ԵԴ1/3878/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Դ․ՄԱՐԳԱՐՅԱՆԻ
մեղադրյալ Ա․ՈՍԿԱՆՅԱՆԻ


2025 թվականի մարտի 14-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Անի Մելիքի Ոսկանյանի՝ ծնված 1994 թվականի օգոստոսի 12-ին, ք․Վանաձոր, հայ, ՀՀ քաղաքացի, միջնակարգ կրթությամբ, չամուսնացած, խնամքին՝ մեկ անչափահաս երեխա, արարքը կատարելու պահին նախկինում չդատապարտված, չի աշխատում, հաշվառված է՝ Լոռու մարզի Սարահարթ գյուղի 17-րդ փողոցի 7 տուն հասցեում, բնակվում է ք․Երևան, Մաշտոցի փողոցի, 33/2 շենքի 17-րդ բնակարան հասցեում, մեղադրանք է առաջադրվել ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի փետրվարի 21-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-0736-24 քրեական վարույթը:
2024 թվականի փետրվարի 21-ին Անի Մելիքի Ոսկանյանը ձերբակալվել և նույն օրը ազատ է արձակվել։
2024 թվականի դեկտեմբերի 16-ի որոշմամբ Անի Մելիքի Ոսկանյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով այն արարքի համար, որ նա, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 01276)՝ մեկ լիտր արտաշնչած օդի մեջ մաքուր ալկոհոլի պարունակությունը 0.711 մգ/լ (առնվազն՝ 0.6399 մգ/լ՝ նկատի ունենալով ստուգաչափող թիվ 91101041 ալկոտեստեր սարքի չափման ճշտության հնարավոր 10% սխալանքը), 2024 թվականի փետրվարի 21-ին՝ ժամը 04:40-ի սահմաններում, Երևան քաղաքի Նալբանդյան և Թումանյան փողոցների խաչմերուկի հատվածում վարել է «ԲՄՎ» մակնիշի 21 BM 100 հաշվառման համարանիշի ավտոմեքենան, որի կապակցությամբ ՀՀ ՆԳՆ ոստիկանության պարեկային ծառա- յության պարեկ Արմեն Մուրադյանի կողմից ձերբակալվել և տեղափոխվել է ՀՀ ՆԳՆ ոստիկանության Կենտրոնական բաժին:
2024 թվականի դեկտեմբերի 18-ի որոշմամբ Անի Մելիքի Ոսկանյանի նկատմամբ որպես խափանման միջոց է ընտրվել բացակայելու արգելքը:
2024 թվականի դեկտեմբերի 25-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3878/01/24 համարը:
2024 թվականի դեկտեմբերի 27-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի մարտի 14-ին Դատարանը Անի Մելիքի Ոսկանյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Անի Մելիքի Ոսկանյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում Անի Մելիքի Ոսկանյանը ցուցմունք է տվել այն մասին, որ սույն թվականի փետրվար ամսին, գիշերային ժամերին, Երևան քաղաքում վարել է «ԲՄՎ» մակնիշի 21 100 հաշվառման համարանիշի ավտոմեքենան, որի տառերը չի հիշում և Նալբանդյան-Թումանյան փողոցների խաչմերուկում իրեն կանգնեցրել են պարեկային ծառայության աշխատակիցները: Այնուհետև նրանք մոտեցել են իրեն, ներկայացել և պահանջել համապատասխան փաստաթղթեր, ինչին ի պատասխան հայտնել է, որ չունի վարորդական վկայական, որից հետո տեղում ստուգել են իր սթափության աստիճանը և պարզվել է, որ գտնվում է ոչ սթափ վիճակում: Այնուհետև կազմվել է համապատսխան արձանագրություն: Մեքենան վարելու ժամանակ գտնվել է ընկերներից մեկի հետ: Մեքենան վարել է, քանի որ այդ պահին անհրաժեշտ էր: Մեքենան իրեն չի պատկանում: Ինքը երբևէ վարորդական վկայական չի ունեցել: Նախկինում նմանատիպ դեպքեր եղել են իր մասնակցությամբ: Ցուցմունքին ավելացնելու ոչինչ չունի (տե´ս դատական նիստի արձանագրություն, քրեական գործ, 52-54-րդ թերթ)։
Ցուցմունքը հրապարակելուց հետո Անի Մելիքի Ոսկանյանը հայտարարել է, որ դրանք համապատասխանում են իրականությանը (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
ՀՀ ՆԳՆ ոստիկանության ՊԾ ԵՔԳ 3-րդ գումարտակի 2-րդ վաշտի կրտսեր պարեկ Արթուր Հակոբյանի կողմից 21.02.2024թ. ՀՀ ՆԳՆ ոստիկանության Կենտրոնական բաժնի պետ Ե.Նիկոյանին ներկայացված զեկուցագիրը (տե՛ս դատական նիստի արձանագրություն, քրեական գործ, 3-րդ թերթ):
Անի Մելիքի Ոսկանյանի վերաբերյալ 21.02.2024թ. կազմված ալկոհոլի պարունակության ստուգման՝ 01276 համարի կտրոնը (տե՛ս դատական նիստի արձանագրություն, քրեական գործ, 4-րդ, 29-30-րդ թերթեր):
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 102573 ստուգաչափման վկայականի պատճենը (տե՛ս դատական նիստի արձանագրություն, քրեական գործ, 5-րդ, 29-30-րդ թերթեր):
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենը (տե՛ս դատական նիստի արձանագրություն, քրեական գործ, 6-րդ, 29-30-րդ թերթեր):
Անի Մելիքի Ոսկանյանի վերաբերյալ` 21.02.2024թ. ՀՀ ՆԳՆ ոստիկանության ՊԾ ԵՔԳ 3-րդ գումարտակի 2-րդ վաշտի կրտսեր պարեկ Արթուր Հակոբյանի կողմից ՀՀ ՆԳՆ ոստիկանության Կենտրոնական բաժնի պետ Ե.Նիկոյանին ներկայացված զեկուցագրի, 21.02.2024թ. կազմված ալկոհոլի պարունակության ստուգման՝ 01276 համարի կտրոնի, ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲ ընկերության կողմից տրված թիվ 102573 ստուգաչափման վկայականի, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության և ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի պատճենների զննության արձանագրությունը (տե´ս դատական նիստի արձանագրություն, քրեական գործ, 27-28-րդ թերթեր)։
Ա․Ոսկանյանի դատավածության վերաբերյալ տեղեկանքը, որի համաձայն Ա․Ոսկանյանը նախկինում դատպարտված չի եղել (տե´ս դատական նիստի արձանագրություն, քրեական գործ, 31-րդ թերթ):
Դատալեքս տեղեկատվական համակարգից երևում է, որ Անի Մելիքի Ոսկանյանը Երևան քաղաքի առաջին ատյանի ընդհանուր իրավասության քրեական դատարանի 2024 թվականի նոյեմբերի 1-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով պատիժ է նշանակել տուգանք՝ 375.000 (երեք հարյուր յոթանասունհինգ հազար) ՀՀ դրամի չափով, տուգանքը տարաժամկետվել է 12 (տասներկու) ամիս ժամկետով։

3.Դատարանի իրավական վերլուծությունները
Դատարանը, վերլուծելով մեղադրյալ Անի Մելիքի Ոսկանյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ նա, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 01276)՝ մեկ լիտր արտաշնչած օդի մեջ մաքուր ալկոհոլի պարունակությունը 0.711 մգ/լ (առնվազն՝ 0.6399 մգ/լ՝ նկատի ունենալով ստուգաչափող թիվ 91101041 ալկոտեստեր սարքի չափման ճշտության հնարավոր 10% սխալանքը), 2024 թվականի փետրվարի 21-ին՝ ժամը 04:40-ի սահմաններում, Երևան քաղաքի Նալբանդյան և Թումանյան փողոցների խաչմերուկի հատվածում վարել է «ԲՄՎ» մակնիշի 21 BM 100 հաշվառման համարանիշի ավտոմեքենան, որի կապակցությամբ ՀՀ ՆԳՆ ոստիկանության պարեկային ծառայության պարեկ Արմեն Մուրադյանի կողմից ձերբակալվել և տեղափոխվել է ՀՀ ՆԳՆ ոստիկանության Կենտրոնական բաժին։
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Ա․Ոսկանյանի կողմից ոչ սթափ վիճակում տրանսպորտային միջոց վարելը տրանսպորտային միջոց վարելու իրավունք չունենալու պայմաններում, այդ արարքն ապացուցված է, այն ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
ՀՀ վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (ի թիվս այլնի տե՛ս ՀՀ վճռաբեկ դատարանի թիվ ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11 որոշումները)։
Այսպես` Դատարանը մեղադրյալ Ա․Ոսկանյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ա․Ոսկանյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Ա․Ոսկանյանի անձը բնութագրող տվյալ հաշվի է առնում այն, որ նա նախկինում դատապարտված է եղել։
Դատարանը, ղեկավարվելով ՀՀ քրեական օրենսգրքի 70-րդ հոդվածի 1-ին մասի 4-րդ կետով, որպես մեղադրյալ Ա․Ոսկանյանի պատասխանատվությունն ու պատիժը մեղմացնող հանգամանք հաշվի է առնում այն, որ նրա խնամքին է մեկ անչափահաս երեխա։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Ա․Ոսկանյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Ա․Ոսկանյանի պատասխանատվությունն ու պատիժը ծանրացնող հանգամանքներ առկա չեն։
Դատարանը գտնում է, որ կատարած արարքի համար մեղադրյալ Ա․Ոսկանյանի ենթակա է պատժի տուգանքի ձևով՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 11-րդ մասի համաձայն՝ «Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը»։
Տվյալ դեպքում՝ Անի Ոսկանյանը Երևան քաղաքի առաջինատյանի ընդհանուր իրավասության քրեական դատարանի 2024 թվականի նոյեմբերի 1-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով դատապարտվել է տուգանքի՝ 375.000 ՀՀ դրամի չափով։
ՀՀ ԱՆ պրոբացիայի ծառայության կողմից տրված պարզաբանման մեղադրյալ Անի Ոսկանյանը վճարել է իր նկատմամբ նշանակված տուգանքի մի մասը՝ 93․750 (ինսուներեք հազար յոթ հարյուր հիսուն) ՀՀ դրամը։
Ուստի սույն գործով նշանակված պատժին պետք է լրիվ գումարել վերոհիշյալ դատավճռով նշանակված տուգանքի չվճարված մասը՝ 281․250 (երկու հարյուր ութսունմեկ հազար երկու հարյուր հիսուն) ՀՀ դրամ և վերջնական պատիժ սահմանել տուգանք՝ 656.250 (վեց հարյուր հիսունվեց հազար երկու հարյուր հիսուն) ՀՀ դրամի չափով։
ՀՀ քրեական օրենսգրքի 59-րդ հոդվածի 8-րդ մասի համաձայն՝ «8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (․․․)»
Դատարանը, հաշվի առնելով մեղադրյալ Ա․Ոսկանյանի գույքային դրությունը՝ այն, որ նա բավարար նյութական միջոցներ չունի անհապաղ և ամբողջությամբ վճարելու նշանակված տուգանքը, գտնում է, որ նրա նկատմամբ նշանակված պատժի՝ տուգանքի վճարումը պետք է տարաժամկետել 10 ամիս ժամկետով և թույլատրել տուգանքը մաս առ մաս վճարել նույն ժամկետում։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ա․Ոսկանյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-349-րդ հոդվածներով` Դատարանը

Վ Ճ Ռ Ե Ց

Մեղադրյալ Անի Մելիքի Ոսկանյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ, և նրա նկատմամբ պատիժ նշանակել տուգանք՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ սույն դատավճռով նշանակված պատժին լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի նոյեմբերի 1-ի դատավճռով նշանակված տուգանքի 375.000 (երեք հարյուր յոթանասունհինգ հազար) ՀՀ դրամի չվճարված մասը 281․250 (երկու հարյուր ութսունմեկ հազար երկու հարյուր հիսուն) ՀՀ դրամ և վերջնական պատիժ սահմանել տուգանք՝ 656.250 (վեց հարյուր հիսունվեց հազար երկու հարյուր հիսուն) ՀՀ դրամի չափով։
ՀՀ քրեական օրենսգրքի 79-րդ հոդվածի հիման վրա՝ հաշվակցել Անի Ոսկանյանի անզատության մեջ գտնվելու մեկ օրը՝ 2024 թվականի փետրվարի 21-ը, և նրա նկատմամբ վերջնական պատիժ սահմանել տուգանք՝ 631.250 (վեց հարյուր երեսունմեկ հազար երկու հարյուր հիսուն) ՀՀ դրամի չափով։
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս։
Մեղադրյալ Անի Մելիքի Ոսկանյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթուղթ ճանաչված և քրեական գործին կցված փաստաթղթերը թողնել կցված քրեական գործին՝ դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ