Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵԴ1/3813/01/24

«25» սեպտեմբերի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը՝

նախագահությամբ՝ դատավոր քարտուղարությամբ՝ Ա. Մելիքսեթյանի,
Ս. Ջավադյանի,
մասնակցությամբ՝
հանրային մեղադրող Տ․ Պողոսյանի,
պաշտպան Վ․ Դավթյանի,
տուժող Ա․ Քիշմիրյանի,
տուժողի լիազոր ներկայացուցիչ Հ․ Ջհանգիրյանի,


դռնբաց դատական նիստում, համաձայնեցման վարույթի կիրառմամբ քննելով քրեական գործն ըստ մեղադրանքի՝
Լիաննա Սամվելի Նիկողոսյանի (ծնված 28․04․1975թ․, ՀՀ, Երևան քաղաքում, հայ, ՀՀ քաղաքացի, միջնակարգ կրթությամբ, չամուսնացած, խնամքին 1 երեխա, հաշվառված ք․ Երևան, Ավան-Առինջ 4-րդ շենքի 9-րդ բնակարանում, բնակվում է Երևան քաղաքի Արագածի 93 ա շենքի 36-րդ բնակարանում)՝ ՀՀ քրեական օրենսգրքի 476-րդ հոդվածի 3-րդ մասի 2-րդ կետով,

Պ Ա Ր Զ Ե Ց

1․ Գործի դատավարական պատմությունը.
1․1․ 2023 թվականի հունվարի 19-ին ՀՀ քրեական օրենսգրքի 188-րդ հոդվածի 2-րդ մասի 2-րդ կետի հատկանիշներով նախաձեռնվել է թիվ 69101323 քրեական վարույթը:
1․2․ 2023 թվականի մարտի 29-ին ՀՀ քրեական օրենսգրքի 299-րդ հոդվածի 21-ին մասի հատկանիշներով նախաձեռնվել է թիվ 69108923 քրեական վարույթը:
1․3․ 2023 թվականի մարտի 29-ին որոշում է կայացվել թիվ 69108923 քրեական վարույթը թիվ 69101323 քրեական վարույթին միացնելու և նախաքննությունը թիվ 69101323 քրեական վարույթի ներքո շարունակելու մասին:
1․4․ 2023 թվականի մարտի 29-ին թիվ 69101323 քրեական վարույթով որոշում է կայացվել Արևիկ Մարտինի Վարդանյանի նկատմամբ ՀՀ քրեական օրենսգրքի 188-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին:
1․5․ 2023 թվականի մարտի 29-ին թիվ 69101323 քրեական վարույթով որոշում է կայացվել Արա Լևոնի Քիշմիրյանի նկատմամբ ՀՀ քրեական օրենսգրքի 188-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին:
1․6․ 2023 թվականի մարտի 30-ին թիվ 69101323 քրեական վարույթով որոշում է կայացվել ազատության մեջ գտնվող մեղադրյալ Արևիկ Մարտինի Վարդանյանին ձերբակալելու մասին:
1․7․ 2023 թվականի մարտի 30-ին թիվ 69101323 քրեական վարույթով որոշում է կայացվել ազատության մեջ գտնվող մեղադրյալ Արա Լևոնի Քիշմիրյանին ձերբակալելու մասին:
1․8․ 2023 թվականի մարտի 30-ին որոշում է կայացվել մեղադրյալ Արևիկ Մարտինի Վարդանյանի նկատմամբ որպես խափանման միջոց կալանքը՝ 2 /երկու/ ամիս ժամկետով կիրառելու մասին։
1․9․ 2023 թվականի մայիսի 30-ին որոշում է կայացվել մեղադրյալ Արևիկ Մարտինի Վարդանյանի նկատմամբ որպես խափանման միջոց գրավը՝ 1․000․000 /մեկ միլիոն/ ՀՀ դրամի չափով կիրառելու մասին։
1․10․ 2023 թվականի հունիսի 22-ին որոշում է կայացվել մեղադրյալ Արա Լևոնի Քիշմիրյանի նկատմամբ որպես խափանման միջոց կալանքը՝ 2 /երկու/ ամիս ժամկետով կիրառելու մասին։
1․11․ 2023 թվականի օգոստոսի 21-ին որոշում է կայացվել մեղադրյալ Արա Լևոնի Քիշմիրյանի նկատմամբ որպես խափանման միջոց բացակայելու արգելքն ընտրելու մասին:
1․12․ 2024 թվականի հունվարի 29-ին թիվ 69101323 քրեական վարույթով որոշում է կայացվել Արա Լևոնի Քիշմիրյանի նկատմամբ ՀՀ քրեական օրենսգրքի 188-րդ հոդվածի 2-րդ մասի 2-րդ կետով հանրային քրեական հետապնդումը դադարեցնելու մասին՝ իրեն մեղսագրվող արարքը կատարած չլինելու հիմքով։
1․13․ 2024 թվականի հունվարի 29-ին թիվ 69101323 քրեական վարույթով որոշում է կայացվել Արևիկ Մարտինի Վարդանյանի նկատմամբ ՀՀ քրեական օրենսգրքի 188-րդ հոդվածի 2-րդ մասի 2-րդ կետով հանրային քրեական հետապնդումը դադարեցնելու մասին՝ իրեն մեղսագրվող արարքը կատարած չլինելու հիմքով։
1․14․ 2024 թվականի հոկտեմբերի 10-ին թիվ 69101323 քրեական վարույթով որոշում է կայացվել Արևիկ Մարտինի Վարդանյանի նկատմամբ ՀՀ քրեական օրենսգրքի 299-րդ հոդվածի 1-ին մասով հանրային քրեական հետապնդում հարուցելու մասին:
1․15․ 2024 թվականի հոկտեմբերի 10-ին որոշում է կայացվել մեղադրյալ Արևիկ Մարտինի Վարդանյանի նկատմամբ որպես խափանման միջոց բացակայելու արգելքն ընտրելու մասին:
1․16․ 2024 թվականի հոկտեմբերի 15-ին որոշում է կայացվել թիվ 69101323 քրեական վարույթով Արևիկ Մարտինի Վարդանյանի կողմից ՀՀ քրեական օրենսգրքի 299-րդ հոդվածի 1-ին մասով նախատեսված ենթադրյալ հանցագործություն կատարելու մասով նոր վարույթ անջատելու և անջատված մասով նախաքննությունը թիվ 69108923 քրեական վարույթի ներքո շարունակելու մասին:
1․17․ 2024 թվականի նոյեմբերի 26-ին թիվ 69101323 քրեական վարույթով որոշում է կայացվել Արա Լևոնի Քիշմիրյանի նկատմամբ ՀՀ քրեական օրենսգրքի 167-րդ հոդվածի 1-ին մասով նոր հանրային քրեական հետապնդում հարուցելու մասին:
1․18․ 2024 թվականի նոյեմբերի 26-ին որոշում է կայացվել մեղադրյալ Արա Լևոնի Քիշմիրյանի նկատմամբ որպես խափանման միջոց բացակայելու արգելքն ընտրելու մասին:
1․19․ 2024 թվականի նոյեմբերի 26-ին որոշում է կայացվել թիվ 69101323 քրեական վարույթով Արա Լևոնի Քիշմիրյանի կողմից ՀՀ քրեական օրենսգրքի 167-րդ հոդվածի 1-ին մասով նախատեսված ենթադրյալ հանցագործություն կատարելու մասով նոր վարույթ անջատելու և անջատված մասով նախաքննությունը թիվ 69136624 քրեական վարույթի ներքո շարունակելու մասին:
1․20․ 2024 թվականի դեկտեմբերի 05-ին ՀՀ քրեական օրենսգրքի 476-րդ հոդվածի 3-րդ մասի 2-րդ կետի հատկանիշներով նախաձեռնվել է թիվ 69138325 քրեական վարույթը:
1․21․ 2024 թվականի դեկտեմբերի 05-ին որոշում է կայացվել թիվ 69138325 քրեական վարույթը թիվ 69101323 քրեական վարույթին միացնելու և նախաքննությունը թիվ 69101323 քրեական վարույթի ներքո շարունակելու մասին:
1․22․ 2024 թվականի դեկտեմբերի 06-ին թիվ 69101323 քրեական վարույթով որոշում է կայացվել Լիաննա Սամվելի Նիկողոսյանի նկատմամբ ՀՀ քրեական օրենսգրքի 476-րդ հոդվածի 3-րդ մասի 2-րդ կետով հանրային քրեական հետապնդում հարուցելու մասին:
1․23․ 2024 թվականի դեկտեմբերի 06-ին որոշում է կայացվել թիվ 69101323 քրեական վարույթով մեղադրյալ Լիաննա Սամվելի Նիկողոսյանի նկատմամբ որպես խափանման միջոց բացակայելու արգելքն ընտրելու մասին:
1․24․ Երևան քաղաքի առաջին ատյանի ընդհանուր իրավասության քրեական դատարանում 2024 թվականի դեկտեմբերի 19-ին մուտք է եղել ՀՀ գլխավոր դատախազությունից ստացված, նախաքննական 69101323 համարով քրեական գործն ըստ մեղադրանքի՝ Լիաննա Սամվելի Նիկողոսյանի՝ ՀՀ քրեական օրենսգրքի 476-րդ հոդվածի 3-րդ մասի 2-րդ կետով, քրեական գործին շնորհվել է ԵԴ1/3813/01/24 դատական գործի համարը և մակագրվել դատավոր Գ․ Պողոսյանին:
1․25․ 2025 թվականի հունիսի 02-ին դատավոր Գ․ Պողոսյանի անաշխատունակության հիմքով թիվ ԵԴ1/3813/01/24 քրեական գործը մակագրվել է դատավոր Ա․ Մելիքսեթյանին, աշխատակազմին է հանձնվել 2025 թվականի հունիսի 03-ին։
1․26․ 2025 թվականի հունիսի 06-ին որոշում է կայացվել թիվ ԵԴ1/3813/01/24 քրեական գործով վարույթ ստանձնելու և նախնական դատալսումներ նշանակելու մասին:

2․ Մեղադրանքի փաստական նկարագրությունը.
Լիաննա Սամվելի Նիկողոսյանը, նախ 2023 թվականի հունվարի 17-ին ՀՀ ՆԳՆ ոստիկանության ՔՈԳ վարչությունում ներկայացրած հանցագործության մասին հաղորդմամբ, ապա 2023 թվականի հունվարի 20-ին հունվարի 26-ին ՀՀ քննչական կոմիտեի ՀԿԳ քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող թիվ 69101323 քրեական վարույթով որպես տուժող հարցաքննության ընթացքում, նույն վարույթով 2023 թվականի մայիսի 2-ին մեղադրյալ Արևիկ Վարդանյանի հետ առերեսման ընթացքում, գիտակցելով իր կողմից տրամադրված տեղեկավտության սուտ լինելը, տվել է սուտ ցուցմունք, հայտնել սուտ տեղեկատվություն Արա Քիշմիրյանի կողմից իրեն սեռական շահագործման ենթարկելու վերաբերյալ, որը անզգուշությամբ հանգեցրել է Արա Քիշմիրյանի՝ 2023 թվականի հունիսի 21-ից օգոստոսի 21-ը կալանավորմանը:

3. Համաձայնեցման վարույթով դատական քննությունը.
3․1․ Մինչև դատաքննությունը սկսելն մեղադրյալ Լիաննա Սամվելի Նիկողոսյանը միջնորդեց դատական քննությունն անցկացնել համաձայնեցման հատուկ կարգով, միևնույն ժամանակ հայտնեց, որ առաջադրված մեղադրանքն իրեն ամբողջությամբ պարզ է և հասկանալի, համաձայն է մեղադրանքի հետ և իրեն լիովին մեղավոր է ճանաչում, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում են համաձայնեցման հատուկ կարգով դատական քննություն անցկացնելու բնույթը և հետևանքները:
3․2․ Հանրային մեղադրող Տ․ Պողոսյանն առարկություն չներկայացրեց համաձայնեցման վարույթ կիրառելու դեմ:
3․4․ Տուժող Ա․ Քիշմիրյանը և վերջինիս լիազոր ներկայացուցիչ Հ․ Ջհանգիրյանն առարկություն չներկայացրին համաձայնեցման վարույթ կիրառելու դեմ:
3․5․ Դատարանը պարզելով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված համաձայնեցման վարույթ կիրառելու հիմքը և միաժամանակ արձանագրելով, որ բացակայում են նույն հոդվածի 2-րդ մասով նախատեսված՝ համաձայնեցման վարույթի կիրառումը բացառող հանգամանքները, որոշեց ՀՀ քրեական դատավարության օրենսգրքի 459-րդ հոդվածի համաձայն բավարարել համաձայնեցման վարույթ կիրառելու մասին մեղադրյալի միջնորդությունը և կողմերին տրամադրել ժամանակ բանակցությունների համար։

4․ Դատական նիստի ժամանակ մեղադրողը հրապարակեց համաձայնության վերաբերյալ արձանագրությունները, հետևյալ բովանդակությամբ.
«Սույն արձանագրությունը կազմվել է 2025 թվականի սեպտեմբերի 19-ին Երևան քաղաքի առաջին ատյանի ընդհանուր իրավասության քրեական դատարանում
(ք. Երևան, Գյուլիքևխյան փող., 20)

մասնակցությամբ՝ ՀՀ գլխավոր դատախազության մարդու դեմ ուղղված հանցագործությունների գործերով վարչության ավագ դատախազ՝ Տիգրան Պողոսյանի, մեղադրյալ Լիաննա Սամվելի Նիկողոսյանի (ծնված 28․04․1975թ․, ՀՀ, Երևան քաղաքում, հայ, ՀՀ քաղաքացի, միջնակարգ կրթությամբ, չամուսնացած, խնամքին 1 երեխա, հաշվառված ք․Երևան, Ավան-Առինջ 4-րդ շենքի 9-րդ բնակարանում, բնակվում է Երևան քաղաքի Արագածի 93 ա շենքի 36-րդ բնակարանում, մայրենի լեզուն հայերեն) և ՀՀ փաստաբանների պալատի փաստաբան Վիրաբ Դավթյանի (արտոնագիր թիվ 2412)`
1. Լիաննա Սամվելի Նիկողոսյանի նկատմամբ ՀՀ քրեական օրենսգրքի 476-րդ հոդվածի 3-րդ մասի 2-րդ կետով հանրային քրեական հետապնդում է հարուցվել այն բանի համար, որ «(…) նա նախ 2023 թվականի հունվարի 17-ին ՀՀ ՆԳՆ ոստիկանության ՔՈԳ վարչությունում ներկայացրած հանցագործության մասին հաղորդմամբ, ապա` 2023 թվականի հունվարի 20-ին, հունվարի 26-ին ՀՀ քննչական կոմիտեի ՀԿԳ քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող թիվ 69101323 քրեական վարույթով որպես տուժող հարցաքննության ընթացքում, նույն վարույթով 2023 թվականի մայիսի 2-ին մեղադրյալ Արևիկ Վարդանյանի հետ առերեսման ընթացքում, գիտակցելով իր կողմից տրամադրված տեղեկավտության սուտ լինելը, տվել է սուտ ցուցմունք, հայտնել սուտ տեղեկատվություն Արա Քիշմիրյանի կողմից իրեն սեռական շահագործման ենթարկելու վերաբերյալ, որը անզգուշությամբ հանգեցրել է Արա Քիշմիրյանի՝ 2023 թվականի հունիսի 21-ից օգոստոսի 21-ը կալանավորմանը (...)»:
2. Մեղադրյալ Լիաննա Նիկողոսյանի նկատմամբ որպես խափանման միջոց ընտրված՝ բացակայելու արգելքը ենթակա է վերացման դատավճիռն օրինական ուժի մեջ մտնելուց հետո:
3. Մեղադրյալ Լիաննա Նիկողոսյանին մեղսագրվող արարքներով հատուցման ենթակա վնաս առկա չէ:
4. Նախաքննության ընացքում մեղադրյալ Լիաննա Նիկողոսյանի գույքի նկատմամբ արգելանք չի դրվել:
5. Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 84-րդ հոդվածը՝ կողմերը համաձայնվում են մեղադրյալ Լիաննա Սամվելի Նիկողոսյանին մեղսագրվող արարքի համար հետևյալ պատժատեսակների և պատժաչափերի վերաբերյալ՝
5.1 ՀՀ քրեական օրենսգրքի 476-րդ հոդվածի 3-րդ մասի 2-րդ կետով:
ՀՀ քրեական օրենսգրքի 476-րդ հոդվածի 3-րդ մասի 2-րդ կետով նախատեսված հանցագործության կատարման համար մեղադրյալի նկատմամբ որպես պատիժ նշանակել ազատազրկում՝ 4 տարի ժամկետով:
5.2. ՀՀ քրեական օրենսգքրքի 84-րդ հոդվածի կիրառմամբ Լիաննա Սամվելի Նիկողոսյանի նկատմամբ ազատազրկման ձևով նշանակված պատիժը պայմանականորեն չկիրառել՝ նշանակելով փորձաշրջան՝ 2 տարի ժամկետով:
5.3. Փորձաշրջանի ընթացքում Լիաննա Նիկողոսյանի վրա դրվում են ՀՀ քրեական օրենսգքրքի 84-րդ հոդվածի 5-րդ մասի 2-րդ և 3-րդ կետերով նախատեսված պարտավորությունները, այն է՝
1) առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքելը,
2) բնակության վայրը փոխելու դեպքում դատապարտյալի վարքագծի նկատմամբ վերահսկողություն իրականացնող իրավասու մարմնին սեղմ ժամկետում իր նոր բնակության վայրի հասցեն հայտնելը:
6. Բռնագանձման ենթակա գույք առկա չէ:
7. Իրեղեն ապացույցներ չկան:»

6․ Դատարանի իրավական վերլուծությունները
Մեղադրողի կողմից համաձայնության մասին արձանագրությունը հրապարակումից հետո մեղադրյալ Լիաննա Սամվելի Նիկողոսյանը հայտնեց, որ իրեն պարզ է կնքված համաձայնությունների բովանդակությունը, համաձայն է դրան, արտահայտել է իր իրական կամքը, գիտակցում է կնքված համաձայնության հետևանքները, պնդում են կնքված համաձայնությունը, այն չի կնքվել բռնության, սպառնալիքի կամ հարկադրանքի այլ միջոցի ազդեցության հետևանքով։
Պաշտպան Վ․ Դավթյանը հայտնեց, որ պնդում է կնքված համաձայնությունը։
Վերոգրյալի հիման վրա Դատարանն արձանագրում է, որ կողմերի միջև կնքված համաձայնությունը բխում է ՀՀ քրեական դատավարության օրենսգրքով նախատեսված համաձայնեցման վարույթի կիրառման վերաբերելի դրույթների պահանջներից:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 463-րդ հոդվածով, Դատարանը

Վ Ճ Ռ Ե Ց

Լիաննա Սամվելի Նիկողոսյանին մեղավոր ճանաչել ՀՀ քրեական օրենսգրքի 476-րդ հոդվածի 3-րդ մասի 2-րդ կետով նախատեսված արարքում և պատիժ նշանակել ազատազրկում 4 /չորս/ տարի ժամկետով:
ՀՀ քրեական օրենսգրքի 84-րդ հոդվածի կիրառմամբ՝ ազատազրկման ձևով նշանակված պատիժը պայմանականորեն չկիրառել՝ սահմանելով փորձաշրջան 2 /երկու/ տարի ժամկետով:
Փորձաշրջանի ընթացքում Լիաննա Նիկողոսյանի վրա դնել ՀՀ քրեական օրենսգքրքի 84-րդ հոդվածի 5-րդ մասի 2-րդ և 3-րդ կետերով նախատեսված պարտավորությունները, այն է՝
1) առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքել,
2) բնակության վայրը փոխելու դեպքում դատապարտյալի վարքագծի նկատմամբ վերահսկողություն իրականացնող իրավասու մարմնին սեղմ ժամկետում իր նոր բնակության վայրի հասցեն հայտնել:
Մեղադրյալ Լիաննա Սամվելի Նիկողոսյանի նկատմամբ կիրառված խափանման միջոցը՝ Հայաստանի Հանրապետությունից բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, որից հետո այն վերացնել:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան` դատական ակտը ստանալուց հետո մեկամսյա ժամկետում:


ԴԱՏԱՎՈՐ` Ա. ՄԵԼԻՔՍԵԹՅԱՆ