ԵԴ1/3895/01/24





Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«23» հունիսի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)
նախագահող դատավոր՝ Ռազմիկ Մարիկյան
դատական նիստերի քարտուղար՝ Գոռ Բադալյան
մասնակցությամբ`

հանրային մեղադրող Արթուր Հեբոյանի
մեղադրյալ Սարգիս Եղիկյանի

դռնբաց դատական նիստում քննելով քրեական վարույթն ըստ մեղադրանքի Սարգիս Արթուրի Եղիկյանի (ծնված՝ 02.09.1993թ., ՀՀ քաղաքացի, թերի բարձրագույն կրթությամբ, ամուսնացած, խնամքին են գտնվում երկու անչափահաս երեխաներ, չի աշխատում, արարքի կատարման պահին ունեցել է դատվածություն, ներկայում դատվածություն չունի, հաշվառված Երևան քաղաքի Լուսինե Զաքարյան փողոցի 83 տուն հասցեում, բնակվում է Երևան քաղաքի Գաջեգործների փողոցի 3-րդ փողոցի 20/1 տուն հասցեում), մեղադրանք է ներկայացվել 3 (երեք) դրվագ ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է կիրառվել բացակայելու արգելքը,
1. Գործի դատավարական նախապատմությունը.
2024 թվականի հուլիսի 20-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60278424 քրեական վարույթը։
2024 թվականի հուլիսի 20-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60278524 քրեական վարույթը։
2024 թվականի սեպտեմբերի 6-ի որոշմամբ թիվ 60278524 քրեական վարույթը միացվել է թիվ 60278424 քրեական վարույթին, և նախաքննությունը շարունակվել է թիվ 60278424 նախաքննական համարի ներքո:
2024 թվականի հուլիսի 20-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60278624 քրեական վարույթը։
2024 թվականի սեպտեմբերի 6-ի որոշմամբ թիվ 60278624 քրեական վարույթը միացվել է թիվ 60278424 քրեական վարույթին, և նախաքննությունը շարունակվել է թիվ 60278424 նախաքննական համարի ներքո:
2024 թվականի հոկտեմբերի 28-ին 3 (երեք) դրվագ ՀՀ քրեական օրենսգրքի 344-րդ հոդվածի 2-րդ մասի հատկանիշներով Սարգիս Արթուրի Եղիկյանի նկատմամբ հարուցվել է հանրային քրեական հետապնդում:
2024 թվականի դեկտեմբերի 25-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60278424 նախաքննական համարով քրեական գործը, որին շնորհվել է թիվ ԵԴ1/3895/01/24 համարը։
2024 թվականի դեկտեմբերի 30-ին Երևան քաղաքի առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանի կողմից որոշում է կայացվել թիվ ԵԴ1/3895/01/24 քրեական գործով վարույթը ստանձնելու մասին:
2025 թվականի հունիսի 23-ին Դատարանը թիվ ԵԴ1/3895/01/224 քրեական գործով կայացրել է մեղադրական վերդիկտ՝ Սարգիս Արթուրի Եղիկյանին մեղավոր ճանաչելով 3 (երեք) դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ:
2. Մեղադրանքի փաստական նկարագրությունը.
Սարգիս Արթուրի Եղիկյանին մեղադրանք է ներկայացվել 3 (երեք) դրվագ ՀՀ քրեական օրենսգրքի 344-րդ հոդվածի 2-րդ մասով` այն բանի համար, որ «նա, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ վարել է տրանսպորտային միջոց:
Այսպես.
Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.469 մգ/լ, 2023 թվականի նոյեմբերի 19-ին՝ ժամը 01:50-ին, Երևան քաղաքի Կուստոյի փողոցում վարել է «Վազ» մակնիշի, 37 TF 573 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180267156 արձանագրությունը:
Այսինքն, Սարգիս Արթուրի Եղիկյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Բացի այդ, Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.123 մգ/լ, 2024 թվականի հունվարի 5-ին՝ ժամը 01:20-ին, Երևան քաղաքի Սասունցի Դավիթ փողոցում վարել է «Յագուար» մակնիշի, 88 LD 388 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180260152 արձանագրությունը:
Այսինքն, Սարգիս Արթուրի Եղիկյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Բացի այդ, Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.428 մգ/լ, 2024 թվականի մայիսի 25-ին՝ ժամը 01:55-ին, Երևան քաղաքի Խանջյան փողոցում վարել է «Վազ» մակնիշի, 37 TF 573 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180408643 արձանագրությունը:
Այսինքն, Սարգիս Արթուրի Եղիկյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Սարգիս Եղիկյանը, օգտվելով իր դատավարական իրավունքից, հրաժարվել է ցուցմունք տալ:
- Վարչական իրավախախտման վերաբերյալ թիվ 8180267256 արձանագրությունը, համաձայն որի՝ 2023 թվականի նոյեմբերի 19-ին՝ ժամը 02։05-ին, Երևան քաղաքի Ազատամարտիկների փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտի պարեկ Սոնա Երիցյանի /կրծքանշան թիվ 12774/ կողմից կազմվել է արձանագրություն այն մասին, որ Սարգիս Արթուրի Եղիկյանը 2024 թվականի նոյեմբերի 19-ին թվականին՝ ժամը 01։50-ին, չունենալով տրանսպորտային միջոցներ վարելու իրավունք, ոչ սթափ վիճակում՝ Երևան քաղաքի Կուստոյի փողոցում վարել է «Լադա» մակնիշի 37 TF 573 հաշվառման համարանիշի տրանսպորտային միջոցը։ Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն, իսկ արձանագրությանը ծանոթացա, իմ իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է 203․5 թիվը։
- Ալկոհոլի պարունակության ստուգման կտրոնը, որի համաձայն՝ ստուգաչափման սարքի համարն է՝ 91100983, զննման համարն է՝ 01451, զննման ամսաթիվն է՝ 19․11․2023 թվական, զննման ժամն է՝ 02։04։30, վերջին ստուգաչափման ամսաթիվն է՝ 16․08․2024 թվական, դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.469 մգ/լ, վարորդի անունն է՝ Սարգիս վարորդի ազգանունն է՝ Եղիկյան, Պ/Ծ-ի ազգանունն է՝ Մնացականյան, կրծքանշանի համարն է՝ 05703, ստորաբաժանումն է՝ 1-ին գումարտակ, 2-րդ վաշտ:
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 095309 ստուգաչափման վկայականը, որի համաձայն՝ վկայականը ուժի մեջ է 05․05․2023 թվականից մինչև 05․05․2024 թվականը, ստուգաչափման սարքի գործարանային համարն է 91100983 տեսակը՝ Jupiter X/RP, չափման տիրույթը՝ 0.000-2․000մգ/լ/, ճշտության դասը, կարգը /սխալանքը/ + - 10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 МП 242-1353-2012, ստուգաչափող անվան դիմաց առկա է ստորագրություն և նշված է Ա․Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
- Վարչական իրավախախտման վերաբերյալ թիվ 8180260152 արձանագրությունը, համաձայն որի՝ 2024 թվականի հունվարի 5-ին՝ ժամը 02։08-ին, Երևան քաղաքի Սասունցի Դավիթ փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի կրտսեր պարեկ Արման Սարինյանի /կրծքանշան թիվ 09198/ կողմից կազմվել է արձանագրություն այն մասին, որ Սարգիս Արթուրի Եղիկյանը 05․01․2024 թվականին՝ ժամը 01։20-ին, չունենալով տրանսպորտային միջոցներ վարելու իրավունք, ոչ սթափ վիճակում՝ Երևան քաղաքի Սասունից Դավիթ փողոցում վարել է «Յագուար» մակնիշի 88 LO 388 հաշվառման համարանիշի տրանսպորտային միջոցը։ Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն, իսկ արձանագրությանը ծանոթացա, իմ իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է 203․5 թիվը։
- Ալկոհոլի պարունակության ստուգման կտրոնը, որի համաձայն՝ ստուգաչափման սարքի համարն է՝ 91100983, զննման համարն է՝ 01645, զննման ամսաթիվն է՝ 05․01․2024 թվական, զննման ժամն է՝ 01։49։51, վերջին ստուգաչափման ամսաթիվն է՝ 16․08․2023 թվական, դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.123 մգ/լ, վարորդի անունն է՝ Սարգիս, վարորդի ազգանունն է՝ Եղիկյան, Պ/Ծ-ի ազգանունն է՝ Սարինյան, կրծքանշանի համարն է՝ 09198, ստորաբաժանումն է՝ 2-րդ գումարտակ, 3-րդ վաշտ:
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 102568 ստուգաչափման վկայականը, որի համաձայն՝ վկայականը ուժի մեջ է 16․08․2023 թվականից մինչև 16․08․2024 թվականը, ստուգաչափման սարքի գործարանային համարն է 91100983 տեսակը՝ Jupiter X/RP, չափման տիրույթը՝ 0.000-2․000մգ/լ/, ճշտության դասը, կարգը /սխալանքը/ + - 10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 МП 242-1353-2012, ստուգաչափող անվան դիմաց առկա է ստորագրություն և նշված է Ա․Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
- Վարչական իրավախախտման վերաբերյալ թիվ 8180408643 արձանագրությունը, համաձայն որի՝ 2024 թվականի մայիսի 25-ին՝ ժամը 02։02-ին, Երևան քաղաքի Վարդանանց փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտի կրտսեր պարեկ /կրծքանշան թիվ 08058/ կողմից կազմվել է արձանագրություն այն մասին, որ Սարգիս Արթուրի Եղիկյանը 2024 թվականի մայիսի 25-ին՝ ժամը 01։55-ին, չունենալով տրանսպորտային միջոցներ վարելու իրավունք, ոչ սթափ վիճակում՝ Երևան քաղաքի Խանջյան փողոցում վարել է «Լադա» մակնիշի 37 TF 573 հաշվառման համարանիշի տրանսպորտային միջոցը։ Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն, իսկ արձանագրությանը ծանոթացա, իմ իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն։ Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված է 203․5 թիվը։
- Ալկոհոլի պարունակության ստուգման կտրոնը, որի համաձայն՝ ստուգաչափման սարքի համարն է՝ 91100981, զննման համարն է՝ 02244, զննման ամսաթիվն է՝ 25․05․2024 թվական, զննման ժամն է՝ 02։03։12, վերջին ստուգաչափման ամսաթիվն է՝ 04․04․2024 թվական, դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.428 մգ/լ, վարորդի անունն է՝ Սարգիս, վարորդի ազգանունն է՝ Եղիկյան, Պ/Ծ-ի ազգանունն է՝ Ասատրյան, կրծքանշանի համարն է՝ 08058, ստորաբաժանումն է՝ 1-ին գումարտակ, 2-րդ վաշտ:
- ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 120883 ստուգաչափման վկայականը, որի համաձայն՝ վկայականը ուժի մեջ է 04․04․2024 թվականից մինչև 25․04․2024 թվականը, ստուգաչափման սարքի գործարանային համարն է 91100981 տեսակը՝ Jupiter X/RP, չափման տիրույթը՝ 0.000-2․000մգ/լ/, ճշտության դասը, կարգը /սխալանքը/ + - 10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 МП 242-1353-2012, ստուգաչափող անվան դիմաց առկա է ստորագրություն և նշված է Վ․Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
- ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից արտատպված վարորդական իրավունքի վկայական չունենալու վերաբերյալ քաղվածքի համաձայն՝ Սարգիս Արթուրի Եղիկյանը վարորդական իրավունքի վկայական չունի։
- Վերոնշյալ փաստաթղթերը զննության ենթարկելու մասին արձանագրությունը:
- Վերոնշյալ փաստաթղթերը արտավարութային փաստաթուղթ ճանաչելու մասին որոշումը:
- Դատարանի նախաձեռնությամբ գրություն է հասցեագրվել ՀՀ ՆԳՆ ոստիկանության պարեկային ծառայության պետին, որի կապակցությամբ 09.04.2025թ. ստացված պատասխանի համաձայն՝ թիվ 91100983 գործարանային համարով մեկ ալկոտեստեր սարք է շահագործվում Պարեկային ծառայության Երևան քաղաքը սպասարկող ենթակա ստորաբաժանումներում: Վերը նշած ալկոտեստեր սարքը ստուգաչափման ժամկետի ուժի մեջ գտնվելու ընթացքում կրկին ստուգաչափման է ներկայացվել, քանի որ կատարված առավելագույն քանակի ստուգումների սահմանաչափը սպառվել է:
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքի համաձայն՝ Սարգիս Եղիկյանն արարքի կատարման պահին ունեցել է դատվածություն, ներկայում դատվածություն չունի:
 ՊԵԿ տվյալների շտեմարանից արտատպված տեղեկատվության համաձայն՝ դեպքին նախորդող 12 ամիսների ընթացքում Սարգիս Եղիկյանի եկամուտը բացակայում է:
 ՔԿԱԳ տվյալների շտեմարանից արտատպված տեղեկատվության համաձայն՝ Սարգիս Եղիկյանն ունի երկու անչափահաս երեխաներ՝ Ադրիանա Սարգսի Եղիկյան, ծնված՝ 05.11.2019թ.և Աիդա Սարգսի Եղիկյան, ծնված՝ 22.03.2021թ.:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.469 մգ/լ, 2023 թվականի նոյեմբերի 19-ին՝ ժամը 01:50-ին, Երևան քաղաքի Կուստոյի փողոցում վարել է «Վազ» մակնիշի, 37 TF 573 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180267156 արձանագրությունը:
Բացի այդ, Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.123 մգ/լ, 2024 թվականի հունվարի 5-ին՝ ժամը 01:20-ին, Երևան քաղաքի Սասունցի Դավիթ փողոցում վարել է «Յագուար» մակնիշի, 88 LD 388 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180260152 արձանագրությունը:
Բացի այդ, Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.428 մգ/լ, 2024 թվականի մայիսի 25-ին՝ ժամը 01:55-ին, Երևան քաղաքի Խանջյան փողոցում վարել է «Վազ» մակնիշի, 37 TF 573 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180408643 արձանագրությունը:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Սարգիս Եղիկյանին ներկայացված մեղադրանքի (տրանսպորտային միջոցներ վարելու իրավունք չունենալու պայմաններում հարբած վիճակում տրանսպորտային միջոց վարելը (երեք դրվագ)) ապացուցվածության վերաբերյալ ցանկացած հիմնավոր կասկած։
5. Դատարանի իրավական վերլուծությունները, հետևությունները և որոշումները.
Դատարանի կողմից հաստատված փաստական հանգամանքների և 2025 թվականի հունիսի 23-ին կայացված մեղադրական վերդիկտի հիման վրա Դատարանը գտնում է, որ ապացուցված է մեղադրյալ Սարգիս Արթուրի Եղիկյանին վերագրվող փաստական հանգամանքները (Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.469 մգ/լ, 2023 թվականի նոյեմբերի 19-ին՝ ժամը 01:50-ին, Երևան քաղաքի Կուստոյի փողոցում վարել է «Վազ» մակնիշի, 37 TF 573 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180267156 արձանագրությունը:
Բացի այդ, Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.123 մգ/լ, 2024 թվականի հունվարի 5-ին՝ ժամը 01:20-ին, Երևան քաղաքի Սասունցի Դավիթ փողոցում վարել է «Յագուար» մակնիշի, 88 LD 388 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180260152 արձանագրությունը:
Բացի այդ, Սարգիս Արթուրի Եղիկյանը, չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.428 մգ/լ, 2024 թվականի մայիսի 25-ին՝ ժամը 01:55-ին, Երևան քաղաքի Խանջյան փողոցում վարել է «Վազ» մակնիշի, 37 TF 573 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180408643 արձանագրությունը:):
Ճիշտ է՝ Դատարանը փաստում է, որ ՀՀ ՆԳՆ ոստիկանության Պարեկային ծառայության պետի՝ 09.04.2025թ. գրության համաձայն՝ վերը նշած ալկոտեստեր սարքը ստուգաչափման ժամկետի ուժի մեջ գտնվելու ընթացքում կրկին ստուգաչափման է ներկայացվել, մինչդեռ վարույթով ներկայացվել է առաջին ստուգաչափման վկայականը, այնուամենայնիվ, հաշվի առնելով, որ նոր ստուգաչափման վկայականը նույնպես առկա է, և երկու ստուգաչափման արդյունքում էլ պարզվել է, որ սարքը խնդիր չունի՝ Դատարանը նշված հանգամանքը խնդրահարույց չի համարում:
Դատարանը որպես մեղադրյալ Սարգիս Եղիկյանի պատասխանատվությունն ու պատիժը մեղմացնող հանգամանքներ է դիտարկում՝
- առաջադրված մեղադրանքում իրեն մեղավոր ճանաչելը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը),
- խնամքին երկու անչափահաս երեխաների առկայությունը (Ադրիանա Սարգսի Եղիկյան, ծնված՝ 05.11.2019թ.և Աիդա Սարգսի Եղիկյան, ծնված՝ 22.03.2021թ):
Դատարանը Սարգիս Եղիկյանի պատասխանատվությունն ու պատիժը ծանրացնող հանգամանք է համարում հանցանքները դատվածություն ունենալու պայմաններում կատարելը:
Դատարանի կողմից հաստատված փաստական հանգամանքների հիման վրա Դատարանը գտնում է, որ Սարգիս Եղիկյանի անձը բնութագրող հանգամանք է ներկայում դատվածություն չունենալը:
Դատարանը, դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին, գտնում է, որ կատարած արարքի համար Սարգիս Եղիկյանը ենթակա է քրեական պատասխանատվության և պատժի:
ՀՀ քրեական օրենսգրքի 17-րդ հոդվածի համաձայն՝
(…)
2. Ոչ մեծ ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 2 տարի ժամկետով ազատազրկումը, կամ որոնց համար նախատեսված է ազատությունից զրկելու հետ չկապված պատիժ:
(…)
ՀՀ քրեական օրենսգրքի 53-րդ հոդվածի համաձայն՝
1.Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել:
(…)
ՀՀ քրեական օրենսգրքի 55-րդ հոդվածի 1-ին մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի համաձայն՝
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:
Նույն օրենսգրքի 74-րդ հոդվածի համաձայն՝
1.Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը, իսկ նույն հոդվածի 2-րդ մասի համաձայն՝ եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով:
(…):
ՀՀ քրեական օրենսգրքի 344-րդ հոդվածի համաձայն՝
(…)
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով (…)¦
(…):
Մինչ մեղադրյալ Սարգիս Եղիկյանի նկատմամբ նշանակվելիք պատժի տեսակի, չափի և կրման նպատակահարմարության հարցերին անդրադառնալը՝ Դատարանը հարկ է համարում արձանագրել, որ ՀՀ քրեական օրենսգրքի 344-րդ հոդվածի 2-րդ մասի սանկցիայի վերլուծությունից երևում է, որ այն այլընտրանքային է և հնարավորություն է տալիս դատարանին, ելնելով կոնկրետ հանցագործության հանրային վտանգավորության բնույթից և աստիճանից, հանցանք կատարած անձի նկատմամբ նշանակել արդարացի պատիժ՝ ընտրելով հոդվածի սանկցիայով նախատեսված պատժատեսակներից որևէ մեկը` տուգանք՝ առավելագույնը քսանապատիկի չափով, կամ հանրային աշխատանքներ՝ ութսունից հարյուր հիսուն ժամ տևողությամբ, կամ կարճաժամկետ ազատազրկում՝ մեկից երկու ամիս ժամկետով, կամ ազատազրկում՝ առավելագույնը երկու տարի ժամկետով:
Անդրադառնալով հոդվածի սանկցիայով նախատեսված նվազ խիստ պատժատեսակի՝ տուգանքի նշանակման հարցին և հիմք ընդունելով այն հանգամանքը, որ մեղադրյալն իր բանավոր խոսքի համաձայն՝ ներկայում չունի աշխատանք և չի կարողանա վճարել տուգանքը, Դատարանը ելնելով մեղադրյալի գույքային դրությունից, գտնում է, որ նրա նկատմամբ տուգանք պատժատեսակը նպատակահարմար չէ նշանակել, քանի որ այդ դեպքում դրանց կատարումը հնարավոր չի լինի ապահովել և ըստ այդմ հնարավոր չի լինի հասնել պատժի նպատակներին:
Բացի այդ, Դատարանի կարծիքով՝ տուգանք պատժատեսակը տվյալ դեպքում կարող է բացասական ազդեցություն ունենալ մեղադրյալի կյանքի պայմանների վրա և ըստ այդմ՝ լինել անհամաչափ և ոչ մարդասիրական պատիժ (Դատարանի հետևությունները համահունչ են ՀՀ վճռաբեկ դատարանի՝ 2013 թվականի սեպտեմբերի 13-ի Ս. Աղախանյանի վերաբերյալ թիվ ԱՎԴ/0082/01/12 որոշմամբ արտահայտած դիրքորոշումներին):
Նման պայմաններում Դատարանը, հաշվի առնելով նաև այն հանգամանքը, որ մեղադրյալը համաձայնել է կատարել հանրային աշխատանքներ, գտնում է, որ մեղադրյալ Սարգիս Եղիկյանը ՀՀ քրեական օրենսգրքի 344-րդ հոդվածի 2-րդ մասով երեք դրվագով նախատեսված հանցագործության համար յուրաքանչյուր դրվագի համար ենթակա է պատժի՝ հանրային աշխատանքների՝ 80 (ութսուն) ժամ տևողությամբ:
Դատարանը գտնում է, որ Սարգիս Եղիկյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը:
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Սարգիս Եղիկյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Անդրադառնալով արտավարութային փաստաթղթերի տնօրինման և պահպանման հարցին՝ Դատարանը գտնում է, որ վարույթն իրականացնող մարմնի՝ 2024 թվականի հոկտեմբերի 4-ի որոշմամբ արտավարութային փաստաթուղթ ճանաչված փաստաթղթերը պետք է պահել գործի հետ այն պահելու ամբողջ ժամանակահատվածում:
Անդրադառնալով վարութային ծախսերի հարցին՝ Դատարանը հարկ է համարում արձանագրել, որ ՀՀ քրեական դատավարության օրենսգրքի 167-րդ հոդվածի 1-ին մասի 1-6-րդ կետերով նախատեսված վարութային ծախսեր չկան, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին` այդ վարութային ծախսերի հատուցման պահանջ Դատարանին չի ներկայացվել։ Հետևաբար՝ Դատարանը գտնում է, որ վարութային ծախսերի հարցը պետք է համարել լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ և 347-349-րդ հոդվածներով` Դատարանը

Վ Ճ Ռ Ե Ց

Սարգիս Արթուրի Եղիկյանին մեղավոր ճանաչել 3 (երեք) դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքներ կատարելու մեջ, և յուրաքանչյուր դրվագի համար պատիժ նշանակել հանրային աշխատանքներ 80 (ութսուն) ժամ տևողությամբ:
ՀՀ քրեական օրենսգրքի 74-րդ հոդվածի կիրառմամբ՝ հանցանքների համակցությամբ պատիժները լրիվ գումարելու միջոցով Սարգիս Արթուրի Եղիկյանի նկատմամբ պատիժ նշանակել հանրային աշխատանքներ 240 (երկու հարյուր քառասուն) ժամ տևողությամբ:
Սարգիս Արթուրի Եղիկյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո Սարգիս Արթուրի Եղիկյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները վերացնել:
Դատավճիռն օրինական ուժի մեջ մտնելուց հետո վարույթն իրականացնող մարմնի՝ 2024 թվականի հոկտեմբերի 4-ի որոշմամբ արտավարութային փաստաթուղթ ճանաչված փաստաթղթերը պահել գործի հետ այն պահելու ամբողջ ժամանակահատվածում:
Վարութային ծախսերի հարցը համարել լուծված:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:


ԴԱՏԱՎՈՐ ՌԱԶՄԻԿ ՄԱՐԻԿՅԱՆ