Գործ ԵԴ1/3979/01/24




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈւՆԻՑ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ` Վ.Լ.ԳՐԻԳՈՐՅԱՆ
ՔԱՐՏՈՒՂԱՐՈՒԹՅԱՄԲ` Լ.ՊՐԱԶՅԱՆԻ,
Մասնակցությամբ`
ՀԱՆՐԱՅԻՆ ՄԵՂԱԴՐՈՂ` Ն.ՄՀԵՐՅԱՆԻ,
ՊԱՇՏՊԱՆՆԵՐ՝ Տ.ԳՐԻԳՈՐՅԱՆԻ,
Ս.ՅՈՒԶԲԱՇՅԱՆԻ,
ՄԵՂԱԴՐՅԱԼՆԵՐ` Ա.ՀԱՄԲԱՐՁՈՒՄՅԱՆԻ,
Ս.ՀԱՄԲԱՐՁՈՒՄՅԱՆԻ,

2025 թվականի մայիսի 29-ին Երևան քաղաքում` դռնբաց դատական նիստում, արագացված վարույթի կարգով քննության առնելով քրեական գործն ըստ մեղադրանքի`
Աշոտ Պավելի Համբարձումյանի /ծնված՝ 06.12.2003թ., Արմավիրի մարզի Բերքաշատ գյուղում, ազգությամբ՝ հայ, ՀՀ քաղաքացի, կրթություն չունի, չի աշխատում, չամուսնացած, նախկինում չդատված, հաշվառման և մշտական բնակության վայր չունի/ մեղադրվում է ՀՀ քրեական օրենսգրքի 253-րդ hոդվածի 1-ին մասով և 252-րդ hոդվածի 2-րդ մասի 3-րդ և 5-րդ կետերով, սույն գործով անազատության մեջ է գտնվում 2024 թվականի հուլիսի 20-ից.
Սերյոժա Պավելի Համբարձումյանի /ծնված՝ 13.03.2000թ., ք.Արմավիր, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում դատապարտված՝ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2017թ. հունիսի 2-ի դատավճռով մեղավոր է ճանաչվել ՀՀ 18.04.2003թ. քրեական օրենսգրքի 104-րդ հոդվածի 1-ին մասով և 112-րդ հոդվածի 1-ին մասով և դատապարտվել է ազատազրկման 9 (ինը) տարի ժամկետով, համաներման կիրառմամբ պատիժը կրճատվել է 9 (ինը) ամսով, 20.02.2023թ-ին պայմանական վաղաժամկետ ազատվել է 1 տարի 7 ամիս 4 օր պատժի կրումից, գրանցված ՀՀ ԱՆ Սևան ՔԿՀ, փաստացի բնակության հասցե չունի/ մեղադրվում է ՀՀ քրեական օրենսգրքի 252-րդ hոդվածի 2-րդ մասի 3-րդ և 5-րդ կետերով, սույն գործով անազատության մեջ է գտնվում 2024 թվականի հուլիսի 20-ից.

Պ Ա Ր Զ Ե Ց

Գործի դատավարական նախապատմությունը.
2024 թվականի հուլիսի 15-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական երկրորդ բաժնի ՀԿԳ քննիչ Ա.Հախվերդյանը կազմել է արձանագրություն՝ ՀՀ քրեական օրենսգրքի 252-րդ հոդվածի 2-րդ մասի 3-րդ կետի հատկանիշներով թիվ 13-0843-24 քրեական վարույթը նախաձեռնելու մասին:
2024 թվականի հուլիսի 15-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական երկրորդ բաժնի պետի տեղակալ Գ.Հովհաննիսյանը որոշում է կայացրել թիվ 13-0843-24 քրեական վարույթի նախաքննության կատարումը մի քանի քննիչի հանձնարարելու մասին:
2024 թվականի հուլիսի 15-ին ՀԿԳ քննիչ Ա.Հախվերդյանը որոշում է կայացրել Համեդ Աբդոլհամիդ Բորդբարին թիվ 13-0843-24 քրեական վարույթով որպես տուժող ճանաչելու մասին:
2024 թվականի հուլիսի 20-ին ՀՀ ոստիկանության Կենտրոնական բաժնի ՔՀԲ օ/լ Ռ.Ասլանյանը կազմել է արձանագրություն՝ Սերյոժա Պավելի Համբարձումյանին ձերբակալելու վերաբերյալ:
2024 թվականի հուլիսի 20-ին ՀՀ ոստիկանության Կենտրոնական բաժնի ՔՀԲ օ/լ Ռ.Ասլանյանը կազմել է արձանագրություն՝ Աշոտ Պավելի Համբարձումյանին ձերբակալելու վերաբերյալ:
2024 թվականի հուլիսի 20-ին ՀԿԳ քննիչ Ա.Հախվերդյանը որոշում է կայացրել Սերյոժա Պավելի Համբարձումյանին ձերբակալելու վերաբերյալ:
2024 թվականի հուլիսի 20-ին ՀԿԳ քննիչ Ա.Հախվերդյանը որոշում է կայացրել Աշոտ Պավելի Համբարձումյանին ձերբակալելու վերաբերյալ:
2024 թվականի հուլիսի 18-ին ՀՀ ՆԳՆ ոստիկանության ԵՔՎ 3-րդ գումարտակի 3-րդ վաշտի կրտսեր պարեկ Կ.Հարությունյանը կազմել է արձանագրություն՝ Սերյոժա Պավելի Համբարձումյանին ձերբակալելու վերաբերյալ:
2024 թվականի հուլիսի 18-ին ՀՀ ՆԳՆ ոստիկանության ԵՔՎ 3-րդ գումարտակի 3-րդ վաշտի կրտսեր պարեկ Կ.Հարությունյանը կազմել է արձանագրություն՝ Աշոտ Պավելի Համբարձումյանին ձերբակալելու վերաբերյալ:
2024 թվականի հուլիսի 18-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական երկրորդ բաժնի քննիչ Հ.Թումասյանը կազմել է արձանագրություն՝ ՀՀ քրեական օրենսգրքի 334-րդ հոդվածի 1-ին մասի հատկանիշներով թիվ 13-0876-24 քրեական վարույթը նախաձեռնելու մասին:
2024 թվականի հուլիսի 18-ին քննիչ Հ.Թումասյանը որոշում է կայացրել Սերյոժա Համբարձումյանին ազատ արձակելու մասին:
2024 թվականի հուլիսի 18-ին քննիչ Հ.Թումասյանը որոշում է կայացրել Աշոտ Համբարձումյանին ազատ արձակելու մասին:
2024 թվականի հուլիսի 20-ին ՀԿԳ քննիչ Ա.Հախվերդյանը որոշում է կայացրել թիվ 13-0876-24 քրեական վարույթը թիվ 13-0843-24 քրեական վարույթին միացնելու մասին:
2024 թվականի հունիսի 23-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական երրորդ բաժնի քննիչ Ի.Խաչատրյանը կազմել է արձանագրություն՝ ՀՀ քրեական օրենսգրքի 253-րդ հոդվածի 1-ին մասի հատկանիշներով թիվ 08-0608-24 քրեական վարույթը նախաձեռնելու մասին:
2024 թվականի հունիսի 25-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ Հ.Ժամակոչյանը կազմել է արձանագրություն՝ ՀՀ քրեական օրենսգրքի 253-րդ հոդվածի 1-ին մասի հատկանիշներով թիվ 08-0629-24 քրեական վարույթը նախաձեռնելու մասին:
2024 թվականի հուլիսի 22-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ն.Մհերյանը որոշում է կայացրել թիվ 13-0843-24 քրեական վարույթով Աշոտ Պավելի Համբարձումյանի նկատմամբ ՀՀ քրեական օրենսգրքի 252-րդ հոդվածի 2-րդ մասի 3-րդ և 5-րդ կետերով հանրային քրեական հետապնդում հարուցելու մասին:
2024 թվականի հուլիսի 22-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ն.Մհերյանը որոշում է կայացրել թիվ 13-0843-24 քրեական վարույթով Սերյոժա Պավելի Համբարձումյանի նկատմամբ ՀՀ քրեական օրենսգրքի 252-րդ հոդվածի 2-րդ մասի 3-րդ և 5-րդ կետերով հանրային քրեական հետապնդում հարուցելու մասին:
2024 թվականի հուլիսի 23-ին ՀԿԳ քննիչ Ա.Հախվերդյանը որոշում է կայացրել Աշոտ Համբարձումյանին ազատ արձակելու մասին:
2024 թվականի հուլիսի 23-ին ՀԿԳ քննիչ Ա.Հախվերդյանը որոշում է կայացրել Սերյոժա Համբարձումյանին ազատ արձակելու մասին:
2024 թվականի հուլիսի 23-ին ՀԿԳ քննիչ Ա.Հախվերդյանը որոշում է կայացրել ազատության մեջ գտնվող մեղադրյալ Սերյոժա Համբարձումյանին դատարան ներկայացնելու նպատակով ձերբակալելու մասին:
2024 թվականի հուլիսի 23-ին ՀԿԳ քննիչ Ա.Հախվերդյանը որոշում է կայացրել ազատության մեջ գտնվող մեղադրյալ Աշոտ Համբարձումյանին դատարան ներկայացնելու նպատակով ձերբակալելու մասին:
2024 թվականի հուլիսի 23-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել Աշոտ Պավելի Համբարձումյանի նկատմամբ խափանման միջոց կալանավորում կիրառելու մասին:
2024 թվականի հուլիսի 23-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել Սերյոժա Պավելի Համբարձումյանի նկատմամբ խափանման միջոց կալանավորում կիրառելու մասին:
2024 թվականի հուլիսի 01-ին ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական առաջին բաժնի քննիչ Ն.Հարությունյանը կազմել է արձանագրություն՝ ՀՀ քրեական օրենսգրքի 253-րդ հոդվածի 1-ին մասի հատկանիշներով թիվ 15-0619-24 քրեական վարույթը նախաձեռնելու մասին:
2024 թվականի հուլիսի 01-ին ՀԿԳ քննիչ քննիչ Ն.Հարությունյանը որոշում է կայացրել Սամվել Սարգսի Սահակյանին թիվ 15-0619-24 քրեական վարույթով որպես տուժող ճանաչելու մասին:
2024 թվականի սեպտեմբերի 03-ին ՀԿԳ քննիչ Ա.Հախվերդյանը որոշում է կայացրել թիվ 15-0619-24 քրեական վարույթը թիվ 13-0843-24 քրեական վարույթին միացնելու մասին:
2024 թվականի սեպտեմբերի 19-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել Աշոտ Պավելի Համբարձումյանի նկատմամբ կիրառված խափանման միջոց կալանքի տակ պահելու ժամկետը երկարաձգելու մասին:
2024 թվականի սեպտեմբերի 19-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել Սերյոժա Պավելի Համբարձումյանի նկատմամբ կիրառված խափանման միջոց կալանքի տակ պահելու ժամկետը երկարաձգելու մասին:
2024 թվականի նոյեմբերի 14-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ն.Մհերյանը որոշում է կայացրել թիվ 13-0843-24 քրեական վարույթով Սերյոժա Պավելի Համբարձումյանի նկատմամբ ՀՀ քրեական օրենսգրքի 252-րդ հոդվածի 2-րդ մասի 3-րդ և 5-րդ կետերով հանրային քրեական հետապնդում հարուցելու մասին՝ ՀՀ քրեական օրենսգրքով նախատեսված այն հանցանքի կատարման համար, որ նա եղբոր՝ Աշոտ Համբարձումյանի հետ խմբի կազմում մարմնական վնասվածք պատճառելու համար նախապես հարմարեցված առարկա հանդիսացող դանակի գործադրմամբ Համեդ Աբդելհամիդի Բորդբարիի նկատմամբ բռնություն գործադրելով իրականացրել են վերջինիս գույքի հափշտակությունը:
Այսպես.
Սերյոժա Պավելի Համբարձումյանը խմբի կազմում բռնություն գործադրելով գույքի հափշտակություն կատարելու շուրջ նախանական համաձայնության գալով եղբոր՝ Աշոտ Պավելի Համբարձումյանի հետ, 2024 թվականի հուլիսի 15-ին ժամը 03:00-ի սահմաններում գնացել են Երևան քաղաքի «Օղակաձև» այգի և նշված վայրում գտնվող տաղավարներից մեկում քնած վիճակում գտնվող Համեդ Աբդելհամիդի Բորդբարիի գույքը հափշտակելու նպատակով հարձակվել են վերջինիս վրա, որի ընթացքում մեկը մյուսի գործողությունները փոխլրացնելով բռնություն են գործադրել վերջինիս նկատմամբ, մասնավորապես՝ Աշոտ Համբարձումյանը ձեռքերով և ոտքերով բազմաթիվ հարվածներ է հասցրել Համեդ Աբդելհամիդի Բորդբարի մարմնի տարբեր հատվածներին՝ վերջինիս պատճառելով աջ ակնակապճի, քիթ շրթունքային եռանկյան, վերին շրթունքի թվով երկու պատռած վերքերի, ձախ ակնակապճի վերին և ստորին կոպերի արունազեղումի, աջից՝ անրակոսկրի, ուսահոդի, արմնկահոդի թվով երեք քերծվածքների ձևով՝ առողջությանը թեթև վնասի հատկանիշներ պարունակող մարմնական վնասվածքներ, որից հետո Սերյոժա Համբարձումյանը Համեդ Աբդելհամիդի Բորդբարին վերջնականապես վախեցնելու նպատակով ցուցադրել է իր մոտ գտնվող մարմնական վնասվածք պատճառելու համար նախապես հարմարեցված առարկա հանդիսացող դանակը, անկանոն շարժումներ անելով սպառնացել հարվածել, ինչից հետո Սերյոժա և Աշոտ Համբարձումյանները օգտվելով Համեդ Աբդելհամիդի Բորդբարիի կողմից դիմադրություն ցույց տալու անկարողությունից վերջինիս պատկանող պայուսակից և հագուստից հափշտակել են՝ թվով 1 հատ 3000 ՀՀ դրամ գումար արժողությաբ «PHILIPS» ապրանքանիշի լիցքավորիչ, թվով մեկ հատ 2.400 ՀՀ դրամ արժողությամբ պարսկական ադիալ, թվով մեկ հատ 2.440 ՀՀ դրամ արժողությամբ ծաղկի նկարներով սավան, թվով երեք հատ յուրաքանչյուրը՝ 2.000 ՀՀ դրամ գումար արժողությամբ կարճաթև շապիկ, թվով մեկ հատ 10.000 ՀՀ դրամ արժողությամբ «SAMSUNG» մոդելի բջջային հեռախոս, ընդհանուր 2.000 ՀՀ դրամ գումար արժողությամբ ընդհանուր 240.000 ԻԻՀ թուման գումար՝ Համեդ Աբդելհամիդի Բորդբարին պատճառելով ընդհանուր՝ 25.800 ՀՀ դրամի գույքային վնաս:
2024 թվականի նոյեմբերի 14-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ն.Մհերյանը որոշում է կայացրել թիվ 13-0843-24 քրեական վարույթով Աշոտ Պավելի Համբարձումյանի նկատմամբ ՀՀ քրեական օրենսգրքի 253-րդ հոդվածի 1-ին մասով և ՀՀ քրեական օրենսգրքի 252-րդ հոդվածի 2-րդ մասի 3-րդ և 5-րդ կետերով հանրային քրեական հետապնդում հարուցելու մասին՝ ՀՀ քրեական օրենսգրքով նախատեսված այն հանցանքի կատարման համար, որ նա ուրիշի գույքի բացահայտ հափշտակություն կատարելու դիտավորությամբ իրականացրել է Սամվել Սահակյանի գույքի հափշտակությունը:
Այսպես՝
Աշոտ Պավելի Համբարձումյանը 2024 թվականի հուլիսի 01-ին ժամը 16:30-ի սահմաններում գտնվելով Երևան քաղաքի «Օղակաձև» զբոսայգում և նկատելով, որ զբոսայգու նստարաններից մեկի վրա առկա է պայուսակ, անտեսելով Սամվել Սահակյանի նշված պայուսակի կողքին նստած լինելու հանգամանքը, գիտակցելով Սամվել Սահակյանի, ինչպես նաև այլ անձանց կողմից իր գործողությունների բացահայտ և նկատելի լինելու հանգամանքները, բացահայտ կերպով հափշտանել է Սամվել Սահակյանի կողքին դրված և վերջինիս պատկանող պայուսակը և դիմել փախուստի Սամվել Սահակյանին պատճառելով ընդհանուր՝ 345.000 ՀՀ դրամի գույքային վնաս:
Բացի այդ, Աշոտ Համբարձումյանը եղբոր՝ Սերյոժա Համբարձումյանի հետ խմբի կազմում մարմնական վնասվածք պատճառելու համար նախապես հարմարեցված առարկա հանդիսացող դանակի գործադրմամբ Համեդ Աբդելհամիդի Բորդբարիի նկատմամբ բռնություն գործադրելով իրականացրել են վերջինիս գույքի հափշտակությունը:
Այսպես.
Աշոտ Պավելի Համբարձումյանը խմբի կազմում բռնություն գործադրելով գույքի հափշտակություն կատարելու շուրջ նախանական համաձայնության գալով եղբոր՝ Սերյոժա Պավելի Համբարձումյանի հետ, 2024 թվականի հուլիսի 15-ին ժամը 03:00-ի սահմաններում գնացել են Երևան քաղաքի «Օղակաձև» այգի և նշված վայրում գտնվող տաղավարներից մեկում քնած վիճակում գտնվող Համեդ Աբդելհամիդի Բորդբարիի գույքը հափշտակելու նպատակով հարձակվել են վերջինիս վրա, որի ընթացքում մեկը մյուսի գործողությունները փոխլրացնելով բռնություն են գործադրել վերջինիս նկատմամբ, մասնավորապես՝ Աշոտ Համբարձումյանը ձեռքերով և ոտքերով բազմաթիվ հարվածներ է հասցրել Համեդ Աբդելհամիդի Բորդբարի մարմնի տարբեր հատվածներին՝ վերջինիս պատճառելով աջ ակնակապճի, քիթ շրթունքային եռանկյան, վերին շրթունքի թվով երկու պատռած վերքերի, ձախ ակնակապճի վերին և ստորին կոպերի արյունազեղումի, աջից՝ անրակոսկրի, ուսահոդի, արմնկահոդի թվով երեք քերծվածքների ձևով՝ առողջությանը թեթև վնասի հատկանիշներ պարունակող մարմնական վնասվածքներ, որից հետո Սերյոժա Համբարձումյանը Համեդ Աբդելհամիդի Բորդբարին վերջնականապես վախեցնելու նպատակով ցուցադրել է իր մոտ գտնվող մարմնական վնասվածք պատճառելու համար նախապես հարմարեցված առարկա հանդիսացող դանակը, անկանոն շարժումներ անելով սպառնացել հարվածել, ինչից հետո Աշոտ և Սերյոժա Համբարձումյանները օգտվելով Համեդ Աբդելհամիդի Բորդբարիի կողմից դիմադրություն ցույց տալու անկարողությունից վերջինիս պատկանող պայուսակից և հագուստից հափշտակել են՝ թվով 1 հատ 3000 ՀՀ դրամ գումար արժողությաբ «PHILIPS» ապրանքանիշի լիցքավորիչ, թվով մեկ հատ 2.400 ՀՀ դրամ արժողությամբ պարսկական ադիալ, թվով մեկ հատ 2.400 ՀՀ դրամ արժողությամբ ծաղկի նկարներով սավան, թվով երեք հատ յուրաքանչյուրը՝ 2.000 ՀՀ դրամ գումար արժողությամբ կարճաթև շապիկ, թվով մեկ հատ 10.000 ՀՀ դրամ արժողությամբ «SAMSUNG» մոդելի բջջային հեռախոս, ընդհանուր 2.000 ՀՀ դրամ գումար արժողությամբ ընդհանուր 240.000 ԻԻՀ թուման գումար՝ Համեդ Աբդելհամիդի Բորդբարին պատճառելով ընդհանուր՝ 25.800 ՀՀ դրամի գույքային վնաս:
2024 թվականի նոյեմբերի 18-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել Սերյոժա Պավելի Համբարձումյանի նկատմամբ կիրառված խափանման միջոց կալանքի տակ պահելու ժամկետը երկարաձգելու մասին:
2024 թվականի նոյեմբերի 19-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել Աշոտ Պավելի Համբարձումյանի նկատմամբ կիրառված խափանման միջոց կալանքի տակ պահելու ժամկետը երկարաձգելու մասին:
2024 թվականի դեկտեմբերի 06-ին ՀԿԳ քննիչ Ա.Հախվերդյանը որոշում է կայացրել դատագենետիկական փորձաքննության թիվ 179 եզրակացության մեջ նկարագրված Համեդ Աբդոլհամիդ Բորդբարի կենսաբանական ծագման նմուշը, Համեդ Աբդելհամիդ Բորդբարին պատկանող դեղին բլուզը, ՀՀ քննչական կոմիտե 13-0843-24 գետին… գրառումներով փաթեթից հայտնաբերված բամբակե սկավառակը, ՀՀ քննչական կոմիտե 13-0843-24 նստարան... գրառումներով փաթեթից հայտնաբերված բանբակե սկավառակը թիվ 13-0843-24 քրեական վարույթով իրեղեն ապացույց ճանաչելու մասին:
2024 թվականի դեկտեմբերի 06-ին ՀԿԳ քննիչ Ա.Հախվերդյանը որոշում է կայացրել 20.07.2024թ. Սերյոժա Պավելի Համբարձումյանից առգրավված ձախ թևի հատվածում ՌԴ զինանշանն ունեցող, աջ թևի հատվածում Ռուսաստանի դրոշի պատկեր կրող, մեջքի հատվածում 2012 գրառմամբ, կարմիր և սպիտակ գույների սպորտյին վերնազգեսը, սև գույնի նմանվող գույնի, երկարաթև, կրծքավանդակի հատվածում սպիտակավուն գույնի, մորուքով տղամարդու դիմանկար կրող, դիմանկարի վերնամասում ռուսերեն «A Я КАКОЙ» գրառմամբ, կլոր պարանոցով վերնաշապիկը, սևի նմանվող գույնի անդրավարիքը, սև և սպիտակավուն գույնի, աջ ոտքի վրա «ADIDAS» ապրանքային նշանի տարբերանշանը կրող սպորտային տաբատը և 20.07.2024թ. Աշոտ Պավելի Համբարձումյանց առգրավված, կրծքավանդակի աջ հատվածում «AIX» գրառմամբ մուգ կապույտ գույնի կարճաթև վերնաշապիկը և աջ հետևի գրպանի հատվածում կապույտ գույնի անգլերեն տառերով ասեղնագործ գրված «Stefano Ricci» գրառումներով ջինսե տաբատը թիվ 13-0843-24 քրեական վարույթով իրեղեն ապացույց ճանաչելու մասին:
2024 թվականի դեկտեմբերի 06-ին ՀԿԳ քննիչ Ա.Հախվերդյանը որոշում է կայացրել 01.07.2024թ. կատարված դեպքի վայրի զննությամբ Վարդան Մամիկոնյանի արձանի հետնամասից վերցված 1 զույգ օձանման նախշերով, սև ռեզինե ներբաններով, ներբանների ստորին մակերեսին 42 գործարանային դաջվածքներով, սև կաշվե կտորե միջադիրներով, օգտագործման բացահայտ նշաններով կոշիկները թիվ 13-0843-24 քրեական վարույթով իրեղեն ապացույց ճանաչելու մասին:
2024 թվականի դեկտեմբերի 06-ին ՀԿԳ քննիչ Ա.Հախվերդյանը որոշում է կայացրել 03.07.2024թ. ի պատասխան վարույթն իրականացնող մարմնի թիվ 42/42-1/201834-2024թ. գրության ՀՀ ՆԳՆ ոստիկանության ՃՈ-ից թիվ ՄԳ/159611-24 գրությամբ ստացված թվով 1՝ «BOROFONE» ապրանքանիշի էլեկտորնային կրիչը, 15.10.2024թ. առարկաներ և փաստաթղթեր վերցնելու մասին արձանագրությամբ ՀՀ ՆԳՆ ոստիկանության Կենտրոնական բաժնի ՔՀԲ օ/լ ոստիկանության կապիտան Սուրեն Զորունցից վերցված թվով 1 «MEDIA» ապրանքանիշի լազերային սկավառակը, 10.09.2024թ. «Վիվա Արմենիա» ՓԲԸ-ի կողմից, թիվ 42/2/278051-24 գրությանը ի պատասխան, տրամադրված թվով 1 «BINGO» ապրանքանիշի լազերային սկավառակը, 26.08.2024թ. ՀՀ ՆԳՆ ԿՏՏՎ-ից վարույթն իրականացնող մարմնի 13.08.2024թ. թիվ 42/42-2245787-2024 գրությանն ի պատասխան վարույթն իրականացնող մարմին ստացված, +374-98-35-75-76 բջջային հեռախոսահամարից ՀՀ ՆԳՆ ոստիկանության ՕԿԿ կատարված ահազանգի ձայնագրությունը բովանդակող թվով 1 «BINGO» ապրանքանիշի լազերային սկավառակը, 12.09.2024թ. ի պատասխան վարույթն իրականացնող մարմնի 10.09.2024թ. թիվ 42/42-2/279715-2024 թվականի գրության, 01.07.2024 թվականին 096-50-89-99 բջջային հեռախոսահամարից 911 կատարված ահազանգի ձայնագրությունները բովանդակող թվով 1 «MEDIA» ապրանքանիշի լազերային սկավառակը և 13.09.2024թ. ի պատասխան վարույթն իրականացնող մարմնի 10.09.2024թ. թիվ 42/42-2/279706-2024 թվականի գրության 01.07.2024 թվականին ժամը 16:58-ին 099-82-99-97 բջջային հեռախոսահամարից ՀՀ ՆԳՆ ոստիկանության ՕԿԿ կատարված ահազանգի ձայնագրությունները բովանդակող «BINGO» ապրանքանիշի լազերային սկավառակը թիվ 13-0843-24 քրեական վարույթով որպես արտավարութային փաստաթուղթ ապացույց ճանաչելու մասին:
2024 թվականի դեկտեմբերի 09-ին ՀԿԳ քննիչ Ա.Հախվերդյանը կազմել է արձանագրություն՝ ՀՀ քրեական օրենսգրքի 393-րդ հոդվածի 1-ին մասի հատկանիշներով թիվ 13150124 քրեական վարույթը նախաձեռնելու մասին:
2024 թվականի դեկտեմբերի 16-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ն.Մհերյանը որոշում է կայացրել թիվ 13-0843-24 քրեական վարույթով Սերյոժա Պավելի Համբարձումյանի նկատմամբ ՀՀ քրեական օրենսգրքի 334-րդ հոդվածի 1-ին մասով հանրային քրեական հետապնդում չհարուցելու մասին՝ Հհ քրեական դատավարության օրենսգրքի 12-րդ հոդվածի 1-ին մասի 1-ին կետով նախատեսված հիմքով:
2024 թվականի դեկտեմբերի 16-ին ՀԿԳ քննիչ Ա.Հախվերդյանը որոշում է կայացրել դատատեխնիկական փորձաքննության թիվ 983-24 եզրակացության մեջ նկարագրված, Սերյոժա Պավելի Համբարձումյանի անձնական խուզարկությամբ հայտնաբերված և վերցված գործարանային արտադրության, հոդակապաիրանային, տնտեսական նշանակության ծալովի դանակը թիվ 13-0843-24 քրեական վարույթով իրեղեն ապացույց ճանաչելու մասին:
2024 թվականի դեկտեմբերի 17-ին ՀԿԳ քննիչ Ա.Հախվերդյանը որոշում է կայացրել 16.12.2024 թվականին «Վիվա Արմենիա» բջջային օպերատորի կողմից ի պատասխան վարույթն իրականացնող մարմնի թիվ 42/42-2/395284-24 գրության թիվ L380 գրությամբ ստացված և զննված թվով 3 էջը և յանդեքս քարտեզից արտատպված թվով 6 էջը թիվ 13-0843-24 քրեական վարույթով որպես արտավարութային փաստաթուղթ ապացույց ճանաչելու մասին:
2024 թվականի դեկտեմբերի 27-ին թիվ 13-0843-24 քրեական վարույթը՝ հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստացել է թիվ ԵԴ1/3979/01/24 դատական համարը:

Արագացված վարույթ.
15.05.2025թ-ին կայացած դատական նիստի ընթացքում մեղադրյալներ Աշոտ Պավելի Համբարձումյանը և Սերյոժա Պավելի Համբարձումյանը միջնորդեցին կիրառել արագացված վարույթ և հայտարարեցին, որ միջնորդությունը ներկայացրել են կամավոր, խորհրդակցել են պաշտպանների հետ, գիտակցում են արագացված վարույթ կիրառելու բնույթը և հետևանքները:
Մեղադրյալները հայտնեցին, որ ներկայացված մեղադրանքներն իրենց պարզ են, համաձայն են մեղադրանքի հետ, պնդում են արագացված վարույթ կիրառելու մասին միջնորդությունը, միջնորդությունը ներկայացրել են կամավոր, մինչև միջնորդությունը ներկայացնելը խորհրդակցել են պաշտպանների հետ, գիտակցում են արագացված վարույթ կիրառելու հետևանքները:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են նույն օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, որոշում է կայացրել արագացված վարույթ կիրառելու մասին միջնորդությունը բավարարելու և լրացուցիչ դատալսումներ անցկացնելու մասին:

Դատարանի իրավական վերլուծությունները.
Մեղադրյալների նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ քրեական օրենսգրքի 14-րդ հոդվածի համաձայն` «1. Քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է:»:
ՀՀ քրեական օրենսգրքի 16-րդ հոդվածի համաձայն`
«1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը:
(...)»:
ՀՀ քրեական օրենսգրքի 252-րդ հոդվածի համաձայն`
«1. Ավազակությունը՝ բռնություն գործադրելով կամ դա գործադրելու սպառնալիքով կատարված հափշտակությունը՝
պատժվում է ազատազրկմամբ՝ երեքից վեց տարի ժամկետով:
2. Ավազակությունը, որը կատարվել է՝
(...)
3) մի խումբ անձանց կողմից նախնական համաձայնությամբ,
(...)
5) զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ,
(...)
պատժվում է ազատազրկմամբ՝ հինգից տասը տարի ժամկետով:
(...):»:
ՀՀ քրեական օրենսգրքի 253-րդ հոդվածի համաձայն`
«1. Կողոպուտը՝ բացահայտ հափշտակությունը, երբ հանցավորը գիտակցում է, որ արարքը կատարում է բացահայտ՝
պատժվում է տուգանքով՝ տասնապատիկից երեսնապատիկի չափով, կամ հանրային աշխատանքներով՝ հարյուրից երկու հարյուր ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երեք տարի ժամկետով:
(...):»:
Մեղադրյալների նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:»:
ՀՀ Սահմանադրության 72-րդ հոդվածի համաձայն՝
«Ոչ ոք չի կարող դատապարտվել այնպիսի գործողության կամ անգործության համար, որը կատարման պահին հանցագործություն չի հանդիսացել: Չի կարող նշանակվել ավելի ծանր պատիժ, քան այն, որը ենթակա էր կիրառման հանցանք կատարելու պահին: Արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ:»:
ՀՀ քրեական օրենսգրքի 55-րդ հոդվածի համաձայն`
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 77-րդ հոդվածի համաձայն՝
«(...)
4. Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից։
(...)
8. Սույն հոդվածի 4-րդ և 5-րդ մասերով պատժի նշանակման դեպքում սույն օրենսգրքի 76-րդ հոդվածով սահմանված կանոնները կիրառելի են: Սույն օրենսգրքի 76-րդ հոդվածի 3-րդ մասով նախատեսված ռեցիդիվի պայմաններում արագացված վարույթ կիրառելու դեպքում սույն հոդվածի 4-րդ մասով նախատեսված կանոնները կիրառվում են սույն օրենսգրքի 76-րդ հոդվածի 3-րդ մասով նախատեսված պատժի նշանակման կանոնները կիրառելուց հետո:
(...)
10. Համաձայնեցման կամ համագործակցության կամ արագացված վարույթ կիրառելն արգելք չէ լրացուցիչ պատիժ կամ անվտանգության միջոց նշանակելու համար:»:
ՀՀ քրեական օրենսգրքի 253-րդ հոդվածի 1-ին մասի սանկցիան այլընտրանքային է, պատիժ է նախատեսում ինչպես տուգանքի, հանրային աշխատանքների, ազատության սահմանափակման, այնպես էլ՝ ազատազրկման ձևով, իսկ ՀՀ քրեական օրենսգրքի 252-րդ հոդվածի 2-րդ մասի սանկցիայով պատիժ է նախատեսվում միայն ազատազրկման ձևով:
Ուսումնասիրելով մեղադրյալ Աշոտ Համբարձումյանի անձը` նրա կատարած հանցագործությունների համար պատիժ նշանակելիս, Դատարանը հաշվի է առնում հանցագործությունների բնույթն ու հանրության համար վտանգավորության աստիճանը, հանցավորի անձը, այն որ վերջինս մինչև սույն գործով մեղսագրվող արաքների կատարումը դատված չի եղել, իրեն մեղավոր է ճանաչել:
Մեղադրյալ Աշոտ Համբարձումյանի պատասխանատվությունը և պատիժը մեղմացնող ու ծանրացնող հանգամանքներ առկա չեն:
Հաշվի առնելով մեղադրյալ Աշոտ Համբարձումյանի կատարած հանցագործությունների բնույթը և հանրության համար վտանգավորության աստիճանը, դրանց կատարման եղանակը, հանցավոր մտադրության իրականացման աստիճանը, հանցագործությունները կատարելուց հետո նրա դրսևորած վարքագիծը, ինչպես նաև խախտված հասարակական հարաբերության սոցիալական նշանակությունը, Դատարանը գտնում է, որ Աշոտ Համբարձումյանն իր կատարած` ՀՀ քրեական օրենսգրքի 253-րդ հոդվածի 1-ին մասով նախատեսված հանցագործության համար ենթակա է տուգանքի ձևով նախատեսված պատժի, իսկ ՀՀ քրեական օրենսգրքի 252-րդ հոդվածի 2-րդ մասի 3-րդ և 5-րդ կետերով նախատեսված հանցագործության համար ենթակա է ազատազրկման ձևով նախատեսված պատժի՝ այդ հանցանքների համար նախատեսված նվազագույն չափերով:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո։ Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
(…)»:
Ուսումնասիրելով մեղադրյալ Սերյոժա Համբարձումյանի անձը` նրա կատարած հանցագործության համար պատիժ նշանակելիս, Դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ վերջինս իրեն մեղավոր է ճանաչել:
ՀՀ քրեական օրենսգրքի 76-րդ հոդվածի համաձայն՝
«1. Հանցագործությունների ռեցիդիվի դեպքում պատիժ նշանակելիս հաշվի են առնվում կատարված հանցանքների քանակը, բնույթը և ծանրությունը, այն հանգամանքները, որոնց հետևանքով նախկինում նշանակված պատիժը բավարար չի եղել անձի վերասոցիալականացման համար, ինչպես նաև նոր հանցանքի բնույթը, ծանրությունը և հետևանքները:
1.1. Հանցագործությունների ռեցիդիվի դեպքում նշանակվում է ազատազրկում կամ ցմահ ազատազրկում պատժատեսակը, եթե կատարված հանցանքի համար պատասխանատվություն նախատեսող հոդվածի սանկցիայով նախատեսված են այդ պատժատեսակները:
2. Եթե դիտավորյալ հանցագործության համար նախկինում ազատազրկման կամ ցմահ ազատազրկման ձևով պատիժ կրած կամ կրող, դատվածություն ունեցող անձը կատարել է դիտավորյալ հանցանք, ապա նշանակվող պատժի նվազագույն ժամկետը կամ չափը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված պատժի առավելագույն ժամկետի կամ չափի երկու երրորդից: Ցանկացած դեպքում նշանակվող պատիժը չի կարող պակաս լինել սույն օրենսգրքի Հատուկ մասի համապատասխան հոդվածի սանկցիայով նախատեսված պատժի նվազագույն ժամկետից կամ չափից:
3. Եթե ծանր կամ առանձնապես ծանր դիտավորյալ հանցագործության համար նախկինում ազատազրկման կամ ցմահ ազատազրկման ձևով պատիժ կրած կամ կրող, դատվածություն ունեցող անձը կատարել է դիտավորյալ ծանր կամ առանձնապես ծանր հանցանք, ապա նշանակվող պատժի նվազագույն ժամկետը պետք է որոշվի սույն հոդվածի 2-րդ մասով նախատեսված կանոնով, իսկ առավելագույն պատժաչափ պետք է համարվի այն ժամկետը, որը գերազանցում է տվյալ հանցագործության համար օրենքով նախատեսված ազատազրկման ձևով պատժի առավելագույն ժամկետը` դրա մեկ երրորդի չափով, բայց ոչ ավելի, քան 25 տարին:
(…)»:
ՀՀ քրեական օրենսգրքի 85-րդ հոդվածի համաձայն՝
«(…)
9. Եթե դատապարտյալը փորձաշրջանի ընթացքում կատարում է նոր հանցանք կամ պարզվում է, որ նա հանցանք է կատարել պատիժը կրելու ընթացքում, ապա դատարանը վերացնում է պատիժը կրելուց պայմանական վաղաժամկետ ազատելու վերաբերյալ որոշումը և պատիժ է նշանակում սույն օրենսգրքի 75-րդ հոդվածով սահմանված կարգով:
(…)»:
Նկատի ունենալով, որ Սերյոժա Համբարձումյանը նախկինում դատապարտված է եղել ազատազրկման առանձնապես ծանր հանցագործության կատարման համար, պատժի կրումից ազատվել է պայմանական վաղաժամկետ, իսկ սույն գուծով մեղսագրվող արաքը կատարել է փորձաշրջանի ընթացքում, ուստի դատարանը գտնում է, որ վերջինիս նկատմամբ պետք է պատիժ նշանակվի ՀՀ քրեական օրենսգրքի 76-րդ հոդվածի 3-րդ մասով նախատեսված պատժի նշանակման կանոնների կիրառմամբ, ինչպես նաև պետք է վերացվի պատիժը կրելուց պայմանական վաղաժամկետ ազատելու վերաբերյալ որոշումը:
Մեղադրյալ Սերյոժա Համբարձումյանի պատասխանատվությունը և պատիժը մեղմացնող հանգամանքներ առկա չեն:
Քննարկելով խափանման միջոցի հարցը` Դատարանը գտնում է, որ սույն գործով մեղադրյալներ Սերյոժա Համբարձումյանի և Աշոտ Համբարձումյանի նկատմամբ «կալանք» խափանման միջոցներն ընտրված են ճիշտ և վերացվելու կամ փոփոխվելու ենթակա չեն` մինչև դատավճռի օրինական ուժի մեջ մտնելը:
Քննարկելով իրեղեն ապացույցների հարցը, Դատարանը գտնում է, որ դատավճիռն օրինական ուժի մեջ մտնելուց հետո Համեդ Աբդոլհամիդ Բորդբարի կենսաբանական ծագման նմուշը, բամբակե սկավառակները, ծալովի դանակը պետք է ոչնչացնել, Համեդ Աբդելհամիդ Բորդբարին պատկանող դեղին բլուզը պետք է վերադարձնել վերջինիս, սպորտյին վերնազգեսը, կլոր պարանոցով վերնաշապիկը, անդրավարիքը, սպորտային տաբատը պետք է վերադարձնել Սերյոժա Համբարձումյանին, կարճաթև վերնաշապիկը, ջինսե տաբատը, կոշիկները պետք է վերադարձնել Աշոտ Համբարձումյանին:
Քննարկելով որպես արտավարութային փաստաթուղթ ապացույց ճանաչված «BOROFONE» ապրանքանիշի էլեկտորնային կրիչի, թվով 1 «MEDIA» ապրանքանիշի լազերային սկավառակի, թվով 1 «BINGO» ապրանքանիշի լազերային սկավառակի, ՀՀ ՆԳՆ ոստիկանության ՕԿԿ կատարված ահազանգի ձայնագրությունը բովանդակող թվով 1 «BINGO» ապրանքանիշի լազերային սկավառակի, 096-50-89-99 բջջային հեռախոսահամարից 911 կատարված ահազանգի ձայնագրությունները բովանդակող թվով 1 «MEDIA» ապրանքանիշի լազերային սկավառակի, 099-82-99-97 բջջային հեռախոսահամարից ՀՀ ՆԳՆ ոստիկանության ՕԿԿ կատարված ահազանգի ձայնագրությունները բովանդակող «BINGO» ապրանքանիշի լազերային սկավառակի, «Վիվա Արմենիա» բջջային օպերատորի կողմից ստացված թվով 3 էջի և յանդեքս քարտեզից արտատպված թվով 6 էջի պահպանման հարցը, Դատարանը գտնում է, որ դրանք անհրաժեշտ է թողնել կցված քրեական գործին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 464.4-րդ, 464.5-րդ հոդվածներով` Դատարանը

Վ Ճ Ռ Ե Ց

Աշոտ Պավելի Համբարձումյանին մեղավոր ճանաչել ՀՀ քրեական օրենսգրքի 253-րդ hոդվածի 1-ին մասով և 252-րդ hոդվածի 2-րդ մասի 3-րդ և 5-րդ կետերով:
ՀՀ քրեական օրենսգրքի 253-րդ hոդվածի 1-ին մասով դատապարտել տուգանքի` նվազագույն աշխատավարձի տասնապատիկի՝ 750.000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 252-րդ hոդվածի 2-րդ մասի 3-րդ և 5-րդ կետերով դատապարտել ազատազրկման 5 (հինգ) տարի ժամկետով:
ՀՀ քրեական օրենսգրքի 74-րդ հոդվածով սահմանված կարգով պատիժների լրիվ գումարմամբ Աշոտ Պավելի Համբարձումյանի նկատմամբ որպես վերջնական պատիժ նշանակել ազատազրկում՝ 5 (հինգ) տարի ժամկետով և տուգանք` նվազագույն աշխատավարձի տասնապատիկի՝ 750.000 (յոթ հարյուր հիսուն հազար) ՀՀ դրամի չափով:
Աշոտ Պավելի Համբարձումյանի նկատմամբ ընտրված խափանման միջոց կալանքը թողնել անփոփոխ՝ մինչև դատավճիռն օրինական ուժի մեջ մտնելը։
Պատժի կրման սկիզբը հաշվել 20.07.2024թ-ից:

Սերյոժա Պավելի Համբարձումյանին մեղավոր ճանաչել ՀՀ քրեական օրենսգրքի 252-րդ hոդվածի 2-րդ մասի 3-րդ և 5-րդ կետերով և դատապարտել ազատազրկման 6 (հինգ) տարի 8 (ութ) ամիս ժամկետով:
ՀՀ քրեական օրենսգրքի 85-րդ հոդվածի 9-րդ մասով սահմանված կարգով վերացնել թիվ ԵԿԴ/0287/01/16 գործով նշանակված պատժի չկրած 1 տարի 7 ամիս 4 օր կրելուց պայմանական վաղաժամկետ ազատելու մասին դատարանի որոշումը և սույն դատավճռով նշանակված պատժին մասնակի գումարել այդ չկրած պատժից 4 (չորս) ամիս ժամկետով ազատազրկումը և վերջնական պատիժ նշանակել ազատազրկում 7 (յոթ) տարի ժամկետով:
Սերյոժա Պավելի Համբարձումյանի նկատմամբ ընտրված խափանման միջոց կալանքը թողնել անփոփոխ՝ մինչև դատավճիռն օրինական ուժի մեջ մտնելը։
Պատժի կրման սկիզբը հաշվել 20.07.2024թ-ից:

Դատավճիռն օրինական ուժի մեջ մտնելուց հետո իրեղեն ապացույց ճանաչված Համեդ Աբդելհամիդ Բորդբարին պատկանող դեղին բլուզը վերադարձնել վերջինիս։
Դատավճիռն օրինական ուժի մեջ մտնելուց հետո իրեղեն ապացույց ճանաչված սպորտյին վերնազգեսը, կլոր պարանոցով վերնաշապիկը, անդրավարիքը, սպորտային տաբատը վերադարձնել Սերյոժա Համբարձումյանին։
Դատավճիռն օրինական ուժի մեջ մտնելուց հետո իրեղեն ապացույց ճանաչված կարճաթև վերնաշապիկը, ջինսե տաբատը, կոշիկները վերադարձնել Աշոտ Համբարձումյանին։
Դատավճիռն օրինական ուժի մեջ մտնելուց հետո իրեղեն ապացույց ճանաչված՝ Համեդ Աբդոլհամիդ Բորդբարի կենսաբանական ծագման նմուշը, բամբակե սկավառակները, ծալովի դանակը ոչնչացնել:
Ապացույց ճանաչված արտավարութային փաստաթղթերը թողնել կցված քրեական գործին:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան` ստանալու օրվանից հետո մեկամսյա ժամկետում:

ԴԱՏԱՎՈՐ` Վ.Լ.ԳՐԻԳՈՐՅԱՆ