ԵԴ1/3936/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ռ․ՀԱՐՈՒԹՅՈՒՆՅԱՆԻ
մեղադրյալ Ա․ԵԳՈՐՅԱՆԻ


2025 թվականի փետրվարի 18-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Արտուշ Գուրգենի Եգորյանի՝ ծնված 1993 թվականի հոկտեմբերի 20-ին, ք․Երևան, հայ, ՀՀ քաղաքացի, թերի բարձրագույն կրթությամբ, նախկինում դատապարտված, կատարում է մասնավոր աշխատանքներ, չամուսնացած, հաշվառված է և բնակվում է ք․Երևան, Զավարյան փողոց 165 տուն հասցեում, քրեական հետապնդում է ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի օգոստոսի 1-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2935-24 քրեական վարույթը:
2024 թվականի դեկտեմբերի 23-ի որոշմամբ Արտուշ Գուրգենի Եգորյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով այն արարքների համար, որ նա, չունենալով տրանսպորտային միջոցներ վարելու իրավունք, այն է 26.06.2023թ.-ից մինչև 26.06.2024թ. օրենքով սահմանված կարգով զրկված լինելով տրանսպորտային միջոցներ վարելու իրավունքից և զրկման ժամկետը լրանալուց հետո սահմանված կարգով վերականգնած չլինելով իր տրանսպորտային միջոցներ վարելու իրավունքը, 2024 թվականի հուլիսի 25-ին՝ ժամը 00:25-ին, «Մերսեդես-Բենց» մակնիշի, 11 RR 115 հաշվառման համարանիշի տրանսպորտային միջոցը Երևան քաղաքի Ալեք Մանուկյան փողոցում վարել է ոչ սթափ վիճակում՝ մեկ լիտր արտաշնչած օդի մեջ 0.828 մգ/լ մաքուր ալկոհոլի պարունակությամբ, (ստուգաչափող սարքի չափման առավելագույն տոկոսային շեղումների հաշվանցմամբ կազմում է 0.7452 մգ/լ), ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի համաձայն համարվում է անձի ոչ սթափ վիճակում գտնվել, որը հայտնաբերվել է ՀՀ ՆԳՆ ոստիկանության պարեկային ծառայության ծառայողների կողմից, և այդ մասին կազմվել է վարչական իրավախախտման վերաբերյալ թիվ 8180407969 արձանագրությունը։
2024 թվականի դեկտեմբերի 24-ի որոշմամբ Արտուշ Գուրգենի Եգորյանի նկատմամբ խափանման միջոց է ընտրվել բացակայելու արգելքը:
2024 թվականի դեկտեմբերի 27-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3936/01/24 համարը:
2025 թվականի հունվարի 3-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի փետրվարի 18-ին Դատարանը Արտուշ Գուրգենի Եգորյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Արտուշ Գուրգենի Եգորյանն դատաքննության ընթացքում ցուցմունք է տվել այն մասին առաջին անգամ նման դեպք էլի եղել է ստուգաչափման սարքը ավել է ցույց տվել և դատարանի որոշմամբ իր տրանսպորտային միջոց վարելու իրավունքը վերականգնվել է։ Այդ օրը ընկերոջ հետո եղել է իրենց տանը, նա իրեն վատ է զգացել, ինքը բնակվում է Զավարյան փողոցում, իրեն կանգնեցրել են Ալեք Մանուկյան փողոցում, որն իրարից 700-800 մետր հեռավորության վրա է գտնվում, տեսուչին ասել է, որ գիտակցում է, որ չի կարելի մեքենա վարել առանց վարորդական իրավունքի մի փոքր խմած վիճակում, բայց ընկերոջը պետք է տուն հասցներև տեսուչը ասել, որ թող մարդ գա վարորդական իրավունքով մեքենան վերցնի որից հետո ասում են որ այդ սարքը փչի և ասում է որ բարձր խմածություն է ցույց տալիս և գործ է հարուցվել կարող է բողոքել դատական կարգով, իրեն մեղավոր ճանաչում է հասկանում է, որ առանց իրավունքի չի կարելի վարել, բայց կարծում է որ 2 փոքր շիշ գարեջուրը չի կարող ոչ սթափ սարքել իրեն (տե´ս դատական նիստի արձանագրություն)։
Հիմնական դատալսումների ընթացքում հետազոտվել են հետևյալ գրավոր ապացույցները.
Թիվ 8180407969 վարչական իրավախախտման մասին որոշումը, որի համաձայն՝ այն կայացվել է 25.07.2024թ.-ին` ժամը 00:45-ին, Երևան քաղաքի Ալեք Մանուկյան փողոցում, ՀՀ ոստիկանության Պարեկային ծառայության Երևան քաղաքի գնդի 1-ին գումարտակի 3-րդ վաշտի ավագ պարեկ Սամվել Արթուրի Կոստանդյանի կողմից այն մասին, որ քաղաքացի Արտուշ Գուրգենի Եգորյանը /բն.՝ ք. Երևան, Զավարյան փող., 165-րդ տուն հասցեում/ «Mercedes» մակնիշի 11 RR 15 հաշվառման համարանիշի տրանսպորտային միջոցը նույն օրը՝ ժամը 00:25-ին Երևան քաղաքի Ալեք Մանուկյան փողոցում վարել է չունենալով տրանսպորտային միջոցներ վարելու իրավունք և ոչ սթափ վիճակում:
ՀՀ ՆԳՆ ոստիկանության ՃՈ ռեգիստրից թիվ RB511162 վարորդական վկայականի վերաբերյալ արտատպված քաղվածքի վերաբերյալ արտատպված քաղվածքի համաձայն՝ այն հաշվառված է Արտուշ Գուրգենի Եգորյանի անվամբ: Կարգավիճակը՝ զրկված: Զրկումների պատմության համաձայն` զրկման սկիզբ է հանդիսանում 26.06.2023թ, ավարտը՝ 26.06.2024թ.:
Թիվ 8180257190 վարչական իրավախախտման մասին որոշման համաձայն՝ այն կայացվել է 26.06.2023թ.-ին՝ ժամը 03:47-ին, Երևան քաղաքի Վարդանանց փողոցում, ՀՀ ոստիկանության Պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Ալբերտ Գնելի Պետրոսյանի կողմից այն մասին, որ քաղաքացի Արտուշ Գուրգենի Եգորյանը /բն.՝ ք.Երևան, Զավարյան փող., 165-րդ տուն հասցեում/ «Mercedes» մակնիշի 11 RR 115 հաշվառման համարանիշի տրանսպորտային միջոցը նույն օրը՝ ժամը 03:40-ին Երևան քաղաքի Վարդանանց փողոցում վարել է ոչ սթափ վիճակում:
Թիվ 121949 ստուգաչափման վկայականի համաձայն՝ այն տրվել է «Ստանդարտացման և չափագիտության ազգային մարմին» ՓԲԸ-ի (ՀՀ էկոնոմիկայի չափման թվականը՝ 23.05.2024թ. ուժի է մինչև` նախարարություն) կողմից, ստուգաչափման 23.05.2025թ.: Ալկոտեստերի գործարանային համարն է 9110085 տեսակը Jupiter X/RP, չափման տիրույթը՝ 0.000-2.000 մգ/լ:
Թիվ 91100885 ստուգաչման սարքով կատարված սթափության վիճակի կտրոնի համաձայն՝ զննման համարն 02163, ստուգաչափումն իրականացվել է 25.07.2024թ.-ին և ժամը 00:42:55-ին դատարկ թեստով, ավտոմատ ստուգման ձևաչափով, ալկոհոլի պարունակությունը արտաշնչած օդի մեջ կազմել է 0.828 մգ/լ: Վարորդի տվյալներն են՝ Արտուշ, ազգանունը` Եգորյան, տրանսպորտային միջոցի համարանիշ՝ 11 RR 115, ճանապարհային ոստիկանության տեսուչ՝ Մանուկյան, կրծքանշանի համար՝ 06746, Երևան քաղաքի գնդի 1-ին գումարտակի 3-րդ վաշտ (տե՛ս դատական նիստի արձանագրություն, քրեական գործ, 16-17-րդ թերթ 4-10):
Ա․Եգորյանի դատավածության վերաբերյալ տեղեկանքը, որի համաձայն՝ Ա․Եգորյանը Երևան քաղաքի ընդհանուր իրավսության քրեական դատարանի 2024 թվականի սեպտեմբերի 6-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով և դատապարտվել է տուգանքի՝ 375,000 ՀՀ դրամի չափով (տե´ս դատական նիստի արձանագրություն):


3.Դատարանի իրավական վերլուծությունները
Դատարանը, վերլուծելով մեղադրյալ Ա․Եգորյանը առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Արտուշ Գուրգենի Եգորյանը, 26.06.2023թ.-ից մինչև 26.06.2024թ. օրենքով սահմանված կարգով զրկված լինելով տրանսպորտային միջոցներ վարելու իրավունքից և զրկման ժամկետը լրանալուց հետո սահմանված կարգով վերականգնած չլինելով իր տրանսպորտային միջոցներ վարելու իրավունքը, 2024 թվականի հուլիսի 25-ին՝ ժամը 00:25-ին, «Մերսեդես-Բենց» մակնիշի, 11 RR 115 հաշվառման համարանիշի տրանսպորտային միջոցը Երևան քաղաքի Ալեք Մանուկյան փողոցում վարել է ոչ սթափ վիճակում՝ մեկ լիտր արտաշնչած օդի մեջ 0.828 մգ/լ մաքուր ալկոհոլի պարունակությամբ, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի համաձայն համարվում է անձի ոչ սթափ վիճակում գտնվել, որը հայտնաբերվել է ՀՀ ՆԳՆ ոստիկանության պարեկային ծառայության ծառայողների կողմից, և այդ մասին կազմվել է վարչական իրավախախտման վերաբերյալ թիվ 8180407969 արձանագրությունը։
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Ա․Եգորյանի կողմից տրանսպորտային միջոց վարելը իրավունք չունենալու պարագայում ոչ սթափ վիճակում տրանսպորտային միջոց վարելը, այդ արարքն ապացուցված է, ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա
Այսպես` Դատարանը մեղադրյալ Ա․Եգորյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ա․Եգորյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Դատարանը, որպես մեղադրյալ Ա․Եգորյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Ա․Եգորյանի պատասխանատվությունն ու պատիժը ծանրացնող հանգամանք առկա չէ։
Դատարանը գտնում է, որ կատարած արարքի համար մեղադրյալ Ա․Եգորյանը ենթակա է պատժի:
Դատարանը, հաշվի առնելով մեղադրյալ Ա․Եգորյանի կատարած արարքի՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Ա․Եգորյանն իր կատարած ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի 11-րդ մասի համաձայն՝ «Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը»։
Սույն գործի նյութերի ուսումնասիրությունից երևում է, որ Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 6-ի դատավճռով Արտուշ Գուրգենի Եգորյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակել տուգանք՝ 375.000 (երեք հարյուր յոթանասունհինգ հազար) ՀՀ դրամի չափով:
Հիմք ընդունելով վերոգրյալը՝ Դատարանը փաստում է, որ Արտուշ Գուրգենի Եգորյանը նկատմամբ վերջնական պատիժ պետք է սահմանվի ՀՀ քրեական օրենսգրքի 74-րդ հոդվածի 11-րդ մասի կարգով, այն է՝ սույն գործով նրա նկատմամբ նշանակված պատժին պետք է լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 6-ի դատավճռով նշանակված տուգանքը՝ 375.000 (երեք հարյուր յոթանասունհինգ հազար) ՀՀ դրամը և վերջնական պատիժ սահմանել տուգանք՝ 750․000 (յոթ հարյուր հիսուն հազար) ՀՀ դրամ։
Հիմք ընդունելով ՀՀ քրեական օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Արտուշ Գուրգենի Եգորյանն ի վիճակի չէ անհապաղ և ամբողջությամբ վճարելու տուգանքը՝ Դատարանը գտնում է, որ նրան պետք է թույլատրել նշանակված տուգանքը վճարել մաս առ մաս՝ 12 (տասներկու) ամսվա ընթացքում՝ յուրաքանչյուր ամսում 62.500 (վաթսուներկու հազար հինգ հարյուր )ՀՀ դրամ վճարելու պայմանով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ա․Եգորյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 464․1-րդ-464․5-րդ հոդվածներով` Դատարանը

Վ Ճ Ռ Ե Ց

Մեղադրյալ Արտուշ Գուրգենի Եգորյանը մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ, և նրա նկատմամբ պատիժ նշանակել տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 11-րդ մասի հիման վրա՝ սույն դատավճռով նշանակված պատժին՝ 375․000 (երեք հարյուր յոթանասունհինգ հազար) ՀՀ դրամին ամբողջությամբ գումարել նախորդ դատավճով նշանակված պատիժը 375․000 (երեք հարյուր յոթանասունհինգ հազար) ՀՀ դրամը և վերջնական պատիժ նշանակել տուգանք՝ 750․000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 12 (տասներկու) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 62․500 (վաթսուներկու հազար հինգհարյուր) ՀՀ դրամի չափով։
Արտուշ Գուրգենի Եգորյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ