ԵԴ1/3841/01/24




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈւՆԻՑ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ` Վ.Լ.ԳՐԻԳՈՐՅԱՆ
ՔԱՐՏՈՒՂԱՐՈՒԹՅԱՄԲ` Լ.ՊՐԱԶՅԱՆԻ,
Մասնակցությամբ`
ՀԱՆՐԱՅԻՆ ՄԵՂԱԴՐՈՂ` Ա.ԴԱՎԹՅԱՆԻ,
ՄԵՂԱԴՐՅԱԼ` Ս.ԵՍԱՅԱՆԻ

2025 թվականի փետրվարի 24-ին Երևան քաղաքում` դռնբաց դատական նիստում, քննության առնելով քրեական գործն ըստ մեղադրանքի`
Սերոբ Հովհաննեսի Եսայանի` ծնված 1989 թվականի սեպտեմբերի 07-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին՝ երկու անչափահաս երեխա, նախկինում չդատված, բնութագրվում է դրական, կատարում է վերանորոգման աշխատանքներ, հաշվառված և փաստացի բնակվող՝ ք.Երևան, Աջափնյակ, Գ.Հասրաթյան փողոց, 13 տուն հասցեում: Մեղադրվում է ՀՀ քրեական օրենսգրքի 344-րդ հոդվածի 2-րդ մասով:

Պ Ա Ր Զ Ե Ց

Գործի դատավարական նախապատմությունը.
2023 թվականի օգոստոսի 15-ին ՀՀ ՔԿ ԵՔՔՎ ՃՏՀ քննության բաժնի քննիչ Մ.Կոստանդյանը կազմել է արձանագրություն՝ ՀՀ քրեական օրենսգրքի 344-րդ հոդվածի 2-րդ մասի հատկանիշներով թիվ 60214223 քրեական վարույթը նախաձեռնելու մասին:
2024 թվականի սեպտեմբերի 10-ին ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի ՀԿԳ քննիչ Ա.Գրիգորյանը որոշում է կայացրել Սերոբ Հովհաննեսի Եսայանին վարչական պատասխանատվության ենթարկելու մասին որոշումները և արձանագրությունները, ինչպես նաև վերջինիս վարչական իրավախախտումների որոշումների, վարորդական իրավունքից զրկելու ծանուցումները պարունակող փաստաթղթերը՝ ճանապարհային ոստիկանության հարթակից օգտվելու և էլեկտրոնային եղանակով ծանուցումների վերաբերյալ տեղեկանքները, սթափության ստուգման վերաբերյալ կտրոնը, ստուգաչափման վկայականը, սթափության ստուգման զննման փաստաթղթերի պատճեները, ճանապարհային ոստիկանության էլեկտրոնային ռեգիստրից տպված Սերոբ Հովհաննեսի Եսայանի վարորդական իրավունքից 2022 թվականի մայիսի 11-ից մինչև 2023 թվականի մայիսի 11-ն ընկած ժամանակահատվածում զրկելու վերաբերյալ տեղեկանքը որպես արտավարութային փաստաթուղթ ապացույց ճանաչելու մասին:
2024 թվականի դեկտեմբերի 05-ին Երևան քաղաքի Մալաթիա-Սեբաստիա վարչական շրջանի դատախազության դատախազ Ա.Դավթյանը որոշում է կայացրել թիվ 60214223 քրեական վարույթով Սերոբ Հովհաննեսի Եսայանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին այն հանցանքի կատարման համար, որ նա տրանսպորտային միջոցներ վարելու իրավունքից մեկ տարի ժամկետով՝ 2022 թվականի մայիսի 11-ից մինչև 2023 թվականի մայիսի 11-ը, զրկված լինելու և այդ մասին նախապես տեղյակ լինելու պայմաններում 2023 թվականի փետրվարի 23-ին՝ ժամը 00:26-ի սահմաններում, Երևան քաղաքի Ծիծեռնակաբերդի խճուղում, ոչ սթափ վիճակում՝ 0,5085 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ ±10), վարել է «Դեյվու» մակնիշի 36 SZ 222 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180247258 արձանագրությունը:
2024 թվականի դեկտեմբերի 05-ին ՀԿԳ քննիչ Ա.Գրիգորյանը որոշում է կայացրել թիվ 60214223 քրեական վարույթով Սերոբ Հովհաննեսի Եսայանի նկատմամբ որպես խափանման միջոց բացակայելու արգելքը կիրառելու մասին:
2024 թվականի դեկտեմբերի 23-ին թիվ 60214223 քրեական գործը՝ հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստացել է թիվ ԵԴ1/3841/01/24 դատական համարը:

Դատաքննությամբ հետազոտված թույլատրելի ապացույցները.
2025 թվականի փետրվարի 24-ին տեղի ունեցած դատական նիստի ընթացքում մեղադրյալ Սերոբ Հովհաննեսի Եսայանը հայտնեց, որ օգտվելով իր իրավունքից՝ հրաժարվում է ցուցմունք տալուց:
/դատական նիստի արձանագրություն՝ 24.02.2025թ./
Նախաքննության ընթացքում որպես վկա հարցաքննվելիս Սերոբ Հովհաննեսի Եսայանը ցուցմունք է տվել այն մասին, որ ուեցել է B,C կարգի վարորդական իրավունքի վկայական, վկայականը ստացել է 2010 կամ 2011 թվականներին, դրանից հետո վարել է տարբեր ավտոմեքենաներ: 2021-2022 թվականների ընթացքում կատարել է վարչական իրավախախտումներ և բալերը զրոյացել էին, դիմում էր ներկայացրել ճանապարհային ոստիկանություն, որ ինքն է այդ իրավախախոտաները կատարել, տեղյակ էր, որ բալերը զրոյացել էին: Հետո Երևան քաղաքի Լենինգրադյան փողոցի վրա կանգնել էր, մոտեցել էր բենզին լցներ, «Դեյվու» մակնիշի 36 SZ 222 հաշվառման համարանիշի ավտոմեքենան վարել է, քանի որ բենզինը քիչ էր: Հետո իրար հետ կանգնել են պարեկային ծառայության աշխատակիցների ավտոմեքենայի հետ հավասար: Ասել է խնդիրները, հետո հասկացել են, ստուգել են իր խմածությունը, ցույց է տվել, որ խմած է, արձանագրությունը կազմել են և այդ պահին տեղեկացրել են, որ զրկվում է վարորդական իրավունքից մեկ տարի ժամկետով: Ավելի ճիշտ, հետո է իմացել, որ զրկված է, մինչև 2023 թվականի փետրվարի 23-ը, ինքը տեղյակ երել է, որ զրկված է, մինչև վերջին դեպքը: Դրանից հետո վարել է մոտ 100-150 մետր Ստադիոնից դեպի համալիրի մոտի բենզալցակայան, մինչ այդ ընկերն էր վարում, նա չի կարողացել մեքենան վարել, ինքն է վարեցլ մոտ 100-150 մետր, չհասած բենզալցակայանի մոտ, երբ կանգնել է բենզալցակայանի մոտ, պարեկային ծառայությունը կանգնել է կողքը, փաստաթղթերն են ուզել՝ ստուգելու համար, տվել է, ասել են, որ զրկված է, ուղղակի այսքան հատվածը մոտիկացնելու համար է նստել, ստուգել են իր խմածությունը և ինքը ոչ սթափ վիճակում էր, այդ կապակցությամբ կազմել են արձանագրություն: Իրեն մեղավոր է ճանաչում, որ զրկված վիճակում, ոչ սթափ վիճակում վարել է մեքենան:
/Հատոր 1, գ.թ. 34-37/
Նախաքննության ընթացքում որպես մեղադրյալ հարցաքննվելիս Սերոբ Հովհաննեսի Եսայանը ցուցմունք է տվել այն մասին, որ իրեն մեղավոր է ճանաչում, խնդրում է մեղմ պատիժ նշանակել հնարավորինս, մեղմ վերաբերմունք, ներկա պահին տուգանքներ է վճարում, բնակվում է ընտանիքի և ծնողների հետ, ծնողները չեն աշխատում, մասնակի հայրն է օգնում շինարարության ընթացքում, երբ ի վիճակի է լինում, ընտանիքի մյուս անդամները չեն աշխատում: Ինքն այդ օրը մեքենան խնդիր է ունեցել, ընկերը խնդրել է, որ վարի, ինքը վարել է այդ ավտոմեքենան, զղջում է իր կատարած արարքի համար:
/Հատոր 1, գ.թ. 77-79/
Զննում կատարելու մասին արձանագրության համաձայն՝ զննման օբյեկտ հանդիսացող վարչական իրավախախտման վերաբերյալ թիվ 8180103757 արձանագրության և պարեկային ծառայության նույն համարի վարչական իրավախախտման գործով որոշման համաձայն՝ 2022 թվականի փետրվարի 17-ին՝ ժամը 04:14-ին ՀՀ ոստիկանության պարեկային ծառայության Երևան քաղաքի 1-ին գումարտակի 3-րդ վաշտի պարեկ, ոստիկանության ավագ լեյտենանտ Սոս Սուրենի Սերոբյանը կազմել է վարչական իրավախախտման արձանագրություն այն մասին, որ քաղաքացի Սերոբ Հովհաննեսի Եսայանը (ծնված՝ 07.09.1989թ., բնակվող՝ քաղաք Երևան, Գր. Հասրաթյան փողոց, 13 տանը, հեռ. 091110711) «Դայվու» մակնիշի 36 SZ 222 հաշվառման համարանիշի ավտոմեքենան վարել է Երևան քաղաքի Լենինգրադյան փողոցով նույն օրը՝ ժամը 03:35-ին, ոչ սթափ վիճակում, որը նախատեսված է ՎԻՎ օրենսգրքի 126-րդ հոդվածի 1-ին մասով: Արձանագրությանը ծանոթացել է Սերոբ Եսայանը, իր իրավունքների ու պարտականությունների մասին քաղվածքը և խախտման քննրակման վայրի ու ժամանակի վերաբերյալ ստացել է ծանուցում, որի դիմաց կատարված է ստորագրություն: Արձանագրությանը կից որոշման հատվածում գրված է, որ վարչական իրավախախտման գործով ՃԵԱԱ մասին օրենքի 24-րդ հոդվածի 7-րդ մասի «Ա» ենթակետի՝ «Տրանսպորտային միջոցը վարել է ոչ սթափ վիճակում մեկ տարվա ընթացքում կրկին անգամ» խախտելու համար: ՎԻՎ ՀՀ օրենսգրքի 126-րդ հոդվածի 5-րդ մասի համաձայն՝ քաղաքացի Սերոբ Եսայանին զրկել տրանսպորտային միջոցը վարելու իրավունքից մեկ տարի ժամկետով: Պարեկային ծառայության Երևան քաղաքի գնդի ՎԳԲ ավագ տեսուչ՝ Վ.Ախշարումով: 04.03.2022թ: 2022 թվականի փետրվարի 17-ին՝ ժամը 04:06:31-ին, կատարված սթափության զննման համաձայն՝ վարորդ Սերոբ Եսայանի օրգանիզմում ալկոհոլի քանակությունը կազմել է 0,146 միլիգրամ, զննումը կատարվել է 91100835 ստուգաչափման սարքով, զննման համարն է հանդիսանում 00799 համարը, վարած տրանսպորտային միջոցի հաշվառման համարանիշն է՝ 36 SZ 222 հաշվառման համարանիշը, վարորդական վկայականի համարանիշն է՝ RB 579557, ՃՈ տեսուչ ազգանունն է Սերոբյան, կրծքանշանի համարն է 09253: ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 062504 ստուգաչափման վկայականի համաձայն թիվ 91100835 ալկոտեստերը ստուգաչափվել է 2022 թվականի հունվարի 5-ին, որը բավարարել է սահմանված պահանջներին և ուժի մեջ է եղել մինչև 2023 թվականի հունվարի 5-ը:
2023 թվականի փետրվարի 23-ին՝ ժամը 00:46-ին, ՀՀ ոստիկանության Պարենային ծառայության Երևան քաղաքի գնդի 2-րդ գումարտակի 1-ին վաշտի կրտսեր պարեկ, ոստիկանության սերժանտ Արմեն Կորյունի Ստեփանյանը կազմել է վարչական իրավախախտման վերաբերյալ թիվ 8180247258 արձանագրությունն այն մասին, որ Սերոբ Հովհաննեսի Եսայանը (ծնված՝ 1989թ., բնակվող քաղաք Երևան, Աջափնյակ, Հասրաթյան փողոցի 13 տանը, հեռ. 091 01 07 04) «Դայվու» մակնիշի 36 SZ 222 հաշվառման համարանիշի ավտոմեքենան վարել է Երևան քաղաքի Ծիծեռնակաբերդի խճուղով ժամը 00:26-ին՝ տրանսպորտային միջոցներ վարելու իրավունքից զրկված վիճակում տրանսպորտային միջոցը ոչ սթափ վիճակում վարելու համար: Վարորդ Սերոբ Եսայանը հայտարարել է, որ մասնագետ լինելով խնդրել է, որ ոչ սթափ լինելով, երկու հարյուր մետր քշել է, որ չխափանվի: Թիվ 91100879 ստուգաչափման սարքով ստուգվել է Սերոբ Եսայանի օրգանիզմում առկա ալկոհոլի քանակությունը և պարզվել է թիվ 00420 զննմամբ, որ 00:43:52-ին 2023 թվականի փետրվարի 23-ին Սերոբ Եսայանի օրգանիզմում ալկոհոլի քանակությունը կազմել է 0,565 միլիգրամ, տրանսպորտային միջոցը, որով կատարվել է վարչական իրավախախտումը, ունեցել է 36 SZ 222 հաշվառման համարանիշը, վարորդկան վկայականի համարն է՝ RB 579557:
Ճանապարհային ոստիկանության էլեկտրոնային ռեգիստրից տպված տեղեկատվության համաձայն՝ Սերոբ Հովհաննեսի Եսայանը վարորդական իրավունքից զրկվել է 2022 թվականի մայիսի 11-ից մինչև 2023 թվականի մայիսի 11-ն ընկած ժամանակահատվածում:
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 083668 ստուգաչափման վկայականի համաձայն թիվ 91100870 ալկոտեստերը ստուգաչափվել է 2022 թվականի նոյեմբերի 15-ին, որը բավարարել է սահմանված պահանջներին և ուժի մեջ է եղել մինչև 2023 թվականի նոյեմբերի 15-ը:
Ճանապարհային ոստիկանության էլեկտրոնային հարթակից օգտվելու և էլեկտրոնային եղանակով ծանուցումների վերաբերյալ տեղեկանքի համաձայն՝ Սերոբ Հովհաննեսի Եսայանն, որպես վարորդ, վերջինիս հեռախոսահամարին «Roadpolice.am» էլեկտրոնային հարթակ մուտք գործելու համար, կոդերն ուղարկվել են 09131418 հեռախոսահամարին 2020 թվականի ապրիլի 14-ին՝ ժամը 13:57:49-ին, 091110711 հեռախոսահամարին 2020 թվականի հոկտեմբերի 26-ին՝ ժամը 20:01:20-ին, 098430990 հեռախոսահամարին 2021 թվականի մարտի 15-ին՝ ժամը 10:22:39-ին, 098157588 հեռախոսահամարին 2021 թվականի մարտի 16-ին՝ ժամը 10:05:10-ին, 099488866 հեռախոսահամարին 2022 թվականի մարտի 7-ին՝ ժամը 10:01:09-ին:
PB824769 հաշվառման վկայականը տրանսպորտային միջոցը թիվ MD000501 վարորդական վկայականը «Roadpolice.am» էլեկտրոնային հարթակում կցվել է 2020 թվականի ապրիլի 14-ին՝ ժամը 13:54:50-ին, սեփականատիրորջ հեռախոսահամար նշվել է 09110711 հեռախոսահամարը, շահագործող հեռախոսահամար նշվել է 09131418 հեռախոսահամարը, դադարեցվել է 2020 թվականի հոկտեմբերի 26-ին, սեփականատիրոջ հեռախոսահամար նշված է 091 11 07 11 համարը, շահագործողի հեռախոսահամար նշված է 091311418:
PB769107 հաշվառման վկայականը տրանսպորտային միջոցը թիվ MD000501 վարորդական վկայականը «Roadpolice.am» էլեկտրոնային հարթակում կցվել է 2020 թվականի հոկտեմբերի 26-ին՝ ժամը 19:56:13-ին, սեփականատիրոջ հեռախոսահամար նշվել է 099797996 հեռախոսահամարը, շահագործող հեռախոսահամար նշվել է 098791119 հեռախոսահամարը, դադարեցվել է 2020 թվականի դեկտեմբերի 2-ին, սեփականատիրոջ հեռախոսահամար նշված է 099797996 համարը, շահագործողի հեռախոսահամար նշված է 098791119 հեռախոսահամարը:
PB824769 հաշվառման վկայականը տրանսպորտային միջոցը թիվ MDOO0501 վարորդական վկայականը «Roadpolice.am» էլեկտրոնային հարթակում կցվել է 2021 թվականի դեկտեմբերի 14-ին՝ ժամը 17:52:02-ին, սեփականատիրոջ հեռախոսահամար նշվել է 098572021 հեռախոսահամարը, շահագործող հեռախոսահամար նշվել է 091110711 հեռախոսահամարը, դադարեցման վերաբերյալ որևէ տեղեկատվություն չկա:
Ուղարկված հաղորդագրությունների վերաբերյալ՝ Սերոբ Հովհաննեսի Եսայանին ուղարկվել են հաղորդագրություններ վարորդական իրավունքը կասեցվելու վերաբերյալ նրա նշած 091110711 հեռախոսահամարին 2021 թվականի մարտի 2-ին՝ ժամը 17:05-ին, բալերը զրոյանալու մասին ուղարկվել է հաղորդագրություն 098157588 հեռախոսահամարին 2021 թվականի մայիսի 13-ին՝ ժամը 18:15-ին, 2022 թվականի մարտի 28-ին՝ ժամը 00:10-ին, 099 488866 հեռախոսահամարին, իսկ վարորդական վկայականը զրկելու մասին հաղորդագրություն ուղարկվել է 2022 թվականի մայիսի 16-ին՝ ժամը 14:52:29-ին 099 488866 հեռախոսահամարին:
Համաձայն թիվ 2214377937 վարչական տույժ նշանակելու մասին որոշման՝ կայացված 23.03.2022թ-ին, Սերոբ Հովհաննեսի Եսայանը «Դեյվու» մակնիշի 36 SZ 222 հաշվառման համարանիշի ավտոմեքենայով Երևան քաղաքի Արարատյան փողոցի վրա երթևեկել է 77 կմ/ժ արագությամբ 2022 թվականի մարտի 17-ին՝ ժամը 19:44-ին, որի համար տուգանվել է 7.000 ՀՀ դրամ գումար:
/Հատոր 1, գ.թ. 28-31/
Արտավարութային փաստաթուղթ ճանաչելու մասին որոշման համաձայն՝ որպես արտավարութային փաստաթուղթ ապացույց են ճանաչվել Սերոբ Հովհաննեսի Եսայանին վարչական պատասխանատվության ենթարկելու մասին որոշումները և արձանագրությունները, ինչպես նաև վերջինիս վարչական իրավախախտումների որոշումների, վարորդական իրավունքից զրկելու ծանուցումները պարունակող փաստաթղթերը՝ ճանապարհային ոստիկանության հարթակից օգտվելու և էլեկտրոնային եղանակով ծանուցումների վերաբերյալ տեղեկանքները, սթափության ստուգման վերաբերյալ կտրոնը, ստուգաչափման վկայականը, սթափության ստուգման զննման փաստաթղթերի պատճեները, ճանապարհային ոստիկանության էլեկտրոնային ռեգիստրից տպված Սերոբ Հովհաննեսի Եսայանի վարորդական իրավունքից 2022 թվականի մայիսի 11-ից մինչև 2023 թվականի մայիսի 11-ն ընկած ժամանակահատվածում զրկելու վերաբերյալ տեղեկանքը:
/Հատոր 1, գ.թ. 3-11, 20-24, 32-33/

Դատարանի իրավական վերլուծությունները.
ՀՀ քրեական օրենսգրքի 14-րդ հոդվածի համաձայն` «1. Քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է:»:
ՀՀ քրեական օրենսգրքի 16-րդ հոդվածի համաձայն`
«1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը:
(...)»:
ՀՀ քրեական օրենսգրքի 344-րդ հոդվածի համաձայն`
«(...)
2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
(...)
5. Սույն օրենսգրքի իմաստով՝ անձը համարվում է տրանսպորտային միջոցներ վարելու իրավունք չունեցող, եթե նա սահմանված կարգով չի ստացել տվյալ կարգի տրանսպորտային միջոց վարելու իրավունքի վարորդական վկայական կամ սահմանված կարգով ստացել է վարորդական վկայական, սակայն օրենքով սահմանված կարգով զրկվել է տրանսպորտային միջոցներ վարելու իրավունքից, և զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը, բացառությամբ ուսումնական վարման դեպքերի:»:
ՀՀ քրեական դատավարության օրենսգրքի 22-րդ հոդվածի համաձայն`
«1. Քրեական վարույթի համար նշանակություն ունեցող ցանկացած հանգամանք պետք է հաստատվի պատշաճ ապացույցների բավարար համակցությամբ:
2. Եզրափակիչ դատավարական ակտը պետք է հիմնվի հետազոտված ապացույցների ազատ և բարեխիղճ գնահատման վրա:
3. Մեղադրական դատավճռի հիմքում դրվող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած հիմնավոր կասկած: Դատավճիռ կայացնելիս պետք է հաշվի առնվի անհրաժեշտ և հնարավոր ապացույցների բացակայությունը:
4. Վարույթն իրականացնող մարմինը պարտավոր է հանգամանորեն ստուգել ի պաշտպանություն մեղադրյալի բերված և պատշաճ ձևակերպված փաստարկները:
5. Հանցագործության համար անձի մեղավորության մասին հետևությունը չի կարող հիմնվել ենթադրությունների վրա. այն պետք է հաստատվի փոխկապակցված վերաբերելի, թույլատրելի, հավաստի ապացույցների ամբողջությամբ:
6. Խոստովանական ցուցմունքը չի կարող անձին դատապարտելու հիմք հանդիսանալ, եթե այն չի հիմնավորվել պատշաճ իրավական ընթացակարգի շրջանակներում հետազոտված բավարար ապացույցներով:
(...)»:
ՀՀ քրեական դատավարության օրենսգրքի 101-րդ հոդվածի համաձայն՝
«1. Ապացուցումը սույն օրենսգրքով նախատեսված` ապացուցման ենթակա փաստական հանգամանքները, ինչպես նաև վարույթի համար նշանակություն ունեցող այլ հանգամանքներ հաստատելու կամ հերքելու նպատակով ապացույցներ հավաքելը, ստուգելը և գնահատելն է:»:
ՀՀ քրեական դատավարության օրենսգրքի 102-րդ հոդվածի համաձայն՝
«1. Քրեական վարույթի ընթացքում ապացուցման ենթակա են՝
1) դեպքը և դրա հանգամանքները (ժամանակը, տեղը, եղանակը և այլն).
2) մեղադրյալի առնչությունը դեպքին.
3) ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8) այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները:
2. Սույն օրենսգրքով նախատեսված վարույթի առանձին տեսակների համար կարող է սահմանվել ապացուցման ենթակա հանգամանքների այլ շրջանակ:»:
ՀՀ քրեական դատավարության օրենսգրքի 105-րդ հոդվածի համաձայն՝
«1. Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել:»:
Վերլուծելով մեղադրյալ Սերոբ Հովհաննեսի Եսայանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Սերոբ Հովհաննեսի Եսայանին վերագրվող փաստական հանգամանքները (արարքը),
- ապացուցված է ՀՀ քրեական օրենսգրքի 344-րդ հոդվածի 2-րդ մասով նախատեսված արարքի քրեական հակաիրավականությունը,
- ապացուցված է մեղադրյալ Սերոբ Հովհաննեսի Եսայանի կողմից այդ արարքը կատարելը,
- ապացուցված է մեղադրյալ Սերոբ Հովհաննեսի Եսայանի մեղավորությունը տվյալ արարքը կատարելու մեջ։
Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:»:
ՀՀ քրեական օրենսգրքի 55-րդ հոդվածի համաձայն`
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 344-րդ հոդվածի 2-րդ մասի սանկցիան այլընտրանքային է, պատիժ է նախատեսում ինչպես տուգանքի, այնպես էլ՝ հանրային աշխատանքների, կարճաժամկետ ազատազրկման և ազատազրկման ձևով:
Ուսումնասիրելով մեղադրյալ Սերոբ Հովհաննեսի Եսայանի անձը` նրա կատարած հանցագործության համար պատիժ նշանակելիս Դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ վերջինս ընդունել է իրեն առաջադրված մեղադրանքի փաստական հանգամանքները, ոչ սթափ վիճակում տրանսպորտային միջոց վարելու համար իրեն մեղավոր է ճանաչել և զղջացել է կատարածի համար, սույն գործով մեղսագրվող արարքը կատարելու պահին դատվածություն չի ունեցել:
Որպես մեղադրյալի պատասխանատվությունը և պատիժը մեղմացնող հանգամանք Դատարանը հաշվի է առնում վերջինիս խնամքին երկու անչափահաս երեխաների առկայությունը:
Հաշվի առնելով մեղադրյալ Սերոբ Հովհաննեսի Եսայանի կատարած հանցագործության բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո նրա դրսևորած վարքագիծը, ինչպես նաև խախտված հասարակական հարաբերության սոցիալական նշանակությունը` Դատարանը գտնում է, որ Սերոբ Հովհաննեսի Եսայանն իր կատարած` ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության համար ենթակա է տուգանքի ձևով նախատեսված պատժի:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո։ Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
(…)
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)»:
Նկատի ունենալով, որ թեպետ մեղադրյալ Սերոբ Հովհաննեսի Եսայանը հայտնել է, որ աշխատում է, սակայն նրա եկամուտի չափը ստուգել հնարավոր չէ, Դատարանը գտնում է, որ տուգանքի չափը պետք է հաշվարկել արարքը կատարելու պահի նվազագույն աշխատավարձի չափով: Անդրադառնալով պատժաչափի հարցին և հաշվի առնելով, որ Սերոբ Եսայանը սույն գործով մեղսագրվող արարքը կատարելու պահին դատվածություն չի ունեցել, միաժամանակ հաշվի առնելով, որ վերջինիս խնամքի տակ են գտնվում նրա երկու անչափահաս երեխաները, Դատարանը գտնում է, որ նվազագույն չափով պատիժ նշանակելով հնարավոր է հասնել պատժի նպատակների իրագործմանը:
Միաժամանակ հաշվի առնելով մեղադրյալի հայտարարությունը՝ խնամքին երկու անչափահաս երեխաների առկայության և հոր վատառողջ լինելու մասին, Դատարանը գտնում է, որ մեղադրյալ Սերոբ Հովհաննեսի Եսայանին պետք է թույլատրել նշանակված տուգանքը վճարել մաս առ մաս՝ 12 /տասներկու/ ամսվա ընթացքում:
ՀՀ քրեական օրենսգրքի 61-րդ հոդվածի համաձայն՝
«1. Որոշակի պաշտոններ զբաղեցնելու իրավունքից զրկելը՝ որոշակի պաշտոններ զբաղեցնելը, իսկ որոշակի գործունեությամբ զբաղվելու իրավունքից զրկելը՝ կատարված հանցանքի բնույթի հետ կապված որոշակի գործունեությամբ զբաղվելն արգելելն է:
(…)
5. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ կարող է նշանակվել այն դեպքում, երբ դատարանը, ելնելով հանցավորի պաշտոնավարության կամ որոշակի գործունեությամբ զբաղվելու ժամանակ նրա կատարած հանցանքի բնույթից, հնարավոր չի համարում անձի կողմից հետագա ժամանակահատվածում որոշակի պաշտոններ զբաղեցնելը կամ որոշակի գործունեությամբ զբաղվելը:
(…)»:
Քննարկելով մեղադրյալ Սերոբ Հովհաննեսի Եսայանի նկատմամբ լրացուցիչ պատիժ նշանակելու հարցը` Դատարանը փաստում է, որ վերջինս զրկվել է տրանսպորտային միջոց վարելու իրավունքից և այն օրենքով սահմանված ընթացակարգերով չի վերականգնել, ուստի Դատարանը գտնում է, որ նրա նկատմամբ չի կարող նշանակվել լրացուցիչ պատիժ:
Քննարկելով խափանման միջոցի հարցը` Դատարանը գտնում է, որ մեղադրյալ Սերոբ Հովհաննեսի Եսայանի նկատմամբ «Բացակայելու արգելք» խափանման միջոցն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը:
Քննարկելով արտավարույթային փաստաթուղթ ճանաչված Սերոբ Հովհաննեսի Եսայանին վարչական պատասխանատվության ենթարկելու մասին որոշումների և արձանագրությունների, ինչպես նաև վերջինիս վարչական իրավախախտումների որոշումների, վարորդական իրավունքից զրկելու ծանուցումները պարունակող փաստաթղթերը՝ ճանապարհային ոստիկանության հարթակից օգտվելու և էլեկտրոնային եղանակով ծանուցումների վերաբերյալ տեղեկանքների, սթափության ստուգման վերաբերյալ կտրոնի, ստուգաչափման վկայականի, սթափության ստուգման զննման փաստաթղթերի պատճեների, ճանապարհային ոստիկանության էլեկտրոնային ռեգիստրից տպված Սերոբ Հովհաննեսի Եսայանի վարորդական իրավունքից 2022 թվականի մայիսի 11-ից մինչև 2023 թվականի մայիսի 11-ն ընկած ժամանակահատվածում զրկելու վերաբերյալ տեղեկանքի պահպանման հարցը, Դատարանը գտնում է, որ դրանք անհրաժեշտ է թողնել կցված քրեական գործին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ հոդվածներով` Դատարանը

Վ Ճ Ռ Ե Ց

Սերոբ Հովհաննեսի Եսայանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով և դատապարտել տուգանքի` նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով:
Դատավճիռն օրինական ուժի մեջ մտնելուց հետո թույլատրել Սերոբ Հովհաննեսի Եսայանին դատավճռով նշանակված 375.000 /երեք հարյուր յոթանասունհինգ հազար/ ՀՀ դրամը վճարել մաս առ մաս` 12 /տասներկու/ ամսվա ընթացքում, յուրաքանչյուր ամիս նվազագույնը 31.250 /երեսունմեկ հազար երկու հարյուր հիսուն/ ՀՀ դրամի չափով:
Սերոբ Հովհաննեսի Եսայանի նկատմամբ ընտրված խափանման միջոցը` բացակայելու արգելքը թողնել անփոփոխ մինչև դատավճռի օրինական ուժի մեջ մտնելը:
Ապացույց ճանաչված արտավարութային փաստաթղթերը թողնել կցված քրեական գործին:
Դատավճիռը կարող է բողոքարկվել ՀՀ քրեական վերաքննիչ դատարան` ստանալու օրվանից հետո մեկամսյա ժամկետում:

ԴԱՏԱՎՈՐ` Վ.Լ.ԳՐԻԳՈՐՅԱՆ