ԵԴ1/3911/01/24

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

10 հունվարի 2025թ․ ք.Երևանում

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

նախագահությամբ
դատավոր՝ Մ․Արամյանի
քարտուղարությամբ՝ Ք․Դավթյանի
մասնակցությամբ`
հանրային մեղադրող՝ Ս․Պետրոսյանի
մեղադրյալ՝ Վ․Բարեղամյանի

դռնբաց դատական նիստում քննեց քրեական գործն ըստ մեղադրանքի` Վահե Գրիգորի Բարեղամյանի /ծնվել է 02.02.1989թ. ազգությամբ հայ է, ՀՀ քաղաքացի, ամուսնացած, ունի երկու երեխա, չդատված, հաշվառված է քաղաք Երևան, Ա.Հարությունյան փողոց, 1-ին նրբանցք, տուն 4 և բնակվում է քաղաք Երևան, Ազատ Վշտունի փողոց, 4-րդ նրբանցք, տուն 4 հասցեում/:
Վահե Գրիգորի Բարեղամյանին մեղադրանք է առաջադրվել ՀՀ քրեական օրենսգրքի 344-րդ հոդվածի 2-րդ մասով /2 դրվագով/, խափանման միջոց է կիրառվել բացակայելու արգելքը:

Դատավճռի նկարագրական մաս.
2024 թվականի մայիսի 30-ին, ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել թիվ 60526624 քրեական վարույթը:
2024 թվականի սեպտեմբերի 27-ին ՀՀ Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60615024 քրեական վարույթը:
2024 թվականի սեպտեմբերի 30-ին որոշում է կայացվել թիվ 60615024 քրեական վարույթը թիվ 60526624 քրեական վարույթին միացնելու և նախաքննությունը շարունակելու մասին:
2024թ. սեպտեմբերի 18-ին որոշում է կայացվել Վահե Գրիգորի Բարեղամյանի նկատմամբ՝ ՀՀ քրեական օրենսգրքի 344-րդ հոդվածի 2-րդ մասով նախատեսված հանրորեն վտանգավոր արարք կատարելու համար հանրային քրեական հետապնդում հարուցելու մասին, իսկ 2024 թվականի հոկտեմբերի 08-ին՝ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանրորեն վտանգավոր արարքներ կատարելու համար հանրային քրեական հետապնդում հարուցելու մասին:
2024 թվականի սեպտեմբերի 18-ին Վահե Գրիգորի Բարեղամյանի նկատմամբ կիրառվել է բացակայելու արգելք խափանման միջոցը:
Վահե Գրիգորի Բարեղամյանին մեղադրանք է առաջադրվել հանրորեն վտանգավոր այն արարքի կատարման համար, որ նա «չունենալով տրանսպորտային միջոց վարելու իրավունք և գտնվելով ոչ սթափ՝ 0.848 մլգ.ալկոհոլային հարբածության վիճակում, 2024 թվականի ապրիլի 18-ին՝ ժամը 16:20-ի սահմաններում Երևան քաղաքի Մալաթիա-Սեբաստիա վարչական շրջանի տարածքում Լենինգրադյան փողոցում վարել է Մերսեդես մակնիշի 37 DS 206 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի կրտսեր պարեկ, Էմիլ Նուրիջանյանի կողմից և 18.04.2024թ.՝ ժամը 16:25-ին կազմվել է վարչական իրավախախտման վերաբերյալ թիվ 8180400459 արձանագրությունը:
Վերոգրյալի հաշվառմամբ Վահե Գրիգորի Բարեղամյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կարատում:
Բացի այդ, Վահե Գրիգորի Բարեղամյանը չունենալով տրանսպորտային միջոց վարելու իրավունք և գտնվելով ոչ սթափ՝ 0.932 մլգ.ալկոհոլային հարբածության վիճակում, 2024 թվականի սեպտեմբերի 06-ին՝ ժամը 01:38-ի սահմաններում Երևան քաղաքի Շոպրոնի փողոցում վարել է Մերսեդես մակնիշի 37 DS 206 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի կրտսեր պարեկ, Վիրապ Ասատրյանի կողմից և 06.09.2024թ.՝ ժամը 01:40-ին կազմվել է վարչական իրավախախտման վերաբերյալ թիվ 81804428037 արձանագրությունը:
Վերոգրյալի հաշվառմամբ Վահե Գրիգորի Բարեղամյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կարատում:
Այսպիսով, Վահե Գրիգորի Բարեղամյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով, 2 դրվագով նախատեսված հանցանքի կատարում»:

Դատաքննության ընթացքում հետազոտված թույլատրելի ապացույցներ
Մեղադրյալ Վահե Գրիգորի Բարեղամյանը ընդունել է իրեն առաջադրված մեղադրանքը։
Որպես արտավարույթային փաստաթուղթ ապացույց ճանաչված, զննված և քրեական վարույթի նյութերին կցված հետևյալ փաստաթղթերը.
Զննում կատարելու մասին արձանագրությամբ, համաձայն որի՝ 2024 թվականի ապրիլի 18-ին՝ ժամը 16:25-ին, Երևան քաղաքի Լենինգրադյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի կրտսեր պարեկ Էմիլ Նուրիջանյանի /կրծքանշան թիվ 07418/ կողմից կազմվել է վարչական իրավախախտման վերաբերյալ թիվ 8180400459 արձանագրությունը, համաձայն որի՝ Վահե Գրիգորի Բարեղամյանը (ծնված՝ 02.02.1989թ.) չունենալով տրանսպորտային միջոցներ վարելու իրավունք՝ 18.04.2024թ., ժամը 16:20-ին Երևան քաղաքի Լենինգրադյան փողոցում՝ ոչ սթափ վիճակում վարել է Մերսեդես մակնիշի 37 DS 206 հաշվառման համարանիշի տրանսպորտային միջոցը:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը ծանոթացա, իմ իրավուքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 203.5 թիվը։
Ալկոհոլի պարունակության ստուգման կտրոնի զննության համաձայն՝ ստուգաչափման սարքի համարն է՝ 91101017, զննման համարը՝ 02012, զննման ամսաթիվը՝ 18.04.2024թ., զննման ժամը՝ 16:23:18, վերջին ստուգաչափման ամսաթիվը՝ 07.12.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.848մգ/լ, վարորդի անունն է՝ Վահե, ազգանունը՝ Բարեղամյան, տրանսպորտային միջոցի համարանիշը՝ 37 DS 206, անձնագիր՝ AT0509665, Պ/Ծ ազգանունը՝ Նուրիջանյան, կրծքանշանի համարը՝ 07418, ստորաբաժանում՝ 4-րդ գումարտակ, 2-րդ վաշտ:
ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲԸ-ից կողմից տրված թիվ 113409 ստուգաչափման վկայականի զննության համաձայն՝ վկայականը ուժի մեջ է 2023 թվականի դեկտեմբերի 07-ից մինչև 2024 թվականի դեկտեմբերի 07-ը, ստուգաչափման սարքի գործարանային համարն է 91101017, տեսակը՝ Jupiter X/RP, չափման տիրույթը՝ 0.00÷2.000մգ/լ, ճշտության դասը, կարգը /սխալանքը/ ±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 МП 242-1353-2012, ստուգաչափող անվան դիմաց առկա է ստորագրույթուն և նշված է Ա.Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրույթյուն և նշված է Գ.Մարտիրոսյան:
ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության զննության համաձայն՝ Վահե Գրիգորի Բարեղամյանի անվամբ թիվ RI473069 վարորդական վկայականի կարգավիճակը զրկված է, սկիզբ՝ 06.01.2022թ., ավարտ՝ 06.01.2023թ.:
2022 թվականի հունվարի 06-ին՝ ժամը 04:05-ին, Երևան քաղաքի Տիգրան Մեծի պողոտայում ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Ալբերտ Պետրոսյանի /կրծքանշան թիվ 05908/ կողմից կազմվել է վարչական իրավախախտման վերաբերյալ թիվ 8180079641 արձանագրությունը, համաձայն որի՝ Վահե Գրիգորի Բարեղամյանը (ծնված՝ 02.02.1989թ.) ժամը 03:30-ին Երևան քաղաքի Տիգրան Մեծի պողոտայում՝ ոչ սթափ վիճակում վարել է Վաուխալ մակնիշի 37 LA 212 հաշվառման համարանիշի տրանսպորտային միջոցը:
Նույն օրը կազմված թիվ 8180079641 որոշմամբ Վահե Բարեղամյանը 1 /մեկ/ տարի ժամկետով զրկվել է տրանսպորտային միջոցներ վարելու իրավունքից:
Կախվածությունների բուժման ազգային կենտրոն ՓԲԸ սթափության վիճակի զննության թիվ 03 արձանագրության զննության համաձայն՝ 06.01.2022թ., ժամը 03:40-ին Վահե Գրիգորի Բարեղամյանը /ծնված՝ 02.02.1989թ./ ՀՀ ոստիկանության պարեկային ծառայության 3-րդ գումարտակի 1-ին վաշտի պարեկ Պետրոսյանի կողմից ներկայացվել է սթափության վիճակի զննության:
Տեղեկություններ ալկոհոլի, թմրամիջոցների, հոգեմետ նյութերի գործածման մասին բաժնում առկա է Ըստ քաղաքացու խոսքերի՝ գործածել է 05.01.22թ. երեկոյան 20:00-ի սահմաններում մոտավորապես 100գ. շամպայն գրառումը:
Արտաշնչած օդի հետազոտության մեթոդը բաժնում առկա է Drager Alcotest 6510, իսկ հետազոտման արդյունքը բաժնում՝ 0.88մգ/լ գրառումը:
Եզրակացություն բաժնում առկա է ոչ սթափ (0.88մգ/լ) գրառումը:
2024 թվականի սեպտեմբերի 06-ին՝ ժամը 01:44-ին, Երևան քաղաքի Շոպրոնի փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտի կրտսեր պարեկ Վիրապ Ասատրյանի /կրծքանշան թիվ 08058/ կողմից կազմվել է վարչական իրավախախտման վերաբերյալ թիվ 8180428037 արձանագրությունը, համաձայն որի՝ Վահե Գրիգորի Բարեղամյանը (ծնված՝ 02.02.1989թ.) չունենալով տրանսպորտային միջոցներ վարելու իրավունք՝ ժամը 01:38-ին Երևան քաղաքի Շոպրոնի փողոցում՝ ոչ սթափ վիճակում վարել է Մերսեդես մակնիշի 37 DS 206 հաշվառման համարանիշի տրանսպորտային միջոցը:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը ծանոթացա, իմ իրավուքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
Ալկոհոլի պարունակության ստուգման կտրոնի զննության համաձայն՝ ստուգաչափման սարքի համարն է՝ 91101089, զննման համարը՝ 00893, զննման ամսաթիվը՝ 06.09.2024թ., զննման ժամը՝ 01:40:16, վերջին ստուգաչափման ամսաթիվը՝ 24.05.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.932մգ/լ, վարորդի անունն է՝ Վահե, ազգանունը՝ Բարեղամյան, տրանսպորտային միջոցի համարանիշը՝ 37 DS 206, անձնագիր՝ AT0509665, Պ/Ծ ազգանունը՝ Ասատրյան, կրծքանշանի համարը՝ 08052, ստորաբաժանում՝ 1-ին գումարտակ, 2-րդ վաշտ:
ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲԸ-ից կողմից տրված թիվ 125435 ստուգաչափման վկայականի զննության համաձայն՝ վկայականը ուժի մեջ է 2024 թվականի մայիսի 24-ից մինչև 2025 թվականի մայիսի 24-ը, ստուգաչափման սարքի գործարանային համարն է 91101089, տեսակը՝ Jupiter X/RP, չափման տիրույթը՝ 0.00÷2.000մգ/լ, ճշտության դասը, կարգը /սխալանքը/ ±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 МП 242-1353-2012, ստուգաչափող անվան դիմաց առկա է ստորագրույթուն և նշված է Ա.Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրույթյուն և նշված է Գ.Մարտիրոսյան։Վ.Թ. 3-8, 17-18, 39-45, 53-54
Որպես արտավարութային փաստաթուղթ ճանաչված՝ զննության ենթարկված՝ Վահե Գրիգորի Բարեղամյանի նկատմամբ կազմված վարչական իրավախախտման վերաբերյալ թիվ 8180400459, 8180079641, 8180428037 արձանագրությունների, ալկոհոլի պարունակության ստուգման թիվ 02012, 00893 կտրոնների, ստուգաչափման թիվ 113409, 12543 վկայականների, Կախվածությունների բուժման ազգային կենտրոն ՓԲԸ թիվ 03 արձանագրության, ՀՀ ՆԳՆ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության պատճեններով:Վ.Թ. 19-20, 55-56
Վերոգրյալ ապացույցների հիման վրա Դատարանը հաստատված է համարում հետևյալ փաստական հանգամանքները, մասնավորապես.
-Վահե Գրիգորի Բարեղամյանը 2024 թվականի ապրիլի 18-ի դրությամբ չի ունեցել տրանսպորտային միջոցներ վարելու իրավունք,
-Վահե Գրիգորի Բարեղամյանը չունենալով տրանսպորտային միջոց վարելու իրավունք և գտնվելով ոչ սթափ՝ 0.848 մլգ.ալկոհոլային հարբածության վիճակում 2024 թվականի ապրիլի 18-ին՝ ժամը 16:20-ի սահմաններում Երևան քաղաքի Մալաթիա-Սեբաստիա վարչական շրջանի տարածքում Լենինգրադյան փողոցում վարել է Մերսեդես մակնիշի 37 DS 206 հաշվառման համարանիշի ավտոմեքենան։
-Վահե Գրիգորի Բարեղամյանը 2024 թվականի սեպտեմբերի 06-ի դրությամբ չի ունեցել տրանսպորտային միջոցներ վարելու իրավունք,
-Վահե Գրիգորի Բարեղամյանը չունենալով տրանսպորտային միջոց վարելու իրավունք և գտնվելով ոչ սթափ՝ 0.932 մլգ.ալկոհոլային հարբածության վիճակում 2024 թվականի սեպտեմբերի 06-ին՝ ժամը 01:38-ի սահմաններում Երևան քաղաքի Շոպրոնի փողոցում վարել է Մերսեդես մակնիշի 37 DS 206 հաշվառման համարանիշի ավտոմեքենան։

Դատավճռի պատճառաբանական մաս.
ՀՀ քրեական դատավարության օրենսգրքի 97-րդ հոդվածի համաձայն/․․․/ 1. Վարույթի ընթացքում ձեռք բերված ապացույցները, ներառյալ վարույթի մասնավոր մասնակիցների ներկայացրած ապացույցները համարվում են թույլատրելի, քանի դեռ պատշաճ իրավական ընթացակարգով հակառակը չի հաստատվել:
2. Օրենքի էական խախտմամբ ստացված տվյալները, ինչպես նաև դրանց հիման վրա կատարված վարութային գործողությունների արդյունքով ձեռք բերված տվյալները ճանաչվում են անթույլատրելի և չեն կարող օգտագործվել որպես ապացույց/․․․/:
ՀՀ քրեական դատավարության օրենսգրքի 102-րդ հոդվածի համաձայն`
/․․․/1. Քրեական վարույթի ընթացքում ապացուցման ենթակա են՝
1)դեպքը և դրա հանգամանքները (ժամանակը, տեղը, եղանակը և այլն).
2)մեղադրյալի առնչությունը դեպքին.
3)ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8)այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները/․․․/:
ՀՀ քրեական դատավարության օրենսգրքի 105-րդ հոդվածի համաձայն` /․․․/ 1.Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել/․․․/:
ՀՀ քրեական դատավարության օրենսգրքի 276-րդ հոդվածը սահմանում է, որ
/․․․/ 1. Առաջին ատյանի դատարանում վարույթն իրականացվում է միայն մեղադրյալի նկատմամբ և միայն նրան ներկայացված մեղադրանքով:/․․․/:
Հետազոտված ապացույցների հիման վրա Դատարանը առանձին սենյակում գնահատելով դրանք իրենց համակցության մեջ, համադրելով մեղադրյալին առաջադրված մեղադրանքի ձևակերպման հետ, որ նա «չունենալով տրանսպորտային միջոց վարելու իրավունք և գտնվելով ոչ սթափ՝ 0.848 մլգ.ալկոհոլային հարբածության վիճակում, 2024 թվականի ապրիլի 18-ին՝ ժամը 16:20-ի սահմաններում Երևան քաղաքի Մալաթիա-Սեբաստիա վարչական շրջանի տարածքում Լենինգրադյան փողոցում վարել է Մերսեդես մակնիշի 37 DS 206 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի կրտսեր պարեկ, Էմիլ Նուրիջանյանի կողմից և 18.04.2024թ.՝ ժամը 16:25-ին կազմվել է վարչական իրավախախտման վերաբերյալ թիվ 8180400459 արձանագրությունը:
Բացի այդ, Վահե Գրիգորի Բարեղամյանը չունենալով տրանսպորտային միջոց վարելու իրավունք և գտնվելով ոչ սթափ՝ 0.932 մլգ.ալկոհոլային հարբածության վիճակում, 2024 թվականի սեպտեմբերի 06-ին՝ ժամը 01:38-ի սահմաններում Երևան քաղաքի Շոպրոնի փողոցում վարել է Մերսեդես մակնիշի 37 DS 206 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի կրտսեր պարեկ, Վիրապ Ասատրյանի կողմից և 06.09.2024թ.՝ ժամը 01:40-ին կազմվել է վարչական իրավախախտման վերաբերյալ թիվ 81804428037 արձանագրությունը», նշված արարքը ՀՀ քրեական օրենսգրքի 344-րդ հոդվածի 2-րդ մասով 2 դրվագով որակման համատեքստում ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին պատասխանելիս գտել է, որ
ապացուցված են մեղադրյալին վերագրվող փաստական հանգամանքները (արարքը),
ապացուցված է այդ արարքի քրեական հակաիրավականությունը,
ապացուցված է մեղադրյալի կողմից այդ արարքը կատարելը,
ապացուցված է մեղադրյալի մեղավորությունը տվյալ արարքը կատարելու մեջ:
2. Սույն հոդվածի 1-ին մասում նշված հարցերից որևէ մեկին ժխտական պատասխան տալու դեպքում դատարանը կայացնում է արդարացման վերդիկտ։
3. Սույն հոդվածի 1-ին մասում նշված բոլոր հարցերին հաստատական պատասխան տալու դեպքում դատարանը կայացնում է մեղադրական վերդիկտ, որով սահմանում է նաև, թե ապացուցված արարքի նկատմամբ քրեական օրենսգրքի, որ հոդվածը, հոդվածի մասը կամ կետն է ենթակա կիրառման:
Համաձայն ՀՀ քրեական դատավարության օրենսգրքի 348-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե մեղադրյալը պատժի ենթակա է, թե ոչ, պատժի ինչ տեսակ պետք է նշանակվի և պետք է արդյոք նա այն կրի:
Դատարանը դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին գտնում է, որ կատարած արարքի համար Գրիգոր Մարտիրոսյանը ենթակա է քրեական պատասխանատվության և պատժի:
ՀՀ քրեական օրենսգրքի 344-րդ հոդվածի 2-րդ մասը սահմանում է՝/.../2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը` պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:/․․․/:
Մեղադրյալին վերագրվող արարքը ՀՀ քրեական օրենսգրքի 17-րդ հոդվածի համաձայն հանդիսանում է ոչ մեծ ծանրության հանցանք։
ՀՀ քրեական օրենսգրքի 55-րդ հոդվածի համաձայն` /․․․/ Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները/․․․/:
Հաստատված համարելով մեղադրյալ Վահե Բարեղամյանի մեղավորությունն իրեն մեղսագրված հանցանքի կատարման մեջ՝ Դատարանը գտնում է, որ անհրաժեշտ է անդրադառնալ մեղադրյալի նկատմամբ պատիժ նշանակելու հետ կապված հետևյալ հարցերին.
1) դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքներին, ինչպես նաև նրա անձը բնութագրող հանգամանքներին
2) պատժի, մասնավորապես՝ արդյոք մեղադրյալը ենթակա է պատժի և ի՞նչ պատիժ պետք է նշանակվի նրա նկատմամբ, մեղադրյալը պետք է կրի իր նկատմամբ նշանակված պատիժը, թե ոչ։
Անդրադառնալով մեղադրյալի պատասխանատվությունը և պատիժը մեղմացնող, ծանրացնող հանգամանքներին, ինչպես նաև նրա անձը բնութագրող հանգամանքներին՝ Դատարանն անհրաժեշտ է համարում նշել հետևյալը.
ՀՀ քրեական օրենսգրքի 69-րդ հոդվածի համաձայն` «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: (…)»:
Վահե Բարեղամյանի անձը բնութագրող հանգամանքներն են, մասնավորապես խոստովանական ցուցմունքներ տալը:
Դատարանը միաժամանակ արձանագրում է, որ Վահե Բարեղամյանի պատասխանատվությունն ու պատիժը մեղմացնող և ծանրացնող հանգամանքներ առկա չեն:
Դատարանը, հաշվի առնելով վերոգրյալը, ինչպես նաև Վահե Բարեղամյանի կատարած հանցագործության հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունըև պատիժը մեղմացնող և ծանրացնող հանգամանքների բացակայությունը, գտնում է, որ մեղադրյալի նկատմամբ պետք է նշանակել պատիժ տուգանքի ձևով։
Հանցանք կատարելու պահին «Նվազագույն աշխատավարձի մասին» ՀՀ օրենքի 1-ին հոդվածի համաձայն /․․․/ 1. Հայաստանի Հանրապետությունում նվազագույն ամսական աշխատավարձը սահմանել 75.000 դրամ:/․․․/։
Նկատի ունենալով, որ Դատարանին չի ներկայացվել Վահե Բարեղամյանի՝ հանցանքները կատարելուց առաջ մեկ տարվա ընթացքում ստացած, միջին եկամուտի չափը Դատարանը, որպես հաշվարկային միավոր ընդունում է հանցանք կատարելու օրը սահմանված նվազագույն աշխատավարձը և պատիժ նշանակում տուգանք (1-ին դրվագով) նախատեսված նվազագույն աշխատավարձի հնգապատիկի չափով՝ 375․000 ՀՀ դրամ, իսկ 2-րդ դրվագով նախատեսված հանցանքի համար պատիժ նշանակելու հարցը քննարկելիս Դատարանը արձանագրում է, որ մեղադրյալի նկատմամբ կիրառելի չէ առավել մեղմ պատժի նվազագույն չափը, քանի որ երկրորդ դրվագով նախատեսված հանցանքը կատարելիս մեղադրյալը արդեն իսկ տեղեկացված է եղել 1-ին դրվագով նախատեսված հանցանք կատարելու մասին և փաստացի այդքանով հանդերձ կրկին կատարել է համասեռ արարք, նման պարագայում արձանագրվում է, որ մեղադրյալի նկատմամբ 2-րդ դրվագով նախատեսված հանցանքի կատարման համար ենթակա է նշանակման ավելի խիստ պատժաչափ քան 1-ին դրվագով նախատեսված հանցանք կատարելու համար, քանի որ առաջին արարքից հետո գիտակցված նույն հանցանքի կատարումը արարքը և այն կատարող անձին օժտում է ավելի բարձր հանրային վտանգավորությամբ, ուստի 2-րդ դրվագով նախատեսված հանցանքի կատարման համար Վահե Բարեղամյանի նկատմամբ որպես պատիժ Դատարանը նշանակում է տուգանք նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները անհրաժեշտ է լրիվ գումարել և վերջնական պատիժ նշանակել տուգանք՝ 825․000 /ութ հարյուր քսանհինգ հազար) ՀՀ դրամի չափով:
Բավարարելով մեղադրյալի միջնորդությունը Դատարանը նշանակված տուգանք պատժի վճարումը տարաժամկետում է մեկ տարի ժամկետով՝ սահմանելով վճարման պարտականություն յուրաքանչյուր ամիս նվազագույնը 68․750 (վաթսունութ հազար յոր հարյուր հիսուն) ՀՀ դրամի չափով:
Անդրադառնալով խափանման միջոցի հարցին, Դատարանը գտնում է, որ Վահե Բարեղամյանի նկատմամբ ընտրված խափանման միջոցը` բացակայելու արգելքը, պետք է թողնել անփոփոխ, մինչև դատավճռի օրինական ուժի մեջ մտնելը:
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Վահե Բարեղամյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը պետք է վերացնել:
ՀՀ քրեական դատավարության օրենսգրքի 348-րդ հոդվածի 1-ին մասի համաձայն` դատավճիռ կայացնելիս Դատարանը պարտավոր է անդրադառնալ ի թիվս այլնի նաև իրեղեն ապացույցների, վարույթային ծախսերի, գույքի նկատմամբ կիրառված (կիրառվելիք) արգելադրման, գույքային հայցի հարցերին, սակայն Դատարանը, պարզելով, որ սույն քրեական գործով մեղադրյալի գույքի վրա արգելանք չի կիրառվել, գույքային հայց չի ներկայացվել, սահմանափակվում է այդ փաստերի արձանագրմամբ:
Քրեական գործին կցված արտավարութային փաստաթղթերը անհրաժեշտ է պահել քրեական գործի հետ միասին՝ դրանց պահելու ամբողջ ժամանակամիջոցում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 97-րդ, 102-րդ, 105-րդ, 276-րդ, 348-349-րդ, 352-356-րդ և 364-րդ հոդվածներով` Դատարանը․
Վ Ճ Ռ Ե Ց

Վահե Բարեղամյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված 1-ին դրվագով հանցանք կատարելու համար և պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
Վահե Բարեղամյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված 2-րդ դրվագով հանցանք կատարելու համար և պատիժ նշանակել տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարել և վերջնական պատիժ նշանակել տուգանք՝ 825․000 (ութ հարյուր քսանհինգ հազար) ՀՀ դրամի չափով:
Նշանակված տուգանք պատժի վճարումը տարաժամկետել մեկ տարի ժամկետով՝ սահմանել վճարման պարտականություն յուրաքանչյուր ամիս առնվազն 68․750 (վաթսունութ հազար յոթ հարյուր հիսուն) ՀՀ դրամի չափով:
Վահե Բարեղամյանի նկատմամբ ընտրված խափանման միջոցը` բացակայելու արգելքը, թողնել անփոփոխ մինչև սույն դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո Վահե Բարեղամյանի վերաբերյալ Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքը վերացնել:
Իրեղեն ապացույցների, գույքային հայցի, վարույթային ծախսերի հարցը համարել լուծված:
Քրեական գործին կցված արտավարութային փաստաթղթերը պահել քրեական գործի հետ միասին՝ դրանց պահելու ամբողջ ժամանակամիջոցում:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան` ստանալու օրվանից մեկամսյա ժամկետում:

ԴԱՏԱՎՈՐ` ՄՈՒՇԵՂ ԱՐԱՄՅԱՆ