ԵԴ1/3864/01/24
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ
«03» փետրվարի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)
նախագահող դատավոր՝ Ռազմիկ Մարիկյան
դատական նիստերի քարտուղար՝ Էդուարդ Սարգսյան
մասնակցությամբ`
հանրային մեղադրող Հրանուշ Միքայելյանի մեղադրյալ Ժորա Ղափանցյանի

դռնբաց դատական նիստում քննելով քրեական վարույթն ըստ մեղադրանքի Ժորա Սերյոժայի Ղափանցյանի (ծնված՝ 01.08.1984թ., ՀՀ քաղաքացի, յոթամյա կրթությամբ, ամուրի, չի աշխատում, արարքը կատարելու պահին դատվածություն չունեցող, ներկայում դատվածություն ունեցող, հաշվառված և փաստացի բնակվում է Արագածոտնի մարզի Աշտարակ քաղաքի Վ.Պետրոսյան փողոցի 30 տուն հասցեում), մեղադրանք է ներկայացվել 3 (երեք) դրվագ ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է կիրառվել բացակայելու արգելքը,
1. Գործի դատավարական նախապատմությունը.
2023 թվականի հունվարի 20-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60135223 քրեական վարույթը։
2023 թվականի նոյեմբերի 16-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-0813-23 քրեական վարույթը։
2023 թվականի նոյեմբերի 16-ի որոշմամբ թիվ 60-0813-23 քրեական վարույթը միացվել է թիվ 60135223 քրեական վարույթին, և նախաքննությունը շարունակվել է թիվ 60135223 նախաքննական համարի ներքո:
2024 թվականի ապրիլի 12-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60120424 քրեական վարույթը։
2024 թվականի ապրիլի 18-ի որոշմամբ թիվ 60120424 քրեական վարույթը միացվել է թիվ 60135223 քրեական վարույթին, և նախաքննությունը շարունակվել է թիվ 60135223 նախաքննական համարի ներքո:
2024 թվականի դեկտեմբերի 11-ին 3 (երեք) դրվագ ՀՀ քրեական օրենսգրքի 344-րդ հոդվածի 1-ին մասի հատկանիշներով Ժորա Սերյոժայի Ղափանցյանի նկատմամբ հարուցվել է հանրային քրեական հետապնդում:
2024 թվականի սեպտեմբերի 24-ին ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60135223 նախաքննական համարով քրեական գործը, որին շնորհվել է թիվ ԵԴ1/3864/01/24 համարը։
2024 թվականի դեկտեմբերի 30-ին Երևան քաղաքի առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանի կողմից որոշում է կայացվել թիվ ԵԴ1/3864/01/24 քրեական գործով վարույթը ստանձնելու մասին:
2025 թվականի հունվարի 10-ին Դատարանը թիվ ԵԴ1/3864/01/24 քրեական գործով կայացրել է մեղադրական վերդիկտ՝ Ժորա Սերյոժայի Ղափանցյանին մեղավոր ճանաչելով 3 (երեք) ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարման մեջ:
2. Մեղադրանքի փաստական նկարագրությունը.
Ժորա Սերյոժայի Ղափանցյանին մեղադրանք է ներկայացվել 3 (երեք) ՀՀ քրեական օրենսգրքի 344-րդ հոդվածի 1-ին մասով` այն բանի համար, որ «նա, տեղյակ լինելով ՀՀ ՆԳՆ ոստիկանության Պարեկային ծառայությունում 2023 թվականի օգոստոսի 17-ին իր վերաբերյալ կայացված վարչական իրավախախտման գործով թիվ 8300756872 որոշման, այն է՝ մեկ տարի ժամկետով՝ 2023 թվականի օգոստոսի 17-ից մինչև 2024 թվականի օգոստոսի 19-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2024 թվականի հունվարի 24-ին՝ ժամը 22։25-ի սահմաններում, Երևան քաղաքի Արցախի փողոցում վարել է «Մերսեդես» մակնիշի 37 PT 737 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի պարեկի կողմից կազմվել թիվ 8180264810 արձանագրությունը։
Այսինքն՝ Ժորա Սերյոժայի Ղափանցյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 1-ին մասով։
Բացի այդ, Ժորա Ղափանցյանը, տեղյակ լինելով ՀՀ ՆԳՆ ոստիկանության Պարեկային ծառայությունում 2023 թվականի օգոստոսի 17-ին իր վերաբերյալ կայացված վարչական իրավախախտման գործով թիվ 8300756872 որոշման, այն է՝ մեկ տարի ժամկետով՝ 2023 թվականի օգոստոսի 17-ից մինչև 2024 թվականի օգոստոսի 19-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2024 թվականի փետրվարի 25-ին՝ ժամը 23։05-ի սահմաններում, Երևան քաղաքի Դավիթ Բեկ փողոցում վարել է «Օպել» մակնիշի 37 TL 521 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի պարեկի կողմից կազմվել թիվ 8180269693 արձանագրությունը։
Այսինքն՝ Ժորա Սերյոժայի Ղափանցյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 1-ին մասով։
Բացի այդ, Ժորա Ղափանցյանը, տեղյակ լինելով ՀՀ ՆԳՆ ոստիկանության Պարեկային ծառայությունում 2023 թվականի օգոստոսի 17-ին իր վերաբերյալ կայացված վարչական իրավախախտման գործով թիվ 8300756872 որոշման, այն է՝ մեկ տարի ժամկետով՝ 2023 թվականի օգոստոսի 17-ից մինչև 2024 թվականի օգոստոսի 19-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2024 թվականի մարտի 27-ին՝ ժամը 01։00-ի սահմաններում, Երևան քաղաքի Միքայելյան փողոցում վարել է «Օպել» մակնիշի 41 GG 044 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկի կողմից կազմվել թիվ 8180404506 արձանագրությունը։
Այսինքն՝ Ժորա Սերյոժայի Ղափանցյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 1-ին մասով:»։
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Մեղադրյալ Ժորա Ղափանցյանը չի հրաժարվել նախաքննության ընթացքում տված ցուցմունքից, սակայն օգտվելով իր դատավարական իրավունքից՝ հրաժարվել է ցուցմունք տալ: ՀՀ քրեական դատավարության օրենսգրքի 330-րդ հոդվածի համաձայն՝ հրապարակվել է մեղադրյալի նախաքննական ցուցմունքը, համաձայն որի՝ «04․03․2022 թվականի թիվ 2214303384 վարչական տույժ նշանակելու մասին որոշման մասին ծանուցված չի եղել, որոշումը չի ստացել, իսկ 12․10․2022 թվականին, երբ կայացվել է թիվ 818 0165396 վարչական իրավախախտման վերաբերյալ արձանագրությունը ինքը չի իմացել, որ իր տրանսպորտային միջոցներ վարելու իրավունքը կասեցված է։ Հայտնել է, որ չգիտի ինչ կայք է «azdarar.am» կայքը, դրանից չի օգտվում, հեռախոսի հաղորդագրություններից նույնպես չի օգտվում։ 06․10․2023 թվականին կայացված 818 0261877 արձանագրության առնչությամբ հայտնել է, որ միմիայն այդ օրն է տեղեկացել, որ ինքը տրանսպորտային միջոցներ վարելու իրավունքից զրկված է մեկ տարի ժամկետով, իսկ 17․08․2023 թվականին իր վերաբերյալ կազմել են երկու իրավախախտման վերաբերյալ արձանագրություն, որոնցից մեկը 100,000 ՀՀ դրամի տուգանքի մասին էր, իսկ մյուսը՝ 7000 ՀՀ դրամի։ Նշել է, որ համաձայն է եղել 100,000 ՀՀ դրամի մասին տուգանքին, իսկ մյուս իրավախախտման վերաբերյալ արձանագրությունը չի համաձայնվել ստորագրել, որովհետև ծխախոտային արտադրատեսակ տրանսպորտային միջոցը վարելու ընթացքում չի օգտագործել։ Հավելել է, որ 17․08․2023 թվականին իրեն որևէ մեկը չի տեղեկացրել, որ իր բալերը լրացել են կամ նրա մասին, որ իրեն մեկ տարի ժամկետով զրկել են տրանսպորտային միջոցներ վարելու իրավունքից։ 17․08․2023 թվականին իրենից անգամ չեն վերցրել իր վարորդական վկայականը, ինչը պարտադիր է տրանսպորտային միջոցներ վարելու իրավունքից զրկման դեպքում և չեն վերցրել տրանսպորտային միջոցը՝ վարչական իրավախախտման վերաբերյալ արձանագրությունները կազմելուց հետո թույլ տալով կրկին վարել տրանսպորտային միջոցը։ Տրանսպորտային միջոցներ վարելու իրավունքից զրկման մասին տեղեկացել է 2023 թվականի հոկտեմբերին, երբ տեղի է ունեցել ճանապարհատրանսպորտային պատահար և իր վերաբերյալ կազմել են արձանագրություն տրանսպորտային միջոցը զրկված վիճակում վարելու համար, այդ նույն ժամանակ միայն իրենից վերցրել են իր վարորդական վկայականը։ 24․01․2024 թվականին կազմված 818 0264810 վարչական իրավախախտման վերաբերյալ կազմված արձանագրության առնչությամբ հայտնել է, որ գիտակցել է տրանսպորտային միջոցներ վարելու իրավունքից զրկված լինելու հանգամանքը և ինքն է վարել տրանսպորտային միջոցը, ինչը պայմանավորված է եղել այն հանգամանքով, որ դա իր ապրուստի միջոց վաստակելու միակ ճանապարհն է եղել։ 27․03․2024 թվականին կազմված 818 0404506 վարչական իրավախախտման վերաբերյալ կազմված արձանագրության առնչությամբ հայտնել է, որ կրկին գիտակցել է տրանսպորտային միջոցներ վարելու իրավունքից զրկված լինելու հանգամանքը և ինքն է վարել տրանսպորտային միջոցը, ինչը պայմանավորված է եղել կրկին այն հանգամանքով, որ դա եղել է իր ապրուստի միջոց վաստակելու միակ տարբերակը։ 25․02․2024 թվականին կազմված թիվ 818 0269693 վարչական իրավախախտման վերաբերյալ արձանագրության առնչությամբ հայտնել է, որ գիտակցել է տրանսպորտային միջոցներ վարելու իրավունքից զրկված լինելու հանգամանքը և ինքն է վարել տրանսպորտային միջոցը, ինչը պայմանավորված եղել է նրանով, որ մեքենա վարելով է վաստակել ապրուստի միջոց։ Հայտնել է նաև, որ թիվ ԱՐԱԴ/0124/01/24 քրեական գործով կայացված դատավճռով իր նկատմամբ նշանակված տուգանք պատիժը չի կատարել։ Չի ցանկացել այլ ցուցմունք տալ՝ օգտվելով լռելու իր իրավունքից:»:
- Արագածոտնի մարզի առաջին ատյանի ընդհանուր իրավասության դատարանի 31․07․2024 թվականի թիվ ԱՐԱԴ/0124/01/24 քրեական գործով դատավճիռը, համաձայն որի՝ 31․07․2024 թվականին Ժորա Սերյոժայի Ղափանցյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով /2 դրվագ/ այն բանի համար, որ նա, տեղյակ լինելով ՀՀ ՆԳՆ ՈՍ ՊՈ ծառայության աշխատակցի կողմից 2023 թվականի օգոստոսի 17-ին կայացված թիվ 8300756872 որոշմամբ 1 տարի ժամկետով տրանսպորտային միջոց վարելու իրավունքից զրկված լինելու մասին, 2023 թվականի դեկտեմբերի 20-ին ժամը 16։10-ի սահմաններում, ՀՀ Արագածոտնի մարզի տարածքում՝ Աշտարակ քաղաքի Տ․ Մեծի փողոցում, վարել է «Նիսսան» մակնիշի 01 XK 015 հաշվառման համարանիշի տրանսպորտային միջոցը, որպիսի փաստը հայտնաբերվել է ՀՀ ՆԳՆ ՈՍ ՊՈ ծառայության աշխատակցի կողմից և կազմվել է վարչական իրավախախտման վերաբերյալ թիվ 8180293127 արձանագրությունը, բացի այդ, Ժորա Սերյոժայի Ղափանցյանը, տեղյակ լինելով ՀՀ ՆԳՆ ՈՍ ՊՈ ծառայության աշխատակցի կողմից 2023 թվականի օգոստոսի 17-ին կայացված թիվ 8300756872 որոշմամբ 1 տարի ժամկետով տրանսպորտային միջոց վարելու իրավունքից զրկված լինելու մասին, 2024 թվականի հունվարի 8-ին ժամը 00։25-ի սահմաններում ՀՀ Արագածոտնի մարզի տարածքում՝ Մ-3 ավտոճանապարհին, վարել է «Մերսեդես» մակնիշի 37 PT 737 հաշվառման համարանիշի տրանսպորտային միջոցը, որպիսի փաստը հայտնաբերվել է ՀՀ ՆԳՆ ՈՍ ՊՈ ծառայության աշխատակցի կողմից և կազմվել է վարչական իրավախախտման վերաբերյալ թիվ 8180293130 արձանագրությունը։ Ժորա Սերյոժայի Ղափանցյանի նկատմամբ պատիժ է նշանակվել 750,000 ՀՀ դրամի չափով տուգանք, որը պետք է վճարվի ամսական 62,500 ՀՀ դրամի չափով 12 վճարմամբ։ Դատավճիռը չի բողոքարկվել և օրինական ուժի մեջ է մտել 10․09․2024 թվականին։ Նախնական դատալսումների ընթացքում մեղադրյալ Ժորա Ղափանցյանը միջնորդել է կիրառել արագացված վարույթ և հայտարարել է, որ առաջադրված մեղադրանքն իրեն պարզ է, համաձայն է մեղադրանքի հետ։ Ճանապարհային ոստիկանության էլեկտրոնային ռեգիստրի տվյալների համաձայն՝ Ժորա Սերյոժայի Ղափանցյանի տրանսպորտային միջոցներ վարելու իրավունքը կասեցված է եղել 18․04․2022-18․10․2022 թթ․ ժամանակահատվածում, իսկ Ժորա Սերյոժայի Ղափանցյանը տրանսպորտային միջոցներ վարելու իրավունքից զրկված է եղել 17․08․2023-19․08․2024 թթ․ ժամանակահատվածում։
- Վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 06․10․2023 թվականին կազմված թիվ 8180261877 արձանագրությունը, համաձայն որի՝ Ժորա Սերյոժայի Ղափանցյանը 06․10․2023 թվականին ժամը 19։47-ին «Մերսեդես» մակնիշի 37 PT 737 հ/հ ավտոմեքենան Երևան քաղաքի Աշտարակի խճուղիում վարել է տրանսպորտային միջոց վարելու իրավունքից զրկված վիճակում։ Արձանագրության բացատրություն դաշտում առկա է գրառում՝ «համաձայն չեմ զրկված լինելու հետ, քանի որ ես զրկված չեմ եղել»։
- Վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 17․08․2023 թվականին կազմված թիվ 8300756872 արձանագրությունը, համաձայն որի՝ Ժորա Սերյոժայի Ղափանցյանը 17․08․2023 թվականին ժամը 00։40-ին «Մերսեդես» մակնիշի 37 PT 737 հ/հ ավտոմեքենան վարելիս օգտագործել է ծխախոտային արտադրատեսակ, իսկ տրանսպորտային միջոցներ վարելու իրավունքի կասեցման ժամկետը լրանալուց հետո՝ մեկ տարվա ընթացքում, տվյալ իրավախախտման համար նախատեսված տուգանային միավորի և տվյալ տարում Ժորա Ղափանցյանի նկատմամբ կիրառված տուգանային միավորների հանրագումարը կազմում է 9 կամ ավելի միավոր։ Արձանագրությանը կից 8300756872 վարչական իրավախախտման գործով որոշման համաձայն Ժորա Ղափանցյանը, թույլ տրված իրավախախտման համար, զրկվել է տրանսպորտային միջոցներ վարելու իրավունքից 1 տարի ժամկետով։
- Վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 24․01․2024 թվականին կազմված թիվ 8180264810 արձանագրությունը, համաձայն որի՝ Ժորա Սերյոժայի Ղափանցյանը 24․01․2024 թվականին ժամը 22։25-ին «Մերսեդես» մակնիշի 37 PT 737 հ/հ ավտոմեքենան Երևան քաղաքի Արցախի փողոցում վարել է տրանսպորտային միջոց վարելու իրավունքից զրկված վիճակում։ Վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 27․03․2024 թվականին կազմված թիվ 8180404506 արձանագրությունը, համաձայն որի՝ Ժորա Սերյոժայի Ղափանցյանը 27․03․2024 թվականին ժամը 01։00-ին «Օպել» մակնիշի 41 GG 044 հ/հ ավտոմեքենան Երևան քաղաքի Միքայելյան փողոցում վարել է տրանսպորտային միջոց վարելու իրավունքից զրկված վիճակում։ Վարչական իրավախախտման վերաբերյալ ՀՀ ոստիկանության Պարեկային ծառայության աշխատակցի կողմից 25․02․2024 թվականին կազմված թիվ 8180269693 արձանագրությունը, համաձայն որի՝ Ժորա Սերյոժայի Ղափանցյանը 25․02․2024 թվականին ժամը 23։05-ին «Մերսեդես» մակնիշի 37 PT 737 հ/հ ավտոմեքենան Երևան քաղաքի Դավիթ Բեկ փողոցում վարել է տրանսպորտային միջոց վարելու իրավունքից զրկված վիճակում։
- ՀՀ ՆԳՆ ՈՍ ՃՈ պետի 22․03․2023 թվականի գրությունը, համաձայն որի՝ Ժորա Սերյոժայի Ղափանցյանի վարորդական իրավունքը կասեցնելու հիմք հանդիսացած որոշումները թղթային տարբերակով, պատվիրված նամակներով փոստային ծառայության միջոցով առաքվել են հասցեատիրոջը, սակայն փոստային ծառայությունը որոշումները վերադարձրել է ՃՈ, միջոցներ են ձեռնարկվել վարորդական իրավունքը կասեցնելու վերաբերյալ որոշումները համայնքային ոստիկանության միջոցով ծանուցելու ուղղությամբ, սակայն ՀՀ ՈՍ Արագածոտնի մարզային վարչության Աշտարակի բաժինը որոշումները վերադարձրել է ՃՈ։
- Վերոնշյալ փաստաթղթերը զննության ենթարկելու մասին արձանագրությունը:
- Վերոնշյալ փաստաթղթերը արտավարութային փաստաթուղթ ճանաչելու մասին որոշումը:
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքի համաձայն՝ Ժորա Ղափանցյանը արարքները կատարելու պահին դատվածություն չի ունեցել, սակայն Արագածոտնի մարզի ընդհանուր իրավասության դատարանի՝ 2024 թվականի հուլիսի 31-ի դատավճռով դատապարտվել է տուգանքի՝ 750.000 ՀՀ դրամ չափով:
 ՊԵԿ տվյալների շտեմարանից արտատպված տեղեկատվության համաձայն՝ դեպքին նախորդող 12 ամիսների ընթացքում Ժորա Ղափանցյանի եկամուտը բացակայում է:
 ՔԿԱԳ տվյալների շտեմարանից արտատպված տեղեկատվության համաձայն՝ Ժորա Ղափանցյանն ունի մեկ անչափահաս երեխա՝ Ավետիք Ժորայի Ղափանցյան, ծնված՝ 20.01.2014թ.:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը գտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Ժորա Ղափանցյանը, տեղյակ լինելով ՀՀ ՆԳՆ ոստիկանության Պարեկային ծառայությունում 2023 թվականի օգոստոսի 17-ին իր վերաբերյալ կայացված վարչական իրավախախտման գործով թիվ 8300756872 որոշման, այն է՝ մեկ տարի ժամկետով՝ 2023 թվականի օգոստոսի 17-ից մինչև 2024 թվականի օգոստոսի 19-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2024 թվականի հունվարի 24-ին՝ ժամը 22։25-ի սահմաններում, Երևան քաղաքի Արցախի փողոցում վարել է «Մերսեդես» մակնիշի 37 PT 737 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի պարեկի կողմից կազմվել թիվ 8180264810 արձանագրությունը։
Բացի այդ, Ժորա Ղափանցյանը, տեղյակ լինելով ՀՀ ՆԳՆ ոստիկանության Պարեկային ծառայությունում 2023 թվականի օգոստոսի 17-ին իր վերաբերյալ կայացված վարչական իրավախախտման գործով թիվ 8300756872 որոշման, այն է՝ մեկ տարի ժամկետով՝ 2023 թվականի օգոստոսի 17-ից մինչև 2024 թվականի օգոստոսի 19-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2024 թվականի փետրվարի 25-ին՝ ժամը 23։05-ի սահմաններում, Երևան քաղաքի Դավիթ Բեկ փողոցում վարել է «Օպել» մակնիշի 37 TL 521 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի պարեկի կողմից կազմվել թիվ 8180269693 արձանագրությունը։
Բացի այդ, Ժորա Ղափանցյանը, տեղյակ լինելով ՀՀ ՆԳՆ ոստիկանության Պարեկային ծառայությունում 2023 թվականի օգոստոսի 17-ին իր վերաբերյալ կայացված վարչական իրավախախտման գործով թիվ 8300756872 որոշման, այն է՝ մեկ տարի ժամկետով՝ 2023 թվականի օգոստոսի 17-ից մինչև 2024 թվականի օգոստոսի 19-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, զրկման ժամկետը չլրացած՝ 2024 թվականի մարտի 27-ին՝ ժամը 01։00-ի սահմաններում, Երևան քաղաքի Միքայելյան փողոցում վարել է «Օպել» մակնիշի 41 GG 044 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկի կողմից կազմվել թիվ 8180404506 արձանագրությունը։
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Ժորա Ղափանցյանին ներկայացված մեղադրանքի (տրանսպորտային միջոցներ վարելու իրավունք չունենալու պայմաններում հարբած վիճակում տրանսպորտային միջոց վարելը (երեք դրվագ)) ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքը.
- Ժորա Ղափանցյանը հանցանքները կատարելու պահին դատվածություն չի ունեցել, ներկայում ունի դատվածություն:
5. Դատարանի իրավական վերլուծությունները, հետևությունները և որոշումները.
Դատարանի կողմից հաստատված փաստական հանգամանքների և 2025 թվականի հունվարի 10-ին կայացված մեղադրական վերդիկտի հիման վրա Դատարանը գտնում է, որ ապացուցված է մեղադրյալ Ժորա Սերյոժայի Ղափանցյանին վերագրվող փաստական հանգամանքները (Ժորա Սերյոժայի Ղափանցյանը, տրանսպորտային միջոցներ վարելու իրավունքից զրկված պայմաններում, 3 անգամ վարել է տրանսպորտային միջոց):
Դատարանը որպես մեղադրյալ Ժորա Ղափանցյանի պատասխանատվությունն ու պատիժը մեղմացնող հանգամանքներ է դիտարկում`
- առաջադրված մեղադրանքում իրեն մեղավոր ճանաչելը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը),
- խնամքին մեկ անչափահաս երեխայի առկայությունը (Ավետիք Ժորայի Ղափանցյան, ծնված՝ 20.01.2014թ.):
Դատարանն արձանագրում է, որ բացակայում են Ժորա Ղափանցյանի պատասխանատվությունն ու պատիժը ծանրացնող ՀՀ քրեական օրենսգրքի 71-րդ հոդվածներով նախատեսված հանգամանքները:
Դատարանի կողմից հաստատված փաստական հանգամանքների հիման վրա Դատարանը գտնում է, որ Ժորա Ղափանցյանի անձը բնութագրող հանգամանք է հանցանքները կատարելու պահին դատվածություն չունենալը, սակայն ներկայում դատվածություն ունենալը:
Դատարանը, դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին, գտնում է, որ կատարած արարքի համար Ժորա Ղափանցյանը ենթակա է քրեական պատասխանատվության և պատժի:
ՀՀ քրեական օրենսգրքի 17-րդ հոդվածի համաձայն՝
(…)
2. Ոչ մեծ ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 2 տարի ժամկետով ազատազրկումը, կամ որոնց համար նախատեսված է ազատությունից զրկելու հետ չկապված պատիժ:
(…)
ՀՀ քրեական օրենսգրքի 53-րդ հոդվածի համաձայն՝
1.Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել:
(…)
ՀՀ քրեական օրենսգրքի 55-րդ հոդվածի 1-ին մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի համաձայն՝
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:
Նույն օրենսգրքի 74-րդ հոդվածի համաձայն՝
1.Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը, իսկ նույն հոդվածի 2-րդ մասի համաձայն՝ եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով:
(...)
11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը:
(…):
ՀՀ քրեական օրենսգրքի 344-րդ հոդվածի համաձայն՝
1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
(…):
Մինչ մեղադրյալ Ժորա Ղափանցյանի նկատմամբ նշանակվելիք պատժի տեսակի, չափի և կրման նպատակահարմարության հարցերին անդրադառնալը՝ Դատարանը հարկ է համարում արձանագրել, որ ՀՀ քրեական օրենսգրքի 344-րդ հոդվածի 1-ին մասի սանկցիայի վերլուծությունից երևում է, որ այն այլընտրանքային է և հնարավորություն է տալիս դատարանին, ելնելով կոնկրետ հանցագործության հանրային վտանգավորության բնույթից և աստիճանից, հանցանք կատարած անձի նկատմամբ նշանակել արդարացի պատիժ՝ ընտրելով հոդվածի սանկցիայով նախատեսված պատժատեսակներից որևէ մեկը` տուգանք` առավելագույնը տասնապատիկի չափով, կամ հանրային աշխատանքներ` առավելագույնը հարյուր ժամ տևողությամբ, կամ կարճաժամկետ ազատազրկում՝ առավելագույնը մեկ ամիս ժամկետով:
Անդրադառնալով հոդվածի սանկցիայով նախատեսված նվազ խիստ պատժատեսակի՝ տուգանքի նշանակման հարցին և հիմք ընդունելով այն հանգամանքը, որ մեղադրյալն իր բանավոր խոսքի համաձայն՝ ունի առողջական խնդիրներ, չունի աշխատանք, չի կարողանում վճարել ԱՐԱԴ/0124/01/24 դատավճռով որպես տուգանք նշանակված տուգանքը, և տուգանք նշանակելու դեպքում դա նույնպես չի կարողանալու վճարել՝ Դատարանը գտնում է, որ նրա նկատմամբ տուգանք պատժատեսակը նպատակահարմար չէ նշանակել, քանի որ այդ դեպքում դրա կատարումը հնարավոր չի լինի ապահովել, և ըստ այդմ հնարավոր չի լինի հասնել պատժի նպատակներին:
Բացի այդ, Դատարանի կարծիքով՝ տուգանք պատժատեսակը տվյալ դեպքում կարող է բացասական ազդեցություն ունենալ մեղադրյալի կյանքի պայմանների վրա և ըստ այդմ՝ լինել անհամաչափ և ոչ մարդասիրական պատիժ (Դատարանի հետևությունները համահունչ են ՀՀ վճռաբեկ դատարանի՝ 2013 թվականի սեպտեմբերի 13-ի Ս. Աղախանյանի վերաբերյալ թիվ ԱՎԴ/0082/01/12 որոշմամբ արտահայտած դիրքորոշումներին):
Անդրադառնալով հանրային աշխատանքներ պատժատեսակը նշանակելու հնարավորության հարցին՝ Դատարանը փաստում է, որ այն կարող է նշանակվել միայն մեղադրյալի համաձայնությամբ, մինչդեռ տվյալ դեպքում մեղադրյալը նշել է, որ չի ցանկանում հանրային աշխատանքներ կատարել:
Նման պայմաններում Դատարանը, հիմք ընդունելով մեղադրյալ Էդգար Պետրոսյանի անձը բնութագրող տվյալները, պատիժն ու պատասխանատվությունը մեղմացնող հանգամանքների առկայությունը և պատիժն ու պատասխանատվությունը ծանրացնող հանգամանքների բացակայությունը, գտնում է, որ մեղադրյալ Ժորա Ղափանցյանը ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության համար յուրաքանչյուր դրվագով ենթակա է պատժի՝ կարճաժամկետ ազատազրկման ձևով՝ 15 օր ժամկետով՝ հանցանքների համակցությամբ պատիժ նշանակելով կարճաժամկետ ազատազրկում՝ 1 ամիս 15 օր ժամկետով, որը նա պետք է կրի:
Միևնույն ժամանակ նկատի ունենալով, որ Ժորա Ղափանցյանը Արագածոտնի մարզի առաջին ատյանի ընդհանուր իրավասության դատարանի՝ 2024 թվականի հուլիսի 31-ի թիվ ԱՐԱԴ/0124/01/24 դատավճռով որպես տուգանք նշանակված 750․000 (յոթ հարյուր հիսուն հազար) ՀՀ դրամ տուգանքը չի վճարել՝ Դատարանը գտնում է, որ սույն դատավճռով հանցանքների համակցությամբ նշանակված տուգանքին պետք է լրիվ գումարել Արագածոտնի մարզի առաջին ատյանի ընդհանուր իրավասության դատարանի՝ 2024 թվականի հուլիսի 31-ի թիվ ԵԴ1/0124/01/24 դատավճռով որպես տուգանք նշանակված 750․000 (յոթ հարյուր հիսուն հազար) ՀՀ դրամ տուգանքը, և վերջնական պատիժ պետք է նշանակել կարճաժամկետ ազատազրկում՝ 1 ամիս 15 օր ժամկետով և տուգանք՝ 750․000 (յոթ հարյուր հիսուն հազար) ՀՀ դրամի չափով:
Դատարանը, հաշվի առնելով մեղադրյալի գույքային դրությունը, գտնում է, որ նա ի վիճակի չէ անհապաղ և ամբողջությամբ վճարել տուգանքը:
ՀՀ քրեական օրենսգրքի 59-րդ հոդվածի համաձայն.
(…)
7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)
Հետևաբար, Դատարանը գտնում է, որ մեղադրյալին պետք է թույլատրել որպես պատիժ նշանակված 750.000 (յոթ հարյուր հիսուն հազար) ՀՀ դրամի չափով տուգանքը վճարել 12 (տասներկու) ամսվա ընթացքում՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դատարանը գտնում է, որ Ժորա Ղափանցյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը:
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Ժորա Ղափանցյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Անդրադառնալով արտավարութային փաստաթղթերի տնօրինման և պահպանման հարցին՝ Դատարանը գտնում է, որ վարույթն իրականացնող մարմնի՝ 2024 թվականի դեկտեմբերի 13-ի որոշմամբ արտավարութային փաստաթուղթ ճանաչված փաստաթղթերը պետք է պահել գործի հետ այն պահելու ամբողջ ժամանակահատվածում:
Անդրադառնալով վարութային ծախսերի հարցին՝ Դատարանը հարկ է համարում արձանագրել, որ ՀՀ քրեական դատավարության օրենսգրքի 167-րդ հոդվածի 1-ին մասի 1-6-րդ կետերով նախատեսված վարութային ծախսեր չկան, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին` այդ վարութային ծախսերի հատուցման պահանջ Դատարանին չի ներկայացվել։ Հետևաբար՝ Դատարանը գտնում է, որ վարութային ծախսերի հարցը պետք է համարել լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ և 347-349-րդ հոդվածներով` Դատարանը

Վ Ճ Ռ Ե Ց

Ժորա Սերյոժայի Ղափանցյանին մեղավոր ճանաչել 3 (երեք) դրվագ ՀՀ քրեական օրենսգրքի 344-րդ հոդվածի 1-ին մասով և պատիժ նշանակել՝
ՀՀ քրեական օրենսգրքի 344-րդ հոդվածի 1-ին մասով՝ կարճաժամկետ ազատազրկում՝ 15 (տասնհինգ) օր ժամկետով:
ՀՀ քրեական օրենսգրքի 344-րդ հոդվածի 1-ին մասով՝ կարճաժամկետ ազատազրկում՝ 15 (տասնհինգ) օր ժամկետով:
ՀՀ քրեական օրենսգրքի 344-րդ հոդվածի 1-ին մասով՝ կարճաժամկետ ազատազրկում՝ 15 (տասնհինգ) օր ժամկետով:
ՀՀ քրեական օրենսգրքի 74-րդ հոդվածի կիրառմամբ՝ հանցանքների համակցությամբ պատիժները լրիվ գումարելու միջոցով Ժորա Սերյոժայի Ղափանցյանի նկատմամբ պատիժ նշանակել կարճաժամկետ ազատազրկում՝ 1 ամիս 15 օր ժամկետով:
ՀՀ քրեական օրենսգրքի 74-րդ հոդվածի 11-րդ մասի կիրառմամբ՝ հանցանքների համակցությամբ սույն դատավճռով նշանակված պատժին լրիվ գումարել Արագածոտնի մարզի առաջին ատյանի ընդհանուր իրավասության դատարանի՝ 2024 թվականի հուլիսի 31-ի թիվ ԵԴ1/0124/01/24 դատավճռով որպես տուգանք նշանակված 750․000 (յոթ հարյուր հիսուն հազար) ՀՀ դրամը, և Ժորա Սերյոժայի Ղափանցյանի նկատմամբ վերջնական պատիժ նշանակել կարճաժամկետ ազատազրկում՝ 1 ամիս 15 օր ժամկետով և տուգանք՝ 750․000 (յոթ հարյուր հիսուն հազար) ՀՀ դրամի չափով:
Ժորա Սերյոժայի Ղափանցյանին թույլատրել որպես պատիժ նշանակված 750․000 (յոթ հարյուր հիսուն հազար) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ ամսական նվազագույնը 62.500 (վաթսուներկու հազար հինգ հարյուր) ՀՀ դրամի չափով՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Ժորա Սերյոժայի Ղափանցյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո Ժորա Ղափանցյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:

ԴԱՏԱՎՈՐ ՌԱԶՄԻԿ ՄԱՐԻԿՅԱՆ