ԵԴ1/3764/01/24






Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ ՎԱՐՈՒՅԹԸ
ԿԱՐՃԵԼՈՒ ՄԻՋՆՈՐԴՈՒԹՅՈՒՆԸ ՔՆՆՈՒԹՅԱՆ
ԱՌՆԵԼՈՒ ՄԱՍԻՆ

19 մայիսի 2025թ. ք. Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ Դատարան), նախագահությամբ դատավոր՝ Տիգրան Ոսկանյանի, քարտուղարությամբ՝ Ս.Բադալյանի, մասնակցությամբ՝ մեղադրյալ Լ.Աբրահամյանի, դռնբաց դատական նիստում քննության առնելով մեղադրյալ Լենսեր Հայկի Աբրահամյանի (ծնված՝ 12.12.1993 թվականին, ազգությամբ հայ, ՀՀ քաղաքացի, միջնակարգ կրթությամբ, չամուսնացած, ենթադրյալ հանցանքները կատարելու ժամանակ դատվածություն չունեցող, հաշվառված և փաստացի բնակվող՝ ք.Երևան, Գայի պողոտա, 39 շենք, 27 բնակարան հասցեում) նկատմամբ 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով իրականացվող քրեական հետապնդումը դադարեցնելու և թիվ ԵԴ1/3764/01/24 քրեական գործի վարույթը կարճելու մեղադրյալի միջնորդությունը,

Պ Ա Ր Զ Ե Ց
2024 թվականի հուլիսի 01-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնում նախաձեռնվել է թիվ 17113624 քրեական վարույթը:
2024 թվականի հուլիսի 01-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Մ.Ղահրամանյանի որոշմամբ՝ թիվ 17113624 քրեական վարույթով «Հայփոստ» ՓԲ ընկերությունը ճանաչվել է տուժող:
2024 թվականի հուլիսի 18-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Մ.Ղահրամանյանի որոշմամբ՝ թիվ 17113624 քրեական վարույթով տուժող ճանաչված «Հայփոստ» ՓԲ ընկերության լիազոր ներկայացուցիչ է ճանաչվել Սերգեյ Թադևոսյանը։
2024 թվականի մայիսի 23-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնում նախաձեռնվել է թիվ 17069324 քրեական վարույթը:
2024 թվականի մայիսի 23-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17069324 քրեական վարույթով «Հայփոստ» ՓԲ ընկերությունը ճանաչվել է տուժող:
2024 թվականի հունիսի 10-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17069324 քրեական վարույթով տուժող ճանաչված «Հայփոստ» ՓԲ ընկերության լիազոր ներկայացուցիչ է ճանաչվել Անահիտ Խաչատրյանը։
2024 թվականի օգոստոսի 14-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17069324 քրեական վարույթով դեպքի վայրից վերցված 80x77մմ կողային չափերով թափանցիկ դակտոժապավենի կպչուն մակերեսի վրա արտատպված 4 ձեռքի հետքերից ձախից չորրորդ ձեռքի ափի հետքը՝ փաթեթավորված մեկ փաթեթում և կնիքված ՀՀ ՆԳՆ ՓՔՎ փորձագետի թիվ 77 ուղղանկյունաձև կնիքով ճանաչվել է որպես իրեղեն ապացույց։
2024 թվականի հոկտեմբերի 10-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17113624 քրեական վարույթը միացվել է թիվ 17069324 քրեական վարույթին և նախաքննությունը շարունակվել է թիվ 17113624 քրեական վարույթի համարի ներքո։
2024 թվականի նոյեմբերի 19-ին՝ Երևան քաղաքի Ավան և Նոր Նորք վարչական շրջանների դատախազության ավագ դատախազ Ա.Մեժլումյանի որոշմամբ՝ թիվ 17113624 քրեական վարույթով Լենսեր Հայկի Աբրահամյանի նկատմամբ 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով հարուցվել է հանրային քրեական հետապնդում:
2024 թվականի նոյեմբերի 20-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17113624 քրեական վարույթով մեղադրյալ Լենսեր Հայկի Աբրահամյանի նկատմամբ որպես խափանման միջոց է ընտրվել այլընտրանքային խափանման միջոց բացակայելու արգելքը:
2024 թվականի նոյեմբերի 26-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17113624 քրեական վարույթով տուժող ճանաչված «Հայփոստ» ՓԲ ընկերության լիազոր ներկայացուցիչ է ճանաչվել Սերգեյ Թադևոսյանը։
2024 թվականի նոյեմբերի 26-ին՝ ՀՀ քննչական կոմիտեի Երևան քաղաքի քննչական վարչության Երևան քաղաքի Ավան և Նոր Նորք վարչական շրջանների քննչական բաժնի քննիչ Ա.Հակոբյանի որոշմամբ՝ թիվ 17113624 քրեական վարույթով իրեղեն ապացույց են ճանաչվել՝ դեպքի վայր հանդիսացող Երևան քաղաքի Նանսենի փողոցի 10-րդ հասցեում գործող «Հայփոստ» ՓԲ ընկերության փոստային բաժանմունքից վերցված 90x37մմ կողային չափերով թափանցիկ դակտոժապավենի վրա արտատպված հինգ ձեռքերի հետքերից ձախից առաջին, երկրորդ մատնահետքերը՝ փաթեթավորված մեկ փաթեթում և կնիքված ՀՀ ՆԳՆ ՓՔՎ փորձագետի թիվ 37 և թիվ 43 ուղղանկյունաձև կնիքներով, դեպքի վայր հանդիսացող Երևան քաղաքի Նանսենի փողոցի 10-րդ հասցեում գործող «Հայփոստ» ՓԲ ընկերության փոստային բաժանմունքից վերցված պլաստմասե թափանցիկ արկղը` փաթեթավորված և կնիքված ՀՀ ՔԿ քննիչի թիվ 156 համարի կլոր կնիքի դրոշմաթղթով, ինչպես նաև Լենսեր Հայկի Աբրահամյանի հաշվառման և բնակության վայրում՝ Երևան քաղաքի Գայի պողոտայի 39-րդ շենքի 27-րդ բնակարանում կատարված խուզարկության արդյունքում հայտնաբերված և վերցված «BOSS» գրառումով սպորտային սև գույնի կոշիկները, սպորտային սև գույնի անթև բաճկոնը, «DIOR» գրառումներով սպորտային մոխրագույն տաբատը և նույն գրառումներով երկարաթև սպորտային մոխրագույն գույնի վերնահագուստը, «DAVID JONES» գրառումով սև գույնի պայուսակը, կարմիր գույնի պլաստմասե բռնակով երկաթյա պտուտակահանը, «GUCCI գրառումով մոխրագույն գունի հովարավոր գլխարկը և «A X ARMANI EXCHANGE» գրառումով մոխրագույն գունի հովարավոր գլխարկը` փաթեթավորված թվով 7 փաթեթում և կնիքված ՀՀ ՔԿ քննիչի թիվ 156 համարի կլոր կնիքի դրոշմաթղթով։
Թիվ 17113624 քրեական վարույթի նյութերն ըստ մեղադրանքի Լենսեր Հայկի Աբրահամյանի՝ 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով, 2024 թվականի դեկտեմբերի 16-ի գրությամբ Երևան քաղաքի Ավան և Նոր Նորք վարչական շրջանների դատախազությունից ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 16.12.2024 թվականին և նույն օրն էլ համակարգչային ծրագրի միջոցով իրականացվող գործերի բաշխմամբ, գործը մակագրվել է դատավոր Տիգրան Ոսկանյանին:
Քրեական գործին շնորհվել է թիվ ԵԴ1/3764/01/24 համարը:
Քրեական գործը դատավորին հանձնվել է 2024 թվականի դեկտեմբերի 17-ին։
2024 թվականի դեկտեմբերի 20-ին որոշում է կայացվել Լենսեր Հայկի Աբրահամյանի վերաբերյալ 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով թիվ ԵԴ1/3764/01/24 քրեական գործը վարույթ ստանձնելու և նախնական դատալսումների նշանակելու մասին:
Լենսեր Հայկի Աբրահամյանի նկատմամբ հանրային քրեական հետապնդում է հարուցվել 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով այն բանի համար, որ նա «2024 թվականի հուլիսի 1-ին՝ ժամը 03:37-ի սահմաններում, ուրիշի գույքը գաղտնի ապօրինի իրենը դարձնելու ուղղակի դիտավորությամբ, գույքի պահպանման համար նախատեսված կառույցը վնասելով, այն է շինության մուտքի դուռը քաշել-հրելու միջոցով կոտրելով, մուտք է գործել Երևան քաղաքի Նանսենի փողոցի 10 հասցեում գտնվող «Հայփոստ» ՓԲ ընկերությանը պատկանող թիվ 0056 փոստային բաժանմունք, որտեղ իր մոտ առկա հարմարեցված գործիքով՝ պտուտակահանով կոտրել է աշխատասեղանին ամրացված զինվորների հանգանակության համար նախատեսված արկղը և այնտեղից գաղտնի հափշտակել է մոտ 15.000 ՀՀ դրամից 20.000 ՀՀ դրամի մետաղադրամներ և թղթադրամներ «Հայփոստ» ՓԲ ընկերությանը պատճառելով նույնքան գույքային վնաս։
Բացի այդ, Լենսեր Հայկի Աբրահամյանը 2024 թվականի մայիսի 23-ին՝ ժամը 03:32-ի սահմաններում, ուրիշի գույքը գաղտնի ապօրինի իրենը դարձնելու ուղղակի դիտավորությամբ, գույքի պահպանման համար նախատեսված կառույցը վնասելով, այն է՝ շինության մուտքի դռանը ոտքով հարվածելու միջոցով կոտրելով, մուտք է գործել Երևան քաղաքի Բակունցի փողոցի 4 հասցեում գտնվող «Հայփոստ» ՓԲ ընկերությանը պատկանող թիվ 0076 փոստային բաժանմունք, իր մոտ առկա բազմաֆունկցիոնալ գործիքով կոտրել է աշխատասեղանին ամրացված՝ զինվորների հանգանակության համար նախատեսված արկղը և այնտեղից գաղտնի հափշտակել է մոտ 15,000 ՀՀ դրամից 20,000 ՀՀ դրամի մետաղադրամներ և թղթադրամներ՝ «Հայփոստ» ՓԲ ընկերությանը պատճառելով նույնքան գույքային վնաս»:
Նախնական դատալսումների ընթացքում ՀՀ քրեական դատավարության 311-րդ հոդվածի 1-ին մասով նախատեսված հարցերի քննարկման ժամանակ մեղադրյալ Լ.Աբրահամյանը միջնորդեց տուժողի հետ հաշտության հիմքով իր նկատմամբ իրականացվող քրեական հետապնդումը դադարեցնել և գործի վարույթը կարճել:
Դատարանում ստացվել է պաշտպան Տ․Հակոբյանի, տուժող «Հայփոստ» ՓԲ ընկերության լիազոր ներկայացուցիչ Ս․Թադևոսյանի և հանրային մեղադրող Ա․Մեժլումյանի դիմումները, համաձայն որոնց՝
-պաշտպան Տ․Հակոբյանը հայտնել է, որ սույն գործով մեղադրյալ Լենսեր Աբրահամյանի և տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնություն, մեղադրյալի կողմից փոխհատուցվել է տուժողին պատճառված ամբողջ վնասը, ուստի ղեկավարվելով ՀՀ քրեական դատավորության օրենսգրքի և ՀՀ քրեական օրենսգրքի 82-րդ հոդվածի պահանջներով Դատարանին խնդրել է մեղադրյալ Լենսեր Աբրահամյանի նկատմամբ քրեական հետապնդումը դադարեցնել և քրեական գործի վարույթը կարճել,
-տուժող «Հայփոստ» ՓԲ ընկերության լիազոր ներկայացուցիչ Սերգեյ Թադևոսյանը հայտնել է, որ սույն գործով մեղադրյալը վերականգնել է տուժողի գույքային վնասը և ընկերությունը բողոք և պահանջ չունի և համաձայն ՀՀ քրեական օրենսգրքի 82-րդ հոդվածի՝ ընկերության և Լենսեր Հայկի Աբրահամյանի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնություն,
-հանրային մեղադրող Ա․Մեժլումյանը Դատարանին ուղղված իր դիմումով նշել է, որ տեղեկացված է տուժող կողմի հետ առկա հաշտության համաձայնության վերաբերյալ և հաշվի առնելով ՀՀ քրեական օրենսգրքի 82-րդ հոդվածով նախատեսված կարգավորումները, առարկություն չունի, որ մեղադրյալի նկատմամբ քրեական հետապնդումը դադարեցվի։
ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի համաձայն՝
«Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից»:
ՀՀ քրեական օրենսգրքի 82-րդ հոդվածի համաձայն՝
«1. Եթե անձն առաջին անգամ է հանցանք կատարել, ապա ազատվում է քրեական պատասխանատվությունից, եթե նրա կատարած արարքը ոչ մեծ կամ միջին ծանրության հանցանք է, և նրա ու տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնությունը, բացառությամբ այն դեպքերի, երբ կատարված հանցանքում առկա են ընտանիքում բռնության հատկանիշներ:
(...)»:
Նույն օրենսգրքի 254-րդ հոդվածի համաձայն՝
«1. Գողությունը՝ գաղտնի հափշտակությունը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
2. Գողությունը, որը կատարվել է՝
(...)
3) տեխնիկական միջոցի, հատուկ հարմարեցված սարքավորման կամ այլ առարկայի կամ միջոցի գործադրմամբ կամ այլ եղանակով գույքի պաշտպանության կամ պահպանման համար նախատեսված սարքավորումը, համակարգը, կառույցը կամ այլ միջոցը ոչնչացնելով, վնասելով կամ շրջանցելով կամ
(...)
պատժվում է տուգանքով` քսանապատիկից հիսնապատիկի չափով, կամ հանրային աշխատանքներով՝ հարյուր հիսունից երկու հարյուր յոթանասուն ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ` երկուսից հինգ տարի ժամկետով:»:
Նույն օրենսգրքի 17-րդ հոդվածի 3-րդ մասի համաձայն՝
«3. Միջին ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 5 տարի ժամկետով ազատազրկումը:»:
ՀՀ քրեական դատավարության օրենսգրքի 311-րդ հոդվածի 1-ին մասի 3-րդ կետի համաձայն՝
«1. Նախնական դատալսումների ընթացքում սույն հոդվածով սահմանված հաջորդականությամբ դատարանը քննարկման առարկա է դարձնում՝
(…) 3) քրեական հետապնդումը դադարեցնելու կամ վարույթը կարճելու հարցը.»:
Նույն օրենսգրքի 315-րդ հոդվածի 1-ին մասի համաձայն` սույն օրենսգրքի 12-րդ հոդվածի 1-ին մասի 3-14-րդ կետերով նախատեսված որևէ հանգամանքի առկայության դեպքում, երբ դա հնարավոր է առանց ապացույցների հետազոտման, դատարանը որոշում է կայացնում քրեական հետապնդումը դադարեցնելու և վարույթը կարճելու մասին: Եթե քրեական հետապնդումը բացառող հանգամանքը վերաբերում է մեղադրյալներից մեկին, ապա քրեական հետապնդումը դադարեցվում է միայն նրա նկատմամբ՝ առանց վարույթը կարճելու:
Անդրադառնալով սույն քրեական վարույթի փաստական հանգամանքներին՝ Դատարանն արձանագրում է, որ մեղադրյալի և տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնություն, համաձայն ՀՀ ՆԳՆ ոստիկանության ինֆորմացիոն կենտրոնի օպերատիվ տեղեկատու քարտադարանից Լենսեր Հայկի Աբրահամյանի վերաբերյալ ստացված ձև 8 տեղեկանքի՝ վերջինս ենթադրյալ հանցանքները կատարելու պահին հանդիսացել է դատվածություն չունեցող անձ, Լենսեր Հայկի Աբրահամյանին մեղսագրվում է միջին ծանրության հանցանքի կատարում, ուստի Դատարանը գտնում է, որ Լենսեր Հայկի Աբրահամյանի նկատմամբ 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով քրեական հետապնդումը պետք է դադարեցնել և թիվ ԵԴ1/3764/01/24 քրեական գործի վարույթը կարճել՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի հիմքով:
ՀՀ քրեական դատավարության օրենսգրքի 315-րդ հոդվածի 2-րդ մասի համաձայն` քրեական հետապնդումը դադարեցնելու մասին որոշմամբ վերացվում են տվյալ մեղադրյալի նկատմամբ կիրառված հարկադրանքի միջոցները, իսկ վարույթը կարճելու դեպքում` նաև այլ անձանց նկատմամբ կիրառված հարկադրանքի միջոցները: Վարույթը կարճելու մասին որոշմամբ լուծվում է նաև իրեղեն ապացույցների տնօրինման հարցը:
ՀՀ քրեական դատավարության օրենսգրքի 117-րդ հոդվածի 1-ին մասի համաձայն` եթե խափանման միջոցի գործողության ընթացքում փոխվել կամ վերացել են դրա իրավաչափության պայմանները, վարույթն իրականացնող մարմինն իր իրավասության սահմաններում որոշում է կայացնում խափանման միջոցը փոխելու կամ վերացնելու մասին:
Տվյալ դեպքում Դատարանը գտնում է, որ Լենսեր Հայկի Աբրահամյանի նկատմամբ ընտրված խափանման միջոցը` բացակայելու արգելքը, պետք է վերացնել:
Անդրադառնալով իրեղեն ապացույցների տնօրինման հարցին՝ Դատարանը գտնում է, որ իրեղեն ապացույց ճանաչված՝ 80x77մմ կողային չափերով թափանցիկ դակտոժապավենի կպչուն մակերեսի վրա արտատպված 4 ձեռքի հետքերից ձախից չորրորդ ձեռքի ափի հետքը՝ փաթեթավորված մեկ փաթեթում և կնիքված ՀՀ ՆԳՆ ՓՔՎ փորձագետի թիվ 77 ուղղանկյունաձև կնիքով, 90x37մմ կողային չափերով թափանցիկ դակտոժապավենի վրա արտատպված հինգ ձեռքերի հետքերից ձախից առաջին, երկրորդ մատնահետքերը՝ փաթեթավորված մեկ փաթեթում և կնիքված ՀՀ ՆԳՆ ՓՔՎ փորձագետի թիվ 37 և թիվ 43 ուղղանկյունաձև կնիքներով, ինչպես նաև «Հայփոստ» ՓԲ ընկերության փոստային բաժանմունքից վերցված պլաստմասե թափանցիկ արկղը` փաթեթավորված և կնիքված ՀՀ ՔԿ քննիչի թիվ 156 համարի կլոր կնիքի դրոշմաթղթով և կարմիր գույնի պլաստմասե բռնակով երկաթյա պտուտակահանը պետք է ոչնչացնել, իսկ իրեղեն ապացույց ճանաչված՝ Լենսեր Հայկի Աբրահամյանի հաշվառման և բնակության վայրում՝ Երևան քաղաքի Գայի պողոտայի 39-րդ շենքի 27-րդ բնակարանում կատարված խուզարկության արդյունքում հայտնաբերված և վերցված «BOSS» գրառումով սպորտային սև գույնի կոշիկները, սպորտային սև գույնի անթև բաճկոնը, «DIOR» գրառումներով սպորտային մոխրագույն տաբատը և նույն գրառումներով երկարաթև սպորտային մոխրագույն գույնի վերնահագուստը, «DAVID JONES» գրառումով սև գույնի պայուսակը, «GUCCI գրառումով մոխրագույն գունի հովարավոր գլխարկը և «A X ARMANI EXCHANGE» գրառումով մոխրագույն գունի հովարավոր գլխարկը` փաթեթավորված թվով 7 փաթեթում և կնիքված ՀՀ ՔԿ քննիչի թիվ 156 համարի կլոր կնիքի դրոշմաթղթով պետք է վերադարձնել մեղադրյալ Լենսեր Հայկի Աբրահամյանին։
Ելնելով վերոգրյալից և ղեկավարվելով ՀՀ քրեական օրենսգրքի 82-րդ և ՀՀ քրեական դատավարության օրենսգրքի 12-րդ, 33-րդ, 311-րդ, 315-րդ հոդվածներով, Դատարանը՝

Ո Ր Ո Շ Ե Ց
Միջնորդությունը բավարարել:
Լենսեր Հայկի Աբրահամյանի նկատմամբ 2 դրվագ ՀՀ քրեական օրենսգրքի 254-րդ հոդվածի 2-րդ մասի 3-րդ կետով քրեական հետապնդումը դադարեցնել և թիվ ԵԴ1/3764/01/24 քրեական գործի վարույթը կարճել՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի, այն է՝ Հայաuտանի Հանրապետության քրեական oրենuգրքի 82-րդ հոդվածի 1-ին մասի ուժով քրեական պատաuխանատվությունից ազատման ենթակա լինելու հիմքով:
Լենսեր Հայկի Աբրահամյանի նկատմամբ ընտրված բացակայելու արգելք խափանման միջոցը՝ վերացնել:
Իրեղեն ապացույց ճանաչված՝ 80x77մմ կողային չափերով թափանցիկ դակտոժապավենի կպչուն մակերեսի վրա արտատպված 4 ձեռքի հետքերից ձախից չորրորդ ձեռքի ափի հետքը, 90x37մմ կողային չափերով թափանցիկ դակտոժապավենի վրա արտատպված հինգ ձեռքերի հետքերից ձախից առաջին, երկրորդ մատնահետքերը, «Հայփոստ» ՓԲ ընկերության փոստային բաժանմունքից վերցված պլաստմասե թափանցիկ արկղը, կարմիր գույնի պլաստմասե բռնակով երկաթյա պտուտակահանը ոչնչացնել, իսկ իրեղեն ապացույց ճանաչված՝ «BOSS» գրառումով սպորտային սև գույնի կոշիկները, սպորտային սև գույնի անթև բաճկոնը, «DIOR» գրառումներով սպորտային մոխրագույն տաբատը և նույն գրառումներով երկարաթև սպորտային մոխրագույն գույնի վերնահագուստը, «DAVID JONES» գրառումով սև գույնի պայուսակը, «GUCCI գրառումով մոխրագույն գունի հովարավոր գլխարկը և «A X ARMANI EXCHANGE» գրառումով մոխրագույն գունի հովարավոր գլխարկը վերադարձնել մեղադրյալ Լենսեր Հայկի Աբրահամյանին։
Որոշումը կարող է բողոքարկվել ՀՀ վերաքննիչ քրեական դատարան` ստանալու պահից մեկամսյա ժամկետում:

ԴԱՏԱՎՈՐ ՏԻԳՐԱՆ ՈՍԿԱՆՅԱՆ