քրեական վարույթով Հասմիկ Արտավազդի Լևոնյանի նկատմամբ ՀՀ քրեական օրենսգրքի 457-րդ հոդվածի 1-ին մասով հանրային քրեական հետապնդում հարուցելու մասին: 2024 թվականի դեկտեմբերի 25-ին որոշում է կայացվել մեղադրյալ Հասմիկ Արտավազդի Լևոնյանի նկատմամբ որպես խափանման միջոց բացակայելու արգելք կիրառելու մասին: 2024 թվականի դեկտեմբերի 26-ին թիվ 62270324 քրեական վարույթով կազմվել է համաձայնությամբ տուգանք նշանակելու վարույթ նախաձեռնելու վերաբերյալ արձանագրությունը: 2024 թվականի դեկտեմբերի 26-ին կազմվել է թիվ 62270324 քրեական վարույթով մեղադրական եզրակացությունը: 2024 թվականի դեկտեմբերի 30-ին որոշում է կայացվել թիվ 62270324 քրեական վարույթով մեղադրական եզրակացությունը հաստատելու մասին։ 2025 թվականի հունվարի 07-ին թիվ 62270324 քրեական գործը մուտք է եղել դատարան, էլեկտրոնային եղանակով նույն օրը թիվ ԵԴ1/0046/01/25 համարի ներքո մակագրվել և նույն թվականի հունվարի 08-ին հանձնվել է դատավոր Ժ.Չիչոյանին։ 2025 թվականի հունվարի 09-ին դատավոր Ժ.Չիչոյանը որոշում է կայացրել քրեական գործով վարույթ ստանձնելու և համաձայնությամբ տուգանք նշանակելու վարույթ կիրառելու մասին: Մեղադրանքի փաստական նկարագրությունը. Հասմիկ Արտավազդի Լևոնյանին ՀՀ քրեական օրենսգրքի 457-րդ հոդվածի 1-ին մասով մեղադրանք է ներկայացվել պատժի սպառնալիքով մեղավորությամբ կատարված այն արարքի համար, որ նա՝ «[ն]ա 2024 թվականի ընթացքում համակարգչային «Ֆոտոշոփ» ծրագրով փոփոխել և կեղծել է իրավաբանական նշանակություն ունեցող փաստ հավաստող իր և «Գինոսի Հյուրատնային Կառավարման Ծառայություններ» ՍՊ ընկերության միջև կնքված աշխատանքային պայմանագիրը՝ Պայմանագրի 1.2 կետում նշված՝ «Գործատուն Աշխատողին աշխատանքի է ընդունում որպես հաճախորդների առցանց սպասարկման բաժնի օպերատոր»-ը դարձնելով՝ «Գործատուն Աշխատողին աշխատանքի է ընդունում որպես լեզվաբան», ապա նույն «Ֆոտոշոփ» ծրագրով փոփոխել է «Գինոսի Հյուրատնային Կառավարման Ծառայություններ» ՍՊ ընկերության տնօրենի կողմից տրված իրավաբանական նշանակություն ունեցող փաստ հավաստող տեղեկանքը և կեղծել այն՝ տեղեկանքում նշված՝ «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես հաճախորդների առցանց սպասարկման բաժնի օպերատոր, լեզվաբան»-ը դարձնելով՝ «աշխատել է «Գինոսի Հյուրատնային Կառավարման Ծառայություններ» ՍՊԸ-ում, որպես լեզվաբան», որից հետո Հասմիկ Արտավազդի Լևոնյանը օգտագործել ու իրացրել է հիշյալ կեղծված տեղեկանքը և պայմանագիրը՝ դրանք այլ փաստաթղթերի հետ 2024 թվականի հունիսի 23-ին ՀՀ հակակոռուպցիոն կոմիտեի օպերատիվ- հետախուզական գործառույթներ իրականացնող ստորաբաժանման թափուր պաշտոնների համալրման նպատակով հայտարարված մրցույթին մասնակցելու նպատակով ներկայացրել է ՀՀ հակակոռուպցիոն կոմիտե:» Համաձայնությամբ տուգանք նշանակելու վարույթ կիրառելու մեղադրյալի համաձայնությունը և դրա քննարկումը. Ուսումնասիրելով քրեական գործի նյութերը, և հաշվի առնելով համաձայնությամբ տուգանք նշանակելու վարույթ նախաձեռնելու վերաբերյալ արձանագրություն կազմելու հանգամանքը, Դատարանն արձանագրում է, որ մեղադրյալը ծանուցվել է համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին, ինչպես նաև քննիչի, պաշտպանի և մեղադրյալի մասնակցությամբ կազմվել է արձանագրություն առ այն, որ մեղադրյալ՝ Հասմիկ Արտավազդի Լևոնյանը չի վիճարկում իրեն ներկայացված մեղադրանքի փաստական հիմքն ու իրավական գնահատականը, պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով: Համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին մեղադրյալին ծանուցելիս հանրային մեղադրողն իր համաձայնությունն է հայտնել հիշյալ վարույթը կիրառելու վերաբերյալ։ Նկատի ունենալով, որ քրեական գործով առկա չէ ՀՀ քրեական դատավարության օրենսգրքի 310-րդ հոդվածի 3-րդ մասով նախատեսված՝ քրեական գործը հսկող դատախազին վերադարձնելու հիմքը, քրեական գործում առկա է ՀՀ քրեական օրենսգրքի 464.6-րդ հոդվածով սահմանված կարգով կազմված և ստորագրված՝ մեղադրյալի համաձայնությամբ տուգանք նշանակելու վարույթ կիրառելու իրավունքը բացատրելու մասին արձանագրություն, միևնույն ժամանակ բացակայում են ՀՀ քրեական օրենսգրքի 464.7-րդ հոդվածի 2-րդ մասով նախատեսված հանգամանքները, Դատարանը որոշում է կայացրել քրեական գործով վարույթ ստանձնելու և համաձայնությամբ տուգանք նշանակելու վարույթ հարուցելու մասին: Դատարանի իրավական վերլուծությունները. Ներկայացված մեղադրանքը մեղադրյալ Հասմիկ Արտավազդի Լևոնյանի կողմից ընդունելու և համաձայնությամբ տուգանք նշանակելու վարույթ կիրառելու և գործով ձեռք բերված ապացույցների ընդհանուր կարգով սահմանված հետազոտություն չկատարելու պայմաններում, Դատարանն արձանագրում է, որ Հասմիկ Լևոնյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 457-րդ հոդվածի 1-ին մասով նախատեսված հանցագործության հատկանիշներին, ինչպես նաև ապացուցված է մեղադրյալի մեղավորությունը տվյալ արարքը կատարելու մեջ։ Հաստատված համարելով մեղադրյալ Հասմիկ Արտավազդի Լևոնյանի մեղավորությունը ՀՀ քրեական օրենսգրքի 457-րդ հոդվածի 1-ին մասով նախատեսված հանցանքի կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի: Մեղադրյալ Հասմիկ Արտավազդի Լևոնյանի նկատմամբ պատիժ նշանակելու հարցը քննարկելիս՝ Դատարանն արձանագրում է հետևյալը. ՀՀ քրեական օրենսգրքի 7-րդ հոդվածի 1-ին մասի համաձայն՝ Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը։ ՀՀ քրեական օրենսգրքի 55-րդ հոդվածի համաձայն՝ «1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: 2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»: ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ: 3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները: 4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:» ՀՀ քրեական օրենսգրքի 77-րդ հոդվածի համաձայն՝ «(…) 6. Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու: (…)»: ՀՀ քրեական օրենսգրքի 457-րդ հոդվածի 1-ին մասի համաձայն՝ «1. Պետական կամ տեղական ինքնակառավարման մարմնի կամ դրանց կազմակերպության, առևտրային կամ այլ կազմակերպության, անհատ ձեռնարկատիրոջ, նոտարի, աուդիտորի կամ փաստաթուղթ կազմելու, տալու կամ դրա իսկությունը հավաստելու համար լիազորված այլ անձի կողմից տրվող իրավաբանական նշանակություն ունեցող փաստ հավաստող կամ իրավունք վերապահող կամ պարտականությունից կամ պատասխանատվությունից ազատող փաստաթուղթ կեղծելը՝ կեղծողի կողմից անձամբ կամ այլ անձի կողմից այն օգտագործելու կամ իրացնելու նպատակով, կամ այդպիսի փաստաթուղթ իրացնելը կամ նույն նպատակով կեղծ դրոշմ, կնիք կամ ձևաթուղթ պատրաստելը կամ իրացնելը, ինչպես նաև կեղծ փաստաթուղթ օգտագործելը՝ պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով: (…)»: ՀՀ քրեական օրենսգրքի 3-րդ հոդվածի 1-ին մասի 6-րդ և 7-րդ կետերի համաձայն՝ «(…) 6) ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, անձի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտը (շահաբաժինը, տոկոսը, ռոյալթին, վարձակալական վճարը): Ամսական եկամուտը հաշվարկելիս հաշվի չեն առնվում դրանց համար վճարվող հարկերը, տուրքերը կամ այլ վճարներ. 7) նվազագույն աշխատավարձ՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափը»: 2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը: ՀՀ քրեական օրենսգրքի 59-րդ հոդվածի համաձայն՝ «1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով: 2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում: 3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։ (…) 5․ Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: (…)»: Դատարանն արձանագրում է, որ քրեական գործի նյութերում առկա է Հասմիկ Լևոնյանի կողմից ներկայացված դիմում, որով վերջինս հայտնել է, որ աշխատում է «ԷսՓԻ» ԲԲ ընկերությունում՝ որպես աջակցման մասնագետ և իր ամսական աշխատավարձը կազմում է 752․000 ՀՀ դրամ, սակայն հարկ է արձանագրել, որ նույն տեղեկանքում բացակայում է նշված կազմակերպությունում աշխատելու ժամանակահատվածը, իսկ քրեական գործի նյութերում առկա չէ մեղադրյալի կողմից հանցանքը ավարտելու օրվան նախորդող 12 ամիսների ընթացքում ստացած միջին ամսական եկամուտների վերաբերյալ որևէ այլ տվյալ։ Վերը մեջբերված իրավական նորմերի լույսի ներքո հաշվի առնելով այն հանգամանքը, որ մեղադրյալ Հասմիկ Արտավազդի Լևոնյանին մեղսագրվող արարքի համար տուգանքի ձևով նախատեսված պատժի նվազագույն չափը կազմում է հանցանք կատարած անձի ամսական եկամտի հնգապատիկը, ինչպես նաև այն, որ նրա՝ հանցանքը ավարտվելու օրվան նախորդող 12 ամիսների ընթացքում ստացած միջին ամսական եկամուտների վերաբերյալ տվյալներ չեն ներկայացվել, ուստի Դատարանը գտնում է, որ մեղադրյալ Հասմիկ Արտավազդի Լևոնյանի նկատմամբ պետք է նշանակել ՀՀ քրեական օրենսգրքի 457-րդ հոդվածի 1-ին մասի սանկցիայով նախատեսված և թույլատրելի պատժի հետևյալ պատժաչափը՝ տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։ Անդրադառնալով որպես արտավարութային փաստաթուղթ ապացույց ճանաչված և քրեական վարույթին կցված փաստաթղթերի՝ «Գինոսի Հյուրատնային Կառավարման Ծառայություններ» ՍՊԸ-ի տնօրեն Մարիամ Հովսեփյանի կողմից ներկայացված 27.05.2024 թվականի տեղեկանքի բնօրինակի, Մարիամ Հովսեփյանի կողմից ներկայացված Հասմիկ Լևոնյանի և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի բնօրինակի, Հասմիկ Լևոնյանի կողմից ՀՀ հակակոռուպցիոն կոմիտե ներկայացված իր և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի և 27.05.2024 թվականի տեղեկանքի տնօրինման հարցին՝ Դատարանը գտնում է, որ դրանք պետք է պահել գործի հետ միասին՝ վերջինիս պահելու ամբողջ ժամանակամիջոցում: Անդրադառնալով մեղադրյալի նկատմամբ մինչդատական վարույթի ընթացքում ընտրված խափանման միջոցի հարցին՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը: Դատավճռի օրինական ուժի մեջ մտնելուց հետո պետք է վերացնել նաև Հ.Լևոնյանի կողմից ՀՀ պետական սահմանը հատելու ու անձնագրային գործարքներ կատարելու արգելքները: Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.9-րդ հոդվածի 4-րդ մասի համաձայն՝ նույն օրենսգրքի 167-րդ հոդվածի 1-ին մաuով նախատեսված վարույթային ծախսերը մեղադրյալից ենթակա չեն բռնագանձման: Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ և 464.6-464.10-րդ հոդվածներով՝ Դատարանը. Վ Ճ Ռ Ե Ց Հասմիկ Արտավազդի Լևոնյանին մեղավոր ճանաչել ՀՀ քրեական օրենսգրքի 457-րդ հոդվածի 1-ին մասով նախատեսված արարքում և պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով: Արտավարութային փաստաթուղթ ապացույց ճանաչված և քրեական վարույթին կցված՝ «Գինոսի Հյուրատնային Կառավարման Ծառայություններ» ՍՊԸ-ի տնօրեն Մարիամ Հովսեփյանի կողմից ներկայալված 27.05.2024 թվականի տեղեկանքի բնօրինակը, Մարիամ Հովսեփյանի կողմից ներկայացված Հասմիկ Լևոնյանի և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագրի բնօրինակը, Հասմիկ Լևոնյանի կողմից ՀՀ հակակոռուպցիոն կոմիտե ներկայացված իր և «Գինոսի Հյուրատնային Կառավարման Ծառայություններ» ՍՊԸ-ի միջև կնքած աշխատանքային պայմանագիրը և 27.05.2024 թվականի տեղեկանքը, պահել գործի հետ միասին՝ վերջինիս պահելու ամբողջ ժամանակամիջոցում: Դատավճռի օրինական ուժի մեջ մտնելուց հետո Հասմիկ Արտավազդի Լևոնյանի նկատմամբ ընտրված խափանման միջոց՝ բացակայելու արգելքը և դրանով պայմանավորված սահմանափակումները, վերացնել: Վարույթային ծախսերի հարցը համարել լուծված: Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։ ԴԱՏԱՎՈՐ` Ժ.ՉԻՉՈՅԱՆ |
|---|---|
| Դատական ակտի ամսաթիվը | 24-01-2025 |
| Գործը քննվել է | Դռնբաց |
Դատավճռի, որոշման կատարում
| Ամսաթիվ | 18-03-2025 |
|---|
Ստացվել է տեղեկատվություն դատավճիռն ի կատար ածելու վերաբերյալ
| Ամսաթիվ | 28-03-2025 |
|---|---|
| Ստացվել է տեղեկատվություն դատավճիռն ի կատար ածելու վերաբերյալ | Երևան քաղաքի առաջին ատյանի ընդհանուր իրավասության քրեական դատարանի 24.01.2025թ. դատավճռով նշանակված 375.000 ՀՀ դրամ տուգանք պատիժը փաստացի ի կատար է ածվել 26.03.2025թ.-ին և վերջինս հանվել է հաշվառումից: |
| Ստացվել է | Ազատությունից զրկելու հետ չկապված պատիժների կատարման ստորաբաժանումից |
Գործը հանձնվել է գրասենյակ
| Գործը հանձնվել է գրասենյակ | 08-04-2025 |
|---|---|
| Էջերի քանակ | Քրեական գործը 2 հատորից․ 1-ինը՝ 133, 2-րդը՝ 35 թերթից։ |
Գործը հանձնվել է դատարանի արխիվ
| Ամսաթիվ | 08-04-2025 |
|---|---|
| Էջերի քանակը | 2 հատորից․ 1-ինը՝ 133, 2-րդը՝ 35 |