ԵԴ1/3769/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ԴԱՎԹՅԱՆԻ
մեղադրյալ Ն․ՇԱԽՆԱԶԱՐՅԱՆԻ


2025 թվականի մարտի 21-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Նարեկ Սիմոնի Շախնազարյանի՝ ծնված 1991 թվականի օգոստոսի 13-ին, ք․Երևան, հայ, ՀՀ քաղաքացի, թերի բարձրագույն կրթությամբ, դատվածություն չունեցող, ամուսնացած, խնամքին երկու անչափահաս երեխա, աշխատում է Adress ՍՊԸ-ի պահակակետում, հաշվառված է ք․Երևան, Նորաշեն թաղամաս, 17-րդ շենք, 9-րդ բնակարան հասցեում, փաստացի բնակվում է ք․Երևան, Ն․Չարբախ 8-րդ փողոց, 18/7 հասցեում, մեղադրանք է առաջադրվել 3 դրվագ ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի փետրվարի 17-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-0681-24 քրեական վարույթը:
2024 թվականի ապրիլի 17-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-1363-24 քրեական վարույթը:
2024 թվականի ապրիլի 17-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-1364-24 քրեական վարույթը:
2024 թվականի ապրիլի 30-ի որոշմամբ թիվ 60-1363-24 և թիվ 60-1364-24 քրեական վարույթները միացվել են թիվ 60-0681-24 քրեական վարույթին, վարույթը շարունակվել թիվ 60-0681-24 համարով։
2024 թվականի դեկտեմբերի 9-ի որոշմամբ Նարեկ Սիմոնի Շախնազարյանի նկատմամբ քրեական հետապնդում է հարուցվել 3 դրվագ ՀՀ քրեական օրենսգրքի 344-րդ հոդվածի 2-րդ մասով այն արարքների համար, որ նա, չունենալով տրանսպորտային միջոցներ վարելու իրավունք, 2023 թվականի մայիսի 10-ին՝ ժամը 02:45-ի սահմաններում, Երևան քաղաքի Բագրատունյաց պողոտայում վարել է «Կիա» մակնիշի 37 RC 891 հաշվառման համարանիշի ավտոմեքենան և հրաժարվել է սթափության վիճակի զննություն անցնելուց, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակիցների կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180252751 արձանագրությունը:
Այսինքն՝ Նարեկ Սիմոնի Շախնազարյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում:
Բացի այդ՝ Նարեկ Սիմոնի Շախնազարյանը, չունենալով տրանսպորտային միջոցներ վարելու իրավունք, 2024 թվականի հունվարի 12-ին՝ ժամը 03:20-ի սահմաններում, Երևան քաղաքի Մարգարյան փողոցում, ոչ սթափ վիճակում՝ 0,3015 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ ±10), վարել է «Հյունդայի» մակնիշի 37 VX 610 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակիցների կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180267779 արձանագրությունը:
Այսինքն՝ Նարեկ Սիմոնի Շախնազարյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում։
Բացի այդ՝ Նարեկ Սիմոնի Շախնազարյանը, չունենալով տրանսպորտային միջոցներ վարելու իրավունք, 2024 թվականի փետրվարի 17-ին՝ ժամը 03:15-ի սահմաններում, Երևան քաղաքի Իսակովի պողոտայում, ոչ սթափ վիճակում՝ 0,4716 մգ/լ պարունակությամբ՝ ալկոհոլ օգտագործած (հաշվի առնելով ստուգաչափման սարքի սխալանքը` +10), վարել է «Հյունդայի» մակնիշի 37 VX 610 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակիցների կողմից, և ինչի կապակցությամբ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Իսպիր Աղաջանյանի կողմից 17.02.2024 թվականի՝ կազմվել է համապատասխան զեկուցագիր:
Այսինքն՝ Նարեկ Սիմոնի Շախնազարյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում: Այսպիսով՝ Նարեկ Սիմոնի Շախնազարյանին մեղսագրվում է երեք դրվագ Հ քրեական օրենսգրքի 344-րդ հոդվածի 2-րդ մասով նախատեսված հանցանքների կատարում։։
2024 թվականի դեկտեմբերի 9-ի որոշմամբ Նարեկ Սիմոնի Շախնազարյանի նկատմամբ խափանման միջոց է ընտրվել բացակայելու արգելքը:
2024 թվականի դեկտեմբերի 16-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3769/01/24 համարը:
2024 թվականի դեկտեմբերի 18-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի մարտի 21-ին Դատարանը Նարեկ Սիմոնի Շախնազարյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Նարեկ Սիմոնի Շախնազարյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում՝ 2024 թվականի դեկտեմբերի 9-ին, Նարեկ Սիմոնի Շախնազարյանը որպես մեղադրյալ հարցաքննվելիս ցուցմունք է տվել այն մասին, որ ընդունում է իր մեղքը իրեն առաջադրված մեղադրանքի կապակցությամբ, զղջում է կատարածի համար, խնամքին ունի երկու անչափահաս երեխա, այլ հարցերի չի ցանկանում պատասխանել։ (տե´ս դատական նիստի արձանագրություն, քրեական գործ, 96-101-րդ թերթեր)։
Ցուցմունքները հրապարակվելուց հետո Նարեկ Սիմոնի Շախնազարյանը հայտնել է, որ դրանք ճիշտ են և պնդել է դրանք (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները. Զննում կատարելու մասին արձանագրությունը, համաձայն որի 17.02.2024 թվականին կազմված ստուգաչափման կտրոնը, թիվ 102345 ստուգաչափման վկայականի պատճենը, ՀՀ ՆԳՆ ոստիկանության պարեկային ծառայության պարեկ Իսպիր Հրայրի Աղաջանյանի զեկուցագիրը, թիվ 8180267779 վարչական իրավախախտման վերաբերյալ արձանագրության պատճենը, 12.01.2024 թվականին կազմված ստուգաչափման կտրոնի պատճենը, թիվ 110939 ստուգաչափման վկայականի պատճենը, թիվ 8180252751 վարչական իրավախախտման վերաբերյալ արձանագրության պատճենը, թիվ 001215 վարորդի սթափության վիճակի զննության ուղեգրի պատճենը, թիվ 174 բուժհաստատության կողմից վարորդի սթափության վիճակի զննության արձանագրության պատճենը, ՆԳՆ հաշվառման-քննական ծառայությունների մատուցման, թույլտվությունների և լիցենզավորման վարչության Երևանի հաշվառման-քննական բաժնից ստացված գրությունները և ՀՀ ՆԳՆ ՃՈ էլեկտրոնային ռեգիստրից Նարեկ Սիմոնի Շախնազարյանի վերաբեյալ արտատպված տվյալները։ 17.02.2024 թվականին կազմված ստուգաչափման կտրոնի զննությամբ պարզվել է, որ սարքի համարն է հանդիսացել 91100981, զննման համարն է 01910, զննման ամսաթիվն է 17.02.2024 թվականին՝ ամը 03:44-ին: Ալկոհոլի պարունակությունը կազմել է 0,524 մգ/լ, վարորդն է հանդիսացել Նարեկ Շախնազարյանը, հաշվառման համարանիշն է եղել 37 VX 610: Թիվ 102345 ստուգաչափման վկայականի պատճենի զննությամբ պարզվել է, որ չափման միջոցի անվանումն է Ալկոմետր, գործարանային համարն է 91100981, սարքն ուժի մեջ եղել 24.07.2023 24.07.2024 թվականն ընկած ժամանակահատվածում, չափման տիրույթն է 0-ից մինչև 2 մգ/լ: ՀՀ ՆԳՆ ոստիկանության պարեկային ծառայության պարեկ Իսպիր Հրայրի Աղաջանյանի զեկուցագրի զննությամբ պարզվել է, որ 17.02.2024 թվականին՝ ժամը 03:15-ի սահմաններում, Երևան քաղաքի Ծ.Իսակովի պողոտայում նկատել են «Հյունդայի» մակնիշի, 37 VX 610 հաշվառման համարանիշի ավտոմեքենան, այնուհետև սահմանված կարգով կանդնեցրել են, ինչից հետո պարզվել է, որ տվյալ վարորդն ավտոմեքենան վարել է չունենալով տվյալ կարգի վարորդական իրավունքի վկայական և վարորդի վրայից սուր ալկոհոլի հոտ է եկել: Այնուհետև վարորդն անցել է սթափության զննություն, ինչից հետո պարզվել է, որ տվյալ վարորդը գտնվել է ոչ սթափ վիճակում՝ մաքուր ալկոհոլի պարունակությունը կազմել է 0,524 մգ/լ: Պարզվել է, որ նշված քաղաքացին հանդիսացել է Նարեկ Սիմոնի Շախնազարյանը: Թիվ 8180267779 վարչական իրավախախտման վերաբերյալ արձանագրության պատճենի զննությամբ պարզվել է, որ այն կազմվել է 12.01.2024 թվականին՝ ժամը 03:55-ին, համաձայն որի Նարեկ Սիմոնի Շախնազարյանը 12.01.2024 թվականին՝ ժամը 03:20-ին Երևան քաղաքի Մարգարյան փողոցում, ոչ սթափ վիճակում, չունենալով տրանսպորտային միջոցներ վարելու իրավունք, վարել է Հյունդայի մակնիշի, 37 VX 610 հաշվառման համարանիշի ավտոմեքենան: 12.01.2024 թվականին կազմված ստուգաչափման կտրոնի պատճենի զննությամբ պարզվել է, որ սարքի համարն է հանդիսացել 91100888, զննման համարն է 01253, զննումը կատարվել է 12.01.2024 թվականին՝ ժամը 03:52-ին, ալկոհոլի պարունակությունը կազմել է 0,335 մգ/լ, վարորդը եղել է Նարեկ Շախնազարյանը, ավտոմեքենայի հաշվառման համարանիշերն են 37 VX 610: Թիվ 110939 ստուգաչափման վկայականի պատճենի զննությամբ պարզվել է, որ չափման միջոցի անվանումն է Ալկոմետր, գործարանային համարն է 91100888, սարքն ուժի մեջ է եղել 15.11.2023 թվականից մինչև 15.11.2024 թվականն ընկած ժամանակահատվածում, չափման տիրույթն է 0-ից մինչև 2 մգ/լ: Թիվ 8180252751 վարչական իրավախախտման վերաբերյալ արձանագրության պատճենի զննությաբ պարզվել է, որ այն կազմվել է 10.05.2023 թվականին՝ ժամը 04:47-ին, համաձայն որի Նարեկ Սիմոնի Շախնազարյանը նույն օրը՝ ժամը 02:45-ին, Երևան քաղաքի Բագրատունյաց փողոցում վարել է Կիա մակնիշի, 37 RC 891 հաշվառման համարանիշի ավտոմեքենան, ինչից հետո, չունենալով տրանսպորտային միջոցներ վարելու իրավունք, հրաժարվել է սթափության վիճակի զննություն անցնելուց։ «Վարչական իրավախախտում կատարած անձի բացատրությունը, դիտողությունը, ստորագրությունը» հատվածում առկա է հետևյալ գրառումը. «հրաժարվեց ծանոթանալուց և ստորագրելուց»: Թիվ 001215 վարորդի սթափության վիճակի զննության ուղեգրի պատճենի զննությամբ պարզվել է, որ այն կազմվել է 10.05.2023 թվականին՝ ժամը 04:10-ին, զննության է ներկայացվել Նարեկ Սիմոնի Շախնազարյանը: Թիվ 174 բուժհաստատության կողմից վարորդի սթափության վիճակի զննության արձանագրության պատճենի զննությամբ պարզվել է, որ Կախվածությունների բուժման ազգային կենտրոնրում՝ 10.05.2023 թվականին՝ ժամը 04:30-ին, նարեկ Սիմոնի Շախնազարյանը հրաժարվել է ցանկացած տեսակի հետազոտություններից: ՀՀ ՆԳՆ հաշվառման-քննական ծառայությունների մատուցման, թույլտվությունների և լիցենզավորման վարչության Երևանի հաշվառման-քննական բաժնից ստացված գրությունների զննությամբ պարզվել է, որ Նարեկ Սիմոնի Շախնազարյանին 16.08.2013 թվականին հատկացվել է «BC» կարգերի տրանսպորտային միջոցներ վարելու «MB955673» վարորդական իրավունքի վկայականը, որի կարգավիճակը 29.03.2017 թվականին ուժը կորցրած է ճանաչվել՝ թմրաբանական բժշկական հաստատություններում հաշվառված անձանց ցանկում առողջական վիճակի հետ կապված 17.02.2017 թվականից հաշվառված լինելու հիմքով: Զննությամբ, ցանկում հայտնաբերվեց Նարեկ Սիմոնի Շախնազարյանի անվանումը: ՀՀ ՆԳՆ ՃՈ էլեկտրոնային ռեգիստրից Նարեկ Սիմոնի Շախնազարյանի վերաբեյալ արտատպված տվյալների զննությամբ պարզվել է, որ վերջինիս անվամբ առկա է «MB955673» վարորդական իրավունքի վկայական, որն ուժը կորցրած է (տե´ս դատական նիստի արձանագրություն, քրեական գործ 65-66-րդ թերթեր):
Արտավարութային փաստաթուղթ ճանաչված 17.02.2024 թվականին կազմված ստուգաչափման կտրոնով, թիվ 102345 ստուգաչափման վկայականի պատճենը, ՀՀ ՆԳՆ ոստիկանության պարեկային ծառայության պարեկ Իսպիր Հրայրի Աղաջանյանի զեկուցագիրը, թիվ 8180267779 վարչական իրավախախտման վերաբերյալ արձանագրության պատճենը, 12.01.2024 թվականին կազմված ստուգաչափման կտրոնի պատճենը, թիվ 110939 ստուգաչափման վկայականի պատճենը, թիվ 8180252751 վարչական իրավախախտման վերաբերյալ արձանագրության պատճենը, թիվ 001215 վարորդի սթափության վիճակի զննության ուղեգրի պատճենը, թիվ 174 բուժհաստատության կողմից վարորդի սթափության վիճակի զննության արձանագրության պատճենը, ՀՀ ՆԳՆ հաշվառման-քննական ծառայությունների մատուցման, թույլտվությունների և լիցենզավորման վարչության Երևանի հաշվառման- քննական բաժնից ստացված գրությունները և ՀՀ ՆԳՆ ՃՈ էլեկտրոնային ռեգիստրից Նարեկ Սիմոնի Շախնազարյանի վերաբեյալ արտատպված տվյալները։(տե´ս դատական նիստի արձանագրություն, քրեական գործ 67-70-րդ թերթեր):
Ն․Շախնազարյանի դատավածության վերաբերյալ տեղեկանքը, որի համաձայն Ն․Շախնազարյանը նախկինում դատապարտված չի եղել (տե´ս դատական նիստի արձանագրություն):
Ծննդի պետական գրանցման մասին ակտերը, որոնց համաձայն՝ Հայկ Նարեկի Շախնազարյան ծնվել է 2020 թվականի հունվարի 13-ին-ին, Մոնթե Նարեկի Շախնազարյանը ծնվել է 2017 թվականի հոկտեմբերի 24-ին։(տե´ս դատական նիստի արձանագրություն, քրեական գործ, 99-100-րդ թերթ)։


3.Դատարանի իրավական վերլուծությունները
Դատարանը, վերլուծելով մեղադրյալ Ն․Շախնազարյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Նարեկ Սիմոնի Շախնազարյանը, չունենալով տրանսպորտային միջոցներ վարելու իրավունք, 2023 թվականի մայիսի 10-ին՝ ժամը 02:45-ի սահմաններում, Երևան քաղաքի Բագրատունյաց պողոտայում վարել է «Կիա» մակնիշի 37 RC 891 հաշվառման համարանիշի ավտոմեքենան և հրաժարվել է սթափության վիճակի զննություն անցնելուց, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակիցների կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180252751 արձանագրությունը: Բացի այդ՝ Նարեկ Սիմոնի Շախնազարյանը, չունենալով տրանսպորտային միջոցներ վարելու իրավունք, 2024 թվականի հունվարի 12-ին՝ ժամը 03:20-ի սահմաններում, Երևան քաղաքի Մարգարյան փողոցում, ոչ սթափ վիճակում՝ 0,3015 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ ±10), վարել է «Հյունդայի» մակնիշի 37 VX 610 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակիցների կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180267779 արձանագրությունը: Բացի այդ, Նարեկ Սիմոնի Շախնազարյանը, չունենալով տրանսպորտային միջոցներ վարելու իրավունք, 2024 թվականի փետրվարի 17-ին՝ ժամը 03:15-ի սահմաններում, Երևան քաղաքի Իսակովի պողոտայում, ոչ սթափ վիճակում՝ 0,4716 մգ/լ պարունակությամբ՝ ալկոհոլ օգտագործած (հաշվի առնելով ստուգաչափման սարքի սխալանքը` +10), վարել է «Հյունդայի» մակնիշի 37 VX 610 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայության աշխատակիցների կողմից, և ինչի կապակցությամբ ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Իսպիր Աղաջանյանի կողմից 17.02.2024 թվականի՝ կազմվել է համապատասխան զեկուցագիր:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Ն․Շախնազարյանի կողմից ոչ սթափ վիճակում տրանսպորտային միջոց վարելը տրանսպորտային միջոց վարելու իրավունք չունենալու պայմաններում, այդ արարքն ապացուցված է, ճիշտ է որակված և համապատասխանում է 3 դրվագ ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա։
Այսպես` Դատարանը մեղադրյալ Ն․Շախնազարյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ն․Շախնազարյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Ն․Շախնազարյանի անձը բնութագրող տվյալ հաշվի է առնում այն, որ նակինում դատապարտված չի եղել։
Դատարանը, ղեկավարվելով ՀՀ քրեական օրենսգրքի 70-րդ հոդվածի 1-ին մասի 4-րդ կետով, որպես մեղադրյալ Ն․Շախնազարյանի պատասխանատվությունն ու պատիժը մեղմացնող հանգամանք հաշվի է առնում այն, որ նրա խնամքին է երկու անչափահաս երեխան՝ Հայկ Նարեկի Շախնազարյան ծնվել է 2020 թվականի հունվարի 13-ին-ին, Մոնթե Նարեկի Շախնազարյանը ծնվել է 2017 թվականի հոկտեմբերի 24-ին։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Ն․Շախնազարյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքների համար:
Դատարանը, արձանագրում է, որ մեղադրյալ Ն․Շախնազարյանի պատասխանատվությունն ու պատիժը ծանրացնող հանգամանքներ առկա չեն:
Դատարանը գտնում է, որ կատարած արարքների համար մեղադրյալ Ն․Շախնազարյանը ենթակա է պատժի:
Դատարանը, հաշվի առնելով մեղադրյալ Ն․Շախնազարյանի կատարած արարքների՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Ն․Շախնազարյանն իր կատարած 3 դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով՝ ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով, 344-րդ հոդվածի 2-րդ մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով և 344-րդ հոդվածի 2-րդ մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Նարեկ Սիմոնի Շախնազարյանի նկատմամբ վերջնական պատիժ նշանակել տուգանք՝ 1․125․000 (մեկ միլիոն հարյուր քսանհինգ հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 112․500 (հարյուր տասերկու հազար հինգ հարյուր) ՀՀ դրամի չափով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ն․Շախնազարյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 464․1-րդ-464․5-րդ հոդվածներով` Դատարանը

Վ Ճ Ռ Ե Ց

Նարեկ Սիմոնի Շախնազարյանին մեղավոր ճանաչել 3 դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված արարքների կատարման մեջ և նրա նկատմամբ պատիժ նշանակել․
ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Նարեկ Սիմոնի Շախնազարյանի նկատմամբ վերջնական պատիժ նշանակել տուգանք՝ 1․125․000 (մեկ միլիոն հարյուր քսանհինգ հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 112․500 (հարյուր տասերկու հազար հինգ հարյուր) ՀՀ դրամի չափով։
Նարեկ Սիմոնի Շախնազարյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ