ԵԴ1/3991/01/24

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ․ հուլիսի <<3>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ.Հովհաննիսյան
հանրային մեղադրող Դ.Թադևոսյան

դռնբաց դատական նիստում քննեց քրեական վարույթն ըստ մեղադրանքի՝ Արտակ Հրաչյայի Մանուկյանի՝ ծնված 1995 թվականի սեպտեմբերի 30-ին Երևան քաղաքում, ազգությամբ հայ, ՀՀ քաղաքացի, ամուսնացած, խնամքին 2 անչափահաս երեխա, դատվածություն չունեցող, բնակվող՝ Երևան քաղաքի Քանաքեռ 12-րդ փողոցի 33-րդ տանը: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով՝ 2 դրվագ. որպես խափանման միջոց է կիրառվել բացակայելու արգելքը:
Վարույթի դատավարական նախապատմությունը.
2024 թվականի դեկտեմբերի 5-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի արձանագրությամբ ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60733024 քրեական վարույթը:
2024 թվականի դեկտեմբերի 17-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի արձանագրությամբ ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60753724 քրեական վարույթը:
2024 թվականի դեկտեմբերի 17-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի որոշմամբ թիվ 60753724 քրեական վարույթը միացվել է թիվ 60733024 քրեական վարույթին:
2024 թվականի դեկտեմբերի 20-ի ՀՀ դատախազության Երևան քաղաքի Շենգավիթ վարչական շրջանի դատախազության դատախազ Դ.Թադևոսյանի որոշմամբ Արտակ Հրաչյայի Մանուկյանի նկատմամբ հանրային քրեական հետապնդում է հարուցվել հետևյալ գործողությունները մեղավորությամբ կատարելու համար, որ նա, չունենալով տրանսպորտային միջոցներ վարելու իրավունք, 2024 թվականի նոյեմբերի 24-ին և դեկտեմբերի 4-ին հարբած (ոչ սթափ վիճակում վարել է տրանսպորտային միջոց:
Այսպես. Արտակ Մանուկյանը, սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի նոյեմբերի 24-ին՝ ժամը 00:07-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.160 մգ/լ մաքուր ալկոհոլի պարունակությամբ, Երևան քաղաքի Թամանցիների փողոցում վարել է <<ՎԱԶ>> մակնիշի 35 NA 859 հաշվառման համարանիշի տրանսպորտային միջոցը։
Այսինքն՝ Արտակ Հրաչյայի Մանուկյանի արարքում առկա են ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարումը վկայող փաստեր:
Բացի այդ, Արտակ Մանուկյանը, սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի դեկտեմբերի 4-ին՝ ժամը 21:39-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.218 մգ/լ մաքուր ալկոհոլի պարունակությամբ, Երևան քաղաքի Զաքարիա Քանաքեռցու փողոցում վարել է <<ՎԱԶ>> մակնիշի 35 NA 859 հաշվառման համարանիշի տրանսպորտային միջոցը:
Այսինքն՝ Արտակ Հրաչյայի Մանուկյանի արարքում առկա են ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարումը վկայող փաստեր:
Այսպիսով, Արտակ Հրաչյայի Մանուկյանի արարքներում առկա են ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքների կատարումը վկայող փաստեր:
2024 թվականի դեկտեմբերի 23-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Պետրոսյանի որոշմամբ Արտակ Հրաչյայի Մանուկյանի նկատմամբ որպես խափանման միջոց է կիրառվել բացակայելու արգելքը:
2024 թվականի դեկտեմբերի 30-ի թիվ 60733024 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան:

Ապացույցների հետազոտումը և գնահատումը.
Հիմնական դատալսումների ընթացքում մեղադրյալ Արտակ Մանուկյանը, օգտվելով իր քրեադատավարական իրավունքից, հրաժարվել է ցուցմունք տալուց:
2024 դեկտեմբերի 23-ի մեղադրյալի հարցաքննության արձանագրության համաձայն. <<Մեղադրյալ Արտակ Հրաչյայի Մանուկյանն առաջադրված մեղադրանքում իրեն մեղավոր է ճանաչել: Առաջադրված մեղադրանքն իրեն հասկանալի է և պարզ: 2024 թվականի նոյեմբերի 24-ին և 2024 թվականի դեկտեմբերի 4-ին ինքն է կատարել իրավախախտումը, ընդունել է մեղավորությունը և զղջացել կատարվածի համար: Խնդրել է դատարանից մեղմ վերաբերվել և իրեն ժամանակ տրամադրել տուգանքը վճարելու համար, քանի որ խնամքին ունի 2 (երկու) անչափահաս երեխա, տան միակ կերակրողը ինքն է և չի խուսափում պատասխանատվությունից>>:
2024 թվականի դեկտեմբերի 18-ի զննություն կատարելու մասին արձանագրության համաձայն՝ զննությամբ պարզվել է, որ 2024 թվականի դեկտեմբերի 5-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2024 թվականի նոյեմբերի 24-ին՝ ժամը 00:15-ին, ՀՀ պարեկային ծառայության 2-րդ գումարտակի 1-ին վաշտի կրտսեր պարեկ Ալբերտ Ֆելիքի Թումանյանը կազմել է վարչական իրավախախտումների վերաբերյալ թիվ 8180418881 արձանագրությունն այն մասին, որ Արտակ Հրաչյայի Մանուկյանը (ծնված՝ 1995 թվականի սեպտեմբերի 30-ին, բնակվող՝ Երևան քաղաքի Քանաքեռ 12-րդ փողոցի 33-րդ տանը, ՀԾՀ՝ 4009950048) 2024 թվականի նոյեմբերի 24-ին՝ ժամը 00:10-ին, Երևան քաղաքի Թամանցիների փողոցում վարել է <<ՎԱԶ>> մակնիշի 35 NA 859 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունքի վկայական և ոչ սթափ վիճակում:
Բացի այդ, 2024 թվականի դեկտեմբերի 17-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2024 թվականի դեկտեմբերի 4-ին՝ ժամը 21:45-ին, ՀՀ պարեկային ծառայության 3-րդ գումարտակի 2- րդ վաշտի կրտսեր պարեկ Կարեն Ժորայի Հարությունյանը կազմել է վարչական իրավախախտումների վերաբերյալ թիվ 8180435044 արձանագրությունն այն մասին, որ Արտակ Հրաչյայի Մանուկյանը (ծնված՝ 1995 թվականի սեպտեմբերի 30-ին, բնակվող՝ Երևան քաղաքի Քանաքեռ 12-րդ փողոցի 33-րդ տանը, ՀԾՀ՝ 4009950048) 2024 թվականի դեկտեմբերի 4-ին՝ ժամը 21:39-ին, Երևան քաղաքի Զաքարյա Քանաքեռցու փողոցում վարել է չունենալով տվյալ կարգի տրանսպորտային միջոցներ վարելու իրավունքի վկայական և <<ՎԱԶ>> մակնիշի 35 NA 859 հաշվառման համարանիշի տրանսպորտային միջոցը՝ ոչ սթափ վիճակում:
Նախաքննության ընթացքում զննության են ենթարկվել սույն քրեական վարույթում առկա փաստաթղթերն այն մասին, որ 2024 թվականի նոյեմբերի 24-ին՝ ժամը 00:15-ին, ՀՀ պարեկային ծառայության 2-րդ գումարտակի 1-ին վաշտի կրտսեր պարեկ Ալբերտ Ֆելիքի Թումանյանը կազմել է վարչական իրավախախտումների վերաբերյալ թիվ 8180418881 արձանագրությունն այն մասին, որ Արտակ Հրաչյայի Մանուկյանը (ծնված՝ 1995 թվականի սեպտեմբերի 30-ին, բնակվող՝ Երևան քաղաքի Քանաքեռ 12-րդ փողոցի 33-րդ տանը, ՀԾՀ՝ 4009950048) 2024 թվականի նոյեմբերի 24-ին՝ ժամը 00:10-ին, Երևան քաղաքի Թամանցիների փողոցում վարել է <<ՎԱԶ>> մակնիշ 35 NA 859 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունքի վկայական և ոչ սթափ վիճակում:
Արձանագրությանը կցվում է հատվածում գրառում առկա չէ։
Արձանագրության վարչական իրավախախտում կատարած բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր (կոդ) նշված՝ 203.5 թիվը: Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է՝ 91101201, զննման համարը՝ 01131, զննման ամսաթիվը՝ 2024 թվականի նոյեմբերի 24-ին, զննման ժամը՝ 00:07:25-ին, ստուգաչափման վերջին ամսաթիվը՝ 2024 թվականի սեպտեմբերի 23-ին, դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,160 մգ/լ, վարորդի անունն է՝ Արտակ, ազգանունը՝ Մանուկյան, տրանսպորտային միջոցի հասարանիշը՝ 35 NA 859, COC 4009950048, Պ/Ծ տեսուչ՝ Թումանյան, կրծքանշանի համարը՝ 08740, ստորաբաժանումը՝ 2-րդ գումարտակ, 1-ին վաշտ:
ՀՀ էկոնոմիկայի նախարարության <<Ստանդարտացման և չափագիտության ազգային մարմին>> ՓԲ ընկերության կողմից տրված թիվ 135716 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի սեպտեմբերի 23-ից մինչև 2025 թվականի սեպտեմբերի 23-ը, ստուգաչափման սարքի գործարանային համարն է 91101201, տեսակը՝ Jupiter X/RP, չափման տիրույթը՝ 0.000+2,000մգ/լ ճշտության դասը, կարգը (սխալանքը) 0-0,15%, 0.1- 0,15+8%>0,15+10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա.Մանուկյան, իսկ բաժնի/լաբորատորիայի վարիչ անվան դիմաց առկա է ստորագրություն և նշված է Գ.Մարտիրոսյան:
2024 թվականի դեկտեմբերի 17-ին ՀՀ ՆԳՆ ոստիկանության պարեկային ծառայությունից հաղորդում է ստացվել այն մասին, որ 2024 թվականի դեկտեմբերի 4-ին՝ ժամը 21։45-ին, ՀՀ պարեկային ծառայության 3-րդ գումարտակի 2-րդ վաշտի կրտսեր պարեկ Կարեն Ժորայի Հարությունյանը կազմել է վարչական իրավախախտումների վերաբերյալ թիվ 8180435044 արձանագրությունն այն մասին, որ Արտակ Հրաչյայի Մանուկյանը (ծնված՝ 1995 թվականի սեպտեմբերի 30-ին, բնակվող՝ Երևան քաղաքի Քանաքեռ 12-րդ փողոցի 33-րդ տանը, ՀԾՀ՝ 4009950048) 2024 թվականի դեկտեմբերի 4-ին՝ ժամը 21:39-ին, Երևան քաղաքի Զաքարյան Քանաքեռցու փողոցում վարել է <<ՎԱԶ>> մակնիշ 35 NA 859 հաշվառման համարանիշի տրանսպորտային միջոցը չունենալով տվյալ կարգի տրանսպորտային միջոցներ վարելու իրավունքի վկայական և ոչ սթափ վիճակում: Արձանագրությանը կցվում է հատվածում գրառում առկա չէ:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր (կոդ) նշված՝ 203.5 թիվը:
Վարորդի սթափության վիճակի զննության կտրոնի պատճենի զննությամբ պարզվել է, որ ստուգաչափման սարքի համարն է՝ 91100973, զննման համարը` 02891, զննման ամսաթիվը՝ 2024 թվականի դեկտեմբերի 4-ին, զննման ժամը՝ 21:42:48-ին, ստուգաչափման վերջին ամսաթիվը՝ 2024 թվականի օգոստոսի 12-ին, դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,218 մգ/լ, վարորդի անունն է՝ Արտակ՝ կողքին ստորագրոություն, ազգանունը՝ Մանուկյան տրանսպորտային միջոցի համարանիշը՝ 35 NA 859, վ/վ AX0388132, Պ/Ծ տեսուչ՝ Հարությունյան, կրծքանշանի համարը՝ 04005, ստորաբաժանումը՝ 3-րդ գումարտակ, 2-րդ վաշտ:
ՀՀ էկոնոմիկայի նախարարության <<Ստանդարտացման և չափագիտության ազգային մարմին>> ՓԲ ընկերության կողմից տրված թիվ 128901 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2024 թվականի օգոստոսի 12-ից մինչև 2025 թվականի օգոստոսի 12-ը, ստուգաչափման սարքի գործարանային համարն է 91100973, տեսակը՝ Jupiter X/RP, չափման տիրույթը՝ 0.000+2,000մգ/լ, ճշտության դասը, կարգը /սխալանքը/ 0-0,1±5-%, 0,1- 0,15+8% 0,15+10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ.Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
ՀՀ ոստիկանության <<Ճանապարհային ոստիկանություն>> ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Արտակ Հրաչյայի Մանուկյան (ՀԾՀ՝ 4009950048) տվյալներով վարորդական իրավունքի վկայական չի գտնվել:

Զննությամբ քննությանը հետաքրքրություն ներկայացնող այլ տվյալներ չեն հայտնաբերվել։
2024 թվականի դեկտեմբերի 18-ի արտավարութային փաստաթուղթ ճանաչելու մասին որոշման համաձայն՝ Արտակ Հրաչյայի Մանուկյանի վարչական իրավախախտման վերաբերյալ թիվ 8180418881 արձանագրության պատճենը, վարորդի սթափության վիճակի զննության թիվ 01131 կտրոնի պատճենը, թիվ 135716 ստուգաչափման վկայականի պատճենը, վարչական իրավախախտման վերաբերյալ թիվ 818 0435044 արձանագրության պատճենը, վարորդի սթափության վիճակի զննության թիվ 02891 կտրոնի պատճենը, թիվ 128901 ստուգաչափման վկայականի պատճենը, ՀՀ ոստիկանության <<Ճանապարհային ոստիկանություն էլեկտրոնային ծառայության>> ռեգիստրից ստացված տվյալները որպես արտավարույթային փաստաթուղթ է ճանաչվել և կցվել քրեական վարույթի նյութերին:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Արտակ Հրաչյայի Մանուկյանը Արաբկիր և Քանաքեռ-Զեյթուն ընդհանուր իրավասության դատարանի 2010 թվականի նոյեմբերի 10-ի թիվ ԵԱՔԴ/0151/01/10 դատավճռով մեղավոր է ճանաչվել 2003 թվականի ապրիլի 18-ին ընդունված ՀՀ քրեական օրենսգրքի 177-րդ հոդվածի 2-րդ մասի 3-րդ կետով և դատապարտվել ազատազրկման՝ 2 տարի ժամկետով: Ազատազրկամ ձևով պատիժը պայմանականորեն չի կիրառվել և սահմանվել է փորձաշրջան 2 տարի ժամկետով: Պատժի կրումից համաներման կիրառմամբ ազատվել է 2011 թվականի հունիսի 26-ին:
Դատարանի իրավական վերլուծությունները.
ՀՀ վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Անդրադառնալով մեղադրյալ Արտակ Մանուկյանի արարքներում ՀՀ քրեական օրենսգրքի 344-րդ հոդվածի 2-րդ մասով (2 դրվագ) նախատեսված հանցանքների առկայության կամ բացակայության հարցին՝ Դատարանը գտնում է, որ դրանք հիմնավոր կասկածից վեր ապացուցողական չափանիշով հաստատվում են սույն քրեական գործի շրջանակներում ձեռք բերված ապացույցներով, այլ կերպ ասած՝ ապացուցված է Արտակ Հրաչյայի Մանուկյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով՝ 2 դրվագ, նախատեսված հանցավոր արարքների կատարման մեջ:
Ընդ որում, Դատարանի համար առանցքային նշանակություն ունի նաև այն, որ սույն քրեական գործի շրջանակներում մեղադրյալ Արտակ Մանուկյանն ամբողջովին ընդունում է մեղքը և զղջում է կատարվածի համար:
Դատարանը, ուսումնասիրելով Արտակ Հրաչյայի Մանուկյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, հանգում է հետևյալ եզրահանգման.
Արտակ Հրաչյայի Մանուկյանի քրեական պատասխանատվություն ու պատիժը մեղմացնող հանգամանք է մեղքն ընդունելը և կատարվածի համար զղջալը, ինչպես նաև՝ խնամքին 2 անչափահաս երեխայի (Արմինե Արտակի Մանուկյան, ծնված՝ 2017 թվականի փետրվարի 21-ին, Ալեքս Արտակի Մանուկյան, ծնված՝ 2019 թվականի հուլիսի 19-ին) առկայությունը։
Ընդ որում, սույն մեղմացնող հանգամանքը վերագրվում է մեղսագրվող երկու դրվագներին:
Միևնույն ժամանակ, պետք է նկատել, որ Արտակ Հրաչյայի Մանուկյանի պատասխանատվությունն ու պատիժը ծանրացնող հանգամանքներ առկա չեն:
Կատարված արարքների համար մեղադրյալ Արտակ Հրաչյայի Մանուկյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Արտակ Մանուկյանի կատարած արարքների՝ հանրության համար վտանգավորության աստիճանն ու բնույթը, այդ թվում՝ նրա գործողությունների վտանգավորության աստիճանը, մասնավորապես՝ վերջինին մեղսագրվող արարքների ոչ մեծ ծանրության լինելը, պատասխանատվությունն ու պատիժը մեղմացնող հանգամանքը, ծանրացնող հանգամանքների բացակայությունը, ինչպես նաև այն, որ մեղադրյալի կատարած արարքների համար ՀՀ քրեական օրենսգրքի համապատասխան հոդվածի սանկցիայով նախատեսված է պատիժ նաև տուգանքի ձևով, իսկ ՀՀ քրեական օրենսգրքի 69-րդ հոդվածի 3-րդ մասի կարգավորմամբ՝ ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները, գտնում է, որ Արտակ Մանուկյանի նկատմամբ ՀՀ քրեական օրենսգրքի 344-րդ հոդված 2-րդ մասով՝ յուրաքանչյուր դրվագով, պատիժ պետք է նշանակել տուգանք՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Արտակ Հրաչյայի Մանուկյանի նկատմամբ վերջնական պատիժ պետք է նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Դատական նիստի ընթացքում մեղադրյալը միջնորդեց նշանակվելիք տուգանք պատժատեսակը տարաժամկետել և թույլատրել մաս առ մաս վճարել, քանի որ ֆինանսական դրությամբ պայմանավորված չի կարող միանվագ վճարում կատարել:
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում: Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
ՀՀ քրեակատարողական օրենսգրքի 26-րդ հոդվածի 2-րդ մասի համաձայն՝ պրոբացիայի ծառայություն ներկայանալու դեպքում դատապարտյալը վերցվում է հաշվառման, լրացվում է հաշվառման քարտ, նրան ստորագրությամբ անհապաղ պարզաբանվում են տուգանքի կատարման կարգն ու պայմանները, իր իրավունքները և պարտականությունները, ինչպես նաև դրանց չկատարման դեպքում օրենսդրությամբ սահմանված պատասխանատվությունը։ Այն դեպքում, երբ դատարանը թույլատրել է տուգանքը մաս առ մաս վճարել, կամ տուգանքի վճարման համար սահմանվել է մինչև մեկ տարի ժամկետ, ապա կազմվում է նաև վերահսկողության պլան:
Վերը նշված հոդվածների կարգավորումները հիմք ընդունելով՝ կարելի է եզրահանգել, որ տուգանքի վճարման երկարաձգումը հնարավոր է իրականացնել ինչպես դատավճռով, այնպես էլ դատավճռի օրինական ուժի մեջ մտնելուց հետո՝ դատարանի առանձին որոշմամբ: Դատարանի այս մոտեցումը պայմանավորված նրանով, որ նշված գործընթացը դատավճռով իրականացնելու համար օրենսդրական որևէ արգելք նախատեսված չէ և բացի այդ, ՀՀ քրեական օրենսգրքի 59-րդ հոդվածում խոսք է գնում դատապարտվող (այլ ոչ թե դատապարտյալ) անձի մասին: Իսկ այն, որ նույն հոդվածում օգտագործվում է նաև դատապարտյալ կարգավիճակը, ապա դա վերաբերելի է այն դեպքերին, երբ դատական ակտի օրինական ուժի մեջ մտնելուց հետո դատապարտյալը նյութական վիճակի վատթարացման հետևանքով զրկվում է տուգանքը վճարելու հնարավորությունից:
Այսպիսով՝ Դատարանը, հաշվի առնելով Արտակ Հրաչյայի Մանուկյանի սոցիալական դրությունը, գտնում է, որ նշանակվող պատժի վճարումը պետք է տասներկու ամսով երկարաձգել և թույլատրել վճարել մաս առ մաս՝ յուրաքանչյուր ամիս 62.500 ՀՀ դրամով:
Անդրադառնալով դատապարտված մեղադրյալի նկատմամբ կիրառված խափանման միջոցի հարցին՝ Դատարանը գտնում է, որ Արտակ Մանուկյանի նկատմամբ ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Արտակ Մանուկյանից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով՝ Դատարանը

Վ Ճ Ռ Ե Ց


Արտակ Հրաչյայի Մանուկյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով:
ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Արտակ Հրաչյայի Մանուկյանի նկատմամբ պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Դատավճիռն օրինական ուժի մեջ մտնելուց հետո՝ նշանակված 750.000 ՀՀ դրամը վճարելու համար Արտակ Հրաչյայի Մանուկյանին տրամադրել տասներկու ամիս ժամկետ՝ յուրաքանչյուր ամիս 62.500 ՀՀ դրամ վճարելու պայմանով:
Արտակ Հրաչյայի Մանուկյանի նկատմամբ կիրառված այլընտրանքային խափանման միջոց բացակայելու արգելքը՝ դատավճիռն օրինական ուժի մեջ մտնելուց հետո, վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում:

ԴԱՏԱՎՈՐ Ա.ՀՈՎՀԱՆՆԻՍՅԱՆ


ԵԴ1/3991/01/24

ՄԵՂԱԴՐԱԿԱՆ ՎԵՐԴԻԿՏ

03.07.2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)` նախագահող դատավոր Ա.Հովհաննիսյանի, քարտուղարությամբ Մ.Հովհաննիսյան, մասնակցությամբ՝ հանրային մեղադրող Դ.Թադևոսյան, մեղադրյալ Ա.Մանուկյան, քննարկելով մեղադրյալ Արտակ Հրաչյայի Մանուկյանի մեղավորության կամ անմեղության հարցը՝ եկավ հետևյալ եզրահանգման.
վերոնշյալ փաստերի հիման վրա Դատարանը գալիս է այն եզրահանգման, որ Արտակ Հրաչյայի Մանուկյանը սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի նոյեմբերի 24- ին՝ ժամը 00:07-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.160 մգ/լ մաքուր ալկոհոլի պարունակությամբ, Երևան քաղաքի Թամանցիների փողոցում վարել է <<ՎԱԶ>> մակնիշի, 35 NA 859 հաշվառման համարանիշի տրանսպորտային միջոցը:
Բացի այդ, Արտակ Մանուկյանը, սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի դեկտեմբերի 04-ին՝ ժամը 21:39-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.218 մգ/լ մաքուր ալկոհոլի պարունակությամբ, Երևան քաղաքի Զաքարիա Քանաքեռցու փողոցում վարել է <<ՎԱԶ>> մակնիշի, 35 NA 859 հաշվառման համարանիշի տրանսպորտային միջոցը, որպիսի պայմաններում հիմնավոր կասկածից վեր ապացուցողական չափանիշով ապացուցված է՝
1) մեղադրյալ Արտակ Հրաչյայի Մանուկյանին վերագրվող փաստական հանգամանքները (արարքները),
2) ՀՀ քրեական օրենսգրքի 344-րդ հոդվածի 2-րդ մասով նախատեսված արարքների քրեական հակաիրավականությունը,
3) մեղադրյալ Արտակ Հրաչյայի Մանուկյանի կողմից այդ արարքները կատարելը,
4) մեղադրյալ Արտակ Հրաչյայի Մանուկյանի մեղավորությունը տվյալ արարքները կատարելու մեջ,




Հ Ե Տ Ե Վ Ա Պ Ե Ս

ապացուցած է Արտակ Հրաչյայի Մանուկյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով՝ 2 դրվագ, նախատեսված հանցավոր արարքների կատարման մեջ:


ԴԱՏԱՎՈՐ Ա.ՀՈՎՀԱՆՆԻՍՅԱՆ