ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

08.12.2025թ. թիվ ԵԴ1/3973/01/24 ք. Երևան
Երևան քաղաքի առաջին ատյանի ընդհանուր իրավասության քրեական դատարանը հետևյալ կազմով՝

Նախագահող դատավոր Կ.Ֆարխոյան
քարտուղարությամբ Մ. Բոզոյանի
մասնակցությամբ հանրային մեղադրող Դ. Բադալյանի
մեղադրյալ Ա․Խաչատրյանի

Դռնբաց դատական նիստում, դատարանում, քննեց վարույթն ըստ մեղադրանքի՝ Արշալույս Սամվելի Խաչատրյանի, ծնված` 05.11.1992 թվականին, Բերդ քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին երեք անչափահաս երեխա, չի աշխատում, հանդիսանում է դատվածություն չունեցող անձ, հաշվառված Կոտայքի մարզի Նոր գյուղի 1-ին փողոցի 5-րդ նրբանցքի 10/1 տուն հասցեում, փաստացի բնակվող Կոտայքի մարզի Նոր գյուղի 1-ին փողոցի 49/1 տուն հասցեում:
2023 թվականի հունվարի 09-ին ՀՀ ՔԿ Երևան քաղաքի քննչական վարչության ՃՏՀ քննության բաժնում նախաձեռնվել է թիվ 60113023 քրեական վարույթը՝ ՀՀ քրեական օրենսգրքի 344-րդ հոդվածի 1-ին մասով (հատոր 1, վ․թ․ 6)։
2024 թվականի հոկտեմբերի 28-ին ՀՀ ՔԿ Երևան քաղաքի քննչական վարչության Ավան և Նոր Նորք վարչական շրջանների քննչական բաժնում նախաձեռնվել է թիվ 17153724 քրեական վարույթը՝ ՀՀ քրեական օրենսգրքի 344-րդ հոդվածի 1-ին մասով (հատոր 1, վ․թ․ 80)։
2024 թվականի հոկտեմբերի 28-ին ՀՀ ՔԿ Երևան քաղաքի քննչական վարչության Ավան և Նոր Նորք վարչական շրջանների քննչական բաժնում նախաձեռնվել է թիվ 17154424 քրեական վարույթը՝ ՀՀ քրեական օրենսգրքի 344-րդ հոդվածի 1-ին մասով (հատոր 1, վ․թ․ 92)։
2024 թվականի հոկտեմբերի 28-ին ՀՀ ՔԿ Երևան քաղաքի քննչական վարչության Ավան և Նոր Նորք վարչական շրջանների քննչական բաժնում նախաձեռնվել է թիվ 17154524 քրեական վարույթը՝ ՀՀ քրեական օրենսգրքի 344-րդ հոդվածի 1-ին մասով (հատոր 1, վ․թ․ 104)։
2024 թվականի հոկտեմբերի 29-ին որոշում է կայացվել թիվ 60113023, 17153724, 17154424 և 17154524 քրեական վարույթները մեկ վարույթում միացնելու և նախաքննությունը թիվ 60113023 քրեական վարույթի համարով շարունակելու մասին (հատոր 1, վ․թ․ 110-112)։
2024 թվականի հոկտեմբերի 31-ին ՀՀ դատախազության Ավան և Նոր Նորք վարչական շրջանների դատախազության ավագ դատախազ Ա․Մեժլումյանը որոշում է կայացրել թիվ 60113023 քրեական վարույթով Արշալույս Սամվելի Խաչատրյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում չհարուցել՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետով (հատոր 1, վ․թ․ 126-128)։
2024 թվականի հոկտեմբերի 30-ին ՀՀ դատախազության Ավան և Նոր Նորք վարչական շրջանների դատախազության ավագ դատախազ Ա․Մեժլումյանի կողմից թիվ 60113023 քրեական վարույթով Արշալույս Սամվելի Խաչատրյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով՝ երկու դրվագով (հատոր 1, վ․թ․ 129-130):
2024 թվականի հոկտեմբերի 31-ին Արշալույս Սամվելի Խաչատրյանի նկատմամբ որպես խափանման միջոց է կիրառվել բացակայելու արգելքը (հատոր 1, վ․թ․ 138-140):
Սույն քրեական վարույթը մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ուղարկվել 27.12.2024 թվականին, որը դատարանում ստացվել է նույն օրը և մակագրվել դատավոր Կ․Ֆարխոյանին, իսկ 30․12․2024 թվականին հանձնվել է դատավոր Կ. Ֆարխոյանի աշխատակազմին:
2024 թվականի դեկտեմբերի 30-ին որոշում է կայացվել քրեական վարույթը ստանձնելու և նախնական դատալսումներ նշանակելու մասին:
2025 թվականի սեպտեմբերի 22-ին որոշում է կայացվել հիմնական դատալսումներ նշանակելու մասին:
2025 թվականի դեկտեմբերի 08-ին մեղադրյալ Արշալույս Սամվելի Խաչատրյանի նկատմամբ կայացվել է մեղադրական վերդիկտ:
Դատարանը պարզեց հետևյալը, որ սույն վարույթով մեղադրյալ Արշալույս Սամվելի Խաչատրյանը, տրանսպորտային միջոցներ վարելու իրավունքը 6 ամիս ժամկետով կասեցված լինելու պայմաններում, 2023 թվականի հունվարի 23-ին՝ ժամը 20։12-ին, Երևան քաղաքի Մխիթար Հերացի փողոցում վարել է Վազ 21061 մակնիշի 35 XU 906 հաշվառման համարանիշի ավտոմեքենան, ինչի վերաբերյալ ՀՀ ոստիկանության Պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8300411320 արձանագրությունը։
Բացի այդ, Արշալույս Սամվելի Խաչատրյանը, տրանսպորտային միջոցներ վարելու իրավունքը 6 ամիս ժամկետով կասեցված լինելու պայմաններում, 2023 թվականի փետրվարի 4-ին՝ ժամը 10։50-ի սահմաններում, Կոտայքի մարզի Աբովյան քաղաքի Հանրապետության պողոտայում վարել է Վազ 21061 մակնիշի 35 XU 906 հաշվառման համարանիշի ավտոմեքենան, ինչի վերաբերյալ ՀՀ ոստիկանության Պարեկային ծառայության աշխատակցի կողմից կազմվել է վարչական իրավախախտումների վերաբերյալ թիվ 8300425236 և 8300425196 արձանագրությունները։
Քրեական վարույթի հիմնական դատալսումների ընթացքում ներկայացված մեղադրանքի կապակցությամբ մեղադրյալ Արշալույս Սամվելի Խաչատրյանը դիրքորոշում չհայտնեց և օգտվելով դատավարական իր իրավունքներից՝ հրաժարվեց ցուցմունքներ տալ:
Մեղադրյալ Արշալույս Սամվելի Խաչատրյանին մեղսագրվող հանցավոր արարքները հիմնավորվեցին քրեական վարույթով ձեռք բերված հետևյալ ապացույցներով.
Արշալույս Սամվելի Խաչատրյանի կողմից քրեական վարույթի նախաքննության ընթացքում տրված և հիմնական դատալսումների ընթացքում հրապարակված ցուցմունքներով, այն մասին, որ չի աշխատում։ Ինչ վերաբերվում է 2022 թվականի սեպտեմբերի 07-ի իր վարորդական վկայականի կասեցմանը, ապա հիշյալ կասեցման որոշումը իրեն չի ծանուցվել և դրա մասին ինքը տեղեկացել է պարեկային ծառայության աշխատակցից 02.11.2022 թվականին: Դրանից հետո տրանսպորտային միջոց չի վարել, իսկ ներկա պահին իր վարորդական վկայականը գտնվում է գործող կարգավիճակում։ Ինքը որևէ՝ այդ թվում, SMS հաղորդագրության միջոցով չի ծանուցվել վարորդական իրավունքի կասեցման վերաբերյալ, այլապես չէր վարի ավտոմեքենա: Վարչական տույժ նշանակելու մասին թիվ 2215158696 որոշումը ինքը չի ստացել և հավանական է, որ ստացած լինի իր մայրը և մոռացած լինի փոխանցել իրեն: Ներկայացված մեղադրանքում իրեն մեղավոր է ճանաչել, ավտոմեքենան վարել է խիստ անհրաժեշտությունից ելնելով, այլ հնարավորություն չի ունեցել մեքենա չվարելու համար, այդ իսկ պատճառով կարիքից ելնելով մի քանի անգամ վարել է: Այդ արձանագրությունները կազմվել են պարեկային ծառայության աշխատակիցների կողմից: Ամուսնացած է, ունի երեք երեխա, ուստի նման պայմաններում հնարավորության դեպքում խնդրում է արժանացնել մեղմ վերաբերմունքի (հատոր 1, վ.թ. 50-52, 180-185),
- Վկա Մկրտիչ Արթուրի Պողոսյանի ցուցմունքով, այն մասին, որ հանդիսանում է ՀՀ ՆԳՆ ոստիկանության պարեկային ծառայության աշխատակից։ 2023 թվականի փետրվարի 04-ին Արշալույս Սամվելի Խաչատրյանին կանգնեցրել է թվով մեկ անգամ և կազմել է թվով երկու վարչական իրավախախտման վերաբերյալ արձանագրություն։ Արձանագրել է, որ տրանսպորտային միջոցը տեխնիկական զննություն անցած չի և երկրորդը՝ կանգառ է կատարել ընդհանուր օգտագործման տրանսպորտային միջոցների կանգառի կետի տարածքում: Կազմված արձանագրությունները ներկայացվել են մեղադրյալին։
- Վկա Ալվարդ Միշայի Ավալյանի ցուցմունքով, այն մասին, որ հաշվառված և փաստացի բնակվում է Կոտայքի մարզի, Նոր Գյուղի, 1-ին փողոցի, 1-ին տուն հասցեում: Որդին՝ Արշալույս Խաչատրյանը, նույնպես հաշվառված է նույն բնակության հասցեում, սակայն վերջինս աշխատանքի բերումով հազվադեպ է տանը լինում: Արշալույս Խաչատրյանի նամակներն ուղարկում են իրենց բնակության հասցեով, որոնք հիմնականում ինքն է ստանում և այդ մասին հայտնում է տղային: Այդ նամակները, որոնք ուղարկված են լինում տարբեր վայրերից, այդ թվում Ճանապարհային ոստիկանությունից, չի բացում և տեղյակ չի, թե այնտեղ ինչ կարող է գրված լինել, դրանց մասին տեղեկացնում է Արշալույսին հեռախոսով, ով հիմնականում իրեն հայտնում է, որ դրանք հերթական տուգանքներն են և կվճարի։ Ծանուցման տակ իր ստորագրությունն է, ինքն է ստորագրել և ստացել նամակը, որի մասին ինչպես նշել է հայտնել է Արշալույսին հեռախոսով, այն չի բացել: Արշալույսն իր աշխատանքի բերումով շատ ուշ է տանը լինում, այդ պատճառով ստացած նամակները չի կարողացել նրան հանձնել: Տեղյակ չի եղել, որ որդու վարելու իրավունքը կասեցված է, այդ մասին տեղեկացել է որդուց, տուգանքների մասին իրենք երբեք չեն զրուցել, սակայն եթե իմանար, որ խոսքը վարելու իրավունքը կասեցնելու մասին է, ապա անպայման նրան կհանձներ նամակը: Վստահ է, որ եթե տղան իմանար, որ իր վարելու իրավունքը կասեցված է, ապա նա ավտոմեքենա չէր վարի։
- Զննում կատարելու մասին 10.05.2024 թվականի արձանագրությամբ, համաձայն որի՝ զննության է ենթարկվել Արշալույս Սամվելի Խաչատրյանի նկատմամբ կազմված վարչական տույժ նշանակելու մասին թիվ 2215158696 որոշումը, վարչական իրավախախտման վերաբերյալ թիվ 8180161386 արձանագրությունը, «Հայփոստ» փոստային ծառայության ծանուցագիրը, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվությունը և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը։ Համաձայն զննության․
ՀՀ ոստիկանության ՃՈ ծառայության վարչական տույժ նշանակելու մասին թիվ 2215158696 որոշումը կայացվել է Արշալույս Սամվելի Խաչատրյանի (Կոտայք, Ակունք Նոր Գյուղ 1 փողոց, 5 ՆՐԲ, 10/1 տ) վերաբերյալ` 2022 թվականի օգոստոսի 28-ին՝ ժամը 08:36-ին, Երևան քաղաքի Նալբանդյան /Սայաթ-Նովա խաչմերուկի հատվածում «ՎԱԶ 21063» մակնիշի 36 FS 673 հաշվառման համարանիշի ավտոմեքենայով երթևեկության կանոնի խախտում թույլ տալու համար: Այդ որոշմամբ Վարչական իրավախախտումների վերաբերյալ ՀՀ օրենսգրքի 129.3-րդ հոդվածի 1-ին մասի համաձայն Արշալույս Սամվելի Խաչատրյանի տրանսպորտային միջոցներ վարելու իրավունքը կասեցվել է 6 /վեց/ ամիս ժամկետով: Համաձայն տվյալ որոշման «Հայփոստ» փոստային ծառայության ծանուցագրի, որպես վարչական տույժ նշանակելու մասին նշված որոշումը 19.09.2022 թվականին հանձնվել է առաքման հասցեով, իսկ ծանուցագրի Ամսաթիվ և ստորագրություն հատվածում առկա է 19.09.2022թ. ձեռագիր գրառում և ստորագրություն։ 2022 թվականի նոյեմբերի 02-ին՝ ժամը 21:06-ին, Երևան քաղաքի Աճառյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի պարեկ Դավիթ Դավթյանի /կրծքանշան թիվ 08098/ կողմից կազմվել է վարչական իրավախախտման վերաբերյալ թիվ 8180161386 արձանագրությունը, համաձայն որի՝ Արշալույս Սամվելի Խաչատրյանը (ծնված՝ 05.11.1992թ.) տրանսպորտային միջոց վարելու իրավունքը կասեցված վիճակում, ժամը 20:50-ի սահմաններում Երևան քաղաքի Աճառյան փողոցով վարել է «ՎԱԶ» մակնիշի 37 FQ 623 հաշվառման համարանիշի տրանսպորտային միջոցը։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 201.2 թիվը: ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրում Արշալույս Սամվելի Խաչատրյանի տվյալների (ՀԾ համարանիշ 1511920068) մուտքագրման արդյունքում պարզվել է, որ վերջինիս տրանսպորտային միջոց վարելու իրավունքը (RJ568324 սերիա համարի վարորդական վկայական) սույն քրեական վարույթը նախաձեռնելուց առաջ ունեցել է կասեցված կարգավիճակ՝ սկիզբը 23.09.2022 թվականից, ավարտը՝ 23.03.2023 թվականը: ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի զննությամբ՝ պարզվել է, որ Արշալույս Սամվելի Խաչատրյանը, ծնվել է 05.11.1992թ., անձնագիր՝ AT0312384, ՀԾՀ համարանիշն՝ 1511920068, հաշվառված է Կոտայք, Ակունք Նոր Գյուղ 1 փողոց, 5 ՆՐԲ, 10/1 տուն հասցեում (հատոր 1, վ.թ. 45-47),
- Զննում կատարելու մասին 14.11.2024 թվականի արձանագրությամբ, համաձայն որի՝ զննության է ենթարկվել ՀՀ ՆԳՆ ոստիկանության պարեկային ծառայության Երևանի գնդից Արշալույս Սամվելի Խաչատրյանի վերաբերյալ կազմված թիվ 8300411320, 8300425236 և 8300425196 արձանագրությունները։ Համաձայն զննության՝ թիվ 830411320 վարչական իրավախախտման վերաբերյալ արձանագրությունը կազմվել է 23/01/2023թ.՝ 20։12-ին, կազմել է ՀՀ ՆԳՆ ոստիկանության պարեկային ծառայության կրտսեր պարեկ Արտակ Սաֆարյանի կողմից /11409/ քաղաքացի Արշալույս Սամվելի Խաչատրյանի վերաբերյալ, վերջինս «Վազ» մակնիշի 35 XU 906 հ/հ ավտոմեքենայով ժամը 20:12-ին Երևան քաղաքի Մխիթար Հերացի փողոցում տրասպորտային միջոցը կայանել է մայթին, արձանագրությանը ծանոթացա դաշտում առկա է ստորագրություն, անուն, ազգանուն: Թիվ 8300425236 վարչական իրավախախտման վերաբերյալ արձանագրությունը կազմվել է 04/02/2023թ.՝ 11։21-ին, կազմել է ՀՀ ՆԳՆ ոստիկանության պարեկային ծառայության կրտսեր պարեկ Մկրտիչ Պողոսյանի կողմից /01769/ քաղաքացի Արշալույս Սամվելի Խաչատրյանի վերաբերյալ, վերջինս «Վազ» մակնիշի 35 XU 906 հ/հ ավտոմեքենան ժամը 11:21-ին Կոտայքի մարզի Աբովյան քաղաքի Հանրապետության պողոտայում կանգառ է կատարել ընդհանուր օգտագործման տրանսպորտային միջոցների կանգառի կետի տարածքում, արձանագրությանը ծանոթացա դաշտում առկա է ստորագրություն, անուն, ազգանուն: Թիվ 8300425196 վարչական իրավախախտման վերաբերյալ արձանագրությունը կազմվել է 04/02/2023թ.՝ 10։50-ին, կազմել է ՀՀ ՆԳՆ ոստիկանության պարեկային ծառայության կրտսեր պարեկ Մկրտիչ Պողոսյանի կողմից /01769/ քաղաքացի Արշալույս Սամվելի Խաչատրյանի վերաբերյալ, վերջինս «Վազ» մակնիշի 35 XU 906 հ/հ ավտոմեքենան ժամը 10:50-ին Կոտայքի մարզի Աբովյան քաղաքի Հանրապետության պողոտայում վարել է օրենսդրությամբ սահմանված կարգով տեխնիկական զննություն չանցած տրանսպորտային միջոց, արձանագրությանը ծանոթացա դաշտում առկա է ստորագրություն, անուն, ազգանուն (հատոր 1, վ.թ. 150-151)
- Արտավարութային փաստաթուղթ ճանաչելու մասին 10․05․2024 թվականի որոշմամբ, համաձայն որի՝ Արշալույս Սամվելի Խաչատրյանի նկատմամբ կազմված վարչական տույժ նշանակելու մասին թիվ 2215158696 որոշումը, վարչական իրավախախտման վերաբերյալ թիվ 8180161386 արձանագրությունը, «Հայփոստ» փոստային ծառայության ծանուցագիրը, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվությունը և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը ճանաչվել են արտավարութային փաստաթուղթ (հատոր 1, վ.թ. 48-49),
- Արտավարութային փաստաթուղթ ճանաչելու մասին 14․11․2024 թվականի որոշմամբ, համաձայն որի՝ 2023 թվականի հունվարի 09-ին և մայիսի 03-ին ՀՀ ՆԳՆ ոստիկանության պարեկային ծառայությունից Արշալույս Սամվելի Խաչատրյանի վերաբերյալ կազմված վարչական տույժ նշանակելու մասին թիվ 8180161386, 8300425236, 8300411320, 8300425196 արձանագրությունները և թիվ 2215158696 որոշումը, ճանաչվել են արտավարութային փաստաթուղթ (հատոր 1, վ.թ. 152-153):
Դատարանն արձանագրում է, որ հիմնական դատալսումների ընթացքում պատշաճ իրավական ընթացակարգով թույլատրելի բոլոր ապացույցները հանգամանորեն հետազոտվել են՝ դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, դատարանը հաստատված է համարում, որ մեղադրյալ Արշալույս Սամվելի Խաչատրյանը, տրանսպորտային միջոցներ վարելու իրավունքը 6 ամիս ժամկետով կասեցված լինելու պայմաններում, 2023 թվականի հունվարի 23-ին՝ ժամը 20։12-ին, Երևան քաղաքի Մխիթար Հերացի փողոցում վարել է Վազ 21061 մակնիշի 35 XU 906 հաշվառման համարանիշի ավտոմեքենան, ինչի վերաբերյալ ՀՀ ոստիկանության Պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8300411320 արձանագրությունը։
Բացի այդ, Արշալույս Սամվելի Խաչատրյանը տրանսպորտային միջոցներ վարելու իրավունքը 6 ամիս ժամկետով կասեցված լինելու պայմաններում, 2023 թվականի փետրվարի 4-ին՝ ժամը 10։50-ի սահմաններում, Կոտայքի մարզի Աբովյան քաղաքի Հանրապետության պողոտայում վարել է Վազ 21061 մակնիշի 35 XU 906 հաշվառման համարանիշի ավտոմեքենան, ինչի վերաբերյալ ՀՀ ոստիկանության Պարեկային ծառայության աշխատակցի կողմից կազմվել է վարչական իրավախախտումների վերաբերյալ թիվ 8300425236 և 8300425196 արձանագրությունները։
Դատարանը հանգում է այն հետևության, որ մեղադրյալ Արշալույս Սամվելի Խաչատրյանը կատարել է իրեն մեղսագրված արարքները, որի համար կիրառելի է ՀՀ քրեական օրենսգրքի 344-րդ հոդվածի 1-ին մասը՝ երկու դրվագով:
Դատարանը հաստատված համարելով հանցագործության և դրա կատարման մեջ Արշալույս Սամվելի Խաչատրյանի մեղքի ապացուցված լինելը, գտնում է, որ վերջինս ենթակա է պատժի կատարածի համար:
Որպես Արշալույս Սամվելի Խաչատրյանի պատասխանատվությունը և պատիժը մեղմացնող հանգամանք դատարանը հաշվի է առնում, որ մեղադրյալի խնամքին են գտնվում երեք անչափահաս երեխաները։
Արշալույս Սամվելի Խաչատրյանի պատասխանատվությունը և պատիժը ծանրացնող հանգամանքներ առկա չեն:
ՀՀ քրեական օրենսգրքի 344-րդ հոդվածի 1-ին մասի սանկցիան պատիժ է նախատեսում տուգանքի ձևով` առավելագույնը տասնհինգապատիկի չափով, կամ հանրային աշխատանքներով` առավելագույնը հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
Նույն օրենսգրքի 59-րդ հոդվածի 3-րդ և 5-րդ մասերի համաձայն`
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով:
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո: Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
«Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ից սկսած ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը: Նկատի ունենալով, որ մեղադրյալ Արշալույս Սամվելի Խաչատրյանն իրեն մեղսագրվող հանցանքները կատարել է 2023 թվականի հունվարի 23-ին և 2023 թվականի փետրվարի 04-ին, ուստի տվյալ պահին ՀՀ-ում ամսական նվազագույն աշխատավարձը հաշվարկվում է 75.000 ՀՀ դրամի չափով, որպիսի պայմաններում դատարանը գտնում է, որ մեղադրյալի նկատմամբ յուրաքանչյուր դրվագով որպես պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի համաձայն՝ «Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
Հետևաբար ՀՀ քրեական օրենսգրքի 74-րդ հոդվածի 1-ին մասի կարգով՝ նշանակված պատիժները լրիվ գումարելու միջոցով պետք է վերջնական պատիժ նշանակել տուգանք 750․000 ՀՀ դրամի չափով:
Միաժամանակ, հաշվի առնելով այն հանգամանքը, որ Արշալույս Սամվելի Խաչատրյանն անհապաղ ի վիճակի չէ ամբողջությամբ վճարել որպես պատիժ նշանակված տուգանքը, քանի որ չունի բավարար ֆինանսական միջոցներ՝ այլ կարող է այն վճարել մաս-մաս, 12 ամսվա ընթացքում, ապա հիմք ընդունելով ՀՀ քրեական օրենսգրքի 59-րդ հոդվածի 8-րդ մասի պահանջները դատարանը գտնում է, որ մեղադրյալին պետք է հնարավորություն տալ նշանակված տուգանքը վճարել մաս առ մաս՝ տուգանքի վճարման համար սահմանել 12-ամսյա ժամկետ՝ թույլատրելով Արշալույս Սամվելի Խաչատրյանին, սույն դատավճիռն օրինական ուժի մեջ մտնելուց հետո՝ յուրաքանչյուր ամիս վճարել 62.500 ՀՀ դրամից ոչ պակաս գումար՝ մինչև սույն դատավճռով նշանակված տուգանքի գումարի լրիվ մարումը։
Քննության առնելով դատապարտված մեղադրյալի նկատմամբ կիրառված խափանման միջոցի հարցը՝ դատարանը գտնում է, որ այն պետք է թողնել անփոփոխ մինչև դատավճիռն օրինական ուժի մեջ մտնելը:
Ապացույց ճանաչված արտավարութային փաստաթղթերը պետք է պահել քրեական վարույթում, դրա պահպանման համար նախատեսված ողջ ժամանակահատվածում։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 270-րդ, 347-350-րդ հոդվածներով, դատարանը

Վ Ճ Ռ Ե Ց
Արշալույս Սամվելի Խաչատրյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով՝ 2 դրվագով նախատեսված հանցանքում և նրա նկատմամբ յուրաքանչյուր դրվագով որպես պատիժ նշանակել տուգանք՝ նվազագույն աշխատավարձի հինգապատիկի՝ 375.000 ՀՀ դրամի չափով։ ՀՀ քրեական օրենսգրքի 74-րդ հոդվածի 1-ին մասի կարգով՝ նշանակված պատիժները լրիվ գումարելու միջոցով, վերջնական պատիժ նշանակել տուգանք՝ 750․000 ՀՀ դրամի չափով:
ՀՀ քրեական օրենսգրքի 59-րդ հոդվածի կարգով՝ Արշալույս Սամվելի Խաչատրյանի նկատմամբ նշանակված տուգանքի վճարման համար սահմանել 12-ամսյա ժամկետ՝ թույլատրելով վերջինիս, սույն դատավճիռն օրինական ուժի մեջ մտնելուց հետո՝ յուրաքանչյուր ամիս վճարել 62.500 ՀՀ դրամից ոչ պակաս գումար՝ մինչև սույն դատավճռով նշանակված տուգանքի գումարի լրիվ մարումը։
Արշալույս Սամվելի Խաչատրյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ մինչև դատավճիռն օրինական ուժի մեջ մտնելը:
Ապացույց ճանաչված արտավարութային փաստաթղթերը պահել քրեական վարույթում, դրա պահպանման համար նախատեսված ողջ ժամանակահատվածում։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո մեկամսյա ժամկետում:

ԴԱՏԱՎՈՐ՝ Կ.ՖԱՐԽՈՅԱՆ