ԵԴ1/4034/01/24
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ
«20» հունվարի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)
նախագահող դատավոր՝ Ռազմիկ Մարիկյան
դատական նիստերի քարտուղար՝ Տաթևիկ Բաղդասարյան
մասնակցությամբ`
հանրային մեղադրող Վազգեն Եդիգարյանի
մեղադրյալ Աշոտ Խաչատրյանի

դռնբաց դատական նիստում քննելով քրեական վարույթն ըստ մեղադրանքի Աշոտ Դավիթի Խաչատրյանի (ծնված՝ 14.09.1998թ., ՀՀ քաղաքացի, թերի բարձրագույն կրթությամբ, ամուսնացած, խնամքին երկու անչափահաս երեխաներ, աշխատում է պահեստում՝ որպես պահակ, չդատված, հաշվառված և փաստացի բնակվում է Արարատի մարզի Այնթափ համայնքի 4-րդ շարքի 42 տուն հասցեում), մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է կիրառվել բացակայելու արգելքը,
1. Գործի դատավարական նախապատմությունը.
2024 թվականի դեկտեմբերի 5-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60733624 քրեական վարույթը։
2024 թվականի դեկտեմբերի 11-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով Աշոտ Դավիթի Խաչատրյանի նկատմամբ հարուցվել է հանրային քրեական հետապնդում:
2024 թվականի դեկտեմբերի 11-ի որոշմամբ Աշոտ Դավիթի Խաչատրյանի նկատմամբ որպես խափանման միջոց է կիրառվել բացակայելու արգելքը:
2024 թվականի դեկտեմբերի 30-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60733624 նախաքննական համարով քրեական գործը, որին շնորհվել է թիվ ԵԴ1/4034/01/24 համարը։
2025 թվականի հունվարի 8-ին Երևան քաղաքի առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանի կողմից որոշում է կայացվել թիվ ԵԴ1/4034/01/24 քրեական գործով վարույթը ստանձնելու մասին:
2025 թվականի հունվարի 20-ին Դատարանը թիվ ԵԴ1/4034/01/24 քրեական գործով կայացրել է մեղադրական վերդիկտ՝ Աշոտ Դավիթի Խաչատրյանին մեղավոր ճանաչելով ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ:
2. Մեղադրանքի փաստական նկարագրությունը.
Աշոտ Դավիթի Խաչատրյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով` այն բանի համար, որ «նա, զրկված լինելով տրանսպորտային միջոցներ վարելու իրավունքից և գտնվելով հարբած /ոչ սթափ/ վիճակում վարել է տրանսպորտային միջոց:
Այսպես.
Աշոտ Դավիթի Խաչատրյանը, թիվ 818 0412551 որոշմամբ 2024 թվականի հունիսի 28-ից մինչև 2025 թվականի հունիսի 30-ը զրկված լինելով տրանսպորտային միջոցներ վարելու իրավունքից և գտնվելով հարբած /ոչ սթափ/ վիճակում՝ ալկոհոլի պարունակությունն արտաշնչած օդում 0.479 մգ/լ, 2024 թվականի նոյեմբերի 17-ին՝ ժամը 04:33-ին, Երևան քաղաքի Արտաշատի խճուղու-Արին Բերդ փողոցի խաչմերուկում վարել է ՎՈԼՑՎԱԳԵՆ մակնիշ 36 PP 388 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 818 0424552 արձանագրությունը:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Աշոտ Խաչատրյանը, օգտվելով իր դատավարական իրավունքից, հրաժարվել է ցուցմունք տալ:
- Վարչական իրավախախտումների վերաբերյալ թիվ 818 0424552 արձանագրությունը, որի համաձայն՝ Աշոտի Դավիթի Խաչատրյանը (ծնված 14.09.1998թ., բնակվող՝ Արարատի մարզ, գյուղ Այնթափ, 4-րդ շարք, 42 տուն, ՀԾՀ՝ 2409980333) 2024 թվականի նոյեմբերի 17-ին՝ ժամը 04։33-ին, Երևան քաղաքի Արտաշատի խճուղու-Արին Բերդ փողոցի խաչմերուկում վարել է ՎՈԼՑՎԱԳԵՆ մակնիշ 36 PP 388 հաշվառման համարանիշի տրանսպորտային միջոցը՝ զրկված լինելով տրանսպորտային միջոցներ վարելու իրավունքից և ոչ սթափ վիճակում: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ Կտրոն, զննման համար 02341, ս/հ 91101227։ Քաղաքացին հրաժարվեց ստորագրելուց։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 203 թիվը։
- Վարորդի սթափության վիճակի զննության կտրոնը, որի համաձայն՝ ստուգաչափման սարքի համարն է՝ 91101227, զննման համարը՝ 02341, զննման ամսաթիվը՝ 17.11.2024թ., զննման ժամը՝ 05։03։06-ին, ստուգաչափման վերջին ամսաթիվը՝ 12.08.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,479 մգ/լ՝ հրաժարվեց ստորագրելուց, վարորդի անունն է՝ Աշոտ, ազգանունը՝ Խաչատրյան, տրանսպորտային միջոցի համարանիշը՝ 36 PP 388, ՀԾՀ՝ 2409980333, Պ/Ծ տեսուչ՝ Աղաբաբյան, կրծքանշանի համարը՝ 04019, ստորաբաժանումը՝ 1-ին գումարտակ, 1-ին վաշտ: Վերջնամասում առկա են ստորագրություններ։
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 128896 ստուգաչափման վկայականի պատճենը, որ համաձայն՝ վկայականն ուժի մեջ է 2024 թվականի օգոստոսի 12-ից մինչև 2025 թվականի օգոստոսի 12-ը, ստուգաչափման սարքի գործարանային համարն է 91101227, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
- ՀՀ ոստիկանության Ճանապարհային ոստիկանություն ծառայության էլեկտրոնային ռեգիստրից արտատպված տեղեկատվությունը, որ համաձայն՝ Աշոտի Դավիթի Խաչատրյան (ՀԾՀ՝ 2409980333) տվյալներով առկա է վարորդական իրավունքի վկայական՝ կարգավիճակը՝ զրկված։ Սկիզբը՝ 28.06.2024թ., ավարտն է՝ 30.06.2025թ.:
- Վարչական իրավախախտումների վերաբերյալ թիվ 818 0412551 արձանագրությունը, որի համաձայն՝ Աշոտի Դավիթի Խաչատրյանը (ծնված 14.09.1998թ., բնակվող՝ Արարատի մարզ, գյուղ Այնթափ, 4-րդ շարք, 42 տուն, ՀԾՀ՝ 2409980333) 2024 թվականի հունիսի 31-ին՝ ժամը 00։53-ին, Երևան քաղաքի Թամանցիների փողոցում վարել է ՎՈԼՑՎԱԳԵՆ մակնիշ 36 PP 388 հաշվառման համարանիշի տրանսպորտային միջոցը վարել է ոչ սթափ վիճակում: Արձանագրությանը կցվում է հատվածում առկա է ՝ վ/վ RB 444106, սարքի համար՝ 91100996, զննման համար՝ 01803։ Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ տ/մ հանձնել է ի պահ վ/վ RB 444106 Արսեն Հակոբի Աճեմյան և ստորագրություն։Արձանագրությանը, իրավունքներին և պարտականություններին ծանոթանալու հատվածում առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 68 թիվը։ Որոշման հատվածում առկա է՝ Աշոտ Խաչատրյանին զրկել տրանսպորտային միջոցներ վարելու իրավունքից 1 /մեկ/ տարի ժամկետով։
- Վարորդի սթափության վիճակի զննության կտրոնի պատճենը, որի համաձայն՝ ստուգաչափման սարքի համարն է՝ 91100996, զննման համարն է՝ 01803, զննման ամսաթիվը՝ 21.01.2024թ., զննման ժամը՝ 00։55։16-ին, ստուգաչափման վերջին ամսաթիվը՝ 05.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,198 մգ/լ՝, վարորդի անունն է՝ Աշոտ, ազգանունը՝ Խաչատրյան, տրանսպորտային միջոցի համարանիշը՝ 36 PP 388, վ/վ RB 444106, Պ/Ծ տեսուչ՝ Դավթյան, կրծքանշանի համարը՝ 12843, ստորաբաժանումը՝ 2-րդ գումարտակ, 3-րդ վաշտ: Վերջնամասում առկա են ստորագրություն:
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 120904 ստուգաչափման վկայականի պատճենը, որի համաձայն՝ վկայականն ուժի մեջ է 2024 թվականի ապրիլի 05-ից մինչև 2025 թվականի ապրիլի 05-ը, ստուգաչափման սարքի գործարանային համարն է 91100996, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
- Իրավախախտումների վերաբերյալ թիվ 818 0266611 արձանագրություն, որի համաձայն՝ Աշոտի Դավիթի Խաչատրյանը (ծնված 14.09.1998թ., բնակվող՝ Արարատի մարզ, գյուղ Այնթափ, 4-րդ շարք, 42 տուն, ՀԾՀ՝ 2409980333) 2024 թվականի հունվարի 03-ին՝ ժամը 01։50-ին, Երևան քաղաքի Թամանցիների փողոցում վարել է ՏՈՅՈՏԱ մակնիշ 10 FR 010 հաշվառման համարանիշի տրանսպորտային միջոցը վարել է ոչ սթափ վիճակում: Արձանագրությանը կցվում է հատվածում առկա է ՝ սարքի համար՝ 91100996, զննման համար՝ 01803։ Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն։ Արձանագրությանը, իրավունքներին և պարտականություններին ծանոթանալու հատվածում առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր /կոդ/ նշված՝ 68 թիվը։ Որոշման հատվածում առկա է՝ Աշոտ Խաչատրյանին տուգանել 29.000 /քսանիննը հազար/ ՀՀ դրամ։
- Վարորդի սթափության վիճակի զննության կտրոնի պատճենը, որի համաձայն՝ ստուգաչափման սարքի համարն է՝ 91101013, զննման համարը՝ 01852, զննման ամսաթիվը՝ 03.01.2024թ., զննման ժամը՝ 01։55։42-ին, ստուգաչափման վերջին ամսաթիվը՝ 24.07.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,305 մգ/լ՝, վարորդի անունն է՝ Աշոտ, ազգանունը՝ Խաչատրյան, տրանսպորտային միջոցի համարանիշը՝ 10 FR 010, վ/վ RB 444106, Պ/Ծ տեսուչ՝ Խաչատրյան, կրծքանշանի համարը՝ 05190, ստորաբաժանումը՝ 4-րդ գումարտակ, 3-րդ վաշտ: Կողմնային մասում առկա է՝ «Ստացա իմ օրինակը և ստորագրություն»։
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 102339 ստուգաչափման վկայականի պատճենը, որի համաձայն՝ վկայականն ուժի մեջ է 2023 թվականի հուլիսի 24-ից մինչև 2024 թվականի հուլիսի 24-ը, ստուգաչափման սարքի գործարանային համարն է 91101013, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՊԾ, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան:
- 2024 թվականի հունվարի 3-ին կազմված վարչական իրավախախտումների վերաբերյալ թիվ 818 0266611 արձանագրությունը, որի համաձայն՝ ծանուցագիրը «ՀԱՅՓՈՍՏ» ՓԲԸ-ի կողմից ուղարկվել է Արարատի մարզ, գյուղ Այնթափ, 4-րդ շարք, 42 տուն հասցեով, սակայն վերադարձել է չպահանջված մակագրությամբ։
- Վերոնշյալ փաստաթղթերը զննության ենթարկելու մասին արձանագրությունը:
- Վերոնշյալ փաստաթղթերը արտավարութային փաստաթուղթ ճանաչելու մասին որոշումը:
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքի համաձայն՝ Աշոտ Խաչատրյանը դատված չէ:
 ՊԵԿ տվյալների շտեմարանից արտատպված տեղեկատվության համաձայն՝ դեպքին նախորդող 12 ամիսների ընթացքում Աշոտ Խաչատրյանի եկամուտը կազմել է 2559934 ՀՀ դրամ (հարկերը չնվազեցված):
 ՔԿԱԳ տվյալների շտեմարանից արտատպված տեղեկատվության համաձայն՝ Աշոտ Խաչատրյանն ունի երկու անչափահաս երեխաներ՝ Անժելա Աշոտի Խաչատրյան, ծնված՝ 01.03.2021թ., և Դավիթ Աշոտի Խաչատրյան, ծնված՝ 03.01.2024թ.:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Աշոտ Դավիթի Խաչատրյանը, թիվ 818 0412551 որոշմամբ 2024 թվականի հունիսի 28-ից մինչև 2025 թվականի հունիսի 30-ը զրկված լինելով տրանսպորտային միջոցներ վարելու իրավունքից և գտնվելով հարբած /ոչ սթափ/ վիճակում՝ ալկոհոլի պարունակությունն արտաշնչած օդում 0.479 մգ/լ, 2024 թվականի նոյեմբերի 17-ին՝ ժամը 04:33-ին, Երևան քաղաքի Արտաշատի խճուղու-Արին Բերդ փողոցի խաչմերուկում վարել է ՎՈԼՑՎԱԳԵՆ մակնիշ 36 PP 388 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 818 0424552 արձանագրությունը:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Աշոտ Խաչատրյանի ներկայացված մեղադրանքի (տրանսպորտային միջոցներ վարելու իրավունքից զրկված լինելու պայմաններում հարբած վիճակում տրանսպորտային միջոց վարելը) ապացուցվածության վերաբերյալ ցանկացած հիմնավոր կասկած։
5. Դատարանի իրավական վերլուծությունները, հետևությունները և որոշումները.
Դատարանի կողմից հաստատված փաստական հանգամանքների և 2024 թվականի հունվարի 20-ին կայացված մեղադրական վերդիկտի հիման վրա Դատարանը գտնում է, որ ապացուցված է մեղադրյալ Աշոտ Դավիթի Խաչատրյանին վերագրվող փաստական հանգամանքները (Աշոտ Դավիթի Խաչատրյանը, թիվ 818 0412551 որոշմամբ 2024 թվականի հունիսի 28-ից մինչև 2025 թվականի հունիսի 30-ը զրկված լինելով տրանսպորտային միջոցներ վարելու իրավունքից և գտնվելով հարբած /ոչ սթափ/ վիճակում՝ ալկոհոլի պարունակությունն արտաշնչած օդում 0.479 մգ/լ, 2024 թվականի նոյեմբերի 17-ին՝ ժամը 04:33-ին, Երևան քաղաքի Արտաշատի խճուղու Արին Բերդ փողոցի խաչմերուկում վարել է ՎՈԼՑՎԱԳԵՆ մակնիշ 36 PP 388 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 818 0424552 արձանագրությունը:
Դատարանը որպես մեղադրյալ Աշոտ Խաչատրյանի պատասխանատվությունն ու պատիժը մեղմացնող հանգամանքներ է դիտարկում`
- առաջադրված մեղադրանքում իրեն մեղավոր ճանաչելը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը),
- խնամքին երկու անչափահաս երեխաների առկայությունը (Անժելա Աշոտի Խաչատրյան, ծնված՝ 01.03.2021թ., և Դավիթ Աշոտի Խաչատրյան, ծնված՝ 03.01.2024թ.):
Դատարանն արձանագրում է, որ բացակայում են Աշոտ Խաչատրյանի պատասխանատվությունն ու պատիժը ծանրացնող ՀՀ քրեական օրենսգրքի 71-րդ հոդվածներով նախատեսված հանգամանքները:
Դատարանի կողմից հաստատված փաստական հանգամանքների հիման վրա Դատարանը գտնում է, որ Աշոտ Խաչատրյանի անձը բնութագրող հանգամանք է դատված չլինելը:
Դատարանը, դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին, գտնում է, որ կատարած արարքի համար Աշոտ Խաչատրյանը ենթակա է քրեական պատասխանատվության և պատժի:
ՀՀ քրեական օրենսգրքի 17-րդ հոդվածի համաձայն՝
(…)
2. Ոչ մեծ ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 2 տարի ժամկետով ազատազրկումը, կամ որոնց համար նախատեսված է ազատությունից զրկելու հետ չկապված պատիժ:
(…)
ՀՀ քրեական օրենսգրքի 53-րդ հոդվածի համաձայն՝
1.Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել:
(…)
ՀՀ քրեական օրենսգրքի 55-րդ հոդվածի 1-ին մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի համաձայն՝
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:
ՀՀ քրեական օրենսգրքի 344-րդ հոդվածի համաձայն՝
(…)
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով (…)¦
(…):
Դատարանը, հիմք ընդունելով մեղադրյալի կողմից կատարած հանցագործության եղանակը, տեղը, ժամանակը, հանցագործության շարժառիթը և նպատակները, դիտավորության տեսակը, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը և ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով, գտնում է, որ Աշոտ Խաչատրյանի նկատմամբ պետք է նշանակել ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված տուգանքի ձևով պատիժ:
ՀՀ քրեական օրենսգրքի 59-րդ հոդվածի համաձայն՝
(…)
Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…):
Քրեաիրավական նշված նորմի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն պետությունում սահմանված ֆիքսված որևէ գումար, այլ հանցանք կատարած անձի եկամուտը:
ՀՀ քրեական օրենսգրքի 3-րդ հոդվածի համաձայն՝
(…)
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները,
(…):
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
Հաշվի առնելով, այն հանգամանքը, որ «Էկենգ» ՓԲԸ փոխգործելիության հարթակի միջոցով ստացված տեղեկանքի համաձայն՝ դեպքին նախորդող 12 ամիսների ընթացքում մեղադրյալ Աշոտ Խաչատրյանի եկամտի հաշվարկի արդյունքում ստացվող չափը (նույնիսկ հարկերը չնվազեցված) ակնհայտորեն քիչ է ստացվում նվազագույն աշխատավարձի չափից, ուստի նրա նկատմամբ որպես պատիժ նշանակվող տուգանքի չափը պետք է որոշվի ՀՀ-ում սահմանված նվազագույն ամսական աշխատավարձի չափով:
«Նվազագույն ամսական աշխատավարձի մասին» ՀՀ օրենքի՝ 2022 թվականի դեկտեմբերի 7-ի փոփոխության համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը:
Նման պայմաններում, հաշվի առնելով, որ մեղադրյալ Աշոտ Խաչատրյանն իրեն մեղսագրվող հանցանքը կատարել է 2024 թվականի նոյեմբերի 17-ին՝ Դատարանն արձանագրում է, որ նրա նկատմամբ կիրառելի է ներկայում գործող նվազագույն ամսական աշխատավարձի չափը:
Դատարանը, հիմք ընդունելով մեղադրյալ Աշոտ Խաչատրյանի անձը բնութագրող տվյալները, պատիժն ու պատասխանատվությունը մեղմացնող հանգամանքների առկայությունը և պատիժն ու պատասխանատվությունը ծանրացնող հանգամանքների բացակայությունը, ինչպես նաև նրա կողմից կատարված հանցանքի բնույթն ու նշանակությունը գտնում է, որ նրա նկատմամբ որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Դատարանը հաշվի առնելով, մեղադրյալի գույքային դրությունը գտնում է, որ նա ի վիճակի չէ անհապաղ և ամբողջությամբ վճարել տուգանքը:
ՀՀ քրեական օրենսգրքի 59-րդ հոդվածի համաձայն՝
(…)
7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով: (…):
Դատարանը գտնում է, որ մեղադրյալին պետք է թույլատրել որպես պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ ամսական նվազագույնը 31.250 (երեսունմեկ հազար երկու հարյուր հիսուն) ՀՀ դրամի չափով՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դատարանը գտնում է, որ Աշոտ Խաչատրյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և տուգանքի ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Աշոտ Խաչատրյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Անդրադառնալով արտավարութային փաստաթղթերի տնօրինման և պահպանման հարցին՝ Դատարանը գտնում է, որ վարույթն իրականացնող մարմնի՝ 2024 թվականի դեկտեմբերի 6-ի որոշմամբ արտավարութային փաստաթուղթ ճանաչված փաստաթղթերը պետք է պահել գործի հետ այն պահելու ամբողջ ժամանակահատվածում:
Անդրադառնալով վարութային ծախսերի հարցին՝ Դատարանը հարկ է համարում արձանագրել, որ ՀՀ քրեական դատավարության օրենսգրքի 167-րդ հոդվածի 1-ին մասի 1-6-րդ կետերով նախատեսված վարութային ծախսեր չկան, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին` այդ վարութային ծախսերի հատուցման պահանջ Դատարանին չի ներկայացվել։ Հետևաբար՝ Դատարանը գտնում է, որ վարութային ծախսերի հարցը պետք է համարել լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ և 347-349-րդ հոդվածներով` Դատարանը

Վ Ճ Ռ Ե Ց

Աշոտ Դավիթի Խաչատրյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանք կատարելու մեջ և պատիժ նշանակել տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Աշոտ Դավիթի Խաչատրյանին թույլատրել որպես պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ ամսական նվազագույնը 31.250 (երեսունմեկ հազար երկու հարյուր հիսուն) ՀՀ դրամի չափով՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Աշոտ Դավիթի Խաչատրյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո Աշոտ Խաչատրյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները վերացնել:
Դատավճիռն օրինական ուժի մեջ մտնելուց հետո վարույթն իրականացնող մարմնի՝ 2024 թվականի դեկտեմբերի 6-ի որոշմամբ արտավարութային փաստաթուղթ ճանաչված փաստաթղթերը պահել գործի հետ այն պահելու ամբողջ ժամանակահատվածում:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:

ԴԱՏԱՎՈՐ ՌԱԶՄԻԿ ՄԱՐԻԿՅԱՆ