ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

18․03․2025թ. թիվ ԵԴ1/4024/01/24 ք. Երևան
Երևան քաղաքի առաջին ատյանի ընդհանուր իրավասության քրեական դատարանը հետևյալ կազմով՝

Նախագահող դատավոր Կ.Ֆարխոյան
քարտուղարությամբ Մ. Դաշյանի
մասնակցությամբ հանրային մեղադրող Դ․ Մարգարյանի
մեղադրյալ Ա․ Մենձիկյանի

Դռնբաց դատական նիստում, դատարանում, քննեց վարույթն ըստ մեղադրանքի՝ Արկադի Արթուրի Մենձիկյանի, ծնված 01.02.1992 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուրի, չի աշխատում, 2024 թվականի նոյեմբերի 11-ին Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/2964/01/24 դատավճռով դատապարտվել է տուգանքի 375.000 ՀՀ դրամի չափով, հաշվառված՝ Երևան քաղաքի Շենգավիթ վարչական շրջանի Հ․ Հովսեփյան փողոցի 10/1 շենքի բնակարան 8 հասցեում:
ՀՀ ՔԿ ԵՔՔՎ ՃՏՀ քննության բաժնում 11․10․2024 թվականին նախաձեռնվել է թիվ 60636624 քրեական վարույթը՝ ՀՀ քրեական օրենսգրքի 344-րդ հոդվածի 2-րդ մասով (հատոր 1, վ․թ․ 11)։
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ․ Մարգարյանի կողմից 16․12․2024 թվականին թիվ 60636624 քրեական վարույթով Արկադի Արթուրի Մենձիկյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում: (հատոր 1, վ․թ․ 24-25)։
2024 թվականի դեկտեմբերի 16-ին Արկադի Արթուրի Մենձիկյանի նկատմամբ որպես խափանման միջոց է կիրառվել բացակայելու արգելքը: (հատոր 1, վ․թ․ 27-28)։
Սույն քրեական վարույթը մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ուղարկվել 30․12․2024 թվականին, որը դատարանում ստացվել է նույն օրը և մակագրվել է դատավոր Կ. Ֆարխոյանին, իսկ 03․01․2025 թվականին հանձնվել է դատավոր Կ. Ֆարխոյանի աշխատակազմին:
2025 թվականի հունվարի 03-ին որոշում է կայացվել քրեական վարույթը ստանձնելու և նախնական դատալսումներ նշանակելու մասին:
2025 թվականի մարտի 18-ին որոշում է կայացվել հիմնական դատալսումներ նշանակելու մասին:
2025 թվականի մարտի 18-ին մեղադրյալ Արկադի Արթուրի Մենձիկյանի նկատմամբ կայացվել է մեղադրական վերդիկտ:
Դատարանը պարզեց հետևյալը, որ սույն քրեական վարույթով մեղադրյալ Արկադի Արթուրի Մենձիկյանը 2024 թվականի սեպտեմբերի 24-ին՝ ժամը 21:40-ի սահմաններում, վարել է «Կադիլակ» մակնիշի 70NU707 հաշվառման համարանիշի ավտոմեքենա՝ չունենալով տրանսպորտային միջոց վարելու իրավունք և միաժամանակ գտնվելով ոչ սթափ (հարբած) վիճակում։
Այսպես․
ՀՀ ոստիկանության պարեկային ծառայության կողմից թիվ 8180059600 վարչական իրավախախտման գործով 2021 թվականի նոյեմբերի 26-ին կայացված որոշմամբ Արկադի Արթուրի Մենձիկյանը 2(երկու) տարի ժամկետով՝ զրկվել է տրանսպորտային միջոցներ վարելու իրավունքից՝ սկսած 2021 թվականի նոյեմբերի 26-ից մինչև 2023 թվականի նոյեմբերի 27-ը, որի մասին պատշաճ ծանուցվել է։ Տրանսպորտային միջոցներ վարելու իրավունքից զրկման ժամկետն ավարտվելուց հետո Արկադի Արթուրի Մենձիկյանը, չստանալով տրանսպորտային միջոցն վարելու իրավունքի վարորդական վկայական և ՀՀ քրեական օրենսգրքի 344-րդ հոդվածի 5-րդ մասի իմաստով համարվելով տրանսպորտային միջոցներ վարելու իրավունք չունեցող անձ, 2024 թվականի սեպտեմբերի 24-ին՝ ժամը 21:40-ի սահմաններում, գտնվելով ոչ սթափ վիճակում (սթափության վիճակի զննման կտրոնի համարը՝ 02259)՝ մեկ լիտր արտաշնչած օդի մեջ մաքուր ալկոհոլի պարունակությունը 0,541 մգ/լ (առնվազն՝ 0,4869 մգ/լ՝ նկատի ունենալով ստուգաչափող թիվ 91101122 ալկոտեստեր սարքի չափման ճշտության 10% սխալանքը), Երևան քաղաքի Արմենակյան փողոցում վարել է «Կադիլակ» մակնիշի 70NU707 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Գարեգին Մադաթյանի կողմից նույն օրը՝ ժամը 21:49-ին, կազմվել է վարչական իրավախախտման վերաբերյալ թիվ 8180412860 արձանագրությունը:
Հիմնական դատալսումների ընթացքում մեղադրյալ Արկադի Արթուրի Մենձիկյանը ցուցմունք տվեց այն մասին, որ 2024 թվականի սեպտեմբերի 24-ին՝ ժամը 21:40-ին Երևան քաղաքի Արմենակյան փողոցում ոչ սթափ վիճակում վարել է տրանսպորտային միջոց: Ալկոհոլ օգտագործած է եղել գիշերն ուշ ժամի։ Ինքը չունի ՀՀ վարորդական իրավունքի վկայական, քանի որ երկու տարի ժամկետով զրկվել է տրանսպորտային միջոցներ վարելու իրավունքից, որից հետո ժամկետը լրացել է, սակայն նոր վարորդական իրավունքի վկայական ձեռք չի բերել: Ինքը զղջում է կատարածի համար։
Մեղադրյալ Արկադի Արթուրի Մենձիկյանին մեղսագրվող հանցավոր արարքը, բացի նրա կողմից տված խոստովանական ցուցմունքից հիմնավորվեց նաև հիմնական դատալսումների ընթացքում հետազոտված հետևյալ թույլատրելի ապացույցներով.
-Զննություն կատարելու մասին 11․12․2024 թվականի արձանագրությամբ, համաձայն որի՝ 2024 թվականի սեպտեմբերի 24-ին ՀՀ ոստիկանության Պարեկային ծառայության պարեկի կողմից Արկադի Արթուրի Մենձիկյանի վերաբերյալ կազմվել է վարչական իրավախախտման վերաբերյալ թիվ 8180412860 արձանագրությունն այն մասին, որ վերջինս նույն օրը՝ ժամը 21:40-ին, Երևան քաղաքի Արմենակյան փողոցում, չունենալով տրանսպորտային միջոցներ վարելու իրավունքի վկայական «Կադիլակ» մակնիշի 70NU707 հաշվառման համարանիշի ավտոմեքենան վարել է՝ ալկոհոլային խմիչք օգտագործած՝ ոչ սթափ վիճակում:
Թիվ 8180059600 վարչական իրավախախտման վերաբերյալ արձանագրության համաձայն 2021 թվականի նոյեմբերի 26-ին ժամը 05:00-ին, Արկադի Մենձիկյանը խուսափել է սթափության վիճակի զննություն անցնելուց, որից հետո նույն օրը 2 տարի ժամկետով զրկվել է տրանսպորտային միջոցներ վարելու իրավունքից:
Անձի սթափության վիճակի վերաբերյալ ուղեգրի համաձայն՝ 26.11.2021 թվականին Արկադի Մենձիկյանը ներկայացվել է սթափության վիճակի զննության և համաձայն թիվ 258 արձանագրության՝ վերջինս հրաժարվել է սթափության վիճակի զննություն անցնելուց։
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենի զննությամբ պարզվել է, որ Արկադի Մենձիկյանը տրանսպորտային միջոցներ վարելու իրավունքից զրկվել է 2 տարի ժամկետով, այն է՝ 26.11.2021-27.11.2023 թ․:
Արկադի Արթուրի Մենձիկյանի սթափության կտրոնի զննությամբ պարզվեց, որ ստուգաչափման սարքի համարը՝ 91101122 զննման համարը՝ 02259 զննման ամսաթիվը՝ 24.09.2024թ., ստուգումը կատարվել է ավտոմատ, ժամը՝ 21:48:46-ին, ալկոհոլի պարունակությունը՝ 0,541 մգ/լ, վարորդի անունը՝ Արկադի ազգանունը` Մենձիկյան, տրանսպորտային միջոցի համարանիշը՝ 70NU707, տեսուչի ազգանունը՝ Մադաթյան, կրծքանշանի համար՝ 09146, առկա են նաև ծանուցվող վարորդի և պարեկային ծառայողի ստորագրությունները։
Առկա է նաև սթափության 91101122 համարի սարքի, ստուգաչափման թիվ 120886 վկայականի պատճենը, որի զննությամբ պարզվեց, որ ստուգաչափման թվականն է 04.04.2024թ․ այն ուժի մեջ է մինչև 04.04.2025թ.: Չափման միջոցի անվանումը և տեսակը՝ ալկոմետր, գործարանային համարը՝ 91101122 տեսակը՝ «Jupiter X/RP», չափման տիրույթը՝ (0.000-2,000 մգ/լ), ճշտության կարգը և դասը (սխալանքը) 0:0,1+-5%, 0,1-0,15+-8% > 0,15+-10%, արտադրողը՝ Չինաստան, պատկանում է ՀՀ ՆԳՆ ոստիկանություն: (հատոր 1, վ.թ. 3-9, 17-18):
- Արտավարութային փաստաթուղթ ճանաչելու մասին 11․12․2024 թվականի որոշմամբ, համաձայն որի՝ թիվ 60636624 քրեական վարույթով Արկադի Արթուր Մենձիկյանի վերաբերյալ ՀՀ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրության (կից չլրացված վարչական իրավախախտման վերաբերյալ թիվ 8180412860 և 8180059600 արձանագրությունները) Արկադի Արթուրի Մենձիկյանի՝ սթափության զննության ենթարկելու վերաբերյալ 02259, զննման համարի կտրոնի, 91101122 համարի սարքի, թիվ 120886 ստուգաչափման վկայականի, Արկադի Արթուրի Մենձիկյանի վերաբերյալ ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի և Արկադի Մենձիկյանին սթափության վիճակի զննության ներկայացնելու վերաբերյալ կազմված թիվ 258 արձանագրության պատճենները ճանաչվել են արտավարութային փաստաթուղթ (հատոր 1, վ.թ. 19-20):
Դատարանն արձանագրում է, որ հիմնական դատալսումների ընթացքում պատշաճ իրավական ընթացակարգով թույլատրելի բոլոր ապացույցները հանգամանորեն հետազոտվել են՝ դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, դատարանը հաստատված է համարում, որ Արկադի Արթուրի Մենձիկյանը 2024 թվականի սեպտեմբերի 24-ին՝ ժամը 21:40-ի սահմաններում, վարել է «Կադիլակ» մակնիշի 70NU707 հաշվառման համարանիշի ավտոմեքենա չունենալով տրանսպորտային միջոց վարելու իրավունք և միաժամանակ գտնվելով ոչ սթափ (հարբած) վիճակում։
Այսպես․
ՀՀ ոստիկանության պարեկային ծառայության կողմից թիվ 8180059600 վարչական իրավախախտման գործով 2021 թվականի նոյեմբերի 26-ին կայացված որոշմամբ Արկադի Արթուրի Մենձիկյանը 2(երկու) տարի ժամկետով՝ զրկվել է տրանսպորտային միջոցներ վարելու իրավունքից՝ սկսած 2021 թվականի նոյեմբերի 26-ից մինչև 2023 թվականի նոյեմբերի 27-ը, որի մասին պատշաճ ծանուցվել է։ Տրանսպորտային միջոցներ վարելու իրավունքից զրկման ժամկետն ավարտվելուց հետո Արկադի Արթուրի Մենձիկյանը, չստանալով տրանսպորտային միջոց վարելու իրավունքի վարորդական վկայական և ՀՀ քրեական օրենսգրքի 344-րդ հոդվածի 5-րդ մասի իմաստով համարվելով տրանսպորտային միջոցներ վարելու իրավունք չունեցող անձ, 2024 թվականի սեպտեմբերի 24-ին՝ ժամը 21:40-ի սահմաններում, գտնվելով ոչ սթափ վիճակում (սթափության վիճակի զննման կտրոնի համարը՝ 02259)՝ մեկ լիտր արտաշնչած օդի մեջ մաքուր ալկոհոլի պարունակությունը 0,541 մգ/լ (առնվազն՝ 0,4869 մգ/լ՝ նկատի ունենալով ստուգաչափող թիվ 91101122 ալկոտեստեր սարքի չափման ճշտության 10% սխալանքը), Երևան քաղաքի Արմենակյան փողոցում վարել է «Կադիլակ» մակնիշի 70NU707 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության կրտսեր պարեկ Գարեգին Մադաթյանի կողմից նույն օրը՝ ժամը 21:49-ին, կազմվել է վարչական իրավախախտման վերաբերյալ թիվ 8180412860 արձանագրությունը:
Դատարանը հանգում է այն հետևության, որ մեղադրյալ Արկադի Արթուրի Մենձիկյանը կատարել է իրեն մեղսագրված արարքը, որի համար կիրառելի է ՀՀ քրեական օրենսգրքի 344-րդ հոդվածի 2-րդ մասը:
Դատարանը հաստատված համարելով հանցագործության և դրա կատարման մեջ Արկադի Արթուրի Մենձիկյանի մեղքի ապացուցված լինելը, գտնում է, որ նա ենթակա է պատժի կատարածի համար:
Որպես Արկադի Արթուրի Մենձիկյանի պատասխանատվությունը և պատիժը մեղմացնող հանգամանք դատարանը հաշվի է առնում, որ վերջինիս ընդունել է իրեն ներկայացված մեղադրանքը և զղջացել է կատարածի համար։
Արկադի Արթուրի Մենձիկյանի պատասխանատվությունը և պատիժը ծանրացնող հանգամանքներ առկա չեն:
Դատարանը մեղադրյալի նկատմամբ պատիժ նշանակելիս հաշվի է առնում ինչպես նրա կատարած գործողությունների բնույթն ու հանրության համար վտանգավորության աuտիճանը, պատասխանատվությունն ու պատիժը մեղմացնող հանգամանքների առկայությունը և պատասխանատվությունն ու պատիժը ծանրացնող հանգամանքների բացակայությունը, այնպես էլ նրա անձը բնութագրող տվյալները:
Մեղադրյալի նկատմամբ պատիժ նշանակելիս դատարանը ելնում է այն իրողությունից, որ օրենքի առաջնային պահանջը պատժի արդարացիությունն է, որը որպես քրեական իրավունքի սկզբունք ձևակերպված է ՀՀ քրեական օրենսգրքի 7-րդ հոդվածում. հանցանք կատարած անձի նկատմամբ կիրառվող պատիժը պետք է լինի արդարացի` համապատասխանի հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ ու բավարար լինեն նրան ուղղելու և նոր հանցագործությունները կանխելու համար:
ՀՀ քրեական օրենսգրքի 344-րդ հոդվածի 2-րդ մասի սանկցիան պատիժ է նախատեսում տուգանքի ձևով` առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկում՝ մեկից երկու ամիս ժամկետով, կամ ազատազրկում՝ առավելագույնը երկու տարի ժամկետով:
Նույն օրենսգրքի 59-րդ հոդվածի 3-րդ և 5-րդ մասերի համաձայն`
(․․․),
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով:
(․․․)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո: Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
Քրեաիրավական նշված նորմի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն պետությունում սահմանված ֆիքսված որևէ գումար, այլ հանցանք կատարած անձի եկամուտը:
ՀՀ քրեական օրենսգրքի 3-րդ հոդվածի համաձայն.
(…)
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, (…):
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը: Նկատի ունենալով, որ մեղադրյալ Արկադի Արթուրի Մենձիկյանը իրեն մեղսագրվող հանցանքը կատարել է 2024 թվականի սեպտեմբերի 24-ին, ուստի տվյալ պահին ՀՀ-ում ամսական նվազագույն աշխատավարձը հաշվարկվում է 75.000 ՀՀ դրամի չափով, դատարանը գտնում է, որ վերջինիս նկատմամբ որպես պատիժ պետք է նշանակել տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով:
Դատարանն արձանագրում է, որ ՀՀ քրեական օրենսգրքի 74-րդ հոդվածի 11-րդ մասի համաձայն՝ «Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը»։
Տվյալ դեպքում՝ Արկադի Արթուրի Մենձիկյանը Երևան քաղաքի առաջին ատյանի ընդհանուր իրավասության քրեական դատարանի 2024 թվականի նոյեմբերի 11-ի ԵԴ1/2964/01/24 դատավճռի համաձայն մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և դատապարտվել տուգանքի՝ 375․000 ՀՀ դրամի չափով։ Ուստի սույն վարույթով նշանակված պատժին պետք է գումարել վերոհիշյալ դատավճռով նշանակված և չկրած պատիժը՝ 375․000 ՀՀ դրամը։
Քննության առնելով դատապարտված մեղադրյալի նկատմամբ ընտրված խափանման միջոցի հարցը՝ դատարանը գտնում է, որ այն պետք է թողնել անփոփոխ մինչև դատավճիռն օրինական ուժի մեջ մտնելը :
Ապացույց ճանաչված արտավարութային փաստաթղթերը պետք է պահել քրեական վարույթում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 270-րդ, 347-350-րդ հոդվածներով, դատարանը
ՎՃՌԵՑ
Արկադի Արթուրի Մենձիկյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքում և նրա նկատմամբ որպես պատիժ նշանակել տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով։
ՀՀ քրեական օրենսգրքի 74-րդ հոդված 11-րդ մասի սահմանված կարգով սույն դատավճռով նշանակված պատժին գումարել Երևան քաղաքի առաջին ատյանի ընդհանուր իրավասության քրեական դատարանի 11․11․2024 թվականի թիվ ԵԴ1/2964/01/24 դատավճռով որպես պատիժ նշանակված տուգանքը՝ 375.000 ՀՀ դրամը և Արկադի Արթուրի Մենձիկյանի նկատմամբ վերջնական պատիժ նշանակել տուգանք՝ 825.000 (ութ հարյուր քսանհինգ հազար) ՀՀ դրամի չափով:
Արկադի Արթուրի Մենձիկյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճիռն օրինական ուժի մեջ մտնելը:
Ապացույց ճանաչված արտավարութային փաստաթղթերը պահել քրեական վարույթում:
Դատավճիռը հատուկ վերանայման կարգով կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում :


ԴԱՏԱՎՈՐ՝ Կ.ՖԱՐԽՈՅԱՆ