Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ

(այսուհետ՝ նաև Դատարան)

Նախագահությամբ՝ դատավոր Ս.ԱՆԴՐԵԱՍՅԱՆԻ
քարտուղարությամբ՝ Է․ԴԱՎԹՅԱՆԻ
մասնակցությամբ՝
հանրային մեղադրող Հ․ՄԻՔԱՅԵԼՅԱՆԻ
մեղադրյալ Է․ՇՄԱՎՈՆՅԱՆԻ

2025 թվականի փետրվարի 18-ին Երևան քաղաքում, դռնբաց դատական նիստում, քննելով քրեական գործն ըստ մեղադրանքի` Էդուարդ Արմենակի Շմավոնյանի (ծնված 03.09.1971թ. Երևանում, հայ, ՀՀ քաղաքացի, միջնակարգ կրթությամբ, ամուսնալուծված, դատվածություն ունեցող, բնակվում է Երևան քաղաքի Արտաշիսյան փողոցի 60ա շենքի թիվ 3Ա բնակարանում), ՀՀ քրեական օրենսգրքի 344-րդ հոդվածի 1-ին մասով (5 դրվագով),

Պ Ա Ր Զ Ե Ց

Գործի դատավարական նախապատմությունը.
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2022 թվականի նոյեմբերի 07-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60848622 քրեական վարույթը։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2023 թվականի հունվարի 31-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60177423 քրեական վարույթը։
2023 թվականի փետրվարի 03-ի որոշմամբ թիվ 60177423 քրեական վարույթը միացվել է թիվ 60848622 քրեական վարույթին և նախաքննությունը շարունակվել է թիվ 60848622 քրեական վարույթի ներքո։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2023 թվականի փետրվարի 03-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60199923 քրեական վարույթը։
2023 թվականի փետրվարի 08-ի որոշմամբ թիվ 60199923 քրեական վարույթը միացվել է թիվ 60848622 քրեական վարույթին և նախաքննությունը շարունակվել է թիվ 60848622 քրեական վարույթի ներքո։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2023 թվականի մարտի 24-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60861323 քրեական վարույթը։
2023 թվականի մարտի 31-ի որոշմամբ թիվ 60861323 քրեական վարույթը միացվել է թիվ 60848622 քրեական վարույթին և նախաքննությունը շարունակվել է թիվ 60848622 քրեական վարույթի ներքո։
ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում 2023 թվականի ապրիլի 19-ին ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60883523 քրեական վարույթը։
2023 թվականի ապրիլի 21-ի որոշմամբ թիվ 60883523 քրեական վարույթը միացվել է թիվ 60848622 քրեական վարույթին և նախաքննությունը շարունակվել է թիվ 60848622 քրեական վարույթի ներքո։
2024 թվականի դեկտեմբերի 26-ին որոշում է կայացվել ՀՀ քրեական օրենսգրքի 344-րդ հոդվածի 1-ին մասով՝ 5 դրվագով, Էդուարդ Արմենակի Շմավոնյանի նկատմամբ քրեական հետապնդում հարուցելու մասին:
2024 թվականի դեկտեմբերի 26-ի որոշմամբ Էդուարդ Արմենակի Շմավոնյանի նկատմամբ որպես խափանման միջոց է ընտրվել բացակայելու արգելքը։
2025 թվականի հունվարի 03-ին Երևան քաղաքի առաջին ատյանի ընդհանուր իրավասության քրեական դատարանում ստացվել է քրեական գործը՝ մեղադրական եզրակացությամբ, որը դատավոր Ս.Անդրեասյանին փաստացի հանձնվել է 2025 թվականի հունվարի 07-ին։
2025 թվականի հունվարի 09-ին որոշում է կայացվել քրեական գործի վարույթը ստանձնելու և նախնական դատալսումներ նշանակելու մասին։
Նախնական դատալսումների ընթացքում՝ 2025 թվականի հունվարի 24-ին, Դատարանը որոշում է կայացրել մեղադրյալ Էդուարդ Արմենակի Շմավոնյանի նկատմամբ ընտրված բացակայելու արգելք խափանման միջոցը անփոփոխ թողնելու մասին։

Էական նշանակություն ունեցող հանգամանքներ.
2024 թվականի դեկտեմբերի 26-ի Երևան քաղաքի Կենտրոն և Նորք-Մարաշ վարչական շրջանի դատախազության ավագ դատախազ Դ.Մարգարյանի որոշմամբ՝ թիվ 60848622 քրեական վարույթով մեղադրյալ Էդուարդ Արմենակի Շմավոնյանի նկատմամբ հարուցվել է հանրային քրեական հետապնդում և նրան մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով՝ հինգ դրվագով այն բանի համար, որ «նա, տեղյակ լինելով, որ զրկված է տրանսպորտային միջոցներ վարելու իրավունքից, 2022 թվականի հոկտեմբերի 19-ին՝ ժամը 06։20-ի սահմաններում, 2022 թվականի նոյեմբերի 14-ին՝ ժամը 11։30-ի սահմաններում, 2023 թվականի հունվարի 16-ին՝ ժամը 02։20-ի սահմաններում, 2023 թվականի փետրվարի 20-ին՝ ժամը 05։20-ի սահմաններում և 2023 թվականի մարտի 14-ին՝ ժամը 02։12-ի սահմաններում, վարել է ավտոմեքենան։
Այսպես․ ՀՀ ոստիկանության «Ճանապարհային ոստիկանություն» ծառայության կողմից կայացված վարչական տույժ նշանակելու մասին թիվ 2214384748, 2214391701, 2214408727 և 2214462080 որոշումներով Էդուարդ Արմենակի Շմավոնյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2022 թվականի ապրիլի 4-ից մինչև 2023 թվականի ապրիլի 29-ը, որի մասին տեղեկացել է 2022 թվականի մայիսի 15-ին՝ իր նկատմամբ ՀՀ ոստիկանության պարեկային ծառայության պարեկի կողմից կազմված վարչական իրավախախտման վերաբերյալ թիվ 8180137695 արձանագրության միջոցով: Տեղյակ լինելով, որ զրկված է տրանսպորտային միջոցներ վարելու իրավունքից՝ Էդուարդ Արմենակի Շմավոնյանը, զրկման ժամկետը դեռ չլրացած, 2022 թվականի հոկտեմբերի 19- ին՝ ժամը 06:20-ի սահմաններում, Երևան քաղաքի Ագաթանգեղոսի փողոցում վարել է «Օպել» մակնիշի 36 FS 295 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Արթուր Քիշմիրյանի կողմից նույն օրը՝ ժամը 06:28-ին, կազմվել է վարչական իրավախախտման վերաբերյալ թիվ 8180166759 արձանագրությունը (...):
(...) Բացի այդ, տեղյակ լինելով, пր ՀՀ ոստիկանության «Ճանապարհային ոստիկանություն» ծառայության կողմից կայացված վարչական տույժ նշանակելու մասին ų 2214384748, 2214391701, 2214408727 և 2214462080 որոշումներով զրկվել է տրանսպորտային միջոցներ վարելու իրավունքից՝ Էդուարդ Արմենակի Շմավոնյանը, զրկման ժամկետը դեռ չլրացած, 2022 թվականի նոյեմբերի 14-ին՝ ժամը 11:30-ի սահմաններում, Երևան քաղաքի Գայի պողոտայում վարել է «Օպել» մակնիշի 36 FS 295 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Արթուր Քիշմիրյանի կողմից նույն օրը՝ ժամը 12:00-ին, կազմվել է վարչական իրավախախտման վերաբերյալ թիվ 8180168160 արձանագրությունը։
(...) Բացի այդ, տեղյակ լինելով, որ ՀՀ ոստիկանության «Ճանապարհային ոստիկանություն» ծառայության կողմից կայացված վարչական տույժ նշանակելու մասին թիվ 2214384748, 2214391701, 2214408727 և 2214462080 որոշումներով զրկվել է տրանսպորտային միջոցներ վարելու իրավունքից՝ Էդուարդ Արմենակի Շմավոնյանը, զրկման ժամկետը դեռ չլրացած, 2023 թվականի հունվարի 16-ին՝ ժամը 02:20-ի սահմաններում, Երևան քաղաքի Հ. Աճառյան փողոցում վարել է «Օպել» մակնիշի 37 RO 763 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Մուշեղ Հովհաննիսյանի կողմից նույն օրը՝ ժամը 02:50-ին, կազմվել է վարչական իրավախախտման վերաբերյալ թիվ 8180242307 արձանագրությունը:
(...) Բացի այդ, տեղյակ լինելով, որ ՀՀ ոստիկանության «Ճանապարհային ոստիկանություն» ծառայության կողմից կայացված վարչական տույժ նշանակելու մասին 2214384748, 2214391701, 2214408727 և 2214462080 որոշումներով վարելու իրավունքից՝ Էդուարդ Արմենակի Շմավոնյանը, զրկման ժամկետը դեռ չլրացած, 2023 թվականի փետրվարի 20-ին՝ ժամը 05:20-ի սահմաններում, Երևան քաղաքի Ավետ Ավետիսյան փողոցում վարել է «Օպել» մակնիշի 37 RO 763 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Միքայել Գրիգորյանի կողմից նույն օրը՝ ժամը 05:45-ին, կազմվել է վարչական իրավախախտման վերաբերյալ թիվ 8180248264 արձանագրությունը:
(...) Բացի այդ, տեղյակ լինելով, որ ՀՀ ոստիկանության «Ճանապարհային ոստիկանություն» ծառայության կողմից կայացված վարչական տույժ նշանակելու մասին թիվ 2214384748, 2214391701, 2214408727 և 2214462080 որոշումներով զրկվել է տրանսպորտային միջոցներ վարելու իրավունքից՝ Էդուարդ Արմենակի Շմավոնյանը, զրկման ժամկետը դեռ չլրացած, 2023 թվականի մարտի 14-ին՝ ժամը 02:12-ի սահմաններում, Երևան քաղաքի Արտաշիսյան փողոցում վարել է «Օպել» մակնիշի 37 RO 763 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Արսեն Հովհաննիսյանի կողմից նույն օրը՝ ժամը 02:20-ին, կազմվել է վարչական իրավախախտման վերաբերյալ թիվ 8180246108 արձանագրությունը»:
Ապացույցների հետազոտումը և գնահատումը.
Դատաքննության ընթացքում հետազոտվել են հետևյալ ապացույցները.
-Որպես արտավարութային փաստաթուղթ ճանաչված և զննության ենթարկված՝ ճանապարհային ոստիկանության էլեկտրոնային ռեգիստրից ստացված» քաղվածքով, 2022 թվականի մարտի 25-ին կայացված թիվ 2214384748 որոշմամբ, 2020 թվականի ոյեմբերի 6-ին կայացված թիվ 2011842665 որոշմամբ, թիվ 2011842665 որոշման անուցման անդորրագրով, 2022 թվականի մարտի 25-ին կայացված թիվ 2214384748 որոշմամբ, թիվ 2214384748 որոշման ծանուցման անդորրագրով, 2022 թվականի արտի 29-ին կայացված թիվ 2214391701 որոշմամբ, թիվ 2214391701 որոշման ծանուցման անդորրագրով, 2022 թվականի մարտի 31-ին կայացված թիվ 2214408727 որոշման ծանուցման անդորրագրով, 2022 թվականի ապրիլի 14-ին կայացված թիվ 214462080 որոշմամբ, 2022 թվականի հոկտեմբերի 19-ին կազմված վարչական իրավախախտման վերաբերյալ թիվ 8180166759 արձանագրությամբ, 2022 թվականի մայիսի 15-ին կազմված վարչական իրավախախտման վերաբերյալ թիվ 8180137696 արձանագրությամբ, 2022 թվականի հունիսի 05-ին կազմված վարչական իրավախախտման վերաբերյալ թիվ 8180141878 արձանագրությամբ, 2022 թվականի հունիսի 05-ին կազմված վարչական իրավախախտման վերաբերյալ թիվ 8180141877 արձանագրությամբ, 2023 թվականի հունվարի 16-ին կազմված վարչական իրավախախտման վերաբերյալ թիվ 8180242307 արձանագրությամբ, 2022 թվականի նոյեմբերի 14-ին կազմված վարչական իրավախախտման վերաբերյալ թիվ 8180168160 արձանագրությամբ, 2023 թվականի փետրվարի 20-ին կազմված վարչական իրավախախտման վերաբերյալ թիվ 8180248264 արձանագրությամբ, 2023 թվականի մարտի 14-ին կազմված վարչական իրավախախտման վերաբերյալ թիվ 8180246108 արձանագրությամբ, ՀՀ ոստիկանության ՃՈ ծառայությունից ստացված ՄԳ/141546-22, 19/103996-23 գրություններով, Հարթակից օգտվելու և էլեկտրոնային եղանակով ծանուցումների վերաբերյալ» տեղեկանքով,որոնց համաձայն Է․Շմավոնյանը 2022 թվականի մարտի 19-ին Երևան քաղաքի Գայի-Ստեփանյան խաչմերուկի հատվածում վարել է «Օպել» մակնիշի 36 FS 295 հաշվառման համարանիշի ավտոմեքենան՝ տրանսպորտային միջոցը տեղակայելով երկրորդ շարքում, որի համար 1 տարի ժամկետով զրկվել է տրանսպորտային միջոց վարելու իրավունքից: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180166759 արձանագրությամբ Էդուարդ Շմավոնյանը 19.10.2022 թվականին Երևան քաղաքի Ագաթանգեղոսի փողոցում տրանսպորտային միջոցը վարել է վարորդական իրավունքի վկայականից զրկված վիճակում: Արձանագրության՝ վարչական իրավախախտում կատարող անձի բացատրություն բաժնում առկա է «համաձայն եմ» գրառում և ստորագրություն: ՀՀ ոստիկանության ՃՈ ծառայությունից ստացված ՄԳ/141546-22, ՄԳ/103996-23 գրությամբ Էդուարդ Շմավոնյանի վարորդական իրավունքի վկայականի ժամկետը կասեցվել է 6 ամիս ժամկետում, որից հետո մեկ տարվա մեջ տուգանային միավորները զրոյանալու հետևանքով կայացվել են որոշումներ վարորդական իրավունքից զրկելու մասին: Է. Շմավոնյանին ծանուցումները ուղարկվել են ՀՀ ԱՆ Վաղարշապատ ՔԿՀ հասցեով, որոնք հետ են վերադարձվել: Էդուարդ Շմավոնյանը հաղորդագրությունների միջոցով ծանուցման եղանակին է բաժանորդագրվել +37499899859 բջջային հեռախոսահամարով: Էդուարդ Շմավոնյանին ուղարկվել են հաղորդագրություններ միայն իրավախախտումների վերաբերյալ, միաժամանակ ուղարկվել է հաղորդագրություն այն մասին, որ որոշումները ստանալու համար անհրաժեշտ է գրանց-վել https://roadpolice.am կայքում: Հաղորդագրությունները ուղարկվել են +37499899859 բջջային հեռախոսահամարին: 2020 թվականի նոյեմբերի 6-ին կայացվել է թիվ 2011842665 որոշումը, որի համաձայն Էդուարդ Արմենակի Շմավոնյանը 2020 թվականի հոկտեմբերի 20-ին Երևան քաղաքի Կոմիտաս-Գրիբայեդով խաչմերուկի հատվածում վարել է «Օպել» մակնիշի 36 FS 291 հաշվառման համարանիշի ավտոմեքենան՝ լուսացույցի արգելով ազդանշանին չենթարկվելով, որի համար 6 ամիս ժամկետով տրանսպորտային միջոց վարելու իրավունքը կասեցվել է: Թիվ 2011842665 որոշումը առաքվել է ՀՀ ԱՆ Վաղարշապատ ՔԿՀ, սակայն 28.11.2020 թվականին հետ է վերադարձվել «տեղափոխված» գրառմամբ: 2022 թվականի մարտի 25-ին կայացվել է թիվ 2214384748 որոշումը, որի համաձայն Էդուարդ Արմենակի Շմավոնյանը 2022 թվականի մարտի 19-ին Երևան քաղաքի խաչմերուկի հատվածում վարել է «Օպել» մակնիշի 36 FS 291 հաշվառման համարանիշի ավտոմեքենան՝ տրանսպորտային միջոցը երկրորդ շարքում տեղակայելու համար, որի համար 1 տարի ժամկետով տրանսպորտային միջոց վարելու իրավունքից զրկվել է: Թիվ 2214384748 որոշումը առաքվել է ՀՀ ԱՆ Վաղարշապատ ՔԿՀ, սակայն 12.04.2022 թվականին վերադարձվել «տեղափոխված» գրառմամբ: 2022 թվականի մարտի 29-ին կայացվել է թիվ 2214391701 որոշումը, որի համաձայն Էդուարդ Արմենակի Շմավոնյանը՝ 2022 թվականի մարտի 21-ին Երևան քաղաքի խաչմերուկի հատվածում վարել է «Օպել» մակնիշի 36 FS 291 հաշվառման համարանիշի ավտոմեքենան՝ տրանսպորտային միջոցը երկրորդ շարքում տեղակայելու համար, որի համար 1 տարի ժամկետով տրանսպորտային միջոց վարելու իրավունքից զրկվել է: Թիվ 2214391701 որոշումը առաքվել է ՀՀ ԱՆ Վաղարշապատ ՔԿՀ, սակայն 15.04.2022 թվականին հետ է վերադարձվել «տեղափոխված» գրառմամբ։ 2022 թվականի մարտի 31-ին կայացվել է թիվ 2214408727 որոշումը, որի համաձայն Էդուարդ Արմենակի Շմավոնյանը՝ 2022 թվականի մարտի 26-ին Երևան քաղաքի խաչմերուկի հատվածում վարել է «Օպել» մակնիշի 35 FS 291 հաշվառման համարանիշի ավտոմեքենան տրանսպորտային միջոցը երկրորդ շարքում տեղակայելու համար, որի համար 1 տարի ժամկետով տրանսպորտային միջոց վարելու իրավունքից զրկվել է։ Թիվ 2214408727 որոշումը առաքվել է ՀՀ ԱՆ Վաղարշապատ ՔԿՀ, սակայն 18.04.2022 թվականին հետ է վերադարձվել «տեղափոխված» գրառմամբ։ 2022 թվականի ապրիլի 14-ին կայացվել է թիվ 2214462080 որոշումը, որի համաձայն Էդուարդ Արմենակի Շմավոնյանը 2022 թվականի ապրիլի 08-ին Երևան քաղաքի խաչմերուկի հատվածում վարել է «Օպել» մակնիշի 36 FS 291 հաշվառման համարանիշի ավտոմեքենան՝ տրանսպորտային միջոցը երկրորդ շարքում տեղակայելու համար, որի համար 1 տարի ժամկետով տրանսպորտային միջոց վարելու իրավունքից զրկվել է: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180137696 արձանագրությամբ Էդուարդ Շմավոնյանը 15.05.2022 թվականին Երևան քաղաքի Ադոնցի փողոցում տրանսպորտային միջոցը վարել է «օրենսդրությամբ սահմանված կարգով տեխնիկական զննություն չանցած կամ տեխնիկական զննությամբ ի հայտ եկած՝ ՀՀ կառավարության սահմանած տրանսպորտային միջոցների շահագործումն արգելող անսարքություններից կամ պայմաններից որևէ մեկի առկայության համար: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180141878 արձանագրությամբ Էդուարդ Շմավոնյանը 05.06.2022 թվականին Երևան քաղաքի Տիգրան Մեծ փողոցում տրանսպորտային միջոցը վարել է տրանսպորտային միջոց վարելու իրավունքից զրկված վիճակում: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180141877 արձանագրությամբ Էդուարդ Շմավոնյանը 05.06.2022 թվականին Երևան քաղաքի Տիգրան Մեծ փողոցում տրանսպորտային միջոցը վարել է ՀՀ օրենսդրությամբ սահմանված կարգով տեխնիկական զննություն չանցած կամ տեխնիկական զննությամբ ի հայտ եկած՝ ՀՀ կառավարության սահմանած՝ տրանսպորտային միջոցների շահագործումն արգելող անսարքություններից կամ պայմաններից որևէ մեկի առկայության համար։
ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180166759 արձանագրությամբ՝ Էդուարդ Շմավոնյանը՝ 19.10.2023 թվականին Երևան քաղաքի Ագաթանգեղոսի փողոցում՝ տրանսպորտային միջոցը վարել է տրանսպորտային միջոց վարելու իրավունքից զրկված վիճակում։ ՀՀ ոստիկանության պարեկային ծառայության աշխատակցի կողմից վարչական տույժ նշանակելու՝ մասին թիվ 8180242307 արձանագրությամբ էդուարդ Շմավոնյանը 16.01.2023 թվականին Երևան քաղաքի Աճարյան փողոցում տրանսպորտային միջոցը վարել է տրանսպորտային միջոց վարելու իրավունքից զրկված վիճակում: Արձանագրության վրա առկա է իրավախախտում կատարած անձի ստորագրությունը: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180168160 արձանագրությամբ Էդուարդ Շմավոնյանը 14.11.2022 թվականին Երևան քաղաքի Գայի պողոտայում տրանսպորտային միջոցը վարել է տրանսպորտային միջոց վարելու իրավունքից զրկված վիճակում: Արձանագրության վրա առկա կատարած անձի է իրավախախտում ստորագրությունը: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180248264 արձանագրությամբ Էդուարդ Շմավոնյանը 20.02.2023 թվականին Երևան քաղաքի Ավետ Ավետիսյան փողոցում տրանսպորտային միջոցը վարել է տրանսպորտային միջոց վարելու իրավունքից զրկված վիճակում: Արձանագրության վրա առկա կատարած անձի է իրավախախտում ստորագրությունը: ՀՀ ոստիկանության պարեկային ծառայության աշխատակցի կողմից վարչական տույժ նշանակելու մասին թիվ 8180246108 արձանագրությամբ Էդուարդ Շմավոնյանը 14.03.2023 թվականին Երևան քաղաքի Ավետ Ավետիսյան փողոցում տրանսպորտային միջոցը վարել է տրանսպորտային միջոց վարելու իրավունքից զրկված վիճակում: Արձանագրության վրա առկա է իրավախախտում կատարած անձի ստորագրությունը:
(տե՛ս գ/թ. -3-5, 14-17, 20-25, 68-75, 102, 105, 110, 121, 134, 145, 160-161, 164-166 172- 173, 187-193 և 2025 թվականի փետրվարի 17-ի դատական նիստի ձայնագրությունը):
Մեղադրյալը հրաժարվել է ցուցմունք տալ հիմնական դատալսումների ընթացքում։
Այսպիսով, պատշաճ իրավական ընթացակարգի շրջանակներում հետազոտելով գործով ձեռք բերված ապացույցները, դրանք գնահատելով վերաբերելիության, թույլատրելիության, հավաստիության, իսկ ամբողջ ապացույցներն իրենց համակցությամբ՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ՝ Դատարանը հիմնավոր կասկածից վեր ապացուցողական չափանիշին համապատասխան հաստատված է համարում, որ մեղադրյալ Էդուարդ Շմավոնյանը կատարել է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքը՝ հինգ դրվագով:

Դատարանի իրավական վերլուծությունները.
ՀՀ քրեական օրենսգրքի 344-րդ հոդվածի 1-ին մասի համաձայն՝
1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով (...):
Վերլուծելով մեղադրյալ Է․Շմավոնյանին ներկայացված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
1) ապացուցված են մեղադրյալ Էդուարդ Արմենակի Շմավոնյանի վերագրվող փաստական հանգամանքները (արարքը).
2) ապացուցված է նշված արարքների քրեական հակաիրավականությունը.
3) ապացուցված է մեղադրյալ Էդուարդ Արմենակի Շմավոնյանի կողմից այդ արարքները կատարելը.
4) ապացուցված է մեղադրյալ Էդուարդ Արմենակի Շմավոնյանի մեղավորությունը տվյալ արարքները կատարելու մեջ:
Քննարկելով մեղադրյալի նկատմամբ պատիժ նշանակելու հարցը՝ Դատարանն արձանագրում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:
ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»։
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 60-րդ հոդվածի համաձայն՝
«1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
2. Հանրային աշխատանքները դատապարտյալի համաձայնությամբ ոչ ավելի, քան օրական 4 ժամ տևողությամբ սահմանվում են ոչ մեծ և միջին ծանրության հանցագործությունների համար՝ 60-270 ժամ տևողությամբ:
3. Հանրային աշխատանքների նվազագույն տևողությունը սույն օրենսգրքով նախատեսված դեպքերում կարող է պակաս լինել 60 ժամից:
4. Հանրային աշխատանքները կարող են նշանակվել սույն օրենսգրքի Հատուկ մասով, ինչպես նաև սույն օրենսգրքի 59-րդ հոդվածի 8-րդ մասի 2-րդ կետով նախատեսված դեպքերում։
5. Հանրային աշխատանքներ չեն նշանակվում դատավճիռ կայացնելու պահին 15 տարին չլրացած անչափահասի, ինչպես նաև զինվորական ծառայության մեջ գտնվող անձի նկատմամբ:
6. Եթե հանրային աշխատանքները նշանակելուց հետո ի հայտ է եկել սույն հոդվածի 5-րդ մասով նախատեսված հանգամանքը, կամ տեղի է ունեցել դատապարտյալի առողջական վիճակի այնպիսի վատթարացում, որի պայմաններում նա զրկվել է հանրային աշխատանքների հետագա կատարման հնարավորությունից, ապա անձն ազատվում է պատժի հետագա կրումից:
7. Հանրային աշխատանքները կատարելուց խուսափելու դեպքում այն փոխարինվում է ազատազրկմամբ` հանրային աշխատանքների 8 ժամը հաշվարկելով ազատազրկման 1 օրվա դիմաց: Հանրային աշխատանքներն ազատազրկմամբ փոխարինելիս ազատազրկման ժամկետը չի կարող գերազանցել այն հոդվածի սանկցիայով տվյալ պատժատեսակի համար նախատեսված առավելագույն ժամկետը, որով նախատեսված հանցագործության համար անձը դատապարտվել է: Եթե հաշվարկի արդյունքով ազատազրկման ժամկետը պակաս է ստացվում այն հոդվածի սանկցիայով տվյալ պատժատեսակի համար նախատեսված նվազագույն ժամկետից, որով նախատեսված հանցագործության համար անձը դատապարտվել է, ապա պատիժը նշանակվում է հաշվարկի արդյունքով ստացված ժամկետի չափով:
8. Սույն հոդվածի 7-րդ մասով նախատեսված կանոնով է իրականացվում հաշվարկը նաև այն դեպքում, երբ սույն օրենսգրքի Հատուկ մասի սանկցիայով ազատազրկում նախատեսված չէ: Այդ դեպքում սահմանվող ազատազրկման ժամկետը չի կարող գերազանցել 1 տարին:
9. Հանրային աշխատանքները կատարելուց խուսափող է համարվում այն դատապարտյալը, որը՝
1) 1 ամսվա ընթացքում կատարել է հանրային աշխատաժամերի հաշվառման քարտով նախատեսված աշխատանքների 90 տոկոսից պակաս հանրային աշխատանքներ` առանց հարգելի պատճառի,
2) հանրային աշխատանքների կատարման ժամանակ 1 ամսվա ընթացքում երկուսից ավելի անգամ կոպտորեն խախտել է աշխատանքային կարգապահության կանոնները,
3) ծանուցվելու դեպքում երկու և ավելի անգամ անընդմեջ կամ օրենքով նախատեսված դեպքում չի ներկայացել տարածքային մարմին,
4) հրաժարվել է հանրային աշխատանքներ կատարելուց»։
ՀՀ քրեական օրենսգրքի 69-րդ հոդվածի 2-րդ մասի համաձայն՝
«Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ»։
ՀՀ քրեական օրենսգրքի 74-րդ հոդվածի 1-ին մասի համաձայն՝
«(…)1.Հանցագործությունների համակցությամբ յուրաքանչյուր հանցագոր-ծության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
(…)»:
ՀՀ քրեական դատավարության օրենսգրքի 347-րդ հոդվածի համաձայն՝
«1. Դատավճիռը կայացվում է Հայաստանի Հանրապետության անունից:
2. Դատավճիռը պետք է լինի օրինական և հիմնավոր:
3. Դատավճիռն օրինական է, եթե այն կայացվել է Սահմանադրության, սույն օրենսգրքի և այն միջազգային պայմանագրի կամ օրենքի պահանջների պահպանմամբ, որոնց նորմերը կիրառելի են տվյալ վարույթն իրականացնելիս:
4. Դատավճիռը հիմնավոր է, եթե՝
1) դատարանի հետևությունները հիմնված են միայն հետազոտված թույլատրելի ապացույցների վրա.
2) դատարանի կողմից հաստատված կամ հերքված համարված փաստական հանգամանքները համապատասխանում են դատարանում հետազոտված ապացույցներին.
3) դատավճռում շարադրվող բոլոր հետևությունները և որոշումները պատշաճ պատճառաբանված են:
5. Դատավճիռը կարող է լինել արդարացման կամ մեղադրական»(…):
ՀՀ քրեական դատավարության օրենսգրքի 348-րդ հոդվածի համաձայն՝
«1. Դատավճռում պետք է շարադրվեն հետևյալ հարցերի պատասխանները․
1) ապացուցված են արդյոք մեղադրյալին վերագրվող փաստական հանգամանքները (արարքը).
2) ապացուցված է արդյոք այդ արարքի քրեական հակաիրավականությունը.
3) ապացուցված է արդյոք մեղադրյալի կողմից այդ արարքը կատարելը.
4) ապացուցված է արդյոք մեղադրյալի մեղավորությունը տվյալ արարքը կատարելու մեջ.
5) ինչ միջոցներ պետք է ձեռնարկվեն արդարացված մեղադրյալի ռեաբիլիտացիայի համար.
6) դատապարտված մեղադրյալի արարքի նկատմամբ քրեական օրենսգրքի որ հոդվածը, հոդվածի մասը կամ կետն է ենթակա կիրառման.
7) ապացուցված են արդյոք դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
8) դատապարտված մեղադրյալը ենթակա է արդյոք պատժի իր կատարած հանցանքի համար.
9) ինչ պատիժ պետք է նշանակվի դատապարտված մեղադրյալի նկատմամբ.
10) դատապարտված մեղադրյալը արդյոք պետք է կրի իր նկատմամբ նշանակված պատիժը.
11) գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
12) որ գույքն է ենթակա բռնագրավման, ինչ չափով և ինչպիսի հիմքով․
13) վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
14) ինչպես պետք է պահպանվեն և տնօրինվեն ապացույցները.
15) դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
16) ում վրա և ինչ չափով պետք է դրվեն վարութային ծախսերը(…)»:
ՀՀ քրեական դատավարության օրենսգրքի 349-րդ հոդվածի համաձայն՝
«1.Դատավճիռը կազմված է ներածական, նկարագրական, պատճառաբանական և եզրափակիչ մասերից:
2. Դատավճռի ներածական մասում նշվում են`
1) որ դատավճիռը կայացվել է Հայաստանի Հանրապետության անունից.
2) դատավճիռը կայացնելու վայրը և ժամանակը.
3) դատավճիռը կայացնող դատարանի անվանումը, դատարանի կազմը, դատական նիստի քարտուղարը, հանրային մեղադրողը, վարույթի մասնավոր մասնակիցները.
4) մեղադրյալի անունը, հայրանունը, ազգանունը, նրա ծննդյան թվականը, ամիսը, օրը և ծննդավայրը, ընտանեկան դրությունը, աշխատանքի վայրը, զբաղմունքը, կրթությունը և այլ վերաբերելի տեղեկություններ.
5) քրեական օրենսգրքի այն հոդվածը կամ հոդվածի մասը կամ կետը, որով նախատեսված հանցանքի կատարման համար մեղադրյալին մեղադրանք է ներկայացվել:
3. Դատավճռի նկարագրական մասում նշվում են՝
1) մեղադրանքի փաստական նկարագրությունը.
2) դատաքննության ընթացքում հետազոտված թույլատրելի ապացույցները.
3) դատարանի փաստական վերլուծությունները.
4) հետազոտված ապացույցների հիման վրա դատարանի կողմից հաստատված կամ հերքված փաստական հանգամանքները:
4. Դատավճռի պատճառաբանական մասում նշվում են՝
1) կիրառվող իրավունքը, այդ թվում՝ միջազգային պայմանագրերը.
2) դատարանի իրավական վերլուծությունները.
3) դատարանի հետևությունները և դրանց իրավական հիմնավորումները.
4) օրենքի այն նորմերը, որոնցով դատարանը ղեկավարվել է դատավճիռ կայացնելիս:
5. Դատավճռի եզրափակիչ մասում նշվում են`
1) դատարանի որոշումները.
2) դատավճռի բողոքարկման կարգը:
6. Նախագահողն ստորագրում է դատավճռի յուրաքանչյուր էջը»։
ՀՀ վճռաբեկ դատարանը թիվ ՎԲ-142/07, ՎԲ-192/07, ՎԲ-50/07, ՎԲ-201/07, ԵՇԴ/0029/01/08, ԵԿԴ/0042/01/11, ԵՇԴ/0143/01/13, ինչպես նաև մի շարք այլ գործերով կայացված որոշումներում անդրադառնալով պատիժ նշանակելու ընդհանուր սկզբունքներին, կայուն նախադեպային իրավունք է ձևավորել առ այն, որ հանցավորի անձին և հանցագործության վտանգավորության բնույթին ու աստիճանին համաչափ քրեաիրավական ներգործության միջոց ընտրելու, ինչպես նաև դրա շրջանակներում համաչափ պատժաչափ սահմանելու պահանջն ուղղակիորեն բխում է պատիժ նշանակելու ընդհանուր սկզբունքների, մասնավորապես` արդարության և պատասխանատվության անհատականացման հիմնարար սկզբունքների բովանդակությունից: Արդարացի է այն պատիժը, որի ընտրությունը գործի բոլոր հանգամանքների` հանցագործության վտանգավորության բնույթի և աստիճանի (հանցագործության մեղքի ձև և տեսակ, շարժառիթ, նպատակ, քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակություն, պատճառված վնասի չափ, եղանակ, գործիքներ ու միջոցներ, հանցավոր մտադրության իրականացման աստիճան, հանցակցության դեպքում` հանցավորի կատարած արարք և հանցագործությանը նրա մասնակցության աստիճան և այլն), հանցավորի անձը բնութագրող տվյալների, մեղմացնող և ծանրացնող հանգամանքների ամբողջական ու բազմակողմանի վերլուծության արդյունք է և բխում է ՀՀ քրեական օրենսգրքի 48-րդ հոդվածով նախատեսված` պատժի նպատակների իրացումն ապահովելու անհրաժեշտությունից: Վերոնշյալ պահանջներից նահանջը կարող է հանգեցնել չափազանց մեղմ կամ չափազանց խիստ պատժի նշանակման:
Նարեկ Սարգսյանի գործով թիվ ԵԿԴ/0042/01/11 որոշման շրջանակներում ՀՀ վճռաբեկ դատարանը փաստել է նաև. «(...) Պատժի արդարությունը դրսևորվում է հանցագործությանը քրեաիրավական միջոցներով արձագանքելու պարտադիրությամբ, ինչպես նաև հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար` պատժի նպատակներին հասնելու տեսանկյունից (…):
(…) Պատիժ նշանակելու սկզբունքի բովանդակությունն ընդգրկում է դատապարտյալի, տուժողի և հասարակության վերաբերմունքը նշանակված պատժի նկատմամբ: Ուստի, պատիժ նշանակելիս արդարության սկզբունքը դատարանից պահանջում է ողջամտորեն հաշվի առնել արդարության մասին վերոնշյալ սուբյեկտների կարծիքը, (…) որը պետք է կիրառվի պատժի նշանակման մյուս սկզբունքների, ինչպես նաև պատժի նպատակների համատեքստում (տե՛ս Նարեկ Սարգսյանի գործով ՀՀ վճռաբեկ դատարանի` 2011 թվականի դեկտեմբերի 22-ի թիվ ԵԿԴ/0042/01/11 որոշման 16-րդ կետը):
Թեև ՀՀ վճռաբեկ դատարանը վերոգրյալ իրավական դիրքորոշումները արտահայտել է 1998 թվականի հուլիսի 01-ին ընդունված քրեական դատավարության օրենսգրքի իրավակարգավորումների համատեքստում, սակայն Դատարանն արձանագրում է, որ այն վերաբերելի մասով կիրառելի է նաև 2022 թվականի հուլիսի 1-ից գործող քրեական դատավարության օրենսգրքի պայմաններում:
Դատարանը, համադրելով վերոգրյալ իրավական նորմերը սույն գործի հանգամանքների հետ, արձանագրում է, որ Է․Շմավոնյանը կատարել է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքը (5 դրվագ)։
Վերոշարադրյալ իրավանորմերի և ՀՀ վճռաբեկ դատարանի ձևավորած իրավական դիրքորոշումների հիման վրա քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալ Է․Շմավոնյանի նկատմամբ, Դատարանը հաշվի է առնում հետևյալ հանգամանքները.
-մեղադրյալի կատարած հանցավոր արարքի բնույթն ու վտանգավորության աստիճանը, այդ թվում՝ քրեական օրենսդրությամբ պահպանվող հասարակական հարաբերության` հանցանքների կատարման պահին ունեցած սոցիալական նշանակությունը (հանցանքն ուղղված է երթևեկության անվտանգության և տրանսպորտի շահագործման սահմանված կարգի դեմ), մեղադրյալի հանցավոր մտադրության իրականացման աստիճանը, հանցավոր արարքի կատարման եղանակը և հանգամանքները,
-մեղադրյալի պատասխանատվությունը և պատիժը մեղմացնող հանգամանքներ Դատարանը չի արձանագրում:
-մեղադրյալի պատասխանատվությունը և պատիժը ծանրացնող հանգամանք է հանդիսանում հանցանքը դատվածություն ունենալու պայմաններում կատարելը։ Մասնավորապես, թիվ ԵՇԴ/0087/01/11 (16115410/02) գործով Էդուարդ Արմենակի Շմավոնյանը մեղավոր է ճանաչվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և վերջինիս նկատմամբ պատիժ է նշանակվել ազատազրկում` 10 (տասը) տարի ժամկետով` առանց գույքի բռնագրավման։ Պատժի կրումից ազատվել է 20․03․2019թ․)։
Դատարանն արձանագրում է, որ ապացուցված է մեղադրյալ Է․Շմավոնյանին վերագրվող արարքը, դրա քրեական հակաիրավականությունը, մեղադրյալի կողմից իրեն մեղսագրվող արարքի կատարումը, ինչպես նաև ապացուցված է վերջինիս մեղավորությունը, որպիսի պայմաններում ՀՀ վճռաբեկ դատարանի վերը նշված որոշումներով արտահայտված իրավական դիրքորոշումների լույսի ներքո հաշվի առնելով քրեական գործի հանգամանքները, պատիժը և պատասխանատվությունը ծանրացնող հանգամանքը, մեղադրյալի եկամտի բացակայության հանգամանքը և լրացուցիչ դատալսումների ընթացքում նրա կողմից արված հայտարարությունը՝ հանրային աշխատանքների կատարելու ցանկության վերաբերյալ, Դատարանն արձանագրում է, որ կատարած թվով հինգ հանցանքների համար յուրաքանչյուր դրվագով մեղադրյալի նկատմամբ անհրաժեշտ է նշանակել պատիժ՝ հանրային աշխատանքների ձևով՝ յուրաքանչյուր դրվագով 60 (վաթսուն) ժամ տևողությամբ։
Դատարանն արձանագրում է նաև, որ ՀՀ քրեական օրենսգրքի 74-րդ հոդվածի կարգով՝ հանցագործությունների համակցությամբ, պատիժները մասնակի գումարելու միջոցով Է․Շմավոնյանի նկատմամբ անհրաժեշտ է վերջնական պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ:
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս դատարանը, inter alia, պարտավոր է անդրադառնալ գույքային հայցի, գույքի բռնագրավման և արգելադրման, ապացույցների տնօրինման, խափանման միջոցի և վարութային ծախսերի հարցերին:
Քննարկելով գույքային հայցի, գույքի բռնագրավման և արգելադրման, վարութային ծախսերի հարցը՝ Դատարանն արձանագրում է, որ գույքային հայց հարուցված չէ, բռնագրավման ենթակա կամ արգելադրված գույք, ինչպես նաև վարութային ծախսեր առկա չեն։
Քննարկելով խափանման միջոցի հարցը՝ Դատարանը գտնում է, որ Է․Շմավոնյանի նկատմամբ ընտրված խափանման միջոցը՝ բացակայելու արգելքը, անհրաժեշտ է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել։
Արտավարութային փաստաթղթերը թողնել կցված քրեական գործի նյութերին։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ հոդվածներով՝ Դատարանը

Վ Ճ Ռ Ե Ց
Էդուարդ Արմենակի Շմավոնյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել հանրային աշխատանքներ՝ 60 (վաթսուն) ժամ տևողությամբ:
Էդուարդ Արմենակի Շմավոնյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել հանրային աշխատանքներ՝ 60 (վաթսուն) ժամ տևողությամբ:
Էդուարդ Արմենակի Շմավոնյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել հանրային աշխատանքներ՝ 60 (վաթսուն) ժամ տևողությամբ:
Էդուարդ Արմենակի Շմավոնյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել հանրային աշխատանքներ՝ 60 (վաթսուն) ժամ տևողությամբ:
Էդուարդ Արմենակի Շմավոնյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել հանրային աշխատանքներ՝ 60 (վաթսուն) ժամ տևողությամբ:
ՀՀ քրեական օրենսգրքի 74-րդ հոդվածի կարգով՝ հանցագործությունների համակցությամբ, պատիժները մասնակի գումարելու միջոցով Էդուարդ Արմենակի Շմավոնյանի նկատմամբ վերջնական պատիժ նշանակել հանրային աշխատանքներ՝ 270 (երկու հարյուր յոթանասուն) ժամ տևողությամբ:
Էդուարդ Արմենակի Շմավոնյանի նկատմամբ ընտրված խափանման միջոց բացակայելու արգելքը թողնել անփոփոխ` մինչ դատավճռի օրինական ուժի մեջ մտնելը, իսկ դրանից հետո՝ վերացնել:
Պատժի կատարումը հանձնարարել ՀՀ ԱՆ պրոբացիայի ծառայությանը։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:


ԴԱՏԱՎՈՐ ՍԱԹԵՆԻԿ ԱՆԴՐԵԱՍՅԱՆ