ԵԴ1/3840/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Վ․ՄԱՐԳԱՐՅԱՆԻ
մեղադրյալ Գ․ԱՌԱՔԵԼՅԱՆԻ


2025 թվականի հունվարի 8-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Գևորգ Սեջևիկի Առաքելյանի՝ ծնված 1976 թվականի նոյեմբերի 8-ին, ք․Երևան, հայ, ՀՀ քաղաքացի, միջնակարգ կրթությամբ, նախկինում չդատապարտված, կատարում է մասնավոր աշխատանքներ, ամուսնացած, հաշվառված է և բնակվում է ք․Երևան, Քանաքեռ-Զեյթուն, Ա․ Տիգրանյան փողոց, 34 տուն հասցեում, մեղադրանք է առաջադրվել 2 դրվագ ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2023 թվականի օգոստոսի 29-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60236523 քրեական վարույթը:
2024 թվականի նոյեմբերի 16-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60074123 քրեական վարույթը:
2023 թվականի նոյեմբերի 17-ի որոշմամբ թիվ 60074123 քրեական վարույթը միացվել է թիվ 60236523 քրեական վարույթին, վարույթը շարունակվել թիվ 60236523 համարով։
2024 թվականի հոկտեմբերի 21-ի որոշմամբ Գևորգ Սեջևիկի Առաքելյանի նկատմամբ քրեական հետապնդում է հարուցվել 2 դրվագ ՀՀ քրեական օրենսգրքի 344-րդ հոդվածի 1-ին մասով այն արարքների համար, որ նա, 6 ամիս ժամկետով կասեցված լինելով տրանսպորտային միջոցներ վարելու իրավունքից, վարել է տրանսպորտային միջոցը.
Այսպես՝
Գևորգ Սեջևիկի Առաքելյանը, պատշաճ ծանուցված լինելով, որ 2022 թվականի հոկտեմբերի 10-ին վարչական իրավախախտման վերաբերյալ կազմված թիվ 2215335176 որոշմամբ 6 ամիս ժամկետով զրկված է տրանսպորտային միջոց վարելու իրավունքից, 2022 թվականի հոկտեմբերի 28-ին՝ ժամը 11:10-ին, Երևան քաղաքի Աճառյան փողոցում վարել է «Տոյոտա» մակնիշի 02 US 546 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության գնդի 2-րդ գումարտակի 1-ին վաշտի պարեկ Գոռ Ադամյանի կողմից կազմվել է թիվ 8180163637 արձանագրությունը:
Այսինքն՝ Գևորգ Սեջևիկի Առաքելյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Գևորգ Սեջևիկի Առաքելյանը, պատշաճ ծանուցված լինելով, որ 2022 թվականի հոկտեմբերի 10-ին վարչական իրավախախտման վերաբերյալ կազմված թիվ 1215335176 որոշմամբ 6 ամիս ժամկետով զրկված է տրանսպորտային միջոց վարելու իրավունքից 2023 թվականի ապրիլի 02-ին՝ ժամը 21:42-ին, Երևան քաղաքի Թիբիլիսյան-Ազատություն խաչմերուկում վարել է «Տոյոտա» մակնիշի 02 US 546 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության գնդի 3-րդ գումարտակի 1-ին վաշտի պարեկ Նշան Թադևոսյանի կողմից կազմվել է թիվ 8180252023 արձանագրությունը։
2024 թվականի նոյեմբերի 28-ի որոշմամբ Գևորգ Սեջևիկի Առաքելյանի նկատմամբ խափանման միջոց է ընտրվել բացակայելու արգելքը:
2024 թվականի դեկտեմբերի 23-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3840/01/24 համարը:
2024 թվականի դեկտեմբերի 25-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի հունվարի 8-ին Դատարանը Գևորգ Սեջևիկի Առաքելյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Գևորգ Սեջևիկի Առաքելյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում՝ 2024 թվականի նոյեմբերի 28-ին, Գևորգ Սեջևիկի Առաքելյանը որպես մեղադրյալ հարցաքննվելիս ցուցմունք է տվել այն մասին, որ հստակ չի հիշում իրադարձությունները, քանի որ երկար ժամանակ է անցել, բայց թե 2022 թվականի հոկտեմբերի 28-ին, թե 2023 թվականի ապրիլի 02-ին ինքն է վարել ավտոմեքենան, չի վիճարկում կազմված վարչական իրվախախտման արձանագրություները, դրանք ստորագրվել են իր կողմից։ Հարցին ի պատասախան, թե ինչու է կասեցված վարորդական վկայականով վարել ավտոմեքենան, հայտնել է, որ հստակ չի հիշում, կարող է ասել, որ Ավանի և Նոր Նորքի տարածքում այդ ժամանակահատվածում եղել է տղայի համար, քանի որ տղան զորակոչիկ էր, առողջական խնդիրներ ուներ և հիվանդանոցում 1 ամիս բուժում է ստացել, իսկ Թբիլիսյան խճուղով գնում է իր ծնողների մոտ, և ենթադրում է, որ լուրջ պատճառներ են եղել վարելու համար, քանի որ մնացած դեպքերում օգտվել է հանրային տրանսպորտից: Հայտնել է, որ զղջում է կատարածի համար (տե´ս դատական նիստի արձանագրություն, քրեական գործ, 92-94-րդ թերթեր)։
Ցուցմունքները հրապարակվելուց հետո Գևորգ Սեջևիկի Առաքելյանը հայտնել է, որ դրանք ճիշտ են և պնդել է դրանք (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
Վարչական տույժ նշանակելու մասին թիվ 2214140259 որոշումը, որի համաձայն՝ որոշման ձախ վերին անկյունում առկա է ք․ Երևան, 26 հունվարի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 9-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 1 տուգանային միավոր։ Վարչական տույժ նշանակելու մասին թիվ 2214140259 որոշման ստացումը հավաստող փաստաթղթի ամսաթիվ հատվածում առկա է 27․01․2022 գրառումը, և առկա է նշում չպահանջված գրառումը։
Վարչական տույժ նշանակելու մասին թիվ 2214229707 որոշումը, որի համաձայն՝ որոշման ձախ վերին անկյունում առկա է ք․ Երևան, 16 փետրվարի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124․3-րդ հոդվածի 1-ին մասի համաձայն, Գևորգ Սեջևիկի Առաքելյանին տուգանել 25000 (քսանհինգ հազար) դրամ և հանել 2 տուգանային միավոր։ Վարչական տույժ նշանակելու մասին թիվ 2214229707 որոշման ստացումը հավաստող փաստաթղթի ամսաթիվ հատվածում առկա է 21․02․2022 գրառումը, որպես ստացման ամսթիվ առկա է 22․02․ գրառումը և ստորագրություն։
Վարչական տույժ նշանակելու մասին թիվ 2214315613 որոշումը, որի համաձայն՝ որոշման ձախ վերին անկյունում առկա է ք․ Երևան, 07 մարտի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 21-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 0․5 տուգանային միավոր։ Վարչական տույժ նշանակելու մասին թիվ 2214315613 որոշման ստացումը հավաստող փաստաթղթի ամսաթիվ հատվածում առկա է 09․03․2022 գրառումը, որպես ստացման ամսթիվ առկա է 11․03․ գրառումը և ստորագրություն։
Վարչական տույժ նշանակելու մասին թիվ 2214434789 որոշումը, որի համաձայն՝ որոշման ձախ վերին անկյունում առկա է ք․ Երևան, 07 ապրիլի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 14-րդ մասի համաձայն, Գևորգ Սեջևիկի Առաքելյանին տուգանել 20000 /քսան հազար/ դրամ և հանել 3 տուգանային միավոր։ Վարչական տույժ նշանակելու մասին թիվ 2214434789 որոշման ստացումը հավաստող փաստաթղթի ամսաթիվ հատվածում առկա է 08․04․2022 գրառումը, որպես ստացման ամսթիվ առկա է 12․04․ գրառումը և ստորագրություն։
Վարչական տույժ նշանակելու մասին թիվ 2214676000 որոշումը, որի համաձայն՝ որոշման ձախ վերին անկյունում առկա է ք․ Երևան, 10 հունիսի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 21-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 0․5 տուգանային միավոր։ Վարչական տույժ նշանակելու մասին թիվ 2214676000 որոշման ստացումը հավաստող փաստաթղթի ամսաթիվ հատվածում առկա է 13․06․2022 գրառումը, որպես ստացման ամսթիվ առկա է 15․06․ գրառումը և ստորագրություն։
Վարչական տույժ նշանակելու մասին թիվ 2214933115 որոշումը, որի համաձայն՝ որոշման ձախ վերին անկյունում առկա է ք․ Երևան, 03 օգոստոսի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 9-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 1 տուգանային միավոր։ Վարչական տույժ նշանակելու մասին թիվ 2214933115 որոշման ստացումը հավաստող փաստաթղթի ամսաթիվ հատվածում առկա է 05․08․2022 գրառումը, որպես ստացման ամսթիվ առկա է 10․08․ գրառումը և ստորագրություն։
Վարչական տույժ նշանակելու մասին թիվ 2214961339 որոշումը, որի համաձայն՝ որոշման ձախ վերին անկյունում առկա է ք․ Երևան, 05 օգոստոսի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 21-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 0․5 տուգանային միավոր։ Վարչական տույժ նշանակելու մասին թիվ 2214961339 որոշման ստացումը հավաստող փաստաթղթի ամսաթիվ հատվածում առկա է 10․08․2022 գրառումը, որպես ստացման ամսթիվ առկա է 11․08․ գրառումը և ստորագրություն։
Վարչական տույժ նշանակելու մասին թիվ 2214968134 որոշումը, որի համաձայն՝ որոշման ձախ վերին անկյունում առկա է ք․ Երևան, 08 օգոստոսի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 9-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 1 տուգանային միավոր։ Վարչական տույժ նշանակելու մասին թիվ 2214968134 որոշման ստացումը հավաստող փաստաթղթի ամսաթիվ հատվածում առկա է 10․08․2022 գրառումը, որպես ստացման ամսթիվ առկա է 23․08․ գրառումը և ստորագրություն։
Վարչական տույժ նշանակելու մասին թիվ 2215100520 որոշումը, որի համաձայն՝ որոշման ձախ վերին անկյունում առկա է ք․ Երևան, 30 օգոստոսի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 9-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 1 տուգանային միավոր։ Վարչական տույժ նշանակելու մասին թիվ 2215100520 որոշման ստացումը հավաստող փաստաթղթի ամսաթիվ հատվածում առկա է 05․09․2022 գրառումը, որպես ստացման ամսթիվ առկա է 08․09․ գրառումը և ստորագրություն։
Վարչական տույժ նշանակելու մասին թիվ 2215110912 որոշումը, որի համաձայն՝ որոշման ձախ վերին անկյունում առկա է ք․ Երևան, 31 օգոստոսի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 21-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 0․5 տուգանային միավոր։ Վարչական տույժ նշանակելու մասին թիվ 2215110912 որոշման ստացումը հավաստող փաստաթղթի ամսաթիվ հատվածում առկա է 05․09․2022 գրառումը, որպես ստացման ամսթիվ առկա է 09․09․ գրառումը և ստորագրություն։
Վարչական տույժ նշանակելու մասին թիվ 2215144968 որոշումը, որի համաձայն՝ որոշման ձախ վերին անկյունում առկա է ք․ Երևան, 06 սեպտեմբերի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 124-րդ հոդվածի 9-րդ մասի համաձայն, Գևորգ Սեջևիկի Առաքելյանին տուգանել 5000 /հինգ հազար/ դրամ և հանել 1 տուգանային միավոր։Վարչական տույժ նշանակելու մասին թիվ 2215144968 որոշման ստացումը հավաստող փաստաթղթի ամսաթիվ հատվածում առկա է 08․09․2022 գրառումը, որպես ստացման ամսթիվ առկա է 17․09․ գրառումը և ստորագրություն։
Վարչական տույժ նշանակելու մասին թիվ 2215335176 որոշումը, որի համաձայն՝ ձախ վերին անկյունում առկա է ք․ Երևան, 10 հոկտեմբերի 2022թ․ գրառումը, մակնիշը՝ NISSAN, համարանիշը՝ 36 VD 100, սեփականատերը, լիզինգի պայմանագրով վարձակալը կամ շահագործող պետական մարմինը՝ Մոնիկա Գևորգի Առաքելյան, որոշեցի հատվածի 1-ին կետում՝ վարչական իրավախախտումների վերաբերյալ ՀՀ օրենսգրքի 129․3-րդ հոդվածի 1-ին մասի համաձայն, Գևորգ Սեջևիկի Առաքելյանի տրանսպորտային միջոցների վարելու իրավունքը կասեցնել 6 /վեց/ ամիս ժամկետով։Վարչական տույժ նշանակելու մասին թիվ 2215335176 որոշման ստացումը հավաստող փաստաթղթի ամսաթիվ հատվածում առկա է 11․10․2022 գրառումը, որպես ստացման ամսթիվ առկա է 19․10․ գրառումը և ստորագրություն։
ՀՀ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի կրտսեր պարեկ Գ.Ադամյանի կողմից 28.10.2022թ.՝ ժամը 11:30-ին կազմված վարչական իրավախախտման վերաբերյալ արձանագրությունը և թիվ 8180163637 որոշումը, որի համաձայն՝ Գևորգ Սեջևիկի Առաքելյանը Երևան քաղաքի Հրաչյա Աճառյան փողոցում «Տոյոտա» մակնիշի 02 US 546 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված վիճակում։ Արձանագրության ծանոթացման, իրավունքների և պարտականությունների մասին ծանուցման ստացման դիմաց առկա է ստորագրություն և Առաքելյան գրառումը:
ՀՀ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի ավագ պարեկ Ն.Թադևոսյանի կողմից 02.04.2023թ.՝ ժամը 21:49-ին կազմված վարչական իրավախախտման վերաբերյալ արձանագրությունը և թիվ 8180252023 որոշումը, որի համաձայն՝ Գևորգ Սեջևիկի Առաքելյանը Երևան քաղաքի Ազատության պողոտայի և Թբիլիսյան խճուղու խաչմերուկում «Տոյոտա» մակնիշի 02 US 546 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքը կասեցված վիճակում։ Արձանագրության ծանոթացման, իրավունքների և պարտականությունների մասին ծանուցման ստացման դիմաց առկա է ստորագրություն և Առաքելյան գրառումը:
Ճանապարհային ոստիկանության էլեկտրոնային ռեգիստրից տպված տեղեկատվությունը, որի համաձայն՝ Գևորգ Սեջևիկի Առաքելյանի 17.12.2012թ. թողարկված թիվ MB 886551 վարորդական վկայականի կասեցման սկիզբ է նշված՝ 25.10.2022թ, ավարտ՝ 25.04.2023թ:
ՀՀ ՆԳՆ ոստիկանության «Ճանապարհային ոստիկանություն» ծառայությունից ստացված գրությունը, որի համաձայն՝ Գևորգ Սեջևիկի Առաքելյանի՝ վարորդական իրավունքը կասեցնելու հիմք հանդիսացած որոշումները, վարորդական իրավունքը կասեցնելու վերաբերյալ թիվ 2215335176 որոշումը (կասեցման սկիզբը՝ 25-10-2022թ․, ավարտը՝ 25-04-2023թ․) թղթային տարբերակով, պատվիրված նամակներով փոստային ծառայությունը հանձնվել է հասցեատիրոջը։ 25-10-2022թ-ից մինչև 25-04-2023թ-ը՝ տեսանկարահանման կամ լուսանկարահանման միջոցով հայտնաբերված ճանապարհային երթևեկության կանոնների խախտման համար Գևորգ Սեջևիկի Առաքելյանի նկատմամբ վարչական տույժ նշանակելու մասին որոշումներ չեն կայացվել, Ճանապարհապարեկային ծառայության ծառայողների կողմից վարչական իրավախախտման վերաբերյալ արձանագրություններ չեն կազմվել։ Գևորգ Սեջևիկի Առաքելյանը www.roadpolice.am հարթակում գրանցված է որպես տրանսպորտային միջոցներ շահագործող անձ, չի բաժանորդագրվել Ճանապարհային ոստիկանության ծանուցումների էլեկտրոնային համակարգում առկա եղանակներից որևէ մեկին, սակայն 37495075105 հեռախոսահամարին ուղարկվել են SMS կարճ հաղորդագրություններ՝ վերջինիս տուգանային միավորները սպառվելու և վարորդական իրավունքի կարգավիճակի (կասեցնելու) վերաբերյալ։
Roadpolice.am հարթակից օգտվելու և էլեկտրոնային ծանուցումների վերաբերյալ տեղեկանքի համաձայն՝ Roadpolice.am մուտք որպես վարորդ սյունակի ամսաթիվ ենթասյունակում առկա են 2022-10-01 01։29։58․770, 2022-10-08 10։53։11․933, 2023-01-30 01։33։12․873, Roadpolice.am մուտք որպես վարորդ սունյակի կոդի առաքման ամսաթիվ ենթասյունակում առկա է 2021-01-01 18։29։36․000 գրառումը, հեռախոսահամար՝ 37495075105, ուղարկված հաղորդագրությունների վերաբերյալ սյունակի 1-ին տողի հասցեատեր կամ ՏՄ ենթասյունակում առկա է 1811760473 գրառումը, ամսաթիվ՝ 2022-09-29 01։51։53․000, հեռախոսահամար՝ 37495075105, հաղորդագրության տեքստը՝ ԳԵՎՈՐԳ ՍԵՋԵՎԻԿԻ ԱՌԱՔԵԼՅԱՆ բալերը զրոյացել են, ուղարկված հաղորդագրությունների վերաբերյալ սյունակի 2-րդ տողի հասցեատեր կամ ՏՄ ենթասյունակում առկա է 1811760473 գրառումը, ամսաթիվ՝ 2022-10-26 01։15։05․000, հեռախոսահամար՝ 37495075105, հաղորդագրության տեքստը՝ Գևորգ Սեջևիկի Առաքելյանի վարորդական վկայականը կասեցվել է (տե´ս դատական նիստի արձանագրություն, քրեական գործ 4-5, 28, 39-64, 65-69, 70-71 թերթեր):
Գ․Առաքելյանի դատավածության վերաբերյալ տեղեկանքը, որի համաձայն Գ․Առաքելյանը նախկինում դատապարտված չի եղել (տե´ս դատական նիստի արձանագրություն):


3.Դատարանի իրավական վերլուծությունները
Դատարանը, վերլուծելով մեղադրյալ Գ․Առաքելյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Գևորգ Սեջևիկի Առաքելյանը, պատշաճ ծանուցված լինելով, որ 2022 թվականի հոկտեմբերի 10-ին վարչական իրավախախտման վերաբերյալ կազմված թիվ 2215335176 որոշմամբ 6 ամիս ժամկետով զրկված է տրանսպորտային միջոց վարելու իրավունքից, 2022 թվականի հոկտեմբերի 28-ին՝ ժամը 11:10-ին, Երևան քաղաքի Աճառյան փողոցում վարել է «Տոյոտա» մակնիշի 02 US 546 հաշվառման համարանիշի ավտոմեքենան, բացի այդ, Գևորգ Սեջևիկի Առաքելյանը, պատշաճ ծանուցված լինելով, որ 2022 թվականի հոկտեմբերի 10-ին վարչական իրավախախտման վերաբերյալ կազմված թիվ 1215335176 որոշմամբ 6 ամիս ժամկետով զրկված է տրանսպորտային միջոց վարելու իրավունքից, 2023 թվականի ապրիլի 02-ին՝ ժամը 21:42-ին, Երևան քաղաքի Թիբիլիսյան-Ազատություն խաչմերուկում վարել է «Տոյոտա» մակնիշի 02 US 546 հաշվառման համարանիշի ավտոմեքենան:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Գ․Առաքելյանի կողմից երկու անգամ տրանսպորտային միջոց վարելը դրանից զրկված լինելու պայմաններում, այդ արարքներն ապացուցված են, ճիշտ են որակված և համապատասխանում է 2 դրվագ ՀՀ քրեական օրենսգրքի 344-րդ հոդվածի 1-ին մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա
Այսպես` Դատարանը մեղադրյալ Գ․Առաքելյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Գ․Առաքելյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Գ․Առաքելյանի անձը բնութագրող տվյալ հաշվի է առնում այն, որ նակինում դատապարտված չի եղել։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Գ․Առաքելյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքների համար:
Դատարանը, արձանագրում է, որ մեղադրյալ Գ․Առաքելյանի պատասխանատվությունն ու պատիժը ծանրացնող հանգամանքներ առկա չեն:
Դատարանը գտնում է, որ կատարած արարքների համար մեղադրյալ Գ․Առաքելյանը ենթակա է պատժի:
Դատարանը, հաշվի առնելով մեղադրյալ Գ․Առաքելյանի կատարած արարքների՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Գ․Առաքելյանն իր կատարած 2 դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության համար ենթակա է պատժի տուգանքի ձևով՝ ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 340․000 (երեք հարյուր քառասուն հազար) ՀՀ դրամի չափով և 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Գևորգ Սեջևիկի Առաքելյանի նկատմամբ վերջնական պատիժ նշանակել տուգանք՝ 715․000 (յոթ հարյուր տասնհինգ հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 11 (տասնմեկ) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 65․000 (վաթսունհինգ հազար) ՀՀ դրամի չափով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Գ․Առաքելյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 464․1-րդ-464․5-րդ հոդվածներով` Դատարանը

Վ Ճ Ռ Ե Ց

Գևորգ Սեջևիկի Առաքելյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և 344-րդ հոդվածի 1-ին մասով նախատեսված արարքների կատարման մեջ և նրա նկատմամբ պատիժ նշանակել․
ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 340․000 (երեք հարյուր քառասուն հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Գևորգ Սեջևիկի Առաքելյանի նկատմամբ վերջնական պատիժ նշանակել տուգանք՝ 715․000 (յոթ հարյուր տասնհինգ հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 11 (տասնմեկ) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 65․000 (վաթսունհինգ հազար) ՀՀ դրամի չափով։
Գևորգ Սեջևիկի Առաքելյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ